Katakin Ro Jet M̦ool Eo

Jino jãn Jeptõm̦ba, enaaj wõr juon m̦õttan ekããl naaj kobaiki ilo Kein Katak in ad im enaaj pãd ilo peij 1 ium̦win ijo ej ba Kilen Lel̦o̦k Bok Ko. Etan naaj m̦õttan in ekããl ej, “Katakin Ro Jet M̦ool Eo.” Mejãnkajjik eo ad in ej ñan kwal̦o̦k ñan armej ro juon katak em̦ool jãn Baibõl̦, ilo ad kwal̦o̦k juon kajjitõk im riitil̦o̦k juon eoon.

El̦aññe jej kile an juon itoklimo in roñjake, jemaroñ kãitoklimoik l̦o̦k wõt e ilo ad likũt juon bok ippãn, ak bõlen kõjo̦e juon iaan pija ko jãn jw.org. Innem, jen kate kõj ñan jepl̦aak ãlikin jejjo raan bwe jen maroñ wõnm̦aanl̦o̦k wõt im bwebwenato kõn men eo jaar kõnnaan kake iien eo l̦o̦k. Naanin ijjino ko im katak ko naaj lil̦o̦k ñan rukwal̦o̦k ro, renaaj itok jãn katak ko ilo bok eo etan, Katak ko Rem̦ool jãn Baibõl̦ Eo. Jemaroñ lo kajjitõk ko im eoon ko ilo bok in ñan jipañ kõj bwe jen kõjerbal wõt Baibõl̦ eo ñe jej jepl̦aak ippãn armej ro ak katak Baibõl̦ ippãer.

Ewõr juon wõt ial̦ ej tõll̦o̦k ñan mour. (Mt 7:13, 14) Kõnke jej kwal̦o̦k naan ippãn aolep armej ro me eoktak kabuñ im aelõñ ko aer jãn doon, em̦m̦an ñe jej jel̦ã ukoktak ekkar ñan ta eo kajjojo iaaer ej itoklimo kake. (1Ti 2:4) Ilo an l̦apl̦o̦k ad jel̦ã kilen kõnono ippãn armej im jel̦ãl̦o̦k kõjerbal Baibõl̦ ãinwõt juon eo “ejim̦we an katakin kõn naan eo em̦ool an Anij,” ej kab baj nãj l̦apl̦o̦k wõt ad lañlõñ im lo tõprak ilo ad katakin ro jet kõn m̦ool eo.​—2Ti 2:15, UBS.