Ширење на спознанието кое води до вечен живот
1 Јехова е оној кој „ги учи луѓето за спознание“ (Псал. 94:10, НС). Тој нѐ користи да шириме животоспасувачко спознание за него до оние кои не се свесни за тоа како да му служат на прифатлив начин. Книгата Спознание кое води до вечен живот е еден добар инструмент за поучување, преку кој лицата со искрено срце можат да добијат точно разбирање за Бог од неговата пишана Реч, Библијата (1. Тим. 2:3, 4). Јасниот и логичен развој на вистината во книгата Спознание ќе им помогне на луѓето да го сфатат она за кое Јехова сака да ги поучи. Овој месец сакаме луѓето да ги вклучиме во разговори кои ќе предизвикаат тие да сакаат да ја читаат книгата. Еве некои предлози. Наместо да се трудиш да ги научиш напамет, обиди се да ги изразиш клучните мисли со свои сопствени зборови и природен начин на конверзација.
2 Бидејќи повеќето луѓе изгубиле некој сакан, би можел во разговорот да ја воведеш надежта за воскресение со тоа што најпрвин ќе кажеш нешто како ова:
◼ „Повеќето од нас сме изгубиле во смрт некого кого сме го сакале. Сте се запрашале ли дали повторно ќе го видите таквиот? [Дозволи одговор.] Смртта не била дел од Божјата првобитна намера за човекот. Исус докажал дека нашите сакани можат да бидат спасени од смрт. [Прочитај Јован 11:11, 25, 44.] Иако ова се случило пред многу векови, тоа покажува што ветил Бог дека ќе стори за нас. [Отвори ја книгата Спознание кај сликата на 85. страница и прочитај го придружниот текст. Потоа покажи ја сликата на 86. страница и коментирај за неа.] Ако би сакале да прочитате повеќе за оваа утешна надеж за воскресение, со задоволство би Ви ја оставил оваа книга“.
3 По првиот разговор за надежта за воскресение, следниот разговор со истото лице би можел да го започнеш на овој начин:
◼ „Можеби се сеќавате кога реков дека смртта не била дел од Божјата првобитна намера со човекот. Ако тоа е вистина, зошто тогаш старееме и умираме? Некои желки живеат преку 100 години, а има дрвја кои се живи со илјадници години. Зошто луѓето живеат само 70 или 80 години? [Дозволи одговор.] Ние умираме бидејќи првиот човечки пар му бил непослушен на Бог“. Прочитај Римјаните 5:12. Сврти на 53. страница во книгата Спознание и прочитај го насловот на поглавјето. Разгледај ги првите три пасуси, укажувајќи на одговорите на отпечатените прашања. Договори да навратиш подоцна за да дискутирате за остатокот од поглавјето. Охрабри го лицето во меѓувреме да заврши со читањето на истото.
4 Ако зборуваш со лице кое изгледа религиозно, би можел да кажеш:
◼ „Денес има дословно стотици различни религии. Тие учат за секакви противречни верувања. Некои луѓе велат дека сите религии се добри и нема разлика во што веруваме. Кое е Вашето мислење? [Дозволи одговор.] Исус поучувал за вистинската религија и покажал дека други видови обожавање се неприфатливи за Бог. [Читај Матеј 7:21—23.] Ако сакаме да му угодиме на Бог, мора да го обожаваме во склад со неговата волја“. Отвори ја книгата Спознание на 5. поглавје, прочитај го насловот и истакни некои поднаслови. Објасни дека оваа информација му помага на човек да научи како да му угоди на Бог. Понуди да ја оставиш книгата ако станарот ветува дека ќе ја чита, и спомни дека прифаќаш донации за нашето дело ширум светот.
5 Луѓето кои се збунети поради тоа што има толку многу религии може да го ценат одговорот на ова прашање при твојата повторна посета:
◼ „Бидејќи денес има толку многу различни религии, како можеме да познаеме која е вистинската? На што би гледале Вие? [Дозволи одговор.] Исус ни кажал како да ги идентификуваме неговите вистински следбеници“. Прочитај Јован 13:35. Разгледај ги пасусите 18 и 19 во 5. поглавје од книгата Спознание. Истакни дека со користење на овие библиски упатства и методата на елиминација, човек може да ја препознае вистинската религија. Раскажи за тоа дека Јеховините сведоци се познати ширум светот по нивната вистинска љубов и високите морални мерила. Објасни како проучувањето на Библијата, користејќи ја книгата Спознание, јасно ќе го идентификува обликот на обожавање кој Бог го одобрува.
6 Ако сретнеш некој родител, овој пристап може да биде делотворен:
◼ „Секој ден слушаме извештаи за самоволното однесување на младите кои изгледа немаат никакви морални вредности. Некои возрасни сакаат да го обвинуваат школскиот систем затоа што не ги учи децата за разликата помеѓу исправното и погрешното. Што мислите, кој би требало да се погрижи за ова поучување? [Дозволи одговор.] Слушнете што вели Библијата по ова прашање. [Прочитај Ефесјаните 6:4.] Ова ни кажува дека всадувањето на морални вредности во децата е одговорност на родителите“. Отвори ја книгата Спознание на 145. страница, прочитај го 16. пасус и коментирај за сликите на 147. страница. Објасни дека книгата е наменета за целото семејство да проучува. Понуди да демонстрираш како водиме ваква студија со семејства, користејќи ги 17. и 18. пасус на 146. страница.
7 Ако си започнал студија на првата посета со некој загрижен родител, би можел да ја продолжиш на повторната посета велејќи:
◼ „Денешниов свет става многу искушенија пред нашите млади. Ова толку многу им отежнува да станат богобојазливи додека растат. Можеби се сеќавате дека во нашата последна дискусија издвоивме две начела. Како побожни родители, треба да поставиме добар пример за нашите деца и треба да им покажуваме постојани изрази на нашата љубов кон нив. Има и една друга работа за која Библијата вели дека родителите треба да им ја дадат на своите деца“. Прочитај Изреки 1:8. Сврти на 148. страница во книгата Спознание и продолжи со студијата, обработувајќи ги 19—23. пасус. Предложи да навратиш повторно за да проучуваш со целото семејство, започнувајќи со 1. поглавје.