Алатки кои поучуваат, мотивираат и зајакнуваат
1 Тие имаат моќ кога ги поучуваме луѓето за Библијата и за Јеховините сведоци. Мотивирале многумина да заземат цврст став за вистината. Ја зајакнале верата и ценењето на Божјиот предаден народ. За што станува збор? За видеокасетите издадени од Јеховината организација. Дали си ги гледал сите десет што ги има? Кога ги гледаше последен пат? Дали ги користиш во службата? Издавањето на 11-тата видеокасета, Our Whole Association of Brothers (Целата наша заедница од браќа), беше најавена на обласниот конгрес. Дали ја нарача? Како можеш да извлечеш уште поголема корист од овие прекрасни алатки?
2 Статијата во Стражарска кула од 1 јули 1999, „Редовно проучувајте ја Божјата реч како семејство“ препорача „да одвоите дел од вашиот период за проучување и да погледате инсерт од некоја поучна видеокасета на Заедницата . . . а потоа да дискутирате за тоа“. Во склад со овој добар совет, секој втор месец на Состанокот за служба ќе се разгледува по една видеокасета. Ги охрабруваме сите во собранието да ја гледаат видеокасетата дома пред да се дискутира за неа на Состанокот за служба.
3 Овој месец ќе почнеме со првата видеокасета што беше произведена, Јеховини сведоци — организацијата зад името. Гледајте ја и слушајте ја за да можете да одговорите на овие прашања:
◼ По што се најпознати Јеховините сведоци?
◼ Со кој библиски стих е поврзано сѐ што се прави во Бетел?
◼ Која библиска сцена виде дека се поставува, фотографира и слика за да се користи во публикациите?
◼ Што ти остава впечаток во врска со начинот на кој се подготвува нашата литература?
◼ Од 1920 па до 1990, колку примероци литература отпечатила Заедницата?
◼ Особено кои од Божјиот народ треба да се стремат да се квалификуваат за бетелска служба? (Посл. 20:29).
◼ На кој начин бетелската фамилија дава извонреден пример за сите Јеховини сведоци?
◼ Што ти остава впечаток во врска со делото што се извршува во Бетел за да се достигнат колку што е можно повеќе луѓе со добрата вест?
◼ Како се финансира делото ширум светот?
◼ Која активност можеме ревносно да ја поддржуваме и со каков дух? (Јован 4:35; Дела 1:8).
◼ Што мислиш за организацијата зад нашето име?
◼ Како можеш да ја користиш оваа видеокасета во службата?
Во декември ќе ја разгледуваме видеокасетата Библијата — точна историја, веродостојно пророштво.