Порака што води до вечен живот

„За да добијат вечен живот, треба добро да те запознаат тебе, единствениот вистински Бог, и оној кого го испрати, Исус Христос“ (ЈОВАН 17:3)

ЗНАЕЊЕТО може да спаси живот. Кога десетмесечниот Нуху се разболел, мајка му, која е здравствен работник во Нигер, знаела што да направи. Му подготвила раствор за орална рехидрација така што измешала шеќер, сол и чиста вода. Според УНИЦЕФ, нејзината „брза реакција и помошта од стручно лице биле клучни за детето да оздраве“.

И знаењето од Библијата може да спаси живот. Првиот писател на Библијата, Мојсеј, напишал: „Ова не се празни зборови, туку за вас значат живот, и држејќи ги овие зборови ќе ги продолжите своите денови“ (5. Мојсеева 32:47). Може ли Библијата да ти ги продолжи деновите? Во која смисла нејзините зборови значат живот?

Во претходните пет статии од ова списание, видовме дека Библијата е книга на која ѝ нема рамна поради нејзините веродостојни пророштва, историска и научна точност, внатрешна складност и корисни совети. Ова ја прави нешто навистина посебно. Затоа, штом тврди дека го покажува патот до подолг живот — вечен живот — зар не заслужува да ѝ посветиш внимание?

Те поттикнуваме да дознаеш нешто повеќе за тоа како точното познавање на Библијата може да нѐ исполни со мир уште сега и да ни овозможи среќна иднина. На Јеховините сведоци ќе им биде мило да ти помогнат во тоа.

[Рамка/слика на страница 9]

Библијата е посебна книга и затоа што само таа ни дава јасен одговор на некои многу важни прашања, како на пример:

• Зошто постоиме?

• Зошто има толку страдања?

• Има ли некаква надеж за нашите блиски што починале?

Библиските одговори на овие прашања можеш да ги најдеш во книгата Што навистина учи Библијата?, издадена од Јеховините сведоци.