Ekkeini Am̦ Riit Baibõl̦ Kajjojo Raan

Kõn an lukkuun lõñ men ko jej aikuj kõm̦m̦ani ilo mour ko ad, ewõr ke iien epen am̦ l̦oore jikejuul̦ eo am̦ ñan riit Baibõl̦ kajjojo raan? (Jos. 1:8) El̦aññe aet, kajjioñe juon iaan men kein itulal̦:

• Kõm̦m̦an alarm. Kõm̦m̦an juon alarm ilo device eo nejũm̦ ñan kakeememej eok ñan riit Baibõl̦.

• Likũt Baibõl̦ eo am̦ ilo juon jikin me kwõmaroñ loe. El̦aññe kwõj kõjerbal juon Baibõl̦ em̦õj bũriini, likũti ilo juon jikin me epidodo am̦ nãj loe kajjojo raan.—Dut. 11:18.

• Roñjake rekoot in eoon ko ilo Baibõl̦. Roñjake rekoot kein ilo iien ko kwõj kõm̦m̦ani jerbal ko am̦. Tara, eo ej juon bainier im juon jinen baam̦le me ej jerbal ilo boñ, ej ba, “Aõ roñjake rekoot in eoon ko ilo Baibõl̦ ilo iien ko ij kõm̦m̦ani jerbal ko aõ ilo m̦weo, ej jipañ eõ ñan keini aõ riiti Baibõl̦ eo kajjojo raan.”

• Jab ebbweer. El̦aññe ewal̦o̦k juon men ilo jidimkij im kwõjjab maroñ riiti Baibõl̦ eo ilo iien eo kwaar karõke, eokwe kwõn riit jejjo eoon ko m̦okta jãn am̦ kiki. Meñe kwõj riit jejjo wõt eoon kajjojo raan, ak kwõnaaj lukkuun bõk tokjãn jãn men in.—1 Pit. 2:2.