Цени го своето пријателство со Јехова

Како Јеховини сведоци, ние имаме посебна чест. Тоа што сме му го заветувале својот живот на Севишниот Господар Јехова и сме се крстиле ни дава можност да продолжиме да го зајакнуваме нашето пријателство со него. Бог нѐ привлекол преку својот Син (Јвн 6:44). Тој ги слуша нашите молитви (Пс 34:15).

Како можеме да си го зачуваме скапоценото пријателство со Бог? Еден начин е така што нема да ги правиме погрешните работи што ги правеле Израелците. Кратко откако склучиле сојуз со Јехова, тие направиле златно теле и западнале во идолопоклонство (2Мо 32:7, 8; 1Ко 10:7, 11, 14). Добро е да се запрашаме: Како реагирам кога сум на искушение да направам нешто неисправно? Дали од моите постапки се гледа дека го ценам пријателството со Јехова? Силната љубов кон нашиот небесен Татко ќе ни помогне да не правиме работи што тој ги мрази (Пс 97:10).

ГЛЕДАЈ ГО ВИДЕОКЛИПОТ ЗАЧУВАЈ ГО ПРИЈАТЕЛСТВОТО СО ЈЕХОВА (КОЛ 3:5), А ПОТОА ОДГОВОРИ ГИ СЛЕДНИВЕ ПРАШАЊА:

• Што е лакомост?

• Зошто треба да се чуваме од лакомост и идолопоклонство?

• Во која смисла прељубата е слична со идолопоклонството?

• Зошто особено оние што имаат поголеми теократски одговорности треба да внимаваат да се грижат за потребите на својот сопружник?