20 ഉടനെ മോശ​യും അഹരോ​നും യഹോവ കല്‌പി​ച്ച​തുപോലെ​തന്നെ ചെയ്‌തു. ഫറവോന്റെ​യും ദാസരുടെ​യും കൺമു​ന്നിൽവെച്ച്‌ അഹരോൻ വടി ഉയർത്തി നൈൽ നദിയി​ലെ വെള്ളത്തിൽ അടിച്ചു. നൈലി​ലു​ണ്ടാ​യി​രുന്ന വെള്ളം മുഴു​വ​നും രക്തമായി മാറി.+

6 അങ്ങനെ അഹരോൻ ഈജി​പ്‌തി​ലെ വെള്ളത്തി​ന്മേൽ കൈ നീട്ടി; തവളകൾ കയറി​വന്ന്‌ ഈജി​പ്‌ത്‌ ദേശം മുഴുവൻ നിറഞ്ഞു.

17 അവർ അങ്ങനെ ചെയ്‌തു. അഹരോൻ കൈയി​ലി​രുന്ന വടി നീട്ടി നിലത്തെ പൊടി​യിൽ അടിച്ചു. അപ്പോൾ കൊതു​കു​കൾ വന്ന്‌ മനുഷ്യരെ​യും മൃഗങ്ങളെ​യും പൊതി​ഞ്ഞു. നിലത്തെ പൊടി മുഴുവൻ ഈജി​പ്‌ത്‌ ദേശ​ത്തെ​ങ്ങും കൊതു​കു​ക​ളാ​യി മാറി.+

6 പിറ്റേന്നുതന്നെ യഹോവ അങ്ങനെ ചെയ്‌തു. ഈജി​പ്‌തു​കാ​രു​ടെ എല്ലാ തരം മൃഗങ്ങ​ളും ചത്തുതു​ടങ്ങി.+ എന്നാൽ, ഇസ്രായേ​ല്യ​രു​ടെ മൃഗങ്ങ​ളിൽ ഒന്നു​പോ​ലും ചത്തില്ല.

10 അങ്ങനെ അവർ ഒരു ചൂളയിൽനി​ന്ന്‌ പുകക്ക​രി​യും എടുത്ത്‌ ഫറവോ​ന്റെ മുന്നിൽ ചെന്ന്‌ നിന്നു. മോശ അതു വായു​വിലേക്ക്‌ എറിഞ്ഞു. അതു മനുഷ്യന്റെ​യും മൃഗത്തിന്റെ​യും മേൽ, പഴുത്ത്‌ വീങ്ങുന്ന പരുക്ക​ളാ​യി മാറി.

23 അപ്പോൾ മോശ വടി ആകാശ​ത്തേക്കു നീട്ടി. യഹോവ ഇടിമു​ഴ​ക്ക​വും ആലിപ്പ​ഴ​വും അയച്ചു; തീയും* ഭൂമി​യിൽ വന്നുവീ​ണു. ഈജി​പ്‌ത്‌ ദേശത്തി​ന്മേൽ യഹോവ ആലിപ്പഴം പെയ്യി​ച്ചുകൊ​ണ്ടി​രു​ന്നു.

12 യഹോവ അപ്പോൾ മോശയോ​ടു പറഞ്ഞു: “നിന്റെ കൈ ഈജി​പ്‌ത്‌ ദേശത്തി​ന്മേൽ നീട്ടി വെട്ടു​ക്കി​ളി​കളെ വരുത്തുക. അവ വന്ന്‌ ഈജി​പ്‌ത്‌ ദേശത്തെ എല്ലാ പച്ചസസ്യ​വും, ആലിപ്പഴം ബാക്കി വെച്ച​തെ​ല്ലാം, തിന്നു​തീർക്കട്ടെ.”

21 യഹോവ അപ്പോൾ മോശയോ​ടു പറഞ്ഞു: “ഈജി​പ്‌ത്‌ ദേശത്തി​ന്മേൽ ഇരുട്ട്‌ ഉണ്ടാ​കേ​ണ്ട​തിന്‌ നിന്റെ കൈ ആകാശ​ത്തേക്കു നീട്ടുക. തൊട്ടുനോ​ക്കാ​നാ​കു​ന്നത്ര കനത്ത കൂരി​രു​ട്ടു ദേശത്തെ മൂടട്ടെ.”