Како да ги понудиш списанијата

Стражарска кула 15 фев.

„Некои сметаат дека луѓето ја уништуваат Земјата. Дали и вие сте загрижени поради тоа? [Почекај да одговори.] Забележете го ова охрабрувачко ветување. [Прочитај Откровение 11:18.] Ова списание кажува зошто нашата планета е уникатна. Исто така, тоа ни покажува што вели Библијата за иднината на Земјата?“

Разбудете се! Фев.

„Што мислите, дали ова е причината за проблемите што ги гледаме во светот? [Прочитај 1. Јованово 5:19. Потоа почекај да одговори.] Оваа статија покажува што вели Библијата за идентитетот на „Злобниот“ и како можеме да го избегнеме неговото моќно влијание.“ Покажи ја статијата што почнува на 12. страница.

Стражарска кула 1 март

„Многу луѓе сметаат дека сите религии водат до Бог. Што мислите, дали е важно која религија ќе ја избереме? [Почекај да одговори.] Забележете го овој совет. [Прочитај 1. Јованово 4:1.] Ова списание зборува за тоа како можеме да ги провериме разните учења за да видиме дали се од Бог. Исто така, тоа објаснува како настанале многу религии.“

Разбудете се! Март

„Според ваше мислење, какви проблеми имаат младите денес? [Почекај да одговори.] Овој стих укажува на еден проблем — како да најдат вистински пријатели. [Прочитај Изреки 13:20.] Ова списание објаснува зошто е опасно да се користи Интернет за да се најдат пријатели, и како можат младите да бидат заштитени.“