ഉൽപത്തി

1 ആരംഭ​ത്തിൽ ദൈവം ആകാശ​വും ഭൂമി​യും സൃഷ്ടിച്ചു.+

2 ഭൂമി പാഴാ​യും ശൂന്യ​മാ​യും കിടന്നു. ആഴമുള്ള വെള്ളത്തി​നു മീതെ+ ഇരുളു​ണ്ടാ​യി​രു​ന്നു. ദൈവ​ത്തി​ന്റെ ചലനാത്മകശക്തി*+ വെള്ളത്തി​നു മുകളിലൂടെ+ ചലിച്ചുകൊ​ണ്ടി​രു​ന്നു.

3 “വെളിച്ചം ഉണ്ടാകട്ടെ” എന്നു ദൈവം കല്‌പി​ച്ചു. അങ്ങനെ വെളിച്ചം ഉണ്ടായി.+ 4 വെളിച്ചം നല്ലതെന്നു ദൈവം കണ്ടു; ദൈവം വെളി​ച്ചത്തെ ഇരുളിൽനി​ന്ന്‌ വേർതി​രി​ച്ചു. 5 ദൈവം വെളി​ച്ചത്തെ പകൽ എന്നും ഇരുളി​നെ രാത്രി എന്നും വിളിച്ചു.+ സന്ധ്യയാ​യി, പ്രഭാ​ത​മാ​യി; ഒന്നാം ദിവസം.

6 “വെള്ളത്തെ വെള്ളത്തിൽനി​ന്ന്‌ വേർതിരിക്കാൻ+ അവയുടെ മധ്യേ വിശാ​ല​മായ ഒരു വിതാനം*+ ഉണ്ടാകട്ടെ” എന്നു ദൈവം കല്‌പി​ച്ചു. 7 അങ്ങനെ സംഭവി​ച്ചു. ദൈവം വിതാനം ഉണ്ടാക്കി, വിതാ​ന​ത്തി​നു താഴെ​യും വിതാ​ന​ത്തി​നു മുകളി​ലും ആയി വെള്ളത്തെ വേർതി​രി​ച്ചു.+ 8 ദൈവം വിതാ​നത്തെ ആകാശം എന്നു വിളിച്ചു. സന്ധ്യയാ​യി, പ്രഭാ​ത​മാ​യി; രണ്ടാം ദിവസം.

9 “ആകാശ​ത്തി​ന്റെ കീഴി​ലുള്ള വെള്ള​മെ​ല്ലാം ഒരിടത്ത്‌ കൂടട്ടെ, ഉണങ്ങിയ നിലം കാണട്ടെ”+ എന്നു ദൈവം കല്‌പി​ച്ചു. അങ്ങനെ സംഭവി​ച്ചു. 10 ഉണങ്ങിയ നിലത്തെ ദൈവം കര+ എന്നും ഒന്നിച്ചു​കൂ​ടിയ വെള്ളത്തെ കടൽ*+ എന്നും വിളിച്ചു. അതു നല്ലതെന്നു+ ദൈവം കണ്ടു. 11 “ഭൂമി​യിൽ പുല്ലും, വിത്ത്‌ ഉണ്ടാകുന്ന സസ്യങ്ങ​ളും, വിത്തും ഫലവും ഉണ്ടാകുന്ന മരങ്ങളും ഓരോ​ന്നിന്റെ​യും തരമനു​സ​രിച്ച്‌ മുളച്ചു​വ​രട്ടെ” എന്നു ദൈവം കല്‌പി​ച്ചു. അങ്ങനെ സംഭവി​ച്ചു. 12 അങ്ങനെ ഭൂമി​യിൽ പുല്ലും, വിത്ത്‌ ഉണ്ടാകുന്ന സസ്യങ്ങ​ളും,+ വിത്തും ഫലവും ഉണ്ടാകുന്ന മരങ്ങളും ഓരോ​ന്നിന്റെ​യും തരമനു​സ​രിച്ച്‌ മുളച്ചു​വ​രാൻതു​ടങ്ങി. അതു നല്ലതെന്നു ദൈവം കണ്ടു. 13 സന്ധ്യയായി, പ്രഭാ​ത​മാ​യി; മൂന്നാം ദിവസം.

14 ദൈവം കല്‌പി​ച്ചു: “പകലും രാത്രി​യും തമ്മിൽ വേർതിരിക്കാൻ+ ആകാശ​വി​താ​ന​ത്തിൽ ജ്യോതിസ്സുകൾ*+ കാണ​പ്പെ​ടട്ടെ; അവ ഋതുക്കളും* ദിവസ​ങ്ങ​ളും വർഷങ്ങ​ളും നിർണ​യി​ക്കാ​നുള്ള അടയാ​ള​മാ​യി​രി​ക്കും.+ 15 ഭൂമിയുടെ മേൽ പ്രകാശം ചൊരി​യാ​നാ​യി അവ ആകാശ​വി​താ​ന​ത്തിൽ ജ്യോ​തി​സ്സു​ക​ളാ​യി​രി​ക്കും.” അങ്ങനെ സംഭവി​ച്ചു. 16 അങ്ങനെ ദൈവം രണ്ടു വലിയ ജ്യോ​തി​സ്സു​കൾ സ്ഥാപിച്ചു—പകൽ വാഴാൻ വലുപ്പ​മുള്ള ഒരു ജ്യോതിസ്സും+ രാത്രി വാഴാൻ വലുപ്പം കുറഞ്ഞ ഒരു ജ്യോ​തി​സ്സും. ദൈവം നക്ഷത്ര​ങ്ങളെ​യും സ്ഥാപിച്ചു.+ 17 ഭൂമിയുടെ മേൽ പ്രകാ​ശി​ക്കാ​നും 18 പകലും രാത്രി​യും വാഴാ​നും വെളി​ച്ച​വും ഇരുളും തമ്മിൽ വേർതി​രി​ക്കാ​നും ദൈവം അവയെ ആകാശ​വി​താ​ന​ത്തിൽ സ്ഥാപിച്ചു.+ അതു നല്ലതെന്നു ദൈവം കണ്ടു. 19 സന്ധ്യയായി, പ്രഭാ​ത​മാ​യി; നാലാം ദിവസം.

20 “വെള്ളത്തിൽ ജീവികൾ* നിറയട്ടെ, ഭൂമി​യു​ടെ മീതെ ആകാശ​വി​താ​ന​ത്തിൽ ഉടനീളം പറവകൾ പറക്കട്ടെ”+ എന്നു ദൈവം കല്‌പി​ച്ചു. 21 അങ്ങനെ ദൈവം വലിയ കടൽജ​ന്തു​ക്കളെ​യും നീന്തി​ത്തു​ടി​ക്കുന്ന എല്ലാ ജീവി​കളെ​യും തരംത​ര​മാ​യി സൃഷ്ടിച്ചു. അവ വെള്ളത്തിൽ പെരുകി. ചിറകുള്ള പറവകളെയെ​ല്ലാം ദൈവം തരംത​ര​മാ​യി സൃഷ്ടിച്ചു. അതു നല്ലതെന്നു ദൈവം കണ്ടു. 22 അവയെ അനു​ഗ്ര​ഹിച്ച്‌ ദൈവം ഇങ്ങനെ കല്‌പി​ച്ചു: “വർധി​ച്ചുപെ​രു​കി കടലിലെ വെള്ളത്തിൽ നിറയുക,+ പറവക​ളും ഭൂമി​യിൽ പെരു​കട്ടെ.” 23 സന്ധ്യയായി, പ്രഭാ​ത​മാ​യി; അഞ്ചാം ദിവസം.

24 “ഭൂമി​യിൽ ജീവികൾ—വളർത്തു​മൃ​ഗ​ങ്ങ​ളും വന്യമൃ​ഗ​ങ്ങ​ളും ഇഴജന്തുക്കളും*—തരംതരമായി+ ഉണ്ടാകട്ടെ” എന്നു ദൈവം കല്‌പി​ച്ചു. അതു​പോ​ലെ സംഭവി​ച്ചു. 25 അങ്ങനെ ദൈവം വന്യമൃ​ഗ​ങ്ങളെ​യും വളർത്തു​മൃ​ഗ​ങ്ങളെ​യും ഇഴജന്തു​ക്കളെ​യും തരംത​ര​മാ​യി ഉണ്ടാക്കി. അതു നല്ലതെന്നു ദൈവം കണ്ടു.

26 ദൈവം പറഞ്ഞു: “നമുക്കു+ നമ്മുടെ ഛായയിൽ,+ നമ്മുടെ സാദൃശ്യത്തിൽ+ മനുഷ്യ​നെ ഉണ്ടാക്കാം; അവർ കടലിലെ മത്സ്യങ്ങ​ളു​ടെ മേലും ആകാശ​ത്തി​ലെ പറവജാ​തി​ക​ളു​ടെ മേലും ആധിപ​ത്യം നടത്തട്ടെ; വളർത്തു​മൃ​ഗ​ങ്ങ​ളും ഭൂമി​യിൽ കാണുന്ന എല്ലാ ജീവികളും* മുഴു​ഭൂ​മി​യും അവർക്കു കീഴട​ങ്ങി​യി​രി​ക്കട്ടെ.”+ 27 അങ്ങനെ ദൈവം സ്വന്തം ഛായയിൽ മനുഷ്യ​നെ സൃഷ്ടിച്ചു; ദൈവ​ത്തി​ന്റെ ഛായയിൽത്തന്നെ മനുഷ്യ​നെ സൃഷ്ടിച്ചു; ആണും പെണ്ണും ആയി അവരെ സൃഷ്ടിച്ചു.+ 28 തുടർന്ന്‌ അവരെ അനു​ഗ്ര​ഹിച്ച്‌ ദൈവം ഇങ്ങനെ കല്‌പി​ച്ചു: “നിങ്ങൾ സന്താന​സ​മൃ​ദ്ധി​യു​ള്ള​വ​രാ​യി പെരുകി ഭൂമി​യിൽ നിറഞ്ഞ്‌+ അതിനെ അടക്കിഭരിച്ച്‌+ കടലിലെ മത്സ്യങ്ങ​ളു​ടെ മേലും ആകാശ​ത്തി​ലെ പറവക​ളു​ടെ മേലും ഭൂമി​യിൽ കാണുന്ന എല്ലാ ജീവി​ക​ളു​ടെ മേലും ആധിപ​ത്യം നടത്തുക.”+

29 ദൈവം തുടർന്നു: “ഇതാ, വിത്തുള്ള ഫലം ഉത്‌പാ​ദി​പ്പി​ക്കുന്ന എല്ലാ മരങ്ങളും ഭൂമി​യിലെ​ങ്ങും കാണുന്ന വിത്തുള്ള എല്ലാ സസ്യങ്ങ​ളും ഞാൻ നിങ്ങൾക്കു തന്നിരി​ക്കു​ന്നു! അവ നിങ്ങൾക്ക്‌ ആഹാര​മാ​യി​രി​ക്കട്ടെ.+ 30 ഭൂമിയിലുള്ള എല്ലാ വന്യമൃ​ഗ​ങ്ങൾക്കും ആകാശ​ത്തി​ലെ എല്ലാ പറവകൾക്കും ഭൂമി​യി​ലെ എല്ലാ ജീവി​കൾക്കും ആഹാര​മാ​യി ഞാൻ പച്ചസസ്യമെ​ല്ലാം കൊടു​ത്തി​രി​ക്കു​ന്നു.”+ അങ്ങനെ സംഭവി​ച്ചു.

31 അതിനു ശേഷം, താൻ ഉണ്ടാക്കി​യതെ​ല്ലാം ദൈവം നോക്കി, വളരെ നല്ലതെന്നു+ കണ്ടു. സന്ധ്യയാ​യി, പ്രഭാ​ത​മാ​യി; ആറാം ദിവസം.

2 അങ്ങനെ ആകാശ​വും ഭൂമി​യും അവയിലുള്ളതൊക്കെയും* പൂർത്തി​യാ​യി.+ 2 ഏഴാം ദിവസ​മാ​യപ്പോഴേ​ക്കും ദൈവം ചെയ്‌തുകൊ​ണ്ടി​രുന്ന പ്രവൃത്തി പൂർത്തി​യാ​ക്കി; ചെയ്‌തുകൊ​ണ്ടി​രുന്ന എല്ലാ പ്രവൃ​ത്തി​യും തീർത്ത്‌ ഏഴാം ദിവസം ദൈവം വിശ്ര​മി​ക്കാൻതു​ടങ്ങി.+ 3 ഏഴാം ദിവസത്തെ ദൈവം അനു​ഗ്ര​ഹിച്ച്‌ അതിനെ വിശു​ദ്ധ​മാ​യി പ്രഖ്യാ​പി​ച്ചു; കാരണം ഉദ്ദേശി​ച്ച​വയെ​ല്ലാം സൃഷ്ടിച്ച ദൈവം, സൃഷ്ടി എന്ന പ്രവൃത്തി തീർത്ത്‌ ഏഴാം ദിവസം വിശ്ര​മി​ക്കാൻതു​ടങ്ങി.

4 ദൈവമായ യഹോവ* ആകാശ​വും ഭൂമി​യും ഉണ്ടാക്കിയ ദിവസം, അവ സൃഷ്ടിച്ച സമയത്ത്‌,+ അവ അസ്‌തി​ത്വ​ത്തിൽ വന്നതിന്റെ ഒരു ചരി​ത്ര​വി​വ​ര​ണ​മാണ്‌ ഇത്‌.

5 ഭൂമിയിൽ കുറ്റിച്ചെ​ടി​കളൊ​ന്നും അതുവരെ​യു​ണ്ടാ​യി​രു​ന്നില്ല, വയലിൽ സസ്യല​താ​ദി​ക​ളും മുളച്ചി​രു​ന്നില്ല. കാരണം ദൈവ​മായ യഹോവ ഭൂമി​യിൽ മഴ പെയ്യി​ച്ചി​ട്ടി​ല്ലാ​യി​രു​ന്നു; നിലത്ത്‌ കൃഷി ചെയ്യാൻ മനുഷ്യ​നു​മു​ണ്ടാ​യി​രു​ന്നില്ല. 6 ഭൂമിയിൽനിന്ന്‌ പൊങ്ങുന്ന മൂടൽമ​ഞ്ഞാ​ണു ഭൂമി മുഴുവൻ നനച്ചി​രു​ന്നത്‌.

7 ദൈവമായ യഹോവ നിലത്തെ പൊടികൊണ്ട്‌+ മനുഷ്യ​നെ നിർമി​ച്ചിട്ട്‌ അവന്റെ മൂക്കി​ലേക്കു ജീവശ്വാസം+ ഊതി; മനുഷ്യൻ ജീവനുള്ള വ്യക്തി​യാ​യി​ത്തീർന്നു.*+ 8 കൂടാതെ യഹോവ കിഴക്ക്‌ ഏദെനിൽ+ ഒരു തോട്ടം നട്ടുണ്ടാ​ക്കി, താൻ നിർമിച്ച മനുഷ്യനെ+ അവിടെ ആക്കി. 9 കാഴ്‌ചയ്‌ക്കു മനോ​ഹ​ര​വും ഭക്ഷ്യ​യോ​ഗ്യ​വും ആയ എല്ലാ മരങ്ങളും യഹോവ നിലത്ത്‌ മുളപ്പി​ച്ചു; തോട്ട​ത്തി​ന്റെ നടുവിൽ ജീവവൃക്ഷവും+ ശരിതെറ്റുകളെക്കുറിച്ചുള്ള* അറിവി​ന്റെ വൃക്ഷവും+ മുളപ്പി​ച്ചു.

10 തോട്ടം നനയ്‌ക്കാൻ ഏദെനിൽനി​ന്ന്‌ ഒരു നദി പുറ​പ്പെ​ട്ടി​രു​ന്നു; അവി​ടെ​നിന്ന്‌ അതു നാലു നദിക​ളാ​യി പിരിഞ്ഞു. 11 ഒന്നാം നദിയു​ടെ പേര്‌ പീശോൻ. അതാണു ഹവീല ദേശ​മെ​ല്ലാം ചുറ്റിയൊ​ഴു​കു​ന്നത്‌; അവിടെ സ്വർണ​മുണ്ട്‌. 12 ആ ദേശത്തെ സ്വർണം മേത്തര​മാണ്‌. സുഗന്ധ​പ്പ​ശ​യും നഖവർണി​ക്ക​ല്ലും അവി​ടെ​യുണ്ട്‌. 13 രണ്ടാം നദിയു​ടെ പേര്‌ ഗീഹോൻ. അതാണു കൂശ്‌ ദേശ​മെ​ല്ലാം ചുറ്റിയൊ​ഴു​കു​ന്നത്‌. 14 മൂന്നാം നദിയു​ടെ പേര്‌ ഹിദ്ദേക്കൽ.*+ അതാണ്‌ അസീറിയയ്‌ക്കു+ കിഴ​ക്കോട്ട്‌ ഒഴുകു​ന്നത്‌. നാലാം നദി യൂഫ്ര​ട്ടീസ്‌.+

15 ഏദെൻ തോട്ട​ത്തിൽ കൃഷി ചെയ്യേ​ണ്ട​തി​നും അതിനെ പരിപാ​ലിക്കേ​ണ്ട​തി​നും ദൈവ​മായ യഹോവ മനുഷ്യ​നെ അവി​ടെ​യാ​ക്കി.+ 16 യഹോവ മനുഷ്യ​നോ​ട്‌ ഇങ്ങനെ കല്‌പി​ക്കു​ക​യും ചെയ്‌തു: “തോട്ട​ത്തി​ലെ എല്ലാ മരങ്ങളിൽനി​ന്നും തൃപ്‌തി​യാ​കുവോ​ളം നിനക്കു തിന്നാം.+ 17 എന്നാൽ ശരി​തെ​റ്റു​കളെ​ക്കു​റി​ച്ചുള്ള അറിവി​ന്റെ മരത്തിൽനി​ന്ന്‌ തിന്നരു​ത്‌, അതിൽനി​ന്ന്‌ തിന്നുന്ന ദിവസം നീ നിശ്ചയ​മാ​യും മരിക്കും.”+

18 പിന്നെ, ദൈവ​മായ യഹോവ ഇങ്ങനെ പറഞ്ഞു: “മനുഷ്യൻ ഏകനായി കഴിയു​ന്നതു നല്ലതല്ല. ഞാൻ അവനു പൂരക​മാ​യി ഒരു സഹായി​യെ ഉണ്ടാക്കിക്കൊ​ടു​ക്കും.”+ 19 യഹോവ ഭൂമി​യി​ലെ എല്ലാ വന്യമൃ​ഗ​ങ്ങളെ​യും ആകാശ​ത്തി​ലെ എല്ലാ പറവകളെ​യും നിലത്തു​നിന്ന്‌ നിർമി​ച്ചിട്ട്‌ അവയെ ഓരോ​ന്നിനെ​യും മനുഷ്യൻ എന്തു വിളി​ക്കുമെന്ന്‌ അറിയാൻ അവന്റെ അടുത്ത്‌ കൊണ്ടു​വന്നു. ഓരോ ജീവിയെ​യും മനുഷ്യൻ എന്തു വിളി​ച്ചോ അത്‌ അതിനു പേരാ​യി​ത്തീർന്നു.+ 20 അങ്ങനെ മനുഷ്യൻ എല്ലാ വളർത്തു​മൃ​ഗ​ങ്ങൾക്കും ആകാശ​ത്തി​ലെ എല്ലാ പറവകൾക്കും എല്ലാ വന്യമൃ​ഗ​ങ്ങൾക്കും പേരിട്ടു. എന്നാൽ മനുഷ്യ​നു യോജിച്ച ഒരു തുണയെ കണ്ടില്ല. 21 അതുകൊണ്ട്‌ യഹോവ മനുഷ്യ​ന്‌ ഒരു ഗാഢനി​ദ്ര വരുത്തി. അവൻ ഉറങ്ങു​മ്പോൾ അവന്റെ വാരിയെ​ല്ലു​ക​ളിൽ ഒന്ന്‌ എടുത്ത​ശേഷം അവിടത്തെ മുറിവ്‌ അടച്ചു. 22 പിന്നെ യഹോവ മനുഷ്യ​നിൽനിന്ന്‌ എടുത്ത വാരിയെ​ല്ലുകൊണ്ട്‌ ഒരു സ്‌ത്രീ​യെ ഉണ്ടാക്കി അവളെ മനുഷ്യ​ന്റെ അടുത്ത്‌ കൊണ്ടു​വന്നു.+

23 അപ്പോൾ മനുഷ്യൻ പറഞ്ഞു:

24 അതുകൊണ്ട്‌ പുരുഷൻ അപ്പനെ​യും അമ്മയെ​യും വിട്ട്‌ ഭാര്യയോ​ടു പറ്റി​ച്ചേ​രും;* അവർ രണ്ടു പേരും ഒരു ശരീര​മാ​യി​ത്തീ​രും.+ 25 പുരുഷനും ഭാര്യ​യും നഗ്നരാ​യി​രു​ന്നു,+ എങ്കിലും അവർക്കു നാണം തോന്നി​യി​രു​ന്നില്ല.

3 ദൈവ​മായ യഹോവ ഭൂമി​യിൽ ഉണ്ടാക്കിയ എല്ലാ വന്യജീ​വി​ക​ളി​ലുംവെച്ച്‌ ഏറ്റവും ജാഗ്രതയുള്ളതായിരുന്നു* സർപ്പം.+ അതു സ്‌ത്രീ​യോ​ട്‌, “തോട്ട​ത്തി​ലെ എല്ലാ മരങ്ങളിൽനി​ന്നും നിങ്ങൾ തിന്നരു​തെന്നു ദൈവം ശരിക്കും പറഞ്ഞി​ട്ടു​ണ്ടോ”+ എന്നു ചോദി​ച്ചു. 2 അതിനു സ്‌ത്രീ സർപ്പ​ത്തോട്‌: “തോട്ട​ത്തി​ലെ മരങ്ങളു​ടെ പഴം ഞങ്ങൾക്കു തിന്നാം.+ 3 എന്നാൽ തോട്ട​ത്തി​നു നടുവി​ലുള്ള മരത്തിലെ+ പഴത്തെ​ക്കു​റിച്ച്‌ ദൈവം ഇങ്ങനെ പറഞ്ഞി​ട്ടുണ്ട്‌: ‘നിങ്ങൾ അതിൽനി​ന്ന്‌ തിന്നരു​ത്‌, അതു തൊടാൻപോ​ലും പാടില്ല. അങ്ങനെ ചെയ്‌താൽ നിങ്ങൾ മരിക്കും.’” 4 അപ്പോൾ സർപ്പം സ്‌ത്രീയോ​ടു പറഞ്ഞു: “നിങ്ങൾ മരിക്കില്ല, ഉറപ്പ്‌!+ 5 അതിൽനിന്ന്‌ തിന്നുന്ന ആ ദിവസം​തന്നെ നിങ്ങളു​ടെ കണ്ണുകൾ തുറക്കുമെ​ന്നും നിങ്ങൾ ശരിയും തെറ്റും അറിയു​ന്ന​വ​രാ​യി ദൈവത്തെപ്പോലെ​യാ​കുമെ​ന്നും ദൈവ​ത്തിന്‌ അറിയാം.”+

6 അങ്ങനെ, ആ മരം കാഴ്‌ച​യ്‌ക്കു മനോ​ഹ​ര​വും അതിലെ പഴം തിന്നാൻ നല്ലതും ആണെന്നു സ്‌ത്രീ കണ്ടു. അതെ, ആ മരം കാണാൻ നല്ല ഭംഗി​യാ​യി​രു​ന്നു. സ്‌ത്രീ അതിന്റെ പഴം പറിച്ച്‌ തിന്നു.+ പിന്നീട്‌, ഭർത്താ​വിനോ​ടു​കൂടെ​യാ​യി​രു​ന്നപ്പോൾ ഭർത്താ​വി​നും കുറച്ച്‌ കൊടു​ത്തു; ഭർത്താ​വും തിന്നു.+ 7 അപ്പോൾ ഇരുവ​രുടെ​യും കണ്ണുകൾ തുറന്നു, അവർ നഗ്നരാ​ണെന്നു തിരി​ച്ച​റി​ഞ്ഞു. അതു​കൊണ്ട്‌ അവർ അത്തിയി​ലകൾ കൂട്ടി​ത്തു​ന്നി ഉടുക്കാൻ അരയാട ഉണ്ടാക്കി.+

8 പിന്നീട്‌ ഇളങ്കാറ്റു വീശുന്ന സമയത്ത്‌, ദൈവ​മായ യഹോവ തോട്ട​ത്തി​ലൂ​ടെ നടക്കുന്ന ശബ്ദം കേട്ട​പ്പോൾ മനുഷ്യ​നും ഭാര്യ​യും യഹോ​വ​യു​ടെ മുന്നിൽപ്പെ​ടാ​തെ തോട്ട​ത്തി​ലെ മരങ്ങൾക്കി​ട​യിൽ ഒളിച്ചു. 9 ദൈവമായ യഹോവ മനുഷ്യ​നെ വിളിച്ച്‌, “നീ എവി​ടെ​യാണ്‌” എന്നു പല തവണ ചോദി​ച്ചു. 10 ഒടുവിൽ മനുഷ്യൻ പറഞ്ഞു: “ഞാൻ തോട്ട​ത്തിൽ അങ്ങയുടെ ശബ്ദം കേട്ടു. പക്ഷേ, നഗ്നനാ​യ​തുകൊണ്ട്‌ പേടിച്ച്‌ ഒളിച്ചി​രി​ക്കു​ക​യാണ്‌.” 11 അപ്പോൾ ദൈവം ചോദി​ച്ചു: “നീ നഗ്നനാണെന്നു+ നിന്നോ​ട്‌ ആരു പറഞ്ഞു? തിന്നരു​തെന്നു ഞാൻ കല്‌പിച്ച മരത്തിൽനി​ന്ന്‌ നീ തിന്നോ?”+ 12 അതിനു മനുഷ്യൻ, “എന്റെകൂ​ടെ കഴിയാൻ അങ്ങ്‌ തന്ന സ്‌ത്രീ ആ മരത്തിലെ പഴം തന്നു, അതു​കൊണ്ട്‌ ഞാൻ തിന്നു” എന്നു പറഞ്ഞു. 13 ദൈവമായ യഹോവ സ്‌ത്രീ​യോ​ട്‌, “നീ എന്താണ്‌ ഈ ചെയ്‌തത്‌” എന്നു ചോദി​ച്ചു. “സർപ്പം എന്നെ വഞ്ചിച്ചു, ഞാൻ തിന്നുപോ​യി”+ എന്നു സ്‌ത്രീ പറഞ്ഞു.

14 അപ്പോൾ, ദൈവ​മായ യഹോവ സർപ്പത്തോടു+ പറഞ്ഞു: “ഇങ്ങനെ ചെയ്‌ത​തുകൊണ്ട്‌ നീ എല്ലാ വളർത്തു​മൃ​ഗ​ങ്ങ​ളി​ലും എല്ലാ വന്യജീ​വി​ക​ളി​ലും വെച്ച്‌ ശപിക്കപ്പെ​ട്ട​താ​യി​രി​ക്കും. നീ ഉദരം​കൊ​ണ്ട്‌ ഇഴഞ്ഞു​ന​ട​ക്കും; ജീവി​ത​കാ​ലം മുഴുവൻ പൊടി തിന്നും. 15 മാത്രമല്ല ഞാൻ നിനക്കും+ സ്‌ത്രീക്കും+ തമ്മിലും നിന്റെ സന്തതിക്കും*+ അവളുടെ സന്തതിക്കും*+ തമ്മിലും ശത്രുത+ ഉണ്ടാക്കും. അവൻ നിന്റെ തല തകർക്കും;+ നീ അവന്റെ ഉപ്പൂറ്റി ചതയ്‌ക്കും.”+

16 സ്‌ത്രീയോടു ദൈവം പറഞ്ഞു: “നിന്റെ ഗർഭകാ​ലത്തെ വേദനകൾ ഞാൻ അങ്ങേയറ്റം വർധി​പ്പി​ക്കും; നീ വേദനയോ​ടെ മക്കളെ പ്രസവി​ക്കും. നിന്റെ മോഹം നിന്റെ ഭർത്താ​വിനോ​ടാ​യി​രി​ക്കും; അവൻ നിന്നെ ഭരിക്കും.”

17 ആദാമിനോടു* ദൈവം പറഞ്ഞു: “നീ നിന്റെ ഭാര്യ​യു​ടെ വാക്കു കേൾക്കു​ക​യും ‘തിന്നരു​ത്‌’ എന്നു ഞാൻ നിന്നോ​ടു കല്‌പിച്ച+ മരത്തിൽനി​ന്ന്‌ തിന്നു​ക​യും ചെയ്‌ത​തുകൊണ്ട്‌ നീ നിമിത്തം ഭൂമി ശപിക്കപ്പെ​ട്ടി​രി​ക്കു​ന്നു.+ നിന്റെ ജീവി​ത​കാ​ലം മുഴുവൻ വേദനയോടെ+ നീ അതിന്റെ വിളവ്‌ തിന്നും. 18 അതു നിനക്കു മുൾച്ചെ​ടി​യും ഞെരി​ഞ്ഞി​ലും മുളപ്പി​ക്കും. നിലത്തെ സസ്യങ്ങൾ നിന്റെ ആഹാര​മാ​യി​രി​ക്കും. 19 നിന്നെ എടുത്തി​രി​ക്കുന്ന നിലത്ത്‌+ നീ തിരികെ ചേരു​ന്ന​തു​വരെ വിയർത്ത മുഖ​ത്തോ​ടെ നീ ആഹാരം കഴിക്കും. നീ പൊടി​യാണ്‌, പൊടി​യിലേക്കു തിരികെ ചേരും.”+

20 അതിനു ശേഷം ആദാം ഭാര്യക്കു ഹവ്വ* എന്നു പേരിട്ടു. കാരണം ഹവ്വ ജീവനുള്ള എല്ലാവ​രുടെ​യും അമ്മയാ​കു​മാ​യി​രു​ന്നു.+ 21 ആദാമിനും ഭാര്യ​ക്കും ധരിക്കാൻ ദൈവ​മായ യഹോവ തോലു​കൊ​ണ്ട്‌ ഇറക്കമുള്ള വസ്‌ത്രങ്ങൾ+ ഉണ്ടാക്കിക്കൊ​ടു​ത്തു. 22 പിന്നെ, ദൈവ​മായ യഹോവ പറഞ്ഞു: “ഇതാ, ശരിയും തെറ്റും അറിയു​ന്ന​തിൽ മനുഷ്യൻ നമ്മളിൽ ഒരാ​ളെപ്പോലെ​യാ​യി​രി​ക്കു​ന്നു.+ ഇനി, അവൻ കൈ നീട്ടി ജീവവൃക്ഷത്തിന്റെ+ പഴവും പറിച്ച്‌ തിന്ന്‌ എന്നെന്നും ജീവി​ക്കാ​തി​രിക്കേ​ണ്ട​തിന്‌...” 23 അങ്ങനെ അവനെ എടുത്ത നിലത്ത്‌+ കൃഷി ചെയ്യേ​ണ്ട​തി​നു ദൈവ​മായ യഹോവ മനുഷ്യ​നെ ഏദെൻ തോട്ടത്തിൽനിന്ന്‌+ പുറത്താ​ക്കി. 24 മനുഷ്യനെ ഇറക്കി​വി​ട്ടശേഷം, ജീവവൃ​ക്ഷ​ത്തിലേ​ക്കുള്ള വഴി കാക്കാൻ ദൈവം ഏദെൻ തോട്ട​ത്തി​നു കിഴക്ക്‌ കെരൂബുകളെ+ നിറുത്തി. കൂടാതെ ജ്വലി​ക്കുന്ന വായ്‌ത്ത​ല​യുള്ള, കറങ്ങിക്കൊ​ണ്ടി​രി​ക്കുന്ന ഒരു വാളും സ്ഥാപിച്ചു.

4 ആദാം തന്റെ ഭാര്യ ഹവ്വയു​മാ​യി ലൈം​ഗി​ക​ബ​ന്ധ​ത്തിൽ ഏർപ്പെട്ടു. അവൾ ഗർഭിണിയായി+ കയീനെ+ പ്രസവി​ച്ചു. “യഹോ​വ​യു​ടെ സഹായ​ത്താൽ ഞാൻ ഒരു ആൺകു​ഞ്ഞി​നു ജന്മം നൽകി” എന്നു ഹവ്വ പറഞ്ഞു. 2 പിന്നീട്‌ ഹവ്വ കയീന്റെ അനിയ​നായ ഹാബേലിനെ+ പ്രസവി​ച്ചു.

ഹാബേൽ ആട്ടിട​യ​നും കയീൻ കർഷക​നും ആയി. 3 കുറച്ച്‌ കാലം കഴിഞ്ഞ്‌ കയീൻ കൃഷി​യി​ട​ത്തി​ലെ വിളവു​ക​ളിൽ ചിലത്‌ യഹോ​വ​യ്‌ക്കു യാഗമാ​യി കൊണ്ടു​വന്നു. 4 ഹാബേലാകട്ടെ തന്റെ ആട്ടിൻപ​റ്റ​ത്തി​ലെ കടിഞ്ഞൂലുകളിൽ+ ചിലതി​നെ അവയുടെ കൊഴുപ്പോ​ടു​കൂ​ടെ കൊണ്ടു​വന്നു. യഹോവ ഹാബേ​ലി​ലും ഹാബേ​ലി​ന്റെ യാഗത്തി​ലും പ്രസാ​ദി​ച്ചു.+ 5 എന്നാൽ കയീനി​ലും കയീന്റെ യാഗത്തി​ലും പ്രസാ​ദി​ച്ചില്ല. അപ്പോൾ കയീനു വല്ലാതെ കോപം തോന്നി; കയീന്റെ മുഖം വാടി. 6 യഹോവ കയീ​നോ​ടു ചോദി​ച്ചു: “നീ ഇത്ര കോപി​ക്കു​ന്ന​തും നിന്റെ മുഖം വാടു​ന്ന​തും എന്തിന്‌? 7 നീ നല്ലതു ചെയ്യാൻ മനസ്സുവെ​ച്ചാൽ നിനക്കു വീണ്ടും പ്രീതി ലഭിക്കി​ല്ലേ? എന്നാൽ നീ നല്ലതു ചെയ്യു​ന്നില്ലെ​ങ്കിൽ പാപം വാതിൽക്കൽ പതിയി​രി​ക്കു​ന്നു. നിന്നെ കീഴ്‌പെ​ടു​ത്താൻ അതു തീവ്ര​മാ​യി ആഗ്രഹി​ക്കു​ന്നു. എന്നാൽ നീ അതിനെ കീഴട​ക്കണം.”

8 പിന്നീട്‌ കയീൻ അനിയ​നായ ഹാബേ​ലിനോട്‌, “നമുക്കു വയലി​ലേക്കു പോകാം” എന്നു പറഞ്ഞു. അവർ വയലി​ലാ​യി​രു​ന്നപ്പോൾ കയീൻ അനിയ​നായ ഹാബേ​ലി​നെ ആക്രമി​ച്ച്‌ കൊലപ്പെ​ടു​ത്തി.+ 9 പിന്നീട്‌ യഹോവ കയീ​നോട്‌, “നിന്റെ അനിയൻ ഹാബേൽ എവിടെ” എന്നു ചോദി​ച്ചു. അതിനു കയീൻ, “എനിക്ക്‌ അറിയില്ല, ഞാൻ എന്താ എന്റെ അനിയന്റെ കാവൽക്കാ​ര​നാ​ണോ” എന്നു ചോദി​ച്ചു. 10 അപ്പോൾ ദൈവം, “നീ എന്താണ്‌ ഈ ചെയ്‌തത്‌” എന്നു കയീ​നോ​ടു ചോദി​ച്ചു. “ഇതാ, നിന്റെ അനിയന്റെ രക്തം നിലത്തു​നിന്ന്‌ എന്നോടു നിലവി​ളി​ക്കു​ന്നു.+ 11 ഇപ്പോൾ നീ ശപിക്കപ്പെ​ട്ട​വ​നാണ്‌. നീ ചൊരിഞ്ഞ നിന്റെ അനിയന്റെ രക്തം കുടി​ക്കാൻ വായ്‌ തുറന്ന ഈ മണ്ണിൽനി​ന്ന്‌ നിന്നെ നാടു​ക​ട​ത്തി​യി​രി​ക്കു​ന്നു.+ 12 നീ കൃഷി ചെയ്യു​മ്പോൾ നിലം അതിന്റെ വിളവ്‌* തരില്ല. നീ ഭൂമി​യിൽ അലഞ്ഞു​തി​രി​യു​ന്ന​വ​നും അഭയാർഥി​യും ആയിരി​ക്കും.” 13 അപ്പോൾ കയീൻ യഹോ​വയോ​ടു പറഞ്ഞു: “എന്റെ തെറ്റി​നുള്ള ശിക്ഷ താങ്ങാ​വു​ന്ന​തി​ലും അധിക​മാണ്‌. 14 ഇന്ന്‌ ഇതാ, അങ്ങ്‌ എന്നെ ഈ ദേശത്തു​നിന്ന്‌ പുറത്താ​ക്കു​ന്നു. ഇനിമേൽ ഞാൻ അങ്ങയുടെ കണ്ണിനു മറഞ്ഞി​രി​ക്കും. ഭൂമി​യിൽ അലഞ്ഞു​തി​രി​യുന്ന ഒരു അഭയാർഥി​യാ​യി​രി​ക്കും ഞാൻ. എന്നെ കാണു​ന്നവർ എന്നെ കൊല്ലു​മെന്ന്‌ ഉറപ്പാണ്‌.” 15 അതിന്‌ യഹോവ കയീ​നോട്‌, “അങ്ങനെയെ​ങ്കിൽ, കയീനെ കൊല്ലു​ന്നവൻ ഏഴ്‌ ഇരട്ടി പ്രതി​കാ​ര​ത്തിന്‌ അർഹനാ​കും” എന്നു പറഞ്ഞു.

അതു​കൊണ്ട്‌, ആരും കയീനെ ദ്രോ​ഹി​ക്കാ​തി​രിക്കേ​ണ്ട​തിന്‌ യഹോവ ഒരു അടയാളം നൽകി.* 16 അങ്ങനെ കയീൻ യഹോ​വ​യു​ടെ മുന്നിൽനി​ന്ന്‌ പുറ​പ്പെട്ട്‌ ഏദെനു+ കിഴക്ക്‌ നോദ്‌* ദേശത്ത്‌ ചെന്ന്‌ താമസി​ച്ചു.

17 അതിനു ശേഷം കയീൻ ഭാര്യയുമായി+ ലൈം​ഗി​ക​ബ​ന്ധ​ത്തിൽ ഏർപ്പെട്ടു. അവൾ ഗർഭി​ണി​യാ​യി ഹാനോ​ക്കി​നെ പ്രസവി​ച്ചു. പിന്നീട്‌ കയീൻ ഒരു നഗരം പണിയാൻതു​ടങ്ങി. അതിനു തന്റെ മകനായ ഹാനോ​ക്കി​ന്റെ പേര്‌ നൽകി. 18 പിന്നീട്‌ ഹാനോ​ക്കിന്‌ ഈരാദ്‌ ജനിച്ചു. ഈരാ​ദി​നു മെഹൂ​യ​യേൽ ജനിച്ചു. മെഹൂ​യയേ​ലി​നു മെഥൂ​ശ​യേൽ ജനിച്ചു. മെഥൂ​ശയേ​ലി​നു ലാമെക്ക്‌ ജനിച്ചു.

19 ലാമെക്കിനു രണ്ടു ഭാര്യ​മാ​രു​ണ്ടാ​യി​രു​ന്നു. ഒന്നാമത്തേ​വ​ളു​ടെ പേര്‌ ആദ, രണ്ടാമ​ത്തേവൾ സില്ല. 20 ആദ യാബാ​ലി​നെ പ്രസവി​ച്ചു. യാബാൽ കൂടാ​ര​വാ​സി​കൾക്കും മൃഗങ്ങളെ വളർത്തു​ന്ന​വർക്കും പിതാ​വാ​യി​ത്തീർന്നു. 21 യാബാലിന്റെ സഹോ​ദ​രന്റെ പേര്‌ യൂബാൽ. യൂബാൽ കിന്നരം വായി​ക്കു​ന്ന​വ​രുടെ​യും കുഴൽ ഊതു​ന്ന​വ​രുടെ​യും പിതാ​വാ​യി​ത്തീർന്നു. 22 സില്ല തൂബൽ-കയീനെ പ്രസവി​ച്ചു. തൂബൽ-കയീൻ ചെമ്പുകൊ​ണ്ടും ഇരുമ്പുകൊ​ണ്ടും ഉള്ള എല്ലാ തരം ആയുധ​ങ്ങ​ളും നിർമി​ച്ചു. തൂബൽ-കയീന്റെ പെങ്ങൾ നയമ. 23 ഭാര്യമാരായ ആദയ്‌ക്കും സില്ലയ്‌ക്കും വേണ്ടി ലാമെക്ക്‌ ഈ വരികൾ രചിച്ചു:

25 ആദാം ഭാര്യ​യു​മാ​യി വീണ്ടും ലൈം​ഗി​ക​ബ​ന്ധ​ത്തിൽ ഏർപ്പെട്ടു. അങ്ങനെ ഹവ്വ ഒരു മകനെ പ്രസവി​ച്ചു; അവനു ശേത്ത്‌*+ എന്നു പേരിട്ടു. കാരണം ഹവ്വ പറഞ്ഞു: “കയീൻ ഹാബേ​ലി​നെ കൊന്നതുകൊണ്ട്‌+ ഹാബേ​ലി​ന്റെ സ്ഥാനത്ത്‌ ദൈവം മറ്റൊരു സന്തതിയെ* എനിക്കു​വേണ്ടി നിയമി​ച്ചി​രി​ക്കു​ന്നു.” 26 പിന്നീട്‌ ശേത്തി​നും ഒരു മകൻ ജനിച്ചു. ശേത്ത്‌ അവന്‌ എനോശ്‌+ എന്നു പേരിട്ടു. അക്കാലത്ത്‌ ആളുകൾ യഹോ​വ​യു​ടെ പേര്‌ വിളി​ച്ചു​തു​ടങ്ങി.*

5 ആദാമി​ന്റെ ചരിത്രം: ആദാമി​നെ സൃഷ്ടിച്ച ദിവസം ദൈവം തന്റെ സാദൃശ്യത്തിൽ+ ആദാമി​നെ നിർമി​ച്ചു. 2 ആണും പെണ്ണും ആയി അവരെ സൃഷ്ടിച്ചു.+ അവരെ സൃഷ്ടിച്ച+ ദിവസം അവരെ അനു​ഗ്ര​ഹിച്ച്‌, ദൈവം അവർക്കു മനുഷ്യൻ* എന്ന പേര്‌ നൽകി.

3 130 വയസ്സാ​യപ്പോൾ ആദാമി​നു സ്വന്തം ഛായയിൽ ഒരു മകൻ ജനിച്ചു, ആദാമി​ന്റെ തനിപ്പ​കർപ്പാ​യി​രു​ന്നു അവൻ. ആദാം അവനു ശേത്ത്‌+ എന്നു പേരിട്ടു. 4 ശേത്ത്‌ ജനിച്ച​ശേഷം ആദാം 800 വർഷം ജീവി​ച്ചി​രു​ന്നു. ആദാമി​നു വേറെ​യും ആൺമക്ക​ളും പെൺമ​ക്ക​ളും ജനിച്ചു. 5 ആദാം ആകെ 930 വർഷം ജീവിച്ചു. പിന്നെ ആദാം മരിച്ചു.+

6 ശേത്തിന്‌ 105 വയസ്സാ​യപ്പോൾ എനോശ്‌+ ജനിച്ചു. 7 എനോശ്‌ ജനിച്ച​ശേഷം ശേത്ത്‌ 807 വർഷം ജീവി​ച്ചി​രു​ന്നു. ശേത്തിനു വേറെ​യും ആൺമക്ക​ളും പെൺമ​ക്ക​ളും ജനിച്ചു. 8 ശേത്ത്‌ ആകെ 912 വർഷം ജീവിച്ചു. പിന്നെ ശേത്ത്‌ മരിച്ചു.

9 എനോശിന്‌ 90 വയസ്സാ​യപ്പോൾ കേനാൻ ജനിച്ചു. 10 കേനാൻ ജനിച്ച​ശേഷം എനോശ്‌ 815 വർഷം ജീവി​ച്ചി​രു​ന്നു. എനോ​ശി​നു വേറെ​യും ആൺമക്ക​ളും പെൺമ​ക്ക​ളും ജനിച്ചു. 11 എനോശ്‌ ആകെ 905 വർഷം ജീവിച്ചു. പിന്നെ എനോശ്‌ മരിച്ചു.

12 കേനാന്‌ 70 വയസ്സാ​യപ്പോൾ മഹലലേൽ+ ജനിച്ചു. 13 മഹലലേൽ ജനിച്ച​ശേഷം കേനാൻ 840 വർഷം ജീവി​ച്ചി​രു​ന്നു. കേനാനു വേറെ​യും ആൺമക്ക​ളും പെൺമ​ക്ക​ളും ജനിച്ചു. 14 കേനാൻ ആകെ 910 വർഷം ജീവിച്ചു. പിന്നെ കേനാൻ മരിച്ചു.

15 മഹലലേലിന്‌ 65 വയസ്സാ​യപ്പോൾ യാരെദ്‌+ ജനിച്ചു. 16 യാരെദ്‌ ജനിച്ച​ശേഷം മഹലലേൽ 830 വർഷം ജീവി​ച്ചി​രു​ന്നു. മഹല​ലേ​ലി​നു വേറെ​യും ആൺമക്ക​ളും പെൺമ​ക്ക​ളും ജനിച്ചു. 17 മഹലലേൽ ആകെ 895 വർഷം ജീവിച്ചു. പിന്നെ മഹലലേൽ മരിച്ചു.

18 യാരെദിന്‌ 162 വയസ്സാ​യപ്പോൾ ഹാനോക്ക്‌+ ജനിച്ചു. 19 ഹാനോക്ക്‌ ജനിച്ച​ശേഷം യാരെദ്‌ 800 വർഷം ജീവി​ച്ചി​രു​ന്നു. യാരെ​ദി​നു വേറെ​യും ആൺമക്ക​ളും പെൺമ​ക്ക​ളും ജനിച്ചു. 20 യാരെദ്‌ ആകെ 962 വർഷം ജീവിച്ചു. പിന്നെ യാരെദ്‌ മരിച്ചു.

21 ഹാനോക്കിന്‌ 65 വയസ്സാ​യപ്പോൾ മെഥൂശലഹ്‌+ ജനിച്ചു. 22 മെഥൂശലഹ്‌ ജനിച്ച​ശേഷം ഹാനോ​ക്ക്‌ 300 വർഷം​കൂ​ടെ സത്യദൈവത്തോടൊപ്പം* നടന്നു. ഹാനോ​ക്കി​നു വേറെ​യും ആൺമക്ക​ളും പെൺമ​ക്ക​ളും ജനിച്ചു. 23 ഹാനോക്ക്‌ ആകെ 365 വർഷം ജീവിച്ചു. 24 ഹാനോക്ക്‌ സത്യദൈ​വ​ത്തിന്റെ​കൂ​ടെ നടന്നു.+ ദൈവം ഹാനോ​ക്കി​നെ എടുത്തതുകൊണ്ട്‌+ പിന്നെ ആരും ഹാനോ​ക്കി​നെ കണ്ടിട്ടില്ല.

25 മെഥൂശലഹിന്‌ 187 വയസ്സാ​യപ്പോൾ ലാമെക്ക്‌+ ജനിച്ചു. 26 ലാമെക്ക്‌ ജനിച്ച​ശേഷം മെഥൂ​ശ​ലഹ്‌ 782 വർഷം ജീവി​ച്ചി​രു​ന്നു. മെഥൂ​ശ​ല​ഹി​നു വേറെ​യും ആൺമക്ക​ളും പെൺമ​ക്ക​ളും ജനിച്ചു. 27 മെഥൂശലഹ്‌ ആകെ 969 വർഷം ജീവിച്ചു. പിന്നെ മെഥൂ​ശ​ലഹ്‌ മരിച്ചു.

28 ലാമെക്കിന്‌ 182 വയസ്സാ​യപ്പോൾ ഒരു മകൻ ജനിച്ചു. 29 “യഹോവ ശപിച്ച+ ഈ ഭൂമി​യിൽ നമുക്കു ചെയ്യേ​ണ്ടി​വ​രുന്ന പണിക​ളിൽനി​ന്നും നമ്മുടെ കൈക​ളു​ടെ കഠിനാ​ധ്വാ​ന​ത്തിൽനി​ന്നും ഇവൻ നമുക്ക്‌ ആശ്വാസം തരും” എന്നു പറഞ്ഞ്‌ ലാമെക്ക്‌ മകനു നോഹ*+ എന്നു പേരിട്ടു. 30 നോഹ ജനിച്ച​ശേഷം ലാമെക്ക്‌ 595 വർഷം ജീവി​ച്ചി​രു​ന്നു. ലാമെ​ക്കി​നു വേറെ​യും ആൺമക്ക​ളും പെൺമ​ക്ക​ളും ജനിച്ചു. 31 ലാമെക്ക്‌ ആകെ 777 വർഷം ജീവിച്ചു. പിന്നെ ലാമെക്ക്‌ മരിച്ചു.

32 നോഹയ്‌ക്ക്‌ 500 വയസ്സാ​യപ്പോൾ ശേം,+ ഹാം,+ യാഫെത്ത്‌+ എന്നിവർ ജനിച്ചു.

6 മനുഷ്യർ ഭൂമി​യിലെ​ങ്ങും പെരു​കു​ക​യും അവർക്കു പുത്രി​മാർ ജനിക്കു​ക​യും ചെയ്‌ത​പ്പോൾ 2 മനുഷ്യരുടെ പുത്രി​മാർ സുന്ദരി​ക​ളാ​ണെന്ന കാര്യം സത്യദൈ​വ​ത്തി​ന്റെ പുത്രന്മാർ*+ ശ്രദ്ധിച്ചു. അങ്ങനെ, ഇഷ്ടപ്പെ​ട്ട​വരെയെ​ല്ലാം അവർ ഭാര്യ​മാ​രാ​ക്കി. 3 അപ്പോൾ യഹോവ പറഞ്ഞു: “എന്റെ ആത്മാവ്‌ എല്ലാ കാലവും മനുഷ്യ​നെ സഹിക്കില്ല.+ അവൻ വെറും ജഡമാണ്‌.* അതു​കൊ​ണ്ടു​തന്നെ, അവന്റെ നാളുകൾ 120 വർഷമാ​കും.”+

4 അക്കാലത്തും അതിനു ശേഷവും ഭൂമി​യിൽ നെഫിലിമുകൾ* ഉണ്ടായി​രു​ന്നു. ആ സമയ​ത്തെ​ല്ലാം സത്യദൈ​വ​ത്തി​ന്റെ പുത്ര​ന്മാർ മനുഷ്യ​രു​ടെ പുത്രി​മാ​രു​മാ​യി ബന്ധപ്പെ​ടു​ക​യും ആ സ്‌ത്രീ​കൾ പുത്ര​ന്മാ​രെ പ്രസവി​ക്കു​ക​യും ചെയ്‌തു. ഇവരാ​യി​രു​ന്നു പുരാ​ത​ന​കാ​ലത്തെ ശക്തന്മാർ, കീർത്തി​കേട്ട പുരു​ഷ​ന്മാർ.

5 അങ്ങനെ, ഭൂമി​യിൽ മനുഷ്യ​ന്റെ ദുഷ്ടത വളരെ​യ​ധി​കം വർധി​ച്ചി​രി​ക്കുന്നെ​ന്നും അവന്റെ ഹൃദയ​വി​ചാ​ര​ങ്ങളെ​ല്ലാം എപ്പോ​ഴും ദോഷത്തിലേക്കാണെന്നും+ യഹോവ കണ്ടു. 6 ഭൂമിയിൽ മനുഷ്യ​നെ ഉണ്ടാക്കി​യതു കാരണം യഹോവ ഖേദിച്ചു;* ദൈവ​ത്തി​ന്റെ ഹൃദയ​ത്തി​നു ദുഃഖ​മാ​യി.+ 7 അതുകൊണ്ട്‌ യഹോവ പറഞ്ഞു: “ഞാൻ സൃഷ്ടിച്ച മനുഷ്യ​രെ ഭൂമി​യിൽനിന്ന്‌ തുടച്ചു​നീ​ക്കാൻപോ​കു​ക​യാണ്‌. മനുഷ്യ​നെ മാത്രമല്ല, വളർത്തു​മൃ​ഗ​ങ്ങളെ​യും ഭൂമി​യിൽ കാണുന്ന മറ്റു ജീവി​കളെ​യും ആകാശ​ത്തി​ലെ പറവകളെ​യും ഞാൻ തുടച്ചു​നീ​ക്കും. കാരണം, അവയെ ഉണ്ടാക്കി​യ​തിൽ ഞാൻ ഖേദി​ക്കു​ന്നു.” 8 എന്നാൽ നോഹ​യ്‌ക്ക്‌ യഹോ​വ​യു​ടെ പ്രീതി ലഭിച്ചു.

9 നോഹയുടെ ജീവച​രി​ത്രം ഇതാണ്‌.

നോഹ നീതിമാനും+ തന്റെ തലമു​റ​യിൽ കുറ്റമ​റ്റ​വ​നും ആയിരു​ന്നു. നോഹ സത്യദൈ​വത്തോ​ടു​കൂ​ടെ നടന്നു.+ 10 നോഹയ്‌ക്കു മൂന്നു പുത്ര​ന്മാർ ജനിച്ചു: ശേം, ഹാം, യാഫെത്ത്‌.+ 11 എന്നാൽ സത്യ​ദൈവം നോക്കി​യപ്പോൾ ഭൂമി ദുഷി​ച്ചി​രി​ക്കു​ന്ന​താ​യി കണ്ടു; അത്‌ അക്രമം​കൊ​ണ്ട്‌ നിറഞ്ഞി​രു​ന്നു. 12 അതെ, ദൈവം ഭൂമിയെ നോക്കി, അത്‌ അധഃപതിച്ചതായി+ കണ്ടു. ഭൂമി​യി​ലെ ആളുകളുടെയെല്ലാം* വഴികൾ ദുഷി​ച്ച​താ​യി​രു​ന്നു.+

13 അതിനു ശേഷം ദൈവം നോഹയോ​ടു പറഞ്ഞു: “എല്ലാ ആളുകളെ​യും നശിപ്പി​ക്കാൻ ഞാൻ തീരു​മാ​നി​ച്ചി​രി​ക്കു​ന്നു. കാരണം അവരുടെ അക്രമം​കൊ​ണ്ട്‌ ഭൂമി നിറഞ്ഞു. അതു​കൊണ്ട്‌ ഞാൻ അവരെ ഭൂമിയോ​ടു​കൂ​ടെ നശിപ്പി​ക്കും.+ 14 പശയുള്ള മേത്തരം തടി​കൊണ്ട്‌ നിനക്കാ​യി ഒരു പെട്ടകം* പണിയുക.+ അതിൽ നീ അറകൾ ഉണ്ടാക്കണം; പെട്ടക​ത്തി​ന്റെ അകത്തും പുറത്തും ടാർ*+ തേക്കണം. 15 നീ അത്‌ ഇങ്ങനെ ഉണ്ടാക്കണം: പെട്ടക​ത്തി​ന്റെ നീളം 300 മുഴവും* വീതി 50 മുഴവും ഉയരം 30 മുഴവും ആയിരി​ക്കണം. 16 പെട്ടകത്തിൽ വെളിച്ചം കടക്കാൻ മുകളിൽനി​ന്ന്‌ ഒരു മുഴം ജനലായി* വിടണം. വാതിൽ പെട്ടക​ത്തി​ന്റെ ഒരു വശത്ത്‌ വെക്കണം.+ പെട്ടക​ത്തി​നു മൂന്നു തട്ടുക​ളു​ണ്ടാ​യി​രി​ക്കണം—താഴെ ഒന്ന്‌, അതിനു മുകളിൽ ഒന്ന്‌, ഏറ്റവും മുകളിൽ മറ്റൊന്ന്‌.

