,Биди дарежлив, спремен да делиш‘
1 Пред многу векови, апостол Павле го поучил Тимотеј да ги охрабри соверниците ‚да работат на добро, да бидат богати во добри дела, да бидат дарежливи, спремни да делат‘ (1. Тим. 6:18, NW). Павле ги потсетил и еврејските христијани да не заборават ‚да прават добро и да делат со другите‘ (Евр. 13:16, NW). Зошто ги напишал овие поуки? Затоа што знаел дека ќе има „слава и мир и чест на секого, што прави добро“ (Рим. 2:10).
2 Затоа што е Творец, Јехова Бог е Сопственик на сите работи (Отк. 4:11). Сигурно го цениме она што го прави во наша корист со сѐ што му припаѓа нему. И покрај ставот на неблагодарност што го покажува голем дел од човештвото, Севишниот и понатаму им дозволува на сите да извлечат корист од неговите дарежливи подготовки за поддржување на животот (Мат. 5:45). Тој го дал дури и својот најмил Син како жртва, за да можеме да имаме вечен живот. Зарем не треба љубовта што е покажана кон нас да нѐ натера да се покажеме благодарни со тоа што ќе бидеме дарежливи кон другите луѓе? (2. Кор. 5:14, 15).
3 Што можеме да делиме? Сосема е исправно да користиме сѐ што имаме на начин што му е угоден на Бог. Сигурно дека сакаме да го поддржуваме светското дело за Царството во материјален и во духовен поглед. Се разбира, добрата вест е најскапоценото богатство што некој може да го поседува, бидејќи таа е „Божја сила за спасение“ (Рим. 1:16, NW). Ако дарежливо го користиме нашето време и средства за да учествуваме секој месец во делото на проповедање и поучување, ќе можеме да го делиме ова духовно богатство со другите, а на тој начин тие ќе добијат вечен живот.
4 Јехова е многу задоволен кога им помагаме на оние што се сиромашни. Тој ни ветува благослови и нѐ потсетува: „Богатството нема да помогне во денот на гневот, а правдата ќе спаси од смрт“ (Изр. 11:4; 19:17). Материјалната поддршка на делото за Царството и целосното учество во проповедањето на добрата вест се прекрасни начини на кои можеме да покажеме дека навистина сме дарежливи, спремни да делиме.