Откриена тајната на минијатурното уво

„Во изминатава деценија, биолозите откриле еден нов механизам со кој животните одредуваат од каде доаѓа звукот“, се вели во Science News. „До ова откритие се дојде врз основа на тоа што беше забележано дека една паразитска мува скришно оди по штурците следејќи го звукот, иако главата на оваа мува е премногу мала за во неа да може да се смести кој и да е од досега познатите механизми за лоцирање на звукот. Таквите механизми обично зависат од прилично големото растојание помеѓу двете ушни тапанчиња.

Според едно поново истражување што го спроведе Универзитетот Корнел (САД), „женките на мувите од видот Ormia ochracea прецизно одредуваат од каде доаѓаат звуците во простор од 2 степена — исто толку прецизно како што тоа го прави бувот“, иако растојанието помеѓу двете споени ушни тапанчиња изнесува само околу еден милиметар! Тоа што мувата прецизно ги прима звуците слично како што ги прима бувот се должи на еден генијален апарат за слушање.

Ушните тапанчиња на овој инсект се споени со еден мост од таков материјал што им овозможува на двете мембрани да се нишаат напред-назад како да се едно — нешто како лулашка на игралиште. Кога звукот што го испушта штурецот ќе дојде до мувата, вибрациите што настануваат во ушното тапанче што е поблизу до штурецот речиси во истиот момент се пренесуваат на другото тапанче, пригушувајќи ја неговата реакција на истите звучни бранови. Така, мембраната што е поблизу до штурецот вибрира посилно. Тоа ѝ овозможува на мувата да ја лоцира потенцијалната цел и директно да тргне кон неа.

Каква е практичната корист од ова откритие? Истражувачите сметаат дека тоа би можело да им помогне да ја подобрат изработката на некои работи како што се микрофоните и слушните апарати. На пример, слушните апарати би можеле да се направат на таков начин што „ќе го примаат звукот првенствено од насоката во која е свртен оној што слуша“, вели истиот извештај. Да, колкава само мудрост може да се види во Јеховините чудесни созданија! (Јов 42:2).

[Извори на слики на страница 31]

Двете фотографии горе: R. Wyttenbach/ Cornell University

R. Hoy/Cornell University