Karwaineneiktok Er

Jej karwaineneik wõn? Jabdewõt eo ej itok ñan kweilo̦k ko—jãn ro rekããl ñan ro rar bõjrak jãn aer kweilo̦k im kwal̦o̦k naan. (Rom 15:7; Hi 13:2) Emaroñ juon iaan ro jeid im jatid me ej itok jãn bar juon aelõñ, ak juon eo ear bõjrak jãn an kweilo̦k im kwal̦o̦k naan im ej kab kein kajuon an itok ñan kweilo̦k ko ãlikin elõñ iiõ ko remootl̦o̦k. L̦õmn̦ak m̦õk enaaj kar ta eñjake eo am̦ ilo wãween in. Kwõnaaj ke kar lukkuun m̦õn̦õn̦õ ñe kwaar loe aer karwaineneik eok? (Mt 7:12, UBS) Kõn men in kwõn lukkuun kate eok ñan karwaineneik im yokyokwe ro jet m̦okta kab ãlikin kweilo̦k ko. Men in ej kõm̦m̦an bwe en wõr bõrokuk im aenõm̦m̦an im ej bõktok nõbar ñan Jeova. (Mt 5:16) Em̦ool bwe jejjab maroñ bwebwenato ippãn aolep. Bõtab ñe jenaaj kõm̦m̦ane ijo kun̦aad, aolep renaaj m̦õn̦õn̦õ ilo aer kobatoka​—Lale kõmel̦el̦e eo itulal̦.

Jej kwal̦o̦k bwe jej m̦ool ilo ad karwaineneik ro jet el̦aññe jej kõm̦m̦ane aolep iien im jab ilo iien ko wõt rel̦l̦ap ãinwõt iien Kwõjkwõj eo. Ñe ro rekããl rej loe im kile wãween an Kũrjin ro rem̦ool kwal̦o̦k yokwe, men in emaroñ kõm̦m̦an aer nõbar Anij im kobatok ippãd ilo kabuñ eo erreo.​—Jon 13:35.