Kwal̦o̦k Juon Katak Ñe Jej Lel̦o̦k Naan in Keeañ Eo

Elõñ kain katak ko rej wal̦o̦k ilo Naan in Keeañ ko ad. Ijello̦kun ad kwal̦o̦k bwijin kain katak ñe jej kõnono ippãn kajjojo armej, em̦m̦anl̦o̦k ñe jej etale wõt juon katak ñe jej bwebwenato ippãer. El̦aññe jej lale pel̦aakin m̦weo im lale wõn armej ro ie im el̦aññe em̦õj ad kar riiti katak ko ilo Naan in Keeañ eo, enaaj pidodo ad kããlõt juon katak me enaaj em̦m̦an ippãn armej eo. Ñan waanjoñak, el̦aññe jej loe kein iukkure ko an ajri ak juuj ko an ajri ilo m̦oko, jemaroñ kããlõt juon katak me ej kõnono kõn baam̦le. Ñe em̦m̦aan men eo ej pãd im̦weo, jemaroñ kããlõt juon katak me ekkã an em̦m̦aan ro itoklimo kake, bõlen juon katak kõn kien. El̦aññe jej kwal̦o̦k wõt juon katak jãn Naan in Keeañ eo, enaaj pidodo an armej ro mel̦el̦e im keememeje ennaan eo jej bõkl̦o̦ke kõn Aelõñ eo an Anij.