Како да ги понудиш списанијата

Стражарска кула 1 јануари

„Дали се согласувате со ова што ќе Ви го прочитам? [Прочитај Јаков 3:2.] Во оваа статија ќе најдете некои практични предлози од Библијата што можат да ни помогнат да не ги повредуваме другите во семејството со нашите зборови.“ Покажи ја статијата што почнува на 10. страница.

Разбудете се! Јануари

„Во секој брак има проблеми. Што мислите, каде можат брачните парови да побараат добри совети за бракот? [Почекај да одговори.] Видете ги овие практични упатства. [Прочитај Ефешаните 5:22, 25.] Оваа статија објаснува што значи тоа жената да му биде подложна на својот сопруг.“ Покажи ја статијата што почнува на 28. страница.

Стражарска кула 1 февруари

„Бидејќи денес имаме толку многу проблеми, што мислите, дали е можно да најдеме вистински душевен мир? [Почекај да одговори.] На многумина им помогнало тоа што дознале каква надеж за иднината дава Библијата. [Прочитај еден од стиховите што се цитирани или наведени во статијата за која зборуваш.] Ова списание покажува што вели Библијата за тоа како сме настанале, која е смислата на животот и што ни носи иднината.“

Разбудете се! Февруари

„Многу луѓе не се чувствуваат безбедно бидејќи има сѐ повеќе криминал. Што мислите, дали некогаш ќе биде подобро? [Почекај да одговори.] Видете што вели едно интересно библиско пророштво. [Прочитај Псалм 37:10.] Ова списание зборува за тоа која е главната причина за криминалот и кое е библиското решение за овој проблем.“