Рубрика прашања

◼ Дали е исправно да ја ставаме својата e-mail адреса на публикациите што ги даваме во служба?

Некои објавители ставаат налепница или печат со својата e-mail адреса на списанијата или трактатите што им ги даваат на луѓето во служба. Така, оние што ги земаат тие публикации можат да контактираат со објавителот за да побараат повеќе информации. Објавителите што на тој начин сакаат да им помогнат на заинтересираните сигурно имаат добра намера. Меѓутоа, нашата официјална веб-страница веќе е отпечатена на последната страница од списанијата и трактатите. Затоа, најдобро е на публикациите да не ставаме своја e-mail адреса.

Лична одлука е дали некој објавител ќе им ја запише на ливче својата адреса на луѓето од подрачјето, особено кога прави повторни посети. Ние треба да преземеме иницијатива повторно да ги посетиме оние што се заинтересирани наместо да оставиме тие да ни се јават за да побараат повеќе информации. Подобро ќе покажеме дека искрено се интересираме за нив ако разговараме лице в лице.