ЛЕКЦИЈА 14

Да се нагласат главните мисли

Евреите 8:1

ЦЕЛ: Помогни им на слушателите полесно да го следат текот на твојот говор, и истакни како секоја од главните мисли е поврзана со целта и со темата на говорот.

КАКО ДА ГО ПОСТИГНЕШ ТОА:

Имај јасно на ум која е твојата цел. Размисли дали целта на твојот говор е да ги информира, да ги увери или да ги мотивира слушателите, и обработи ја темата во склад со тоа. Сите главни мисли треба да ти помогнат да ја постигнеш таа цел.

Прашај се: „Кои прашања или приговори во врска со оваа тема би можеле да ги имаат присутните? По кој логичен редослед би ги изнеле?“ Потоа обработи ги информациите по истиот тој редослед за да можат присутните лесно да ги следат, да ги разберат и да ги прифатат.
Нагласи ја темата на говорот. Осврнувај се на темата во текот на целиот говор така што ќе ги повторуваш клучните зборови или ќе користиш синоними.
Изнеси ги главните мисли на јасен и едноставен начин. Избери ги како главни мисли само оние кои се поврзани со твојата тема и кои можеш добро да ги обработиш во предвиденото време. Ограничи го нивниот број, јасно наведи ја секоја главна мисла, направи кратка пауза пред да ја воведеш следната и немој нагло да преминуваш од една на друга главна мисла.

За да им помогнеш на присутните полесно да те следат, би можел да ги наведеш главните мисли уште во воведот, а за да им помогнеш полесно да ги запамтат, би можел да ги повториш во заклучокот.