Kwõpojak Ke?

Ñe juon lañ el̦ap ej ko̦kkure jikin eo kwõj pãd ie, kwõpojak ke? M̦akũtkũt lal̦, lañ ko rel̦l̦ap, bwil bul̦õn wõjke ko, im ibwijleplep emaroñ wal̦o̦k ilo jidimkij im kõm̦m̦an bwe en l̦ap jorrããn. Bareinwõt, ri-nana ro rej kõm̦m̦an jorrããn, an l̦ap bõktak, im nañinmej ko rekapopo me em̦õkaj aer ajeeded remaroñ wal̦o̦k jabdewõt jikin ilo jidimkij. (Ekl 9:11, UBS) Jejjab aikuj kõtmãne bwe men kein reban wal̦o̦k ilo jikin eo jej pãd ie.

Kõj kajjojo jej aikuj make bõk buñtõn ne ko ñan kõpooj kõj ñan juon lañ el̦ap. (JK 22:3) Meñe ewõr men ko doulul eo an Jeova ej kõm̦m̦ani ñan jipañ ilo iien ko ej wal̦o̦k lañ ko rel̦l̦ap, bõtab ejjab mel̦el̦ein bwe ejjel̦o̦k ad make eddo ñan kõpooj kõj make​—Ga 6:5, ftn.

ALWÕJE PIJA EO ARE YOU PREPARED FOR A NATURAL DISASTER? INNEM UWAAKI KAJJITÕK KEIN:

• 

  Ewi wãween an jem̦jerã eo ad epaak ippãn Jeova maroñ jipañ kõj ñe ej wal̦o̦k juon jorrããn el̦ap?

• 

  Etke eaorõk ñan . . .

  • • kõnono ippãn em̦m̦aan ro rej lale eklejia m̦okta jãn an wal̦o̦k juon jorrããn el̦ap, ilo iien eo ej wal̦o̦k, im ãlikin an wal̦o̦k?

  • • kõpooj kadede juon iep im ãti menin aikuj ko ñan juon iien idiñ?​—g17.5-E 6, w12 1/1 6

  • • kõnono kake kain rot jorrããn ko remaroñ wal̦o̦k im ta wãween ko kwõmaroñ kõm̦m̦ani ilo kajjojo iaan jorrããn kein?

• 

  Ta wãween ko jilu jemaroñ kõm̦m̦ani ñan jipañ ro jet ñe rej iioon juon jorrããn el̦ap?