17 “ആകാശ​ത്തിൻകീ​ഴിൽ ജീവശ്വാ​സ​മുള്ള എല്ലാത്തി​നും സമ്പൂർണ​നാ​ശം വരുത്താൻ ഞാൻ ഭൂമി​യിൽ ഒരു ജലപ്രളയം+ കൊണ്ടു​വ​രാൻപോ​കു​ന്നു. ഭൂമി​യി​ലു​ള്ളതെ​ല്ലാം നശിക്കും.+ 18 എന്നാൽ നിന്നോ​ടു ഞാൻ എന്റെ ഉടമ്പടി ചെയ്യുന്നു. നീ പെട്ടക​ത്തിൽ പ്രവേ​ശി​ക്കണം. നീയും നിന്റെ ആൺമക്ക​ളും നിന്റെ ഭാര്യ​യും ആൺമക്ക​ളു​ടെ ഭാര്യ​മാ​രും അതിൽ കടക്കണം.+ 19 എല്ലാ തരം ജീവികളിൽനിന്നും+ രണ്ടെണ്ണത്തെ വീതം—ഒരു ആണി​നെ​യും ഒരു പെണ്ണിനെയും+—നീ പെട്ടക​ത്തിൽ കയറ്റണം; അവയെ​യും ഞാൻ നിന്നോടൊ​പ്പം ജീവ​നോ​ടെ രക്ഷിക്കും. 20 ജീവനോടെ ശേഷിക്കേ​ണ്ട​തിന്‌, പറവക​ളിൽനി​ന്നും വളർത്തു​മൃ​ഗ​ങ്ങ​ളിൽനി​ന്നും ഭൂമി​യിൽ കാണുന്ന മറ്റെല്ലാ ജീവി​ക​ളിൽനി​ന്നും തരംത​ര​മാ​യി രണ്ടു വീതം നിന്റെ അടുത്ത്‌ പെട്ടക​ത്തിൽ വരും.+ 21 നീ നിനക്കും മൃഗങ്ങൾക്കും വേണ്ടി എല്ലാ തരം ഭക്ഷണവും+ ശേഖരി​ച്ച്‌ കൂടെ​ക്ക​രു​തണം.”

22 ദൈവം കല്‌പി​ച്ചതെ​ല്ലാം നോഹ ചെയ്‌തു; അങ്ങനെ​തന്നെ ചെയ്‌തു.+

7 അതിനു ശേഷം യഹോവ നോഹയോ​ടു പറഞ്ഞു: “നീയും നിന്റെ വീട്ടി​ലുള്ള എല്ലാവ​രും പെട്ടക​ത്തിൽ കയറുക. കാരണം, ഈ തലമു​റ​യിൽ ഞാൻ നിന്നെ നീതിമാനായി+ കണ്ടിരി​ക്കു​ന്നു. 2 വംശം അറ്റു​പോ​കാ​തെ ഭൂമി​യിലെ​ങ്ങും പെരുകേ​ണ്ട​തിന്‌,+ ആണും പെണ്ണും ആയി ശുദ്ധി​യുള്ള എല്ലാ തരം മൃഗങ്ങ​ളിൽനി​ന്നും ഏഴു വീതവും*+ ശുദ്ധി​യി​ല്ലാത്ത എല്ലാ മൃഗങ്ങ​ളിൽനി​ന്നും ആണും പെണ്ണും ആയി രണ്ടു വീതവും 3 ആകാശത്തിലെ പറവക​ളിൽനിന്ന്‌ ആണും പെണ്ണും ആയി ഏഴു വീതവും* നീ പെട്ടക​ത്തിൽ കയറ്റണം. 4 ഇനി വെറും ഏഴു ദിവസം! പിന്നെ ഞാൻ 40 പകലും 40 രാത്രിയും+ ഭൂമി​യിൽ മഴ+ പെയ്യി​ക്കു​ക​യും ഞാൻ ഉണ്ടാക്കിയ എല്ലാ ജീവി​കളെ​യും ഭൂമി​യിൽനിന്ന്‌ തുടച്ചു​നീ​ക്കു​ക​യും ചെയ്യും.”+ 5 യഹോവ കല്‌പി​ച്ചതെ​ല്ലാം നോഹ ചെയ്‌തു.

6 ഭൂമിയിൽ ജലപ്ര​ളയം ഉണ്ടായ​പ്പോൾ നോഹ​യ്‌ക്ക്‌ 600 വയസ്സാ​യി​രു​ന്നു.+ 7 നോഹയും ആൺമക്ക​ളും നോഹ​യു​ടെ ഭാര്യ​യും ആൺമക്ക​ളു​ടെ ഭാര്യ​മാ​രും ജലപ്ര​ള​യ​ത്തി​നു മുമ്പ്‌ പെട്ടക​ത്തിൽ കയറി.+ 8 ശുദ്ധിയുള്ള എല്ലാ മൃഗങ്ങ​ളിൽനി​ന്നും ശുദ്ധി​യി​ല്ലാത്ത എല്ലാ മൃഗങ്ങ​ളിൽനി​ന്നും പറവക​ളിൽനി​ന്നും ഭൂമി​യിൽ കാണുന്ന എല്ലാ ജീവികളിൽനിന്നും+ ഉള്ളവ 9 ആണും പെണ്ണും ആയി പെട്ടക​ത്തിൽ നോഹ​യു​ടെ അടുത്ത്‌ ചെന്നു. ദൈവം നോഹയോ​ടു കല്‌പി​ച്ചി​രു​ന്ന​തുപോലെ​തന്നെ ജോടി​യാ​യി അവ ചെന്നു. 10 ഏഴു ദിവസ​ത്തി​നു ശേഷം ഭൂമി​യിൽ ജലപ്ര​ളയം തുടങ്ങി.

11 നോഹയുടെ ആയുസ്സി​ന്റെ 600-ാം വർഷം രണ്ടാം മാസം 17-ാം ദിവസം ആകാശ​ത്തി​ലെ ആഴിയു​ടെ ഉറവു​ക​ളും ആകാശ​ത്തി​ന്റെ പ്രളയ​വാ​തി​ലു​ക​ളും തുറന്നു.+ 12 ഭൂമിയിൽ 40 പകലും 40 രാത്രി​യും ശക്തിയാ​യി മഴ പെയ്‌തു. 13 അന്നേ ദിവസം നോഹ പെട്ടക​ത്തിൽ കയറി. നോഹയോടൊ​പ്പം ആൺമക്ക​ളായ ശേം, ഹാം, യാഫെത്ത്‌+ എന്നിവ​രും നോഹ​യു​ടെ ഭാര്യ​യും ആൺമക്ക​ളു​ടെ മൂന്നു ഭാര്യ​മാ​രും പെട്ടക​ത്തിൽ കയറി.+ 14 എല്ലാ വന്യമൃ​ഗ​ങ്ങ​ളും എല്ലാ വളർത്തു​മൃ​ഗ​ങ്ങ​ളും ഭൂമി​യിൽ കാണുന്ന മറ്റെല്ലാ ജീവി​ക​ളും എല്ലാ പറവക​ളും തരംത​ര​മാ​യി അവരോടൊ​പ്പം കയറി; എല്ലാ പക്ഷിക​ളും ചിറകുള്ള എല്ലാ ജീവി​ക​ളും കയറി. 15 ജീവശ്വാസമുള്ള* എല്ലാ തരം ജഡവും* ഈരണ്ടാ​യി പെട്ടക​ത്തി​നു​ള്ളിൽ നോഹ​യു​ടെ അടുത്ത്‌ ചെന്നുകൊ​ണ്ടി​രു​ന്നു. 16 അങ്ങനെ ദൈവം കല്‌പി​ച്ച​തുപോ​ലെ എല്ലാ തരം ജഡവും ആണും പെണ്ണും ആയി അകത്ത്‌ കടന്നു. അതിനു ശേഷം യഹോവ വാതിൽ അടച്ചു.

17 ഭൂമിയിൽ 40 ദിവസം പെരുമഴ പെയ്‌തു; വെള്ളം ഉയർന്നുകൊ​ണ്ടി​രു​ന്നു. അതിന​നു​സ​രിച്ച്‌ പെട്ടക​വും നിലത്തു​നിന്ന്‌ ഉയർന്ന്‌ വെള്ളത്തിൽ ഒഴുകി​ന​ടന്നു. 18 വെള്ളം ഭൂമിയെ മൂടി, അതു പിന്നെ​യും​പിന്നെ​യും കൂടിക്കൊ​ണ്ടി​രു​ന്നു. എന്നാൽ, പെട്ടകം വെള്ളത്തിൽ ഒഴുകി​ന​ടന്നു. 19 വെള്ളം ഭൂമി​യിൽ കൂടി​ക്കൂ​ടി​വന്നു. ആകാശ​ത്തിൻകീ​ഴി​ലുള്ള ഉയർന്ന പർവത​ങ്ങളൊ​ക്കെ വെള്ളത്തി​ന്‌ അടിയി​ലാ​യി.+ 20 പർവതങ്ങൾക്കു മീതെ 15 മുഴംവരെ* വെള്ളം ഉയർന്നു.

21 അങ്ങനെ, ഭൂമി​യി​ലുള്ള എല്ലാ ജീവികളും* നശിച്ചു.+ പറവക​ളും വളർത്തു​മൃ​ഗ​ങ്ങ​ളും വന്യമൃ​ഗ​ങ്ങ​ളും കൂട്ടമാ​യി കാണുന്ന ചെറു​ജീ​വി​ക​ളും മനുഷ്യ​രും ഉൾപ്പെടെ എല്ലാം ചത്തൊ​ടു​ങ്ങി.+ 22 കരയിലുള്ളതെല്ലാം, മൂക്കിൽ ജീവശ്വാ​സ​മു​ള്ളതൊ​ക്കെ,+ നശിച്ചു. 23 മനുഷ്യനും മൃഗങ്ങ​ളും ഭൂമി​യി​ലുള്ള മറ്റു ജന്തുക്ക​ളും ആകാശ​ത്തി​ലെ പറവക​ളും ഉൾപ്പെടെ ജീവനുള്ള എല്ലാത്തിനെ​യും ദൈവം ഭൂമി​യിൽനിന്ന്‌ നശിപ്പി​ച്ചു​ക​ളഞ്ഞു. അവയെയെ​ല്ലാം ഭൂമി​യിൽനിന്ന്‌ തുടച്ചു​നീ​ക്കി.+ നോഹ​യും നോഹ​യുടെ​കൂ​ടെ പെട്ടക​ത്തി​ലു​ള്ള​വ​രും മാത്രം രക്ഷപ്പെട്ടു.+ 24 വെള്ളം 150 ദിവസം ഭൂമിയെ മൂടി​നി​ന്നു.+

8 പിന്നെ ദൈവം നോഹയെ​യും നോഹയോടൊ​പ്പം പെട്ടക​ത്തി​ലു​ണ്ടാ​യി​രുന്ന എല്ലാ വന്യമൃ​ഗ​ങ്ങളെ​യും വളർത്തു​മൃ​ഗ​ങ്ങളെ​യും ഓർത്തു.+ ദൈവം ഭൂമി​യിൽ ഒരു കാറ്റ്‌ അടിപ്പി​ച്ചു, വെള്ളം ഇറങ്ങാൻതു​ടങ്ങി. 2 ആകാശത്തിലെ ആഴിയു​ടെ ഉറവു​ക​ളും ആകാശ​ത്തി​ന്റെ പ്രളയ​വാ​തി​ലു​ക​ളും ദൈവം അടച്ചു. അങ്ങനെ മഴ നിലച്ചു.+ 3 ഭൂമിയിൽനിന്ന്‌ വെള്ളം ക്രമേണ ഇറങ്ങി​ത്തു​ടങ്ങി. 150-ാം ദിവസം അവസാ​നി​ച്ചപ്പോഴേ​ക്കും വെള്ളം കുറഞ്ഞി​രു​ന്നു. 4 ഏഴാം മാസം 17-ാം ദിവസം പെട്ടകം അരാരാ​ത്ത്‌ പർവത​ത്തിൽ ഉറച്ചു. 5 പത്താം മാസം​വരെ വെള്ളം പടിപ​ടി​യാ​യി കുറഞ്ഞുകൊ​ണ്ടി​രു​ന്നു. പത്താം മാസം ഒന്നാം ദിവസം പർവത​ശി​ഖ​രങ്ങൾ ദൃശ്യ​മാ​യി.+

6 നോഹ 40-ാം ദിവസ​ത്തി​ന്റെ അവസാനം പെട്ടക​ത്തി​ന്റെ ജനൽ+ തുറന്നു. 7 എന്നിട്ട്‌ ഒരു മലങ്കാ​ക്കയെ പുറ​ത്തേക്കു വിട്ടു. ഭൂമി​യിൽ വെള്ളം വറ്റുന്ന​തു​വരെ അതു പോകു​ക​യും വരുക​യും ചെയ്‌തുകൊ​ണ്ടി​രു​ന്നു.

8 പിന്നീട്‌, ഭൂമി​യിൽനിന്ന്‌ വെള്ളം ഇറങ്ങി​യോ എന്ന്‌ അറിയാൻ നോഹ ഒരു പ്രാവി​നെ അയച്ചു. 9 ഭൂമിയുടെ ഉപരി​തലം മുഴുവൻ അപ്പോ​ഴും വെള്ളമുണ്ടായിരുന്നതിനാൽ+ ചെന്നി​രി​ക്കാൻ ഇടമി​ല്ലാ​തെ പ്രാവ്‌ പെട്ടക​ത്തിൽ നോഹ​യു​ടെ അടു​ത്തേക്കു തിരി​ച്ചു​വന്നു. നോഹ കൈ നീട്ടി അതിനെ പിടിച്ച്‌ പെട്ടക​ത്തി​നു​ള്ളിൽ കയറ്റി. 10 പിന്നെയും ഏഴു ദിവസം​കൂ​ടി കാത്തി​രു​ന്നശേഷം നോഹ പ്രാവി​നെ വീണ്ടും പെട്ടക​ത്തിൽനിന്ന്‌ പുറ​ത്തേക്ക്‌ അയച്ചു. 11 വൈകുന്നേരമായപ്പോഴേക്കും പ്രാവ്‌ തിരി​ച്ചെത്തി. അതിന്റെ കൊക്കിൽ അതാ, ഒരു പച്ച ഒലിവില! അങ്ങനെ, ഭൂമി​യിൽനിന്ന്‌ വെള്ളം ഇറങ്ങിയെന്നു+ നോഹ​യ്‌ക്കു മനസ്സി​ലാ​യി. 12 പിന്നെയും നോഹ ഏഴു ദിവസം​കൂ​ടി കാത്തി​രു​ന്നു. അതിനു ശേഷം ആ പ്രാവി​നെ വീണ്ടും പുറ​ത്തേക്ക്‌ അയച്ചു. പക്ഷേ ഇത്തവണ അതു തിരി​ച്ചു​വ​ന്നില്ല.

13 അങ്ങനെ, 601-ാം വർഷം+ ഒന്നാം മാസം ഒന്നാം ദിവസ​മാ​യപ്പോഴേ​ക്കും ഭൂമി​യിൽനിന്ന്‌ വെള്ളം ഒഴുകിപ്പോ​യി​രു​ന്നു; പെട്ടക​ത്തി​ന്റെ മുകൾഭാ​ഗം നീക്കി അതിലൂ​ടെ നോക്കി​യപ്പോൾ ഭൂമി ഉണങ്ങു​ന്ന​താ​യി നോഹ കണ്ടു. 14 രണ്ടാം മാസം 27-ാം ദിവസ​മാ​യപ്പോഴേ​ക്കും ഭൂമി പൂർണ​മാ​യും ഉണങ്ങി​യി​രു​ന്നു.

15 അപ്പോൾ ദൈവം നോഹയോ​ടു പറഞ്ഞു: 16 “നീയും നിന്റെ ഭാര്യ​യും നിന്റെ ആൺമക്ക​ളും ആൺമക്ക​ളു​ടെ ഭാര്യമാരും+ പെട്ടക​ത്തിൽനിന്ന്‌ പുറത്ത്‌ കടക്കുക. 17 നിന്നോടൊപ്പം എല്ലാ ജീവികളെയും+—പറവകളെ​യും മൃഗങ്ങളെ​യും ഭൂമി​യിൽ ജീവി​ക്കുന്ന എല്ലാത്തിനെ​യും—പുറത്ത്‌ കൊണ്ടു​വ​രുക; അവ ഭൂമി​യിൽ വർധി​ച്ചുപെ​രു​കട്ടെ.”+

18 അങ്ങനെ നോഹ​യും ആൺമക്കളും+ നോഹ​യു​ടെ ഭാര്യ​യും ആൺമക്ക​ളു​ടെ ഭാര്യ​മാ​രും പുറത്ത്‌ വന്നു. 19 എല്ലാ മൃഗങ്ങ​ളും ഭൂമി​യിൽ ജീവി​ക്കുന്ന എല്ലാ ജീവി​ക​ളും എല്ലാ പറവക​ളും കരയിലെ എല്ലാ ജന്തുക്ക​ളും തരംത​ര​മാ​യി പെട്ടക​ത്തി​നു വെളി​യിൽ വന്നു.+ 20 പിന്നെ നോഹ യഹോ​വ​യ്‌ക്ക്‌ ഒരു യാഗപീ​ഠം പണിതു.+ ശുദ്ധി​യുള്ള എല്ലാ മൃഗങ്ങളിൽനിന്നും+ ശുദ്ധി​യുള്ള എല്ലാ പറവക​ളിൽനി​ന്നും ചിലതി​നെ എടുത്ത്‌ യാഗപീ​ഠ​ത്തിൽ ദഹനയാ​ഗ​മാ​യി അർപ്പിച്ചു.+ 21 അതിന്റെ പ്രസാദകരമായ* സുഗന്ധം യഹോവ ആസ്വദി​ച്ചു. അപ്പോൾ യഹോവ ഹൃദയ​ത്തിൽ പറഞ്ഞു: “ഇനി ഒരിക്ക​ലും ഞാൻ മനുഷ്യ​നെ​പ്രതി ഭൂമിയെ ശപിക്കില്ല.*+ കാരണം മനുഷ്യ​ന്റെ ഹൃദയ​ത്തി​ന്റെ ചായ്‌വ്‌ ബാല്യം​മു​തൽ ദോഷ​ത്തിലേ​ക്കാണ്‌.+ ഈ ചെയ്‌ത​തുപോ​ലെ ഇനി ഒരിക്ക​ലും ഞാൻ ജീവി​കളെയെ​ല്ലാം നശിപ്പി​ക്കില്ല.+ 22 ഭൂമിയുള്ളിടത്തോളം കാലം വിതയും കൊയ്‌ത്തും, ശൈത്യ​വും ഉഷ്‌ണ​വും, വേനലും വർഷവും, രാവും പകലും ഉണ്ടായി​രി​ക്കും;+ ഒരിക്ക​ലും അവ നിലച്ചുപോ​കില്ല.”

9 ദൈവം നോഹയെ​യും മക്കളെ​യും അനു​ഗ്ര​ഹിച്ച്‌ അവരോ​ടു പറഞ്ഞു: “സന്താന​സ​മൃ​ദ്ധി​യു​ള്ള​വ​രാ​യി പെരുകി ഭൂമി​യിൽ നിറയുക.+ 2 ഭൂമിയിലെ എല്ലാ മൃഗങ്ങ​ളും ആകാശ​ത്തി​ലെ എല്ലാ പറവക​ളും ഭൂമി​യിൽ കാണുന്ന മറ്റെല്ലാ ജീവി​ക​ളും കടലിലെ എല്ലാ മത്സ്യങ്ങ​ളും തുടർന്നും നിങ്ങളെ പേടി​ക്കും; അവ നിങ്ങളെ വല്ലാതെ ഭയപ്പെ​ടും. അവയെ ഇതാ, നിങ്ങളു​ടെ കൈയിൽ ഏൽപ്പി​ച്ചി​രി​ക്കു​ന്നു.*+ 3 ഭൂമിയിൽ കാണുന്ന ജീവനുള്ള ജന്തുക്കളെ​ല്ലാം നിങ്ങൾക്ക്‌ ആഹാര​മാ​യി​രി​ക്കും.+ പച്ചസസ്യം നിങ്ങൾക്ക്‌ ആഹാര​മാ​യി തന്നതുപോ​ലെ, അവയെ​യും ഞാൻ തരുന്നു.+ 4 എന്നാൽ അവയുടെ പ്രാണ​നായ രക്തത്തോടുകൂടെ+ നിങ്ങൾ മാംസം തിന്നരു​ത്‌.+ 5 നിങ്ങളുടെ ജീവര​ക്ത​ത്തി​നും ഞാൻ കണക്കു ചോദി​ക്കും, ജീവനുള്ള സൃഷ്ടി​കളോടെ​ല്ലാം ഞാൻ കണക്കു ചോദി​ക്കും. ഓരോ മനുഷ്യനോ​ടും അവന്റെ സഹോ​ദ​രന്റെ ജീവനു ഞാൻ കണക്കു ചോദി​ക്കും.+ 6 മനുഷ്യന്റെ രക്തം ആരെങ്കി​ലും ചൊരി​ഞ്ഞാൽ അവന്റെ രക്തം മനുഷ്യൻതന്നെ ചൊരി​യും.+ കാരണം ദൈവം സ്വന്തം ഛായയി​ലാ​ണു മനുഷ്യ​നെ സൃഷ്ടി​ച്ചത്‌.+ 7 എന്നാൽ നിങ്ങൾ, സന്താന​സ​മൃ​ദ്ധി​യു​ള്ള​വ​രാ​യി പെരു​കുക. ഭൂമി​യിൽ മനുഷ്യ​രു​ടെ എണ്ണം വർധി​ക്കട്ടെ.”+

8 പിന്നെ ദൈവം നോഹയോ​ടും മക്കളോ​ടും പറഞ്ഞു: 9 “ഇപ്പോൾ ഞാൻ നിങ്ങ​ളോ​ടും നിങ്ങൾക്കു ശേഷമുള്ള നിങ്ങളു​ടെ സന്തതി​കളോ​ടും 10 നിങ്ങളോടുകൂടെയുള്ള പക്ഷികൾ, മൃഗങ്ങൾ എന്നിങ്ങനെ ജീവനുള്ള എല്ലാത്തിനോ​ടും നിങ്ങ​ളോടൊ​പ്പ​മുള്ള ഭൂമി​യി​ലെ എല്ലാ ജീവി​കളോ​ടും—പെട്ടക​ത്തിൽനിന്ന്‌ പുറത്ത്‌ വന്ന ഭൂമി​യി​ലെ എല്ലാ ജീവജന്തുക്കളോടും+—ഒരു ഉടമ്പടി ചെയ്യുന്നു.+ 11 ഞാൻ നിങ്ങ​ളോ​ടു ചെയ്യുന്ന എന്റെ ഉടമ്പടി ഇതാണ്‌: ഇനി ഒരിക്ക​ലും ജീവജന്തുക്കളെല്ലാം* ഒരു ജലപ്ര​ള​യ​ത്താൽ നശിക്കില്ല. ഭൂമിയെ നശിപ്പി​ക്കുന്ന ഒരു ജലപ്ര​ളയം ഇനിമേൽ ഉണ്ടാകു​ക​യു​മില്ല.”+

12 ദൈവം ഇങ്ങനെ​യും പറഞ്ഞു: “ഞാൻ നിങ്ങ​ളോ​ടും നിങ്ങ​ളോ​ടു​കൂടെ​യുള്ള എല്ലാ ജീവി​കളോ​ടും ഒരു ഉടമ്പടി ചെയ്യും. തലമു​റ​കളോ​ളം നിലനിൽക്കുന്ന ആ ഉടമ്പടി​യു​ടെ അടയാളം ഇതായി​രി​ക്കും: 13 ഞാൻ മേഘത്തിൽ എന്റെ മഴവില്ലു വെക്കുന്നു. അതു ഞാനും ഭൂമി​യും തമ്മിലുള്ള ഉടമ്പടി​യു​ടെ അടയാ​ള​മാ​യി​രി​ക്കും. 14 ഞാൻ ഭൂമി​യു​ടെ മീതെ മേഘം വരുത്തുമ്പോഴെ​ല്ലാം മേഘത്തിൽ മഴവില്ലു കാണാ​നാ​കും. 15 അപ്പോൾ നിങ്ങളു​മാ​യും എല്ലാ തരം ജീവി​ക​ളു​മാ​യും ചെയ്‌ത എന്റെ ഉടമ്പടി ഞാൻ ഉറപ്പാ​യും ഓർക്കും. ഇനി ഒരിക്ക​ലും ജീവജ​ന്തു​ക്കളെ​ല്ലാം നശിക്കുന്ന ഒരു പ്രളയം ഉണ്ടാകില്ല.+ 16 മേഘത്തിൽ മഴവില്ല്‌ ഉണ്ടാകു​മ്പോൾ ഞാൻ അതു കാണു​ക​യും ദൈവ​വും ഭൂമി​യി​ലെ എല്ലാ തരം ജീവി​ക​ളും തമ്മിലുള്ള ശാശ്വ​ത​മായ ഉടമ്പടി ഓർക്കു​ക​യും ചെയ്യും.”

17 ദൈവം നോഹയോ​ടു വീണ്ടും പറഞ്ഞു: “ഞാൻ ഭൂമി​യി​ലെ എല്ലാ ജീവജ​ന്തു​ക്കളോ​ടും ചെയ്യുന്ന ഉടമ്പടി​യു​ടെ അടയാളം ഇതാണ്‌.”+

18 നോഹയുടെ ആൺമക്ക​ളായ ശേം, ഹാം, യാഫെത്ത്‌ എന്നിവർ പെട്ടക​ത്തിൽനിന്ന്‌ നോഹയോടൊ​പ്പം പുറത്ത്‌ വന്നു.+ പിന്നീട്‌ ഹാമിനു ജനിച്ച മകനാണു കനാൻ.+ 19 ഈ മൂന്നു പേരാണു നോഹ​യു​ടെ മക്കൾ. ഇവരിൽനി​ന്നാ​ണു ഭൂമി മുഴു​വ​നു​മുള്ള ജനങ്ങൾ ഉണ്ടായത്‌.+

20 നോഹ മണ്ണിൽ കൃഷി ചെയ്യാൻതു​ടങ്ങി; നോഹ ഒരു മുന്തി​രിത്തോ​ട്ടം നട്ടുണ്ടാ​ക്കി. 21 അതിൽനിന്നുള്ള വീഞ്ഞു കുടി​ച്ചപ്പോൾ ലഹരി പിടിച്ച്‌ നോഹ കൂടാ​ര​ത്തിൽ നഗ്നനായി കിടന്നു. 22 കനാന്റെ അപ്പനായ ഹാം തന്റെ അപ്പന്റെ നഗ്നത കണ്ടിട്ട്‌ പുറത്ത്‌ ചെന്ന്‌ രണ്ടു സഹോ​ദ​ര​ന്മാരോ​ടും അക്കാര്യം പറഞ്ഞു. 23 അപ്പോൾ ശേമും യാഫെ​ത്തും ഒരു തുണി എടുത്ത്‌ തങ്ങളുടെ തോളു​ക​ളി​ലിട്ട്‌ പുറ​കോ​ട്ടു നടന്നു​ചെന്ന്‌ അപ്പന്റെ നഗ്നത മറച്ചു. അവർ മുഖം തിരി​ച്ചു​പി​ടി​ച്ചി​രു​ന്ന​തി​നാൽ അപ്പന്റെ നഗ്നത കണ്ടില്ല.

24 വീഞ്ഞിന്റെ ലഹരി വിട്ട്‌ ഉണർന്ന​പ്പോൾ ഏറ്റവും ഇളയ മകൻ ചെയ്‌തതു നോഹ അറിഞ്ഞു. 25 അപ്പോൾ നോഹ പറഞ്ഞു:

“കനാൻ ശപിക്കപ്പെ​ട്ടവൻ.+

അവൻ സഹോ​ദ​ര​ന്മാർക്ക്‌ അടിമ​യാ​യി​ത്തീ​രട്ടെ.”+

26 നോഹ ഇങ്ങനെ​യും പറഞ്ഞു:

കനാൻ അവന്റെ​യും അടിമ​യാ​യി​ത്തീ​രട്ടെ.”

28 ജലപ്രളയത്തിനു ശേഷം 350 വർഷം​കൂ​ടി നോഹ ജീവി​ച്ചി​രു​ന്നു.+ 29 നോഹ ആകെ 950 വർഷം ജീവിച്ചു. പിന്നെ നോഹ മരിച്ചു.

10 നോഹ​യു​ടെ ആൺമക്ക​ളായ ശേം,+ ഹാം, യാഫെത്ത്‌ എന്നിവ​രു​ടെ ചരി​ത്ര​വി​വ​രണം ഇതാണ്‌.

ജലപ്ര​ള​യ​ത്തി​നു ശേഷം അവർക്കു മക്കൾ ഉണ്ടായി.+ 2 യാഫെത്തിന്റെ ആൺമക്കൾ: ഗോമെർ,+ മാഗോ​ഗ്‌,+ മാദായി, യാവാൻ, തൂബൽ,+ മേശെക്ക്‌,+ തീരാസ്‌.+

3 ഗോമെരിന്റെ ആൺമക്കൾ: അസ്‌കെ​നാസ്‌,+ രീഫത്ത്‌, തോഗർമ.+

4 യാവാന്റെ ആൺമക്കൾ: എലീഷ,+ തർശീശ്‌,+ കിത്തീം,+ ദോദാ​നീം.

5 ഇവരിൽനിന്ന്‌ കടലോ​ര​ങ്ങ​ളി​ലും ദ്വീപു​ക​ളി​ലും വസിക്കു​ന്നവർ ഉത്ഭവിച്ചു. അവർ അതാതു ദേശങ്ങ​ളിൽ അവരവ​രു​ടെ ഭാഷകൾ സംസാ​രിച്ച്‌ അതാതു ഗോ​ത്ര​ങ്ങ​ളും ജനതക​ളും ആയി വ്യാപി​ച്ചു.

6 ഹാമിന്റെ ആൺമക്കൾ: കൂശ്‌, മിസ്ര​യീം,+ പൂത്‌,+ കനാൻ.+

7 കൂശിന്റെ ആൺമക്കൾ: സെബ,+ ഹവീല, സബ്‌ത, റാമ,+ സബ്‌തെക്ക.

റാമയു​ടെ ആൺമക്കൾ: ശേബ, ദേദാൻ.

8 കൂശിനു നി​മ്രോദ്‌ എന്ന മകൻ ജനിച്ചു. നി​മ്രോ​ദാ​ണു ഭൂമി​യി​ലെ ആദ്യത്തെ വീരപ​രാക്രമി. 9 നിമ്രോദ്‌ യഹോ​വയെ എതിർക്കുന്ന ഒരു നായാ​ട്ടു​വീ​ര​നാ​യി​ത്തീർന്നു. അങ്ങനെ​യാണ്‌, “നി​മ്രോ​ദിനെപ്പോ​ലെ യഹോ​വയെ എതിർക്കുന്ന ഒരു നായാ​ട്ടു​വീ​രൻ” എന്ന ചൊല്ല്‌ ഉണ്ടായത്‌. 10 ബാബേൽ,+ ഏരെക്ക്‌,+ അക്കാദ്‌, കൽനെ എന്നിവ​യാ​യി​രു​ന്നു നി​മ്രോ​ദി​ന്റെ രാജ്യ​ത്തി​ലെ ആദ്യന​ഗ​രങ്ങൾ; അവ ശിനാർ+ ദേശത്താ​യി​രു​ന്നു. 11 ആ ദേശത്തു​നിന്ന്‌ നി​മ്രോദ്‌ അസീറിയയിലേക്കു+ ചെന്ന്‌ നിനെവെ,+ രഹോ​ബോ​ത്ത്‌-ഈർ, കാലഹ്‌, 12 നിനെവെയുടെയും കാലഹിന്റെ​യും ഇടയ്‌ക്കുള്ള രേസെൻ എന്നീ നഗരങ്ങൾ പണിതു. ഇതാണു മഹാന​ഗരം.*

13 മിസ്രയീമിൽനിന്ന്‌ ജനിച്ചവർ: ലൂദ്‌,+ അനാമീം, ലഹാബീം, നഫ്‌തൂ​ഹീം,+ 14 പത്രൂസീം,+ കസ്ലൂഹീം (ഇദ്ദേഹ​ത്തിൽനി​ന്നാ​ണു ഫെലിസ്‌ത്യർ+ ഉത്ഭവി​ച്ചത്‌.), കഫ്‌തോ​രീം.+

15 കനാന്‌ ആദ്യം സീദോനും+ പിന്നെ ഹേത്തും+ ജനിച്ചു. 16 യബൂസ്യർ,+ അമോ​ര്യർ,+ ഗിർഗ​ശ്യർ, 17 ഹിവ്യർ,+ അർക്യർ, സീന്യർ, 18 അർവാദ്യർ,+ സെമാ​ര്യർ, ഹമാത്യർ+ എന്നിവ​രും കനാനിൽനി​ന്ന്‌ ഉത്ഭവിച്ചു. പിന്നീട്‌ കനാന്റെ ഗോത്രം പലയി​ടത്തേ​ക്കും വ്യാപി​ച്ചു. 19 അങ്ങനെ കനാന്യ​രു​ടെ അതിരു സീദോൻ മുതൽ ഗസ്സയുടെ+ അടുത്തുള്ള ഗരാർ വരെയും+ സൊ​ദോം, ഗൊ​മോറ,+ ആദ്‌മ, ലാശയു​ടെ അടുത്തുള്ള സെബോയിം+ എന്നിവ വരെയും ആയി. 20 ഇവരാണു ഗോ​ത്ര​വും ഭാഷയും ജനതയും അനുസ​രിച്ച്‌ അതാതു ദേശങ്ങ​ളിൽ വ്യാപിച്ച ഹാമിന്റെ ആൺമക്കൾ.

21 ഏബെരിന്റെ+ മക്കളുടെയെ​ല്ലാം പൂർവി​ക​നും മൂത്തവ​നായ യാഫെ​ത്തി​ന്റെ സഹോദരനും* ആയ ശേമി​നും മക്കൾ ജനിച്ചു. 22 ശേമിന്റെ ആൺമക്കൾ: ഏലാം,+ അശ്ശൂർ,+ അർപ്പക്ഷാ​ദ്‌,+ ലൂദ്‌, അരാം.+

23 അരാമിന്റെ ആൺമക്കൾ: ഊസ്‌, ഹൂൾ, ഗേഥെർ, മശ്‌.

24 അർപ്പക്ഷാദിന്റെ മകൻ ശേല;+ ശേലയു​ടെ മകൻ ഏബെർ.

25 ഏബെരിനു രണ്ട്‌ ആൺമക്കൾ ജനിച്ചു. ഒരാളു​ടെ പേര്‌ പേലെഗ്‌.*+ കാരണം പേലെ​ഗി​ന്റെ കാലത്താ​ണു ഭൂമി* വിഭജി​ത​മാ​യത്‌. പേലെ​ഗി​ന്റെ സഹോ​ദ​രന്റെ പേര്‌ യൊക്താൻ.+

26 യൊക്താന്‌ അൽമോ​ദാദ്‌, ശേലെഫ്‌, ഹസർമാ​വെത്ത്‌, യാരഹ്‌,+ 27 ഹദോരാം, ഊസാൽ, ദിക്ല, 28 ഓബാൽ, അബീമ​യേൽ, ശേബ, 29 ഓഫീർ,+ ഹവീല, യോബാ​ബ്‌ എന്നിവർ ജനിച്ചു. ഇവരെ​ല്ലാ​മാ​ണു യൊക്താ​ന്റെ ആൺമക്കൾ.

30 അവരുടെ വാസസ്ഥലം മേഷ മുതൽ കിഴക്കൻ മലനാ​ടായ സെഫാർ വരെ വ്യാപി​ച്ചി​രു​ന്നു.

31 ഇവരാണു ഗോ​ത്ര​വും ഭാഷയും ജനതയും അനുസ​രിച്ച്‌ അതാതു ദേശങ്ങ​ളിൽ വ്യാപിച്ച+ ശേമിന്റെ ആൺമക്കൾ.

32 വംശപരമ്പരപ്രകാരം അതാതു ദേശങ്ങ​ളിൽ താമസി​ക്കുന്ന, നോഹ​യു​ടെ ആൺമക്ക​ളു​ടെ കുടും​ബങ്ങൾ ഇവയാണ്‌. ഈ കുടും​ബ​ങ്ങ​ളിൽനി​ന്നാ​ണു ജലപ്ര​ള​യ​ത്തി​നു ശേഷം ജനതകൾ ഭൂമി​യിൽ വ്യാപി​ച്ചത്‌.+

11 ഭൂമി മുഴു​വ​നും ഒരേ ഭാഷയും ഒരേ വാക്കു​ക​ളും ആണ്‌ സംസാ​രി​ച്ചി​രു​ന്നത്‌. 2 ആളുകൾ കിഴ​ക്കോ​ട്ടു യാത്ര ചെയ്‌ത്‌, ശിനാർ+ ദേശത്ത്‌ ഒരു സമതലം കണ്ടെത്തി. അവർ അവിടെ താമസം ആരംഭി​ച്ചു. 3 “വരൂ, നമുക്കു മൺകട്ടകൾ ഉണ്ടാക്കി ചുട്ടെ​ടു​ക്കാം” എന്ന്‌ അവർ പരസ്‌പരം പറഞ്ഞു. അങ്ങനെ അവർ കല്ലിനു പകരം ഇഷ്ടിക​യും ചാന്തായി ടാറും ഉപയോ​ഗി​ച്ചു. 4 പിന്നീട്‌ അവർ പറഞ്ഞു: “വരൂ, നമ്മൾ ഭൂമി മുഴുവൻ ചിതറിപ്പോകാതിരിക്കാൻ+ നമു​ക്കൊ​രു നഗരവും അംബര​ചും​ബി​യായ ഒരു ഗോപു​ര​വും പണിയാം. നമുക്കു പേരും പ്രശസ്‌തി​യും നേടാം.”

5 മനുഷ്യരുടെ പുത്ര​ന്മാർ പണിത നഗരവും ഗോപു​ര​വും കാണാൻ യഹോവ ഇറങ്ങി​ച്ചെന്നു. 6 യഹോവ പറഞ്ഞു: “ഇതാ, ഇവർ ഒറ്റ ജനതയാ​ണ്‌; ഇവരുടെ ഭാഷയും ഒന്നാണ്‌.+ ഇവർ ചെയ്യാ​നി​രി​ക്കു​ന്ന​തി​ന്റെ തുടക്കം മാത്ര​മാണ്‌ ഇത്‌. മനസ്സിൽ ചിന്തി​ക്കു​ന്നതൊ​ന്നും ഇവർക്ക്‌ അസാധ്യ​മാ​കില്ല. 7 വരൂ, നമുക്ക്‌+ ഇറങ്ങി​ച്ചെന്ന്‌ അവരുടെ ഭാഷ കലക്കി​ക്ക​ള​യാം. അവർ പറയു​ന്നതൊ​ന്നും അവർക്കു പരസ്‌പരം മനസ്സി​ലാ​ക​രുത്‌.” 8 അങ്ങനെ യഹോവ അവരെ അവി​ടെ​നിന്ന്‌ ഭൂമി​യിലെ​മ്പാ​ടും ചിതറി​ച്ചു​ക​ളഞ്ഞു.+ ക്രമേണ അവർ നഗരം പണിയു​ന്നതു നിറുത്തി. 9 അങ്ങനെ ആ നഗരത്തി​നു ബാബേൽ*+ എന്ന പേര്‌ ലഭിച്ചു. കാരണം അവി​ടെവെച്ച്‌ യഹോവ മുഴു​ഭൂ​മി​യുടെ​യും ഭാഷ കലക്കി​ക്ക​ളഞ്ഞു. പിന്നെ യഹോവ അവരെ അവി​ടെ​നിന്ന്‌ ഭൂമി മുഴുവൻ ചിതറി​ച്ചു.

10 ശേമിന്റെ+ ചരി​ത്ര​വി​വ​രണം:

ജലപ്ര​ള​യ​ത്തി​നു ശേഷം രണ്ടു വർഷം കഴിഞ്ഞ്‌, 100-ാം വയസ്സിൽ, ശേമിന്‌ അർപ്പക്ഷാദ്‌+ ജനിച്ചു. 11 അർപ്പക്ഷാദ്‌ ജനിച്ച​ശേഷം ശേം 500 വർഷം​കൂ​ടെ ജീവി​ച്ചി​രു​ന്നു. ശേമിനു വേറെ​യും ആൺമക്ക​ളും പെൺമ​ക്ക​ളും ജനിച്ചു.+

12 അർപ്പക്ഷാദിന്‌ 35 വയസ്സാ​യപ്പോൾ ശേല+ ജനിച്ചു. 13 ശേല ജനിച്ച​ശേഷം അർപ്പക്ഷാ​ദ്‌ 403 വർഷം​കൂ​ടെ ജീവി​ച്ചി​രു​ന്നു. അർപ്പക്ഷാ​ദി​നു വേറെ​യും ആൺമക്ക​ളും പെൺമ​ക്ക​ളും ജനിച്ചു.

14 ശേലയ്‌ക്ക്‌ 30 വയസ്സാ​യപ്പോൾ ഏബെർ+ ജനിച്ചു. 15 ഏബെർ ജനിച്ച​ശേഷം ശേല 403 വർഷം​കൂ​ടെ ജീവി​ച്ചി​രു​ന്നു. ശേലയ്‌ക്കു വേറെ​യും ആൺമക്ക​ളും പെൺമ​ക്ക​ളും ജനിച്ചു.

16 ഏബെരിന്‌ 34 വയസ്സാ​യപ്പോൾ പേലെഗ്‌+ ജനിച്ചു. 17 പേലെഗ്‌ ജനിച്ച​ശേഷം ഏബെർ 430 വർഷം​കൂ​ടെ ജീവി​ച്ചി​രു​ന്നു. ഏബെരി​നു വേറെ​യും ആൺമക്ക​ളും പെൺമ​ക്ക​ളും ജനിച്ചു.

18 പേലെഗിന്‌ 30 വയസ്സാ​യപ്പോൾ രയു+ ജനിച്ചു. 19 രയു ജനിച്ച​ശേഷം പേലെഗ്‌ 209 വർഷം​കൂ​ടെ ജീവി​ച്ചി​രു​ന്നു. പേലെ​ഗി​നു വേറെ​യും ആൺമക്ക​ളും പെൺമ​ക്ക​ളും ജനിച്ചു.

20 രയുവിന്‌ 32 വയസ്സാ​യപ്പോൾ ശെരൂഗ്‌ ജനിച്ചു. 21 ശെരൂഗ്‌ ജനിച്ച​ശേഷം രയു 207 വർഷം​കൂ​ടെ ജീവി​ച്ചി​രു​ന്നു. രയുവി​നു വേറെ​യും ആൺമക്ക​ളും പെൺമ​ക്ക​ളും ജനിച്ചു.

22 ശെരൂഗിന്‌ 30 വയസ്സാ​യപ്പോൾ നാഹോർ ജനിച്ചു. 23 നാഹോർ ജനിച്ച​ശേഷം ശെരൂഗ്‌ 200 വർഷം​കൂ​ടെ ജീവി​ച്ചി​രു​ന്നു. ശെരൂ​ഗി​നു വേറെ​യും ആൺമക്ക​ളും പെൺമ​ക്ക​ളും ജനിച്ചു.

24 നാഹോരിന്‌ 29 വയസ്സാ​യപ്പോൾ തേരഹ്‌+ ജനിച്ചു. 25 തേരഹ്‌ ജനിച്ച​ശേഷം നാഹോർ 119 വർഷം​കൂ​ടെ ജീവി​ച്ചി​രു​ന്നു. നാഹോ​രി​നു വേറെ​യും ആൺമക്ക​ളും പെൺമ​ക്ക​ളും ജനിച്ചു.

26 70 വയസ്സെ​ത്തി​യശേഷം തേരഹി​ന്‌ അബ്രാം,+ നാഹോർ,+ ഹാരാൻ എന്നീ ആൺമക്കൾ ജനിച്ചു.

27 തേരഹിന്റെ ചരി​ത്ര​വി​വ​രണം:

തേരഹി​ന്‌ അബ്രാം, നാഹോർ, ഹാരാൻ എന്നീ ആൺമക്കൾ ഉണ്ടായി. ഹാരാനു ലോത്ത്‌+ ജനിച്ചു. 28 അപ്പനായ തേരഹ്‌ ജീവി​ച്ചി​രി​ക്കുമ്പോൾത്തന്നെ ജന്മനാ​ടായ ഊർ+ എന്ന കൽദയദേശത്തുവെച്ച്‌+ ഹാരാൻ മരിച്ചു. 29 അബ്രാമും നാഹോ​രും വിവാഹം കഴിച്ചു. അബ്രാ​മി​ന്റെ ഭാര്യ​യു​ടെ പേര്‌ സാറായി+ എന്നായി​രു​ന്നു. ഹാരാന്റെ മകളായ മിൽക്ക​യാ​യി​രു​ന്നു നാഹോ​രി​ന്റെ ഭാര്യ. ഹാരാൻ മിൽക്കയുടെ+ മാത്രമല്ല യിസ്‌ക​യുടെ​യും അപ്പനാ​യി​രു​ന്നു. 30 സാറായിക്കു കുട്ടി​ക​ളു​ണ്ടാ​യി​രു​ന്നില്ല, സാറായി വന്ധ്യയാ​യി​രു​ന്നു.+

31 തേരഹ്‌ തന്റെ മകൻ അബ്രാ​മിനെ​യും കൊച്ചു​മ​ക​നായ, ഹാരാന്റെ മകൻ ലോത്തിനെയും+ തന്റെ മരുമ​ക​ളായ, അബ്രാ​മി​ന്റെ ഭാര്യ സാറാ​യിയെ​യും കൂട്ടി ഊർ എന്ന കൽദയദേ​ശ​ത്തു​നിന്ന്‌ യാത്ര​യാ​യി. അവർ തേരഹിനോടൊ​പ്പം കനാൻ ദേശത്തേക്കു+ യാത്ര തിരിച്ചു. ഹാരാനിൽ+ എത്തിയ അവർ അവിടെ താമസം ആരംഭി​ച്ചു. 32 തേരഹ്‌ ആകെ 205 വർഷം ജീവിച്ചു. പിന്നെ ഹാരാ​നിൽവെച്ച്‌ തേരഹ്‌ മരിച്ചു.

12 യഹോവ അബ്രാ​മിനോ​ടു പറഞ്ഞു: “നീ നിന്റെ ദേശവും പിതൃഭവനവും* വിട്ട്‌ നിന്റെ ബന്ധുക്ക​ളിൽനിന്ന്‌ അകലെ, ഞാൻ നിന്നെ കാണി​ക്കാ​നി​രി​ക്കുന്ന ദേശ​ത്തേക്കു പോകുക.+ 2 ഞാൻ നിന്നെ ഒരു മഹാജ​ന​ത​യാ​ക്കു​ക​യും നിന്നെ അനു​ഗ്ര​ഹിച്ച്‌ നിന്റെ പേര്‌ പ്രസി​ദ്ധ​മാ​ക്കു​ക​യും ചെയ്യും; നീ ഒരു അനു​ഗ്ര​ഹ​മാ​യി​ത്തീ​രും.+ 3 നിന്നെ അനു​ഗ്ര​ഹി​ക്കു​ന്ന​വരെ ഞാൻ അനു​ഗ്ര​ഹി​ക്കും, നിന്നെ ശപിക്കു​ന്ന​വരെ ഞാൻ ശപിക്കും.+ നിന്നി​ലൂ​ടെ ഭൂമി​യി​ലെ കുടും​ബ​ങ്ങളെ​ല്ലാം ഉറപ്പാ​യും അനു​ഗ്രഹം നേടും.”*+

4 യഹോവ പറഞ്ഞതുപോ​ലെ അബ്രാം പുറ​പ്പെട്ടു. ലോത്തും അബ്രാ​മിന്റെ​കൂ​ടെ പോയി. ഹാരാ​നിൽനിന്ന്‌ പുറപ്പെടുമ്പോൾ+ അബ്രാ​മിന്‌ 75 വയസ്സാ​യി​രു​ന്നു. 5 ഭാര്യ സാറായിയെയും+ സഹോ​ദ​ര​പു​ത്രൻ ലോത്തിനെയും+ കൂട്ടി അബ്രാം കനാൻ ദേശത്തേക്കു+ പുറ​പ്പെട്ടു. ഹാരാ​നിൽവെച്ച്‌ അവർ സ്വന്തമാ​ക്കിയ ആളുക​ളും അവരോടൊ​പ്പ​മു​ണ്ടാ​യി​രു​ന്നു. അവി​ടെവെച്ച്‌ സ്വരു​ക്കൂ​ട്ടിയ എല്ലാ വസ്‌തുവകകളുമായി+ അവർ അങ്ങനെ കനാൻ ദേശത്ത്‌ എത്തി. 6 അതിനു ശേഷം ആ ദേശത്തു​കൂ​ടെ സഞ്ചരിച്ച്‌ മോ​രെ​യി​ലെ വലിയ മരങ്ങൾക്കരികെയുള്ള+ ശെഖേം+ വരെ ചെന്നു. അക്കാലത്ത്‌, കനാന്യ​രാ​ണു ദേശത്ത്‌ താമസി​ച്ചി​രു​ന്നത്‌. 7 യഹോവ അബ്രാ​മി​നു പ്രത്യ​ക്ഷ​നാ​യി ഇങ്ങനെ പറഞ്ഞു: “ഞാൻ ഈ ദേശം+ നിന്റെ സന്തതിക്കു*+ കൊടു​ക്കാൻപോ​കു​ന്നു.” അതിനു ശേഷം, തനിക്കു പ്രത്യ​ക്ഷ​നായ യഹോ​വ​യ്‌ക്ക്‌ അബ്രാം അവിടെ ഒരു യാഗപീ​ഠം പണിതു. 8 പിന്നീട്‌ അബ്രാം അവി​ടെ​നിന്ന്‌ ബഥേലിനു+ കിഴക്കുള്ള മലനാ​ട്ടിൽ പോയി അവിടെ കൂടാരം അടിച്ചു. അതിന്റെ പടിഞ്ഞാ​റ്‌ ബഥേലും കിഴക്ക്‌ ഹായിയും+ ആയിരു​ന്നു. അബ്രാം അവിടെ യഹോ​വ​യ്‌ക്ക്‌ ഒരു യാഗപീ​ഠം പണിത്‌+ യഹോ​വ​യു​ടെ പേര്‌ വാഴ്‌ത്തി​സ്‌തു​തി​ച്ചു.+ 9 അതിനു ശേഷം അബ്രാം അവിടത്തെ കൂടാ​ര​വാ​സം മതിയാ​ക്കി, മാറ്റി​മാ​റ്റി കൂടാരം അടിച്ച്‌ നെഗെബ്‌+ ദേശത്തി​ന്റെ ദിശയിൽ നീങ്ങി.

10 അക്കാലത്ത്‌ ദേശത്ത്‌ ഒരു ക്ഷാമം ഉണ്ടായി.+ ക്ഷാമം രൂക്ഷമാ​യി​രു​ന്ന​തി​നാൽ കുറച്ച്‌ കാലം ഈജി​പ്‌തിൽ പോയി താമസിക്കാൻവേണ്ടി*+ അബ്രാം അവി​ടേക്കു യാത്ര ചെയ്‌തു. 11 ഈജിപ്‌തിൽ എത്താറാ​യപ്പോൾ അബ്രാം ഭാര്യ സാറാ​യിയോ​ടു പറഞ്ഞു: “ദയവായി ഇങ്ങനെ ചെയ്യൂ! നീ വളരെ സുന്ദരിയാണെന്ന്‌+ എനിക്ക്‌ അറിയാം. 12 ഈജിപ്‌തുകാർ നിന്നെ കാണു​മ്പോൾ, ‘ഇത്‌ അയാളു​ടെ ഭാര്യ​യാണ്‌’ എന്നു പറയു​മെന്ന്‌ എനിക്ക്‌ ഉറപ്പാണ്‌. അവർ എന്നെ കൊന്നു​ക​ള​യും; നിന്നെ ജീവ​നോ​ടെ വെക്കും. 13 അതുകൊണ്ട്‌ ദയവുചെ​യ്‌ത്‌ നീ എന്റെ പെങ്ങളാ​ണെന്നു പറയണം. അങ്ങനെ ചെയ്‌താൽ എനിക്ക്‌ ആപത്തൊ​ന്നും സംഭവി​ക്കില്ല; ഞാൻ രക്ഷപ്പെ​ടും.”+

14 അബ്രാം ഈജി​പ്‌തിൽ പ്രവേ​ശി​ച്ചപ്പോൾത്തന്നെ സാറായി അതിസു​ന്ദ​രി​യാ​ണെന്ന കാര്യം ഈജി​പ്‌തു​കാർ ശ്രദ്ധിച്ചു. 15 ഫറവോന്റെ പ്രഭു​ക്ക​ന്മാ​രും സാറാ​യി​യെ കണ്ടു; അവർ ഫറവോ​ന്റെ അടുത്ത്‌ ചെന്ന്‌ സാറാ​യിയെ​പ്പറ്റി പുകഴ്‌ത്തി​പ്പ​റഞ്ഞു. അങ്ങനെ സാറാ​യി​യെ ഫറവോ​ന്റെ അരമന​യിലേക്കു കൊണ്ടുപോ​യി. 16 സാറായി നിമിത്തം ഫറവോൻ അബ്രാ​മിനോ​ടു നന്നായി പെരു​മാ​റി; അബ്രാ​മിന്‌ ആടുകളെ​യും കന്നുകാ​ലി​കളെ​യും ആൺകഴു​ത​കളെ​യും പെൺക​ഴു​ത​കളെ​യും ഒട്ടകങ്ങളെ​യും ദാസന്മാരെ​യും ദാസി​മാരെ​യും കൊടു​ക്കു​ക​യും ചെയ്‌തു.+ 17 എന്നാൽ അബ്രാ​മി​ന്റെ ഭാര്യ​യായ സാറായി+ കാരണം യഹോവ ഫറവോന്റെ​യും അദ്ദേഹ​ത്തി​ന്റെ വീട്ടി​ലു​ള്ള​വ​രുടെ​യും മേൽ കഠിന​മായ ബാധകൾ വരുത്തി. 18 അപ്പോൾ ഫറവോൻ അബ്രാ​മി​നെ വിളി​ച്ചു​വ​രു​ത്തി ഇങ്ങനെ പറഞ്ഞു: “നീ എന്താണ്‌ എന്നോട്‌ ഈ ചെയ്‌തത്‌? അവൾ നിന്റെ ഭാര്യ​യാണെന്ന്‌ എന്തു​കൊണ്ട്‌ പറഞ്ഞില്ല? 19 ‘അവൾ എന്റെ പെങ്ങളാ​ണ്‌’+ എന്നു നീ പറഞ്ഞത്‌ എന്തിന്‌? അതു​കൊ​ണ്ടല്ലേ ഞാൻ അവളെ ഭാര്യ​യാ​ക്കാൻ ഒരുങ്ങി​യത്‌? ഇതാ നിന്റെ ഭാര്യ. അവളെ​യും കൂട്ടി ഇവി​ടെ​നിന്ന്‌ പോകൂ!” 20 പിന്നെ ഫറവോൻ അബ്രാ​മിനെ​ക്കു​റിച്ച്‌ തന്റെ ദാസന്മാർക്കു കല്‌പന കൊടു​ത്തു; അവർ അബ്രാ​മിനെ​യും ഭാര്യയെ​യും അബ്രാ​മി​നു​ണ്ടാ​യി​രുന്ന എല്ലാം സഹിതം യാത്ര​യാ​ക്കി.+

13 അതിനു ശേഷം ഭാര്യയോ​ടും ലോത്തിനോ​ടും ഒപ്പം അബ്രാം തനിക്കു​ള്ളതെ​ല്ലാം സഹിതം ഈജി​പ്‌തിൽനിന്ന്‌ നെഗെബിലേക്കു+ പുറ​പ്പെട്ടു. 2 അബ്രാമിനു ധാരാളം മൃഗങ്ങ​ളും വെള്ളി​യും സ്വർണ​വും ഉണ്ടായി​രു​ന്നു.+ 3 നെഗെബിൽനിന്ന്‌ ബഥേലിലേ​ക്കുള്ള യാത്ര​യിൽ അബ്രാം പല സ്ഥലങ്ങളിൽ മാറ്റി​മാ​റ്റി കൂടാരം അടിച്ചു; അങ്ങനെ ബഥേലി​നും ഹായിക്കും+ ഇടയിൽ പണ്ട്‌ കൂടാരം അടിച്ച സ്ഥലത്ത്‌ അബ്രാം എത്തി​ച്ചേർന്നു. 4 അവിടെയായിരുന്നു അബ്രാം മുമ്പ്‌ യാഗപീ​ഠം പണിതത്‌. ആ സ്ഥലത്ത്‌ അബ്രാം യഹോ​വ​യു​ടെ പേര്‌ വാഴ്‌ത്തി​സ്‌തു​തി​ച്ചു.

