Видови на кои им се заканува истребување

Видови на кои им се заканува истребување

Од дописникот на Разбудете се! од Италија

Списокот на загрозени видови (Red List of Threatened Species) што го издаде Светското здружение за зачувување на видовите (IUCN) со седиште во Гланд (Швајцарија) е показател за состојбата во која се наоѓаат билките и животните во светот. На списокот на загрозени видови за 2004 се наоѓаат преку 15.500 видови.

Една од главните закани за загрозените видови е дејноста на луѓето. Наместо да ја зачува складната рамнотежа во природата, која е неопходна за неговото преживување, човекот продолжува да ја нарушува така што се занимава со работи што се крајно опасни за другите видови. За жал, на тој начин многу видови се исчезнати, а со нив исчезнале и природните ресурси што би можеле да бидат од непроценлива вредност.

Едно од животните што се најде на минатогодишниот список на загрозени видови беше обичниот делфин, што е прикажан овде на сликата. Бројот на овие делфини во Средоземното Море опадна за повеќе од 50 проценти во изминативе 30 до 45 години, и сега овој делфин се смета за загрозен вид. Според IUCN, други фактори што придонесуваат за тоа се „намалувањето на резервите на храна за делфините во Средоземното Море поради комбинацијата од промени во животната средина, прекумерното ловење риба и пропаѓањето на нивниот хабитат“. Исто така, се смета дека високото ниво на токсични хемикалии произведени од човекот што се пронајдени во делфините од Средоземното Море „може да предизвика да им откаже имунолошкиот систем и да доведе до неплодност“.

Творецот нема засекогаш да ги толерира неразумните и себичните луѓе што уништуваат сѐ околу себе. Напротив, библиските пророштва кажуваат дека се приближува „одреденото време“ кога тој ќе ги ‚уништи оние кои ја уништуваат земјата‘. Тогаш Јехова Бог повторно ќе создаде услови во кои луѓето ќе бидат способни да се грижат за „сите живи суштества“ и за ‚сите треви по целата земја‘ (Откровение 11:18; Битие 1:28-30).

[Слика на страница 18]

Обични делфини

[Извор на слика]

[Слика на страница 18]

И жолтоклуниот албатрос е на списокот на загрозени видови