Kwõn Lõke Jeova im Kõm̦m̦an Em̦m̦an

“Jab ebbanban n̦ae ro rej jerbal ilo jab wãnõk”

37:1, 2

• Jab kõtl̦o̦k bwe jeraam̦m̦an ko an armej ro renana me rej an jidik wõt iien ren kõm̦ad eok jãn am̦ karejar ñan Jeova. Ak kwõn jibadek wõt jeraam̦m̦an im mejãnkajjik ko renaaj kõkajoor tõmak n̦e am̦

“Lõke Jeova im kõm̦m̦an em̦m̦an”

37:3

• Lõke Jeova im enaaj jipañ eok ilo iien ko kwõj jino pere ak inepata kõn wãween ko rej wal̦o̦k ñan eok. Enaaj jipañ eok ñan tiljek wõt

• Poub wõt ilo am̦ kwal̦o̦k kõn nuuj eo em̦m̦an kõn Aelõñ eo an Anij

“Kwõn bareinwõt lañlõñ ilo Jeova”

37:4

• Kõm̦m̦an am̦ jikejuul̦ ñan riiti Naanin Anij im kõl̦mãnl̦o̦kjen̦ kake. Im mejãnkajjik eo am̦ ñe kwõj kõm̦m̦ane men in ej ñan kal̦apl̦o̦k am̦ jel̦ã kajjien Jeova

“Kadãpill̦o̦k am̦ ial̦ ioon Jeova; kwõn bareinwõt lõke E”

37:5, 6

• Lõke Jeova kõn aolepen bũruom̦ bwe enaaj jipañ eok kõn jabdewõt apañ kwõj iioone

• Kwal̦o̦k wõt m̦wil ko rem̦m̦an meñe ro jet rej jum̦ae im kaeñtaan eok ak kwal̦o̦k naan ko rejjab m̦ool kõn kwe

“Kwõn kakkijeik eok ilo Jeova, im kõttare im jab kijooror”

37:7-9

• Jab m̦õkaj im kõm̦m̦ani pepe ko me remaroñ kõm̦m̦an bwe en jako am̦ lañlõñ im jokwane ilo am̦ karejar ñan Jeova

“Ro ettã bũrueer renaaj jolõt ãne eo”

37:10, 11

• Kate eok ñan kwal̦o̦k ettã bõro, im kõttar wõt iien eo Jeova enaaj jol̦o̦k aolep men ko renana kwõj iiooni ilo mour n̦e am̦

• Jipañ rũttõmak ro m̦õttam̦, im kaenõm̦m̦an ro rebũrom̦õj im ebbeer ilo am̦ kakeememej er kõn kallim̦ur eo an Anij kõn pedetaij, eo me m̦õttan jidik enaaj itok