„Бидете трпеливи“

¹ Додека гледаме како крајот на Сатановиот стар систем сѐ повеќе се приближува, многу е битно да ‚бидеме трпеливи‘ додека го чекаме Јеховиниот ден на избавување. Особено во овој доцен час, злобните непријателски сили се одлучни да го одвратат нашето внимание од најважното спорно прашање за Јеховиниот суверенитет и да нѐ стават во искушение да бидеме одвлечени од мноштво лични интереси. На тој начин Сатана би нѐ измамил да се откажеме или да забавиме во делото на проповедање на Царството (Јак. 5:7, 8; Мат. 24:13, 14). На кои начини можеме да ја покажеме таквата потребна трпеливост?

² Со тоа што ќе бидеме издржливи: Кога ќе наидеме на апатија или на противење во нашата служба, издржливоста ќе ни помогне да истраеме во проповедањето. Нема да бидеме лесно заплашени ниту навредени ако луѓето што ќе ги сретнеме се груби или нељубезни (1. Петр. 2:23). Оваа внатрешна сила може да нѐ спречи да зборуваме негативно за луѓето на нашето подрачје кои покажуваат рамнодушност или непријателство кон нашето дело, сфаќајќи дека таквиот говор ќе нѐ обесхрабри нас и оние кои работат со нас во службата.

³ Со стрплива истрајност: Може да претставува испит на нашата стрпливост кога, после некоја добра дискусија во службата на теренот, не можеме повторно да го најдеме дома заинтересираното лице. Истото важи и кога оние со кои проучуваме бавно напредуваат или бавно заземаат став за вистината. Сепак, стрпливата истрајност честопати е наградена со добри резултати (Гал. 6:9). Една сестра направила неколку повторни посети кај една млада жена пред да започне библиска студија. При првите пет посети жената била преокупирана со други работи. При шестиот обид, сестрата накиснала во една бура, но не нашла никого дома. Сепак, одлучна да ѝ даде на жената уште една шанса, сестрата повторно ја посетила и ја нашла жената спремна да проучува. После тоа ученичката напредувала и за кратко време му го предала својот живот на Јехова.

⁴ Знаеме дека Јеховиниот ден нема да задоцни. Затоа чекаме на неговото извршување на работите, знаејќи дека божествената стрпливост ќе даде добар плод (Авак. 2:3; 2. Петр. 3:9—15). Мораме да бидеме трпеливи како Јехова и да не се предаваме во службата. „Преку вера и трпение“ гледај кон Јехова за да те награди за твојата напорна работа (Евр. 6:10—12).