Kwõmaroñ Ke Karõk ñan Jerbal Ippãer?

Ilo elõñ eklejia ko, ewõr jet ri kwal̦o̦k ro me rejjab maroñ kal̦apl̦o̦k kun̦aaer ilo kwal̦o̦k naan kõnke ewõr aer nañinmej ak rej bwijwol̦ãl̦o̦k. (2 Ko. 4:16, UBS) Ñe kwõjel̦ã kõn juon im ej iioone wãween in, kwõmaroñ ke kajjitõk ippãn ñe ekõn̦aan iwõj ippam̦ im katak Baibõl̦ ippãn ri katak eo am̦? El̦aññe ri kwal̦o̦k in ej aikuj pãdwõt ilo m̦weo im̦õn, bõlen kwõmaroñ bõkl̦o̦k ri katak eo am̦ ñan m̦õn ri kwal̦o̦k in ñe em̦m̦an. Ak kwõmaroñ ke karõk jet iien ñan bõk ri kwal̦o̦k in ippam̦ bwe komiro en kwal̦o̦k naan jidik jãn em̦ ñan em̦ ak kõm̦m̦an juon ak ruo jepl̦aak ko? Elõñ lel̦l̦ap im l̦al̦l̦ap ro el̦ap aer jel̦a im imminene ilo jerbal in kwal̦o̦k naan. Kõn men in, ejjab er wõt renaaj bõk kõketak jãn am̦ kate eok ñan jipañ er. Kwe bareinwõt kwõnaaj bõk tokjãn ilo am̦ jerbal ippãer. (Rom 1:12, UBS) Im Jeova enaaj kajeraam̦m̦an eok kõn am̦ kwal̦o̦k yokwe ñan er ilo wãween in.—JK. 19:17; 1 Jon 3:17, 18.