MOURIN KŨRJIN

Kwõj Ke Pojak ñe Enaaj Wal̦o̦k Apañ ko Rel̦l̦ap Ikijjeen Jããn?

Jejjab ilbõk ñe men ko rej wal̦o̦k ilo lal̦ in rej kõm̦m̦an bwe en wõr apañ ko rel̦l̦ap ikijjeen jããn. Etke? Kõnke jej mour ilo jem̦l̦o̦kinl̦o̦k raan ko ãliktata im Baibõl̦ eo ej kakkõl kõj bwe jen jab likũt ad kõjatdikdik ilo “m̦weiuk ko em̦õkaj aer jako.” (1Ti 6:17; 2Ti 3:1) Ta eo joñak eo an Kiiñ Jihoshapat ej katakin kõj kõn ad kõppojakl̦o̦k im̦aan ñe enaaj wal̦o̦k apañ ko rel̦l̦ap ikijjeen jããn?

Ke ri-kõjdat ro an Jihoshapat jãn aelõñ ko jet rar kamijake, Jihoshapat ear lõke Jeova. (2Kr 20:9-12) Ear bareinwõt kõpooje aelõñ eo l̦o̦k im̦aan ikijjeen an kar kõkajoorl̦o̦k jikin kweilo̦k ko im kõpooji kããm ko an rũttarin̦ae ro. (2Kr 17:1, 2, 12, 13) Ãinwõt Jihoshapat, jej kate kõj joñan wõt ad maroñ ñan lõke Jeova im bõk buñtõn ne ko ñan kõppojakl̦o̦k im̦aan ñan iien ko reppen.

TA EO JEMAROÑ KÕM̦M̦ANE ÑAN KÕPPOJAKL̦O̦K IM̦AAN ÑE ENAAJ WAL̦O̦K APAÑ KO REL̦L̦AP IKIJJEEN JÃÃN?

Jen kõpooje jem̦jerã eo ad ippãn Jeova: Kõm̦m̦an bwe kwõn jokwane wõt kõn men ko ewõr ippam̦, im kõkajoorl̦o̦k am̦ lõke bwe Jeova ewõr an maroñ ñan kabwe aikuj ko am̦ aolep raan. (Mt 6:26; 1Ti 6:8) Jek ippam̦ make ñan jab kõjekdo̦o̦n naanin kakapilõk ko ilo Baibõl̦ ñan kabwe aikuj ko am̦. (Rom 2:21) L̦õmn̦ak kõn wãween am̦ naaj bõk ekkan ko ilo kõkkar el̦aññe enaaj ejjel̦o̦k jarom ak Internet. Kwõmaroñ kakon̦i jejjo kaape in bok ko me em̦õj bũriini ippam̦, im ñe kwõmaroñ, kwõmaroñ taunl̦outi l̦o̦k im̦aan bok ko ilo device eo nejim.

Jen kõpooje aikuj ko ad ilo kanniõk: Kadikl̦o̦k m̦uri ko ad im kadikl̦o̦k ad jol̦o̦k jããn ñan men ko jejjab aikuji m̦okta jãn an wal̦o̦k apañ ko rel̦l̦ap ikijjeen jããn. (JK 22:7) El̦aññe kwõmaroñ, kakon̦i joñan m̦õñã ko me kwõnaaj aikuji im bar jejjo menin aikuj ko jet. Jet remaroñ l̦õmn̦ak in kõm̦m̦an im kõjparok juon jikin kallibin keinikkan ko ñan kõjparok jããn.

ALWÕJE PIJA EO ETAN ARE YOU PREPARED FOR A DISASTER? INNEM UWAAKE KAJJITÕK KEIN ITULAL̦:

Men ko rej wal̦o̦k ilo pija eo etan “Are You Prepared for a Disaster?” Pija ko rej kwal̦o̦k kõn juon Baibõl̦, juon iep in ko im juon jeel̦boon, im rũkkal ro.

Ta eo jemaroñ kõm̦m̦ane ñan kõppojakl̦o̦k im̦aan ñe enaaj wal̦o̦k juon jorrããn el̦ap?

Your answer

Men ko rej wal̦o̦k ilo pija eo etan “Are You Prepared for a Disaster?” Ro jeid im jatid rej jipañ ro jet jeid im jatid me rar jorrããn jãn l̦añ ko rel̦l̦ap ilo aer kõm̦m̦an jerbalin ekkal im ilo aer eakto m̦weiuk jãn juon wa.

Ewi wãween jemaroñ kõppojakl̦o̦k im̦aan ñan jipañ ro jet?

Your answer