Iien Kũrtok Armej ro ñan Kwõjkwõj eo Enaaj Jino ilo M̦aaj 22
Ilo naaj Jãdede M̦aaj 22, jenaaj jino kũrtok armej ro ñan iien Kwõjkwõj eo. Jej rõjañ aolep ri kwal̦o̦k naan ro bwe ren bõk kun̦aaer ilo men in. Ñe jej leto letak peba in kũr eo ilo raan in Jãdede im Jabõt, jemaroñ bar lel̦o̦k Naan in Keeañ eo an allõñ eo, el̦aññe jej kile bwe ekkar. Ilo naaj Jãdede eo m̦oktata ilo allõñ in Eprõl̦, ijello̦kun ad jino katak Baibõl̦ ippãn armej ro, jenaaj kate kõj ñan kũrtok er ñan iien Kwõjkwõj eo. Bõtab, el̦aññe jej iioone juon armej me ej itoklimo, jemaroñ kajjioñ jino katak Baibõl̦ ippãn. Eo me ej loloorjake jerbal in kwal̦o̦k naan ilo eklejia eo enaaj kõm̦m̦ane pepe eo el̦aññe ekkar bwe jen kwal̦o̦k naan ilo̦bwilej, itõrerein ial̦ ko, ak ilo jikin ko jet me elõñ armej ie. Enaaj kõm̦m̦ane pepe in el̦aññe ej kile bwe enaaj jipañ eklejia eo ñan tõpar elõñ armej. Jen je etan armej ro kiiõ me jekõn̦aan kũrtok er ñan iien kwõjkwõj eo. Emaroñ etan ro nukũd, ro ilo jikin jerbal ko ad, ro jej jikuul̦ ippãer, im armej ro me jej jepl̦aak ippãer. Im ñe ej iien leto letak peba in, jemaroñ bõkl̦o̦k aer. Jej kõjatdikdik bwe elõñ armej renaaj kobatok ippãd ilo ad keememej joñan an Jeova Anij im Jijej Kũraij yokwe kõj.—Jon 3:16; 15:13, UBS.