-
യശയ്യ 22:15-19വിശുദ്ധ തിരുവെഴുത്തുകൾ—പുതിയ ലോക ഭാഷാന്തരം
-
-
15 പരമാധികാരിയും സൈന്യങ്ങളുടെ കർത്താവും ആയ യഹോവ കല്പിക്കുന്നു: “നീ ആ കാര്യസ്ഥന്റെ അടുത്ത് ചെന്ന്, അതായത് ഭവനത്തിന്റെ* ചുമതലക്കാരനായ ശെബ്നെയുടെ+ അടുത്ത് ചെന്ന്, ഇങ്ങനെ പറയുക: 16 ‘നീ എന്തിനാണ് ഇവിടെ നിനക്കുവേണ്ടി ഒരു കല്ലറ വെട്ടിയുണ്ടാക്കിയിരിക്കുന്നത്? നിനക്ക് എന്താണ് ഇവിടെ കാര്യം? നിന്റെ ആരാണ് ഇവിടെയുള്ളത്?’ ശെബ്നെ ഉയർന്ന ഒരു സ്ഥലത്ത് തനിക്കുവേണ്ടി ഒരു കല്ലറ വെട്ടിയുണ്ടാക്കുന്നു; പാറയിൽ ഒരു വിശ്രമസ്ഥലം* വെട്ടിയൊരുക്കുന്നു. 17 ‘യഹോവ നിന്നെ ശക്തിയായി താഴേക്കു വലിച്ചെറിയും. എടോ, ദൈവം നിന്നെ ബലം പ്രയോഗിച്ച് പിടികൂടും. 18 നിന്നെ ചുരുട്ടിക്കൂട്ടി, വിശാലമായ ഒരു ദേശത്തേക്കു പന്തുപോലെ എറിയും. അവിടെവെച്ച് നീ മരിക്കും; നിന്റെ പ്രൗഢിയുള്ള രഥങ്ങൾ നിന്റെ യജമാനന്റെ ഭവനത്തിന് അപമാനമായി അവിടെ കിടക്കും. 19 ഞാൻ നിന്നെ നിന്റെ സ്ഥാനത്തുനിന്ന് നീക്കും; നിനക്കു നിന്റെ പദവി നഷ്ടമാകും.
-