Juon Pijen Ej Kõkajoore Tõmak eo Ad

9:1-7, UBS

L̦õmn̦ak m̦õk kõn eñjake eo an Jesus ke ear roñ ainikien an Jemãn ilañ ba bwe ebuñbũruon kake e ilo pijen eo me ear oktak nemãmeen. Ejjel̦o̦k pere bwe men in ear lukkuun kõkajoore kõnke m̦õttan jidik renaaj kar bõke im kaeñtaan e. Pijen in ear bareinwõt l̦ap an jelõt Piter, Jemes, im Jon. Ear kam̦ool ñan er bwe Jesus ej Messaia eo im bwe ejim̦we aer kar roñjake e. Enañin 32 iiõ tokãlik, Piter ear kwal̦o̦k kõn iien in im wãween an kar kõkajoorl̦o̦k an tõmak “ilo naanin keeañ ko an rũkanaan ro.”​—2Pi 1:16-19, UBS.

Meñe jaar jab loe pijen in ekabwilõñlõñ, ak jej loe an jejjet kũtien ilo raan kein. Jesus ej kiiõ tõl ãinwõt juon Kiiñ ekajoor. M̦õttan jidik, enaaj ‘wõnm̦aanl̦o̦k wõt bwe en bõk anjo̦’ im kõpel̦l̦o̦k ial̦ eo ñan ad del̦o̦ñel̦o̦k lal̦ eo ekããl me ro rewãnõk renaaj jokwe ie.​—Rev 6:2.

Ñe kwõj l̦õmn̦ak kõn wãween an jejjet kũtien kanaan ko ilo Baibõl̦, ewi wãween an kõkajoor tõmak n̦e am̦?