Karwaineneik Ro Jaar Kũrtok Er

Ilo naaj M̦aaj 23 raan, jej kõtmãne bwe enaaj wõr joñan in 12 milien ak lõñl̦o̦k ro rekããl renaaj kobatok ilo iien kwõjkwõjin mej eo an Jijej. Enaaj juon iien elukkuun em̦m̦an ñan an rein roñjake an rũkõnono eo kwal̦o̦k kõn menin letok eo an Jeova kõn katok in mour eo an Jijej im kõn jet iaan jeraam̦m̦an ko jenaaj bũki ilo ilju im jekl̦aj! (Ais 11:6-9, UBS; 35:5, 6, UBS; 65:21-23; Jon 3:16, UBS) Bõtab, ejjab rũkõnono eo wõt enaaj bõk kun̦aan ilo iien in eaorõk ak kõj aolep jemaroñ bar bõk kun̦aad ilo ad yokyokwe im karwaineneik ro jaar kũrtok er. (Rom 16:16) Erkein ej jet iaan wãween ko jemaroñ kõm̦m̦ani.

• Ijello̦kun am̦ etal im jijet ijo jikũm̦ im kõttar an iien eo jinoe, kwõmaroñ etal im karwaineneik ro rekããl im ro rej inactive ilo am̦ ettõñdikdik ñan er im yokyokwe er

• Ilo am̦ karwaineneik ro kwaar kũrtok er, kwõmaroñ bar lale el̦aññe ewõr ro rar bar itok jãn wõt an kar juon kũr er ilo iien eo jaar leto letak peba in kũr eo. Ñe ewõr ro rekããl, em̦m̦an kwõn kũrwaj er ñan aer iwõj im jijet iturum̦ im kom maroñ jim̦or lale Baibõl̦ im bokin al eo am̦

• Ãlikin an m̦õj katak eo, kwõn pojak in uwaak jabdewõt iaan kajjitõk ko an ro rar itok. Ñe edik iien ñan am̦ uwaake aolep kajjitõk ko aer kõnke kom̦ij aikuj etal bwe eklejia eo juon en baj kõjerbale im̦õn kweilo̦k eo, kwõn kõm̦m̦an karõk ñan am̦ lol̦o̦k armej eo ilowaan wõt wiik eo. Ñe kwõjjab jel̦ã nõm̦ba in talboon eo an kwõmaroñ ba: “Ikõn̦aan jel̦ã ewi am̦ l̦õmn̦ak kõn kar iien kwõjkwõj in. Ewi wãween imaroñ tõpar eok?”