5 അബ്രാമിനോടൊപ്പം യാത്ര ചെയ്‌തി​രുന്ന ലോത്തി​നും, ആടുക​ളും കന്നുകാ​ലി​ക​ളും കൂടാ​ര​ങ്ങ​ളും ഉണ്ടായി​രു​ന്നു. 6 അവരുടെ വസ്‌തു​വ​കകൾ വർധി​ച്ചുപെ​രു​കി​യ​തുകൊണ്ട്‌ അവർക്ക്‌ ആ ദേശത്ത്‌ സ്ഥലം പോരാ​യി​രു​ന്നു. അങ്ങനെ അവർക്ക്‌ ഒരുമി​ച്ച്‌ താമസി​ക്കാൻ കഴിയി​ല്ലെന്ന സ്ഥിതി വന്നു. 7 അതുകൊണ്ട്‌, അബ്രാ​മി​ന്റെ ഇടയന്മാ​രും ലോത്തി​ന്റെ ഇടയന്മാ​രും തമ്മിൽ വഴക്ക്‌ ഉണ്ടായി. (അക്കാലത്ത്‌ കനാന്യ​രും പെരി​സ്യ​രും ആണ്‌ ദേശത്ത്‌ താമസി​ച്ചി​രു​ന്നത്‌.)+ 8 അപ്പോൾ അബ്രാം ലോത്തിനോടു+ പറഞ്ഞു: “ഞാനും നീയും തമ്മിലും എന്റെ ഇടയന്മാ​രും നിന്റെ ഇടയന്മാ​രും തമ്മിലും വഴക്ക്‌ ഉണ്ടാക​രു​തേ. നമ്മൾ സഹോ​ദ​ര​ന്മാ​രല്ലേ? 9 ഇതാ, ഈ ദേശം മുഴുവൻ നിന്റെ മുന്നി​ലുണ്ട്‌. എന്നെ വിട്ടു​പി​രി​ഞ്ഞാ​ലും. നീ ഇടത്തോട്ടെ​ങ്കിൽ ഞാൻ വലത്തോ​ട്ടു പൊയ്‌ക്കൊ​ള്ളാം. ഇനി, നീ വലത്തോട്ടെ​ങ്കിൽ ഞാൻ ഇടത്തോ​ട്ടും.” 10 ലോത്ത്‌ നോക്കി​യപ്പോൾ യോർദാൻ പ്രദേശം+ നല്ല നീരൊ​ഴു​ക്കു​ള്ള​താണെന്നു കണ്ടു. (യഹോവ സൊ​ദോ​മും ഗൊ​മോ​റ​യും നശിപ്പി​ക്കു​ന്ന​തി​നു മുമ്പ്‌) അതു സോവർ+ വരെ യഹോ​വ​യു​ടെ തോട്ടംപോലെയും+ ഈജി​പ്‌ത്‌ ദേശംപോലെ​യും ആയിരു​ന്നു. 11 അതുകൊണ്ട്‌, ലോത്ത്‌ യോർദാൻ പ്രദേശം തിര​ഞ്ഞെ​ടുത്ത്‌ കിഴ​ക്കോ​ട്ടു പോയി. അങ്ങനെ അവർ തമ്മിൽ പിരിഞ്ഞു. 12 അബ്രാം കനാൻ ദേശത്ത്‌ താമസി​ച്ചു. ലോത്താ​കട്ടെ, യോർദാൻ പ്രദേ​ശ​ത്തുള്ള നഗരങ്ങൾക്കി​ട​യിൽ താമസി​ച്ചു.+ ഒടുവിൽ ലോത്ത്‌ സൊ​ദോ​മിന്‌ അടുത്ത്‌ കൂടാരം അടിച്ചു. 13 സൊദോമിലുള്ളവർ ദുഷ്ടരും യഹോ​വ​യു​ടെ മുമ്പാകെ കൊടും​പാ​പി​ക​ളും ആയിരു​ന്നു.+

14 ലോത്ത്‌ അബ്രാ​മി​നെ വിട്ടു​പി​രി​ഞ്ഞശേഷം യഹോവ അബ്രാ​മിനോ​ടു പറഞ്ഞു: “ദയവായി നീ നിൽക്കു​ന്നി​ട​ത്തു​നിന്ന്‌ വടക്കോ​ട്ടും തെക്കോ​ട്ടും കിഴ​ക്കോ​ട്ടും പടിഞ്ഞാറോ​ട്ടും നോക്കുക. 15 നീ കാണുന്ന ഈ ദേശം മുഴുവൻ ഞാൻ നിനക്കും നിന്റെ സന്തതിക്കും* എന്നേക്കു​മുള്ള അവകാ​ശ​മാ​യി തരും.+ 16 ഞാൻ നിന്റെ സന്തതിയെ* ഭൂമി​യി​ലെ പൊടിപോ​ലെ വർധി​പ്പി​ക്കും. ആർക്കെ​ങ്കി​ലും ഭൂമി​യി​ലെ പൊടി എണ്ണാൻ കഴിയുമെ​ങ്കിൽ നിന്റെ സന്തതിയെയും* എണ്ണാൻ കഴിയും!+ 17 എഴുന്നേറ്റ്‌, ദേശത്തി​നു നെടുകെ​യും കുറുകെ​യും സഞ്ചരി​ക്കുക. നിനക്കാ​ണു ഞാൻ ഇതു തരാൻപോ​കു​ന്നത്‌.” 18 അബ്രാം പിന്നെ​യും കൂടാ​ര​ങ്ങ​ളിൽ താമസി​ച്ചു. പിന്നീട്‌ അബ്രാം ഹെബ്രോനിൽ+ മമ്രേയിലെ+ വലിയ മരങ്ങൾക്കി​ട​യിൽ ചെന്ന്‌ താമസി​ച്ചു. അവിടെ യഹോ​വ​യ്‌ക്ക്‌ ഒരു യാഗപീ​ഠ​വും പണിതു.+

14 പിന്നീട്‌ ശിനാർരാജാവായ+ അമ്രാ​ഫെൽ, എലാസാർരാ​ജാ​വായ അര്യോ​ക്ക്‌, ഏലാംരാജാവായ+ കെദൊർലായോ​മെർ,+ ഗോയീം​രാ​ജാ​വായ തീദാൽ 2 എന്നിവർ സൊദോംരാജാവായ+ ബേര, ഗൊമോറരാജാവായ+ ബിർശ, ആദ്‌മ​രാ​ജാ​വായ ശിനാബ്‌, സെബോയിംരാജാവായ+ ശെമേ​ബെർ, ബേലയി​ലെ (അതായത്‌ സോവ​രി​ലെ) രാജാവ്‌ എന്നിവർക്കെ​തി​രെ യുദ്ധത്തി​നു വന്നു. 3 ഇവരുടെയെല്ലാം സൈന്യം സിദ്ദീം താഴ്‌വരയിൽ+ ഒരുമി​ച്ചു​കൂ​ടി. അവിടം ഇപ്പോൾ ഉപ്പുക​ട​ലാണ്‌.*+

4 അവർ 12 വർഷം കെദൊർലായോമെ​രി​നെ സേവി​ച്ചി​രു​ന്നു. എന്നാൽ 13-ാം വർഷം അവർ അദ്ദേഹത്തെ എതിർത്തു. 5 അതിനാൽ 14-ാം വർഷം കെദൊർലായോമെ​രും കൂടെ​യുള്ള മറ്റു രാജാ​ക്ക​ന്മാ​രും വന്ന്‌ രഫായീ​മ്യ​രെ അസ്‌തെ​രോ​ത്ത്‌-കർന്നയീ​മിൽവെ​ച്ചും സൂസി​മ്യ​രെ ഹാമിൽവെ​ച്ചും ഏമിമ്യരെ+ ശാവേ-കിര്യ​ത്ത​യീ​മിൽവെ​ച്ചും 6 ഹോര്യരെ+ അവരുടെ സേയീർമല+ മുതൽ വിജനഭൂമിയുടെ* അതിർത്തി​യി​ലുള്ള ഏൽ-പാരാൻ വരെയും തോൽപ്പി​ച്ചു. 7 അതിനു ശേഷം അവർ തിരിഞ്ഞ്‌ ഏൻ-മിശ്‌പാ​ത്തിൽ, അതായത്‌ കാദേ​ശിൽ,+ വന്ന്‌ അമാലേക്യരുടെയും+ ഹസസോൻ-താമാറിൽ+ താമസി​ക്കുന്ന അമോര്യരുടെയും+ പ്രദേശം മുഴുവൻ പിടി​ച്ച​ടക്കി.

8 അപ്പോൾ സൊ​ദോ​മി​ലെ രാജാവ്‌ യുദ്ധത്തി​നു പുറ​പ്പെട്ടു. അദ്ദേഹത്തോടൊ​പ്പം ഗൊ​മോ​റ​യി​ലെ രാജാ​വും ആദ്‌മ​യി​ലെ രാജാ​വും സെബോ​യി​മി​ലെ രാജാ​വും ബേലയി​ലെ (സോവ​രി​ലെ) രാജാ​വും സിദ്ദീം താഴ്‌വ​ര​യിൽ അണിനി​രന്ന്‌ 9 ഏലാംരാജാവായ കെദൊർലായോ​മെർ, ഗോയീം​രാ​ജാ​വായ തീദാൽ, ശിനാർരാ​ജാ​വായ അമ്രാ​ഫെൽ, എലാസാർരാ​ജാ​വായ അര്യോക്ക്‌+ എന്നിവരോ​ടു യുദ്ധം ചെയ്‌തു—നാലു രാജാ​ക്ക​ന്മാർ അഞ്ചു രാജാ​ക്ക​ന്മാർക്കെ​തി​രെ. 10 സിദ്ദീം താഴ്‌വ​ര​യിൽ എല്ലായി​ട​ത്തും ടാറുള്ള കുഴി​ക​ളു​ണ്ടാ​യി​രു​ന്നു. സൊ​ദോ​മിലെ​യും ഗൊ​മോ​റ​യിലെ​യും രാജാ​ക്ക​ന്മാർ രക്ഷപ്പെ​ടാ​നുള്ള ശ്രമത്തി​നി​ടെ അവയിൽ വീണു. ശേഷി​ച്ചവർ മലനാ​ട്ടിലേക്ക്‌ ഓടിപ്പോ​യി. 11 യുദ്ധത്തിൽ ജയിച്ചവർ സൊ​ദോ​മിലെ​യും ഗൊ​മോ​റ​യിലെ​യും എല്ലാ വസ്‌തു​വ​ക​ക​ളും ഭക്ഷണസാ​ധ​ന​ങ്ങ​ളും എടുത്തുകൊ​ണ്ടുപോ​യി.+ 12 പോകുംവഴി അബ്രാ​മി​ന്റെ സഹോ​ദ​ര​പുത്ര​നായ ലോത്തിനെ​യും അവർ പിടി​ച്ചുകൊ​ണ്ടുപോ​യി. സൊദോമിൽ+ താമസി​ച്ചി​രുന്ന ലോത്തി​ന്റെ വസ്‌തു​വ​ക​ക​ളും അവർ കൊണ്ടുപോ​യി.

13 അതിനു ശേഷം, രക്ഷപ്പെട്ട ഒരാൾ വന്ന്‌ എബ്രാ​യ​നായ അബ്രാ​മി​നെ വിവരം അറിയി​ച്ചു. അബ്രാം അപ്പോൾ അമോ​ര്യ​നായ മമ്രേയുടെ+ വലിയ മരങ്ങൾക്കി​ട​യി​ലാ​ണു താമസി​ച്ചി​രു​ന്നത്‌.* മമ്രേ​യും മമ്രേ​യു​ടെ സഹോ​ദ​ര​ന്മാ​രായ എശ്‌ക്കോ​ലും ആനേരും+ അബ്രാ​മു​മാ​യി സഖ്യത​യി​ലാ​യി​രു​ന്നു. 14 ബന്ധുവിനെ*+ പിടി​ച്ചുകൊ​ണ്ടുപോ​യി എന്നു വിവരം കിട്ടി​യപ്പോൾ, തന്റെ വീട്ടിൽ ജനിച്ച​വ​രും നല്ല പരിശീ​ലനം സിദ്ധി​ച്ച​വ​രും ആയ 318 ദാസന്മാ​രെ കൂട്ടി അബ്രാം അവരെ ദാൻ+ വരെ പിന്തു​ടർന്നു. 15 രാത്രിയിൽ അബ്രാം തന്റെ ആളുകളെ പല സംഘങ്ങ​ളാ​യി തിരിച്ചു. അങ്ങനെ അബ്രാ​മും ദാസന്മാ​രും കൂടി അവരെ ആക്രമി​ച്ച്‌ തോൽപ്പി​ച്ചു. ദമസ്‌കൊ​സി​നു വടക്കുള്ള ഹോബ വരെ അബ്രാം അവരെ പിന്തു​ടർന്നു. 16 അബ്രാം എല്ലാ വസ്‌തു​വ​ക​ക​ളും തിരി​ച്ചു​പി​ടി​ച്ചു. കൂടാതെ, ബന്ധുവായ ലോത്തിനെ​യും അതു​പോ​ലെ, സ്‌ത്രീ​കളെ​യും മറ്റു ജനങ്ങ​ളെ​യും മോചി​പ്പി​ച്ചു. ലോത്തി​ന്റെ വസ്‌തു​വ​ക​ക​ളും അബ്രാം തിരി​ച്ചു​പി​ടി​ച്ചു.

17 അബ്രാം കെദൊർലായോമെ​രിനെ​യും അയാ​ളോടൊ​പ്പ​മു​ണ്ടാ​യി​രുന്ന മറ്റു രാജാ​ക്ക​ന്മാരെ​യും തോൽപ്പി​ച്ച്‌ മടങ്ങി​വ​രുമ്പോൾ ശാവേ താഴ്‌വ​ര​യിൽവെച്ച്‌, അതായത്‌ രാജതാ​ഴ്‌വ​ര​യിൽവെച്ച്‌,+ സൊ​ദോം​രാ​ജാവ്‌ അബ്രാ​മി​നെ സ്വീക​രി​ക്കാൻ പുറ​പ്പെട്ടു. 18 അപ്പോൾ ശാലേംരാജാവായ+ മൽക്കീസേദെക്ക്‌+ അപ്പവും വീഞ്ഞും കൊണ്ടു​വന്നു. മൽക്കീ​സേ​ദെക്ക്‌ അത്യു​ന്ന​ത​നായ ദൈവ​ത്തി​ന്റെ പുരോ​ഹി​ത​നാ​യി​രു​ന്നു.+

19 മൽക്കീസേദെക്ക്‌ അബ്രാ​മി​നെ അനു​ഗ്ര​ഹിച്ച്‌ ഇങ്ങനെ പറഞ്ഞു:

അബ്രാം മൽക്കീസേദെ​ക്കിന്‌ എല്ലാത്തിന്റെ​യും പത്തി​ലൊ​ന്നു കൊടു​ത്തു.+

21 അതിനു ശേഷം സൊ​ദോം​രാ​ജാവ്‌ അബ്രാ​മിനോട്‌, “ആളുകളെ എനിക്കു തരുക, എന്നാൽ വസ്‌തു​വ​കകൾ അങ്ങ്‌ എടുത്തുകൊ​ള്ളൂ” എന്നു പറഞ്ഞു. 22 പക്ഷേ അബ്രാം സൊ​ദോം​രാ​ജാ​വിനോ​ടു പറഞ്ഞു: “ആകാശ​ത്തിന്റെ​യും ഭൂമി​യുടെ​യും സ്രഷ്ടാ​വും അത്യു​ന്ന​ത​ദൈ​വ​വും ആയ യഹോ​വ​യു​ടെ നാമത്തിൽ ഞാൻ കൈ ഉയർത്തി ആണയി​ടു​ന്നു: 23 ‘ഞാൻ അബ്രാ​മി​നെ സമ്പന്നനാ​ക്കി’ എന്ന്‌ അങ്ങ്‌ പറയാ​തി​രിക്കേ​ണ്ട​തിന്‌ അങ്ങയുടെ യാതൊ​ന്നും—ഒരു നൂലാ​കട്ടെ, ഒരു ചെരി​പ്പി​ന്റെ വാറാ​കട്ടെ—ഞാൻ എടുക്കില്ല. 24 എന്റെകൂടെയുള്ള യുവാക്കൾ കുറച്ച്‌ ഭക്ഷണം കഴിച്ചി​ട്ടുണ്ട്‌. അത്‌ ഒഴികെ മറ്റൊ​ന്നും എനിക്കു വേണ്ടാ. എന്നോ​ടു​കൂ​ടെ വന്ന ആനേർ, എശ്‌ക്കോൽ, മമ്രേ+ എന്നിവർ അവരുടെ ഓഹരി എടുത്തുകൊ​ള്ളട്ടെ.”

15 ഇതിനു ശേഷം ഒരു ദിവ്യ​ദർശ​ന​ത്തി​ലൂ​ടെ യഹോവ അബ്രാ​മിനോ​ടു പറഞ്ഞു: “അബ്രാമേ, പേടി​ക്കേണ്ടാ.+ ഞാൻ നിനക്ക്‌ ഒരു പരിച​യാണ്‌.+ നിന്റെ പ്രതി​ഫലം വളരെ വലുതാ​യി​രി​ക്കും.”+ 2 അപ്പോൾ അബ്രാം പറഞ്ഞു: “പരമാ​ധി​കാ​രി​യായ യഹോവേ, എനിക്കു മക്കളി​ല്ല​ല്ലോ. ദമസ്‌കൊ​സു​കാ​ര​നായ എലീയേസെരാണ്‌+ എന്റെ അനന്തരാ​വ​കാ​ശി. അങ്ങനെ​യി​രി​ക്കെ അങ്ങ്‌ എനിക്ക്‌ എന്തു പ്രതി​ഫ​ല​മാ​ണു തരാൻപോ​കു​ന്നത്‌?” 3 അബ്രാം തുടർന്നു: “അങ്ങ്‌ എനിക്കു സന്തതിയെ*+ തന്നിട്ടില്ല. എന്റെ വീട്ടിലെ ഒരു ദാസനാണ്‌* ഇപ്പോൾ എന്റെ അനന്തരാ​വ​കാ​ശി.” 4 എന്നാൽ യഹോ​വ​യു​ടെ മറുപടി ഇതായി​രു​ന്നു: “ഇല്ല, എലീ​യേ​സെർ നിന്റെ അനന്തരാ​വ​കാ​ശി​യാ​കില്ല. നിന്റെ സ്വന്തം മകൻതന്നെ* നിന്റെ അനന്തരാ​വ​കാ​ശി​യാ​കും.”+

5 അബ്രാമിനെ പുറത്ത്‌ കൊണ്ടു​വ​ന്നിട്ട്‌ ദൈവം പറഞ്ഞു: “ആകാശ​ത്തിലേക്ക്‌ ഒന്നു നോക്കൂ! നിനക്കു നക്ഷത്ര​ങ്ങളെ എണ്ണാൻ കഴിയുമെ​ങ്കിൽ എണ്ണുക.” പിന്നെ ദൈവം അബ്രാ​മിനോ​ടു പറഞ്ഞു: “നിന്റെ സന്തതിയും* ഇതു​പോലെ​യാ​കും.”+ 6 അബ്രാം യഹോ​വ​യിൽ വിശ്വ​സി​ച്ചു.+ അതു​കൊണ്ട്‌ ദൈവം അബ്രാ​മി​നെ നീതി​മാ​നാ​യി കണക്കാക്കി.+ 7 പിന്നെ ദൈവം പറഞ്ഞു: “ഈ ദേശം നിനക്ക്‌ അവകാ​ശ​മാ​യി തരാൻവേണ്ടി, കൽദയ​രു​ടെ ഊർ എന്ന പട്ടണത്തിൽനി​ന്ന്‌ നിന്നെ കൊണ്ടു​വന്ന യഹോ​വ​യാ​ണു ഞാൻ.”+ 8 അപ്പോൾ അബ്രാം ചോദി​ച്ചു: “പരമാ​ധി​കാ​രി​യായ യഹോവേ, ഞാൻ ഇത്‌ അവകാ​ശ​മാ​ക്കുമെന്ന്‌ എനിക്ക്‌ എങ്ങനെ അറിയാൻ കഴിയും?” 9 അപ്പോൾ ദൈവം അബ്രാ​മിനോ​ടു പറഞ്ഞു: “മൂന്നു വയസ്സുള്ള ഒരു പശുക്കി​ടാ​വിനെ​യും മൂന്നു വയസ്സുള്ള ഒരു പെൺകോ​ലാ​ടിനെ​യും മൂന്നു വയസ്സുള്ള ഒരു ആൺചെ​മ്മ​രി​യാ​ടിനെ​യും ഒരു ചെങ്ങാ​ലിപ്രാ​വിനെ​യും ഒരു പ്രാവിൻകു​ഞ്ഞിനെ​യും എനിക്കു​വേണ്ടി കൊണ്ടു​വ​രുക.” 10 അങ്ങനെ അബ്രാം അവയെ കൊണ്ടു​വന്ന്‌ ഓരോ​ന്നിനെ​യും രണ്ടായി പിളർന്ന്‌ നേർക്കു​നേരെ വെച്ചു; എന്നാൽ പക്ഷികളെ പിളർന്നില്ല. 11 അവയുടെ മാംസം തിന്നാൻ ഇരപി​ടി​യൻ പക്ഷികൾ പറന്നി​റങ്ങി. എന്നാൽ അബ്രാം അവയെ ആട്ടിപ്പാ​യി​ച്ചുകൊ​ണ്ടി​രു​ന്നു.

12 സൂര്യൻ അസ്‌ത​മി​ക്കാ​റാ​യപ്പോൾ അബ്രാം നല്ല ഉറക്കത്തി​ലാ​യി; ഭയാന​ക​മായ കൂരി​രുൾ അബ്രാ​മി​നെ മൂടി. 13 അപ്പോൾ ദൈവം അബ്രാ​മിനോ​ടു പറഞ്ഞു: “ഇത്‌ അറിഞ്ഞുകൊ​ള്ളുക: നിന്റെ സന്തതി* അവരുടേ​ത​ല്ലാത്ത ദേശത്ത്‌ പരദേ​ശി​ക​ളാ​യി ജീവി​ക്കും. അവി​ടെ​യുള്ള ജനം അവരെ അടിമ​ക​ളാ​ക്കി 400 വർഷം കഷ്ടപ്പെ​ടു​ത്തും.+ 14 എന്നാൽ അവർ സേവി​ക്കുന്ന ആ ജനതയെ ഞാൻ വിധി​ക്കും.+ പിന്നെ അവർക്കി​ട​യിൽനിന്ന്‌ അവർ ധാരാളം വസ്‌തു​വ​ക​ക​ളു​മാ​യി പുറ​പ്പെ​ട്ടുപോ​രും.+ 15 നീയോ, സമാധാ​നത്തോ​ടെ നിന്റെ പൂർവി​കരോ​ടു ചേരും; തികഞ്ഞ വാർധ​ക്യ​ത്തിൽ മരിച്ച്‌ അടക്ക​പ്പെ​ടും.+ 16 അവരുടെ നാലാം തലമുറ ഇവി​ടേക്കു മടങ്ങി​വ​രും.+ കാരണം അമോ​ര്യ​രു​ടെ പാപം ഇതുവരെ അതിന്റെ മൂർധ​ന്യ​ത്തിൽ എത്തിയി​ട്ടില്ല.”+

17 സൂര്യാസ്‌തമയശേഷം കൂരി​രുൾ വ്യാപി​ച്ചപ്പോൾ, പുകയുന്ന ഒരു തീച്ചൂള ദൃശ്യ​മാ​യി. ജ്വലി​ക്കുന്ന ഒരു പന്തം ആ മാംസ​ക്ക​ഷ​ണ​ങ്ങൾക്കി​ട​യി​ലൂ​ടെ കടന്നുപോ​യി. 18 ആ ദിവസം യഹോവ അബ്രാ​മു​മാ​യി ഒരു ഉടമ്പടി ചെയ്‌തു.+ ദൈവം പറഞ്ഞു: “ഈജി​പ്‌തി​ലെ നദി മുതൽ മഹാന​ദി​യായ യൂഫ്രട്ടീസ്‌+ വരെയുള്ള ഈ ദേശം ഞാൻ നിന്റെ സന്തതിക്കു* കൊടു​ക്കും.+ 19 അതായത്‌ കേന്യർ,+ കെനി​സ്യർ, കദ്‌മോ​ന്യർ, 20 ഹിത്യർ,+ പെരി​സ്യർ,+ രഫായീ​മ്യർ,+ 21 അമോര്യർ, കനാന്യർ, ഗിർഗ​ശ്യർ, യബൂസ്യർ+ എന്നിവ​രു​ടെ ദേശം.”

16 അബ്രാ​മി​ന്റെ ഭാര്യ സാറാ​യി​ക്കു മക്കളു​ണ്ടാ​യി​രു​ന്നില്ല.+ സാറാ​യി​ക്കു ഹാഗാർ+ എന്നു പേരുള്ള ഈജി​പ്‌തു​കാ​രി​യായ ഒരു ദാസി​യു​ണ്ടാ​യി​രു​ന്നു. 2 സാറായി അബ്രാ​മിനോ​ടു പറഞ്ഞു: “ദയവുചെ​യ്‌ത്‌ ഞാൻ പറയു​ന്നതു കേൾക്കൂ, എനിക്കു മക്കൾ ഉണ്ടാകു​ന്നത്‌ യഹോവ തടഞ്ഞി​രി​ക്കു​ന്ന​തി​നാൽ എന്റെ ദാസി​യു​ടെ അടുത്ത്‌ ചെന്ന്‌ അവളു​മാ​യി ബന്ധപ്പെ​ട്ടാ​ലും. അവളി​ലൂ​ടെ എനിക്കു മക്കൾ ജനി​ച്ചേ​ക്കും.”+ അബ്രാം സാറായി പറഞ്ഞതു കേട്ടു. 3 അബ്രാമിന്റെ ഭാര്യ സാറായി ഈജി​പ്‌തു​കാ​രി​യായ ദാസി ഹാഗാ​രി​നെ അബ്രാ​മി​നു ഭാര്യ​യാ​യി കൊടു​ത്തത്‌ അവർ കനാൻ ദേശത്ത്‌ താമസം​തു​ടങ്ങി പത്തു വർഷം കഴിഞ്ഞപ്പോ​ഴാ​യി​രു​ന്നു. 4 അബ്രാം ഹാഗാ​രു​മാ​യി ബന്ധപ്പെട്ടു, അവൾ ഗർഭി​ണി​യാ​യി. താൻ ഗർഭി​ണി​യാണെന്ന്‌ അറിഞ്ഞ​പ്പോൾ ഹാഗാർ യജമാ​ന​ത്തി​യെ നിന്ദി​ക്കാൻതു​ടങ്ങി.

5 അപ്പോൾ സാറായി അബ്രാ​മിനോ​ടു പറഞ്ഞു: “എന്റെ ഈ ദുഃഖ​ത്തി​നു കാരണ​ക്കാ​രൻ അങ്ങാണ്‌. ഞാനാണ്‌ എന്റെ ദാസിയെ അങ്ങയ്‌ക്കു തന്നത്‌.* എന്നാൽ ഗർഭി​ണി​യാണെന്ന്‌ അറിഞ്ഞപ്പോൾമു​തൽ അവൾ എന്നെ നിന്ദി​ക്കാൻതു​ട​ങ്ങി​യി​രി​ക്കു​ന്നു. നമുക്ക്‌ ഇരുവർക്കും മധ്യേ യഹോവ വിധി​ക്കട്ടെ.” 6 അപ്പോൾ അബ്രാം സാറാ​യിയോ​ടു പറഞ്ഞു: “ഇതാ, നിന്റെ ദാസി നിന്റെ കൈയി​ലി​രി​ക്കു​ന്നു. നിനക്കു ശരി​യെന്നു തോന്നു​ന്നത്‌ അവളോ​ടു ചെയ്‌തുകൊ​ള്ളുക.” അങ്ങനെ, സാറായി ഹാഗാ​രി​നെ അപമാ​നിച്ച്‌ അസഹ്യപ്പെ​ടു​ത്താൻതു​ടങ്ങി. അപ്പോൾ ഹാഗാർ സാറാ​യി​യെ വിട്ട്‌ ഓടിപ്പോ​യി.

7 പിന്നീട്‌ യഹോ​വ​യു​ടെ ദൂതൻ വിജന​ഭൂ​മി​യി​ലെ ഒരു നീരു​റ​വ​യ്‌ക്ക​രി​കെ ഹാഗാ​രി​നെ കണ്ടു; ശൂരിലേക്കുള്ള+ വഴിയു​ടെ അടുത്താ​ണ്‌ അത്‌. 8 ദൂതൻ ഹാഗാ​രിനോട്‌, “സാറാ​യി​യു​ടെ ദാസി​യായ ഹാഗാരേ, നീ എവി​ടെ​നിന്ന്‌ വരുന്നു, എവി​ടേക്കു പോകു​ന്നു” എന്നു ചോദി​ച്ചു. “ഞാൻ എന്റെ യജമാ​നത്തി സാറാ​യി​യു​ടെ അടുത്തു​നിന്ന്‌ ഓടിപ്പോ​ന്ന​താണ്‌” എന്നു ഹാഗാർ മറുപടി പറഞ്ഞു. 9 അപ്പോൾ യഹോ​വ​യു​ടെ ദൂതൻ പറഞ്ഞു: “നിന്റെ യജമാ​ന​ത്തി​യു​ടെ അടു​ത്തേക്കു തിരി​ച്ചുപോ​യി, താഴ്‌മയോ​ടെ അവൾക്കു കീഴ്‌പെ​ട്ടി​രി​ക്കുക.” 10 യഹോവയുടെ ദൂതൻ ഇങ്ങനെ​യും പറഞ്ഞു: “ഞാൻ നിന്റെ സന്തതിയെ എണ്ണാനാ​കാത്ത വിധം അസംഖ്യ​മാ​യി വർധി​പ്പി​ക്കും.”+ 11 കൂടാതെ, യഹോ​വ​യു​ടെ ദൂതൻ പറഞ്ഞു: “നീ ഗർഭി​ണി​യാ​ണ​ല്ലോ. നീ ഒരു ആൺകു​ഞ്ഞി​നെ പ്രസവി​ക്കും. അവനു യിശ്‌മായേൽ* എന്നു പേരി​ടണം. കാരണം യഹോവ നിന്റെ കഷ്ടപ്പാ​ടു​കളെ​ക്കു​റിച്ച്‌ കേട്ടി​രി​ക്കു​ന്നു. 12 അവൻ കാട്ടുകഴുതയെപ്പോലുള്ള* ഒരുവ​നാ​യി​ത്തീ​രും. അവന്റെ കൈ എല്ലാവർക്കും എതിരാ​യി​രി​ക്കും; എല്ലാവ​രുടെ​യും കൈ അവനും എതിരാ​യി​രി​ക്കും. അവന്റെ എല്ലാ സഹോ​ദ​ര​ന്മാർക്കും എതിരാ​യി അവൻ താമസി​ക്കും.”

13 അപ്പോൾ ഹാഗാർ, “എന്നെ കാണു​ന്ന​വനെ ഞാൻ ഇവിടെ കണ്ടോ” എന്നു സ്വയം ചോദി​ച്ചു. അതിനാൽ, തന്നോടു സംസാ​രി​ച്ചുകൊ​ണ്ടി​രുന്ന യഹോ​വയെ, “അങ്ങ്‌ എല്ലാം കാണുന്ന ദൈവം”*+ എന്നു വിളിച്ചു. 14 അങ്ങനെയാണ്‌ ആ കിണറി​നു ബേർ-ലഹയീ-രോയി* എന്ന പേര്‌ വന്നത്‌. (കാദേ​ശി​നും ബേരെ​ദി​നും ഇടയി​ലാണ്‌ അത്‌.) 15 പിന്നീട്‌ ഹാഗാർ ഒരു ആൺകു​ഞ്ഞി​നെ പ്രസവി​ച്ചു. ഹാഗാ​രിൽ ഉണ്ടായ മകന്‌ അബ്രാം യിശ്‌മായേൽ+ എന്നു പേരിട്ടു. 16 ഹാഗാർ യിശ്‌മായേ​ലി​നെ പ്രസവി​ക്കുമ്പോൾ അബ്രാ​മിന്‌ 86 വയസ്സാ​യി​രു​ന്നു.

17 അബ്രാ​മിന്‌ 99 വയസ്സു​ള്ളപ്പോൾ യഹോവ അബ്രാ​മി​നു പ്രത്യ​ക്ഷ​നാ​യി. ദൈവം പറഞ്ഞു: “ഞാൻ സർവശ​ക്ത​നായ ദൈവ​മാണ്‌. നീ എന്റെ മുമ്പാകെ നേരോ​ടെ നടന്ന്‌ നിഷ്‌കളങ്കനാണെന്നു* തെളി​യി​ക്കുക. 2 ഞാനും നീയും തമ്മിലുള്ള എന്റെ ഉടമ്പടി+ ഞാൻ ഉറപ്പി​ക്കു​ക​യും നിന്നെ വളരെ​യ​ധി​കം വർധി​പ്പി​ക്കു​ക​യും ചെയ്യും.”+

3 അപ്പോൾ അബ്രാം കമിഴ്‌ന്നു​വീണ്‌ നമസ്‌ക​രി​ച്ചു. ദൈവം അബ്രാ​മിനോട്‌ ഇങ്ങനെ​യും പറഞ്ഞു: 4 “ഞാൻ നിന്നോ​ട്‌ ഒരു ഉടമ്പടി ചെയ്‌തി​ട്ടു​ണ്ട​ല്ലോ.+ ഉറപ്പാ​യും നീ അനേകം ജനതകൾക്കു പിതാ​വാ​യി​ത്തീ​രും.+ 5 നിന്റെ പേര്‌ ഇനി അബ്രാം* എന്നല്ല, അബ്രാഹാം* എന്നാകും. കാരണം ഞാൻ നിന്നെ അനേകം ജനതകൾക്കു പിതാ​വാ​ക്കും. 6 നിന്നെ സന്താന​സ​മൃ​ദ്ധി​യു​ള്ള​വ​നാ​ക്കി വളരെ​യ​ധി​കം വർധി​പ്പി​ക്കും. നിന്നിൽനി​ന്ന്‌ ജനതകൾ രൂപംകൊ​ള്ളും; രാജാ​ക്ക​ന്മാ​രും നിന്നിൽനി​ന്ന്‌ ഉത്ഭവി​ക്കും.+

7 “നിന്റെ​യും നിന്റെ സന്തതിയുടെയും* ദൈവ​മാ​യി​രി​ക്കു​മെന്ന ഉടമ്പടി ഞാൻ പാലി​ക്കും. ഇതു നിന്നോടും+ തലമു​റ​കളോ​ളം നിന്റെ സന്തതിയോടും* ഉള്ള എന്റെ ശാശ്വ​ത​മായ ഉടമ്പടി​യാ​യി​രി​ക്കും. 8 നീ പരദേശിയായി+ താമസി​ക്കുന്ന കനാൻ ദേശം മുഴുവൻ ഞാൻ നിനക്കും നിന്റെ സന്തതിക്കും* എന്നേക്കു​മുള്ള ഒരു അവകാ​ശ​മാ​യി നൽകും. ഞാൻ അവരുടെ ദൈവ​മാ​യി​രി​ക്കും.”+

9 ദൈവം അബ്രാ​ഹാ​മിനോ​ടു പറഞ്ഞു: “നീ എന്റെ ഉടമ്പടി പാലി​ക്കണം; നിന്റെ സന്തതിയും* തലമു​റ​ത​ല​മു​റയോ​ളം എന്റെ ഉടമ്പടി പാലി​ക്കണം. 10 ഞാനും നിങ്ങളും തമ്മിലുള്ള എന്റെ ഉടമ്പടി ഇതാണ്‌: നിങ്ങൾക്കി​ട​യി​ലുള്ള ആണുങ്ങളെ​ല്ലാം പരി​ച്ഛേ​ദ​നയേൽക്കണം.*+ നിങ്ങളും നിങ്ങളു​ടെ സന്തതികളും* ഈ ഉടമ്പടി പാലി​ക്കണം. 11 നിങ്ങൾ നിങ്ങളു​ടെ അഗ്രചർമം മുറി​ച്ചു​ക​ള​യണം. അതു ഞാനും നിങ്ങളും തമ്മിലുള്ള ഉടമ്പടി​യു​ടെ അടയാ​ള​മാ​യി​രി​ക്കും.+ 12 നിങ്ങൾക്കിടയിൽ എട്ടു ദിവസം പ്രായ​മായ ആൺകു​ട്ടി​കളെ​ല്ലാം പരി​ച്ഛേ​ദ​നയേൽക്കണം.+ നിങ്ങളു​ടെ വീട്ടിൽ ജനിച്ച​വ​രാ​യാ​ലും അന്യ​ദേ​ശ​ക്കാ​രിൽനിന്ന്‌ വിലയ്‌ക്കു വാങ്ങിയ, നിന്റെ സന്തതി* അല്ലാത്ത​വ​രാ​യാ​ലും തലമു​റതോ​റും ഇതു ചെയ്യണം. 13 നിന്റെ വീട്ടിൽ ജനിച്ച​വ​രാ​യാ​ലും നീ വിലയ്‌ക്കു വാങ്ങി​യ​വ​രാ​യാ​ലും ആണുങ്ങളൊക്കെ​യും പരി​ച്ഛേ​ദ​നയേൽക്കണം.+ നിങ്ങളു​ടെ ശരീര​ത്തി​ലുള്ള ഈ അടയാളം എന്റെ ഉടമ്പടി​യു​ടെ തെളി​വാ​യി​രി​ക്കും. 14 ആരെങ്കിലും പരി​ച്ഛേ​ദ​നയേൽക്കു​ന്നില്ലെ​ങ്കിൽ അവനെ ജനത്തിൽനി​ന്ന്‌ ഛേദി​ച്ചു​ക​ള​യണം.* അവൻ എന്റെ ഉടമ്പടി ലംഘി​ച്ചി​രി​ക്കു​ന്ന​ല്ലോ.”

15 പിന്നെ ദൈവം അബ്രാ​ഹാ​മിനോ​ടു പറഞ്ഞു: “നിന്റെ ഭാര്യ സാറായിയെ+ നീ ഇനി സാറായി* എന്നു വിളി​ക്ക​രുത്‌. കാരണം അവളുടെ പേര്‌ സാറ* എന്നാകും. 16 അവളെ ഞാൻ അനു​ഗ്ര​ഹി​ക്കു​ക​യും അവളി​ലൂ​ടെ നിനക്ക്‌ ഒരു മകനെ തരുക​യും ചെയ്യും.+ ഞാൻ അവളെ അനു​ഗ്ര​ഹി​ക്കും; അവൾ അനേകം ജനതകൾക്കും രാജാ​ക്ക​ന്മാർക്കും മാതാ​വാ​യി​ത്തീ​രും.” 17 അപ്പോൾ അബ്രാ​ഹാം കമിഴ്‌ന്നു​വീണ്‌ നമസ്‌ക​രി​ച്ചു. അബ്രാ​ഹാം ചിരി​ച്ചുകൊണ്ട്‌ മനസ്സിൽ പറഞ്ഞു:+ “100 വയസ്സുള്ള ഒരാൾക്കു കുട്ടി ഉണ്ടാകു​മോ? 90 വയസ്സുള്ള സാറ പ്രസവി​ക്കു​മോ?”+

18 അബ്രാഹാം സത്യദൈ​വത്തോട്‌, “യിശ്‌മായേൽ+ അങ്ങയുടെ മുമ്പാകെ ജീവി​ച്ചി​രു​ന്നാൽ മതി” എന്നു പറഞ്ഞു. 19 അപ്പോൾ ദൈവം പറഞ്ഞു: “നിന്റെ ഭാര്യ സാറതന്നെ നിനക്ക്‌ ഒരു മകനെ പ്രസവി​ക്കും. നീ അവനു യിസ്‌ഹാക്ക്‌*+ എന്നു പേരി​ടണം. ഞാൻ എന്റെ ഉടമ്പടി അവനു​മാ​യി ഉറപ്പി​ക്കും. അത്‌ അവനു ശേഷം അവന്റെ സന്തതിയോടുള്ള* നിത്യ​മായ ഉടമ്പടി​യാ​യി​രി​ക്കും.+ 20 യിശ്‌മായേലിനെക്കുറിച്ചുള്ള നിന്റെ അപേക്ഷ​യും ഞാൻ കേട്ടി​രി​ക്കു​ന്നു. ഞാൻ അവനെ അനു​ഗ്ര​ഹിച്ച്‌ സന്താന​സ​മൃ​ദ്ധി​യു​ള്ള​വ​നാ​ക്കി വളരെ​യ​ധി​കം വർധി​പ്പി​ക്കും. അവന്‌ 12 തലവന്മാർ ജനിക്കും; അവനെ ഞാൻ ഒരു മഹാജ​ന​ത​യാ​ക്കും.+ 21 എന്നാൽ എന്റെ ഉടമ്പടി ഞാൻ ഉറപ്പി​ക്കു​ന്നത്‌ അടുത്ത വർഷം ഇതേ സമയത്ത്‌+ സാറ നിനക്കു പ്രസവി​ക്കുന്ന യിസ്‌ഹാ​ക്കിനോ​ടാ​യി​രി​ക്കും.”+

22 അബ്രാഹാമിനോടു സംസാ​രി​ച്ചു​തീർന്നശേഷം ദൈവം അബ്രാ​ഹാ​മി​നെ വിട്ട്‌ ഉയർന്നു. 23 ദൈവം പറഞ്ഞതുപോ​ലെ, അന്നേ ദിവസം​തന്നെ അബ്രാ​ഹാം വീട്ടി​ലുള്ള ആണുങ്ങളെയെ​ല്ലാം—മകനായ യിശ്‌മായേ​ലിനെ​യും തന്റെ വീട്ടിൽ ജനിച്ച എല്ലാ പുരു​ഷ​ന്മാരെ​യും താൻ വിലയ്‌ക്കു വാങ്ങിയ എല്ലാവരെ​യും—പരി​ച്ഛേദന ചെയ്‌തു.+ 24 പരിച്ഛേദനയേറ്റപ്പോൾ അബ്രാ​ഹാ​മിന്‌ 99 വയസ്സാ​യി​രു​ന്നു,+ 25 അബ്രാഹാമിന്റെ മകനായ യിശ്‌മായേ​ലിന്‌ 13 വയസ്സും.+ 26 അബ്രാഹാം പരി​ച്ഛേ​ദ​ന​യേറ്റ അന്നുതന്നെ​യാ​ണു മകനായ യിശ്‌മായേ​ലും പരി​ച്ഛേ​ദ​നയേ​റ്റത്‌. 27 അബ്രാഹാമിന്റെ വീട്ടി​ലുള്ള പുരു​ഷ​ന്മാരെ​ല്ലാം—അബ്രാ​ഹാ​മി​ന്റെ വീട്ടിൽ ജനിച്ച​വ​രും അന്യ​ദേ​ശ​ക്കാ​രിൽനിന്ന്‌ വിലയ്‌ക്കു വാങ്ങി​യ​വ​രും—അബ്രാ​ഹാ​മിനോടൊ​പ്പം പരി​ച്ഛേ​ദ​നയേറ്റു.

18 പിന്നീട്‌ ഒരു ദിവസം നട്ടുച്ചനേ​രത്ത്‌ അബ്രാ​ഹാം മമ്രേയിലെ+ വലിയ മരങ്ങൾക്കി​ട​യിൽ കൂടാ​ര​വാ​തിൽക്കൽ ഇരിക്കു​മ്പോൾ യഹോവ+ പ്രത്യ​ക്ഷപ്പെട്ടു. 2 അബ്രാഹാം നോക്കി​യപ്പോൾ കുറച്ച്‌ അകലെ മൂന്നു പുരു​ഷ​ന്മാർ നിൽക്കു​ന്നതു കണ്ടു.+ അവരെ സ്വീക​രി​ക്കാൻ അബ്രാ​ഹാം കൂടാ​ര​വാ​തിൽക്കൽനിന്ന്‌ അവരുടെ അടു​ത്തേക്ക്‌ ഓടി​ച്ചെന്നു. നിലം​വരെ കുമ്പി​ട്ടശേഷം 3 അബ്രാഹാം പറഞ്ഞു: “യഹോവേ, അങ്ങയ്‌ക്ക്‌ എന്നോടു പ്രീതി തോന്നുന്നെ​ങ്കിൽ ഈ ദാസനെ കടന്നുപോ​ക​രു​തേ. 4 കുറച്ച്‌ വെള്ളം കൊണ്ടു​വന്ന്‌ നിങ്ങളു​ടെ കാൽ കഴുകാൻ+ അനുവ​ദി​ച്ചാ​ലും. പിന്നെ നിങ്ങൾക്ക്‌ ഈ മരച്ചു​വ​ട്ടി​ലി​രുന്ന്‌ വിശ്ര​മി​ക്കു​ക​യു​മാ​കാം. 5 നിങ്ങൾ ഈ ദാസന്റെ അടുത്ത്‌ വന്നിരി​ക്കു​ന്ന​ല്ലോ. ഇപ്പോൾ, ക്ഷീണം അകറ്റാനായി* ഞാൻ ഒരു കഷണം അപ്പം കൊണ്ടു​വ​രട്ടേ? അതിനു ശേഷം നിങ്ങൾക്കു യാത്ര തുടരാം.” അപ്പോൾ അവർ പറഞ്ഞു: “ശരി, നീ പറഞ്ഞതുപോലെ​യാ​കട്ടെ.”

6 അങ്ങനെ അബ്രാ​ഹാം തിടു​ക്ക​ത്തിൽ കൂടാ​ര​ത്തിലേക്കു ചെന്ന്‌ സാറ​യോട്‌, “പെട്ടെ​ന്നാ​കട്ടെ! മൂന്നു പാത്രം* നേർത്ത ധാന്യപ്പൊ​ടി കുഴച്ച്‌ അപ്പം ഉണ്ടാക്കൂ” എന്നു പറഞ്ഞു. 7 പിന്നെ അബ്രാ​ഹാം കന്നുകാ​ലി​ക്കൂ​ട്ട​ത്തിലേക്ക്‌ ഓടി​ച്ചെന്ന്‌ നല്ലൊരു കാളക്കി​ടാ​വി​നെ പിടിച്ച്‌ പരിചാ​ര​കനു കൊടു​ത്തു. അദ്ദേഹം അതു തിടു​ക്ക​ത്തിൽ പാകം ചെയ്‌തു. 8 അതിനു ശേഷം അബ്രാ​ഹാം വെണ്ണയും പാലും പാകം ചെയ്‌ത മാംസ​വും കൊണ്ടു​വന്ന്‌ അവരുടെ മുമ്പിൽ വിളമ്പി. അവർ ഭക്ഷണം കഴിക്കു​മ്പോൾ അബ്രാ​ഹാം അവർക്ക​രി​കെ മരച്ചു​വ​ട്ടിൽ നിന്നു.+

9 അവർ അബ്രാ​ഹാ​മിനോട്‌, “നിന്റെ ഭാര്യ സാറ+ എവിടെ” എന്നു ചോദി​ച്ചു. “ഇവിടെ കൂടാ​ര​ത്തി​ലുണ്ട്‌” എന്ന്‌ അബ്രാ​ഹാം പറഞ്ഞു. 10 അപ്പോൾ അവരിൽ ഒരാൾ പറഞ്ഞു: “അടുത്ത വർഷം ഇതേ സമയത്ത്‌ ഞാൻ നിങ്ങളു​ടെ അടുത്ത്‌ തിരി​ച്ചു​വ​രും. സാറയ്‌ക്ക്‌ അപ്പോൾ ഒരു മകൻ ഉണ്ടായി​രി​ക്കും.”+ ഇതെല്ലാം കേട്ടു​കൊ​ണ്ട്‌ അബ്രാ​ഹാ​മി​ന്റെ ഭാര്യ സാറ കൂടാ​ര​വാ​തിൽക്കൽ ആ പുരു​ഷന്റെ പുറകി​ലാ​യി നിൽക്കു​ന്നു​ണ്ടാ​യി​രു​ന്നു. 11 അബ്രാഹാമിനും സാറയ്‌ക്കും ഒരുപാ​ടു പ്രായ​മാ​യി​രു​ന്നു;+ സാറയ്‌ക്കു മക്കൾ ഉണ്ടാകാ​നുള്ള പ്രായം കഴിഞ്ഞുപോ​യി​രു​ന്നു.*+ 12 അതിനാൽ ഉള്ളിൽ ചിരി​ച്ചുകൊണ്ട്‌ സാറ ഇങ്ങനെ സ്വയം പറഞ്ഞു: “എനിക്കു നല്ല പ്രായ​മാ​യി, എന്റെ യജമാ​ന​നും വയസ്സായി. എനിക്ക്‌ ഇനി ആ ആനന്ദം ഉണ്ടാകുമെ​ന്നോ!”+ 13 അപ്പോൾ യഹോവ അബ്രാ​ഹാ​മിനോ​ടു ചോദി​ച്ചു: “‘വയസ്സായ എനിക്കു കുട്ടി​യു​ണ്ടാ​കു​മോ’ എന്നു പറഞ്ഞ്‌ സാറ ചിരി​ച്ചത്‌ എന്തിനാ​ണ്‌? 14 യഹോവയ്‌ക്ക്‌ അസാധ്യ​മായ എന്തെങ്കി​ലു​മു​ണ്ടോ?+ ഞാൻ പറഞ്ഞതുപോ​ലെ അടുത്ത വർഷം ഇതേ സമയത്ത്‌ ഞാൻ നിങ്ങളു​ടെ അടുത്ത്‌ തിരി​ച്ചു​വ​രും; സാറയ്‌ക്ക്‌ അപ്പോൾ ഒരു മകൻ ഉണ്ടായി​രി​ക്കും.” 15 എന്നാൽ പേടി​ച്ചുപോ​യ​തുകൊണ്ട്‌ സാറ അതു നിഷേ​ധി​ച്ചു. “ഞാൻ ചിരി​ച്ചില്ല” എന്നു പറഞ്ഞു. അപ്പോൾ അദ്ദേഹം, “അല്ല, ചിരിച്ചു” എന്നു പറഞ്ഞു.

16 പിന്നെ ആ പുരു​ഷ​ന്മാർ പോകാ​നാ​യി എഴു​ന്നേറ്റു; അബ്രാ​ഹാം അവരോടൊ​പ്പം കുറച്ച്‌ ദൂരം നടന്നു​ചെന്ന്‌ അവരെ യാത്ര​യ​യച്ചു. അവർ സൊ​ദോ​മിലേക്കു നോക്കി.+ 17 അപ്പോൾ യഹോവ പറഞ്ഞു: “ഞാൻ ചെയ്യാൻപോ​കുന്ന കാര്യം അബ്രാ​ഹാ​മിൽനിന്ന്‌ മറച്ചുവെ​ക്കു​മോ?+ 18 കാരണം അബ്രാ​ഹാം ശ്രേഷ്‌ഠ​വും പ്രബല​വും ആയ ഒരു ജനതയാ​കും. അവനി​ലൂ​ടെ ഭൂമി​യി​ലുള്ള ജനതകളെ​ല്ലാം അനു​ഗ്രഹം നേടും.*+ 19 നീതിയും ന്യായ​വും പ്രവർത്തി​ച്ചുകൊണ്ട്‌ യഹോ​വ​യു​ടെ വഴിയിൽ നടക്കാൻ അവൻ പുത്ര​ന്മാരോ​ടും വീട്ടി​ലു​ള്ള​വരോ​ടും കല്‌പി​ക്കുമെന്ന്‌ എനിക്ക്‌ ഉറപ്പാണ്‌.+ കാരണം എനിക്ക്‌ അവനെ നന്നായി അറിയാം. അതു​കൊ​ണ്ടു​തന്നെ, യഹോവ എന്ന ഞാൻ അബ്രാ​ഹാ​മിനെ​ക്കു​റി​ച്ചുള്ള എന്റെ വാഗ്‌ദാ​നങ്ങൾ നിവർത്തി​ക്കും.”

