Karwaineneik Er!

1. Iien ta eo epel̦l̦o̦k im em̦m̦an ñan ad kwal̦o̦k naan ñan armej ro, im etke?

¹ Iien Kwõjkwõj eo ej juon iien epel̦l̦o̦k ñan ad kwal̦o̦k naan ñan armej ro, im ejjel̦o̦k juon iien em̦m̦anl̦o̦k jãn iien in. Ilo iiõ in, jej kõtmãne bwe elõñl̦o̦k jãn 10 milien armej ro renaaj kobatok ippãd ilo Iien Kwõjkwõj eo. Rein renaaj roñjake im katak kõn yokwe eo el̦ap an Jeova im Jijej ikijjeen an kar Jijej katok kõn mour eo an. (Jon 3:​16; 15:​13) Renaaj katak kõn jeraam̦m̦an ko remaroñ bũki itok wõt jãn menin letok in an Jeova. (Ais. 65:​21-23) Bõtab, ejjab armej eo wõt me ej kwal̦o̦k katak eo ilo iien eo enaaj kwal̦o̦k naan ñan armej ro. Enaaj wõr ippãd aolep jeraam̦m̦an eo ñan kwal̦o̦k naan ñan armej ro ikijjeen ad m̦õn̦õn̦õ in karwaineneik er.​​—Rom 16:⁠16.

2. Ta ko jej aikuj kõm̦m̦ani ñan karwaineneik ro rej kobatok ilo Iien Kwõjkwõj eo?

² Em̦m̦an ñe kwõj yokyokwe armej ro im kwal̦o̦k kajjiem̦ ñan er, ijello̦kun am̦ jijet im kõttar wõt an jinoe iien eo. Ro me renaaj kobatok remaroñ mijak im jab jel̦ã ta ko renaaj wal̦o̦k ilo iien in. Ñe jej ettõñdikdik im yokyokwe er, men in enaaj jipañ er bwe en dikl̦o̦k aer mijak. El̦aññe kokõn̦aan jel̦ã ñe juon ear kobatok kõnke ewõr ear lel̦o̦k an peba in kũr, kwõmaroñ kajjitõk el̦aññe ej kab kein kajuon in an kobatok ñan kweilo̦k ko ak el̦aññe ewõr en̦ ejel̦ã kajjien ilo eklejia eo. El̦aññe Iien Kwõjkwõj eo ej wal̦o̦k ilo Im̦õn Kweilo̦k eo, kwõmaroñ jiniete jidik bwe en jel̦ã im mel̦el̦e kõn Im̦õn Kweilo̦k ko ad. Ãlikin katak eo, kwal̦o̦k ñan e bwe kwõm̦õn̦õn̦õ in uwaaki kajjitõk ko an. El̦aññe kwõj ekkaiurir kõnke ewõr bar juon eklejia ej aikuj kõjerbal Im̦õn Kweilo̦k eo, kwõmaroñ ba: “Ikõn̦aan jel̦ã ta l̦õmn̦ak eo am̦ kõn katak eo. Ewõr ke wãween imaroñ tõpar eok?” Innem kõm̦m̦an karõk ñan lol̦o̦k e. Em̦m̦aan ro rej lale eklejia eo rej aikuj kate er ñan rõjañ ri kwal̦o̦k naan ro me eto aer jab kwal̦o̦k naan im rej kab bar kobatok ilo iien in.

3. Etke eaorõk bwe jen kate kõj ñan karwaineneik armej ro renaaj kobatok ilo Iien Kwõjkwõj eo?

³ Ñan elõñ iaan ro im renaaj kobatok, ej kab naaj kein kajuon in aer loe wãween an armej ro doon Anij kwal̦o̦k lañlõñ, aenõm̦m̦an, im bõrokuk jãn wõt an em̦m̦an im aenõm̦m̦an kõtaan eo aer ippãn Anij. (Sam 29:11; Ais. 11:​6-9; 65:​13, 14) Ta ko ro renaaj kobatok ippãd renaaj keememej kõn Iien Kwõjkwõj eo? Eokwe, enaaj alikkar ilo wãween ad karwaineneik er.