16 നെഥന്യയുടെ മകനായ യിശ്‌മാ​യേൽ അഹീക്കാ​മി​ന്റെ മകനായ ഗദല്യയെ+ കൊന്നി​ട്ട്‌ ബന്ദിക​ളാ​ക്കിയ, മിസ്‌പ​യിൽനി​ന്നുള്ള ബാക്കി ആളുകളെ കാരേ​ഹി​ന്റെ മകനായ യോഹാ​നാ​നും ഒപ്പമുള്ള സൈന്യാ​ധി​പ​ന്മാ​രും മോചി​പ്പി​ച്ചു. എന്നിട്ട്‌ അവർ ആ പുരു​ഷ​ന്മാ​രെ​യും പടയാ​ളി​ക​ളെ​യും സ്‌ത്രീ​ക​ളെ​യും കുട്ടി​ക​ളെ​യും കൊട്ടാ​ര​ത്തി​ലെ ഉദ്യോ​ഗ​സ്ഥ​ന്മാ​രെ​യും ഗിബെ​യോ​നിൽനിന്ന്‌ തിരികെ കൊണ്ടു​വന്നു.

42 പിന്നെ സൈന്യാ​ധി​പ​ന്മാ​രും കാരേ​ഹി​ന്റെ മകൻ യോഹാനാനും+ ഹോശ​യ്യ​യു​ടെ മകൻ യസന്യ​യും ചെറി​യ​വൻമു​തൽ വലിയ​വൻവരെ ജനം മുഴു​വ​നും 2 യിരെമ്യ പ്രവാ​ച​കന്റെ അടുത്ത്‌ വന്ന്‌ പറഞ്ഞു: “ഞങ്ങളുടെ അപേക്ഷ കേൾക്കണേ. ഞങ്ങൾക്കു​വേണ്ടി അങ്ങയുടെ ദൈവ​മായ യഹോ​വ​യോ​ടു പ്രാർഥി​ക്കണേ. ധാരാളം പേരു​ണ്ടാ​യി​രുന്ന ഞങ്ങളിൽ കുറച്ച്‌ പേരേ ഇപ്പോൾ ശേഷിച്ചിട്ടുള്ളൂ+ എന്ന്‌ അങ്ങ്‌ കാണു​ന്ന​ല്ലോ. ശേഷി​ച്ചി​രി​ക്കുന്ന ഈ ഞങ്ങൾക്കെ​ല്ലാ​വർക്കും​വേണ്ടി അങ്ങ്‌ പ്രാർഥി​ക്കണേ. 3 ഞങ്ങൾ പോകേണ്ട വഴിയും ഞങ്ങൾ ചെയ്യേണ്ട കാര്യ​ങ്ങ​ളും അങ്ങയുടെ ദൈവ​മായ യഹോവ ഞങ്ങൾക്കു പറഞ്ഞു​ത​രു​മാ​റാ​കട്ടെ.”