20 പിന്നെ യഹോവ പറഞ്ഞു: “സൊ​ദോ​മി​നും ഗൊ​മോ​റ​യ്‌ക്കും എതി​രെ​യുള്ള മുറവി​ളി ഉച്ചത്തി​ലാ​യി​രി​ക്കു​ന്നു.+ അവരുടെ പാപം വളരെ വലുതാ​ണ്‌.+ 21 എന്റെ അടുത്ത്‌ എത്തിയ മുറവി​ളിപോലെ​യാ​ണോ അവർ പ്രവർത്തി​ക്കു​ന്നതെന്ന്‌ അറിയാൻ ഞാൻ ഇറങ്ങിച്ചെ​ല്ലും. അങ്ങനെ​യല്ലെ​ങ്കിൽ എനിക്ക്‌ അത്‌ അറിയാൻ കഴിയു​മ​ല്ലോ.”+

22 പിന്നെ ആ പുരുഷന്മാർ* അവി​ടെ​നിന്ന്‌ സൊ​ദോ​മിലേക്കു പോയി. യഹോവ+ അബ്രാ​ഹാ​മിന്റെ​കൂ​ടെ നിന്നു. 23 അപ്പോൾ അബ്രാ​ഹാം അടുത്ത്‌ ചെന്ന്‌ ദൈവത്തോ​ടു ചോദി​ച്ചു: “ദുഷ്ടന്മാ​രുടെ​കൂ​ടെ നീതി​മാ​ന്മാരെ​യും അങ്ങ്‌ നശിപ്പി​ച്ചു​ക​ള​യു​മോ?+ 24 ആ നഗരത്തിൽ 50 നീതി​മാ​ന്മാ​രുണ്ടെ​ന്നി​രി​ക്കട്ടെ. അങ്ങ്‌ അതിലെ ജനങ്ങ​ളെയെ​ല്ലാം നശിപ്പി​ക്കു​മോ? അവിടത്തെ 50 നീതി​മാ​ന്മാരെപ്രതി അങ്ങ്‌ ആ സ്ഥലത്തോ​ടു ക്ഷമിക്കി​ല്ലേ? 25 നീതിമാന്മാരെ ദുഷ്ടന്മാ​രുടെ​കൂ​ടെ നശിപ്പി​ച്ചുകൊണ്ട്‌ ഈ വിധത്തിൽ പ്രവർത്തി​ക്കാൻ അങ്ങയ്‌ക്കു കഴിയി​ല്ല​ല്ലോ! അങ്ങനെ ചെയ്‌താൽ, നീതി​മാന്റെ​യും ദുഷ്ട​ന്റെ​യും അവസ്ഥ ഒന്നുതന്നെ​യാ​യിപ്പോ​കും.+ അങ്ങനെ ചെയ്യു​ന്ന​തിനെ​ക്കു​റിച്ച്‌ അങ്ങയ്‌ക്കു ചിന്തി​ക്കാൻപോ​ലും കഴിയില്ല.+ സർവഭൂ​മി​യുടെ​യും ന്യായാ​ധി​പൻ നീതി പ്രവർത്തി​ക്കാ​തി​രി​ക്കു​മോ?”+ 26 അപ്പോൾ യഹോവ പറഞ്ഞു: “സൊ​ദോം നഗരത്തിൽ 50 നീതി​മാ​ന്മാ​രെ കണ്ടാൽ അവരെ​പ്രതി ഞാൻ ആ പ്രദേ​ശത്തോ​ടു മുഴുവൻ ക്ഷമിക്കും.” 27 എന്നാൽ അബ്രാ​ഹാം വീണ്ടും പറഞ്ഞു: “വെറും പൊടി​യും ചാരവും ആയ ഞാൻ ഇതാ, യഹോ​വയോ​ടു സംസാ​രി​ക്കാൻ തുനി​ഞ്ഞി​രി​ക്കു​ന്നു. 28 അവിടെ 50 നീതി​മാ​ന്മാ​രിൽ അഞ്ചു പേർ കുറവാണെ​ങ്കി​ലോ? ആ അഞ്ചു പേരുടെ കുറവ്‌ കാരണം അങ്ങ്‌ നഗരത്തെ മുഴുവൻ നശിപ്പി​ക്കു​മോ?” അപ്പോൾ ദൈവം പറഞ്ഞു: “45 പേരുണ്ടെ​ങ്കിൽ ഞാൻ അവിടം നശിപ്പി​ക്കില്ല.”+

29 എന്നാൽ പിന്നെ​യും അബ്രാ​ഹാം ദൈവത്തോ​ടു സംസാ​രി​ച്ചു. അബ്രാ​ഹാം ചോദി​ച്ചു: “അവിടെ 40 പേരേ ഉള്ളൂ എങ്കിലോ?” ദൈവം പറഞ്ഞു: “ആ 40 പേരെ ഓർത്ത്‌ ഞാൻ അങ്ങനെ ചെയ്യില്ല.” 30 അബ്രാഹാം തുടർന്നു: “യഹോവേ, കോപി​ക്ക​രു​തേ.+ ഇനിയും സംസാ​രി​ക്കാൻ എന്നെ അനുവ​ദിക്കേ​ണമേ. അവിടെ 30 പേരേ ഉള്ളൂ എങ്കിലോ?” ദൈവം പറഞ്ഞു: “അവിടെ 30 പേരെ കണ്ടെത്തുന്നെ​ങ്കിൽ ഞാൻ അതു ചെയ്യില്ല.” 31 എന്നാൽ അബ്രാ​ഹാം പിന്നെ​യും പറഞ്ഞു: “ഇതാ, ഞാൻ യഹോ​വയോ​ടു സംസാ​രി​ക്കാൻ ധൈര്യം കാണി​ച്ചി​രി​ക്കു​ന്നു. അവിടെ 20 പേരേ ഉള്ളൂ എങ്കിലോ?” ദൈവം മറുപടി പറഞ്ഞു: “ആ 20 പേരെ ഓർത്ത്‌ ഞാൻ അവിടം നശിപ്പി​ക്കില്ല.” 32 ഒടുവിൽ അബ്രാ​ഹാം: “യഹോവേ, കോപി​ക്ക​രു​തേ. ഒരിക്കൽക്കൂ​ടി സംസാ​രി​ക്കാൻ എന്നെ അനുവ​ദിക്കേ​ണമേ. അവിടെ പത്തു പേർ മാത്ര​മാ​ണു​ള്ളത്‌ എങ്കിലോ?” ദൈവം പറഞ്ഞു: “ആ പത്തു പേരെ ഓർത്ത്‌ ഞാൻ അതു നശിപ്പി​ക്കില്ല.” 33 അബ്രാഹാമിനോടു സംസാ​രി​ച്ചു​തീർന്നശേഷം യഹോവ അവിടം വിട്ട്‌ പോയി;+ അബ്രാ​ഹാം തന്റെ സ്ഥലത്തേക്കു മടങ്ങി.

19 വൈകുന്നേ​ര​മാ​യപ്പോൾ ആ രണ്ടു ദൈവ​ദൂ​ത​ന്മാ​രും സൊ​ദോ​മിൽ എത്തി. ലോത്ത്‌ അപ്പോൾ സൊ​ദോ​മി​ന്റെ കവാട​ത്തിൽ ഇരിക്കു​ക​യാ​യി​രു​ന്നു. അവരെ കണ്ടപ്പോൾ ലോത്ത്‌ എഴു​ന്നേ​റ്റുചെന്ന്‌ അവരെ സ്വീക​രി​ച്ചു, മുഖം നിലത്ത്‌ മുട്ടും​വി​ധം കുമ്പിട്ട്‌ അവരെ നമസ്‌ക​രി​ച്ചു.+ 2 എന്നിട്ട്‌ ലോത്ത്‌ പറഞ്ഞു: “യജമാ​ന​ന്മാ​രേ, ഈ ദാസന്റെ വീട്ടി​ലേക്കു വന്ന്‌ രാത്രി​ത​ങ്ങി​യാ​ലും. അവിടെ നിങ്ങളു​ടെ കാൽ കഴുകു​ക​യും ചെയ്യാം. അതിരാ​വി​ലെ എഴു​ന്നേറ്റ്‌ നിങ്ങൾക്കു യാത്ര തുടരാ​മ​ല്ലോ.” അപ്പോൾ അവർ, “വേണ്ടാ, രാത്രി ഞങ്ങൾ വഴിയോരത്ത്‌* കഴിഞ്ഞുകൊ​ള്ളാം” എന്നു പറഞ്ഞു. 3 എന്നാൽ കുറെ നിർബ​ന്ധി​ച്ചപ്പോൾ അവർ ലോത്തിനോടൊ​പ്പം ലോത്തി​ന്റെ വീട്ടി​ലേക്കു പോയി. ലോത്ത്‌ അവർക്ക്‌ ഒരു വിരുന്ന്‌ ഒരുക്കി; അവർക്കു​വേണ്ടി പുളിപ്പില്ലാത്ത* അപ്പം ചുട്ടു. അവർ അതു കഴിച്ചു.

4 അവർ ഉറങ്ങാൻ കിടക്കു​ന്ന​തി​നു മുമ്പ്‌ സൊ​ദോം നഗരത്തി​ലെ പുരു​ഷ​ന്മാരെ​ല്ലാം—ബാലന്മാർമു​തൽ വൃദ്ധന്മാർവരെ എല്ലാവ​രും—കൂട്ട​ത്തോ​ടെ വന്ന്‌ വീടു വളഞ്ഞു. 5 അവർ ലോത്തി​നോ​ട്‌ ഇങ്ങനെ വിളി​ച്ചു​പ​റ​ഞ്ഞുകൊ​ണ്ടി​രു​ന്നു: “നിന്റെ വീട്ടിൽ രാത്രി​ത​ങ്ങാൻ വന്ന പുരു​ഷ​ന്മാർ എവിടെ? അവരെ പുറത്ത്‌ കൊണ്ടു​വരൂ. ഞങ്ങൾക്ക്‌ അവരു​മാ​യി ലൈം​ഗി​ക​ബ​ന്ധ​ത്തിൽ ഏർപ്പെ​ടണം; അവരെ വിട്ടു​തരൂ.”+

6 അപ്പോൾ ലോത്ത്‌ പുറത്ത്‌ ഇറങ്ങി വാതിൽ അടച്ച​ശേഷം അവരുടെ അടുത്ത്‌ ചെന്ന്‌ 7 പറഞ്ഞു: “എന്റെ സഹോ​ദ​ര​ന്മാ​രേ, വഷളത്തം കാണി​ക്ക​രു​തേ! 8 കന്യകമാരായ രണ്ടു പെൺമക്കൾ എനിക്കു​ണ്ട്‌. അവരെ ഞാൻ നിങ്ങളു​ടെ അടുത്ത്‌ കൊണ്ടു​വ​രാം; നിങ്ങൾക്ക്‌ ഇഷ്ടമു​ള്ളത്‌ അവരോ​ടു ചെയ്‌തുകൊ​ള്ളൂ. ഈ പുരു​ഷ​ന്മാ​രെ മാത്രം ഒന്നും ചെയ്യരു​തേ. അവർ എന്റെ കൂരയ്‌ക്കു കീഴിൽ* അഭയം തേടി​യ​വ​രാ​ണ​ല്ലോ.”+ 9 അപ്പോൾ അവർ ആക്രോ​ശി​ച്ചുകൊണ്ട്‌, “മാറി നിൽക്ക്‌! ഇവിടെ ഒറ്റയ്‌ക്കു വന്നുതാ​മ​സി​ക്കുന്ന, വെറുമൊ​രു പരദേ​ശി​യായ ഇവൻ നമ്മളെ വിധി​ക്കാൻ മുതി​രു​ന്നു! ഇപ്പോൾ, അവരോ​ടു ചെയ്യു​ന്ന​തിനെ​ക്കാൾ മോശ​മാ​യി ഞങ്ങൾ നിന്നോ​ടു പെരു​മാ​റും” എന്നു പറഞ്ഞു. അവർ ലോത്തി​നെ തിക്കിഞെ​രു​ക്കി വാതിൽ തകർക്കാൻ അടുത്തു. 10 അപ്പോൾ ആ ദൂതന്മാർ കൈ നീട്ടി ലോത്തി​നെ വീട്ടി​നു​ള്ളിലേക്കു വലിച്ചു​ക​യറ്റി വാതിൽ അടച്ചു. 11 വീട്ടുവാതിൽക്കലുണ്ടായിരുന്ന ആളുകൾക്കു മുഴുവൻ, ചെറി​യ​വൻമു​തൽ വലിയ​വൻവരെ എല്ലാവർക്കും, അവർ അന്ധത പിടി​പ്പി​ച്ചു. അങ്ങനെ ജനം വാതിൽ തപ്പിന​ടന്ന്‌ വലഞ്ഞു.

12 ദൈവദൂതന്മാർ ലോത്തി​നോ​ട്‌: “നിങ്ങൾക്ക്‌ ഇവിടെ മറ്റാ​രെ​ങ്കി​ലു​മു​ണ്ടോ? മരുമ​ക്കളെ​യും ആൺമക്കളെ​യും പെൺമ​ക്കളെ​യും ഈ നഗരത്തിൽ നിനക്കുള്ള എല്ലാവരെ​യും കൂട്ടി ഇവി​ടെ​നിന്ന്‌ പുറത്ത്‌ കടക്കുക! 13 ഞങ്ങൾ ഈ നഗരം നശിപ്പി​ക്കാൻപോ​കു​ക​യാണ്‌. ഇവർക്കെ​തിരെ​യുള്ള മുറവി​ളി യഹോ​വ​യു​ടെ മുമ്പാകെ+ എത്തിയതിനാൽ* ഈ നഗരത്തെ നശിപ്പി​ക്കാൻ യഹോവ ഞങ്ങളെ അയച്ചി​രി​ക്കു​ക​യാണ്‌.” 14 അപ്പോൾ ലോത്ത്‌ ചെന്ന്‌ തന്റെ പെൺമ​ക്കളെ വിവാഹം കഴിക്കാ​നി​രുന്ന മരുമ​ക്കളോ​ടു സംസാ​രി​ച്ചു. “പെട്ടെന്ന്‌ ഇവി​ടെ​നിന്ന്‌ പുറത്ത്‌ കടക്കുക; യഹോവ ഈ നഗരം നശിപ്പി​ക്കാൻപോ​കു​ക​യാണ്‌” എന്നു ലോത്ത്‌ അവരോ​ടു പറഞ്ഞു. പലവട്ടം പറഞ്ഞെ​ങ്കി​ലും ലോത്ത്‌ തമാശ പറയു​ക​യാണെന്ന്‌ അവർ കരുതി.+

15 എന്നാൽ വെട്ടം വീണു​തു​ട​ങ്ങി​യപ്പോൾ ദൈവ​ദൂ​ത​ന്മാർ ധൃതി​കൂ​ട്ടി; അവർ ലോത്തിനോ​ടു പറഞ്ഞു: “വേഗമാ​കട്ടെ, ഭാര്യയെ​യും നിന്നോടൊ​പ്പ​മുള്ള രണ്ടു പെൺമ​ക്കളെ​യും കൂട്ടി ഇവി​ടെ​നിന്ന്‌ പോകുക. അല്ലെങ്കിൽ ഈ നഗരത്തി​ന്റെ ദുഷ്‌ചെ​യ്‌തി​കൾ കാരണം നിങ്ങളും നശിക്കും.”+ 16 പക്ഷേ ലോത്ത്‌ മടിച്ചു​നി​ന്നു. എന്നാൽ യഹോവ കരുണ കാണിച്ചതിനാൽ+ ആ പുരു​ഷ​ന്മാർ ലോത്തിനെ​യും ഭാര്യയെ​യും ലോത്തി​ന്റെ രണ്ടു പെൺമ​ക്കളെ​യും കൈക്കു പിടിച്ച്‌ നഗരത്തി​നു വെളി​യിൽ കൊണ്ടു​വന്നു.+ 17 അവരെ അതിർത്തി​യിൽ എത്തിച്ച ഉടനെ ദൂതന്മാ​രിൽ ഒരാൾ പറഞ്ഞു: “ജീവനും​കൊ​ണ്ട്‌ രക്ഷപ്പെ​ട്ടോ! തിരിഞ്ഞുനോക്കുകയോ+ ഈ പ്രദേശത്തെങ്ങും+ നിൽക്കു​ക​യോ അരുത്‌! നിങ്ങൾ നശിക്കാ​തി​രി​ക്കാൻ മലകളി​ലേക്ക്‌ ഓടിപ്പോ​കുക!”

18 അപ്പോൾ ലോത്ത്‌ അവരോ​ടു പറഞ്ഞു: “അരുത്‌ യഹോവേ, എന്നെ അങ്ങോട്ട്‌ അയയ്‌ക്ക​രു​തേ! 19 എനിക്ക്‌ അങ്ങയുടെ പ്രീതി ലഭിച്ചി​രി​ക്കു​ന്ന​ല്ലോ. എന്നെ ജീവ​നോ​ടെ രക്ഷിച്ചുകൊണ്ട്‌+ അങ്ങ്‌ എന്നോടു മഹാദയയും* കാണി​ച്ചി​രി​ക്കു​ന്നു. പക്ഷേ മലനാ​ട്ടിലേക്ക്‌ ഓടിപ്പോ​കാൻ എനിക്കു സാധി​ക്കില്ല. എന്തെങ്കി​ലും അപകടം വന്ന്‌ ഞാൻ മരിച്ചുപോ​കു​മോ എന്ന്‌ എനിക്കു ഭയം തോന്നു​ന്നു.+ 20 ഇതാ, ഈ പട്ടണം അടുത്താ​ണ്‌. അവി​ടേക്ക്‌ എനിക്ക്‌ ഓടിപ്പോ​കാൻ കഴിയും; അതു ചെറിയ സ്ഥലമാ​ണ​ല്ലോ. ഞാൻ അങ്ങോട്ട്‌ ഓടിപ്പൊ​യ്‌ക്കൊ​ള്ളട്ടേ? അതൊരു ചെറിയ സ്ഥലമല്ലേ? അങ്ങനെ എനിക്ക്‌ രക്ഷപ്പെ​ടാ​നാ​കും.” 21 അപ്പോൾ ദൂതൻ പറഞ്ഞു: “ശരി, ഇക്കാര്യ​ത്തി​ലും ഞാൻ പരിഗണന കാണി​ക്കും;+ നീ പറഞ്ഞ പട്ടണം ഞാൻ നശിപ്പി​ക്കില്ല.+ 22 വേഗം അവി​ടേക്കു രക്ഷപ്പെ​ടുക; നീ അവിടെ എത്തും​വരെ എനിക്ക്‌ ഒന്നും ചെയ്യാൻ കഴിയില്ല.”+ അതു​കൊണ്ട്‌ ലോത്ത്‌ ആ പട്ടണത്തി​നു സോവർ*+ എന്നു പേരിട്ടു.

23 ലോത്ത്‌ സോവ​രിലെ​ത്തി​യപ്പോൾ സൂര്യൻ ഉദിച്ചി​രു​ന്നു. 24 അപ്പോൾ യഹോവ സ്വർഗ​ത്തിൽനിന്ന്‌, യഹോ​വ​യു​ടെ സന്നിധി​യിൽനി​ന്നു​തന്നെ, സൊ​ദോ​മിന്റെ​യും ഗൊ​മോ​റ​യുടെ​യും മേൽ തീയും ഗന്ധകവും* വർഷിച്ചു.+ 25 അങ്ങനെ, ദൈവം ആ നഗരങ്ങൾ നശിപ്പി​ച്ചു; അവി​ടെ​യുള്ള ജനങ്ങളും സസ്യങ്ങ​ളും സഹിതം ആ പ്രദേശം മുഴുവൻ കത്തിച്ച്‌ ചാമ്പലാ​ക്കി.+ 26 ലോത്തിന്റെ ഭാര്യ ലോത്തി​ന്റെ പിന്നാലെ​യു​ണ്ടാ​യി​രു​ന്നു. എന്നാൽ പുറ​കോ​ട്ടു തിരി​ഞ്ഞുനോ​ക്കിയ അവൾ ഉപ്പുതൂ​ണാ​യി​ത്തീർന്നു.+

27 അബ്രാഹാം അതിരാ​വി​ലെ എഴു​ന്നേറ്റ്‌ താൻ യഹോ​വ​യു​ടെ മുമ്പാകെ നിന്നി​രുന്ന സ്ഥലത്ത്‌+ ചെന്ന്‌ 28 താഴേക്ക്‌, സൊ​ദോ​മിലേ​ക്കും ഗൊ​മോ​റ​യിലേ​ക്കും ആ പ്രദേ​ശത്തെ മറ്റു നഗരങ്ങ​ളിലേ​ക്കും, നോക്കി. അപ്പോൾ അബ്രാ​ഹാം ഭയങ്കര​മായൊ​രു കാഴ്‌ച കണ്ടു. അതാ, ചൂളയിൽനിന്നെ​ന്നപോ​ലെ ആ പ്രദേ​ശ​ത്തു​നിന്ന്‌ കനത്ത പുക ഉയരുന്നു!+ 29 ലോത്ത്‌ താമസി​ച്ചി​രുന്ന പ്രദേ​ശത്തെ നഗരങ്ങൾ നശിപ്പി​ച്ചപ്പോൾ ലോത്തി​നെ രക്ഷിച്ചുകൊണ്ട്‌+ ദൈവം ഇങ്ങനെ അബ്രാ​ഹാ​മി​നെ ഓർത്തു.

30 സോവരിൽ+ താമസി​ക്കാൻ ഭയമാ​യി​രു​ന്ന​തുകൊണ്ട്‌ ലോത്ത്‌ രണ്ടു പെൺമ​ക്കളെ​യും കൂട്ടി സോവ​രിൽനിന്ന്‌ മലനാ​ട്ടിലേക്കു പോയി അവിടെ താമസം​തു​ടങ്ങി.+ ലോത്ത്‌ പെൺമ​ക്കളോടൊ​പ്പം ഒരു ഗുഹയിൽ താമസി​ച്ചു. 31 പിന്നീട്‌ മൂത്ത മകൾ ഇളയവളോ​ടു പറഞ്ഞു: “നമ്മുടെ അപ്പനു വയസ്സായി. ഭൂമി​യിലെ​ങ്ങു​മുള്ള നടപ്പനു​സ​രിച്ച്‌ നമ്മളു​മാ​യി ശാരീ​രി​ക​ബ​ന്ധ​ത്തിൽ ഏർപ്പെ​ടാൻ ഈ ദേശത്ത്‌ പുരു​ഷ​ന്മാർ ആരുമില്ല. 32 വരൂ, നമുക്ക്‌ അപ്പനെ വീഞ്ഞു കുടി​പ്പി​ച്ചിട്ട്‌ അപ്പനോടൊ​പ്പം കിടക്കാം. അങ്ങനെ അപ്പന്റെ കുടും​ബ​പ​രമ്പര നിലനി​റു​ത്താം.”

33 അങ്ങനെ അവർ അന്നു രാത്രി അപ്പനു കുറെ വീഞ്ഞു കൊടു​ത്തു. പിന്നെ മൂത്ത മകൾ അകത്ത്‌ ചെന്ന്‌ അപ്പനു​മാ​യി ലൈം​ഗി​ക​ബ​ന്ധ​ത്തിൽ ഏർപ്പെട്ടു. പക്ഷേ അവൾ വന്ന്‌ കിടന്ന​തോ എഴു​ന്നേറ്റ്‌ പോയ​തോ ലോത്ത്‌ അറിഞ്ഞില്ല. 34 പിറ്റെ ദിവസം മൂത്തവൾ ഇളയവളോ​ടു പറഞ്ഞു: “കഴിഞ്ഞ രാത്രി ഞാൻ അപ്പനോടൊ​പ്പം കിടന്നു. ഇന്നു രാത്രി​യും നമുക്ക്‌ അപ്പനു വീഞ്ഞു കൊടു​ക്കാം. നീ ഇന്ന്‌ അകത്ത്‌ ചെന്ന്‌ അപ്പനോടൊ​പ്പം കിടക്കണം. അങ്ങനെ നമുക്ക്‌ അപ്പന്റെ കുടും​ബ​പ​രമ്പര നിലനി​റു​ത്താം.” 35 ആ രാത്രി​യും അവർ അപ്പനു വീണ്ടും​വീ​ണ്ടും വീഞ്ഞു കൊടു​ത്തു. പിന്നെ ഇളയവൾ ചെന്ന്‌ ലോത്തു​മാ​യി ബന്ധപ്പെട്ടു. അവൾ വന്ന്‌ കിടന്ന​തോ എഴു​ന്നേറ്റ്‌ പോയ​തോ ലോത്ത്‌ അറിഞ്ഞില്ല. 36 അങ്ങനെ ലോത്തി​ന്റെ രണ്ടു പെൺമ​ക്ക​ളും ഗർഭി​ണി​ക​ളാ​യി. 37 മൂത്ത മകൾ ഒരു ആൺകു​ഞ്ഞി​നെ പ്രസവി​ച്ചു; അവനു മോവാബ്‌+ എന്നു പേരിട്ടു. അവനാണ്‌ ഇന്നുള്ള മോവാ​ബ്യ​രു​ടെ പൂർവി​കൻ.+ 38 ഇളയവളും ഒരു ആൺകു​ഞ്ഞി​നെ പ്രസവി​ച്ചു; അവൾ അവനു ബൻ-അമ്മി എന്നു പേരിട്ടു. അവനാണ്‌ ഇന്നുള്ള അമ്മോ​ന്യ​രു​ടെ പൂർവി​കൻ.+

20 പിന്നെ അബ്രാ​ഹാം കൂടാരം അവിടെനിന്ന്‌+ നെഗെബ്‌ ദേശ​ത്തേക്കു മാറ്റി, കാദേശിനും+ ശൂരിനും+ ഇടയിൽ താമസം​തു​ടങ്ങി. ഗരാരിൽ+ താമസിക്കുമ്പോൾ* 2 അബ്രാഹാം പിന്നെ​യും ഭാര്യ സാറ​യെ​ക്കു​റിച്ച്‌, “ഇത്‌ എന്റെ പെങ്ങളാ​ണ്‌”+ എന്നു പറഞ്ഞു. അതിനാൽ ഗരാരി​ലെ രാജാ​വായ അബീ​മേലെക്ക്‌ ആളയച്ച്‌ സാറയെ കൂട്ടിക്കൊ​ണ്ടുപോ​യി.+ 3 പിന്നീട്‌ ദൈവം രാത്രി ഒരു സ്വപ്‌ന​ത്തിൽ അബീ​മേലെ​ക്കി​ന്റെ അടുത്ത്‌ വന്ന്‌ പറഞ്ഞു: “നീ കൂട്ടിക്കൊ​ണ്ടു​വന്ന സ്‌ത്രീ കാരണം+ നീ ഇതാ മരിക്കാൻപോ​കു​ന്നു; അവൾ വിവാ​ഹി​ത​യും മറ്റൊ​രാ​ളു​ടെ അവകാ​ശ​വും ആണ്‌.”+ 4 എന്നാൽ അബീ​മേലെക്ക്‌ അതുവരെ അവളുടെ അടുത്ത്‌ ചെന്നി​ട്ടി​ല്ലാ​യി​രു​ന്നു.* അതിനാൽ അബീ​മേലെക്ക്‌ പറഞ്ഞു: “യഹോവേ, നിരപരാധികളായ* ഒരു ജനതയെ അങ്ങ്‌ കൊന്നു​ക​ള​യു​മോ? 5 ‘ഇത്‌ എന്റെ പെങ്ങളാ​ണ്‌’ എന്ന്‌ അബ്രാ​ഹാ​മും ‘ഇത്‌ എന്റെ ആങ്ങളയാ​ണ്‌’ എന്നു സാറയും പറഞ്ഞല്ലോ. ശുദ്ധമായ ഹൃദയത്തോടെ​യും നിർമ​ല​മായ കരങ്ങ​ളോടെ​യും ആണ്‌ ഞാൻ ഇതു ചെയ്‌തത്‌.” 6 അപ്പോൾ സത്യ​ദൈവം സ്വപ്‌ന​ത്തിൽ അബീ​മേലെ​ക്കിനോ​ടു പറഞ്ഞു: “ശുദ്ധമായ ഹൃദയത്തോടെ​യാ​ണു നീ ഇതു ചെയ്‌ത​തെന്ന്‌ എനിക്ക്‌ അറിയാം. അതു​കൊ​ണ്ടാണ്‌ എനിക്ക്‌ എതിരെ പാപം ചെയ്യു​ന്ന​തിൽനിന്ന്‌ ഞാൻ നിന്നെ തടഞ്ഞത്‌, അവളെ തൊടാൻ നിന്നെ അനുവ​ദി​ക്കാ​തി​രു​ന്നത്‌. 7 നീ അവന്റെ ഭാര്യയെ തിരികെ കൊടു​ക്കുക; കാരണം അവൻ ഒരു പ്രവാ​ച​ക​നാണ്‌.+ അവൻ നിനക്കു​വേണ്ടി അപേക്ഷിക്കുകയും+ നീ ജീവി​ച്ചി​രി​ക്കു​ക​യും ചെയ്യും. എന്നാൽ നീ അവളെ തിരികെ കൊടു​ക്കു​ന്നില്ലെ​ങ്കിൽ നീയും നിനക്കുള്ള എല്ലാവ​രും മരിക്കും എന്ന്‌ അറിഞ്ഞുകൊ​ള്ളുക.”

8 അബീമേലെക്ക്‌ അതിരാ​വി​ലെ എഴു​ന്നേറ്റ്‌ ദാസന്മാരെയെ​ല്ലാം വിളി​ച്ചു​കൂ​ട്ടി ഇക്കാര്യ​ങ്ങളെ​ല്ലാം അറിയി​ച്ചു; അവർ ആകെ ഭയന്നുപോ​യി. 9 പിന്നെ അബീ​മേലെക്ക്‌ അബ്രാ​ഹാ​മി​നെ വിളി​ച്ചു​വ​രു​ത്തി​യിട്ട്‌ പറഞ്ഞു: “താങ്കൾ ഞങ്ങളോ​ട്‌ ഈ ചെയ്‌തത്‌ എന്താണ്‌? എന്റെയും എന്റെ രാജ്യ​ത്തിന്റെ​യും മേൽ ഇത്ര വലി​യൊ​രു പാപം വരുത്തിവെ​ക്കാൻ ഞാൻ താങ്ക​ളോട്‌ എന്തു തെറ്റാണു ചെയ്‌തത്‌? താങ്കൾ എന്നോട്‌ ഈ ചെയ്‌തത്‌ ഒട്ടും ശരിയാ​യില്ല.” 10 തുടർന്ന്‌ അബീ​മേലെക്ക്‌ ചോദി​ച്ചു: “എന്ത്‌ ഉദ്ദേശ്യ​ത്തി​ലാ​ണു താങ്കൾ ഇതു ചെയ്‌തത്‌?”+ 11 അപ്പോൾ അബ്രാ​ഹാം പറഞ്ഞു: “‘ഇതു ദൈവ​ഭ​യ​മി​ല്ലാത്ത നാടാണ്‌, എന്റെ ഭാര്യ കാരണം ഇവർ എന്നെ കൊല്ലും’+ എന്നു വിചാ​രി​ച്ച​തുകൊ​ണ്ടാ​ണു ഞാൻ ഇങ്ങനെ ചെയ്‌തത്‌. 12 മാത്രമല്ല, അവൾ യഥാർഥ​ത്തിൽ എന്റെ പെങ്ങളാ​ണ്‌, എന്റെ അപ്പന്റെ മകൾ. എന്നാൽ എന്റെ അമ്മയുടെ മകളല്ല. അവളെ ഞാൻ വിവാഹം കഴിച്ചു.+ 13 എന്റെ അപ്പന്റെ വീടു വിട്ട്‌+ യാത്ര ചെയ്യാൻ ദൈവം എന്നോട്‌ ആവശ്യപ്പെ​ട്ടപ്പോൾ, ‘നമ്മൾ എവി​ടെപ്പോ​യാ​ലും നീ എന്നോട്‌ അചഞ്ചല​മായ സ്‌നേഹം കാണി​ക്കു​ക​യും “ഇത്‌ എന്റെ ആങ്ങളയാ​ണ്‌”+ എന്നു പറയു​ക​യും വേണം’ എന്നു ഞാൻ സാറ​യോ​ടു പറഞ്ഞു.”

14 പിന്നെ അബീ​മേലെക്ക്‌ അബ്രാ​ഹാ​മിന്‌ ആടുമാ​ടു​കളെ​യും ദാസീ​ദാ​സ​ന്മാരെ​യും കൊടു​ത്തു. അബ്രാ​ഹാ​മി​ന്റെ ഭാര്യ സാറ​യെ​യും അബീ​മേലെക്ക്‌ മടക്കിക്കൊ​ടു​ത്തു. 15 തുടർന്ന്‌ അബീ​മേലെക്ക്‌ പറഞ്ഞു: “ഇതാ, എന്റെ ദേശം മുഴുവൻ താങ്കളു​ടെ മുന്നി​ലി​രി​ക്കു​ന്നു, ഇഷ്ടമു​ള്ളി​ടത്ത്‌ താമസി​ക്കാം.” 16 സാറയോട്‌ അബീ​മേലെക്ക്‌ പറഞ്ഞു: “ഇതാ, ഞാൻ നിന്റെ ആങ്ങളയ്‌ക്ക്‌ 1,000 വെള്ളി​ക്കാ​ശു കൊടു​ക്കു​ന്നു.+ നിന്റെ കൂടെ​യു​ള്ള​വർക്കും മറ്റെല്ലാ​വർക്കും മുമ്പാകെ, നീ നിഷ്‌ക​ള​ങ്ക​യാണ്‌ എന്നതിന്റെ അടയാ​ള​മാ​യി​രി​ക്കും ഇത്‌.* നിന്റെ മേലുള്ള നിന്ദ നീങ്ങി​യി​രി​ക്കു​ന്നു.” 17 പിന്നെ അബ്രാ​ഹാം സത്യദൈ​വത്തോട്‌ ഉള്ളുരു​കി പ്രാർഥി​ച്ചു. അങ്ങനെ അബീ​മേലെ​ക്കിനെ​യും ഭാര്യയെ​യും ദാസി​മാരെ​യും ദൈവം സുഖ​പ്പെ​ടു​ത്തി; അവർക്കു മക്കൾ ഉണ്ടായി​ത്തു​ടങ്ങി. 18 അബ്രാഹാമിന്റെ ഭാര്യ സാറ നിമിത്തം യഹോവ അബീ​മേലെ​ക്കി​ന്റെ വീട്ടി​ലുള്ള എല്ലാ സ്‌ത്രീ​ക​ളുടെ​യും ഗർഭം അടച്ചി​രു​ന്നു.+

21 പറഞ്ഞി​രു​ന്ന​തുപോലെ​തന്നെ യഹോവ സാറയെ ഓർത്തു. വാഗ്‌ദാ​നം ചെയ്‌തി​രു​ന്നത്‌ യഹോവ സാറയ്‌ക്കു നിറ​വേ​റ്റിക്കൊ​ടു​ത്തു.+ 2 സാറ ഗർഭി​ണി​യാ​യി.+ ദൈവം വാഗ്‌ദാ​നം ചെയ്‌തി​രു​ന്ന​തുപോ​ലെ അബ്രാ​ഹാ​മി​ന്റെ വാർധ​ക്യ​ത്തിൽ, ദൈവം പറഞ്ഞ സമയത്ത്‌, സാറ അബ്രാ​ഹാ​മിന്‌ ഒരു ആൺകു​ഞ്ഞി​നെ പ്രസവി​ച്ചു.+ 3 സാറ പ്രസവിച്ച കുഞ്ഞിന്‌ അബ്രാ​ഹാം യിസ്‌ഹാ​ക്ക്‌ എന്നു പേരിട്ടു.+ 4 ദൈവം കല്‌പി​ച്ചി​രു​ന്ന​തുപോ​ലെ, യിസ്‌ഹാ​ക്കിന്‌ എട്ടു ദിവസം പ്രായ​മു​ള്ളപ്പോൾ അബ്രാ​ഹാം അവന്റെ അഗ്രചർമം പരിച്ഛേദന* ചെയ്‌തു.+ 5 യിസ്‌ഹാക്ക്‌ ജനിക്കു​മ്പോൾ അബ്രാ​ഹാ​മിന്‌ 100 വയസ്സാ​യി​രു​ന്നു. 6 സാറ ഇങ്ങനെ പറഞ്ഞു: “ഞാൻ ചിരി​ക്കാൻ ദൈവം ഇടയാ​ക്കി​യി​രി​ക്കു​ന്നു. ഇതെക്കു​റിച്ച്‌ കേൾക്കു​ന്ന​വരൊക്കെ​യും എന്നോടൊ​പ്പം ചിരി​ക്കും.”* 7 അവൾ ഇങ്ങനെ​യും പറഞ്ഞു: “‘സാറ കുട്ടി​കളെ മുലയൂ​ട്ടും’ എന്ന്‌ അബ്രാ​ഹാ​മിനോ​ടു പറയാൻ ആർക്കു കഴിയു​മാ​യി​രു​ന്നു? എന്നാൽ ഇതാ, അബ്രാ​ഹാ​മി​ന്റെ വാർധ​ക്യ​ത്തിൽ ഞാൻ ഒരു ആൺകു​ഞ്ഞി​നെ പ്രസവി​ച്ചി​രി​ക്കു​ന്നു.”

8 കുട്ടി വലുതാ​യി, മുലകു​ടി നിറുത്തി. യിസ്‌ഹാ​ക്കി​ന്റെ മുലകു​ടി നിറു​ത്തിയ ദിവസം അബ്രാ​ഹാം ഒരു വലിയ വിരുന്ന്‌ ഒരുക്കി. 9 എന്നാൽ ഈജി​പ്‌തു​കാ​രി​യായ ഹാഗാർ അബ്രാ​ഹാ​മി​നു പ്രസവിച്ച മകൻ,+ തന്റെ മകനായ യിസ്‌ഹാ​ക്കി​നെ പരിഹസിക്കുന്നതു+ സാറ കാണു​ന്നു​ണ്ടാ​യി​രു​ന്നു. 10 അതുകൊണ്ട്‌ സാറ അബ്രാ​ഹാ​മിനോ​ടു പറഞ്ഞു: “ഈ ദാസിയെ​യും ഇവളുടെ മകനെ​യും ഇവി​ടെ​നിന്ന്‌ ഇറക്കി​വിട്‌. എന്റെ മകനായ യിസ്‌ഹാ​ക്കിനോടൊ​പ്പം ഇവളുടെ മകൻ അവകാ​ശി​യാ​ക​രുത്‌.”+ 11 പക്ഷേ തന്റെ മകനെ​ക്കു​റിച്ച്‌ സാറ പറഞ്ഞത്‌ അബ്രാ​ഹാ​മിന്‌ ഒട്ടും ഇഷ്ടമാ​യില്ല.+ 12 എന്നാൽ ദൈവം അബ്രാ​ഹാ​മിനോ​ടു പറഞ്ഞു: “നിന്റെ ദാസിയെ​യും മകനെ​യും കുറിച്ച്‌ സാറ പറയുന്ന കാര്യ​ത്തിൽ ഇഷ്ടക്കേടു തോന്ന​രുത്‌. സാറ പറയു​ന്നതു കേൾക്കുക; കാരണം നിന്റെ സന്തതി* എന്ന്‌ അറിയപ്പെ​ടു​ന്നവൻ വരുന്നതു യിസ്‌ഹാ​ക്കി​ലൂടെ​യാ​യി​രി​ക്കും.+ 13 എന്നാൽ, ദാസി​യു​ടെ മകനെയും+ ഞാൻ അനു​ഗ്ര​ഹി​ക്കും. അവനിൽനി​ന്ന്‌ ഞാൻ ഒരു ജനതയെ ഉളവാ​ക്കും;+ അവനും നിന്റെ സന്തതി​യാ​ണ​ല്ലോ.”*

14 അങ്ങനെ അബ്രാ​ഹാം അതിരാ​വി​ലെ എഴു​ന്നേറ്റ്‌ അപ്പവും തോൽക്കു​ട​ത്തിൽ വെള്ളവും എടുത്ത്‌ ഹാഗാ​രി​ന്റെ തോളിൽ വെച്ചിട്ട്‌ ഹാഗാ​രി​നെ മകനോടൊ​പ്പം പറഞ്ഞയച്ചു.+ ഹാഗാർ പുറ​പ്പെട്ട്‌ ബേർ-ശേബയ്‌ക്കടുത്തുള്ള+ മരുപ്രദേശത്ത്‌* അലഞ്ഞു​ന​ടന്നു. 15 ഒടുവിൽ തോൽക്കു​ട​ത്തി​ലെ വെള്ളം തീർന്ന​പ്പോൾ ഹാഗാർ കുട്ടിയെ ഒരു കുറ്റിച്ചെ​ടി​യു​ടെ കീഴിൽ ഉപേക്ഷി​ച്ചു. 16 പിന്നെ ഹാഗാർ, “എന്റെ മകൻ മരിക്കു​ന്നത്‌ എനിക്കു കാണേണ്ടാ” എന്നു പറഞ്ഞ്‌ ഏകദേശം ഒരു അമ്പേറു​ദൂ​രം ചെന്ന്‌ അവിടെ ഇരുന്നു. അങ്ങനെ അൽപ്പം ദൂരേക്കു മാറി ഇരുന്ന ഹാഗാർ ഉറക്കെ കരയാൻതു​ടങ്ങി.

17 അപ്പോൾ ദൈവം കുട്ടി​യു​ടെ ശബ്ദം ശ്രദ്ധിച്ചു.+ സ്വർഗ​ത്തിൽനിന്ന്‌ ദൈവ​ദൂ​തൻ ഹാഗാ​രി​നെ വിളിച്ച്‌ ഇങ്ങനെ പറഞ്ഞു:+ “ഹാഗാരേ, നിനക്ക്‌ എന്തു പറ്റി? പേടി​ക്കേണ്ടാ, നിന്റെ മകന്റെ നിലവി​ളി ദൈവം കേട്ടി​രി​ക്കു​ന്നു. 18 നീ ചെന്ന്‌ മകനെ താങ്ങി​പ്പി​ടിച്ച്‌ എഴു​ന്നേൽപ്പി​ക്കുക. കാരണം ഞാൻ അവനെ ഒരു മഹാജ​ന​ത​യാ​ക്കും.”+ 19 പിന്നെ ദൈവം ഹാഗാ​രി​ന്റെ കണ്ണു തുറന്നു. ഹാഗാർ വെള്ളമുള്ള ഒരു കിണർ കണ്ടു. ഒരു തോൽക്കു​ട​ത്തിൽ വെള്ളം നിറച്ച്‌ ഹാഗാർ മകനു കുടി​ക്കാൻ കൊടു​ത്തു. 20 കുട്ടി+ വളർന്നു​വ​രവെ ദൈവം കൂടെ​യു​ണ്ടാ​യി​രു​ന്നു. അവൻ വിജന​ഭൂ​മി​യിൽ താമസി​ച്ച്‌ ഒരു വില്ലാ​ളി​യാ​യി​ത്തീർന്നു. 21 അവൻ പാരാൻ എന്ന വിജനഭൂമിയിൽ+ താമസ​മാ​ക്കി. അവന്റെ അമ്മ ഈജി​പ്‌ത്‌ ദേശത്തു​നിന്ന്‌ അവന്‌ ഒരു ഭാര്യയെ കൊണ്ടു​വന്ന്‌ കൊടു​ത്തു.

22 അക്കാലത്ത്‌ അബീ​മേലെ​ക്കും അദ്ദേഹ​ത്തി​ന്റെ സൈന്യാ​ധി​പ​നായ ഫീക്കോ​ലും അബ്രാ​ഹാ​മി​ന്റെ അടുത്ത്‌ വന്ന്‌ പറഞ്ഞു: “താങ്കൾ ചെയ്യുന്ന എല്ലാത്തി​ലും ദൈവം താങ്ക​ളോടൊ​പ്പ​മുണ്ട്‌.+ 23 അതിനാൽ എന്നോ​ടും എന്റെ സന്തതി​കളോ​ടും എന്റെ വംശജരോ​ടും വഞ്ചന കാണി​ക്കില്ല എന്നും ഞാൻ താങ്ക​ളോ​ടു കാണി​ച്ച​തുപോ​ലുള്ള അചഞ്ചല​മായ സ്‌നേഹം എന്നോ​ടും താങ്കൾ താമസി​ക്കുന്ന ഈ ദേശ​ത്തോ​ടും കാണി​ക്കും എന്നും ഇപ്പോൾ ഇവി​ടെവെച്ച്‌ എന്നോടു ദൈവ​മു​മ്പാ​കെ സത്യം ചെയ്യണം.”+ 24 അപ്പോൾ അബ്രാ​ഹാം പറഞ്ഞു: “ഞാൻ സത്യം ചെയ്യുന്നു.”

25 എന്നാൽ അബീ​മേലെ​ക്കി​ന്റെ ദാസന്മാർ ബലം പ്രയോ​ഗിച്ച്‌ കൈവ​ശപ്പെ​ടു​ത്തിയ തന്റെ കിണറിനെ​ക്കു​റിച്ച്‌ അബ്രാ​ഹാം അബീ​മേലെ​ക്കിനോ​ടു പരാതി​പ്പെട്ടു.+ 26 അപ്പോൾ അബീ​മേലെക്ക്‌ പറഞ്ഞു: “ആരാണ്‌ ഇതു ചെയ്‌ത​തെന്ന്‌ എനിക്ക്‌ അറിയില്ല. താങ്കൾ എന്നോട്‌ ഇക്കാര്യം പറഞ്ഞി​ട്ടു​മില്ല. ഇന്നുവരെ ഞാൻ ഇതെക്കു​റിച്ച്‌ കേട്ടി​ട്ടു​മില്ല.” 27 പിന്നെ അബ്രാ​ഹാം അബീ​മേലെ​ക്കിന്‌ ആടുകളെ​യും കന്നുകാ​ലി​കളെ​യും കൊടു​ത്തു. അവർ ഇരുവ​രും ഒരു ഉടമ്പടി ചെയ്‌തു. 28 അബ്രാഹാം ആട്ടിൻപ​റ്റ​ത്തിൽനിന്ന്‌ ഏഴു പെണ്ണാ​ട്ടിൻകു​ട്ടി​കളെ മാറ്റി​നി​റു​ത്തി. 29 അപ്പോൾ അബീ​മേലെക്ക്‌ അബ്രാ​ഹാ​മിനോട്‌, “എന്തിനാ​ണ്‌ ഈ ഏഴ്‌ ആട്ടിൻകു​ട്ടി​കളെ ഇങ്ങനെ ഇവിടെ മാറ്റി​നി​റു​ത്തി​യി​രി​ക്കു​ന്നത്‌” എന്നു ചോദി​ച്ചു. 30 അബ്രാഹാം പറഞ്ഞു: “ഈ കിണർ കുഴി​ച്ചതു ഞാനാണ്‌ എന്നതിനു തെളി​വാ​യി ഈ ഏഴ്‌ ആട്ടിൻകു​ട്ടി​കളെ അങ്ങ്‌ സ്വീക​രി​ക്കണം.” 31 അവിടെവെച്ച്‌ അവർ ഇരുവ​രും ആണയി​ട്ട​തുകൊണ്ട്‌ അബ്രാ​ഹാം ആ സ്ഥലത്തെ ബേർ-ശേബ*+ എന്നു വിളിച്ചു. 32 അങ്ങനെ അവർ ബേർ-ശേബയിൽവെച്ച്‌ ഉടമ്പടി ചെയ്‌തു.+ പിന്നെ അബീ​മേലെ​ക്കും സൈന്യാ​ധി​പ​നായ ഫീക്കോ​ലും എഴു​ന്നേറ്റ്‌ ഫെലിസ്‌ത്യരുടെ+ ദേശ​ത്തേക്കു മടങ്ങിപ്പോ​യി. 33 അതിനു ശേഷം അബ്രാ​ഹാം ബേർ-ശേബയിൽ ഒരു പിചുല മരം നട്ടു; അവിടെ നിത്യദൈവമായ+ യഹോ​വ​യു​ടെ പേര്‌ വാഴ്‌ത്തി​സ്‌തു​തി​ച്ചു.+ 34 അബ്രാഹാം കുറെ കാലം* ഫെലി​സ്‌ത്യ​രു​ടെ ദേശത്തു​തന്നെ താമസി​ച്ചു.*+

22 അതിനു ശേഷം സത്യ​ദൈവം അബ്രാ​ഹാ​മി​നെ പരീക്ഷി​ച്ചു.+ “അബ്രാ​ഹാ​മേ!” എന്നു ദൈവം വിളി​ച്ചപ്പോൾ, “ഞാൻ ഇതാ!” എന്ന്‌ അബ്രാ​ഹാം വിളി​കേട്ടു. 2 അപ്പോൾ ദൈവം പറഞ്ഞു: “നിന്റെ മകനെ, നീ ഒരുപാ​ടു സ്‌നേ​ഹി​ക്കുന്ന നിന്റെ ഒരേ ഒരു മകനായ+ യിസ്‌ഹാ​ക്കി​നെ,+ കൂട്ടി​ക്കൊ​ണ്ട്‌ മോരിയ+ ദേശ​ത്തേക്കു യാത്ര​യാ​കുക. അവിടെ ഞാൻ കാണി​ക്കുന്ന ഒരു മലയിൽ നീ അവനെ ദഹനയാ​ഗ​മാ​യി അർപ്പി​ക്കണം.”

3 അങ്ങനെ അബ്രാ​ഹാം അതിരാ​വി​ലെ എഴു​ന്നേറ്റ്‌ കഴുത​യ്‌ക്കു കോപ്പി​ട്ടു. ദാസന്മാ​രിൽ രണ്ടു പേരെ​യും മകനായ യിസ്‌ഹാ​ക്കിനെ​യും കൂട്ടി, ദഹനയാ​ഗ​ത്തി​നുള്ള വിറകും കീറിയെ​ടുത്ത്‌, സത്യ​ദൈവം പറഞ്ഞ സ്ഥലത്തേക്കു യാത്ര​യാ​യി. 4 മൂന്നാം ദിവസം അബ്രാ​ഹാം നോക്കി​യപ്പോൾ അങ്ങു ദൂരെ ആ സ്ഥലം കണ്ടു. 5 അപ്പോൾ അബ്രാ​ഹാം ദാസന്മാരോ​ടു പറഞ്ഞു: “നിങ്ങൾ കഴുത​യു​മാ​യി ഇവിടെ നിൽക്ക്‌; ഞാനും മകനും അവിടെ ചെന്ന്‌ ആരാധന നടത്തി​യശേഷം മടങ്ങി​വ​രാം.”

6 പിന്നെ അബ്രാ​ഹാം ദഹനയാ​ഗ​ത്തി​നുള്ള വിറക്‌ എടുത്ത്‌ യിസ്‌ഹാ​ക്കി​ന്റെ ചുമലിൽ വെച്ചു. അബ്രാ​ഹാം തീയും കത്തിയും* കൈയിലെ​ടു​ത്തു. ഇരുവ​രും ഒന്നിച്ച്‌ യാത്ര​യാ​യി. 7 യിസ്‌ഹാക്ക്‌ അബ്രാ​ഹാ​മി​നെ വിളിച്ചു: “അപ്പാ!” അബ്രാ​ഹാം വിളി​കേട്ടു: “എന്താ മോനേ?” അപ്പോൾ യിസ്‌ഹാ​ക്ക്‌ ചോദി​ച്ചു: “തീയും വിറകും നമ്മുടെ കൈയി​ലുണ്ട്‌. പക്ഷേ, ദഹനയാ​ഗ​ത്തി​നുള്ള ആട്‌ എവിടെ?” 8 അബ്രാഹാം പറഞ്ഞു: “ദഹനയാ​ഗ​ത്തി​നുള്ള ആടിനെ ദൈവം തരും,+ മോനേ.” അങ്ങനെ അവർ ഒരുമി​ച്ച്‌ യാത്ര തുടർന്നു.

9 ഒടുവിൽ സത്യ​ദൈവം പറഞ്ഞ സ്ഥലത്ത്‌ അവർ എത്തി​ച്ചേർന്നു. അബ്രാ​ഹാം അവിടെ ഒരു യാഗപീ​ഠം പണിത്‌ അതിന്മേൽ വിറകു നിരത്തി. എന്നിട്ട്‌ യിസ്‌ഹാ​ക്കി​ന്റെ കൈയും കാലും കെട്ടി യാഗപീ​ഠ​ത്തിൽ വിറകി​നു മീതെ കിടത്തി.+ 10 അബ്രാഹാം കൈ നീട്ടി തന്റെ മകനെ കൊല്ലാൻ കത്തി* എടുത്തു.+ 11 എന്നാൽ യഹോ​വ​യു​ടെ ദൂതൻ സ്വർഗ​ത്തിൽനിന്ന്‌, “അബ്രാ​ഹാ​മേ! അബ്രാ​ഹാ​മേ!” എന്നു വിളിച്ചു. “അടിയൻ ഇതാ” എന്ന്‌ അബ്രാ​ഹാം വിളി കേട്ടു. 12 അപ്പോൾ ദൈവം പറഞ്ഞു: “മകന്റെ മേൽ കൈവ​യ്‌ക്ക​രുത്‌. അവനെ ഒന്നും ചെയ്യരു​ത്‌. നിന്റെ ഒരേ ഒരു മകനെ+ എനിക്കു തരാൻ മടിക്കാ​ഞ്ഞ​തി​നാൽ നീ ദൈവ​ഭ​യ​മു​ള്ള​വ​നാണെന്ന്‌ ഇപ്പോൾ എനിക്കു മനസ്സി​ലാ​യി.” 13 അബ്രാഹാം തല ഉയർത്തി നോക്കി​യപ്പോൾ കുറച്ച്‌ അകലെ​യാ​യി ഒരു ആൺചെ​മ്മ​രി​യാ​ടു കുറ്റി​ക്കാ​ട്ടിൽ കൊമ്പ്‌ ഉടക്കി​ക്കി​ട​ക്കു​ന്നതു കണ്ടു. അബ്രാ​ഹാം ചെന്ന്‌ അതിനെ പിടിച്ച്‌ മകനു പകരം ദഹനയാ​ഗ​മാ​യി അർപ്പിച്ചു. 14 അബ്രാഹാം ആ സ്ഥലത്തിന്‌ യഹോവ-യിരെ* എന്നു പേരിട്ടു. അതു​കൊ​ണ്ടാണ്‌, “യഹോ​വ​യു​ടെ പർവത​ത്തിൽ അതു നൽക​പ്പെ​ടും”+ എന്ന്‌ ഇന്നും പറഞ്ഞു​വ​രു​ന്നത്‌.

15 യഹോവയുടെ ദൂതൻ സ്വർഗ​ത്തിൽനിന്ന്‌ രണ്ടാമ​തും അബ്രാ​ഹാ​മി​നെ വിളിച്ച്‌ 16 ഇങ്ങനെ പറഞ്ഞു: “യഹോവ പറയുന്നു: ‘നീ ഇതു ചെയ്‌ത​തുകൊ​ണ്ടും നിന്റെ ഒരേ ഒരു മകനെ എനിക്കു തരാൻ മടിക്കാഞ്ഞതുകൊണ്ടും+ ഞാൻ എന്നെ​ക്കൊ​ണ്ടു​തന്നെ ഇങ്ങനെ സത്യം ചെയ്യുന്നു,+ 17 ഞാൻ നിന്നെ ഉറപ്പാ​യും അനു​ഗ്ര​ഹി​ക്കും. നിന്റെ സന്തതിയെ* ആകാശ​ത്തി​ലെ നക്ഷത്ര​ങ്ങൾപോലെ​യും കടൽത്തീ​രത്തെ മണൽത്ത​രി​കൾപോലെ​യും വർധി​പ്പി​ക്കും.+ നിന്റെ സന്തതി* ശത്രു​ക്ക​ളു​ടെ നഗരകവാടങ്ങൾ* കൈവ​ശ​മാ​ക്കും.+ 18 നീ എന്റെ വാക്കു കേട്ടനു​സ​രി​ച്ച​തുകൊണ്ട്‌ നിന്റെ സന്തതിയിലൂടെ*+ ഭൂമി​യി​ലെ സകല ജനതക​ളും അനു​ഗ്രഹം നേടും.’”+

19 പിന്നെ അബ്രാ​ഹാം ദാസന്മാ​രു​ടെ അടുത്ത്‌ മടങ്ങി​ച്ചെന്നു. അവർ ഒന്നിച്ച്‌ ബേർ-ശേബയിലേക്കു+ മടങ്ങി. അബ്രാ​ഹാം ബേർ-ശേബയിൽത്തന്നെ താമസി​ച്ചു.

20 അതിനു ശേഷം അബ്രാ​ഹാ​മിന്‌ ഇങ്ങനെ വിവരം ലഭിച്ചു: “ഇതാ, മിൽക്ക നിന്റെ സഹോ​ദരൻ നാഹോരിന്‌+ ആൺകു​ട്ടി​കളെ പ്രസവി​ച്ചി​രി​ക്കു​ന്നു. 21 മൂത്ത മകൻ ഊസ്‌, അവന്റെ സഹോ​ദരൻ ബൂസ്‌, അരാമി​ന്റെ അപ്പനായ കെമൂ​വേൽ, 22 കേശെദ്‌, ഹസൊ, പിൽദാ​ശ്‌, യിദലാ​ഫ്‌, ബഥൂവേൽ+ എന്നിവ​രാണ്‌ അവർ.” 23 ബഥൂവേലിനു പിന്നീടു റിബെക്ക+ ജനിച്ചു. ഈ എട്ടു പേരെ​യാണ്‌ അബ്രാ​ഹാ​മി​ന്റെ സഹോ​ദ​ര​നായ നാഹോ​രി​നു ഭാര്യ മിൽക്ക പ്രസവി​ച്ചത്‌. 24 നാഹോരിന്റെ ഉപപത്‌നിയായ* രയൂമ​യും ആൺകു​ട്ടി​കളെ പ്രസവി​ച്ചു. തേബഹ്‌, ഗഹാം, തഹശ്‌, മാഖ എന്നിവ​രാണ്‌ അവർ.

