„Храна во вистинско време“

¹ Откако ќе присуствуваме на некој посебен собир, честопати велиме: „Токму тоа ни требаше!“ Еден покраински надгледник известил дека, откако ја слушале овогодишната програма, некои објавители во неговата покраина изразиле желба повеќе да учествуваат во службата. Еден патувачки надгледник рекол: „Ни помогна јасно да разбереме во кое време живееме и да си ги преиспитаме целите во животот“. Друг изјавил: „Многу објавители рекоа дека ова за нив бил јасен повик да се преиспитаат дали се сконцентрирани на она што е најважно — службата на проповедање“. Како ти помогна посебниот собир тебе?

² И програмата за претстојната службена година ќе биде токму она што ни треба. Мотото на собирот е „Барај прибежиште кај Јехова“, а земено е од Псалм 118:8, 9. Ова се некои од темите што ќе бидат обработени: „Како Јехова е тврдина во време на неволја“, „Помогни им на другите да најдат прибежиште под Јеховините крилја“, „Биди прибежиште по примерот на Јехова“, „Млади, имајте доверба во Јехова!“ и „Нашиот духовен рај — прибежиште што ни го дава Јехова“.

³ Извлечи потполна корист: Кога ќе биде најавен датумот, направи план за да присуствуваш и покани ги интересентите и тие да дојдат. За да можеме ‚истрајно да донесуваме плод‘, мора да го запомниме она што ќе го чуеме (Лука 8:15). Затоа, внимателно слушај ја програмата и прави си кратки белешки за главните мисли, како и за советите што планираш да ги примениш во животот и во службата. По собирот, одвој си време да разговараш за програмата со семејството и размислете на кои конкретни начини можете ти и твоето семејство да ги примените тие информации.

⁴ Исто како еден вкусен и хранлив оброк, овогодишниот посебен собир е подготвен внимателно и со многу љубов. Јехова нека те благослови затоа што се трудиш да присуствуваш и да извлечеш корист од оваа „храна во вистинско време“ која духовно ги крепи Божјите слуги (Мат. 24:45).

[Прашања]

1. Како програмата на последниот посебен собир ти помогна тебе и на другите?

2. Што содржи програмата за следниот посебен собир?

3. Како може да извлечеме потполна корист ако присуствуваме на собирот?

4. Зошто треба со радост да го очекуваме претстојниот посебен собир?