Kũrtok Aolep Armej ilo Teretore eo Am̦ ñan Kwõjkwõj Eo!

Jino jãn Pãpode 27 raan, jenaaj kate kõj joñan wõt ad maroñ ñan kũr jabdewõt ilo bukwõn ko ad bwe ren kobatok ñan Kwõjkwõjin Keememej Mej eo an Kũraij. Bareinwõt, eaorõk bwe jen lukkuun lale ñe armej ro rej itoklimo in roñjake bwe jen kab wõnm̦aanl̦o̦k wõt im bwebwenato ippãer, im tokãlik bar ro̦o̦ll̦o̦k.

KILEN AD KÕM̦M̦ANE

KÕJERBALE NAANIN IJJINO IN

“Kõmij kũr aolep ñan juon iien el̦ap an aorõk me enaaj wal̦o̦k ilo M̦aaj 23 raan. Elõñ milien armej ro jãn ipel̦aakin lal̦ in renaaj bar ippãn doon ñan keememej raan eo Jijej Kũraij ear mej im roñjake juon katak jãn Baibõl̦. Ejjel̦o̦k on̦ãn ñan itok im roñjake katak in me enaaj kwal̦o̦k kõn tokjãn ko rej wal̦o̦k itok wõt jãn an kar Jijej mej kõn kõj. Ilo peba in ej kwal̦o̦k jikin eo im awa eo men in enaaj bõk jikin ie. Jouj im itok ñe kwõmaroñ.”

El̦aññe armej eo eitoklimo . . .

• LEL̦O̦K AN NAAN IN KEEAÑ

  Likũt juon kajjitõk ippãn ñan am̦ bar jepl̦aak.

• KWAL̦O̦K PIJA EO KÕN KWÕJKWÕJ EO

  Likũt juon kajjitõk ippãn ñan am̦ bar jepl̦aak.

Ñe kwõnaaj bar ro̦o̦ll̦o̦k, kwõmaroñ . . .

• KAALWÕJE KÕN PIJA EO, ETKE KWÕJ AIKUJ KATAK BAIBÕL̦?

  Ãlikin, lel̦o̦k juon an bokin katak.

• LEL̦O̦K BOK EO, KATAK KO REM̦OOL JÃN BAIBÕL̦

  Etale mel̦el̦e ko kõn Kwõjkwõjin Mej eo an Jijej, ilo peij 236-238. Innem lel̦o̦ke bok eo.

• LEL̦O̦K BOK EO, ROÑJAKE ANIJ

  Kwal̦o̦k kõn unin an kar Kũraij mej, ilo peij 18-19. Innem lel̦o̦ke bok eo.