Нова подготовка за повторување на програмата од собирите

Додека Сатановиот свет продолжува да оди од лошо на полошо, Јехова нѐ зајакнува „да се одречеме од безбожноста и од световните желби и да живееме со здрави мисли и со праведност и со побожна оддаденост среде овој сегашен систем на работи“ (Тит 2:12). Меѓу подготовките што тој ги прави преку „верниот и разборит роб“ се и програмите за покраинскиот собир и за денот на специјален собир, кои се одржуваат еднаш годишно (Мат. 24:45). Колку само зајакнувачки се овие духовни собири за нас!

Во текот на 2005 службена година, ќе имаме нова подготовка за повторување на програмата од овие собири која ќе ни помогне да ги запомниме и да ги примениме во пракса поуките што сме ги слушале. На страници 5 и 6 од овој додаток има статии што содржат најава за она што ќе се изнесе на програмата, како и прашања за повторување за секоја од програмите на собирот. Собранијата ќе ги разгледаат овие информации на Состанокот за служба кратко пред и кратко откако ќе присуствуваат на овие собири. Како ќе биде организирано ова?

Една или две седмици пред собранието да присуствува на покраинскиот собир, на Состанокот за служба ќе се изнесе 10⁠-минутен говор на темел на статијата „Нова програма за покраинскиот собир“ за да се поттикне исчекување за програмата. Говорникот исто така ќе сврти внимание на прашањата за повторување и ќе ги охрабри сите да фаќаат белешки за да се подготват за повторувањето што ќе следи неколку седмици по одржувањето на собирот.

Неколку седмици по собирот, на Состанокот за служба ќе биде вклучено 15⁠-минутно повторување на програмата од првиот ден на собирот. Во седмицата што следи, ќе се одвојат 15 минути за повторување на програмата од вториот ден. Како основа за овие дискусии ќе послужат прашањата за повторување што се наоѓаат во овој додаток. Повторувањето треба да се сосредоточи на практичната вредност на информациите. За да има време за овие делови за повторување, старешините можат да средат некои други делови од Состанокот за служба да се скратат, да не се одржат или да се преместат за некој друг состанок.

Истата подготовка ќе се следи и во врска со програмата за Денот на специјален собир, со тоа што ќе има само еден дел од 15 минути за целата програма. Добро е да го зачуваме овој додаток и да го употребиме за да извлечеме целосна корист од прекрасните поуки што ни ги дава Јехова (Иса. 48:17, 18).