23 സാറ 127 വർഷം ജീവിച്ചു. അതായി​രു​ന്നു സാറയു​ടെ ആയുഷ്‌കാ​ലം.+ 2 സാറ കനാൻ+ ദേശത്തെ കിര്യത്ത്‌-അർബയിൽവെച്ച്‌,+ അതായത്‌ ഹെ​ബ്രോ​നിൽവെച്ച്‌,+ മരിച്ചു. അബ്രാ​ഹാം സാറ​യെ​ക്കു​റിച്ച്‌ ദുഃഖി​ച്ച്‌ കരഞ്ഞു. 3 പിന്നെ അബ്രാ​ഹാം ഭാര്യ​യു​ടെ ശരീര​ത്തിന്‌ അടുത്തു​നിന്ന്‌ എഴു​ന്നേറ്റ്‌ ഹേത്തിന്റെ+ പുത്ര​ന്മാ​രു​ടെ അടുത്ത്‌ ചെന്ന്‌ പറഞ്ഞു: 4 “ഞാൻ നിങ്ങൾക്കി​ട​യിൽ ഒരു പരദേ​ശി​യും കുടിയേറിപ്പാർക്കുന്നവനും+ ആണ്‌. ഒരു ശ്‌മശാ​ന​ത്തി​നുള്ള സ്ഥലം നിങ്ങൾക്കി​ട​യിൽ എനിക്കു തരുക. ഞാൻ എന്റെ ഭാര്യയെ അടക്കം ചെയ്യട്ടെ.” 5 അപ്പോൾ ഹേത്തിന്റെ പുത്ര​ന്മാർ അബ്രാ​ഹാ​മിനോ​ടു പറഞ്ഞു: 6 “യജമാ​നനേ, ഞങ്ങൾ പറയു​ന്നതു കേട്ടാ​ലും. അങ്ങ്‌ ഞങ്ങൾക്കി​ട​യിൽ ദൈവ​ത്തി​ന്റെ ഒരു പ്രഭു​വാണ്‌.*+ ഞങ്ങളുടെ ഏറ്റവും നല്ല ശ്‌മശാ​ന​ത്തിൽത്തന്നെ അങ്ങയുടെ ഭാര്യയെ അടക്കം ചെയ്‌തുകൊ​ള്ളൂ. ഞങ്ങളിൽ ആരും അങ്ങയ്‌ക്കു സ്ഥലം തരാതി​രി​ക്കില്ല.”

7 അപ്പോൾ അബ്രാ​ഹാം എഴു​ന്നേറ്റ്‌ ആ ദേശത്തെ ആളുകളെ—ഹേത്തിന്റെ+ പുത്ര​ന്മാ​രെ—വണങ്ങി, 8 അവരോടു പറഞ്ഞു: “എന്റെ ഭാര്യയെ അടക്കം ചെയ്യാൻ നിങ്ങൾ എന്നെ അനുവ​ദി​ക്കുമെ​ങ്കിൽ ഞാൻ പറയു​ന്നതു കേട്ടാ​ലും. സോഹ​രി​ന്റെ മകനായ എഫ്രോ​നോ​ട്‌ 9 അദ്ദേഹത്തിന്റെ ഉടമസ്ഥ​ത​യി​ലുള്ള മക്‌പേല ഗുഹ എനിക്കു വിൽക്കാൻ അപേക്ഷി​ക്കണം. അദ്ദേഹ​ത്തി​ന്റെ സ്ഥലത്തിന്റെ അതിരി​ലാണ്‌ അത്‌. എഫ്രോൻ അതു നിങ്ങളു​ടെ സാന്നി​ധ്യ​ത്തിൽ അതിന്റെ മുഴുവൻ വിലയ്‌ക്കു തുല്യ​മായ വെള്ളി വാങ്ങി എനിക്കു വിൽക്കട്ടെ.+ അപ്പോൾ ശ്‌മശാ​ന​മാ​യി ഉപയോ​ഗി​ക്കാൻ എനിക്ക്‌ ഒരു സ്ഥലമു​ണ്ടാ​കും.”+

10 എഫ്രോൻ അപ്പോൾ ഹേത്തിന്റെ പുത്ര​ന്മാ​രു​ടെ ഇടയിൽ ഇരിക്കു​ന്നു​ണ്ടാ​യി​രു​ന്നു. ഹേത്തിന്റെ പുത്ര​ന്മാ​രും നഗരകവാടത്തിൽ+ വന്ന എല്ലാവ​രും കേൾക്കെ ഹിത്യ​നായ എഫ്രോൻ അബ്രാ​ഹാ​മിനോ​ടു പറഞ്ഞു: 11 “അങ്ങനെയല്ല എന്റെ യജമാ​നനേ! ഞാൻ പറയു​ന്നതു കേട്ടാ​ലും. ആ സ്ഥലവും അതിലുള്ള ഗുഹയും ഞാൻ അങ്ങയ്‌ക്കു തരുന്നു. എന്റെ ജനത്തിന്റെ പുത്ര​ന്മാ​രു​ടെ സാന്നി​ധ്യ​ത്തിൽത്തന്നെ ഞാൻ അതു തരുന്നു. അങ്ങയുടെ ഭാര്യയെ അടക്കിക്കൊ​ള്ളുക.” 12 അപ്പോൾ അബ്രാ​ഹാം ആ ദേശത്തെ ജനങ്ങളെ വണങ്ങി​യിട്ട്‌ 13 അവർ കേൾക്കെ എഫ്രോനോ​ടു പറഞ്ഞു: “ദയവുചെ​യ്‌ത്‌ ഞാൻ പറയു​ന്നതു കേൾക്കൂ! ആ സ്ഥലത്തിന്റെ മുഴുവൻ വിലയും ഞാൻ തരും. അങ്ങ്‌ അത്‌ എന്റെ കൈയിൽനി​ന്ന്‌ സ്വീക​രി​ക്കണം. അപ്പോൾ എനിക്ക്‌ എന്റെ ഭാര്യയെ അവിടെ അടക്കാ​നാ​കും.”

14 അപ്പോൾ എഫ്രോൻ അബ്രാ​ഹാ​മിനോ​ടു പറഞ്ഞു: 15 “യജമാ​നനേ, ഞാൻ പറയു​ന്നതു കേട്ടാ​ലും. ഈ സ്ഥലത്തിന്‌ 400 ശേക്കെൽ* വെള്ളി വിലയു​ണ്ട്‌. എന്നാൽ താങ്കൾക്കും എനിക്കും ഇടയിൽ അത്‌ എന്തുണ്ട്‌? അങ്ങയുടെ ഭാര്യയെ അടക്കിക്കൊ​ള്ളുക.” 16 അബ്രാഹാം എഫ്രോൻ പറഞ്ഞതു സമ്മതിച്ചു. ഹേത്തിന്റെ പുത്ര​ന്മാർ കേൾക്കെ എഫ്രോൻ പറഞ്ഞ വിലയായ 400 ശേക്കെൽ* വെള്ളി, വ്യാപാ​രി​കൾക്കി​ട​യിൽ നിലവി​ലി​രുന്ന തൂക്കമ​നു​സ​രിച്ച്‌ അബ്രാ​ഹാം എഫ്രോ​നു തൂക്കിക്കൊ​ടു​ത്തു.+ 17 അങ്ങനെ, മമ്രേ​ക്ക​ടുത്ത്‌ മക്‌പേ​ല​യിൽ എഫ്രോ​നുള്ള സ്ഥലം—സ്ഥലവും അതിലെ ഗുഹയും സ്ഥലത്തിന്റെ അതിരു​കൾക്കു​ള്ളി​ലെ എല്ലാ മരങ്ങളും— 18 ഹേത്തിന്റെ പുത്ര​ന്മാ​രുടെ​യും നഗരക​വാ​ട​ത്തിൽ വന്ന എല്ലാവ​രുടെ​യും സാന്നി​ധ്യ​ത്തിൽ, അബ്രാ​ഹാം വിലയ്‌ക്കു വാങ്ങിയ വസ്‌തു​വാ​യി ഉറപ്പി​ക്കപ്പെട്ടു. 19 അതിനു ശേഷം അബ്രാ​ഹാം ഭാര്യ സാറയെ കനാൻ ദേശത്തെ മമ്രേ​യി​ലെ, അതായത്‌ ഹെ​ബ്രോ​നി​ലെ, മക്‌പേല എന്ന സ്ഥലത്തെ ഗുഹയിൽ അടക്കം ചെയ്‌തു. 20 അങ്ങനെ ഹേത്തിന്റെ പുത്ര​ന്മാർ ആ സ്ഥലവും അതിലെ ഗുഹയും ശ്‌മശാ​ന​ത്തി​നുള്ള സ്ഥലമായി+ അബ്രാ​ഹാ​മി​നു കൈമാ​റി.

24 അബ്രാ​ഹാം വയസ്സു​ചെന്ന്‌ വൃദ്ധനാ​യി. യഹോവ അബ്രാ​ഹാ​മി​നെ എല്ലാത്തി​ലും അനു​ഗ്ര​ഹി​ച്ചി​രു​ന്നു.+ 2 തനിക്കുള്ളതു മുഴുവൻ നോക്കി​ന​ട​ത്തി​യി​രുന്ന, വീട്ടിലെ ഏറ്റവും പ്രായം കൂടിയ ദാസനോട്‌+ അബ്രാ​ഹാം പറഞ്ഞു: “ദയവായി നിന്റെ കൈ എന്റെ തുടയു​ടെ കീഴിൽ വെക്കുക. 3 എനിക്കു ചുറ്റും താമസി​ക്കുന്ന ഈ കനാന്യ​രു​ടെ പെൺമ​ക്ക​ളിൽനിന്ന്‌ നീ എന്റെ മകന്‌ ഒരു പെൺകു​ട്ടി​യെ കണ്ടെത്താതെ+ 4 എന്റെ ദേശത്ത്‌ എന്റെ ബന്ധുക്കളുടെ+ അടുത്ത്‌ ചെന്ന്‌ എന്റെ മകനായ യിസ്‌ഹാ​ക്കിന്‌ ഒരു പെൺകു​ട്ടി​യെ കണ്ടെത്തു​മെന്നു സ്വർഗ​ത്തിന്റെ​യും ഭൂമി​യുടെ​യും ദൈവ​മായ യഹോ​വ​യു​ടെ നാമത്തിൽ ഞാൻ നിന്നെ​ക്കൊ​ണ്ട്‌ സത്യം ചെയ്യി​ക്കും.”

5 എന്നാൽ ആ ദാസൻ അബ്രാ​ഹാ​മിനോ​ടു പറഞ്ഞു: “എന്നോടൊ​പ്പം ഈ ദേശ​ത്തേക്കു വരാൻ പെൺകു​ട്ടി തയ്യാറല്ലെ​ങ്കി​ലോ? യജമാനൻ വിട്ടു​പോന്ന ദേശ​ത്തേക്കു ഞാൻ അങ്ങയുടെ മകനെ തിരികെ കൊണ്ടുപോ​ക​ണോ?”+ 6 അപ്പോൾ അബ്രാ​ഹാം ദാസ​നോ​ടു പറഞ്ഞു: “എന്റെ മകനെ നീ അങ്ങോട്ടു കൊണ്ടുപോ​ക​രുത്‌!+ 7 എന്റെ പിതൃ​ഭ​വ​ന​ത്തിൽനി​ന്നും എന്റെ ബന്ധുക്ക​ളു​ടെ ദേശത്തു​നി​ന്നും എന്നെ കൂട്ടിക്കൊണ്ടുവന്ന്‌+ എന്നോടു സംസാ​രിച്ച ദൈവം, ‘ഞാൻ ഈ ദേശം+ നിന്റെ സന്തതിക്കു*+ കൊടു​ക്കും’ എന്ന്‌ എന്നോടു സത്യം ചെയ്‌ത+ സ്വർഗാ​ധി​സ്വർഗ​ങ്ങ​ളു​ടെ ദൈവ​മായ യഹോവ, നിനക്കു മുമ്പായി തന്റെ ദൂതനെ അയയ്‌ക്കും.+ അവിടെനിന്ന്‌+ എന്റെ മകന്‌ ഒരു പെൺകു​ട്ടി​യെ കണ്ടെത്താൻ നിനക്കു കഴിയു​മെന്ന്‌ ഉറപ്പാണ്‌. 8 എന്നാൽ നിന്നോടൊ​പ്പം വരാൻ പെൺകു​ട്ടി തയ്യാറല്ലെ​ങ്കിൽ ഈ ആണയിൽനി​ന്ന്‌ നീ സ്വത​ന്ത്ര​നാ​യി​രി​ക്കും. പക്ഷേ എന്റെ മകനെ നീ ഒരിക്ക​ലും അങ്ങോട്ടു കൊണ്ടുപോ​ക​രുത്‌.” 9 അപ്പോൾ ദാസൻ തന്റെ യജമാ​ന​നായ അബ്രാ​ഹാ​മി​ന്റെ തുടയു​ടെ കീഴിൽ കൈ വെച്ച്‌ സത്യം ചെയ്‌തു.+

10 അങ്ങനെ ആ ദാസൻ യജമാ​നന്റെ ഒട്ടകങ്ങ​ളിൽ പത്തെണ്ണ​വു​മാ​യി യാത്ര തുടങ്ങി. യജമാ​നന്റെ പക്കൽനി​ന്നുള്ള എല്ലാ തരം വിശേ​ഷ​വ​സ്‌തു​ക്ക​ളും അയാൾ കൂടെ​ക്ക​രു​തി. അയാൾ മെസൊപ്പൊ​ത്താ​മ്യ​യിൽ നാഹോ​രി​ന്റെ നഗരത്തി​ലേക്കു യാത്ര​യാ​യി. 11 അങ്ങനെ അയാൾ ആ നഗരത്തി​നു പുറത്തുള്ള ഒരു നീരു​റ​വിന്‌ അടുത്ത്‌ എത്തി. ഒട്ടകങ്ങൾക്കു വിശ്ര​മി​ക്കാ​നാ​യി അവിടെ കുറച്ച്‌ സമയം ചെലവ​ഴി​ച്ചു. നേരം സന്ധ്യയാ​കാ​റാ​യി​രു​ന്നു. നഗരത്തിൽനി​ന്ന്‌ സ്‌ത്രീ​കൾ വെള്ളം കോരാൻ വരുന്ന സമയമാ​യി​രു​ന്നു അത്‌. 12 അപ്പോൾ അയാൾ പറഞ്ഞു: “എന്റെ യജമാ​ന​നായ അബ്രാ​ഹാ​മി​ന്റെ ദൈവമേ, യഹോവേ, ഇന്നേ ദിവസം കാര്യ​ങ്ങളെ​ല്ലാം സഫലമാ​യി​ത്തീ​രാൻ ഇടയാക്കി എന്റെ യജമാ​ന​നായ അബ്രാ​ഹാ​മിനോട്‌ അചഞ്ചല​മായ സ്‌നേഹം കാണിക്കേ​ണമേ. 13 ഞാൻ ഇതാ, ഒരു നീരു​റ​വിന്‌ അടുത്ത്‌ നിൽക്കു​ന്നു. നഗരത്തി​ലെ പെൺകു​ട്ടി​കൾ വെള്ളം കോരാൻ വരുന്നു​ണ്ട്‌. 14 ഞാൻ ഒരു യുവതി​യോ​ട്‌, ‘നിന്റെ കൈയി​ലെ കുടം താഴ്‌ത്തി, എനിക്ക്‌ കുറച്ച്‌ വെള്ളം കുടി​ക്കാൻ തരുക’ എന്നു പറയു​മ്പോൾ, ‘കുടി​ച്ചാ​ലും, അങ്ങയുടെ ഒട്ടകങ്ങൾക്കും ഞാൻ വെള്ളം കൊടു​ക്കാം’ എന്നു പറയു​ന്ന​വ​ളാ​യി​രി​ക്കട്ടെ അങ്ങയുടെ ദാസനായ യിസ്‌ഹാ​ക്കി​നുവേണ്ടി അങ്ങ്‌ തിര​ഞ്ഞെ​ടു​ത്തവൾ. അങ്ങ്‌ എന്റെ യജമാ​നനോട്‌ അചഞ്ചല​മായ സ്‌നേഹം കാണി​ച്ചി​രി​ക്കുന്നെന്ന്‌ ഇങ്ങനെ ചെയ്‌തു​കൊ​ണ്ട്‌ എന്നെ അറിയിക്കേ​ണമേ.”

15 അയാൾ പറഞ്ഞു​തീ​രും​മുമ്പ്‌, അബ്രാ​ഹാ​മി​ന്റെ സഹോ​ദ​ര​നായ നാഹോരിനു+ മിൽക്കയിൽ+ ജനിച്ച മകനായ ബഥൂ​വേ​ലി​ന്റെ മകൾ റിബെക്ക+ കുടവും തോളി​ലേറ്റി നഗരത്തിൽനി​ന്ന്‌ വന്നു. 16 ആ പെൺകു​ട്ടി അതിസു​ന്ദ​രി​യും കന്യക​യും ആയിരു​ന്നു; ഒരു പുരു​ഷ​നും അവളോടൊ​പ്പം കിടന്നി​ട്ടി​ല്ലാ​യി​രു​ന്നു. അവൾ നീരു​റ​വ​യിൽ ഇറങ്ങി കുടത്തിൽ വെള്ളം നിറച്ച്‌ കയറി​വന്നു. 17 അപ്പോൾ ആ ദാസൻ ഓടി​ച്ചെന്ന്‌ അവളോ​ട്‌, “കുടത്തിൽനി​ന്ന്‌ എനിക്കു കുറച്ച്‌ വെള്ളം കുടി​ക്കാൻ തരുമോ” എന്നു ചോദി​ച്ചു. 18 “യജമാ​നനേ, കുടി​ച്ചാ​ലും” എന്നു പറഞ്ഞ്‌ പെട്ടെ​ന്നു​തന്നെ തോളിൽനി​ന്ന്‌ കുടം കൈയി​ലി​റക്കി അവൾ അയാൾക്കു കുടി​ക്കാൻ കൊടു​ത്തു. 19 അയാൾക്കു വെള്ളം കൊടു​ത്തു​ക​ഴി​ഞ്ഞപ്പോൾ അവൾ പറഞ്ഞു: “അങ്ങയുടെ ഒട്ടകങ്ങൾക്കും ഞാൻ വേണ്ടുവോ​ളം വെള്ളം കോരിക്കൊ​ടു​ക്കാം.” 20 പെട്ടെന്നുതന്നെ അവൾ കുടത്തി​ലെ വെള്ളം മുഴു​വ​നും തൊട്ടി​യിലേക്ക്‌ ഒഴിച്ചി​ട്ട്‌ വെള്ളം കോരാ​നാ​യി വീണ്ടും​വീ​ണ്ടും നീരു​റ​വിലേക്ക്‌ ഓടി​യി​റങ്ങി. എല്ലാ ഒട്ടകങ്ങ​ളും കുടി​ച്ചു​ക​ഴി​യു​ന്ന​തു​വരെ അവൾ വെള്ളം കോരിക്കൊ​ടു​ത്തുകൊ​ണ്ടി​രു​ന്നു. 21 യഹോവ യാത്ര സഫലമാ​ക്കി​യോ എന്ന്‌ അറിയാൻ ആ പുരുഷൻ ഒന്നും മിണ്ടാതെ ആശ്ചര്യത്തോ​ടെ അവൾ ചെയ്യു​ന്നതു നോക്കി​നി​ന്നു.

22 ഒട്ടകങ്ങൾ വെള്ളം കുടി​ച്ചു​ക​ഴി​ഞ്ഞപ്പോൾ ആ ദാസൻ അവൾക്കു​വേണ്ടി അര ശേക്കെൽ* തൂക്കമുള്ള ഒരു സ്വർണ​മൂ​ക്കു​ത്തി​യും പത്തു ശേക്കെൽ* തൂക്കമുള്ള സ്വർണ​ത്തി​ന്റെ രണ്ടു കൈവ​ള​യും പുറത്ത്‌ എടുത്തി​ട്ട്‌ 23 അവളോടു ചോദി​ച്ചു: “പറയൂ, നീ ആരുടെ മകളാണ്‌? ഞങ്ങൾക്കു രാത്രി​ത​ങ്ങാൻ നിന്റെ അപ്പന്റെ വീട്ടിൽ സ്ഥലമു​ണ്ടോ?” 24 അപ്പോൾ റിബെക്ക പറഞ്ഞു: “നാഹോ​രി​നു മിൽക്ക+ പ്രസവിച്ച മകനായ ബഥൂ​വേ​ലി​ന്റെ മകളാണു ഞാൻ.”+ 25 റിബെക്ക തുടർന്നു: “ഞങ്ങളുടെ പക്കൽ വയ്‌ക്കോ​ലും ഇഷ്ടം​പോ​ലെ തീറ്റി​യും ഉണ്ട്‌; രാത്രി​ത​ങ്ങാൻ സ്ഥലവു​മുണ്ട്‌.” 26 അപ്പോൾ ആ ദാസൻ യഹോ​വ​യു​ടെ മുമ്പാകെ കുമ്പിട്ട്‌, മുട്ടു​കു​ത്തി നമസ്‌ക​രി​ച്ചുകൊണ്ട്‌ പറഞ്ഞു: 27 “എന്റെ യജമാ​ന​നായ അബ്രാ​ഹാ​മി​ന്റെ ദൈവ​മായ യഹോവ വാഴ്‌ത്തപ്പെ​ടട്ടെ. കാരണം എന്റെ യജമാ​നനോ​ടുള്ള അചഞ്ചല​മായ സ്‌നേ​ഹ​വും വിശ്വ​സ്‌ത​ത​യും ദൈവം വിട്ടു​ക​ള​ഞ്ഞില്ല. എന്റെ യജമാ​നന്റെ സഹോ​ദ​ര​ങ്ങ​ളു​ടെ ഭവനത്തി​ലേക്ക്‌ യഹോവ എന്നെ നയിച്ച​ല്ലോ.”

28 യുവതി ഓടി​ച്ചെന്ന്‌ ഇക്കാര്യ​ങ്ങൾ അമ്മയുടെ വീട്ടി​ലു​ള്ള​വരെ അറിയി​ച്ചു. 29 റിബെക്കയ്‌ക്കു ലാബാൻ+ എന്നൊരു ആങ്ങളയു​ണ്ടാ​യി​രു​ന്നു. നഗരത്തി​നു പുറത്ത്‌ നീരു​റ​വിന്‌ അരികെ നിൽക്കുന്ന ആ പുരു​ഷന്റെ അടു​ത്തേക്കു ലാബാൻ ഓടി​ച്ചെന്നു. 30 “ആ പുരുഷൻ ഇതെല്ലാ​മാണ്‌ എന്നോടു പറഞ്ഞത്‌” എന്നു പറഞ്ഞ്‌ റിബെക്ക മൂക്കു​ത്തി​യും കൈവ​ള​ക​ളും കാണി​ച്ചപ്പോൾ ലാബാൻ ആ പുരു​ഷനെ കാണാൻ ആഗ്രഹി​ച്ച്‌ അവി​ടേക്കു ചെന്നു. അയാൾ അപ്പോ​ഴും ഒട്ടകങ്ങ​ളു​ടെ അടുത്ത്‌ നീരു​റ​വിന്‌ അരികെ നിൽക്കു​ക​യാ​യി​രു​ന്നു. 31 അപ്പോൾ ലാബാൻ പറഞ്ഞു: “യഹോ​വ​യാൽ അനു​ഗ്ര​ഹി​ക്കപ്പെ​ട്ട​വനേ, വരുക. ഇവിടെ പുറത്ത്‌ നിൽക്കു​ന്നത്‌ എന്തിനാ​ണ്‌? ഞാൻ വീട്‌ ഒരുക്കി​യി​രി​ക്കു​ന്നു, ഒട്ടകങ്ങൾക്കുള്ള സ്ഥലവും തയ്യാറാ​ണ്‌.” 32 അപ്പോൾ ആ പുരുഷൻ വീട്ടി​ലേക്കു വന്നു. അയാൾ* ഒട്ടകങ്ങ​ളു​ടെ കോപ്പ്‌ അഴിച്ച്‌ അവയ്‌ക്കു വയ്‌ക്കോ​ലും തീറ്റി​യും കൊടു​ത്തു. ആ പുരു​ഷന്റെ​യും ഒപ്പമു​ണ്ടാ​യി​രു​ന്ന​വ​രുടെ​യും കാൽ കഴുകാൻ വെള്ളവും കൊടു​ത്തു. 33 എന്നാൽ മുന്നിൽ ഭക്ഷണം കൊണ്ടു​ചെന്ന്‌ വെച്ച​പ്പോൾ, “എനിക്കു പറയാ​നു​ള്ളതു പറയാതെ ഞാൻ ഭക്ഷണം കഴിക്കില്ല” എന്ന്‌ അയാൾ പറഞ്ഞു. അപ്പോൾ ലാബാൻ, “പറഞ്ഞുകൊ​ള്ളൂ!” എന്നു പറഞ്ഞു.

34 അയാൾ പറഞ്ഞു: “ഞാൻ അബ്രാ​ഹാ​മി​ന്റെ ദാസനാ​ണ്‌.+ 35 യഹോവ എന്റെ യജമാ​നനെ സമൃദ്ധ​മാ​യി അനു​ഗ്ര​ഹി​ച്ചി​രി​ക്കു​ന്നു; ആടുമാ​ടു​കൾ, വെള്ളി, സ്വർണം, ദാസീ​ദാ​സ​ന്മാർ, ഒട്ടകങ്ങൾ, കഴുതകൾ എന്നിവയെ​ല്ലാം നൽകി ദൈവം എന്റെ യജമാ​നനെ സമ്പന്നനാ​ക്കു​ക​യും ചെയ്‌തി​രി​ക്കു​ന്നു.+ 36 മാത്രമല്ല, എന്റെ യജമാ​നന്റെ ഭാര്യ സാറ വാർധ​ക്യ​ത്തിൽ യജമാ​നന്‌ ഒരു മകനെ പ്രസവി​ച്ചു.+ യജമാ​ന​നു​ള്ളതെ​ല്ലാം യജമാനൻ അവനു കൊടു​ക്കും.+ 37 ഇപ്പോൾ എന്റെ യജമാനൻ ഇങ്ങനെ പറഞ്ഞ്‌ എന്നെ​ക്കൊണ്ട്‌ സത്യം ചെയ്യിച്ചു: ‘ഞാൻ താമസി​ക്കുന്ന കനാന്യ​രു​ടെ ഈ ദേശത്തു​നിന്ന്‌ അവരുടെ പെൺമ​ക്ക​ളിൽ ഒരാളെ എന്റെ മകനു​വേണ്ടി തിരഞ്ഞെടുക്കാതെ+ 38 എന്റെ പിതൃ​ഭ​വ​ന​ത്തിൽ ചെന്ന്‌ എന്റെ കുടുംബത്തിൽനിന്ന്‌+ നീ അവന്‌ ഒരു പെൺകു​ട്ടി​യെ കണ്ടെത്തണം.’+ 39 എന്നാൽ ഞാൻ എന്റെ യജമാ​നനോട്‌, ‘എന്നോടൊ​പ്പം വരാൻ പെൺകു​ട്ടി തയ്യാറല്ലെ​ങ്കി​ലോ’ എന്നു ചോദി​ച്ചു.+ 40 അപ്പോൾ യജമാനൻ പറഞ്ഞു: ‘ഞാൻ യഹോ​വ​യു​ടെ മുമ്പാകെ അനുസ​ര​ണയോ​ടെ നടന്നി​രി​ക്കു​ന്നു.+ ദൈവം നിന്നോടൊ​പ്പം തന്റെ ദൂതനെ അയയ്‌ക്കുകയും+ നിന്റെ യാത്ര ഉറപ്പാ​യും സഫലമാ​ക്കു​ക​യും ചെയ്യും. നീ എന്റെ മകന്‌ എന്റെ കുടും​ബ​ത്തിൽനിന്ന്‌, എന്റെ പിതൃ​ഭ​വ​ന​ത്തിൽനിന്ന്‌,+ ഒരു പെൺകു​ട്ടി​യെ കണ്ടെത്തണം. 41 നീ എന്റെ കുടും​ബ​ത്തിൽ ചെല്ലു​മ്പോൾ അവർ പെൺകു​ട്ടി​യെ നിന്റെ​കൂ​ടെ അയയ്‌ക്കു​ന്നില്ലെ​ങ്കിൽ എന്നോടു ചെയ്‌ത ആണയിൽനി​ന്ന്‌ നീ ഒഴിവു​ള്ള​വ​നാ​യി​രി​ക്കും. നിന്റെ ആണയിൽനി​ന്ന്‌ അങ്ങനെ നീ സ്വത​ന്ത്ര​നാ​കും.’+

42 “ഇന്നു നീരു​റ​വിന്‌ അടുത്ത്‌ എത്തിയ​പ്പോൾ ഞാൻ പറഞ്ഞു: ‘എന്റെ യജമാ​ന​നായ അബ്രാ​ഹാ​മി​ന്റെ ദൈവമേ, യഹോവേ, അങ്ങ്‌ എന്റെ യാത്ര സഫലമാ​ക്കുമെ​ങ്കിൽ ഇങ്ങനെ സംഭവി​ക്കാൻ ഇടയാക്കേ​ണമേ: 43 ഞാൻ ഇവിടെ നീരു​റ​വിന്‌ അടുത്ത്‌ നിൽക്കു​ന്നു; നഗരത്തിൽനി​ന്ന്‌ വെള്ളം കോരാൻ വരുന്ന ഒരു യുവതി​യോ​ട്‌,+ “നിന്റെ കുടത്തിൽനി​ന്ന്‌ എനിക്കു കുടി​ക്കാൻ കുറച്ച്‌ വെള്ളം തരാമോ” എന്നു ചോദി​ക്കുമ്പോൾ, 44 “കുടി​ച്ചാ​ലും, അങ്ങയുടെ ഒട്ടകങ്ങൾക്കും ഞാൻ വെള്ളം കോരിക്കൊ​ടു​ക്കാം” എന്നു പറയു​ന്ന​വ​ളാ​യി​രി​ക്കട്ടെ എന്റെ യജമാ​നന്റെ മകനു​വേണ്ടി യഹോവ തിര​ഞ്ഞെ​ടു​ത്തവൾ.’+

45 “ഞാൻ മനസ്സിൽ പറഞ്ഞു​തീ​രും​മുമ്പ്‌, കുടവും തോളി​ലേറ്റി റിബെക്ക നഗരത്തി​നു പുറ​ത്തേക്കു വന്നു. റിബെക്ക നീരു​റ​വിലേക്ക്‌ ഇറങ്ങി​ച്ചെന്ന്‌ വെള്ളം കോരാൻതു​ടങ്ങി. അപ്പോൾ ഞാൻ റിബെ​ക്കയോട്‌, ‘എനിക്കു കുടി​ക്കാൻ കുറച്ച്‌ വെള്ളം തരുമോ’ എന്നു ചോദി​ച്ചു.+ 46 റിബെക്ക പെട്ടെന്നു തോളിൽനി​ന്ന്‌ കുടം ഇറക്കി​യിട്ട്‌, ‘കുടി​ച്ചാ​ലും,+ യജമാ​നന്റെ ഒട്ടകങ്ങൾക്കും ഞാൻ വെള്ളം കൊടു​ക്കാം’ എന്നു പറഞ്ഞു. ഞാൻ വെള്ളം കുടിച്ചു. റിബെക്ക ഒട്ടകങ്ങൾക്കും വെള്ളം കൊടു​ത്തു. 47 അതിനു ശേഷം ഞാൻ, ‘നീ ആരുടെ മകളാണ്‌’ എന്നു ചോദി​ച്ചപ്പോൾ, ‘നാഹോ​രി​നു മിൽക്ക പ്രസവിച്ച മകനായ ബഥൂ​വേ​ലി​ന്റെ മകളാണു ഞാൻ’ എന്നു റിബെക്ക പറഞ്ഞു. അങ്ങനെ, ഞാൻ റിബെ​ക്ക​യു​ടെ മൂക്കിൽ മൂക്കു​ത്തി​യും കൈക​ളിൽ വളകളും അണിയി​ച്ചു.+ 48 പിന്നെ ഞാൻ യഹോ​വ​യു​ടെ മുമ്പാകെ കുമ്പിട്ട്‌ സാഷ്ടാം​ഗം നമസ്‌ക​രി​ച്ചു. എന്റെ യജമാ​നന്റെ മകനു​വേണ്ടി അദ്ദേഹ​ത്തി​ന്റെ സഹോ​ദ​രന്റെ മകളെ എടു​ക്കേ​ണ്ട​തിന്‌ എന്നെ ശരിയായ വഴിയിൽ നയിച്ച, എന്റെ യജമാ​നന്റെ ദൈവ​മായ യഹോ​വയെ സ്‌തു​തി​ച്ചു.+ 49 ഇപ്പോൾ, എന്റെ യജമാ​നനോട്‌ അചഞ്ചല​മായ സ്‌നേ​ഹ​വും വിശ്വ​സ്‌ത​ത​യും കാണി​ക്കാൻ നിങ്ങൾക്ക്‌ ആഗ്രഹ​മു​ണ്ടോ എന്നു പറയുക. മറിച്ചാണെ​ങ്കിൽ അതും എന്നോടു പറയുക. അപ്പോൾ എനിക്ക്‌ ഇടത്തോ​ട്ടോ വലത്തോ​ട്ടോ തിരി​യാ​മ​ല്ലോ.”+

50 അപ്പോൾ ലാബാ​നും ബഥൂ​വേ​ലും പറഞ്ഞു: “ഇത്‌ യഹോ​വ​യിൽനി​ന്നാണ്‌. അതു​കൊണ്ട്‌, ‘ഉവ്വ്‌’ എന്നോ ‘ഇല്ല’ എന്നോ പറയാൻ* ഞങ്ങൾക്കാ​വില്ല. 51 ഇതാ റിബെക്ക! അവളെ കൂട്ടി​ക്കൊ​ണ്ട്‌ പൊയ്‌ക്കൊ​ള്ളുക. യഹോവ പറഞ്ഞതുപോ​ലെ അവൾ നിന്റെ യജമാ​നന്റെ മകനു ഭാര്യ​യാ​കട്ടെ.” 52 ഈ വാക്കുകൾ കേട്ട​പ്പോൾ അബ്രാ​ഹാ​മി​ന്റെ ദാസൻ യഹോ​വ​യു​ടെ മുമ്പാകെ കുമ്പിട്ട്‌ നമസ്‌ക​രി​ച്ചു. 53 പിന്നെ ആ ദാസൻ വെള്ളി​യാ​ഭ​ര​ണ​ങ്ങ​ളും സ്വർണാ​ഭ​ര​ണ​ങ്ങ​ളും വസ്‌ത്ര​ങ്ങ​ളും ഒന്നൊ​ന്നാ​യി പുറത്ത്‌ എടുത്ത്‌ റിബെ​ക്ക​യ്‌ക്കു കൊടു​ത്തു. റിബെ​ക്ക​യു​ടെ ആങ്ങളയ്‌ക്കും അമ്മയ്‌ക്കും അയാൾ വിലപി​ടി​പ്പുള്ള സമ്മാനങ്ങൾ നൽകി. 54 അതിനു ശേഷം അയാളും കൂടെ​യു​ള്ള​വ​രും ഭക്ഷണം കഴിച്ചു. രാത്രി അവർ അവിടെ തങ്ങി.

രാവിലെ എഴു​ന്നേ​റ്റപ്പോൾ അയാൾ പറഞ്ഞു: “എന്നെ എന്റെ യജമാ​നന്റെ അടു​ത്തേക്ക്‌ അയച്ചാ​ലും.” 55 അപ്പോൾ റിബെ​ക്ക​യു​ടെ ആങ്ങളയും അമ്മയും, “പത്തു ദിവസമെ​ങ്കി​ലും അവൾ ഞങ്ങളോടൊ​പ്പം നിൽക്കട്ടെ; അതിനു ശേഷം കൊണ്ടുപൊ​യ്‌ക്കൊ​ള്ളൂ” എന്നു പറഞ്ഞു. 56 പക്ഷേ അയാൾ അവരോ​ടു പറഞ്ഞു: “യഹോവ എന്റെ യാത്ര സഫലമാ​ക്കി​യ​തുകൊണ്ട്‌ എന്നെ വൈകി​ക്ക​രു​തേ, എന്നെ പറഞ്ഞയ​ച്ചാ​ലും. ഞാൻ എന്റെ യജമാ​നന്റെ അടു​ത്തേക്കു പോകട്ടെ.” 57 അപ്പോൾ അവർ പറഞ്ഞു: “നമുക്ക്‌ അവളെ വിളിച്ച്‌ അവളോ​ടു ചോദി​ക്കാം.” 58 അങ്ങനെ അവർ റിബെ​ക്കയെ വിളിച്ച്‌, “നീ ഇദ്ദേഹത്തോടൊ​പ്പം പോകു​ന്നോ” എന്നു ചോദി​ച്ചു. അതിനു റിബെക്ക, “പോകാൻ ഞാൻ തയ്യാറാ​ണ്‌” എന്നു പറഞ്ഞു.

59 അങ്ങനെ അവർ അവരുടെ സഹോ​ദ​രി​യായ റിബെക്കയെയും+ റിബെ​ക്ക​യു​ടെ വളർത്തമ്മയെയും*+ അബ്രാ​ഹാ​മി​ന്റെ ദാസ​നെ​യും അയാളു​ടെ ആളുകളെ​യും യാത്ര​യാ​ക്കി. 60 അവർ റിബെ​ക്കയെ അനു​ഗ്ര​ഹിച്ച്‌ ഇങ്ങനെ പറഞ്ഞു: “ഞങ്ങളുടെ സഹോ​ദരീ, നീ ലക്ഷോ​പ​ല​ക്ഷ​ങ്ങൾക്ക്‌ അമ്മയാ​യി​ത്തീ​രട്ടെ. നിന്റെ മക്കൾ* അവരെ വെറു​ക്കു​ന്ന​വ​രു​ടെ നഗരകവാടങ്ങൾ* കൈവ​ശ​മാ​ക്കട്ടെ.”+ 61 പിന്നെ റിബെ​ക്ക​യും പരിചാ​രി​ക​മാ​രും ഒട്ടകപ്പു​റത്ത്‌ കയറി ആ പുരു​ഷനെ അനുഗ​മി​ച്ചു. അങ്ങനെ ആ ദാസൻ റിബെ​ക്കയെ​യും കൂട്ടി യാത്ര​യാ​യി.

62 യിസ്‌ഹാക്ക്‌ നെഗെബ്‌+ ദേശത്താ​ണു താമസി​ച്ചി​രു​ന്നത്‌. ഒരു ദിവസം യിസ്‌ഹാ​ക്ക്‌ ബേർ-ലഹയീ-രോയിയുടെ+ ദിശയിൽനി​ന്ന്‌ വരുക​യാ​യി​രു​ന്നു. 63 ഇരുട്ടു പരക്കാ​റായ സമയം. ധ്യാനിക്കാനായി+ യിസ്‌ഹാ​ക്ക്‌ വെളിമ്പ്രദേ​ശ​ത്തു​കൂ​ടെ നടക്കു​ക​യാ​യി​രു​ന്നു. യിസ്‌ഹാ​ക്ക്‌ നോക്കി​യപ്പോൾ അതാ, ഒട്ടകങ്ങൾ വരുന്നു! 64 യിസ്‌ഹാക്കിനെ കണ്ട ഉടൻ റിബെക്ക ഒട്ടകപ്പു​റ​ത്തു​നിന്ന്‌ താഴെ ഇറങ്ങി. 65 റിബെക്ക ആ ദാസ​നോട്‌, “നമ്മളെ സ്വീക​രി​ക്കാൻ വെളിമ്പ്രദേ​ശ​ത്തു​കൂ​ടി നടന്നു​വ​രുന്ന അയാൾ ആരാണ്‌” എന്നു ചോദി​ച്ചു. അതിനു ദാസൻ, “അത്‌ എന്റെ യജമാ​ന​നാണ്‌” എന്നു പറഞ്ഞു. അപ്പോൾ റിബെക്ക ഒരു മൂടു​പടം എടുത്ത്‌ അണിഞ്ഞു. 66 താൻ ചെയ്‌തതെ​ല്ലാം ദാസൻ യിസ്‌ഹാ​ക്കിനോ​ടു പറഞ്ഞു. 67 പിന്നെ യിസ്‌ഹാ​ക്ക്‌ റിബെ​ക്കയെ തന്റെ അമ്മ സാറയു​ടെ കൂടാരത്തിലേക്കു+ കൊണ്ടുപോ​യി. അങ്ങനെ യിസ്‌ഹാ​ക്ക്‌ റിബെ​ക്കയെ ഭാര്യ​യാ​യി സ്വീക​രി​ച്ചു. യിസ്‌ഹാ​ക്കി​നു റിബെ​ക്കയെ ഇഷ്ടമായി.+ അങ്ങനെ, അമ്മയുടെ വേർപാ​ടിൽ ദുഃഖിച്ചിരുന്ന+ യിസ്‌ഹാ​ക്കിന്‌ ആശ്വാസം ലഭിച്ചു.

25 അബ്രാ​ഹാം വീണ്ടും ഒരു വിവാഹം കഴിച്ചു. ആ സ്‌ത്രീ​യു​ടെ പേര്‌ കെതൂറ എന്നായി​രു​ന്നു. 2 കെതൂറ അബ്രാ​ഹാ​മി​നു സിമ്രാൻ, യൊക്‌ശാൻ, മേദാൻ, മിദ്യാൻ,+ യിശ്‌ബാ​ക്ക്‌, ശൂവഹ്‌+ എന്നിവരെ പ്രസവി​ച്ചു.

3 യൊക്‌ശാനു പിന്നീടു ശേബ, ദേദാൻ എന്നിവർ ജനിച്ചു.

ദേദാന്റെ ആൺമക്കൾ: അശ്ശൂരീം, ലത്തൂശീം, ലയുമ്മീം.

4 മിദ്യാന്റെ ആൺമക്കൾ: ഏഫ, ഏഫെർ, ഹാനോ​ക്ക്‌, അബീദ, എൽദ.

ഇവരെ​ല്ലാ​മാ​ണു കെതൂ​റ​യു​ടെ ആൺമക്കൾ.

5 പിന്നീട്‌ അബ്രാ​ഹാം തനിക്കു​ള്ളതു മുഴുവൻ യിസ്‌ഹാ​ക്കി​നു കൊടു​ത്തു.+ 6 ഉപപത്‌നിമാരുടെ* ആൺമക്കൾക്കോ അബ്രാ​ഹാം സമ്മാനങ്ങൾ കൊടു​ത്തു. അതിനു ശേഷം, അബ്രാ​ഹാം ജീവി​ച്ചി​രി​ക്കുമ്പോൾത്തന്നെ അവരെ കിഴ​ക്കോട്ട്‌, തന്റെ മകൻ യിസ്‌ഹാ​ക്കി​ന്റെ അടുത്തു​നിന്ന്‌ ദൂരെ കിഴക്കൻ ദേശ​ത്തേക്ക്‌,+ അയച്ചു. 7 അബ്രാഹാം 175 വർഷം ജീവി​ച്ചി​രു​ന്നു. 8 പിന്നെ അബ്രാ​ഹാം അന്ത്യശ്വാ​സം വലിച്ചു. നല്ല വാർധ​ക്യ​ത്തിൽ, സംതൃ​പ്‌ത​വും സുദീർഘ​വും ആയ ജീവി​ത​ത്തിന്‌ ഒടുവിൽ, അബ്രാ​ഹാം മരിച്ച്‌ തന്റെ ജനത്തോ​ടു ചേർന്നു.* 9 മക്കളായ യിസ്‌ഹാ​ക്കും യിശ്‌മായേ​ലും അബ്രാ​ഹാ​മി​നെ മമ്രേ​ക്ക​രികെ​യുള്ള ഗുഹയിൽ, ഹിത്യ​നായ സോഹ​രി​ന്റെ മകൻ എഫ്രോ​ന്റെ സ്ഥലത്തുള്ള മക്‌പേല ഗുഹയിൽ, അടക്കം ചെയ്‌തു.+ 10 ഹേത്തിന്റെ പുത്ര​ന്മാ​രിൽനിന്ന്‌ അബ്രാ​ഹാം വിലയ്‌ക്കു വാങ്ങിയ ആ സ്ഥലത്ത്‌ ഭാര്യ​യായ സാറയു​ടെ അടുത്ത്‌ അബ്രാ​ഹാ​മി​നെ അടക്കം ചെയ്‌തു.+ 11 അബ്രാഹാമിന്റെ മരണ​ശേ​ഷ​വും അദ്ദേഹ​ത്തി​ന്റെ മകനായ യിസ്‌ഹാ​ക്കി​നെ ദൈവം അനു​ഗ്ര​ഹി​ച്ചുകൊ​ണ്ടി​രു​ന്നു.+ യിസ്‌ഹാ​ക്ക്‌ ബേർ-ലഹയീ-രോയി​ക്ക​ടു​ത്താ​ണു താമസി​ച്ചി​രു​ന്നത്‌.+

12 സാറയുടെ ഈജി​പ്‌തു​കാ​രി​യായ ദാസി ഹാഗാർ+ അബ്രാ​ഹാ​മി​നു പ്രസവിച്ച മകൻ യിശ്‌മായേലിന്റെ+ ചരിത്രം:

13 യിശ്‌മായേലിന്റെ ആൺമക്ക​ളു​ടെ പേരുകൾ—അവരുടെ പേരു​ക​ളും കുടും​ബ​ങ്ങ​ളും അനുസ​രി​ച്ചുള്ള പട്ടിക—ഇതാണ്‌: യിശ്‌മായേ​ലി​ന്റെ മൂത്ത മകൻ നെബാ​യോ​ത്ത്‌.+ പിന്നെ കേദാർ,+ അദ്‌ബെ​യേൽ, മിബ്‌ശാം,+ 14 മിശ്‌മ, ദൂമ, മസ്സ, 15 ഹദദ്‌, തേമ, യതൂർ, നാഫീശ്‌, കേദെമ. 16 വാസസ്ഥലങ്ങളും പാളയങ്ങളും* അനുസ​രിച്ച്‌ യിശ്‌മായേ​ലി​ന്റെ ആൺമക്ക​ളു​ടെ പേരുകൾ ഇവയാണ്‌. കുലമ​നു​സ​രിച്ച്‌ 12 തലവന്മാർ.+ 17 യിശ്‌മായേൽ ആകെ 137 വർഷം ജീവിച്ചു. പിന്നെ അന്ത്യശ്വാ​സം വലിച്ചു. യിശ്‌മാ​യേൽ മരിച്ച്‌ തന്റെ ജനത്തോ​ടു ചേർന്നു.* 18 അവർ ഈജി​പ്‌തിന്‌ അരികെ ശൂരിന്‌+ അടുത്തുള്ള ഹവീല+ മുതൽ അസീറിയ വരെയുള്ള പ്രദേ​ശത്ത്‌ താമസ​മാ​ക്കി. അവർ അവരുടെ സഹോ​ദ​ര​ന്മാ​രുടെയെ​ല്ലാം അടുത്ത്‌ താമസി​ച്ചു.*+

19 അബ്രാഹാമിന്റെ മകനായ യിസ്‌ഹാ​ക്കി​ന്റെ ചരിത്രം:+

അബ്രാ​ഹാ​മി​നു യിസ്‌ഹാ​ക്ക്‌ ജനിച്ചു. 20 പദ്ദൻ-അരാമി​ലെ അരാമ്യ​നായ ബഥൂ​വേ​ലി​ന്റെ മകളും+ അരാമ്യ​നായ ലാബാന്റെ പെങ്ങളും ആയ റിബെ​ക്കയെ വിവാഹം കഴിക്കു​മ്പോൾ യിസ്‌ഹാ​ക്കിന്‌ 40 വയസ്സാ​യി​രു​ന്നു. 21 റിബെക്കയ്‌ക്കു മക്കൾ ഉണ്ടാകാ​ത്ത​തി​നാൽ യിസ്‌ഹാ​ക്ക്‌ റിബെ​ക്ക​യ്‌ക്കുവേണ്ടി യഹോ​വയോട്‌ ഇടവി​ടാ​തെ അപേക്ഷി​ച്ചുകൊ​ണ്ടി​രു​ന്നു. അവസാനം, യഹോവ യിസ്‌ഹാ​ക്കി​ന്റെ അപേക്ഷ കേട്ടു. റിബെക്ക ഗർഭി​ണി​യാ​യി. 22 റിബെക്കയുടെ വയറ്റിൽ കിടന്ന്‌ കുഞ്ഞുങ്ങൾ പരസ്‌പരം തിക്കിഞെ​രു​ക്കാൻതു​ടങ്ങി.+ അപ്പോൾ റിബെക്ക, “ഇതാണ്‌ എന്റെ അവസ്ഥ​യെ​ങ്കിൽ ഞാൻ എന്തിനു ജീവി​ക്കണം!” എന്നു പറഞ്ഞു. ഇക്കാര്യത്തെ​ക്കു​റിച്ച്‌ റിബെക്ക യഹോ​വയോ​ടു ചോദി​ച്ചു. 23 യഹോവ പറഞ്ഞു: “രണ്ടു ജനതക​ളാ​ണു നിന്റെ വയറ്റി​ലു​ള്ളത്‌.+ രണ്ടു ജനതകൾ നിന്നിൽനി​ന്ന്‌ പിറവിയെ​ടു​ക്കും.+ ഒരു ജനത മറ്റേ ജനത​യെ​ക്കാൾ ശക്തരാ​യി​രി​ക്കും.+ മൂത്തവൻ ഇളയവനെ സേവി​ക്കും.”+

24 അങ്ങനെ, പ്രസവ​സ​മ​യ​മാ​യി. റിബെ​ക്ക​യു​ടെ വയറ്റിൽ ഇരട്ടക​ളാ​യി​രു​ന്നു! 25 ഒന്നാമൻ ചുവന്ന​വ​നാ​യി പുറത്ത്‌ വന്നു. രോമ​ക്കു​പ്പാ​യം ധരിച്ച​തുപോലെ​യാ​യി​രു​ന്നു അവന്റെ ശരീരം.+ അതിനാൽ അവർ അവന്‌ ഏശാവ്‌*+ എന്നു പേരിട്ടു. 26 തുടർന്ന്‌, അവന്റെ സഹോ​ദരൻ പുറത്ത്‌ വന്നു. അവൻ ഏശാവി​ന്റെ ഉപ്പൂറ്റി​യിൽ മുറുകെ പിടി​ച്ചി​രു​ന്നു.+ അതിനാൽ യിസ്‌ഹാ​ക്ക്‌ അവനു യാക്കോബ്‌*+ എന്നു പേരിട്ടു. റിബെക്ക അവരെ പ്രസവി​ക്കുമ്പോൾ യിസ്‌ഹാ​ക്കിന്‌ 60 വയസ്സാ​യി​രു​ന്നു.

27 കുട്ടികൾ വളർന്നു. ഏശാവ്‌ സമർഥ​നായ ഒരു വേട്ടക്കാ​ര​നാ​യി​ത്തീർന്നു.+ വേട്ടയാ​ടി നടക്കാ​നാ​യി​രു​ന്നു ഏശാവി​ന്‌ ഇഷ്ടം. എന്നാൽ യാക്കോ​ബ്‌ ശാന്തസ്വ​ഭാ​വ​മു​ള്ള​വ​നാ​യി​രു​ന്നു.* യാക്കോ​ബ്‌ കൂടാ​ര​ങ്ങ​ളിൽ താമസി​ച്ചു.+ 28 ഏശാവ്‌ വേട്ടയി​റച്ചി കൊണ്ടു​വന്ന്‌ കൊടു​ക്കാ​റു​ണ്ടാ​യി​രു​ന്ന​തുകൊണ്ട്‌ യിസ്‌ഹാ​ക്ക്‌ ഏശാവി​നെ സ്‌നേ​ഹി​ച്ചു. പക്ഷേ റിബെക്ക യാക്കോ​ബി​നെ സ്‌നേ​ഹി​ച്ചു.+ 29 ഒരിക്കൽ ഏശാവ്‌ ക്ഷീണിച്ച്‌ അവശനാ​യി വയലിൽനി​ന്ന്‌ വരു​മ്പോൾ യാക്കോ​ബ്‌ ഒരുതരം സൂപ്പ്‌ ഉണ്ടാക്കു​ക​യാ​യി​രു​ന്നു. 30 അപ്പോൾ ഏശാവ്‌ യാക്കോ​ബിനോ​ടു പറഞ്ഞു: “ഈ ചുവന്ന സൂപ്പ്‌* കുറച്ച്‌* എനിക്കു തരൂ. വേഗമാ​കട്ടെ, ഞാൻ ആകെ തളർന്നി​രി​ക്കു​ക​യാണ്‌.” അങ്ങനെ​യാണ്‌ ഏശാവി​ന്‌ ഏദോം*+ എന്ന പേര്‌ കിട്ടി​യത്‌. 31 യാക്കോബ്‌ പറഞ്ഞു: “ആദ്യം, മൂത്ത മകൻ എന്ന അവകാശം എനിക്കു വിൽക്കുക.”+ 32 അതിന്‌ ഏശാവ്‌: “ഞാൻ വിശന്ന്‌ ചാകാ​റാ​യി! ഈ ജന്മാവ​കാ​ശംകൊണ്ട്‌ എനിക്ക്‌ എന്തു പ്രയോ​ജനം?” 33 അപ്പോൾ യാക്കോ​ബ്‌, “ആദ്യം എന്നോടു സത്യം ചെയ്യുക” എന്നു പറഞ്ഞു. അങ്ങനെ ഏശാവ്‌ യാക്കോ​ബിനോ​ടു സത്യം ചെയ്‌ത്‌ മൂത്ത മകൻ എന്ന അവകാശം വിറ്റു.+ 34 പിന്നെ യാക്കോ​ബ്‌ ഏശാവി​ന്‌ അപ്പവും പയറുകൊ​ണ്ടുള്ള സൂപ്പും കൊടു​ത്തു. ഏശാവ്‌ അതു കഴിച്ച​ശേഷം എഴു​ന്നേറ്റ്‌ അവി​ടെ​നിന്ന്‌ പോയി. ഏശാവ്‌ തന്റെ ജന്മാവ​കാ​ശ​ത്തിന്‌ ഒരു വിലയും കല്‌പി​ച്ചില്ല.

