Wõn Ro Rej Kõm̦anm̦an Ankilaan Jeova Rainin?​—Kilen Kõjerbale Bok In

Kar kõm̦m̦ane Bok eo, Wõn Ro Rej Kõm̦anm̦an Ankilaan Jeova Rainin? bwe jen etale ippãn rũkkatak ro ad ilo jinoin ak ãlikin ad katak.a (Lale Kõmel̦el̦e eo Itulal̦.) Katak 1 ñan 4 ej jipañ rũkkatak ro ñan jel̦ã kõn armej ro an Anij, katak 5 ñan 14 ej jipañ er ñan jel̦ã kõn jerbal ko jej kõm̦m̦ani aolep iien, im katak 15 ñan 28 ej kwal̦o̦k kõn doulul in. Enaaj em̦m̦an ñe kom̦ro naaj etale katak kein ilo wãween an bok eo kõllaajrake ak kom̦ro maroñ etale m̦okta juon iaan katak ko me ej menin aikuj. Kajjojo katak ej juon wõt peij aetokan im kom̦ro maroñ etale ilowaan l̦alem l̦o̦k ñan joñoul minit.

• Lale taitõl̦in katak eo

• Riiti katak eo ippãn doon, kom̦ro maroñ riiti aolepen ak riiti pãrokõrããp ko juon ilo̦k juon

• Etale ta ko ej kab m̦õj amiro riiti. Bar lale kajjitõk ko itulal̦in peij eo im pija ko. Riit im bwebwenato kõn eoon ko jet kwõj kile ke ekkar ñan am̦ etali ippãn. Kaalikkar bwe unin tõl ko reddik rej uwaake kajjitõk eo an taitõl̦in juon katak

• Ñe ewõr bo̦o̦k eo ej ba “Kal̦apl̦o̦k Am̦ Jel̦ã,” riiti ippãn doon im rõjañ rũkkatak eo ñan kajjioñ kõm̦m̦ani men ko bo̦o̦k eo ej kwal̦o̦k kaki