Брзо посетете ги заинтересираните

Откако беа направени промени во изгледот и содржината на нашата интернет-страница, значително се зголеми бројот на онлајн-барањата за проучување на Библијата. Освен тоа, некои бараат библиска студија и на местата за јавно сведочење. Бетелот се труди да ги проследи овие барања што е можно побрзо. На пример, ако некој побара библиска студија преку jw.org, старешините кои служат на подрачјето каде што живее заинтересираното лице најчесто добиваат известување од подружницата во рок од само два дена. Меѓутоа, некои што побарале библиска студија биле посетени дури по неколку седмици. Како би можеле да се погрижиме да ги посетиме тие луѓе пред да изгубат интерес? (Мар. 4:14, 15).

Ако сретнеш некое заинтересирано лице што не живее на подрачјето на твоето собрание, веднаш пополни го формуларот Те молиме, посети го ова лице (Ѕ-43), и дај му го на секретарот најдоцна до следниот собраниски состанок. Секретарот треба да ја достави таа информација до соодветното собрание најдоцна за ден или два или, пак, да ја испрати до подружницата колку што е можно побрзо. Ако старешините добијат информација дека некој на нивното подрачје покажал интерес за вистината, треба брзо да се погрижат некој да го посети тоа лице. Објавителот кој ќе биде замолен да оди кај него, треба да го стори тоа колку што е можно побрзо. Ако не го најде заинтересираното лице, би можел да му остави порака со неколку свои податоци за да можат да воспостават контакт.