26 അബ്രാ​ഹാ​മി​ന്റെ കാലത്ത്‌ ഉണ്ടായ ആദ്യത്തെ ക്ഷാമത്തിനു+ ശേഷം ദേശത്ത്‌ മറ്റൊരു ക്ഷാമം ഉണ്ടായി. അതു​കൊണ്ട്‌ യിസ്‌ഹാ​ക്ക്‌ ഗരാരിൽ ഫെലി​സ്‌ത്യ​രു​ടെ രാജാ​വായ അബീ​മേലെ​ക്കി​ന്റെ അടു​ത്തേക്കു പോയി. 2 അപ്പോൾ യഹോവ യിസ്‌ഹാ​ക്കി​നു പ്രത്യ​ക്ഷ​നാ​യി. ദൈവം പറഞ്ഞു: “ഈജി​പ്‌തിലേക്കു പോക​രുത്‌. ഞാൻ കാണി​ച്ചു​ത​രുന്ന ദേശത്ത്‌ താമസി​ക്കുക. 3 ഈ ദേശത്ത്‌ ഒരു പരദേ​ശി​യാ​യി കഴിയുക.+ ഞാൻ നിന്റെ​കൂ​ടെ ഇരുന്ന്‌ നിന്നെ അനു​ഗ്ര​ഹി​ക്കും. കാരണം നിനക്കും നിന്റെ സന്തതിക്കും* ആണ്‌ ഞാൻ ഈ ദേശം മുഴുവൻ തരാൻപോ​കു​ന്നത്‌.+ നിന്റെ അപ്പനായ അബ്രാ​ഹാ​മിനോ​ടു ഞാൻ ആണയിട്ട്‌ സത്യം ചെയ്‌ത എന്റെ ഈ വാക്കുകൾ ഞാൻ നിറ​വേ​റ്റും:+ 4 ‘ഞാൻ നിന്റെ സന്തതിയെ* ആകാശ​ത്തി​ലെ നക്ഷത്ര​ങ്ങൾപോ​ലെ വർധിപ്പിക്കുകയും+ ഈ ദേശം മുഴുവൻ അവർക്കു കൊടു​ക്കു​ക​യും ചെയ്യും;+ നിന്റെ സന്തതിയിലൂടെ* ഭൂമി​യി​ലെ ജനതകളെ​ല്ലാം അനു​ഗ്രഹം നേടും.’+ 5 കാരണം, അബ്രാ​ഹാം എന്റെ വാക്കു കേൾക്കു​ക​യും എന്റെ നിബന്ധ​ന​ക​ളും കല്‌പ​ന​ക​ളും ചട്ടങ്ങളും നിയമങ്ങളും* എല്ലായ്‌പോ​ഴും പാലി​ക്കു​ക​യും ചെയ്‌തു.”+ 6 അങ്ങനെ യിസ്‌ഹാ​ക്ക്‌ ഗരാരിൽത്തന്നെ കഴിഞ്ഞു.+

7 ആ സ്ഥലത്തെ ആളുകൾ ഭാര്യയെ​ക്കു​റിച്ച്‌ ചോദി​ച്ചപ്പോഴെ​ല്ലാം, “ഇത്‌ എന്റെ പെങ്ങളാ​ണ്‌”+ എന്നു യിസ്‌ഹാ​ക്ക്‌ പറഞ്ഞു. “റിബെക്ക നിമിത്തം ദേശത്തെ പുരു​ഷ​ന്മാർ എന്നെ കൊന്നു​ക​ളഞ്ഞേ​ക്കാം” എന്നു പറഞ്ഞ്‌, “ഇത്‌ എന്റെ ഭാര്യ​യാണ്‌” എന്നു പറയാൻ യിസ്‌ഹാ​ക്കി​നു ഭയം തോന്നി. കാരണം റിബെക്ക വളരെ സുന്ദരി​യാ​യി​രു​ന്നു.+ 8 കുറച്ച്‌ നാൾ കഴിഞ്ഞ്‌ ഫെലി​സ്‌ത്യ​രു​ടെ രാജാ​വായ അബീ​മേലെക്ക്‌ ജനാല​യി​ലൂ​ടെ പുറ​ത്തേക്കു നോക്കി​യപ്പോൾ യിസ്‌ഹാ​ക്ക്‌ ഭാര്യ റിബെ​ക്കയെ ആലിം​ഗനം ചെയ്യുന്നതു*+ കണ്ടു. 9 ഉടനെ അബീ​മേലെക്ക്‌ യിസ്‌ഹാ​ക്കി​നെ വിളി​ച്ചു​വ​രു​ത്തി ഇങ്ങനെ പറഞ്ഞു: “അവൾ താങ്കളു​ടെ ഭാര്യ​യാണ്‌, തീർച്ച! എന്തിനാ​ണ്‌ ‘ഇത്‌ എന്റെ പെങ്ങളാ​ണ്‌’ എന്നു താങ്കൾ പറഞ്ഞത്‌?” അപ്പോൾ യിസ്‌ഹാ​ക്ക്‌ പറഞ്ഞു: “അവൾ കാരണം ആരെങ്കി​ലും എന്നെ കൊന്നാ​ലോ എന്നു പേടി​ച്ചാ​ണു ഞാൻ അങ്ങനെ പറഞ്ഞത്‌.”+ 10 പക്ഷേ അബീ​മേലെക്ക്‌ പറഞ്ഞു: “താങ്കൾ ഞങ്ങളോ​ട്‌ ഈ ചെയ്‌തത്‌ എന്താണ്‌?+ എന്റെ ജനത്തിൽ ആരെങ്കി​ലും താങ്കളു​ടെ ഭാര്യയോടൊ​പ്പം കിടന്നി​രുന്നെ​ങ്കി​ലോ? താങ്കൾ ഞങ്ങളുടെ മേൽ കുറ്റം വരുത്തിവെ​ക്കു​മാ​യി​രു​ന്നി​ല്ലേ?”+ 11 പിന്നെ അബീ​മേലെക്ക്‌, “ഇദ്ദേഹത്തെ​യോ ഭാര്യയെ​യോ തൊടു​ന്നത്‌ ആരായാ​ലും അയാളെ കൊന്നു​ക​ള​യും” എന്നു ജനങ്ങ​ളോടെ​ല്ലാം കല്‌പി​ച്ചു.

12 പിന്നീട്‌ യിസ്‌ഹാ​ക്ക്‌ ആ ദേശത്ത്‌ വിത്തു വിതച്ചു. യഹോ​വ​യു​ടെ അനുഗ്രഹത്താൽ+ ആ വർഷം നൂറു​മേനി വിളഞ്ഞു. 13 അങ്ങനെ യിസ്‌ഹാ​ക്ക്‌ സമ്പന്നനാ​യി. സമ്പത്തു വർധി​ച്ചു​വർധിച്ച്‌ യിസ്‌ഹാ​ക്ക്‌ വലിയ പണക്കാ​ര​നാ​യി​ത്തീർന്നു. 14 നിരവധി ആടുമാ​ടു​കളെ​യും വലി​യൊ​രു കൂട്ടം ദാസീദാസന്മാരെയും+ യിസ്‌ഹാ​ക്ക്‌ സമ്പാദി​ച്ചു. ഫെലി​സ്‌ത്യർക്ക്‌ അദ്ദേഹ​ത്തോ​ട്‌ അസൂയ തോന്നി​ത്തു​ടങ്ങി.

15 അങ്ങനെ, യിസ്‌ഹാ​ക്കി​ന്റെ അപ്പനായ അബ്രാ​ഹാ​മി​ന്റെ കാലത്ത്‌ അബ്രാ​ഹാ​മി​ന്റെ ദാസന്മാർ കുഴിച്ച കിണറുകളെല്ലാം+ ഫെലി​സ്‌ത്യർ മണ്ണിട്ട്‌ മൂടി. 16 പിന്നെ അബീ​മേലെക്ക്‌ യിസ്‌ഹാ​ക്കിനോ​ടു പറഞ്ഞു: “ഞങ്ങളുടെ അടുത്തു​നിന്ന്‌ പോകൂ; താങ്കൾ വളർന്ന്‌ ഞങ്ങളെ​ക്കാളെ​ല്ലാം വളരെ ശക്തനാ​യി​രി​ക്കു​ന്നു.” 17 അതുകൊണ്ട്‌ യിസ്‌ഹാ​ക്ക്‌ അവിടം വിട്ട്‌ ഗരാർ+ താഴ്‌വരയിൽ* കൂടാരം അടിച്ച്‌ അവിടെ താമസം​തു​ടങ്ങി. 18 അപ്പനായ അബ്രാ​ഹാ​മി​ന്റെ കാലത്ത്‌ അബ്രാ​ഹാ​മി​ന്റെ ദാസന്മാർ കുഴി​ച്ച​തും അബ്രാ​ഹാ​മി​ന്റെ മരണ​ശേഷം ഫെലി​സ്‌ത്യർ നികത്തി​ക്ക​ള​ഞ്ഞ​തും ആയ കിണറുകൾ+ യിസ്‌ഹാ​ക്ക്‌ വീണ്ടും കുഴിച്ചു. അപ്പൻ കൊടു​ത്തി​രുന്ന പേരു​കൾതന്നെ അവയ്‌ക്കു കൊടു​ത്തു.+

19 യിസ്‌ഹാക്കിന്റെ ദാസന്മാർ ആ താഴ്‌വരയിൽ* കുഴി​ച്ചപ്പോൾ ശുദ്ധജ​ല​മുള്ള ഒരു കിണർ കണ്ടെത്തി. 20 അപ്പോൾ ഗരാരി​ലെ ഇടയന്മാർ വന്ന്‌, “ഈ വെള്ളം ഞങ്ങളുടേ​താണ്‌” എന്നു പറഞ്ഞ്‌ യിസ്‌ഹാ​ക്കി​ന്റെ ഇടയന്മാരോ​ടു വഴക്കിട്ടു. അവർ വഴക്കി​ട്ട​തുകൊണ്ട്‌ യിസ്‌ഹാ​ക്ക്‌ ആ കിണറി​ന്‌ ഏശക്ക്‌* എന്നു പേരിട്ടു. 21 അവർ മറ്റൊരു കിണർ കുഴി​ച്ചു​തു​ട​ങ്ങി​യപ്പോൾ അതിനുവേ​ണ്ടി​യും അവർ വഴക്കിട്ടു. അതിനാൽ യിസ്‌ഹാ​ക്ക്‌ അതിനു സിത്‌ന* എന്നു പേരിട്ടു. 22 പിന്നെ അവി​ടെ​നിന്ന്‌ ദൂരെ പോയി മറ്റൊരു കിണർ കുഴിച്ചു. എന്നാൽ, അതിനു​വേണ്ടി അവർ വഴക്കു​കൂ​ടി​യില്ല. അതു​കൊണ്ട്‌, അതിനു രഹോബോത്ത്‌* എന്നു പേരിട്ടു. യിസ്‌ഹാ​ക്ക്‌ പറഞ്ഞു: “കാരണം, യഹോവ നമുക്ക്‌ ഈ ദേശത്ത്‌ വേണ്ടത്ര ഇടം നൽകു​ക​യും നമ്മളെ വർധി​പ്പി​ക്കു​ക​യും ചെയ്‌തി​രി​ക്കു​ന്നു.”+

23 പിന്നെ യിസ്‌ഹാ​ക്ക്‌ അവി​ടെ​നിന്ന്‌ ബേർ-ശേബയിലേക്കു+ പോയി. 24 ആ രാത്രി യഹോവ പ്രത്യ​ക്ഷ​നാ​യി യിസ്‌ഹാ​ക്കിനോ​ടു പറഞ്ഞു: “ഞാൻ നിന്റെ അപ്പനായ അബ്രാ​ഹാ​മി​ന്റെ ദൈവ​മാണ്‌.+ പേടി​ക്കേണ്ടാ,+ ഞാൻ നിന്റെ​കൂടെ​യുണ്ട്‌. എന്റെ ദാസനായ അബ്രാ​ഹാം നിമിത്തം ഞാൻ നിന്നെ അനു​ഗ്ര​ഹിച്ച്‌ നിന്റെ സന്തതിയെ* അനേക​മാ​യി വർധി​പ്പി​ക്കും.”+ 25 അങ്ങനെ യിസ്‌ഹാ​ക്ക്‌ അവിടെ ഒരു യാഗപീ​ഠം പണിത്‌ യഹോ​വ​യു​ടെ പേര്‌ വാഴ്‌ത്തി​സ്‌തു​തി​ച്ചു.+ അവിടെ യിസ്‌ഹാ​ക്ക്‌ കൂടാരം അടിച്ചു.+ യിസ്‌ഹാ​ക്കി​ന്റെ ദാസന്മാർ അവി​ടെ​യും ഒരു കിണർ കുഴിച്ചു.

26 പിന്നീട്‌ അബീ​മേലെക്ക്‌ ഗരാരിൽനി​ന്ന്‌, തന്റെ ഉപദേ​ഷ്ടാ​വായ അഹൂസ​ത്തിനോ​ടും സൈന്യാ​ധി​പ​നായ ഫീക്കോലിനോടും+ ഒപ്പം യിസ്‌ഹാ​ക്കി​ന്റെ അടുത്ത്‌ വന്നു. 27 അപ്പോൾ യിസ്‌ഹാ​ക്ക്‌ അവരോ​ടു ചോദി​ച്ചു: “നിങ്ങൾ എന്തിനാ​ണ്‌ എന്റെ അടുത്ത്‌ വന്നിരി​ക്കു​ന്നത്‌, നിങ്ങൾ എന്നെ വെറുത്ത്‌ നിങ്ങളു​ടെ അടുത്തു​നിന്ന്‌ ഓടി​ച്ചു​വി​ട്ട​തല്ലേ?” 28 അപ്പോൾ അവർ പറഞ്ഞു: “യഹോവ താങ്കളുടെ​കൂടെ​യുണ്ടെന്നു ഞങ്ങൾക്കു വ്യക്തമാ​യി.+ അതു​കൊണ്ട്‌ ഞങ്ങൾ പറഞ്ഞു: ‘ഇരുകൂ​ട്ടർക്കും ആണയിട്ട്‌ ഒരു ഉടമ്പടി ചെയ്യാം,+ ഒരു സമാധാ​ന​ബന്ധം സ്ഥാപി​ക്കാം. 29 നമ്മൾ നല്ലതു മാത്രം ചെയ്‌ത്‌ സമാധാ​നത്തോടെ​യാ​ണ​ല്ലോ യിസ്‌ഹാ​ക്കി​നെ പറഞ്ഞയ​ച്ചത്‌. നമ്മൾ ദ്രോ​ഹമൊ​ന്നും ചെയ്യാ​തി​രു​ന്ന​തുപോ​ലെ നമ്മളോ​ടും ദ്രോ​ഹമൊ​ന്നും ചെയ്യാ​തി​രി​ക്കാൻ നമുക്കു യിസ്‌ഹാ​ക്കു​മാ​യി ഒരു ഉടമ്പടി ചെയ്യാം. യിസ്‌ഹാ​ക്ക്‌ യഹോ​വ​യു​ടെ അനു​ഗ്രഹം ലഭിച്ച​വ​നാണ്‌.’” 30 പിന്നെ യിസ്‌ഹാ​ക്ക്‌ അവർക്ക്‌ ഒരു വിരുന്ന്‌ ഒരുക്കി. അവർ ഭക്ഷണം കഴിച്ചു. 31 പിറ്റേന്ന്‌ അതിരാ​വി​ലെ എഴു​ന്നേറ്റ്‌ അവർ പരസ്‌പരം ആണയിട്ട്‌ സത്യം ചെയ്‌തു.+ അതിനു ശേഷം യിസ്‌ഹാ​ക്ക്‌ അവരെ പറഞ്ഞയച്ചു; അവർ സമാധാ​ന​ത്തിൽ അവി​ടെ​നിന്ന്‌ പോയി.

32 ആ ദിവസം​തന്നെ യിസ്‌ഹാ​ക്കി​ന്റെ ദാസന്മാർ വന്ന്‌ അവർ കുഴിച്ച കിണറിനെ​ക്കു​റിച്ച്‌,+ “ഞങ്ങൾ വെള്ളം കണ്ടു” എന്നു പറഞ്ഞു. 33 അതിനാൽ യിസ്‌ഹാ​ക്ക്‌ അതിനു ശിബ എന്നു പേരിട്ടു. അതു​കൊ​ണ്ടാണ്‌ ആ നഗരത്തെ ഇന്നുവരെ​യും ബേർ-ശേബ+ എന്നു വിളി​ക്കു​ന്നത്‌.

34 ഏശാവിന്‌ 40 വയസ്സാ​യപ്പോൾ ഏശാവ്‌ ഹിത്യ​നായ ബയേരി​യു​ടെ മകൾ യഹൂദീ​ത്തിനെ​യും ഹിത്യ​നായ ഏലോന്റെ മകൾ ബാസമ​ത്തിനെ​യും വിവാഹം കഴിച്ചു.+ 35 യിസ്‌ഹാക്കിനും റിബെ​ക്ക​യ്‌ക്കും അവർ വലിയ മനോവേ​ദ​ന​യ്‌ക്കു കാരണ​മാ​യി​ത്തീർന്നു.+

27 യിസ്‌ഹാ​ക്ക്‌ വൃദ്ധനാ​യി. കാഴ്‌ച തീരെ മങ്ങി. ഒരു ദിവസം യിസ്‌ഹാ​ക്ക്‌ മൂത്ത മകനായ ഏശാവി​നെ അടുത്ത്‌ വിളിച്ച്‌+ പറഞ്ഞു: “എന്റെ മോനേ.” അപ്പോൾ ഏശാവ്‌, “ഞാൻ ഇതാ” എന്നു വിളി കേട്ടു. 2 അപ്പോൾ യിസ്‌ഹാ​ക്ക്‌ പറഞ്ഞു: “എനിക്ക്‌ ഒരുപാ​ടു പ്രായ​മാ​യി. ഞാൻ ഇനി എത്ര കാലം ജീവി​ച്ചി​രി​ക്കുമെന്ന്‌ എനിക്ക്‌ അറിയില്ല. 3 നീ ഇപ്പോൾ നിന്റെ ആയുധ​മായ വില്ലും ആവനാ​ഴി​യും എടുത്ത്‌ കാട്ടിൽ ചെന്ന്‌ എനിക്കു​വേണ്ടി കുറച്ച്‌ മൃഗങ്ങളെ വേട്ടയാ​ടി​പ്പി​ടി​ക്കുക.+ 4 എന്നിട്ട്‌ എനിക്ക്‌ ഇഷ്ടപ്പെട്ട രീതി​യിൽ രുചി​ക​ര​മാ​യി പാകം ചെയ്‌ത്‌ എന്റെ അടുത്ത്‌ കൊണ്ടു​വരൂ. മരിക്കു​ന്ന​തി​നു മുമ്പ്‌ അതു കഴിച്ച്‌ ഞാൻ നിന്നെ അനു​ഗ്ര​ഹി​ക്കട്ടെ.”

5 പക്ഷേ യിസ്‌ഹാ​ക്ക്‌ ഏശാവിനോ​ടു സംസാ​രി​ക്കു​ന്നതു റിബെക്ക കേൾക്കു​ന്നു​ണ്ടാ​യി​രു​ന്നു. മൃഗത്തെ വേട്ടയാ​ടിക്കൊ​ണ്ടു​വ​രാൻ ഏശാവ്‌ കാട്ടി​ലേക്കു പോയപ്പോൾ+ 6 റിബെക്ക തന്റെ മകൻ യാക്കോ​ബിനോ​ടു പറഞ്ഞു:+ “നിന്റെ അപ്പൻ നിന്റെ ചേട്ടൻ ഏശാവി​നോ​ട്‌, 7 ‘എനിക്കു​വേണ്ടി കുറച്ച്‌ വേട്ടയി​റച്ചി കൊണ്ടു​വന്ന്‌ രുചി​ക​ര​മാ​യി ഭക്ഷണം ഉണ്ടാക്കുക; മരിക്കു​ന്ന​തി​നു മുമ്പ്‌ ഞാൻ അതു കഴിച്ച്‌ യഹോ​വ​യു​ടെ മുമ്പാകെ നിന്നെ അനു​ഗ്ര​ഹി​ക്കട്ടെ’+ എന്നു പറയു​ന്നതു ഞാൻ കേട്ടു. 8 അതുകൊണ്ട്‌ മോനേ, ഞാൻ പറയു​ന്നതു ശ്രദ്ധി​ച്ചുകേട്ട്‌ അതു​പോ​ലെ ചെയ്യുക.+ 9 നീ പോയി ആട്ടിൻപ​റ്റ​ത്തിൽനിന്ന്‌ നല്ല രണ്ട്‌ ആട്ടിൻകു​ട്ടി​കളെ പിടി​ച്ചുകൊ​ണ്ടു​വ​രുക. ഞാൻ അവയെ നിന്റെ അപ്പന്‌ ഇഷ്ടപ്പെട്ട രീതി​യിൽ രുചി​ക​ര​മാ​യി പാകം ചെയ്യാം. 10 നീ അതുമാ​യി അപ്പന്റെ അടുത്ത്‌ ചെല്ലണം. മരിക്കു​ന്ന​തി​നു മുമ്പ്‌ അപ്പൻ അതു കഴിച്ച്‌ നിന്നെ അനു​ഗ്ര​ഹി​ക്കട്ടെ.”

11 പക്ഷേ യാക്കോ​ബ്‌ അമ്മയായ റിബെ​ക്കയോ​ടു പറഞ്ഞു: “എന്റെ സഹോ​ദരൻ ഏശാവ്‌ ദേഹം മുഴുവൻ രോമ​മു​ള്ള​വ​നാണ്‌.+ പക്ഷേ ഞാൻ അങ്ങനെയല്ല. 12 അപ്പൻ എന്നെ തൊട്ടുനോ​ക്കി​യാ​ലോ?+ ഞാൻ അപ്പനെ കളിയാ​ക്കാൻ ശ്രമി​ക്കു​ക​യാണെന്നു മനസ്സി​ലാ​യാൽ അനു​ഗ്ര​ഹമല്ല, ശാപമാ​യി​രി​ക്കും എനിക്കു കിട്ടാൻപോ​കു​ന്നത്‌.” 13 അപ്പോൾ അമ്മ അവനോ​ടു പറഞ്ഞു: “മോനേ, നിനക്കുള്ള ശാപം എന്റെ മേൽ വന്നു​കൊ​ള്ളട്ടെ. ഞാൻ പറയു​ന്ന​തുപോ​ലെ ചെയ്യുക.+ നീ പോയി ആടുകളെ പിടി​ച്ചുകൊ​ണ്ടു​വരൂ.” 14 അങ്ങനെ യാക്കോ​ബ്‌ ചെന്ന്‌ അവയെ പിടിച്ച്‌ അമ്മയുടെ അടുത്ത്‌ കൊണ്ടു​വന്നു. യിസ്‌ഹാ​ക്കിന്‌ ഇഷ്ടപ്പെട്ട രീതി​യിൽ റിബെക്ക രുചി​ക​ര​മാ​യി ഭക്ഷണം തയ്യാറാ​ക്കി. 15 അതിനു ശേഷം റിബെക്ക ചെന്ന്‌ മൂത്ത മകൻ ഏശാവി​ന്റെ മേത്തര​മായ വസ്‌ത്രം എടുത്ത്‌ ഇളയ മകൻ യാക്കോബിനെ+ ധരിപ്പി​ച്ചു. 16 റിബെക്ക യാക്കോ​ബി​ന്റെ കൈയും കഴുത്തി​ലെ രോമ​മി​ല്ലാത്ത ഭാഗവും ആ ആട്ടിൻകു​ട്ടി​ക​ളു​ടെ തോലു​കൊ​ണ്ട്‌ പൊതി​ഞ്ഞു.+ 17 പിന്നെ, താൻ പാകം ചെയ്‌ത രുചി​ക​ര​മായ അപ്പവും ഇറച്ചി​യും യാക്കോ​ബി​ന്റെ കൈയിൽ ഏൽപ്പിച്ചു.+

18 അങ്ങനെ യാക്കോ​ബ്‌ അപ്പന്റെ അടുത്ത്‌ ചെന്ന്‌ “എന്റെ അപ്പാ” എന്നു വിളിച്ചു. അതിന്‌ യിസ്‌ഹാ​ക്ക്‌, “കയറി​വരൂ മോനേ! നീ ആരാണ്‌” എന്നു ചോദി​ച്ചു. 19 യാക്കോബ്‌ അപ്പനോ​ടു പറഞ്ഞു: “ഞാൻ മൂത്ത മകൻ+ ഏശാവാ​ണ്‌. എന്നോടു പറഞ്ഞതുപോലെ​തന്നെ ഞാൻ ചെയ്‌തു. എഴു​ന്നേ​റ്റി​രുന്ന്‌ ഞാൻ കൊണ്ടു​വന്ന വേട്ടയി​റച്ചി കഴിച്ച്‌ എന്നെ അനു​ഗ്ര​ഹി​ച്ചാ​ലും.”+ 20 അപ്പോൾ യിസ്‌ഹാ​ക്ക്‌, “മോനേ, നിനക്ക്‌ എങ്ങനെ​യാണ്‌ ഇത്ര പെട്ടെന്ന്‌ ഇതു കിട്ടി​യത്‌” എന്നു ചോദി​ച്ചു. അതിന്‌ യാക്കോ​ബ്‌, “അപ്പന്റെ ദൈവ​മായ യഹോവ അതിനെ എന്റെ മുന്നിൽ കൊണ്ടു​വന്ന്‌ തന്നു” എന്നു പറഞ്ഞു. 21 അപ്പോൾ യിസ്‌ഹാ​ക്ക്‌ യാക്കോ​ബിനോ​ടു പറഞ്ഞു: “മോനേ, നീ എന്റെ മകൻ ഏശാവു​തന്നെ​യാ​ണോ എന്ന്‌ അറിയാൻ ഞാൻ നിന്നെ തൊട്ടുനോ​ക്കട്ടെ;+ എന്റെ അടു​ത്തേക്കു വരൂ.” 22 യാക്കോബ്‌ യിസ്‌ഹാ​ക്കി​ന്റെ അടുത്ത്‌ ചെന്നു. തൊട്ടുനോ​ക്കി​യശേഷം യിസ്‌ഹാ​ക്ക്‌ പറഞ്ഞു: “ശബ്ദം യാക്കോ​ബിന്റേ​താണ്‌, പക്ഷേ കൈകൾ ഏശാവിന്റേ​തും.”+ 23 ഏശാവിന്റേതുപോലെ യാക്കോ​ബി​ന്റെ കൈക​ളിൽ നിറയെ രോമ​മു​ണ്ടാ​യി​രു​ന്ന​തി​നാൽ യിസ്‌ഹാ​ക്ക്‌ യാക്കോ​ബി​നെ തിരി​ച്ച​റി​ഞ്ഞില്ല. അതു​കൊണ്ട്‌ യിസ്‌ഹാ​ക്ക്‌ യാക്കോ​ബി​നെ അനു​ഗ്ര​ഹി​ച്ചു.+

24 അതിനു ശേഷം യിസ്‌ഹാ​ക്ക്‌ ചോദി​ച്ചു: “നീ എന്റെ മകൻ ഏശാവു​തന്നെ​യാ​ണോ?” “അതെ” എന്നു യാക്കോ​ബ്‌ പറഞ്ഞു. 25 അപ്പോൾ യിസ്‌ഹാ​ക്ക്‌ പറഞ്ഞു: “മോനേ, എനിക്കു കഴിക്കാൻ ആ വേട്ടയി​റ​ച്ചി​യിൽ കുറച്ച്‌ കൊണ്ടു​വരൂ. അതു കഴിച്ച്‌ ഞാൻ നിന്നെ അനു​ഗ്ര​ഹി​ക്കട്ടെ.” യാക്കോ​ബ്‌ അത്‌ അടുത്ത്‌ കൊണ്ടു​ചെന്നു, യിസ്‌ഹാ​ക്ക്‌ കഴിച്ചു. യാക്കോ​ബ്‌ കൊണ്ടു​വന്ന വീഞ്ഞും യിസ്‌ഹാ​ക്ക്‌ കുടിച്ചു. 26 പിന്നെ യിസ്‌ഹാ​ക്ക്‌, “മോനേ, അടുത്ത്‌ വന്ന്‌ എനിക്ക്‌ ഉമ്മ തരൂ”+ എന്നു പറഞ്ഞു. 27 അങ്ങനെ യാക്കോ​ബ്‌ അടുത്ത്‌ ചെന്ന്‌ യിസ്‌ഹാ​ക്കി​നെ ചുംബി​ച്ചു. യാക്കോ​ബ്‌ ഇട്ടിരുന്ന വസ്‌ത്ര​ത്തി​ന്റെ ഗന്ധം+ യിസ്‌ഹാ​ക്ക്‌ മണത്തു. അപ്പോൾ യിസ്‌ഹാ​ക്ക്‌ യാക്കോ​ബി​നെ ഇങ്ങനെ അനു​ഗ്ര​ഹി​ച്ചു:

“ഇതാ, എന്റെ മകന്റെ ഗന്ധം യഹോവ അനു​ഗ്ര​ഹി​ച്ചി​രി​ക്കുന്ന നിലത്തി​ന്റെ ഗന്ധം​പോ​ലെ. 28 സത്യദൈവം ആകാശ​ത്തി​ലെ മഞ്ഞും+ ഭൂമി​യി​ലെ ഫലപു​ഷ്ടി​യുള്ള മണ്ണും+ ധാന്യ​സ​മൃ​ദ്ധി​യും പുതുവീഞ്ഞും+ നിനക്കു നൽകട്ടെ. 29 ജനങ്ങൾ നിന്നെ സേവി​ക്കട്ടെ, ജനതകൾ നിന്നെ നമസ്‌ക​രി​ക്കട്ടെ. നീ നിന്റെ സഹോ​ദ​ര​ന്മാ​രു​ടെ യജമാ​ന​നാ​കട്ടെ. നിന്റെ അമ്മയുടെ പുത്ര​ന്മാർ നിന്നെ വണങ്ങട്ടെ.+ നിന്നെ ശപിക്കുന്ന എല്ലാവ​രും ശപിക്കപ്പെ​ടട്ടെ, നിന്നെ അനു​ഗ്ര​ഹി​ക്കുന്ന എല്ലാവ​രും അനു​ഗ്ര​ഹി​ക്കപ്പെ​ടട്ടെ.”+

30 യിസ്‌ഹാക്ക്‌ അനു​ഗ്ര​ഹി​ച്ചു​ക​ഴി​ഞ്ഞപ്പോൾ യാക്കോ​ബ്‌ യിസ്‌ഹാ​ക്കി​ന്റെ അടുത്തു​നിന്ന്‌ പോയി. അധികം വൈകാ​തെ, യാക്കോ​ബി​ന്റെ സഹോ​ദ​ര​നായ ഏശാവ്‌ വേട്ട കഴിഞ്ഞ്‌ തിരി​ച്ചെത്തി.+ 31 ഏശാവും രുചി​ക​ര​മാ​യി ഭക്ഷണം തയ്യാറാ​ക്കി അപ്പന്റെ അടുത്ത്‌ കൊണ്ടു​ചെന്നു. അപ്പനോ​ട്‌, “അപ്പൻ എഴു​ന്നേറ്റ്‌ ഈ മകന്റെ വേട്ടയി​റച്ചി കഴിച്ച്‌ എന്നെ അനു​ഗ്ര​ഹി​ച്ചാ​ലും” എന്നു പറഞ്ഞു. 32 അപ്പോൾ യിസ്‌ഹാ​ക്ക്‌ ഏശാവി​നോ​ട്‌, “നീ ആരാണ്‌” എന്നു ചോദി​ച്ചു. “ഞാൻ മൂത്ത മകൻ ഏശാവാണ്‌+ അപ്പാ” എന്ന്‌ ഏശാവ്‌ പറഞ്ഞു. 33 അതു കേട്ട​പ്പോൾ യിസ്‌ഹാ​ക്ക്‌ ഭയങ്കര​മാ​യി വിറയ്‌ക്കാൻതു​ടങ്ങി. യിസ്‌ഹാ​ക്ക്‌ പറഞ്ഞു: “അപ്പോൾ, ആരാണു വേട്ടയാ​ടി എനിക്ക്‌ ഇറച്ചി കൊണ്ടു​വന്ന്‌ തന്നത്‌! നീ വരുന്ന​തി​നു മുമ്പേ ഞാൻ അതു തിന്ന്‌ അവനെ അനു​ഗ്ര​ഹി​ച്ചുപോ​യ​ല്ലോ—അവന്‌ അനു​ഗ്രഹം ലഭിക്കു​ക​തന്നെ ചെയ്യും!”

34 അപ്പന്റെ വാക്കുകൾ കേട്ട്‌ ഏശാവ്‌ ഉറക്കെ കരയാൻതു​ടങ്ങി. ഏശാവ്‌ വളരെ ദുഃഖത്തോ​ടെ അപ്പനോ​ട്‌, “അപ്പാ, എന്നെ, എന്നെയും​കൂ​ടി അനു​ഗ്ര​ഹി​ക്കണേ” എന്നു പറഞ്ഞു.+ 35 പക്ഷേ യിസ്‌ഹാ​ക്ക്‌ പറഞ്ഞു: “നിന്റെ അനിയൻ തന്ത്രപൂർവം വന്ന്‌ നിനക്കുള്ള അനു​ഗ്രഹം തട്ടി​യെ​ടു​ത്തു.” 36 അപ്പോൾ ഏശാവ്‌ പറഞ്ഞു: “വെറുതേ​യാ​ണോ അവനു യാക്കോബ്‌* എന്നു പേരി​ട്ടി​രി​ക്കു​ന്നത്‌; ഈ രണ്ടു പ്രാവ​ശ്യ​വും അവൻ എന്റെ സ്ഥാനം തട്ടി​യെ​ടു​ത്തി​ല്ലേ?+ എന്റെ ജന്മാവ​കാ​ശം അവൻ കൈക്ക​ലാ​ക്കി.+ ഇപ്പോൾ ഇതാ, എനിക്കുള്ള അനു​ഗ്ര​ഹ​വും അവൻ തട്ടി​യെ​ടു​ത്തി​രി​ക്കു​ന്നു!”+ തുടർന്ന്‌ ഏശാവ്‌, “എനിക്കു​വേണ്ടി ഒരു അനു​ഗ്ര​ഹ​വും ബാക്കി വെച്ചി​ട്ടി​ല്ലേ അപ്പാ” എന്നു ചോദി​ച്ചു. 37 യിസ്‌ഹാക്ക്‌ ഏശാവിനോ​ടു പറഞ്ഞു: “ഞാൻ അവനെ നിന്റെ യജമാ​ന​നാ​ക്കി.+ അവന്റെ സഹോ​ദ​ര​ന്മാരെയെ​ല്ലാം ഞാൻ അവനു ദാസന്മാ​രാ​യി കൊടു​ക്കു​ക​യും ചെയ്‌തു. അവനു ഞാൻ ധാന്യ​വും പുതു​വീ​ഞ്ഞും നൽകി.+ എന്റെ മോനേ, ഇനി നിനക്കു തരാൻ എന്റെ പക്കൽ എന്താണു​ള്ളത്‌?”

38 അപ്പോൾ ഏശാവ്‌ അപ്പനോ​ട്‌, “അപ്പാ, അപ്പന്റെ പക്കൽ ഒരു അനു​ഗ്രഹം മാത്രമേ ഉള്ളോ? അപ്പാ, എന്നെ, എന്നെയും​കൂ​ടി അനു​ഗ്ര​ഹി​ക്കണേ” എന്നു പറഞ്ഞ്‌ പൊട്ടി​ക്ക​രഞ്ഞു.+ 39 അപ്പോൾ യിസ്‌ഹാ​ക്ക്‌ അവനോ​ടു പറഞ്ഞു:

“ഫലപു​ഷ്ടി​യുള്ള മണ്ണിൽനി​ന്ന്‌ അകലെ​യാ​യി​രി​ക്കും നിന്റെ താമസം. മീതെ ആകാശ​ത്തു​നി​ന്നുള്ള മഞ്ഞിൽനി​ന്ന്‌ ദൂരെ മാറി നീ താമസി​ക്കും.+ 40 നീ നിന്റെ വാളു​കൊ​ണ്ട്‌ ജീവി​ക്കും;+ നീ നിന്റെ സഹോ​ദ​രനെ സേവി​ക്കും.+ എന്നാൽ, നിന്റെ അസ്വസ്ഥത വർധി​ക്കുമ്പോൾ നിന്റെ കഴുത്തി​ലുള്ള അവന്റെ നുകം നീ തകർത്തെ​റി​യും.”+

41 എന്നാൽ യാക്കോ​ബിന്‌ അപ്പൻ നൽകിയ അനു​ഗ്രഹം കാരണം ഏശാവ്‌ യാക്കോ​ബിനോ​ടു വൈരാ​ഗ്യം വെച്ചുകൊ​ണ്ടി​രു​ന്നു.+ ഏശാവ്‌ ഇങ്ങനെ മനസ്സിൽ പറഞ്ഞു: “എന്റെ അപ്പനെ ഓർത്ത്‌ വിലപി​ക്കേണ്ട കാലം അടുത്തു​വ​രു​ന്നു.+ അതു കഴിഞ്ഞ്‌ ഞാൻ എന്റെ അനിയ​നായ യാക്കോ​ബി​നെ കൊല്ലും.” 42 മൂത്ത മകനായ ഏശാവി​ന്റെ വാക്കുകൾ റിബെ​ക്ക​യു​ടെ ചെവി​യിലെത്തി. അപ്പോൾത്തന്നെ റിബെക്ക ആളയച്ച്‌ ഇളയ മകൻ യാക്കോ​ബി​നെ വരുത്തി​യിട്ട്‌ പറഞ്ഞു: “ഇതാ, നിന്റെ ചേട്ടൻ ഏശാവ്‌ നിന്നെ കൊന്ന്‌ പ്രതി​കാ​രം ചെയ്യാൻ പദ്ധതി​യി​ടു​ന്നു.* 43 അതുകൊണ്ട്‌ മോനേ, ഞാൻ പറയു​ന്ന​തുപോ​ലെ ചെയ്യൂ. നീ എഴു​ന്നേറ്റ്‌ ഹാരാ​നി​ലുള്ള എന്റെ ആങ്ങള ലാബാന്റെ അടു​ത്തേക്ക്‌ ഓടിപ്പോ​കുക.+ 44 നിന്റെ ചേട്ടന്റെ ദേഷ്യമൊ​ന്നു ശമിക്കു​ന്ന​തു​വരെ കുറച്ച്‌ കാലം നീ ലാബാന്റെ​കൂ​ടെ താമസി​ക്കണം. 45 നിന്റെ ചേട്ടനു നിന്നോ​ടുള്ള ദേഷ്യം അടങ്ങു​ക​യും നീ അവനോ​ടു ചെയ്‌തത്‌ അവൻ മറക്കു​ക​യും ചെയ്യു​മ്പോൾ ഞാൻ ആളയച്ച്‌ നിന്നെ വരുത്തിക്കൊ​ള്ളാം. ഒരേ ദിവസം​തന്നെ നിങ്ങൾ രണ്ടു പേരെ​യും എനിക്കു നഷ്ടമാ​ക​രു​ത​ല്ലോ.”

46 പിന്നെ റിബെക്ക യിസ്‌ഹാ​ക്കിനോട്‌ ഇങ്ങനെ പറയാൻതു​ടങ്ങി: “ഹേത്തിന്റെ പുത്രി​മാർ കാരണം എനിക്കു ജീവിതം മടുത്തു.+ ഹേത്തിന്റെ മക്കളിൽനി​ന്ന്‌, ഈ ദേശക്കാ​രായ ഇവരെപ്പോ​ലുള്ള ഒരുത്തി​യെ യാക്കോ​ബും വിവാഹം കഴിച്ചാൽ,+ പിന്നെ ഞാൻ എന്തിനു ജീവി​ക്കണം?”

28 അങ്ങനെ യിസ്‌ഹാ​ക്ക്‌ യാക്കോ​ബി​നെ വിളിച്ച്‌ അനു​ഗ്ര​ഹിച്ച്‌ ഇങ്ങനെ കല്‌പി​ച്ചു: “നീ കനാന്യ​പുത്രി​മാ​രെ വിവാഹം കഴിക്ക​രുത്‌.+ 2 പകരം പദ്ദൻ-അരാമിൽ, നിന്റെ അമ്മയുടെ അപ്പനായ ബഥൂ​വേ​ലി​ന്റെ വീട്ടിൽ ചെന്ന്‌ നിന്റെ അമ്മയുടെ ആങ്ങളയായ ലാബാന്റെ പെൺമക്കളിൽ+ ഒരാളെ വിവാഹം കഴിക്കണം. 3 സർവശക്തനായ ദൈവം നിന്നെ അനു​ഗ്ര​ഹിച്ച്‌ നിന്നെ സന്താന​സ​മൃ​ദ്ധി​യു​ള്ള​വ​നാ​ക്കി വർധി​പ്പി​ക്കും; നീ ജനതക​ളു​ടെ ഒരു സഭയാ​യി​ത്തീ​രും.+ 4 അബ്രാഹാമിനോടു വാഗ്‌ദാ​നം ചെയ്‌ത അനുഗ്രഹങ്ങൾ+ ദൈവം നിനക്കും നിന്റെ സന്തതിക്കും* തരും. അങ്ങനെ നീ പരദേ​ശി​യാ​യി താമസി​ക്കുന്ന ദേശം, ദൈവം അബ്രാ​ഹാ​മി​നു നൽകിയ ഈ ദേശം,+ നീ അവകാ​ശ​മാ​ക്കും.”

5 അങ്ങനെ യിസ്‌ഹാ​ക്ക്‌ യാക്കോ​ബി​നെ പറഞ്ഞയച്ചു. യാക്കോ​ബ്‌ പദ്ദൻ-അരാമിൽ അരാമ്യ​നായ ബഥൂ​വേ​ലി​ന്റെ മകൻ ലാബാന്റെ+ അടു​ത്തേക്ക്‌, അതായത്‌ യാക്കോ​ബിന്റെ​യും ഏശാവിന്റെ​യും അമ്മ റിബെ​ക്ക​യു​ടെ ആങ്ങളയുടെ+ അടു​ത്തേക്ക്‌, യാത്ര​യാ​യി.

6 യിസ്‌ഹാക്ക്‌ യാക്കോ​ബി​നെ അനു​ഗ്ര​ഹിച്ച്‌ പദ്ദൻ-അരാമി​ലേക്കു പറഞ്ഞയച്ചെ​ന്നും അവി​ടെ​നിന്ന്‌ ഒരു പെൺകു​ട്ടി​യെ വിവാഹം കഴിക്കാൻ നിർദേ​ശിച്ചെ​ന്നും ഏശാവ്‌ കേട്ടു. മാത്രമല്ല, യാക്കോ​ബി​നെ അനു​ഗ്ര​ഹി​ച്ചപ്പോൾ, “കനാന്യ​പുത്രി​മാ​രെ വിവാഹം കഴിക്ക​രുത്‌” എന്നു കല്‌പി​ച്ച​തും,+ 7 മാതാപിതാക്കൾ പറഞ്ഞത്‌ അനുസ​രിച്ച്‌ യാക്കോ​ബ്‌ പദ്ദൻ-അരാമി​ലേക്കു പോയതും+ ഏശാവ്‌ അറിഞ്ഞു. 8 കനാന്യപുത്രിമാരെ തന്റെ അപ്പനായ യിസ്‌ഹാ​ക്കിന്‌ ഇഷ്ടമല്ലെന്ന്‌+ അപ്പോൾ ഏശാവി​നു മനസ്സി​ലാ​യി. 9 അതുകൊണ്ട്‌ ഏശാവ്‌ യിശ്‌മായേ​ല്യ​രു​ടെ അടുത്ത്‌ ചെന്ന്‌, തന്റെ മറ്റു ഭാര്യ​മാർക്കു പുറമേ, അബ്രാ​ഹാ​മി​ന്റെ മകനായ യിശ്‌മായേ​ലി​ന്റെ മകൾ മഹലത്തിനെ​യും വിവാഹം കഴിച്ചു. നെബായോ​ത്തി​ന്റെ പെങ്ങളാ​ണു മഹലത്ത്‌.+

10 യാക്കോബ്‌ ബേർ-ശേബയിൽനി​ന്ന്‌ പുറ​പ്പെട്ട്‌ ഹാരാ​നിലേക്കു പോയി.+ 11 യാത്രയ്‌ക്കിടെ ഒരു സ്ഥലത്ത്‌ എത്തിയ​പ്പോൾ സൂര്യൻ അസ്‌ത​മി​ച്ചി​രു​ന്ന​തുകൊണ്ട്‌ അവിടെ രാത്രി​ക​ഴി​യാ​നുള്ള ഒരുക്കങ്ങൾ നടത്തി. യാക്കോ​ബ്‌ ഒരു കല്ല്‌ എടുത്ത്‌ അതിൽ തല വെച്ച്‌ അവിടെ കിടന്നു.+ 12 അപ്പോൾ ഒരു സ്വപ്‌നം കണ്ടു. അതാ, ഭൂമി​യിൽനിന്ന്‌ പണിതു​യർത്തി​യി​രി​ക്കുന്ന ഒരു ഗോവണി! അതിന്റെ അറ്റം സ്വർഗത്തോ​ളം എത്തിയി​രു​ന്നു. അതിലൂ​ടെ ദൈവ​ദൂ​ത​ന്മാർ കയറു​ക​യും ഇറങ്ങു​ക​യും ചെയ്യുന്നു!+ 13 അതിനു മുകളിൽ ദൈവ​മായ യഹോ​വ​യു​ണ്ടാ​യി​രു​ന്നു. ദൈവം ഇങ്ങനെ പറഞ്ഞു:

“നിന്റെ അപ്പനായ അബ്രാ​ഹാ​മി​ന്റെ ദൈവ​വും യിസ്‌ഹാ​ക്കി​ന്റെ ദൈവ​വും ആയ യഹോ​വ​യാ​ണു ഞാൻ.+ ഈ ദേശവും നീ കിടക്കുന്ന ഈ സ്ഥലവും ഞാൻ നിനക്കും നിന്റെ സന്തതിക്കും* നൽകും.+ 14 നിന്റെ സന്തതി* ഉറപ്പാ​യും ഭൂമി​യി​ലെ പൊടിപോ​ലെ അസംഖ്യ​മാ​കും;+ നിന്റെ മക്കൾ പടിഞ്ഞാറോ​ട്ടും കിഴ​ക്കോ​ട്ടും വടക്കോ​ട്ടും തെക്കോ​ട്ടും വ്യാപി​ക്കും. നീയും നിന്റെ സന്തതിയും* മുഖാ​ന്തരം ഭൂമി​യി​ലെ കുടും​ബ​ങ്ങളെ​ല്ലാം അനു​ഗ്രഹം നേടും.*+ 15 ഞാൻ നിന്നോ​ടു​കൂടെ​യുണ്ട്‌. നീ എവിടെ പോയാ​ലും ഞാൻ നിന്നെ സംരക്ഷി​ച്ച്‌ ഈ ദേശ​ത്തേക്കു മടക്കി​വ​രു​ത്തും.+ വാഗ്‌ദാ​നം ചെയ്‌തതു നിവർത്തി​ക്കു​ന്ന​തു​വരെ ഞാൻ നിന്റെ​കൂടെ​യു​ണ്ടാ​യി​രി​ക്കും.”+

16 അപ്പോൾ യാക്കോ​ബ്‌ ഉറക്കമു​ണർന്നു. “സത്യമാ​യും യഹോവ ഈ സ്ഥലത്തുണ്ട്‌; എന്നാൽ ഞാൻ അത്‌ അറിഞ്ഞില്ല” എന്നു പറഞ്ഞു. 17 ഭയന്നുപോയ യാക്കോ​ബ്‌ ഇങ്ങനെ​യും പറഞ്ഞു: “എത്ര ഭയാന​ക​മാണ്‌ ഈ സ്ഥലം! ഇതു ദൈവ​ത്തി​ന്റെ ഭവനമ​ല്ലാ​തെ മറ്റൊ​ന്നു​മല്ല.+ ഇതു സ്വർഗ​ത്തി​ന്റെ കവാടം​തന്നെ!”+ 18 യാക്കോബ്‌ അതിരാ​വി​ലെ എഴു​ന്നേറ്റ്‌ താൻ തല വെച്ച്‌ ഉറങ്ങിയ കല്ല്‌ എടുത്ത്‌ തൂണായി നാട്ടി, അതിനു മുകളിൽ എണ്ണ ഒഴിച്ചു.+ 19 യാക്കോബ്‌ ആ സ്ഥലത്തിനു ബഥേൽ* എന്നു പേരിട്ടു. അതിനു മുമ്പ്‌ ആ നഗരത്തി​ന്റെ പേര്‌ ലുസ്‌ എന്നായി​രു​ന്നു.+

20 യാക്കോബ്‌ ഒരു നേർച്ച നേർന്ന്‌ ഇങ്ങനെ പറഞ്ഞു: “ദൈവം ഇനിയും എന്നോടൊ​പ്പം ഇരുന്ന്‌ എന്റെ യാത്ര​യിൽ എന്നെ സംരക്ഷി​ക്കു​ക​യും കഴിക്കാൻ അപ്പവും ധരിക്കാൻ വസ്‌ത്ര​വും തരുക​യും, 21 അങ്ങനെ ഞാൻ എന്റെ അപ്പന്റെ വീട്ടിൽ സമാധാ​നത്തോ​ടെ തിരിച്ചെ​ത്തു​ക​യും ചെയ്‌താൽ യഹോവ എന്റെ ദൈവ​മാണെ​ന്ന​തിന്‌ അതു തെളി​വാ​യി​രി​ക്കും. 22 ഞാൻ തൂണായി നാട്ടിയ ഈ കല്ല്‌ ദൈവ​ത്തി​ന്റെ ഒരു ഭവനമാ​കും.+ എനിക്കു തരുന്ന എല്ലാത്തിന്റെ​യും പത്തി​ലൊ​ന്നു ഞാൻ മുടങ്ങാ​തെ അങ്ങയ്‌ക്കു തരും.”

29 അതിനു ശേഷം യാക്കോ​ബ്‌ യാത്ര ചെയ്‌ത്‌ കിഴക്കു​ള്ള​വ​രു​ടെ ദേശത്ത്‌ എത്തി. 2 അവിടെ മേച്ചിൽപ്പു​റത്ത്‌ ഒരു കിണർ കണ്ടു. അതിന്‌ അടുത്ത്‌ മൂന്നു കൂട്ടങ്ങ​ളാ​യി ആടുകൾ കിടക്കു​ന്നു​ണ്ടാ​യി​രു​ന്നു. ആ കിണറിൽനി​ന്നാണ്‌ അവർ അവയ്‌ക്കു വെള്ളം കൊടു​ത്തി​രു​ന്നത്‌. കിണറി​ന്റെ വായ്‌ വലി​യൊ​രു കല്ലു​കൊണ്ട്‌ മൂടി​യി​രു​ന്നു. 3 ആട്ടിൻപറ്റങ്ങളെല്ലാം വന്നുക​ഴി​ഞ്ഞാൽ അവർ കിണറി​ന്റെ വായ്‌ക്കൽനി​ന്ന്‌ കല്ല്‌ ഉരുട്ടി​മാ​റ്റി ആടുകൾക്കു വെള്ളം കൊടു​ക്കും. അതിനു ശേഷം അവർ ആ കല്ല്‌ തിരികെ കിണറി​ന്റെ വായ്‌ക്കൽ വെക്കു​മാ​യി​രു​ന്നു.

4 യാക്കോബ്‌ അവരോ​ട്‌, “സഹോ​ദ​ര​ന്മാ​രേ, നിങ്ങൾ എവി​ടെ​നി​ന്നു​ള്ള​വ​രാണ്‌” എന്നു ചോദി​ച്ചു. “ഞങ്ങൾ ഹാരാ​നിൽനി​ന്നു​ള്ള​വ​രാണ്‌”+ എന്ന്‌ അവർ മറുപടി പറഞ്ഞു. 5 “നിങ്ങൾക്കു നാഹോരിന്റെ+ കൊച്ചു​മ​ക​നായ ലാബാനെ+ അറിയാ​മോ” എന്നു യാക്കോ​ബ്‌ ചോദി​ച്ചു. “ഞങ്ങൾക്ക്‌ അറിയാം” എന്ന്‌ അവർ പറഞ്ഞു. 6 “ലാബാൻ സുഖമാ​യി​രി​ക്കു​ന്നോ” എന്നു യാക്കോ​ബ്‌ അവരോ​ടു ചോദി​ച്ചു. അവർ പറഞ്ഞു: “സുഖമാ​യി​രി​ക്കു​ന്നു. ലാബാന്റെ മകൾ റാഹേൽ+ അതാ, ആടുക​ളു​മാ​യി വരുന്നു!” 7 യാക്കോബ്‌ പറഞ്ഞു: “ഉച്ചയാ​യ​തല്ലേ ഉള്ളൂ, ആട്ടിൻപ​റ്റ​ങ്ങളെ കൂട്ടി​ച്ചേർക്കാൻ സമയമാ​യി​ട്ടി​ല്ല​ല്ലോ. ആടുകൾക്കു വെള്ളം കൊടു​ത്തിട്ട്‌ അവയെ കൊണ്ടുപോ​യി മേയ്‌ച്ചുകൊ​ള്ളൂ.” 8 അപ്പോൾ അവർ പറഞ്ഞു: “എല്ലാ കൂട്ടങ്ങ​ളും വന്നശേ​ഷമേ കിണറി​ന്റെ വായ്‌ക്കൽനി​ന്ന്‌ കല്ല്‌ ഉരുട്ടി മാറ്റി ആടുകൾക്കു വെള്ളം കൊടു​ക്കാ​നാ​കൂ. അതുവരെ ഞങ്ങൾക്ക്‌ അതിന്‌ അനുവാ​ദ​മില്ല.”

9 യാക്കോബ്‌ അവരോ​ടു സംസാ​രി​ച്ചുകൊ​ണ്ടി​രി​ക്കുമ്പോൾ റാഹേൽ അപ്പന്റെ ആടുക​ളു​മാ​യി വന്നു. ഒരു ഇടയസ്‌ത്രീ​യാ​യി​രു​ന്നു റാഹേൽ. 10 ലാബാന്റെ മകൾ റാഹേൽ ആടുക​ളു​മാ​യി വരുന്നതു കണ്ട ഉടനെ യാക്കോ​ബ്‌ ഓടി​ച്ചെന്ന്‌ കിണറി​ന്റെ വായ്‌ക്ക​ലു​ണ്ടാ​യി​രുന്ന കല്ല്‌ ഉരുട്ടി​മാ​റ്റി ലാബാന്റെ ആടുകൾക്കു വെള്ളം കൊടു​ത്തു. 11 പിന്നെ യാക്കോ​ബ്‌ റാഹേ​ലി​നെ ചുംബി​ച്ച്‌ പൊട്ടി​ക്ക​രഞ്ഞു. 12 താൻ റാഹേ​ലി​ന്റെ അപ്പന്റെ ബന്ധുവാണെന്നും* റിബെ​ക്ക​യു​ടെ മകനാണെ​ന്നും റാഹേ​ലിനോ​ടു പറഞ്ഞു. അതു കേട്ട​പ്പോൾ റാഹേൽ ഓടി​ച്ചെന്ന്‌ അപ്പനെ വിവരം അറിയി​ച്ചു.

13 പെങ്ങളുടെ മകനായ യാക്കോ​ബിനെ​ക്കു​റിച്ച്‌ കേട്ട ഉടൻ യാക്കോ​ബി​നെ സ്വീക​രി​ക്കാൻ ലാബാൻ+ ഓടി​ച്ചെന്നു. യാക്കോ​ബി​നെ കെട്ടി​പ്പി​ടിച്ച്‌ ചുംബി​ച്ചിട്ട്‌ വീട്ടി​ലേക്കു കൊണ്ടു​വന്നു. സംഭവി​ച്ചതെ​ല്ലാം യാക്കോ​ബ്‌ വിവരി​ച്ചു. 14 അപ്പോൾ ലാബാൻ പറഞ്ഞു: “നീ എന്റെ അസ്ഥിയും മാംസവും* ആണ്‌.” അങ്ങനെ ഒരു മാസം മുഴുവൻ യാക്കോ​ബ്‌ അവിടെ താമസി​ച്ചു.

15 പിന്നെ ലാബാൻ യാക്കോ​ബിനോ​ടു പറഞ്ഞു: “എന്റെ ബന്ധുവാണെന്നു*+ കരുതി നീ വെറുതേ എന്നെ സേവിക്കേ​ണ്ട​തു​ണ്ടോ? പറയൂ, നിനക്ക്‌ എന്തു പ്രതി​ഫലം വേണം?”+ 16 ലാബാനു രണ്ടു പെൺമ​ക്ക​ളു​ണ്ടാ​യി​രു​ന്നു: മൂത്തവൾ ലേയ, ഇളയവൾ റാഹേൽ.+ 17 ലേയയുടെ കണ്ണുകൾക്കു തിളക്കം കുറവാ​യി​രു​ന്നു. എന്നാൽ റാഹേൽ നല്ല സൗന്ദര്യ​വും ആകാര​ഭം​ഗി​യും ഉള്ളവളാ​യി​രു​ന്നു. 18 യാക്കോബിനു റാഹേ​ലിനോ​ടു പ്രേമം തോന്നി. അതു​കൊണ്ട്‌ ലാബാനോ​ടു പറഞ്ഞു: “ഇളയ മകൾ റാഹേ​ലി​നുവേണ്ടി ഏഴു വർഷം സേവി​ക്കാൻ ഞാൻ തയ്യാറാ​ണ്‌.”+ 19 അപ്പോൾ ലാബാൻ പറഞ്ഞു: “അവളെ മറ്റൊരു പുരു​ഷനു കൊടു​ക്കു​ന്ന​തിനെ​ക്കാൾ എന്തു​കൊ​ണ്ടും നല്ലതു നിനക്കു തരുന്ന​താണ്‌. എന്നോടൊ​പ്പം താമസി​ക്കുക.” 20 അങ്ങനെ റാഹേ​ലി​നുവേണ്ടി യാക്കോ​ബ്‌ ഏഴു വർഷം ലാബാനെ സേവിച്ചു.+ എന്നാൽ, റാഹേ​ലിനോ​ടുള്ള സ്‌നേഹം കാരണം അത്‌ ഏതാനും ദിവസ​ങ്ങൾപോലെയേ യാക്കോ​ബി​നു തോന്നി​യു​ള്ളൂ.

