Стани повешт во службата — покажувај искрен интерес за другите

Зошто е важно: Исус ги гледал луѓето како поединци и покажувал искрен интерес за нив. На пример, кога требало да излекува еден глув човек, Исус сфатил дека тој се срамел од другите и затоа го тргнал настрана од мноштвото и го излекувал (Мар. 7:31-35). Освен тоа, Исус покажал разбирање за своите ученици со тоа што ги зел предвид нивните ограничувања и не ги оптоварувал со премногу информации (Јован 16:12). Дури и од својата висока положба на небото, тој покажува искрен интерес (2. Тим. 4:17). Како ученици на Христос, ние сакаме да се угледаме на неговиот пример (1. Пет. 2:21; 1. Јов. 3:16, 18). Исто така, ќе бидеме поуспешни во службата ако покажуваме разбирање кон станарот и ако обрнеме внимание во какви околности живее, што го интересира и што го загрижува. Ако увиди дека сме искрено заинтересирани за него, а не дека сме дојдени само да си го кажеме нашето или само за да поделиме некаква литература, ќе биде поспремен да нѐ сослуша.