Собраниска студија на книга — зошто ни е потребна
1. Кои биле раните почетоци на подготовката за Собраниска студија на книга?
1 Во 1895, групите за проучување на Библиските студенти, како што тогаш се викале Јеховините сведоци, станале познати како Окружоци за проучување на Библијата „Зора“. Како темел за проучување се користеле томовите од Millennial Dawn (Илјадагодишна зора). Подоцна овие состаноци биле наречени Вериски окружоци за проучување на Библијата (Дела 17:11). Честопати една не многу голема група се состанувала во приватен дом една вечер што им одговарала на сите во групата. Овие состаноци биле претходник на Собраниската студија на книга.
2. Како можеме да придонесеме за „размена на охрабрување“ на студија на книга?
2 Охрабрување и помош: Бидејќи групите за студија на книга намерно се направени мали, има поголема можност присутните да дадат изрази на својата вера. Резултат од тоа е „размена на охрабрување . . . секој преку верата на другиот“ (Рим. 1:12).
3, 4. На кој начин подготовката за студија на книга ни помага да ја извршуваме нашата служба?
3 Тоа што ќе го набљудуваме начинот на поучување на надгледникот на студија на книга може да ни помогне ‚исправно да ракуваме со речта на вистината‘ (2. Тим. 2:15). Забележи на кој начин нагласува како материјалот се темели на Библијата. Доколку одговара за публикацијата што се разгледува, на крајот може да ги нагласи главните мисли со помош на повторување само со користење на Библијата. Неговиот добар пример може да ни помогне да се подобриме во поучувањето во христијанската служба (1. Кор. 11:1).
4 Освен во водењето на седмичната лекција, надгледникот на студија на книга презема водство и во евангелизирањето. Во соработка со надгледникот за служба, прави практични подготовки за служба на теренот. Настојува да им помогне на сите во групата да ја исполнат својата христијанска одговорност да ја проповедаат добрата вест и да прават ученици (Мат. 28:19, 20; 1. Кор. 9:16).
5. Каква лична помош е на располагање преку студијата на книга?
5 Надгледникот на студија на книга е заинтересиран за духовното добро на секој поединец во групата. Овој интерес го покажува на собраниските состаноци и додека работи со другите во службата на теренот. Исто така, користи прилики да ги посети браќата во нивните домови за да сподели духовни дарови. Сите треба да се чувствуваат слободни да му пристапат на надгледникот на студија на книга за духовна помош секогаш кога им е потребна (Иса. 32:1, 2).
6. а) Како биле зајакнати нашите браќа во некои земји со тоа што се состанувале во помали групи? б) Како ти лично извлекуваш корист од подготовката за студија на книга?
6 Да се зајакнуваме еден со друг: Во земји каде што активноста на Божјиот народ е ограничена, браќата честопати се среќаваат во помали групи. Еден брат си спомнува: „Иако нашите христијански активности беа забранети, секогаш кога беше можно ги одржувавме нашите седмични состаноци во групи составени од 10 до 15 луѓе. Од состаноците извлекувавме духовна сила, како од проучувањето на Библијата така и од нашето дружење по проучувањето. Си ги споредувавме искуствата, а тоа ни помогна да сфатиме дека секој од нас ја води истата борба“ (1. Петр. 5:9). На сличен начин, и ние да се зајакнуваме еден со друг така што потполно ќе ја поддржуваме подготовката за Собраниска студија на книга (Ефеш. 4:16).