Ново издание за проучување на Стражарска кула
СПИСАНИЕТО што го читаш е прв број од изданието на Стражарска кула наменето за проучување. Би сакале да те запознаеме со некои од карактеристиките на ова ново издание.
Изданието за проучување е наменето за Јеховините сведоци и за оние што веќе извесно време ја проучуваат Библијата. Ќе излегува еднаш месечно и ќе содржи четири или пет статии за проучување. Распоредот за проучување на овие статии ќе стои на насловната страница од списанието. За разлика од изданието кое е наменето за пошироката читателска публика, изданието за проучување ќе нема различна насловна страница за секој број бидејќи нема да се нуди во служба.
На 2. страница од ова списание, во кратки црти ќе биде објаснета целта на секоја статија за проучување или на поврзаните статии, а ќе бидат наведени и насловите на дополнителните статии. Ова особено ќе им користи на оние што го водат Собранискиот состанок за проучување на Стражарска кула, бидејќи ќе им помогне да се подготват за смисловна обработка на статиите.
Ќе забележиш дека статиите за проучување се малку пократки од порано. Поради тоа, ќе има повеќе време да се разгледаат клучните стихови при обработката на Стражарска кула. Те охрабруваме да ги прочиташ сите наведени стихови за секоја седмица. Пред некои од нив стои зборот „прочитај“. Тие стихови треба да се прочитаат и да се обработат кога ќе се проучува Стражарска кула на состанокот. Ако има време, може да се прочитаат и други стихови. Пред некои стихови ќе стои зборот „спореди“. Бидејќи тие не се наведени како директна поткрепа на главните мисли од пасусот, најчесто нема да се читаат на состанокот. Сепак, можеби ќе содржат интересни додатни информации или, пак, индиректно ќе ги поткрепуваат мислите што се разгледуваат. Те поттикнуваме да ги прочиташ додека се подготвуваш за проучувањето на Стражарска кула. Веројатно ќе можеш да ги спомнеш во своите коментари.
Годишниот извештај за проповедањето повеќе нема да излегува во Стражарска кула. Почнувајќи од 2008 год., тој ќе излегува како додаток во Нашата служба за Царството, а и во Годишникот. Но, како што беше наведено погоре, во изданието за проучување ќе има и други статии. Иако многу од нив нема да се разгледуваат на собраниските состаноци, би било убаво внимателно да ги прочиташ. И тие содржат духовна храна од „верниот и разборит роб“ (Матеј 24:45-47).
Се разбира, изданијата на Стражарска кула наменети за проучување и за пошироката јавност не се две различни списанија. И двете имаат ист наслов: Стражарска кула го објавува Јеховиното Царство. На 2. страница имаат ист пасус во кој е објаснета целта на ова списание. И двете ќе бидат вклучени во годишниот повез. Освен тоа, во статијата „Дали се сеќаваш?“, која ќе излегува во изданието за проучување, ќе биде обработен материјал и од двете изданија.
Уште од 1879 год., низ периоди на војни, економски тешкотии и прогонство, Стражарска кула верно ги објавува вистините за Божјето Царство. Се молиме, со Јеховин благослов, ова списание да продолжи да го прави тоа и во овој нов облик. А се молиме Јехова да те благослови и тебе, драг читателе, додека извлекуваш целосна корист од новото издание за проучување на Стражарска кула.