21 പിന്നെ യാക്കോ​ബ്‌ ലാബാനോ​ടു പറഞ്ഞു: “ഞാൻ പറഞ്ഞ കാലം തികഞ്ഞി​രി​ക്കു​ന്നു; ഇനി എനിക്ക്‌ എന്റെ ഭാര്യയെ തരുക, ഞാൻ അവളോടൊ​പ്പം കിടക്കട്ടെ.” 22 അപ്പോൾ ലാബാൻ ആ സ്ഥലത്തെ ആളുകളെയെ​ല്ലാം വിളി​ച്ചു​കൂ​ട്ടി ഒരു വിരുന്നു നടത്തി. 23 പക്ഷേ രാത്രി​യാ​യപ്പോൾ ലാബാൻ മകളായ ലേയ​യെ​യാ​ണു യാക്കോ​ബി​ന്റെ അടുത്ത്‌ കൊണ്ടുചെ​ന്നത്‌. യാക്കോ​ബ്‌ ലേയയു​മാ​യി ബന്ധപ്പെട്ടു. 24 തന്റെ ദാസി​യായ സില്‌പയെ ലാബാൻ ലേയയ്‌ക്കു ദാസി​യാ​യി കൊടു​ക്കു​ക​യും ചെയ്‌തു.+ 25 ഭാര്യയായി ലഭിച്ചതു ലേയ​യെ​യാണെന്നു നേരം വെളു​ത്തപ്പോൾ യാക്കോ​ബ്‌ തിരി​ച്ച​റി​ഞ്ഞു. യാക്കോ​ബ്‌ ലാബാനോ​ടു ചോദി​ച്ചു: “എന്താണ്‌ എന്നോട്‌ ഈ ചെയ്‌തത്‌? റാഹേ​ലി​നുവേ​ണ്ടി​യല്ലേ ഞാൻ സേവി​ച്ചത്‌? എന്തിന്‌ എന്നോട്‌ ഈ ചതി ചെയ്‌തു?”+ 26 ലാബാൻ പറഞ്ഞു: “മൂത്തവൾ നിൽക്കെ ഇളയവളെ കൊടു​ക്കുന്ന പതിവ്‌ ഞങ്ങളുടെ ഇടയി​ലില്ല. 27 ഇവളുടെ ഈ ഒരു ആഴ്‌ച ഇവളോടൊ​പ്പം ആഘോ​ഷി​ക്കുക. അതിനു ശേഷം മറ്റവ​ളെ​യും നിനക്കു തരാം. പക്ഷേ അതിനു പകരമാ​യി ഏഴു വർഷം​കൂ​ടെ നീ എന്നെ സേവി​ക്കണം.”+ 28 അങ്ങനെ യാക്കോ​ബ്‌ ആ ആഴ്‌ച ലേയ​യോടൊ​പ്പം ചെലവ​ഴി​ച്ചു. അതിനു ശേഷം ലാബാൻ മകൾ റാഹേ​ലി​നെ യാക്കോ​ബി​നു ഭാര്യ​യാ​യി കൊടു​ത്തു. 29 ലാബാൻ തന്റെ ദാസി ബിൽഹയെ+ റാഹേ​ലി​നു ദാസി​യാ​യി കൊടു​ക്കു​ക​യും ചെയ്‌തു.+

30 അങ്ങനെ യാക്കോ​ബ്‌ റാഹേ​ലു​മാ​യും ബന്ധപ്പെട്ടു. റാഹേ​ലി​നെ യാക്കോ​ബ്‌ ലേയ​യെ​ക്കാൾ അധികം സ്‌നേ​ഹി​ച്ചു. ഏഴു വർഷം​കൂ​ടെ യാക്കോ​ബ്‌ ലാബാനെ സേവിച്ചു.+ 31 ലേയയ്‌ക്കു സ്‌നേഹം ലഭിക്കുന്നില്ലെന്നു* കണ്ടപ്പോൾ യഹോവ ലേയയ്‌ക്കു കുട്ടികൾ ഉണ്ടാകാ​നുള്ള പ്രാപ്‌തി നൽകി.*+ എന്നാൽ റാഹേ​ലി​നു കുട്ടികൾ ഉണ്ടായില്ല.+ 32 ലേയ ഗർഭി​ണി​യാ​യി ഒരു ആൺകു​ഞ്ഞി​നെ പ്രസവി​ച്ചു. “യഹോവ എന്റെ വേദന കണ്ടിരി​ക്കു​ന്നു;+ ഇനി എന്റെ ഭർത്താവ്‌ എന്നെ സ്‌നേ​ഹി​ക്കും” എന്നു പറഞ്ഞ്‌ അവനു രൂബേൻ*+ എന്നു പേരിട്ടു. 33 ലേയ വീണ്ടും ഗർഭി​ണി​യാ​യി ഒരു ആൺകു​ഞ്ഞി​നെ പ്രസവി​ച്ചു. ലേയ പറഞ്ഞു: “എനിക്കു സ്‌നേഹം ലഭിക്കാ​ത്ത​തുകൊണ്ട്‌ യഹോവ എന്റെ അപേക്ഷ കേട്ട്‌ ഇവനെ​യും എനിക്കു തന്നിരി​ക്കു​ന്നു.” അവനു ശിമെയോൻ*+ എന്നു പേരിട്ടു. 34 ലേയ പിന്നെ​യും ഗർഭി​ണി​യാ​യി ഒരു ആൺകു​ഞ്ഞി​നെ പ്രസവി​ച്ചു. അപ്പോൾ ലേയ പറഞ്ഞു: “ഇപ്പോൾ എന്റെ ഭർത്താവ്‌ എന്നോടു പറ്റി​ച്ചേ​രും; ഞാൻ മൂന്ന്‌ ആൺകു​ട്ടി​കളെ പ്രസവി​ച്ച​ല്ലോ!” അതു​കൊണ്ട്‌ അവനു ലേവി*+ എന്നു പേരിട്ടു. 35 ഒരിക്കൽക്കൂടി ലേയ ഗർഭി​ണി​യാ​യി ഒരു ആൺകു​ഞ്ഞി​നെ പ്രസവി​ച്ചു. ലേയ പറഞ്ഞു: “ഞാൻ ഇപ്പോൾ യഹോ​വയെ സ്‌തു​തി​ക്കും.” അങ്ങനെ അവന്‌ യഹൂദ*+ എന്നു പേരിട്ടു. അതിനു ശേഷം ലേയയ്‌ക്കു പ്രസവം നിന്നു.

30 താൻ യാക്കോ​ബി​നു മക്കളെ പ്രസവി​ക്കു​ന്നില്ലെന്നു കണ്ടപ്പോൾ റാഹേ​ലി​നു ലേയ​യോട്‌ അസൂയ തോന്നി. റാഹേൽ യാക്കോ​ബിനോ​ടു പറഞ്ഞു: “എനിക്കു മക്കളെ തരൂ, അല്ലെങ്കിൽ ഞാൻ മരിച്ചുപോ​കും.” 2 അപ്പോൾ യാക്കോ​ബ്‌ വളരെ കോപി​ച്ച്‌ റാഹേ​ലിനോട്‌, “നിനക്കു മക്കൾ ഉണ്ടാകു​ന്നതു തടഞ്ഞ* ദൈവ​ത്തി​ന്റെ സ്ഥാനത്താ​ണോ ഞാൻ” എന്നു ചോദി​ച്ചു. 3 അപ്പോൾ റാഹേൽ പറഞ്ഞു: “ഇതാ, എന്റെ ദാസി ബിൽഹ.+ അവളു​മാ​യി ബന്ധപ്പെ​ടുക. അവൾ എനിക്കു​വേണ്ടി കുട്ടി​കളെ പ്രസവി​ക്കട്ടെ.* അങ്ങനെ അവളി​ലൂ​ടെ എനിക്കും കുട്ടികൾ ഉണ്ടാകും.” 4 അങ്ങനെ റാഹേൽ തന്റെ ദാസി ബിൽഹയെ യാക്കോ​ബി​നു ഭാര്യ​യാ​യി കൊടു​ത്തു. യാക്കോ​ബ്‌ ബിൽഹ​യു​മാ​യി ബന്ധപ്പെട്ടു.+ 5 ബിൽഹ ഗർഭി​ണി​യാ​യി യാക്കോ​ബിന്‌ ഒരു ആൺകു​ഞ്ഞി​നെ പ്രസവി​ച്ചു. 6 അപ്പോൾ റാഹേൽ പറഞ്ഞു: “ദൈവം എനിക്കു ന്യായാ​ധി​പ​നാ​യി എന്റെ ശബ്ദം കേട്ടു. അതു​കൊണ്ട്‌ എനിക്ക്‌ ഒരു മകനെ തന്നു.” അങ്ങനെ, അവനു ദാൻ*+ എന്നു പേരിട്ടു. 7 റാഹേലിന്റെ ദാസി ബിൽഹ വീണ്ടും ഗർഭി​ണി​യാ​യി യാക്കോ​ബി​നു രണ്ടാമത്‌ ഒരു ആൺകു​ഞ്ഞിനെ​ക്കൂ​ടി പ്രസവി​ച്ചു. 8 അപ്പോൾ റാഹേൽ പറഞ്ഞു: “സഹോ​ദ​രി​യു​മാ​യി ശക്തമായ മല്‌പി​ടി​ത്തം നടത്തി ഞാൻ ജയിച്ചി​രി​ക്കു​ന്നു.” അതു​കൊണ്ട്‌ അവനു നഫ്‌താലി*+ എന്നു പേരിട്ടു.

9 തനിക്കു കുട്ടികൾ ഉണ്ടാകി​ല്ലെന്നു കണ്ടപ്പോൾ ലേയ തന്റെ ദാസി സില്‌പയെ യാക്കോ​ബി​നു ഭാര്യ​യാ​യി കൊടു​ത്തു.+ 10 പിന്നീട്‌, ലേയയു​ടെ ദാസി സില്‌പ യാക്കോ​ബിന്‌ ഒരു ആൺകു​ഞ്ഞി​നെ പ്രസവി​ച്ചു. 11 അപ്പോൾ ലേയ, “എന്തൊരു സൗഭാ​ഗ്യം!” എന്നു പറഞ്ഞ്‌ അവനു ഗാദ്‌*+ എന്നു പേരിട്ടു. 12 അതിനു ശേഷം ലേയയു​ടെ ദാസി സില്‌പ യാക്കോ​ബി​നു രണ്ടാമത്‌ ഒരു ആൺകു​ഞ്ഞി​നെ പ്രസവി​ച്ചു. 13 അപ്പോൾ ലേയ പറഞ്ഞു: “ഞാൻ എത്ര സന്തോ​ഷ​വ​തി​യാണ്‌! സ്‌ത്രീ​കൾ എന്നെ ഉറപ്പാ​യും ഭാഗ്യ​വ​തിയെന്നു വിളി​ക്കും.”+ അതിനാൽ ലേയ അവന്‌ ആശേർ*+ എന്നു പേരിട്ടു.

14 ഒരിക്കൽ ഗോത​മ്പുകൊ​യ്‌ത്തി​ന്റെ കാലത്ത്‌ രൂബേൻ+ വയലി​ലൂ​ടെ നടക്കു​മ്പോൾ ദൂദാ​യി​പ്പ​ഴങ്ങൾ കണ്ടു. അവൻ അതു കൊണ്ടു​വന്ന്‌ അമ്മയായ ലേയയ്‌ക്കു കൊടു​ത്തു. അപ്പോൾ റാഹേൽ ലേയ​യോട്‌, “ദയവുചെ​യ്‌ത്‌ നിന്റെ മകന്റെ ദൂദാ​യി​പ്പ​ഴ​ങ്ങ​ളിൽ കുറച്ച്‌ എനിക്കു തരുക” എന്നു പറഞ്ഞു. 15 അപ്പോൾ ലേയ ചോദി​ച്ചു: “എന്റെ ഭർത്താ​വി​നെ കൈക്ക​ലാ​ക്കി​യതു പോരേ?+ നിനക്ക്‌ ഇനി എന്റെ മകന്റെ ദൂദാ​യി​പ്പ​ഴ​ങ്ങൾകൂ​ടി വേണോ?” അപ്പോൾ റാഹേൽ പറഞ്ഞു: “ശരി, നിന്റെ മകന്റെ ദൂദാ​യി​പ്പ​ഴ​ങ്ങൾക്കു പകരം ഇന്നു രാത്രി യാക്കോ​ബ്‌ നിന്നോടൊ​പ്പം കിടക്കും.”

16 യാക്കോബ്‌ വൈകു​ന്നേരം മേച്ചിൽപ്പു​റ​ത്തു​നിന്ന്‌ വരു​മ്പോൾ ലേയ ചെന്ന്‌ യാക്കോ​ബിനോ​ടു പറഞ്ഞു: “അങ്ങ്‌ ഇന്ന്‌ എന്നോടൊ​പ്പ​മാ​ണു കിട​ക്കേ​ണ്ടത്‌. എന്റെ മകന്റെ ദൂദാ​യി​പ്പ​ഴങ്ങൾ കൊടു​ത്ത്‌ ഞാൻ അങ്ങയെ കൂലിക്കെ​ടു​ത്തി​രി​ക്കു​ന്നു.” അങ്ങനെ അന്നു രാത്രി യാക്കോ​ബ്‌ ലേയ​യോടൊ​പ്പം കിടന്നു. 17 ദൈവം ലേയയു​ടെ പ്രാർഥന കേട്ട്‌ ഉത്തരം കൊടു​ത്തു. അങ്ങനെ ലേയ ഗർഭി​ണി​യാ​യി യാക്കോ​ബിന്‌ അഞ്ചാമത്‌ ഒരു ആൺകു​ഞ്ഞി​നെ പ്രസവി​ച്ചു. 18 അപ്പോൾ ലേയ, “എന്റെ ദാസിയെ ഞാൻ എന്റെ ഭർത്താ​വി​നു കൊടു​ത്ത​തുകൊണ്ട്‌ ദൈവം എനിക്കു പ്രതിഫലം* തന്നിരി​ക്കു​ന്നു” എന്നു പറഞ്ഞു. അതിനാൽ അവനു യിസ്സാഖാർ*+ എന്നു പേരിട്ടു. 19 ലേയ ഒരിക്കൽക്കൂ​ടി ഗർഭി​ണി​യാ​യി യാക്കോ​ബിന്‌ ആറാമത്‌ ഒരു ആൺകു​ഞ്ഞി​നെ പ്രസവി​ച്ചു.+ 20 അപ്പോൾ ലേയ പറഞ്ഞു: “ദൈവം എന്നെ, അതെ എന്നെ, അനു​ഗ്ര​ഹി​ച്ചി​രി​ക്കു​ന്നു. ഇനി എന്റെ ഭർത്താവ്‌ എന്നെ സഹിച്ചുകൊ​ള്ളും.+ ഞാൻ ആറു പുത്ര​ന്മാ​രെ പ്രസവി​ച്ച​ല്ലോ.”+ അതു​കൊണ്ട്‌ അവനു സെബുലൂൻ*+ എന്നു പേരിട്ടു. 21 അതിനു ശേഷം ലേയ ഒരു പെൺകു​ഞ്ഞി​നെ പ്രസവി​ച്ചു. അവൾക്കു ദീന+ എന്നു പേരിട്ടു.

22 ഒടുവിൽ ദൈവം റാഹേ​ലി​നെ ഓർത്തു. റാഹേ​ലി​ന്റെ പ്രാർഥന കേട്ട ദൈവം റാഹേ​ലി​ന്റെ ഗർഭം തുറന്ന്‌ റാഹേ​ലിന്‌ ഉത്തരം കൊടു​ത്തു.+ 23 റാഹേൽ ഗർഭി​ണി​യാ​യി ഒരു ആൺകു​ഞ്ഞി​നെ പ്രസവി​ച്ചു. അപ്പോൾ റാഹേൽ പറഞ്ഞു: “ദൈവം എന്റെ നിന്ദ നീക്കി​യി​രി​ക്കു​ന്നു!”+ 24 അങ്ങനെ റാഹേൽ, “യഹോവ എനിക്ക്‌ ഒരു മകനെ​ക്കൂ​ടി കൂട്ടി​യി​രി​ക്കു​ന്നു” എന്നു പറഞ്ഞ്‌ അവനു യോസേഫ്‌*+ എന്നു പേരിട്ടു.

25 റാഹേൽ യോ​സേ​ഫി​നെ പ്രസവിച്ച ഉടനെ യാക്കോ​ബ്‌ ലാബാനോ​ടു പറഞ്ഞു: “ഞാൻ എന്റെ നാട്ടി​ലേക്കു പോകു​ന്നു, എന്നെ എന്റെ ദേശ​ത്തേക്കു പറഞ്ഞയ​ച്ചാ​ലും.+ 26 ഞാൻ അങ്ങയെ സേവി​ച്ചത്‌ എങ്ങനെ​യാണെന്നു നന്നായി അറിയാ​മ​ല്ലോ. ഇനി എനിക്ക്‌ എന്റെ ഭാര്യ​മാരെ​യും കുട്ടി​കളെ​യും തരുക. അവർക്കുവേ​ണ്ടി​യാ​ണ​ല്ലോ ഞാൻ ഇതുവരെ അങ്ങയെ സേവി​ച്ചത്‌.”+ 27 അപ്പോൾ ലാബാൻ പറഞ്ഞു: “ദയവുചെ​യ്‌ത്‌ എന്നെ വിട്ട്‌ പോക​രു​തേ. നിന്നെപ്ര​തി​യാണ്‌ യഹോവ എന്നെ അനു​ഗ്ര​ഹി​ക്കു​ന്നതെന്നു ശകുനം നോക്കി* ഞാൻ മനസ്സി​ലാ​ക്കി.” 28 ലാബാൻ ഇങ്ങനെ​യും പറഞ്ഞു: “നിന്റെ കൂലി എത്രയാ​ണെന്നു പറയുക. അതു ഞാൻ നിനക്കു തരാം.”+ 29 അപ്പോൾ യാക്കോ​ബ്‌ പറഞ്ഞു: “ഞാൻ എങ്ങനെ​യാണ്‌ അങ്ങയെ സേവി​ച്ചതെ​ന്നും അങ്ങയുടെ ആടുകളെ എത്ര നന്നായി​ട്ടാ​ണു പരിപാ​ലി​ച്ചതെ​ന്നും അറിയാ​മ​ല്ലോ.+ 30 ഞാൻ വരുന്ന​തി​നു മുമ്പ്‌ കുറച്ചേ ഉണ്ടായി​രു​ന്നു​ള്ളൂ. എന്നാൽ ഞാൻ വന്നശേഷം ആടുകൾ പെരു​കു​ക​യും യഹോവ അങ്ങയെ അനു​ഗ്ര​ഹി​ക്കു​ക​യും ചെയ്‌തു. ഇനി, എന്റെ കുടും​ബ​ത്തി​നുവേണ്ടി ഞാൻ എന്തെങ്കി​ലും കരുതു​ന്നത്‌ എപ്പോ​ഴാണ്‌?”+

31 അപ്പോൾ ലാബാൻ, “ഞാൻ നിനക്ക്‌ എന്തു തരണം” എന്നു ചോദി​ച്ചു. യാക്കോ​ബ്‌ പറഞ്ഞു: “എനിക്ക്‌ ഒന്നും തരേണ്ട​തില്ല! ഈ ഒരു കാര്യം മാത്രം എനിക്കു​വേണ്ടി ചെയ്യുന്നെ​ങ്കിൽ ഞാൻ ഇനിയും അങ്ങയുടെ ആട്ടിൻപ​റ്റത്തെ മേയ്‌ക്കു​ക​യും സംരക്ഷി​ക്കു​ക​യും ചെയ്‌തുകൊ​ള്ളാം.+ 32 ആട്ടിൻപറ്റങ്ങളുടെ ഇടയി​ലൂ​ടെ ഞാൻ ഇന്നു കടന്നുപോ​കും. അങ്ങ്‌ അതിൽനി​ന്ന്‌, പുള്ളി​യും പാണ്ടും ഉള്ള എല്ലാ ചെമ്മരി​യാ​ടു​കളെ​യും ഇരുണ്ട തവിട്ടു നിറമുള്ള ചെമ്മരി​യാ​ട്ടിൻകു​ട്ടി​ക​ളിൽ ആണി​നെയൊക്കെ​യും പാണ്ടും പുള്ളി​യും ഉള്ള എല്ലാ പെൺകോ​ലാ​ടു​കളെ​യും വേർതി​രി​ക്കണം. ഇനി ഇങ്ങനെ​യു​ള്ള​വയെ​ല്ലാം എന്റെ കൂലി​യാ​യി​രി​ക്കും.+ 33 എന്നെങ്കിലും അങ്ങ്‌ എന്റെ കൂലി പരി​ശോ​ധി​ക്കാൻ വരു​മ്പോൾ എന്റെ നീതിപ്രവൃത്തികൾ* എനിക്കു​വേണ്ടി സംസാ​രി​ക്കും. പുള്ളി​യും പാണ്ടും ഇല്ലാത്ത പെൺകോ​ലാ​ടു​ക​ളോ ഇരുണ്ട തവിട്ടു നിറമ​ല്ലാത്ത ആൺചെ​മ്മ​രി​യാ​ട്ടിൻകു​ട്ടി​ക​ളോ എന്റെ പക്കലുണ്ടെ​ങ്കിൽ അതിനെ മോഷ്ടി​ച്ച​താ​യി കണക്കാ​ക്കാം.”

34 അതിനു ലാബാൻ പറഞ്ഞു: “അതു കൊള്ളാം! നീ പറഞ്ഞതുപോലെ​യാ​കട്ടെ.”+ 35 അന്നുതന്നെ ലാബാൻ വരയും പാണ്ടും ഉള്ള ആൺകോ​ലാ​ടു​കളെ​യും, പുള്ളി​യും പാണ്ടും ഉള്ള എല്ലാ പെൺകോ​ലാ​ടു​കളെ​യും, അൽപ്പ​മെ​ങ്കി​ലും വെള്ള നിറമുള്ള എല്ലാത്തിനെ​യും, ചെമ്മരി​യാ​ട്ടിൻകു​ട്ടി​ക​ളിൽ ഇരുണ്ട തവിട്ടു നിറമുള്ള ആണി​നെയൊക്കെ​യും വേർതി​രിച്ച്‌ തന്റെ ആൺമക്കളെ ഏൽപ്പിച്ചു. 36 അതിനു ശേഷം ലാബാൻ തനിക്കും യാക്കോ​ബി​നും ഇടയിൽ മൂന്നു ദിവസത്തെ വഴിയ​കലം വെച്ചു. ലാബാന്റെ ആട്ടിൻപ​റ്റ​ങ്ങ​ളിൽ ശേഷി​ച്ച​വയെ യാക്കോ​ബ്‌ മേയ്‌ച്ചു.

37 പിന്നെ യാക്കോ​ബ്‌ സ്റ്റൊറാ​ക്‌സ്‌, ബദാം, ചിനാർ എന്നീ വൃക്ഷങ്ങ​ളു​ടെ പച്ചക്കൊ​മ്പു​കൾ മുറിച്ചെ​ടുത്ത്‌ തടിയിൽ അങ്ങിങ്ങാ​യി വെള്ള കാണും​വി​ധം തൊലി​യു​രി​ഞ്ഞു. 38 അങ്ങനെ തൊലി കളഞ്ഞ്‌ എടുത്ത കൊമ്പു​കൾ ആട്ടിൻപ​റ്റങ്ങൾ വെള്ളം കുടി​ക്കാൻ വരു​മ്പോൾ അവയ്‌ക്കു മുന്നി​ലുള്ള തൊട്ടി​ക​ളിൽ, അതായത്‌ അവയ്‌ക്കു വെള്ളം ഒഴിച്ചുകൊ​ടു​ക്കുന്ന പാത്തി​ക​ളിൽ, വെച്ചു. ആടുകൾ വെള്ളം കുടി​ക്കാൻ വരു​മ്പോൾ അവയുടെ മുന്നിൽവെച്ച്‌ ഇണചേ​രാ​നാ​ണു യാക്കോ​ബ്‌ അവ അവിടെ വെച്ചത്‌.

39 അങ്ങനെ, ആട്ടിൻപ​റ്റങ്ങൾ മരക്കൊ​മ്പു​ക​ളു​ടെ മുന്നിൽവെച്ച്‌ ഇണചേ​രു​ക​യും വരയും പുള്ളി​യും പാണ്ടും ഉള്ള കുട്ടികൾ ഉണ്ടാകു​ക​യും ചെയ്‌തു. 40 പിന്നെ യാക്കോ​ബ്‌ ചെമ്മരി​യാ​ട്ടിൻകു​ട്ടി​ക​ളിൽ ആണി​നെയൊക്കെ​യും വേർതി​രി​ച്ചിട്ട്‌ ആട്ടിൻപ​റ്റത്തെ ലാബാന്റെ ആട്ടിൻപ​റ്റ​ത്തിൽ വരയു​ള്ള​തി​നും ഇരുണ്ട തവിട്ടു നിറമുള്ള എല്ലാത്തി​നും അഭിമു​ഖ​മാ​യി നിറുത്തി. പിന്നീട്‌ യാക്കോ​ബ്‌ തന്റെ ആട്ടിൻപ​റ്റത്തെ വേർതി​രിച്ച്‌ മാറ്റി​നി​റു​ത്തി; അവയെ ലാബാന്റെ ആടുക​ളു​മാ​യി ചേർത്തില്ല. 41 ആരോഗ്യമുള്ള മൃഗങ്ങൾ ഇണചേ​രുമ്പോഴെ​ല്ലാം അവ മരക്കൊ​മ്പു​കൾ കണ്ട്‌ ഇണചേ​രാ​നാ​യി യാക്കോ​ബ്‌ കൊമ്പു​കൾ ആട്ടിൻപ​റ്റ​ത്തി​ന്റെ മുന്നിൽ പാത്തി​ക​ളിൽ വെക്കും. 42 എന്നാൽ ആരോ​ഗ്യ​മി​ല്ലാത്ത മൃഗങ്ങ​ളു​ടെ മുന്നിൽ അവ വെക്കു​മാ​യി​രു​ന്നില്ല. അങ്ങനെ ആരോ​ഗ്യ​മി​ല്ലാ​ത്ത​വയെ​ല്ലാം ലാബാ​നും ആരോ​ഗ്യ​മു​ള്ളവ യാക്കോ​ബി​നും വന്നു​ചേർന്നു.+

43 യാക്കോബ്‌ വളർന്ന്‌ വലിയ ധനിക​നാ​യി​ത്തീർന്നു. അനേകം ആട്ടിൻപ​റ്റ​ങ്ങളെ​യും ദാസീ​ദാ​സ​ന്മാരെ​യും ഒട്ടകങ്ങളെ​യും കഴുത​കളെ​യും സമ്പാദി​ച്ചു.+

31 കുറച്ച്‌ കാലത്തി​നു ശേഷം ലാബാന്റെ ആൺമക്കൾ ഇങ്ങനെ പറയു​ന്നതു യാക്കോ​ബ്‌ കേട്ടു: “യാക്കോ​ബ്‌ നമ്മുടെ അപ്പന്റെ സ്വത്തെ​ല്ലാം തട്ടി​യെ​ടു​ത്തു. നമ്മുടെ അപ്പന്റെ സ്വത്തിൽനി​ന്നാ​ണു യാക്കോ​ബ്‌ ഈ സമ്പത്തെ​ല്ലാം ഉണ്ടാക്കി​യത്‌.”+ 2 തന്നോടുള്ള ലാബാന്റെ മനോ​ഭാ​വ​വും മാറിയെന്നു+ ലാബാന്റെ മുഖഭാ​വ​ത്തിൽനിന്ന്‌ യാക്കോ​ബ്‌ മനസ്സി​ലാ​ക്കി. 3 ഒടുവിൽ യഹോവ യാക്കോ​ബിനോ​ടു പറഞ്ഞു: “നിന്റെ പൂർവി​ക​രുടെ​യും ബന്ധുക്ക​ളുടെ​യും ദേശ​ത്തേക്കു തിരി​ച്ചുപോ​കുക.+ ഞാൻ ഇനിയും നിന്നോടൊ​പ്പ​മു​ണ്ടാ​യി​രി​ക്കും.” 4 പിന്നീട്‌ യാക്കോ​ബ്‌ റാഹേ​ലിനെ​യും ലേയ​യെ​യും മേച്ചിൽപ്പു​റത്തേക്ക്‌, തന്റെ ആട്ടിൻപ​റ്റ​ത്തി​ന്റെ അടു​ത്തേക്ക്‌, വിളി​പ്പിച്ച്‌ 5 അവരോടു പറഞ്ഞു:

“എന്നോ​ടുള്ള നിങ്ങളു​ടെ അപ്പന്റെ മനോ​ഭാ​വം മാറി​യ​താ​യി ഞാൻ ശ്രദ്ധിച്ചു.+ എന്നാൽ എന്റെ അപ്പന്റെ ദൈവം ഇന്നുവരെ എന്നോടൊ​പ്പ​മു​ണ്ടാ​യി​രു​ന്നു.+ 6 എന്റെ ശക്തി മുഴുവൻ ഉപയോ​ഗി​ച്ചാ​ണു ഞാൻ നിങ്ങളു​ടെ അപ്പനെ സേവിച്ചതെന്ന+ കാര്യം നിങ്ങൾക്കു നന്നായി അറിയാ​മ​ല്ലോ. 7 എന്നാൽ നിങ്ങളു​ടെ അപ്പൻ എന്നെ പറ്റിക്കു​ക​യും പത്തു തവണ എന്റെ കൂലി മാറ്റു​ക​യും ചെയ്‌തു. പക്ഷേ എന്നെ ദ്രോ​ഹി​ക്കാൻ ദൈവം അനുവ​ദി​ച്ചില്ല. 8 ‘പുള്ളി​യു​ള്ള​വ​യാ​യി​രി​ക്കും നിന്റെ കൂലി’ എന്നു നിങ്ങളു​ടെ അപ്പൻ പറഞ്ഞ​പ്പോൾ ആട്ടിൻപറ്റം മുഴുവൻ പുള്ളി​യു​ള്ള​വയെ പ്രസവി​ച്ചു. ‘വരയു​ള്ള​വ​യാ​യി​രി​ക്കും നിന്റെ കൂലി’ എന്ന്‌ എന്നോടു പറഞ്ഞ​പ്പോൾ ആട്ടിൻപറ്റം മുഴുവൻ വരയു​ള്ള​വയെ പ്രസവി​ച്ചു.+ 9 അങ്ങനെ, ദൈവം നിങ്ങളു​ടെ അപ്പന്റെ ആടുകളെ എനിക്കു തന്നു​കൊ​ണ്ടി​രു​ന്നു. 10 ഒരിക്കൽ, ആടുകൾ ഇണചേ​രുന്ന കാലത്ത്‌ ഞാൻ നോക്കി​യപ്പോൾ, പെണ്ണാ​ടു​ക​ളു​മാ​യി ഇണചേ​രുന്ന ആൺകോ​ലാ​ടു​കൾ വരയും പുള്ളി​യും മറുകും+ ഉള്ളവയാ​ണെന്നു ഞാൻ ഒരു സ്വപ്‌ന​ത്തിൽ കണ്ടു. 11 അപ്പോൾ സത്യദൈ​വ​ത്തി​ന്റെ ദൂതൻ എന്നെ സ്വപ്‌ന​ത്തിൽ, ‘യാക്കോ​ബേ’ എന്നു വിളിച്ചു. ‘ഞാൻ ഇതാ’ എന്നു ഞാൻ വിളി കേട്ടു. 12 ദൂതൻ എന്നോടു പറഞ്ഞു: ‘ദയവായി നീ തല ഉയർത്തി നോക്കുക. പെണ്ണാ​ടു​ക​ളു​മാ​യി ഇണചേ​രുന്ന കോലാ​ടു​കളെ​ല്ലാം വരയും പുള്ളി​യും മറുകും ഉള്ളവയാ​ണ്‌. ലാബാൻ നിന്നോ​ടു ചെയ്യു​ന്നതെ​ല്ലാം ഞാൻ കണ്ടിരി​ക്കു​ന്നു.+ 13 നീ തൂണിനെ അഭി​ഷേകം ചെയ്‌ത്‌ എനിക്കു നേർച്ച നേർന്ന+ സ്ഥലമായ ബഥേലിലെ+ സത്യദൈ​വ​മാ​ണു ഞാൻ. എഴു​ന്നേറ്റ്‌, ഈ ദേശം വിട്ട്‌ നിന്റെ ജന്മദേശത്തേക്കു+ മടങ്ങിപ്പോ​കുക.’”

14 അപ്പോൾ റാഹേ​ലും ലേയയും പറഞ്ഞു: “ഞങ്ങൾക്ക്‌ ഇനി ഞങ്ങളുടെ അപ്പന്റെ വീട്ടിൽ ഓഹരി​യോ അവകാ​ശ​മോ ഉണ്ടോ? 15 ഞങ്ങളെ അന്യ​ദേ​ശ​ക്കാരെപ്പോലെ​യല്ലേ അപ്പൻ കാണു​ന്നത്‌? അപ്പൻ ഞങ്ങളെ വിറ്റു, ഞങ്ങൾക്കു തന്ന പണവും അപ്പൻ ഉപയോ​ഗി​ക്കു​ന്നു!+ 16 വാസ്‌തവത്തിൽ ദൈവം ഞങ്ങളുടെ അപ്പന്റെ അടുത്തു​നിന്ന്‌ എടുത്തു​മാ​റ്റിയ സമ്പത്തെ​ല്ലാം ഞങ്ങളുടെ​യും ഞങ്ങളുടെ കുട്ടി​ക​ളുടെ​യും ആണ്‌.+ ദൈവം അങ്ങയോ​ടു പറഞ്ഞതുപോലെയെ​ല്ലാം ചെയ്‌തുകൊ​ള്ളൂ.”+

17 അപ്പോൾ യാക്കോ​ബ്‌ കുട്ടി​കളെ​യും ഭാര്യ​മാരെ​യും ഒട്ടകപ്പു​റത്ത്‌ കയറ്റി.+ 18 പിന്നെ യാക്കോ​ബ്‌ താൻ സ്വരു​ക്കൂ​ട്ടിയ എല്ലാ വസ്‌തുവകകളുമായി+ അപ്പനായ യിസ്‌ഹാ​ക്കി​ന്റെ അടു​ത്തേക്കു പുറ​പ്പെട്ടു. ആടുമാ​ടു​കളെ​യും പദ്ദൻ-അരാമിൽവെച്ച്‌ സമ്പാദിച്ച എല്ലാ മൃഗങ്ങളെ​യും തെളി​ച്ചുകൊണ്ട്‌ യാക്കോ​ബ്‌ കനാൻ ദേശ​ത്തേക്കു പോന്നു.+

19 ലാബാൻ അപ്പോൾ ആടുക​ളു​ടെ രോമം കത്രി​ക്കാൻ പോയി​രി​ക്കു​ക​യാ​യി​രു​ന്നു. ആ സമയത്ത്‌, റാഹേൽ അപ്പന്റെ കുലദൈവപ്രതിമകൾ*+ മോഷ്ടിച്ചെ​ടു​ത്തു.+ 20 താൻ പോകുന്ന കാര്യം അരാമ്യ​നായ ലാബാനോ​ടു പറയാതെ യാക്കോ​ബ്‌ തന്ത്രപൂർവം ലാബാന്റെ അടുത്തു​നിന്ന്‌ ഓടിപ്പോ​ന്നു. 21 അങ്ങനെ യാക്കോ​ബ്‌ തനിക്കു​ള്ളതെ​ല്ലാ​മാ​യി നദി*+ കടന്ന്‌ ഓടിപ്പോ​യി. പിന്നെ യാക്കോ​ബ്‌ ഗിലെയാദിലെ+ മലനാടു ലക്ഷ്യമാ​ക്കി നീങ്ങി. 22 മൂന്നാം ദിവസ​മാ​ണു യാക്കോ​ബ്‌ ഓടി​പ്പോയ വിവരം ലാബാൻ അറിയു​ന്നത്‌. 23 അപ്പോൾ ലാബാൻ ബന്ധുക്കളെ​യും കൂട്ടി യാക്കോ​ബി​നെ പിന്തു​ടർന്നു; ഏഴാം ദിവസം ഗിലെ​യാ​ദി​ലെ മലനാ​ട്ടിൽവെച്ച്‌ യാക്കോ​ബിനൊ​പ്പം എത്തി. 24 എന്നാൽ രാത്രി ഒരു സ്വപ്‌ന​ത്തിൽ ദൈവം അരാമ്യനായ+ ലാബാനു പ്രത്യ​ക്ഷപ്പെട്ട്‌,+ “ഗുണമാ​യാ​ലും ദോഷ​മാ​യാ​ലും നീ സൂക്ഷിച്ച്‌ വേണം യാക്കോ​ബിനോ​ടു സംസാ​രി​ക്കാൻ” എന്നു പറഞ്ഞു.+

25 ലാബാനും ബന്ധുക്ക​ളും ഗിലെ​യാ​ദി​ലെ മലനാ​ട്ടിലെത്തി അവിടെ കൂടാരം അടിച്ചു. യാക്കോ​ബും ആ മലയി​ലാ​ണു കൂടാരം അടിച്ചി​രു​ന്നത്‌. പിന്നെ ലാബാൻ യാക്കോ​ബി​ന്റെ അടുത്ത്‌ ചെന്ന്‌ 26 ചോദിച്ചു: “നീ എന്താണ്‌ ഈ ചെയ്‌തത്‌? എന്തിനാ​ണു നീ തന്ത്രപൂർവം ഓടിപ്പോ​കു​ന്നത്‌? വാളു​കൊ​ണ്ട്‌ പിടിച്ച ബന്ദികളെപ്പോ​ലെ എന്റെ പെൺമ​ക്കളെ കൊണ്ടുപോ​കു​ന്നത്‌ എന്തിനാ​ണ്‌? 27 എന്തുകൊണ്ടാണു നീ എന്നെ അറിയി​ക്കാ​തെ രഹസ്യ​ത്തിൽ, തന്ത്രപൂർവം ഓടിപ്പോ​ന്നത്‌? എന്നെ അറിയി​ച്ചി​രുന്നെ​ങ്കിൽ തപ്പോ​ടും കിന്നരത്തോ​ടും കൂടെ പാട്ടു പാടി ആഹ്ലാദത്തോ​ടെ നിന്നെ യാത്ര​യ​യ​യ്‌ക്കു​മാ​യി​രു​ന്ന​ല്ലോ. 28 പക്ഷേ എന്റെ പെൺമ​ക്കൾക്കും പേരക്കുട്ടികൾക്കും* ഉമ്മ കൊടു​ക്കാ​നുള്ള അവസരം നീ എനിക്കു തന്നില്ല. വിഡ്‌ഢി​ത്ത​മാ​ണു നീ കാണി​ച്ചത്‌. 29 നിന്നെ ദ്രോ​ഹി​ക്കാൻ എനിക്കു കഴിയാ​ഞ്ഞി​ട്ടല്ല, എന്നാൽ ഇന്നലെ രാത്രി നിന്റെ അപ്പന്റെ ദൈവം എന്നോട്‌, ‘ഗുണമാ​യാ​ലും ദോഷ​മാ​യാ​ലും നീ സൂക്ഷിച്ച്‌ വേണം യാക്കോ​ബിനോ​ടു സംസാ​രി​ക്കാൻ’+ എന്നു പറഞ്ഞു. 30 നിന്റെ അപ്പന്റെ വീട്ടി​ലേക്കു മടങ്ങാ​നുള്ള അടങ്ങാത്ത ആഗ്രഹം കാരണ​മാ​ണു നീ പോന്നതെ​ങ്കിൽ, പിന്നെ എന്തിനാ​ണു നീ എന്റെ ദൈവ​ങ്ങളെ മോഷ്ടി​ച്ചത്‌?”+

31 യാക്കോബ്‌ ലാബാനോ​ടു പറഞ്ഞു: “അങ്ങയെ പേടി​ച്ചി​ട്ടാ​ണു ഞാൻ അങ്ങനെ ചെയ്‌തത്‌. അങ്ങ്‌ അങ്ങയുടെ പെൺമ​ക്കളെ ബലമായി പിടി​ച്ചുവെ​ക്കുമെന്നു ഞാൻ കരുതി. 32 എന്നാൽ ആരു​ടെയെ​ങ്കി​ലും കൈവശം അങ്ങയുടെ ദൈവ​ങ്ങളെ കണ്ടാൽ അയാൾ ജീവ​നോ​ടി​രി​ക്ക​രുത്‌. നമ്മുടെ ബന്ധുക്കൾ കാൺകെ എനിക്കു​ള്ളതെ​ല്ലാം പരി​ശോ​ധിച്ച്‌ അങ്ങയു​ടേത്‌ എന്തെങ്കി​ലും കാണുന്നെ​ങ്കിൽ എടുത്തുകൊ​ള്ളുക.” റാഹേൽ അവ മോഷ്ടിച്ച കാര്യം യാക്കോ​ബ്‌ അറിഞ്ഞി​രു​ന്നില്ല. 33 അങ്ങനെ ലാബാൻ യാക്കോ​ബി​ന്റെ കൂടാ​ര​ത്തിലേ​ക്കും ലേയയു​ടെ കൂടാ​ര​ത്തിലേ​ക്കും രണ്ടു ദാസിമാരുടെ+ കൂടാ​ര​ത്തിലേ​ക്കും ചെന്നു. എന്നാൽ അവ കണ്ടെത്താ​നാ​യില്ല. പിന്നെ ലാബാൻ ലേയയു​ടെ കൂടാ​ര​ത്തിൽനിന്ന്‌ പുറത്ത്‌ വന്ന്‌ റാഹേ​ലി​ന്റെ കൂടാ​ര​ത്തിൽ കയറി. 34 റാഹേൽ ആ പ്രതി​മകൾ ഒട്ടക​ക്കോ​പ്പിൽ സ്‌ത്രീ​ക​ളു​ടെ സഞ്ചിയി​ലിട്ട്‌ അതിന്മേൽ ഇരിക്കു​ക​യാ​യി​രു​ന്നു. അതിനാൽ കൂടാരം മുഴുവൻ പരതി​യി​ട്ടും അവ കണ്ടുകി​ട്ടി​യില്ല. 35 അപ്പോൾ റാഹേൽ അപ്പനോ​ടു പറഞ്ഞു: “എന്റെ യജമാനൻ കോപി​ക്ക​രു​തേ. എനിക്കു മാസമു​റ​യു​ടെ സമയമാ​യ​തി​നാൽ അപ്പന്റെ മുന്നിൽ എഴു​ന്നേൽക്കാൻ കഴിയില്ല.”+ അതു​കൊണ്ട്‌ ലാബാൻ എത്ര തിരഞ്ഞി​ട്ടും പ്രതി​മകൾ കണ്ടെത്താ​നാ​യില്ല.+

36 അപ്പോൾ ലാബാനെ കുറ്റ​പ്പെ​ടു​ത്തിക്കൊണ്ട്‌ യാക്കോ​ബ്‌ ദേഷ്യത്തോ​ടെ ഇങ്ങനെ പറഞ്ഞു: “എന്താണു ഞാൻ ചെയ്‌ത കുറ്റം? ഞാൻ എന്തു പാപം ചെയ്‌തി​ട്ടാണ്‌ ഇത്ര തിടു​ക്ക​ത്തിൽ എന്റെ പുറകേ വന്നത്‌? 37 എന്റെ വസ്‌തു​വ​ക​കളെ​ല്ലാം അങ്ങ്‌ പരി​ശോ​ധി​ച്ചു. അങ്ങയുടെ വീട്ടി​ലുള്ള എന്തെങ്കി​ലും ഇവി​ടെ​നിന്ന്‌ കിട്ടി​യോ? എങ്കിൽ അതു നമ്മുടെ ബന്ധുക്ക​ളു​ടെ മുന്നിൽ വെക്ക്‌. അവർ നമ്മളെ വിധി​ക്കട്ടെ. 38 ഇക്കഴിഞ്ഞ 20 വർഷം ഞാൻ അങ്ങയോടൊ​പ്പ​മു​ണ്ടാ​യി​രു​ന്നു. ഒരിക്കൽപ്പോ​ലും അങ്ങയുടെ ചെമ്മരി​യാ​ടു​ക​ളുടെ​യോ കോലാ​ടു​ക​ളുടെ​യോ ഗർഭം അലസി​യി​ട്ടില്ല.+ ഞാൻ ഒരിക്ക​ലും അങ്ങയുടെ ആട്ടിൻപ​റ്റ​ത്തി​ലെ മുട്ടനാ​ടു​കളെ പിടിച്ച്‌ തിന്നി​ട്ടില്ല. 39 വന്യമൃഗങ്ങൾ+ കടിച്ചു​കീ​റിയ ഒന്നി​നെ​യും ഞാൻ അങ്ങയുടെ അടുത്ത്‌ കൊണ്ടു​വ​ന്നി​ട്ടില്ല; ഞാൻതന്നെ അതിന്റെ നഷ്ടം സഹിച്ചു. പകലാ​കട്ടെ രാത്രി​യാ​കട്ടെ ഒരു മൃഗം മോഷണം പോയാൽ അതിന്റെ നഷ്ടപരി​ഹാ​രം എന്നോടു ചോദി​ക്കി​ല്ലാ​യി​രു​ന്നോ? 40 പകൽ ചൂടും രാത്രി തണുപ്പും എന്നെ കാർന്നു​തി​ന്നു. ഉറക്കം എന്റെ കണ്ണുക​ളിൽനിന്ന്‌ ഓടി​യ​കന്നു.+ 41 അങ്ങനെ 20 വർഷം ഞാൻ അങ്ങയുടെ വീട്ടിൽ കഴിഞ്ഞു. അങ്ങയുടെ രണ്ടു പെൺമ​ക്കൾക്കുവേണ്ടി 14 വർഷവും ആട്ടിൻപ​റ്റ​ത്തി​നുവേണ്ടി 6 വർഷവും ഞാൻ സേവിച്ചു. പത്തു തവണ എന്റെ കൂലി മാറ്റി.+ 42 എന്റെ അപ്പന്റെ ദൈവം,+ അതായത്‌ അബ്രാ​ഹാ​മി​ന്റെ ദൈവം, യിസ്‌ഹാ​ക്ക്‌ ഭയഭക്തിയോ​ടെ വീക്ഷി​ക്കുന്ന ദൈവം,*+ എന്നോടൊ​പ്പ​മി​ല്ലാ​യി​രുന്നെ​ങ്കിൽ എന്നെ ഇന്ന്‌ അങ്ങ്‌ വെറു​ങ്കൈയോ​ടെ പറഞ്ഞയ​യ്‌ക്കി​ല്ലാ​യി​രു​ന്നോ? ദൈവം എന്റെ കഷ്ടപ്പാ​ടും എന്റെ കൈക​ളു​ടെ അധ്വാ​ന​വും കണ്ടിരി​ക്കു​ന്നു. അതു​കൊ​ണ്ടാണ്‌ കഴിഞ്ഞ രാത്രി ദൈവം അങ്ങയെ ശാസി​ച്ചത്‌.”+

43 അപ്പോൾ ലാബാൻ യാക്കോ​ബിനോ​ടു പറഞ്ഞു: “പെൺമക്കൾ എന്റെ പെൺമ​ക്ക​ളും കുട്ടികൾ എന്റെ കുട്ടി​ക​ളും ആട്ടിൻപറ്റം എന്റെ ആട്ടിൻപ​റ്റ​വും ആണ്‌. നീ ഈ കാണു​ന്നതെ​ല്ലാം എന്റെയും എന്റെ പെൺമ​ക്ക​ളുടെ​യും ആണ്‌. ഇവർക്കും ഇവർ പ്രസവിച്ച മക്കൾക്കും എതിരെ ഇന്നു ഞാൻ എന്തെങ്കി​ലും ചെയ്യു​മോ? 44 വരുക, നമുക്കു രണ്ടു പേർക്കും ഒരു ഉടമ്പടി ചെയ്യാം. അതു നമുക്കി​ട​യിൽ ഒരു സാക്ഷി​യാ​യി​രി​ക്കും.” 45 അങ്ങനെ യാക്കോ​ബ്‌ ഒരു കല്ല്‌ എടുത്ത്‌ തൂണായി നാട്ടി.+ 46 പിന്നെ യാക്കോ​ബ്‌ ബന്ധുക്ക​ളോ​ട്‌, “കല്ലുകൾ എടുക്കുക” എന്നു പറഞ്ഞു. അവർ കല്ലുകൾ എടുത്ത്‌ ഒരു കൂമ്പാ​ര​മാ​യി കൂട്ടി. തുടർന്ന്‌ അവർ ആ കൂമ്പാ​ര​ത്തിൽവെച്ച്‌ ഭക്ഷണം കഴിച്ചു. 47 അന്നുമുതൽ ലാബാൻ അതിനെ യഗർ-സാഹദൂഥ* എന്നു വിളിച്ചു. എന്നാൽ യാക്കോ​ബ്‌ അതിനെ ഗലേദ്‌* എന്നു വിളിച്ചു.

48 അപ്പോൾ ലാബാൻ, “ഈ കൽക്കൂ​മ്പാ​രം ഇന്ന്‌ എനിക്കും നിനക്കും മധ്യേ സാക്ഷി​യാ​യി​രി​ക്കട്ടെ” എന്നു പറഞ്ഞു. അതു​കൊ​ണ്ടാണ്‌ യാക്കോ​ബ്‌ അതിനു ഗലേദ്‌+ എന്നും 49 കാവൽഗോപുരം എന്നും പേരി​ട്ടത്‌. കാരണം ലാബാൻ പറഞ്ഞു: “ഞാനും നീയും പരസ്‌പരം അകന്നി​രി​ക്കുമ്പോൾ യഹോവ നിനക്കും എനിക്കും മധ്യേ കാവൽ നിൽക്കട്ടെ. 50 നീ എന്റെ പെൺമ​ക്കളെ ഉപദ്ര​വി​ക്കു​ക​യോ മറ്റു സ്‌ത്രീ​കളെ വിവാഹം കഴിക്കു​ക​യോ ചെയ്‌താൽ, മനുഷ്യർ ആരും കാണു​ന്നില്ലെ​ങ്കി​ലും, ദൈവം നിനക്കും എനിക്കും മധ്യേ സാക്ഷി​യാ​ണെന്ന കാര്യം നീ ഓർക്കണം.” 51 ലാബാൻ ഇങ്ങനെ​യും പറഞ്ഞു: “ഇതാ, എനിക്കും നിനക്കും മധ്യേ ഞാൻ ഉയർത്തിയ കൽക്കൂ​മ്പാ​ര​വും തൂണും! 52 നിന്നെ ദ്രോ​ഹി​ക്കാൻ ഈ കൽക്കൂ​മ്പാ​രം കടന്ന്‌ ഞാനും, എന്നെ ദ്രോ​ഹി​ക്കാൻ ഈ കൽക്കൂ​മ്പാ​ര​വും തൂണും കടന്ന്‌ നീയും വരില്ല എന്നതിന്‌ ഈ കൽക്കൂ​മ്പാ​ര​വും തൂണും സാക്ഷി​യാണ്‌.+ 53 അബ്രാഹാമിന്റെ ദൈവവും+ നാഹോ​രി​ന്റെ ദൈവ​വും, അതായത്‌ അവരുടെ അപ്പന്റെ ദൈവം, നമുക്കു മധ്യേ ന്യായം വിധി​ക്കട്ടെ.” അപ്പോൾ യാക്കോ​ബ്‌ അപ്പനായ യിസ്‌ഹാ​ക്ക്‌ ഭയഭക്തിയോ​ടെ വീക്ഷി​ക്കുന്ന ദൈവത്തിന്റെ+ നാമത്തിൽ* സത്യം ചെയ്‌തു.

54 പിന്നെ യാക്കോ​ബ്‌ ആ മലയിൽ ഒരു ബലി അർപ്പി​ച്ചശേഷം ബന്ധുക്കളെ ഭക്ഷണം കഴിക്കാൻ ക്ഷണിച്ചു. അവർ ഭക്ഷണം കഴിച്ച്‌ ആ മലയിൽ രാത്രി​തങ്ങി. 55 ലാബാൻ അതിരാ​വി​ലെ എഴു​ന്നേറ്റ്‌ പെൺമ​ക്കൾക്കും പേരക്കുട്ടികൾക്കും*+ ഉമ്മ കൊടു​ത്ത്‌ അവരെ അനു​ഗ്ര​ഹി​ച്ചു.+ പിന്നെ ലാബാൻ അവരെ വിട്ട്‌ വീട്ടി​ലേക്കു തിരി​ച്ചുപോ​യി.+

32 പിന്നീട്‌ യാത്ര തുടർന്ന യാക്കോ​ബി​നു ദൈവ​ദൂ​ത​ന്മാർ പ്രത്യ​ക്ഷ​രാ​യി. 2 അവരെ കണ്ട ഉടനെ, “ഇതു ദൈവ​ത്തി​ന്റെ പാളയ​മാണ്‌” എന്നു പറഞ്ഞ്‌ യാക്കോ​ബ്‌ ആ സ്ഥലത്തിനു മഹനയീം* എന്നു പേരിട്ടു.

3 പിന്നെ തന്റെ ചേട്ടനായ ഏശാവി​ന്റെ അടു​ത്തേക്ക്‌, അതായത്‌ ഏദോമിന്റെ+ പ്രദേ​ശ​മായ സേയീർ+ ദേശ​ത്തേക്ക്‌, യാക്കോ​ബ്‌ തനിക്കു മുമ്പായി സന്ദേശ​വാ​ഹ​കരെ അയച്ചു. 4 അവരോടു കല്‌പി​ച്ചു: “നിങ്ങൾ എന്റെ യജമാ​ന​നായ ഏശാവി​നോ​ട്‌ ഇങ്ങനെ പറയണം: ‘അങ്ങയുടെ ദാസനായ യാക്കോ​ബ്‌ പറയുന്നു, “ഇക്കാല​മത്ര​യും ഞാൻ ലാബാനോടൊ​പ്പം താമസി​ക്കു​ക​യാ​യി​രു​ന്നു.*+ 5 ഞാൻ കാളകളെ​യും കഴുത​കളെ​യും ആടുകളെ​യും ദാസീ​ദാ​സ​ന്മാരെ​യും സമ്പാദി​ച്ചു.+ ഇക്കാര്യം എന്റെ യജമാ​നനെ അറിയി​ക്കാ​നും അങ്ങയ്‌ക്ക്‌ എന്നോടു കരുണ തോന്നാ​നും വേണ്ടി​യാ​ണു ഞാൻ ഈ സന്ദേശം അയയ്‌ക്കു​ന്നത്‌.”’”

6 ദൂതന്മാർ മടങ്ങി​യെത്തി യാക്കോ​ബിനോ​ടു പറഞ്ഞു: “ഞങ്ങൾ അങ്ങയുടെ ചേട്ടനായ ഏശാവി​നെ കണ്ടു. ഏശാവ്‌ അങ്ങയെ കാണാൻ വരുന്നു​ണ്ട്‌. 400 പുരു​ഷ​ന്മാ​രും കൂടെ​യുണ്ട്‌.”+ 7 അതു കേട്ട​പ്പോൾ യാക്കോ​ബ്‌ ആകെ ഭയന്നുപോ​യി, വല്ലാതെ പേടി​ച്ചു​വി​റച്ചു.+ അതു​കൊണ്ട്‌ തന്നോടൊ​പ്പ​മുള്ള ആളുകളെ​യും ആടുകളെ​യും കന്നുകാ​ലി​കളെ​യും ഒട്ടകങ്ങളെ​യും രണ്ടു കൂട്ടമാ​യി തിരിച്ചു. 8 “ഏശാവ്‌ ഒരു കൂട്ടത്തെ ആക്രമി​ച്ചാൽ മറ്റേ കൂട്ടത്തി​നു രക്ഷപ്പെ​ടാ​മ​ല്ലോ!” എന്നു പറഞ്ഞു.

