Kwõpojak Ke Ñan Jelm̦ae Poktak ko Ilo Jikin eo Kwõj Pãd Ie?

Ilo an epaaktok jem̦l̦o̦kin jukjukun pãd in, jej kõtmãne bwe enaaj wal̦o̦k poktak im ikittõltõl ko, jerbal ko an terrorist, im an l̦apl̦o̦k tarin̦ae. (Rev 6:4) Ewi wãween ad maroñ pojak ñan apañ kein ilju im jekl̦aj?

• Jen kõpooje jem̦jerã eo ad ippãn Jeova: Pukot naanin kakapilõk ko ilo Baibõl̦ im bwebwenato ko me remaroñ kõkajoorl̦o̦k am̦ lõke Jeova im doulul eo an im renaaj jipañ eok ñan jab bõk kun̦aam ilo m̦akũtkũt ko an kien. (JK 12:5; jr 125-126 pãr. 23-24) Kiiõ ej iien ñan kalõk jem̦jerã ko ad ippãn eklejia eo.​—1Pi 4:7, 8

• Jen pojak ilo wãween ad mour: Kõppojakl̦o̦k im̦aan ñan kõjparok kõj make el̦aññe jejjab maroñ em̦m̦akũt jãn m̦weo im̦õd im bwe en wõr men ko jej aikuji. Bareinwõt, kõm̦m̦ane juon pepe kõn ta ko kwõnaaj kõm̦m̦ani el̦aññe kwõj aikuj ko jãn jorrããn ko. Bar etale kobban iep in ko eo ilo iien idiñ, im bar likũt jããn im men ko me rej kõjparok kõj make (personal protective equipment). Kwõj aikuj jel̦ã wãween tõpar em̦m̦aan ro rej lale eklejia, im lale bwe ren jel̦ã wãween ñan tõpar eok.​—Ais 32:2; g17.5 3-7

Ilo iien poktak im ikittõltõl ko, kwõn dãpij wõt am̦ kõm̦m̦ani men ko renaaj kõkajoorl̦o̦k kõtaan eo am̦ ippãn Jeova. (Pil 1:10) Jab em̦m̦akũt jãn jikin ñan jikin ijello̦kun wõt ñe kwõj ko. (Mt 10:16) M̦õn̦õn̦õ in jipañ kõn m̦õñã im menin aikuj ko jet.​—Rom 12:13.

ALWÕJE PIJA EO ETAN ARE YOU PREPARED FOR A DISASTER? INNEM UWAAKE KAJJITÕK KEIN ITULAL̦:

• Ewi wãween an Jeova maroñ jipañ kõj ilo iien jorrããn ko?

• Ta buñtõn ne ko jemaroñ kõm̦m̦ani ñan kõppojak?

• Ewi wãween ad maroñ jipañ ro im rar iioon jorrããn?