Jen Pojak Wõt ilo Jem̦l̦o̦kin “Raan ko Ãliktata”

Ilo ad kijenmej wõt ilo jem̦l̦o̦kin “raan ko ãliktata,” jej kõtmãne bwe enaaj lukkuun l̦apl̦o̦k wõt jorrããn ko rej wal̦o̦k. (2Ti 3:1; nwtsty-E kõmel̦el̦e eo kõn eoon eo ilo Mt 24:8) Ñe ej wal̦o̦k juon l̦añ ak juon jorrããn el̦ap, ekkã an armej ro an Jeova bõk naanin tõl ko kõn kõjparok mour ilo iien eo ejejjet. Ñan ad maroñ naaj bõk lo̦mo̦o̦r ilo iien en̦ enaaj wawa iioon ad jino pojakl̦o̦k im̦aan ilo ad pokake kiiõ, ikijjeen kõtaan eo ad ippãn Jeova im ilo wãween ad mour.​—Lk 16:10.

• Jen pojak ikijjeen jem̦jerã eo ad ippãn Jeova: Jino kammineneik eok. Katak kõl ko me reoktak jãn doon ikijjeen jerbalin kwal̦o̦k naan. Jab wiwijet ñe kwõj make iaam̦ jãn ro jet ilo eklejia eo ilo juon iien ejjab aetok kũtien. (Ais 30:15) Kwoban makel̦o̦k iaam̦ jãn Jeova im Jesus.​—od-E 176 pãr. 15-17

• Jen pojak ilo wãween ad mour: Ijello̦kun iep ak bag ko me jej kõpooji ñan ko ilo iien idiñ, kajjojo baam̦le rej aikuj pojak kõn joñan m̦õñã ko renaaj aikuji, dãn ko, uno ko, im men ko jet ãierl̦o̦kwõt el̦aññe enaaj menin aikuj bwe ren ko im pãd ilo juon jikin ium̦win juon iien aetok.​—JK 22:3; g17.5-E 4, 6

AlWÕJE PIJA EO ETAN ARE YOU PREPARED FOR A NATURAL DISASTER? INNEM UWAAKI KAJJITÕK KEIN ITULAL̦:

• 

  Ewi wãween ad maroñ kõpooj jem̦jerã eo ad ippãn Jeova ñan iien ko enãj wal̦o̦k jorrããn ko rel̦l̦ap?

• 

  Etke jej aikuj . . .

  • kõm̦m̦an bwe en juon imminene ippãd ñan kõnono ippãn em̦m̦aan ro rej lale eklejia?

  • kõpooj kadede juon iep im ãti menin aikuj ko ñan juon iien idiñ?

  • kõnono kake kain rot jorrããn ko remaroñ wal̦o̦k im ta wãween ko kwõmaroñ kõm̦m̦ani ilo kajjojo iaan jorrããn kein?

• 

  Ta wãween ko jilu jemaroñ kõm̦m̦ani ñan jipañ ro jet ñe rej iioon juon jorrããn el̦ap?

KAJJITÕK IPPAM̦ MAKE, ‘Ta ko imaroñ katak ikijjeen kõppojakl̦o̦k im̦aan itok wõt jãn nañinmej eo el̦ap nañinmej in COVID-19?’