8 എന്നാൽ പ്രായ​മുള്ള പുരുഷന്മാർ* കൊടുത്ത ആ ഉപദേശം രഹബെ​യാം തള്ളിക്ക​ളഞ്ഞു. പകരം, തന്റെകൂ​ടെ വളർന്ന​വ​രും ഇപ്പോൾ തന്റെ ഭൃത്യ​രും ആയ ചെറു​പ്പ​ക്കാ​രു​മാ​യി കൂടി​യാ​ലോ​ചി​ച്ചു.+ 9 രാജാവ്‌ അവരോ​ടു ചോദി​ച്ചു: “‘അങ്ങയുടെ അപ്പൻ ഞങ്ങളുടെ മേൽ വെച്ച നുകം ലഘൂക​രി​ച്ചു​ത​രുക’ എന്ന്‌ എന്നോട്‌ ആവശ്യ​പ്പെട്ട ഈ ജനത്തോ​ട്‌ എന്താണു മറുപടി പറയേ​ണ്ടത്‌, എന്താണു നിങ്ങളു​ടെ അഭി​പ്രാ​യം?” 10 അദ്ദേഹത്തോടൊപ്പം വളർന്ന ആ ചെറു​പ്പ​ക്കാർ പറഞ്ഞു: “‘അങ്ങയുടെ അപ്പൻ ഭാരമു​ള്ള​താ​ക്കിയ ഞങ്ങളുടെ നുകം അങ്ങ്‌ ലഘൂക​രി​ച്ചു​ത​രണം’ എന്ന്‌ അങ്ങയോ​ടു പറഞ്ഞ ജനത്തോ​ട്‌ ഇങ്ങനെ പറയണം: ‘എന്റെ ചെറു​വി​രൽ എന്റെ അപ്പന്റെ അരക്കെ​ട്ടി​നെ​ക്കാൾ വണ്ണമു​ള്ള​താ​യി​രി​ക്കും. 11 എന്റെ അപ്പൻ നിങ്ങളു​ടെ മേൽ ഭാരമുള്ള നുകം വെച്ചു. എന്നാൽ ഞാൻ ആ നുകത്തി​ന്റെ ഭാരം വർധി​പ്പി​ക്കും. എന്റെ അപ്പൻ നിങ്ങളെ ചാട്ടവാ​റു​കൊണ്ട്‌ ശിക്ഷി​ച്ചെ​ങ്കിൽ ഞാൻ നിങ്ങളെ മുൾച്ചാ​ട്ട​കൊണ്ട്‌ ശിക്ഷി​ക്കും.’”