Ar Jerbal in Kwalok Nan—Ej Kwalok Ar Yokwe Anij
1. Yokwe eo an Jisõs ñõn Anij ear kamõkit e ñõn kõmõn ta?
1 Yokwe ear kamõkit Jisõs ñõn kõmõne jerbal in kwalok nan eo an. Men otemjej Jisõs ear kõmõni ilo jerbal in kwalok nan eo an ear kamol yokwe eo an ñõn Jeova. Jisõs ear ba: “A bwe lõl en jela bwe Ña Ij yokwe Jema; im einwõt Jema e ar letok kien ñõn Iõ, ein drein Ij kõmõn.” (Jon 14:31) Einwõt dri kalor ro im rej anõke jenkwon ne ko neen Jisõs, kij bareinwõt eor ar jerammõn in kwalok yokwe eo ar emulõl ñõn Anij ilo ar kwalok nan.—Matu 22:37; Ep. 5:1, 2.
2. Ewi wãwen yokwe eo ar ñõn Jeova ej jelet jerbal in kwalok nan eo ar?
2 “En Kwojarjar Etõm”: Ñe jej kwalok ar kijejeto im kortokjen aolep ien ko rebellok ñõn kennanek ro jet kin Jeova im karõk in Ailiñ eo an, jej kwalok yokwe eo ar ñõn Anij im, ilo wãwen in, jej kokwojarjar etan. (Sam. 83:18; Ezek. 36:23; Matu 6:9) Einwõt kar Jisõs ilo jerbal in kwalok nan eo an, jerbal in kwalok nan eo ar ej kwalok wõt kõnan eo ar bwe en kwojarjar etan Jeova im bwe ren kõmõnmõn ankilan.—Matu 26:39.
3. Ewi wãwen yokwe eo ar ñõn Jeova ej jibõñ kij ñõn anjo ion abañ ko?
3 Yokwe Ej Kamõkit Kij ñõn Anjo ion Abañ Ko: Ar yokwe Jeova ej laplok jen aolep abañ ko. (1 Kor. 13:4, 7) Jisõs ear jelmaik elõñ abañ ko ilo an mour im ren kar maroñ bõprae e jen an kõmõne jerbal in kwalok nan eo an. Bõtab, ke ear ion abañ ko, yokwe eo an elap im kõnan eo an ñõn kõmõnmõn ankil an Jeova ear kamaroñe ñõn kijenmij wõt. (Mark 3:21; 1 Pit. 2:18-23) Jej bareinwõt ion elõñ abañ ko, im yokwe eo ar ñõn Anij emaroñ jibõñ kij ñõn anjo ioir. Ikijen ar lor joñok eo an Kraist, enaj or ar beran im jejamin ebwer jen ar kajejit jerbal in kwalok nan eo ar. Meñe jumae jen baamle, nañinmij, bwijwõlã, ak an ejelok an armij itoklimo maroñ jelet kij, rejjab kabwijrõk kij jen ar kwalok yokwe ñõn Jeova ilo ar kwalok nan ekkar ñõn maroñ ko ar.
4. Ta jerammõn eo jej bõke kin ar yokwe Jeova?
4 Yokwe elap an kajur, im ej juõn jerammõn ñõn ar maroñ kwalok ar yokwe Jeova kin aolepen buruer ilo jerbal in kwalok nan eo ar. (1 Kor. 13:13) Ke emõkõj tok ien eo naj kokwojarjar etan Jeova ñõn in drio, ‘yokwe eo ar en eddreklok im laplok.’—Pil. 1:9, UBS; Matu 22:36-38.