Naj Leto Letak Peba in Kir ñõn Kwojkwoj in Kememej eo Ibelakin Lõl!
1. Ta jerbal eo ejej uan ibelakin lõl emwij karõke mokta jen ien Kwojkwoj in Kememej eo?
1 “Komin kõmõn men in ilo ememej Iõ.” (Luk 22:19) Ilo bokake nan in kaiñi eo an Jisõs, ro rej kabuñ ñõn Jeova renaj kobatok iben ro rej itok limo ilo Maaj 30, 2010, ñõn kememej mij eo an Jisõs. Naj leto letak peba in kir eo ejej uan ibelakin lõl kin Kwojkwoj in Kememej eo jen Maaj 13 ñõn Maaj 30.
2. En ewi wãwen ar maroñ lelok peba in kir in?
2 Wãwen Kõmõne: Lelok juõn peba in kir ñõn dri mweo bwe en lo pija eo, inem kwon ba: “Ilo joten in Maaj 30, elõñ million armij ro ibelakin lõl renaj kwelok iben dron ñõn kememej mij eo an Jisõs. Ij itok im bõktok peba in kir in ñõn yuk im baamle eo am bwe komin itok. Ro mõtõm rej bar ruwainene ñõn air itok. Joij im lale auõ eo im jikin eo kwojkwoj in enaj walok.” Joij im lale auõ im jikin eo kwojkwoj in enaj walok ie. Elañe ekkar, kwomaroñ riiti Luke 22:19 ñõn kalikar kien eo jen Baibel ñõn kõmõne kwojkwoj in. Kememej bwe edrik ien ñõn ar kõtõbar aolep ilo jikin ko jej kwalok nan ie, inem en jab aitok ar bwebwenato.
3. Wõn ro jemaroñ kir ir?
3 Elañe elap jikin eo kwoj kwalok nan ie ilo congregation eo am, elder ro remaroñ ba bwe komin likit peba in kir ko ilo moko im ejoko armij ro ie jen jinoin ami etal. Ñe emõn, lelok magazine ko iben peba in kir eo. Jab meloklok in kir ro kwoj bar jeblak ibeir, dri katak Baibel ro am, dri jerbal ro mõtõm, dri jikuul ro mõtõm, ro nukõm, ro dri turõm, im ro jet im kwo jela kajeir.
4. Ar kamolol kin yokwe eo an Jeova kin an letok binmour eo enaj kamakõt kij ñõn kõmõn ta?
4 Pojõk ñõn Kalaplok ijo Kwonam: Ien Kwojkwoj in Kememej eo ej juõn ien emõn ñõn kalaplok ar jerbal. Kwomaroñ ke ukot lajrõk in am jerbal ñõn am maroñ auxiliary pioneer? Eor ke ro nejõm ak ro kwoj katak ibeir im emõn air wõnmanlok ilo mour in jitõb? Elañe eindrein, kwon kebake elder ro bwe ren lale elañe rein rekãl rej tellokin ñõn bõk kwonair einwõt dri kwalok ro rejañin baptais. Ar kamolol kin yokwe eo an Jeova kin an letok binmour eo enaj kamakõt kij bwe jen ber ilo Kwojkwoj in Kememej eo im bareinwõt ñõn kir aolep ro jemaroñ ñõn kobatok iber ilo ien in.—Jon 3:16.