„Нека не ти почива раката“

Од послушност на Исусовата заповед да ја проповедаат „оваа добра вест за царството“, Јеховините сведоци редовно ги посетуваат луѓето (Мат. 24:14). ,Не им почива раката‘, без разлика како реагираат луѓето на кои им проповедаат (Проп. 11:6). Со тоа што редовно го сеат семето на Царството во службата од куќа до куќа, постигнуваат добри резултати.

Како можеме да бидеме делотворни во оваа важна гранка од службата? 1) Земи подрачје и 2) води уредни белешки. Обично е најдобро да имаш посебни белешки за секое заинтересирано лице што планираш повторно да го посетиш. Кога одат кај оние што претходно не ги нашле дома, мнозина увиделе дека е добро да одат во друго време, зашто така има поголеми шанси да најдат некого. Некои објавители успеваат да ги најдат луѓето така што повторно одат кај нив подоцна истиот ден или вечерта. Ако кај оние што не си ги нашол дома не можеш да одиш во друго време, би можел да направиш список со тие лица и да му го дадеш на друг објавител. Тоа што водиме уредни белешки за тие лица и се трудиме да ги најдеме покажува дека ги сакаме луѓето и дека сакаме да го радуваме Јехова (Лука 16:10).