Божјето име на еден средновековен замок

ОД ДОПИСНИКОТ НА РАЗБУДЕТЕ СЕ! ВО СЛОВАЧКА

СЛОВАЧКА е мала но многу живописна земја што се наоѓа во срцето на Европа. Живописните краеви се украсени со замоци што се издигаат како споменици на долгата и богата историја на овој предел. Еден од најзначајните е замокот Орава, изграден на врвот на варовните карпи високи 112 метри, кои се извишуваат над блиското село.

Првите историски осврнувања на замокот Орава датираат од 1267 година. Оттогаш наваму, тој многупати го менувал својот сопственик. Во 1556, овој замок станал сопственост на богатото семејство Турзо. Црквичката на замокот била една од работите со кои ова семејство го разубавило и го доградило овој замок.

Секоја година, замокот Орава и неговите изложбени експонати привлекуваат десетици илјади посетители од многу земји. Во дворот, посетителите можат да видат нешто од посебен интерес кое е во состав на грбот на семејството Турзо, зачуван во релјеф изгравиран во песочник. Овој релјеф го содржи библиското име на Бог — Јехова — напишано на латински јазик.