Kilen bwe En Em̦m̦anl̦o̦k Wõt Ad Kwal̦o̦k Naan​—Bar Jepl̦aak Ippãn Armej Ro

UNIN AN AORÕK KÕL IN: Elõñ armej ro rej kwal̦o̦k aer itoklimo kõn ennaan eo kõn Aelõñ eo, im armej rein rej pukot m̦ool eo kõn Anij. (Ais 55:6) Bwe jen maroñ jipañ er ñan wõnm̦aanl̦o̦k wõt ilo aer katak, jej aikuj jepl̦aak ippãer ejjab juon wõt alen ak elõñ alen. Kõnke eoktak apañ ko armej rej iiooni jãn doon, jej aikuj jel̦ã ukoktak ekkar ñan wãween ko rej iiooni bwe jen maroñ kal̦apl̦o̦k aer itoklimo. Bõtab, ewõr juon men el̦apl̦o̦k an naaj jipañ kõj ñan lo tõprak. Ta in? Ej bwe kajjojo iien jej jepl̦aak ippãer, jej aikuj kõppojakl̦o̦k im̦aan im kate kõj ñan tõpar mejãnkajjik eo ad. Mejãnkajjik eo ad ej ñan jino katak Baibõl̦ ippãn armej ro.

KILEN KÕM̦M̦ANE:

• Kate eok ñan m̦õkaj im jepl̦aak ippãn armej eo, bõlen ãlikin jejjo wõt raan.​—Mt 13:19

• Kwal̦o̦k jouj im kautiej. Bõk am̦ iien im jab ikkũm̦kũm̦

• Jinoe ilo am̦ ba naanin yokyokwe ko. Kõjerbal etan armej eo. Kakeememej e kõn unin am̦ bar jepl̦aakl̦o̦k​—bõlen ñan uwaake juon kajjitõk, lel̦o̦k juon an Naanin Keeañ kããl, kwal̦o̦k kõn Weep jait eo ad, kõjo̦e juon pija, ak kwal̦o̦k kilen ad katak Baibõl̦ ippãn armej ro. El̦aññe ekõn̦aan kõnono kõn bar juon men, ukot men eo kwõj kõnono kake ñan men eo ekõn̦aan kõnnaan kake.​—Pil 2:4

• Utdikdiki ine in m̦ool eo em̦õj kalibwini ibũruon ilo am̦ riiti juon eoon ñane ak bõlen likũt juon bok ippãn. (1Ko 3:6, UBS) Kajjioñ ejaake juon jem̦jerã epaak ikõtaamiro

• Likũt juon bar kajjitõk ak bok bwe kwõn kab bar jepl̦aakl̦o̦k ippãn