Како ни користи Собраниското проучување на книга
1. Зошто се корисни нашите пет седмични состаноци?
1 Нашите пет седмични состаноци се разликуваат еден од друг по начинот на кој се водат и по својата цел. Сепак, сите тие се важни и ни помагаат „да размислуваме еден за друг за да се поттикнуваме кон љубов и кон добри дела“ (Евр. 10:24, 25). Да разгледаме како ни користи Собраниското проучување на книга и по што се разликува од другите состаноци.
2. Како ни користи тоа што се собираме во помали групи за проучување на книга?
2 Ни помага духовно да напредуваме: За разлика од другите состаноци, Собраниското проучување на книга обично се одржува во помала група. Затоа таму ни е полесно да стекнеме пријатели што ќе ни помагаат во духовен поглед (Изр. 18:24). Дали се трудиш подобро да се запознаеш со сите што доаѓаат во твојата група за проучување на книга, можеби така што се договараш за служба со нив? Овој состанок му помага и на надгледникот на групата да се запознае со околностите на секој поединец и лично да го охрабри (Изр. 27:23).
3. Зошто интересентите се поспремни да доаѓаат на овој состанок, и зошто тој ни помага повеќе да коментираме?
3 Дали си ги поканил лицата со кои проучуваш да дојдат со тебе на Собраниското проучување на книга? Интересентите што не се спремни да дојдат на нашите поголеми состаноци можеби ќе се чувствуваат послободни да дојдат на помал состанок, особено ако тој се одржува во некој приватен дом. Освен тоа, пријателската атмосфера им овозможува на помладите и на новите полесно да коментираат. Бидејќи групата е помала, можеме повеќе пати да коментираме и на тој начин да го славиме Јехова (Пс. 111:1).
4. Од кои други причини е практично за објавителите тоа што има Собраниско проучување на книга?
4 Обично, проучувањето на книга се одржува во приватни домови низ целото собраниско подрачје и објавителите можат лесно да појдат таму. Иако не е можно секој да биде доделен во група за проучување што е најблиску до неговиот дом, сепак веројатно ќе можеме побрзо да стигнеме до местото каде што се одржува овој состанок отколку до другите собраниски состаноци. Онаму каде што се проучува книгата може да се одржуваат и состаноците за проповедање.
5. Како може нашиот надгледник за проучување на книга да ни помогне во службата?
5 Ни помага за службата: Надгледникот за собраниско проучување на книга сака да им помогне на сите објавители во групата да можат редовно, делотворно и со радост да учествува во службата. Затоа тој се труди да проповеда со секој од групата и така лично да му помогне во различни гранки од службата. Ако некој дел од службата ти е потежок како, на пример, правење повторни посети, кажи му го тоа на твојот надгледник за собраниско проучување на книга. Тој веројатно ќе може да договори да одиш во служба со некој поискусен објавител од групата. За време на состанокот, добро внимавај кои методи на поучување ги користи надгледникот. Така ќе можеш и ти повешто да ги поучуваш другите за Библијата (1. Кор. 4:17).
6. Зошто треба да се трудиме да извлечеме потполна корист од собраниското проучување на книга?
6 Собраниското проучување на книга е навистина голем благослов за нас! Јехова со љубов ни го дава овој состонок за да ни помогне да стоиме цврсто во духовен поглед во овие тешки времиња (Пс. 26:12).