9 അതിനു ശേഷം യാക്കോ​ബ്‌ പറഞ്ഞു: “എന്റെ അപ്പനായ അബ്രാ​ഹാ​മി​ന്റെ ദൈവമേ, എന്റെ അപ്പനായ യിസ്‌ഹാ​ക്കി​ന്റെ ദൈവമേ, യഹോവേ, ‘നിന്റെ ദേശ​ത്തേ​ക്കും നിന്റെ ബന്ധുക്ക​ളു​ടെ അടു​ത്തേ​ക്കും മടങ്ങിപ്പോ​കുക, ഞാൻ നിനക്കു നന്മ ചെയ്യും’ എന്ന്‌ എന്നോടു കല്‌പിച്ച ദൈവമേ,+ 10 അങ്ങയുടെ ഈ ദാസ​നോട്‌ ഇതുവരെ കാണിച്ച അചഞ്ചല​മായ സ്‌നേ​ഹ​ത്തി​നും വിശ്വസ്‌തതയ്‌ക്കും+ അടിയൻ യോഗ്യ​നല്ല. കാരണം ഈ യോർദാൻ കടക്കു​മ്പോൾ എന്റെ വടി മാത്രമേ എന്റെ കൈയി​ലു​ണ്ടാ​യി​രു​ന്നു​ള്ളൂ. ഇപ്പോൾ ഞാൻ വർധിച്ച്‌ രണ്ടു കൂട്ടമാ​യി​രി​ക്കു​ന്നു!+ 11 എന്റെ ചേട്ടനായ ഏശാവി​ന്റെ കൈയിൽനി​ന്ന്‌ എന്നെ രക്ഷിക്ക​ണമെന്നു ഞാൻ ഇപ്പോൾ പ്രാർഥി​ക്കു​ന്നു.+ ഏശാവ്‌ വന്ന്‌ എന്നെയും കുട്ടി​കളെ​യും അവരുടെ അമ്മമാരെ​യും ആക്രമി​ക്കു​മോ എന്നു ഞാൻ ഭയപ്പെ​ടു​ന്നു.+ 12 ‘ഞാൻ നിനക്ക്‌ ഉറപ്പാ​യും നന്മ ചെയ്യു​ക​യും നിന്റെ സന്തതിയെ* കടലിലെ മണൽത്ത​രി​കൾപോ​ലെ എണ്ണിയാൽ തീരാ​ത്തത്ര വർധി​പ്പി​ക്കു​ക​യും ചെയ്യും’+ എന്ന്‌ അങ്ങ്‌ പറഞ്ഞി​ട്ടു​ണ്ട​ല്ലോ.”

13 അന്നു രാത്രി യാക്കോ​ബ്‌ അവിടെ താമസി​ച്ചു. പിന്നെ ചേട്ടനായ ഏശാവി​നു സമ്മാനി​ക്കാൻ മൃഗങ്ങ​ളിൽ ചിലതി​നെ വേർതി​രി​ച്ചു.+ 14 200 പെൺകോ​ലാ​ടു​കളെ​യും 20 ആൺകോ​ലാ​ടു​കളെ​യും 200 പെൺചെ​മ്മ​രി​യാ​ടു​കളെ​യും 20 ആൺചെ​മ്മ​രി​യാ​ടു​കളെ​യും 15 30 ഒട്ടകങ്ങളെ​യും അവയുടെ കുഞ്ഞു​ങ്ങളെ​യും 40 പശുക്കളെ​യും 10 കാളകളെ​യും 20 പെൺക​ഴു​ത​കളെ​യും വളർച്ചയെ​ത്തിയ 10 ആൺകഴുതകളെയും+ ഏശാവി​നു കൊടു​ത്ത​യച്ചു.

16 ഒന്നിനു പുറകേ ഒന്നായി ഓരോ കൂട്ട​ത്തെ​യും ദാസന്മാ​രു​ടെ കൈയിൽ ഏൽപ്പി​ച്ചിട്ട്‌ യാക്കോ​ബ്‌ പറഞ്ഞു: “എനിക്കു മുമ്പേ നിങ്ങൾ അപ്പുറം കടക്കുക. ഓരോ കൂട്ടവും അടുത്ത കൂട്ടത്തിൽനി​ന്ന്‌ കുറച്ച്‌ അകലം പാലിച്ച്‌ വേണം പോകാൻ.” 17 പിന്നെ ഒന്നാമനോ​ടു കല്‌പി​ച്ചു: “എന്റെ ചേട്ടനായ ഏശാവ്‌ നിന്നെ കാണു​മ്പോൾ, ‘നീ ആരുടെ ദാസൻ, എവിടെ പോകു​ന്നു, നിന്റെ മുന്നി​ലുള്ള ഇവയെ​ല്ലാം ആരു​ടേ​താണ്‌’ എന്നെല്ലാം ചോദി​ച്ചാൽ 18 നീ ഇങ്ങനെ പറയണം: ‘ഇവയെ​ല്ലാം അങ്ങയുടെ ദാസനായ യാക്കോ​ബിന്റേ​താണ്‌. യജമാ​ന​നായ ഏശാവി​ന്‌ യാക്കോ​ബ്‌ അയച്ചി​രി​ക്കുന്ന സമ്മാന​മാണ്‌ ഇവ.+ ഇതാ, യാക്കോ​ബും പിന്നാലെ വരുന്നു​ണ്ട്‌.’” 19 രണ്ടാമനോടും മൂന്നാ​മനോ​ടും ഓരോ കൂട്ട​ത്തോ​ടും ഒപ്പം പോകുന്ന എല്ലാവരോ​ടും യാക്കോ​ബ്‌ കല്‌പി​ച്ചു: “ഏശാവി​നെ കാണു​മ്പോൾ നിങ്ങളും ഇങ്ങനെ​തന്നെ പറയണം. 20 കൂടാതെ, ‘അങ്ങയുടെ ദാസനായ യാക്കോ​ബ്‌ പിന്നാലെ​യുണ്ട്‌’ എന്നും പറയണം.” കാരണം യാക്കോ​ബ്‌ തന്നോ​ടു​തന്നെ പറഞ്ഞു: ‘എനിക്കു മുമ്പായി സമ്മാനം കൊടുത്തയച്ച്‌+ ഏശാവി​നെ ശാന്തനാ​ക്കാൻ കഴിഞ്ഞാൽ, പിന്നീടു നേരിൽ കാണു​മ്പോൾ ഏശാവ്‌ എന്നെ ദയയോ​ടെ സ്വീക​രിച്ചേ​ക്കും.’ 21 അങ്ങനെ സമ്മാനങ്ങൾ യാക്കോ​ബി​നു മുമ്പായി അപ്പുറം കടന്നു. എന്നാൽ യാക്കോ​ബ്‌ അന്നു രാത്രി കൂടാ​ര​ത്തിൽ കഴിഞ്ഞു.

22 യാക്കോബ്‌ രാത്രി​യിൽ തന്റെ രണ്ടു ഭാര്യമാരെയും+ രണ്ടു ദാസിമാരെയും+ 11 ആൺമക്കളെ​യും കൂട്ടി ആഴം കുറഞ്ഞ ഭാഗത്തു​കൂ​ടി യബ്ബോക്ക്‌+ നദി കുറുകെ കടന്നു. 23 അങ്ങനെ അവരെയെ​ല്ലാം നദിക്ക്‌* അക്കര കടത്തി. തനിക്കു​ണ്ടാ​യി​രു​ന്നതെ​ല്ലാം യാക്കോ​ബ്‌ അക്കരെ എത്തിച്ചു.

24 ഒടുവിൽ യാക്കോ​ബ്‌ മാത്രം ശേഷിച്ചു. അപ്പോൾ ഒരു പുരുഷൻ വന്ന്‌ നേരം പുലരു​ന്ന​തു​വരെ യാക്കോ​ബു​മാ​യി മല്ലുപി​ടി​ച്ചു.+ 25 ജയിക്കാൻ കഴിയു​ന്നില്ലെന്നു കണ്ടപ്പോൾ അയാൾ യാക്കോ​ബി​ന്റെ ഇടു​പ്പെ​ല്ലിൽ തൊട്ടു. അങ്ങനെ അയാളു​മാ​യുള്ള മല്‌പി​ടി​ത്ത​ത്തിൽ യാക്കോ​ബി​ന്റെ ഇടുപ്പ്‌ ഉളുക്കിപ്പോ​യി.+ 26 പിന്നെ അയാൾ, “നേരം പുലരു​ന്നു, എന്നെ വിടൂ” എന്നു പറഞ്ഞു. “എന്നെ അനു​ഗ്ര​ഹി​ക്കാ​തെ ഞാൻ വിടില്ല” എന്നു യാക്കോ​ബ്‌ പറഞ്ഞു.+ 27 “നിന്റെ പേര്‌ എന്താണ്‌” എന്ന്‌ അയാൾ ചോദി​ച്ചപ്പോൾ, “യാക്കോ​ബ്‌” എന്നു പറഞ്ഞു. 28 അയാൾ പറഞ്ഞു: “ഇനി നിന്റെ പേര്‌ യാക്കോ​ബ്‌ എന്നല്ല, ഇസ്രായേൽ* എന്നായി​രി​ക്കും.+ കാരണം നീ ദൈവത്തോ​ടും മനുഷ്യനോ​ടും പൊരു​തി ജയിച്ചി​രി​ക്കു​ന്നു.”+ 29 യാക്കോബ്‌ അയാ​ളോട്‌, “ദയവായി അങ്ങയുടെ പേര്‌ എന്താ​ണെന്നു പറയുക” എന്നു പറഞ്ഞു. എന്നാൽ അയാൾ, “നീ എന്റെ പേര്‌ അന്വേ​ഷി​ക്കു​ന്നത്‌ എന്തിന്‌”+ എന്നു ചോദി​ച്ചു. അതിനു ശേഷം അയാൾ അവി​ടെവെച്ച്‌ യാക്കോ​ബി​നെ അനു​ഗ്ര​ഹി​ച്ചു. 30 അതിനാൽ യാക്കോ​ബ്‌ ആ സ്ഥലത്തിനു പെനീയേൽ*+ എന്നു പേരിട്ടു. കാരണം യാക്കോ​ബ്‌ പറഞ്ഞു: “ദൈവത്തെ മുഖാ​മു​ഖം കണ്ടെങ്കി​ലും ഞാൻ ജീവ​നോ​ടി​രി​ക്കു​ന്നു.”+

31 യാക്കോബ്‌ പെനുവേൽ* വിട്ട്‌ പോകുമ്പോഴേ​ക്കും സൂര്യൻ ഉദിച്ചു​ക​ഴി​ഞ്ഞി​രു​ന്നു. എന്നാൽ ഇടുപ്പ്‌ ഉളുക്കിയതുകൊണ്ട്‌+ മുടന്തി​യാ​ണു നടന്നത്‌. 32 യാക്കോബിന്റെ ഇടുപ്പിൽ തുടഞരമ്പിന്‌* അടുത്താ​യി അയാൾ തൊട്ട​തുകൊണ്ട്‌ ഇന്നുവരെ​യും ഇസ്രാ​യേൽമക്കൾ ഇടുപ്പി​ലെ തുടഞ​രമ്പു കഴിക്കാ​റില്ല.

33 യാക്കോ​ബ്‌ നോക്കി​യപ്പോൾ ഏശാവ്‌ 400 ആളുകളുമായി+ വരുന്നതു കണ്ടു. അപ്പോൾ യാക്കോ​ബ്‌ കുട്ടി​കളെയെ​ല്ലാം ലേയയുടെ​യും റാഹേ​ലിന്റെ​യും രണ്ടു ദാസിമാരുടെയും+ അടുത്താ​യി നിറുത്തി. 2 ഏറ്റവും മുന്നിൽ ദാസി​മാരെ​യും അവരുടെ കുട്ടി​കളെ​യും,+ പിന്നി​ലാ​യി ലേയ​യെ​യും അവളുടെ കുട്ടി​കളെ​യും,+ അതിനു പിന്നിൽ റാഹേലിനെയും+ യോ​സേ​ഫിനെ​യും നിറുത്തി. 3 പിന്നെ അവർക്കു മുമ്പേ നടന്ന്‌ തന്റെ ചേട്ടന്റെ അടുത്ത്‌ എത്തും​വരെ യാക്കോ​ബ്‌ ഏഴു പ്രാവ​ശ്യം നിലം​വരെ കുനിഞ്ഞ്‌ നമസ്‌ക​രി​ച്ചു.

4 അപ്പോൾ ഏശാവ്‌ ഓടി​ച്ചെന്ന്‌ യാക്കോ​ബി​നെ സ്വീക​രി​ച്ചു, യാക്കോ​ബി​നെ കെട്ടി​പ്പി​ടിച്ച്‌ ചുംബി​ച്ചു. ഇരുവ​രും പൊട്ടി​ക്ക​രഞ്ഞു. 5 സ്‌ത്രീകളെയും കുട്ടി​കളെ​യും കണ്ടപ്പോൾ ഏശാവ്‌ ചോദി​ച്ചു: “നിന്നോടൊ​പ്പ​മുള്ള ഇവർ ആരാണ്‌?” അതിന്‌ യാക്കോ​ബ്‌, “അങ്ങയുടെ ഈ ദാസനു ദൈവം കനിഞ്ഞ്‌ നൽകിയ കുട്ടികളാണ്‌+ ഇവർ” എന്നു പറഞ്ഞു. 6 അപ്പോൾ ദാസി​മാർ അവരുടെ കുട്ടി​കളോടൊ​പ്പം വന്ന്‌ ഏശാവി​ന്റെ മുന്നിൽ കുമ്പിട്ട്‌ നമസ്‌ക​രി​ച്ചു. 7 പിന്നെ ലേയയും കുട്ടി​ക​ളും വന്ന്‌ നമസ്‌ക​രി​ച്ചു. തുടർന്ന്‌, യോ​സേ​ഫും റാഹേ​ലും വന്ന്‌ ഏശാവി​നെ നമസ്‌ക​രി​ച്ചു.+

8 അപ്പോൾ ഏശാവ്‌, “ഞാൻ കണ്ട ആ ആളുകളെയെ​ല്ലാം നീ അയച്ചത്‌ എന്തിനാ​ണ്‌”+ എന്നു ചോദി​ച്ചു. “എന്റെ യജമാ​നന്റെ പ്രീതി നേടു​ന്ന​തിന്‌” എന്നു യാക്കോ​ബ്‌ പറഞ്ഞു.+ 9 അപ്പോൾ ഏശാവ്‌ പറഞ്ഞു: “സഹോ​ദരാ, എനിക്ക്‌ ഒരുപാ​ടു വസ്‌തു​വ​ക​ക​ളുണ്ട്‌.+ നിന്റേതു നീതന്നെ വെച്ചുകൊ​ള്ളൂ.” 10 എന്നാൽ യാക്കോ​ബ്‌ പറഞ്ഞു: “ദയവുചെ​യ്‌ത്‌ അങ്ങനെ പറയരു​തേ. എന്നോടു പ്രീതി തോന്നുന്നെ​ങ്കിൽ എന്റെ സമ്മാനം സ്വീക​രി​ക്കണം. കാരണം അങ്ങയുടെ മുഖം കാണാൻവേ​ണ്ടി​യാ​ണു ഞാൻ അതു കൊണ്ടു​വ​ന്നത്‌. അങ്ങ്‌ എന്നെ സന്തോ​ഷത്തോ​ടെ സ്വീക​രി​ച്ച​തുകൊണ്ട്‌ ദൈവ​ത്തി​ന്റെ മുഖം കാണു​ന്ന​തുപോലെ​യാ​ണു ഞാൻ അങ്ങയുടെ മുഖം കാണു​ന്നത്‌.+ 11 ദൈവം എന്നോടു പ്രീതി കാണി​ച്ചി​രി​ക്കു​ന്നു; ആവശ്യ​മു​ള്ളതെ​ല്ലാം എനിക്കു​ണ്ട്‌.+ അതിനാൽ ഈ സമ്മാനം*+ സ്വീക​രി​ച്ചാ​ലും.” യാക്കോ​ബ്‌ കുറെ നിർബ​ന്ധി​ച്ചപ്പോൾ ഏശാവ്‌ അതു സ്വീക​രി​ച്ചു.

12 പിന്നെ ഏശാവ്‌ പറഞ്ഞു: “വരൂ, നമുക്കു പുറ​പ്പെ​ടാം. ഞാൻ നിനക്കു മുമ്പായി പോകാം.” 13 എന്നാൽ യാക്കോ​ബ്‌ പറഞ്ഞു: “മക്കൾ നന്നേ ചെറുപ്പമാണെന്നും+ പാലൂ​ട്ടുന്ന ആടുക​ളും കന്നുകാ​ലി​ക​ളും കൂട്ടത്തി​ലുണ്ടെ​ന്നും യജമാ​നന്‌ അറിയാ​മ​ല്ലോ. ഒരു ദിവസം മുഴുവൻ വേഗത്തിൽ തെളി​ച്ചാൽ ആട്ടിൻപ​റ്റമെ​ല്ലാം ചത്തു​പോ​കും. 14 അതുകൊണ്ട്‌ യജമാനൻ അങ്ങയുടെ ഈ ദാസനു മുമ്പേ പുറ​പ്പെ​ട്ടാ​ലും. കുട്ടി​ക​ളുടെ​യും മൃഗങ്ങ​ളുടെ​യും പ്രാപ്‌തി​യ​നു​സ​രിച്ച്‌ ഞാൻ സാവധാ​നം യാത്ര ചെയ്‌ത്‌ സേയീ​രിൽ എന്റെ യജമാ​നന്റെ അടുത്ത്‌ എത്തി​ക്കൊ​ള്ളാം.”+ 15 അപ്പോൾ ഏശാവ്‌, “ഞാൻ എന്റെ ആളുക​ളിൽ ചിലരെ നിന്റെ അടുത്ത്‌ നിറു​ത്തട്ടേ” എന്നു ചോദി​ച്ചു. അപ്പോൾ യാക്കോ​ബ്‌ പറഞ്ഞു: “എന്തിന്‌? എനിക്ക്‌ യജമാ​നന്റെ പ്രീതി​യു​ണ്ടാ​യി​രു​ന്നാൽ മാത്രം മതി.” 16 അതുകൊണ്ട്‌ അന്നുതന്നെ ഏശാവ്‌ സേയീ​രിലേക്കു തിരി​ച്ചുപോ​യി.

17 യാക്കോബ്‌ സുക്കോത്തിലേക്കു+ യാത്ര ചെയ്‌തു. അവിടെ യാക്കോ​ബ്‌ ഒരു വീടു പണിതു, മൃഗങ്ങൾക്കു തൊഴു​ത്തു​കൾ ഉണ്ടാക്കു​ക​യും ചെയ്‌തു. അതു​കൊ​ണ്ടാണ്‌ ആ സ്ഥലത്തിനു യാക്കോ​ബ്‌ സുക്കോത്ത്‌* എന്നു പേരി​ട്ടത്‌.

18 പദ്ദൻ-അരാമിൽനിന്ന്‌+ പുറപ്പെട്ട യാക്കോ​ബ്‌ കനാൻ+ ദേശത്തുള്ള ശെഖേം+ എന്ന നഗരത്തിൽ സുരക്ഷി​ത​നാ​യി എത്തി​ച്ചേർന്നു. അവിടെ നഗരത്തി​ന്‌ അടുത്ത്‌ കൂടാരം അടിച്ചു. 19 തുടർന്ന്‌, കൂടാരം അടിച്ചി​രുന്ന സ്ഥലത്തിന്റെ ഒരു ഭാഗം ഹാമോ​രി​ന്റെ പുത്ര​ന്മാ​രിൽനിന്ന്‌ (അവരിലൊ​രു​വ​നാ​ണു ശെഖേം.) 100 കാശിനു വാങ്ങി.*+ 20 യാക്കോബ്‌ അവിടെ ഒരു യാഗപീ​ഠം പണിത്‌ അതിനെ ദൈവം, ഇസ്രായേ​ലി​ന്റെ ദൈവം,+ എന്നു വിളിച്ചു.

34 യാക്കോ​ബി​നു ലേയയിൽ ഉണ്ടായ മകൾ ദീന+ പുറത്ത്‌ പോയി ആ ദേശത്തെ യുവതികളോടൊപ്പം+ പതിവാ​യി സമയം ചെലവ​ഴി​ക്കു​മാ​യി​രു​ന്നു.* 2 ദേശത്തിലെ ഒരു തലവനായ ഹാമോർ എന്ന ഹിവ്യന്റെ+ മകൻ ശെഖേം ദീനയെ ശ്രദ്ധിച്ചു. ശെഖേം ദീനയെ പിടി​ച്ചുകൊ​ണ്ടുപോ​യി മാനഭം​ഗപ്പെ​ടു​ത്തി. 3 യാക്കോബിന്റെ മകളായ ദീന​യോ​ടു ശെഖേ​മി​നു കടുത്ത പ്രേമം തോന്നി. ശെഖേം ദീനയെ പ്രണയി​ക്കാൻതു​ടങ്ങി. ദീനയു​ടെ മനം കവരും​വി​ധം ശെഖേം ഹൃദ്യമായി* സംസാ​രി​ച്ചു. 4 ഒടുവിൽ ശെഖേം അപ്പനായ ഹാമോ​രിനോട്‌,+ “ഈ യുവതി​യെ എനിക്കു ഭാര്യ​യാ​യി കിട്ടണം” എന്നു പറഞ്ഞു.

5 മകളെ ശെഖേം കളങ്ക​പ്പെ​ടു​ത്തിയെന്നു യാക്കോ​ബ്‌ അറിഞ്ഞ സമയത്ത്‌ യാക്കോ​ബി​ന്റെ ആൺമക്കൾ വീട്ടി​ലി​ല്ലാ​യി​രു​ന്നു; അവർ അപ്പന്റെ മൃഗങ്ങളെ മേയ്‌ക്കാൻ പോയി​രി​ക്കു​ക​യാ​യി​രു​ന്നു. അതു​കൊണ്ട്‌, അവർ മടങ്ങി​വ​രു​ന്ന​തു​വരെ യാക്കോ​ബ്‌ മൗനം പാലിച്ചു. 6 പിന്നീട്‌, ശെഖേ​മി​ന്റെ അപ്പനായ ഹാമോർ യാക്കോ​ബിനോ​ടു സംസാ​രി​ക്കാൻ വന്നു. 7 സംഭവിച്ചതിനെക്കുറിച്ച്‌ കേട്ട ഉടനെ യാക്കോ​ബി​ന്റെ ആൺമക്കൾ മേച്ചിൽപ്പു​റ​ത്തു​നിന്ന്‌ മടങ്ങി​യെത്തി. ശെഖേം യാക്കോ​ബി​ന്റെ മകളു​മാ​യി ബന്ധപ്പെ​ടു​ക​യും അരുതാ​ത്തതു ചെയ്‌ത്‌+ ഇസ്രായേ​ലി​നെ അപമാ​നി​ക്കു​ക​യും ചെയ്‌ത​തിൽ അവർക്കു ദേഷ്യ​വും അമർഷ​വും തോന്നി.+

8 ഹാമോർ അവരോ​ടു പറഞ്ഞു: “എന്റെ മകൻ ശെഖേ​മി​നു നിങ്ങളു​ടെ മകളെ വളരെ ഇഷ്ടമാണ്‌. ദയവുചെ​യ്‌ത്‌ അവളെ അവനു വിവാഹം ചെയ്‌തുകൊ​ടുത്ത്‌ 9 ഞങ്ങളുമായി ബന്ധം സ്ഥാപി​ക്കുക.* നിങ്ങളു​ടെ പുത്രി​മാ​രെ ഞങ്ങൾക്കു തരുക​യും ഞങ്ങളുടെ പുത്രി​മാ​രെ നിങ്ങൾക്കു സ്വീക​രി​ക്കു​ക​യും ചെയ്യാം.+ 10 നിങ്ങൾക്കു ഞങ്ങളോടൊ​പ്പം താമസി​ക്കാം. ഈ ദേശത്ത്‌ നിങ്ങൾക്ക്‌ എല്ലാ സ്വാതന്ത്ര്യ​വു​മു​ണ്ടാ​യി​രി​ക്കും. ഇവിടെ വ്യാപാ​രം ചെയ്‌ത്‌ താമസ​മു​റ​പ്പി​ച്ചുകൊ​ള്ളൂ.” 11 പിന്നെ ശെഖേം ദീനയു​ടെ അപ്പനോ​ടും ആങ്ങളമാരോ​ടും പറഞ്ഞു: “ദയവുചെ​യ്‌ത്‌ എന്നോടു കരുണ കാണി​ക്കണം; ചോദി​ക്കു​ന്നത്‌ എന്തും ഞാൻ തരാം. 12 എത്ര വലിയ തുകയും സമ്മാന​വും നിങ്ങൾക്ക്‌ എന്നോടു വധുവി​ല​യാ​യി ആവശ്യപ്പെ​ടാം.+ നിങ്ങൾ ചോദി​ക്കു​ന്നത്‌ എന്തും തരാൻ ഞാൻ തയ്യാറാ​ണ്‌. പെൺകു​ട്ടി​യെ എനിക്കു ഭാര്യ​യാ​യി തന്നാൽ മാത്രം മതി.”

13 തങ്ങളുടെ പെങ്ങളായ ദീനയെ ശെഖേം കളങ്ക​പ്പെ​ടു​ത്തി​യ​തി​നാൽ യാക്കോ​ബി​ന്റെ ആൺമക്കൾ ശെഖേ​മിനോ​ടും ശെഖേ​മി​ന്റെ അപ്പനായ ഹാമോ​രിനോ​ടും തന്ത്രപൂർവം സംസാ​രി​ച്ചു. 14 അവർ അവരോ​ടു പറഞ്ഞു: “ഇങ്ങനെയൊ​രു കാര്യം ചെയ്യാൻ ഒരിക്ക​ലും ഞങ്ങൾക്കു പറ്റില്ല. പരിച്ഛേദനയേൽക്കാത്ത*+ ഒരു പുരു​ഷനു ഞങ്ങളുടെ പെങ്ങളെ കൊടു​ക്കു​ന്നതു ഞങ്ങൾക്ക്‌ അപമാ​ന​മാണ്‌. 15 എന്നാൽ ഈ വ്യവസ്ഥ അംഗീ​ക​രി​ച്ചാൽ ഞങ്ങൾ ഇക്കാര്യം സമ്മതി​ക്കാം: നിങ്ങൾ ഞങ്ങളെപ്പോലെ​യാ​കു​ക​യും നിങ്ങൾക്കി​ട​യി​ലെ ആണുങ്ങളൊക്കെ​യും പരി​ച്ഛേ​ദ​നയേൽക്കു​ക​യും വേണം.+ 16 അങ്ങനെ ചെയ്‌താൽ ഞങ്ങളുടെ പുത്രി​മാ​രെ നിങ്ങൾക്കു തരുക​യും നിങ്ങളു​ടെ പുത്രി​മാ​രെ ഞങ്ങൾ സ്വീക​രി​ക്കു​ക​യും ഞങ്ങൾ നിങ്ങ​ളോടൊ​പ്പം താമസി​ക്കു​ക​യും ചെയ്യാം. അങ്ങനെ നമുക്ക്‌ ഒരു ജനമാ​യി​ത്തീ​രാം. 17 എന്നാൽ ഞങ്ങൾ പറയു​ന്നതു കേൾക്കാ​നോ പരി​ച്ഛേ​ദ​നയേൽക്കാ​നോ നിങ്ങൾ ഒരുക്ക​മല്ലെ​ങ്കിൽ ഞങ്ങൾ ഞങ്ങളുടെ മകളെ കൂട്ടിക്കൊ​ണ്ടുപോ​കും.”

18 അവരുടെ വാക്കുകൾ ഹാമോരിനും+ മകനായ ശെഖേമിനും+ ബോധി​ച്ചു. 19 ആ യുവാ​വി​നു യാക്കോ​ബി​ന്റെ മകളോ​ടു കടുത്ത പ്രേമ​മാ​യി​രു​ന്ന​തി​നാൽ അവർ ആവശ്യപ്പെട്ടതു+ ചെയ്യാൻ ഒട്ടും താമസി​ച്ചില്ല. ശെഖേം തന്റെ അപ്പന്റെ ഭവനത്തി​ലെ ഏറ്റവും ആദരണീ​യ​നാ​യി​രു​ന്നു.

20 അങ്ങനെ ഹാമോ​രും മകനായ ശെഖേ​മും നഗരക​വാ​ട​ത്തിൽ ചെന്ന്‌ അവരുടെ നഗരത്തി​ലെ പുരുഷന്മാരോടു+ സംസാ​രി​ച്ചു. അവർ പറഞ്ഞു: 21 “ഈ മനുഷ്യർ നമ്മളോ​ടു സമാധാ​ന​ത്തി​ലാ​യി​രി​ക്കാൻ ആഗ്രഹി​ക്കു​ന്നു. അവർ ഈ ദേശത്ത്‌ താമസി​ച്ച്‌ ഇവിടെ വ്യാപാ​രം ചെയ്യട്ടെ. ഈ ദേശം അവർക്കും​കൂ​ടെ താമസി​ക്കാ​വു​ന്നത്ര വലുതാ​ണ​ല്ലോ. അവരുടെ പെൺമ​ക്കളെ നമുക്കു ഭാര്യ​മാ​രാ​ക്കാം, നമ്മുടെ പെൺമ​ക്കളെ അവർക്കു കൊടു​ക്കു​ക​യും ചെയ്യാം.+ 22 എന്നാൽ അവർ നമ്മളോടൊ​പ്പം താമസി​ച്ച്‌ അവരും നമ്മളും ഒരു ജനമാ​യി​ത്തീ​ര​ണമെ​ങ്കിൽ നമ്മൾ ഒരു വ്യവസ്ഥ പാലി​ക്കണം: അവർ പരി​ച്ഛേ​ദ​നയേ​റ്റി​രി​ക്കു​ന്ന​തുപോ​ലെ നമുക്കി​ട​യി​ലെ ആണുങ്ങളെ​ല്ലാം പരി​ച്ഛേ​ദ​നയേൽക്കണം.+ 23 അപ്പോൾ അവരുടെ വസ്‌തു​വ​ക​ക​ളും സമ്പത്തും എല്ലാ മൃഗങ്ങ​ളും നമ്മു​ടേ​താ​യി​ത്തീ​രും. അതു​കൊണ്ട്‌, അവർ നമ്മളോടൊ​പ്പം താമസിക്കേ​ണ്ട​തി​നു നമുക്ക്‌ അവർ പറയു​ന്നതു സമ്മതി​ക്കാം.” 24 ഹാമോരും മകനായ ശെഖേ​മും പറഞ്ഞതു നഗരക​വാ​ട​ത്തിൽ കൂടി​വ​ന്ന​വരെ​ല്ലാം അനുസ​രി​ച്ചു. നഗരക​വാ​ട​ത്തിൽ കൂടിവന്ന ആണുങ്ങളെ​ല്ലാം പരി​ച്ഛേ​ദ​നയേറ്റു.

25 എന്നാൽ മൂന്നാം ദിവസം, അവർ വേദനയോ​ടി​രി​ക്കുമ്പോൾ, യാക്കോ​ബി​ന്റെ രണ്ട്‌ ആൺമക്കൾ, ദീനയു​ടെ ആങ്ങളമാ​രായ ശിമെയോ​നും ലേവി​യും,+ വാൾ എടുത്ത്‌ ആ നഗരത്തി​ലേക്കു ചെന്ന്‌ അവി​ടെ​യുള്ള ആണുങ്ങളെയെ​ല്ലാം കൊന്നു.+ തികച്ചും അപ്രതീ​ക്ഷി​ത​മാ​യി​രു​ന്നു ആ ആക്രമണം. 26 അവർ ഹാമോ​രിനെ​യും മകനായ ശെഖേ​മിനെ​യും വാളു​കൊ​ണ്ട്‌ വെട്ടി​ക്കൊ​ന്ന്‌ ദീനയെ ശെഖേ​മി​ന്റെ വീട്ടിൽനി​ന്ന്‌ കൂട്ടിക്കൊ​ണ്ടുപോ​യി. 27 തങ്ങളുടെ പെങ്ങളെ അവർ കളങ്ക​പ്പെ​ടു​ത്തി​യ​തി​നാൽ,+ യാക്കോ​ബി​ന്റെ മറ്റ്‌ ആൺമക്കൾ കൊല്ല​പ്പെട്ട പുരു​ഷ​ന്മാ​രു​ടെ ഇടയി​ലേക്കു ചെന്ന്‌ ആ നഗരം കൊള്ള​യ​ടി​ച്ചു. 28 അവർ അവരുടെ ആട്ടിൻപ​റ്റങ്ങൾ, കന്നുകാ​ലി​കൾ, കഴുതകൾ തുടങ്ങി നഗരത്തി​ന്‌ അകത്തും പുറത്തും കണ്ടതെ​ല്ലാം എടുത്തുകൊ​ണ്ടുപോ​യി. 29 അവർ അവരുടെ വസ്‌തു​വ​ക​കളൊ​ക്കെ എടുത്തു. അവരുടെ ഭാര്യ​മാരെ​യും കുഞ്ഞു​ങ്ങളെ​യും എല്ലാം പിടി​ച്ചുകൊ​ണ്ടുപോ​യി. വീടു​ക​ളി​ലു​ള്ളതു മുഴുവൻ അവർ കൊള്ള​യ​ടി​ച്ചു.

30 അപ്പോൾ യാക്കോ​ബ്‌ ശിമെയോനോ​ടും ലേവിയോടും+ പറഞ്ഞു: “ഈ ദേശക്കാ​രായ കനാന്യ​രുടെ​യും പെരി​സ്യ​രുടെ​യും ഇടയിൽ നിങ്ങൾ എന്നെ നാറ്റിച്ച്‌ വലിയ കുഴപ്പ​ത്തി​ലാ​ക്കി​യി​രി​ക്കു​ന്നു.* എനിക്ക്‌ ആൾബലം കുറവാ​ണ്‌. അവർ സംഘം ചേർന്ന്‌ എന്നെ ആക്രമി​ച്ച്‌ എന്നെയും എന്റെ കുടും​ബത്തെ​യും പൂർണ​മാ​യി നശിപ്പി​ക്കുമെന്ന്‌ ഉറപ്പാണ്‌.” 31 അപ്പോൾ അവർ, “ഒരു വേശ്യയോടെ​ന്നപോ​ലെ ആർക്കും ഞങ്ങളുടെ പെങ്ങ​ളോ​ടു പെരു​മാ​റാം എന്നാണോ” എന്നു ചോദി​ച്ചു.

35 അതിനു ശേഷം ദൈവം യാക്കോ​ബിനോ​ടു പറഞ്ഞു: “എഴു​ന്നേറ്റ്‌ ബഥേലിലേക്കു+ ചെന്ന്‌ അവിടെ താമസി​ക്കുക. നിന്റെ ചേട്ടനായ ഏശാവി​ന്റെ അടുത്തു​നിന്ന്‌ ഓടിപ്പോന്നപ്പോൾ+ നിനക്കു പ്രത്യ​ക്ഷ​നായ സത്യദൈ​വ​ത്തിന്‌ അവിടെ ഒരു യാഗപീ​ഠം പണിയുക.”

2 അപ്പോൾ യാക്കോ​ബ്‌ വീട്ടി​ലു​ള്ള​വരോ​ടും കൂടെ​യുള്ള എല്ലാവരോ​ടും പറഞ്ഞു: “നിങ്ങൾക്കി​ട​യി​ലെ അന്യദൈ​വ​ങ്ങളെയെ​ല്ലാം നീക്കിക്കളഞ്ഞിട്ട്‌+ നിങ്ങ​ളെ​ത്തന്നെ ശുദ്ധീ​ക​രിച്ച്‌ വസ്‌ത്രം മാറുക. 3 നമുക്കു ബഥേലി​ലേക്കു പോകാം. എന്റെ കഷ്ടകാ​ല​ങ്ങ​ളിലെ​ല്ലാം എനിക്ക്‌ ഉത്തരം തരുക​യും ഞാൻ പോയ സ്ഥലങ്ങളിലെല്ലാം*+ എന്നോ​ടു​കൂ​ടെ ഇരിക്കു​ക​യും ചെയ്‌ത സത്യദൈ​വ​ത്തിന്‌ അവിടെ ഞാൻ ഒരു യാഗപീ​ഠം പണിയും.” 4 അങ്ങനെ അവർ അവരുടെ കൈയി​ലു​ണ്ടാ​യി​രുന്ന എല്ലാ അന്യ​ദേ​വ​വിഗ്ര​ഹ​ങ്ങ​ളും ചെവി​യി​ല​ണി​ഞ്ഞി​രുന്ന കമ്മലു​ക​ളും യാക്കോ​ബി​നു കൊടു​ത്തു. യാക്കോ​ബ്‌ അവയെ​ല്ലാം ശെഖേ​മിന്‌ അടുത്തുള്ള ഓക്ക്‌ മരത്തിന്റെ ചുവട്ടിൽ കുഴി​ച്ചി​ട്ടു.*

5 പിന്നെ അവർ യാത്ര ആരംഭി​ച്ചു. ദൈവത്തെ​ക്കു​റി​ച്ചുള്ള ഉഗ്രഭയം ചുറ്റു​മുള്ള നഗരങ്ങളെ പിടി​കൂ​ടി​യി​രു​ന്ന​തി​നാൽ അവർ യാക്കോ​ബി​ന്റെ മക്കളെ പിന്തു​ടർന്നില്ല. 6 ഒടുവിൽ യാക്കോ​ബും കൂടെ​യുള്ള എല്ലാവ​രും കനാൻ ദേശത്തെ ലുസിൽ,+ അതായത്‌ ബഥേലിൽ, എത്തി​ച്ചേർന്നു. 7 യാക്കോബ്‌ അവിടെ ഒരു യാഗപീ​ഠം പണിത്‌ ആ സ്ഥലത്തെ ഏൽ-ബഥേൽ* എന്നു വിളിച്ചു. കാരണം സ്വന്തം ചേട്ടന്റെ അടുത്തു​നിന്ന്‌ ഓടി​പ്പോയ സമയത്ത്‌+ അവി​ടെവെ​ച്ചാ​ണു യാക്കോ​ബി​നു സത്യ​ദൈവം തന്നെത്തന്നെ വെളിപ്പെ​ടു​ത്തി​യത്‌. 8 പിന്നീട്‌ റിബെ​ക്ക​യു​ടെ വളർത്ത​മ്മ​യായ ദബോര+ മരിച്ചു. ബഥേലി​ന്റെ അടിവാ​ര​ത്തുള്ള ഒരു വലിയ മരത്തിന്റെ ചുവട്ടിൽ ദബോ​രയെ അടക്കം ചെയ്‌തു. അതു​കൊണ്ട്‌, യാക്കോ​ബ്‌ അതിന്‌ അല്ലോൻ-ബാഖൂത്ത്‌* എന്നു പേരിട്ടു.

9 യാക്കോബ്‌ പദ്ദൻ-അരാമിൽനി​ന്ന്‌ മടങ്ങി​വ​രുമ്പോൾ ദൈവം ഒരിക്കൽക്കൂ​ടി പ്രത്യ​ക്ഷപ്പെട്ട്‌ യാക്കോ​ബി​നെ അനു​ഗ്ര​ഹി​ച്ചു. 10 ദൈവം പറഞ്ഞു: “നിന്റെ പേര്‌ യാക്കോ​ബ്‌ എന്നാണ​ല്ലോ.+ എന്നാൽ ഇനിമു​തൽ നിന്റെ പേര്‌ യാക്കോ​ബ്‌ എന്നല്ല, ഇസ്രാ​യേൽ എന്നായി​രി​ക്കും.”+ അങ്ങനെ ദൈവം യാക്കോ​ബി​നെ ഇസ്രാ​യേൽ എന്നു വിളി​ച്ചു​തു​ടങ്ങി. 11 ദൈവം പറഞ്ഞു: “ഞാൻ സർവശ​ക്ത​നായ ദൈവ​മാണ്‌.+ നീ സന്താന​സ​മൃ​ദ്ധി​യു​ള്ള​വ​നാ​യി പെരു​കുക! ജനതക​ളും ജനതക​ളു​ടെ ഒരു സഭയും നിന്നിൽനി​ന്ന്‌ പുറ​പ്പെ​ടും.+ രാജാ​ക്ക​ന്മാ​രും നിന്നിൽനി​ന്ന്‌ ഉത്ഭവി​ക്കും.*+ 12 ഞാൻ അബ്രാ​ഹാ​മി​നും യിസ്‌ഹാ​ക്കി​നും കൊടുത്ത ദേശം നിനക്കും നിന്റെ ശേഷം നിന്റെ സന്തതിക്കും* കൊടു​ക്കും.”+ 13 പിന്നെ, യാക്കോ​ബിനോ​ടു സംസാ​രി​ച്ചുകൊ​ണ്ടി​രുന്ന സ്ഥലത്തു​നിന്ന്‌ ദൈവം പോയി.

14 ദൈവം തന്നോടു സംസാ​രിച്ച ആ സ്ഥലത്ത്‌ യാക്കോ​ബ്‌ ഒരു കൽത്തൂൺ നാട്ടി. അതിനു മേൽ പാനീ​യ​യാ​ഗം ചൊരി​ഞ്ഞു; എണ്ണയും പകർന്നു.+ 15 ദൈവം സംസാ​രിച്ച ആ സ്ഥലത്തെ യാക്കോ​ബ്‌ ബഥേൽ എന്നുതന്നെ വിളിച്ചു.+

16 പിന്നെ അവർ ബഥേലിൽനി​ന്ന്‌ യാത്ര തിരിച്ചു. അവർ എഫ്രാ​ത്ത​യിൽ എത്തുന്ന​തി​നു വളരെ മുമ്പു​തന്നെ റാഹേൽ പ്രസവി​ച്ചു. പക്ഷേ പ്രസവ​സ​മ​യത്ത്‌ റാഹേ​ലിന്‌ അസാധാ​ര​ണ​മായ വേദന അനുഭ​വപ്പെട്ടു. 17 പ്രസവിക്കാൻ വളരെ ബുദ്ധി​മു​ട്ടു​ന്നതു കണ്ടപ്പോൾ വയറ്റാട്ടി പറഞ്ഞു: “പേടി​ക്കേണ്ടാ, നിനക്ക്‌ ഈ മകനെ​യും ലഭിക്കും.”+ 18 പ്രാണൻ പോകുന്ന സമയത്ത്‌ (കാരണം റാഹേൽ മരിക്കു​ക​യാ​യി​രു​ന്നു.) റാഹേൽ കുഞ്ഞിനു ബനോനി* എന്നു പേരിട്ടു. എന്നാൽ അവന്റെ അപ്പൻ അവനെ ബന്യാമീൻ*+ എന്നു വിളിച്ചു. 19 അങ്ങനെ റാഹേൽ മരിച്ചു. എഫ്രാ​ത്ത​യ്‌ക്കുള്ള, അതായത്‌ ബേത്ത്‌ലെഹെ​മി​നുള്ള,+ വഴിക്ക​രി​കെ റാഹേ​ലി​നെ അടക്കം ചെയ്‌തു. 20 യാക്കോബ്‌ റാഹേ​ലി​ന്റെ ശവകു​ടീ​ര​ത്തി​നു മുകളിൽ ഒരു തൂൺ നാട്ടി. ആ തൂണാണു റാഹേ​ലി​ന്റെ ശവകു​ടീ​ര​ത്തി​ന്റെ തൂൺ എന്ന പേരിൽ ഇന്നും നിൽക്കു​ന്നത്‌.

21 അതിനു ശേഷം ഇസ്രാ​യേൽ പുറ​പ്പെട്ട്‌ ഏദെർ ഗോപു​ര​ത്തിന്‌ അപ്പുറം കുറെ മാറി കൂടാരം അടിച്ചു. 22 ഇസ്രായേൽ ആ ദേശത്ത്‌ താമസി​ക്കുമ്പോൾ ഒരിക്കൽ രൂബേൻ ചെന്ന്‌ അപ്പന്റെ ഉപപത്‌നിയായ* ബിൽഹ​യു​മാ​യി ലൈം​ഗി​ക​ബ​ന്ധ​ത്തിൽ ഏർപ്പെട്ടു. ഇക്കാര്യം ഇസ്രാ​യേൽ അറിഞ്ഞു.+

യാക്കോ​ബിന്‌ 12 ആൺമക്ക​ളാ​യി​രു​ന്നു. 23 ലേയയിൽ ഉണ്ടായ ആൺമക്കൾ: മൂത്ത മകൻ രൂബേൻ,+ പിന്നെ ശിമെ​യോൻ, ലേവി, യഹൂദ, യിസ്സാ​ഖാർ, സെബു​ലൂൻ. 24 റാഹേലിൽ ഉണ്ടായ ആൺമക്കൾ: യോ​സേഫ്‌, ബന്യാ​മീൻ. 25 റാഹേലിന്റെ ദാസി ബിൽഹ​യിൽ ഉണ്ടായ ആൺമക്കൾ: ദാൻ, നഫ്‌താ​ലി. 26 ലേയയുടെ ദാസി സില്‌പ​യിൽ ഉണ്ടായ ആൺമക്കൾ: ഗാദ്‌, ആശേർ. ഇവരെ​ല്ലാ​മാ​ണു പദ്ദൻ-അരാമിൽവെച്ച്‌ യാക്കോ​ബിന്‌ ഉണ്ടായ ആൺമക്കൾ.

27 ഒടുവിൽ യാക്കോ​ബ്‌ അപ്പൻ താമസി​ച്ചി​രുന്ന സ്ഥലത്ത്‌, അതായത്‌ ഹെ​ബ്രോൻ എന്ന്‌ അറിയപ്പെ​ടുന്ന കിര്യത്ത്‌-അർബയി​ലെ മമ്രേ​യിൽ,+ എത്തി. അവി​ടെ​യാണ്‌ അബ്രാ​ഹാ​മും യിസ്‌ഹാ​ക്കും പരദേ​ശി​ക​ളാ​യി താമസി​ച്ചി​രു​ന്നത്‌.+ 28 യിസ്‌ഹാക്ക്‌ 180 വർഷം ജീവിച്ചു.+ 29 പിന്നെ അന്ത്യശ്വാ​സം വലിച്ചു. സംതൃ​പ്‌ത​വും സുദീർഘ​വും ആയ ജീവി​ത​ത്തിന്‌ ഒടുവിൽ* യിസ്‌ഹാ​ക്ക്‌ മരിച്ച്‌ തന്റെ ജനത്തോ​ടു ചേർന്നു.* മക്കളായ ഏശാവും യാക്കോ​ബും ചേർന്ന്‌ യിസ്‌ഹാ​ക്കി​നെ അടക്കം ചെയ്‌തു.+

36 ഏശാവി​ന്റെ, അതായത്‌ ഏദോ​മി​ന്റെ,+ ചരി​ത്ര​വി​വ​രണം:

2 ഏശാവ്‌ കനാന്യ​പുത്രി​മാ​രെ വിവാഹം കഴിച്ചു. ഹിത്യ​നായ ഏലോന്റെ മകൾ+ ആദ,+ അനയുടെ മകളും ഹിവ്യ​നായ സിബെയോ​ന്റെ കൊച്ചു​മ​ക​ളും ആയ ഒഹൊ​ലീ​ബാമ,+ 3 യിശ്‌മായേലിന്റെ മകളും നെബായോത്തിന്റെ+ പെങ്ങളും ആയ ബാസമത്ത്‌+ എന്നിവ​രാ​യി​രു​ന്നു അവർ.

4 ആദ ഏശാവി​ന്‌ എലീഫ​സി​നെ പ്രസവി​ച്ചു; ബാസമത്ത്‌ രയൂ​വേ​ലിനെ​യും.

5 ഒഹൊലീബാമ യയൂശ്‌, യലാം, കോരഹ്‌+ എന്നിവരെ പ്രസവി​ച്ചു.

ഇവരാണു കനാൻ ദേശത്തു​വെച്ച്‌ ഏശാവി​നു ജനിച്ച ആൺമക്കൾ. 6 പിന്നെ ഏശാവ്‌ ഭാര്യ​മാരെ​യും മക്കളെ​യും വീട്ടി​ലുള്ള എല്ലാവരെ​യും കൂട്ടി മറ്റൊരു ദേശ​ത്തേക്കു പോയി; കന്നുകാ​ലി​ക​ളും മറ്റെല്ലാ മൃഗങ്ങ​ളും സഹിതം കനാൻ ദേശത്തു​വെച്ച്‌ സമ്പാദിച്ച മുഴുവൻ സമ്പത്തുമായി+ അനിയ​നായ യാക്കോ​ബി​ന്റെ അടുത്തു​നിന്ന്‌ കുറച്ച്‌ അകലെ പോയി താമസി​ച്ചു.+ 7 ഒരുമിച്ച്‌ താമസി​ക്കാൻ കഴിയാത്ത വിധം അവരുടെ വസ്‌തു​വ​കകൾ പെരു​കി​യി​രു​ന്നു. അവർക്ക്‌ ഒരുപാ​ടു മൃഗങ്ങ​ളു​ണ്ടാ​യി​രു​ന്നതു കാരണം അവർ താമസിക്കുന്ന* ദേശത്തി​ന്‌ അവരെ വഹിക്കാൻ കഴിയാതെ​യാ​യി. 8 അതുകൊണ്ട്‌ ഏശാവ്‌ സേയീർമ​ല​നാ​ട്ടിൽ താമസ​മാ​ക്കി.+ ഏശാവ്‌ ഏദോം എന്നും അറിയപ്പെ​ട്ടി​രു​ന്നു.+

9 സേയീർമലനാട്ടിലുള്ള ഏദോ​മി​ന്റെ പിതാ​വായ ഏശാവി​ന്റെ ചരിത്രം ഇതാണ്‌.+

10 ഏശാവിന്റെ ആൺമക്ക​ളു​ടെ പേരുകൾ: ഏശാവി​ന്റെ ഭാര്യ ആദയുടെ മകൻ എലീഫസ്‌, ഏശാവി​ന്റെ ഭാര്യ ബാസമ​ത്തി​ന്റെ മകൻ രയൂവേൽ.+

11 തേമാൻ,+ ഓമാർ, സെഫൊ, ഗഥാം, കെനസ്‌ എന്നിവ​രാണ്‌ എലീഫ​സി​ന്റെ ആൺമക്കൾ.+ 12 ഏശാവിന്റെ മകനായ എലീഫസ്‌ തിമ്‌നയെ ഉപപത്‌നിയായി* സ്വീക​രി​ച്ചു. തിമ്‌ന എലീഫ​സിന്‌ അമാലേക്കിനെ+ പ്രസവി​ച്ചു. ഇവരെ​ല്ലാ​മാണ്‌ ഏശാവി​ന്റെ ഭാര്യ ആദയുടെ പൗത്ര​ന്മാർ.

13 നഹത്ത്‌, സേരഹ്‌, ശമ്മ, മിസ്സ എന്നിവ​രാ​ണു രയൂ​വേ​ലി​ന്റെ ആൺമക്കൾ. ഇവരെ​ല്ലാ​മാണ്‌ ഏശാവി​ന്റെ ഭാര്യ ബാസമത്തിന്റെ+ പൗത്ര​ന്മാർ.

14 അനയുടെ മകളും സിബെയോ​ന്റെ കൊച്ചു​മ​ക​ളും ഏശാവി​ന്റെ ഭാര്യ​യും ആയ ഒഹൊ​ലീ​ബാമ ഏശാവി​നു പ്രസവിച്ച ആൺമക്കൾ: യയൂശ്‌, യലാം, കോരഹ്‌.

15 ഏശാവിന്റെ ആൺമക്ക​ളിൽനിന്ന്‌ ഉത്ഭവിച്ച പ്രഭുക്കന്മാർ*+ ഇവരാ​യി​രു​ന്നു: ഏശാവി​ന്റെ മൂത്ത മകനായ എലീഫ​സി​ന്റെ ആൺമക്ക​ളായ തേമാൻ പ്രഭു, ഓമാർ പ്രഭു, സെഫൊ പ്രഭു, കെനസ്‌ പ്രഭു,+ 16 കോരഹ്‌ പ്രഭു, ഗഥാം പ്രഭു, അമാ​ലേക്ക്‌ പ്രഭു. എലീഫ​സിൽനിന്ന്‌ ഉത്ഭവിച്ച ഏദോം ദേശത്തെ പ്രഭു​ക്ക​ന്മാർ ഇവരാ​യി​രു​ന്നു.+ ഇവർ ആദയുടെ പൗത്ര​ന്മാ​രാണ്‌.

17 നഹത്ത്‌ പ്രഭു, സേരഹ്‌ പ്രഭു, ശമ്മ പ്രഭു, മിസ്സ പ്രഭു എന്നിവ​രാണ്‌ ഏശാവി​ന്റെ മകനായ രയൂ​വേ​ലി​ന്റെ ആൺമക്കൾ. രയൂ​വേ​ലിൽനിന്ന്‌ ഉത്ഭവിച്ച ഏദോം ദേശത്തെ+ പ്രഭു​ക്ക​ന്മാർ ഇവരാ​യി​രു​ന്നു. ഇവർ ഏശാവി​ന്റെ ഭാര്യ ബാസമ​ത്തി​ന്റെ പൗത്ര​ന്മാ​രാണ്‌.

18 ഒടുവിൽ, ഏശാവി​ന്റെ ഭാര്യ ഒഹൊ​ലീ​ബാ​മ​യു​ടെ ആൺമക്കൾ: യയൂശ്‌ പ്രഭു, യലാം പ്രഭു, കോരഹ്‌ പ്രഭു. ഇവരാണ്‌ അനയുടെ മകളും ഏശാവി​ന്റെ ഭാര്യ​യും ആയ ഒഹൊ​ലീ​ബാ​മ​യിൽനിന്ന്‌ ഉത്ഭവിച്ച പ്രഭു​ക്ക​ന്മാർ.

19 ഇവരാണ്‌ ഏശാവി​ന്റെ, അതായത്‌ ഏദോ​മി​ന്റെ,+ ആൺമക്ക​ളും അവരുടെ പ്രഭു​ക്ക​ന്മാ​രും.

20 ആ ദേശത്ത്‌ താമസി​ക്കു​ന്നവർ, അതായത്‌ ഹോര്യ​നായ സേയീരിന്റെ+ ആൺമക്കൾ, ഇവരാണ്‌: ലോതാൻ, ശോബാൽ, സിബെ​യോൻ, അന,+ 21 ദീശോൻ, ഏസെർ, ദീശാൻ.+ ഇവരാണ്‌ ഏദോം ദേശത്തുള്ള ഹോര്യ​രു​ടെ, അതായത്‌ സേയീ​രി​ന്റെ വംശജ​രു​ടെ, പ്രഭു​ക്ക​ന്മാർ.

22 ഹോരിയും ഹേമാ​മും ആണ്‌ ലോതാ​ന്റെ ആൺമക്കൾ. ലോതാ​ന്റെ പെങ്ങളാ​ണു തിമ്‌ന.+

23 അൽവാൻ, മാനഹത്ത്‌, ഏബാൽ, ശെഫൊ, ഓനാം എന്നിവ​രാ​ണു ശോബാ​ലി​ന്റെ ആൺമക്കൾ.

24 അയ്യയും അനയും ആണ്‌ സിബെയോന്റെ+ ആൺമക്കൾ. ഈ അനയാണ്‌ അപ്പനായ സിബെയോ​ന്റെ കഴുത​കളെ തീറ്റു​മ്പോൾ വിജന​ഭൂ​മി​യിൽ ചൂടു​റ​വകൾ കണ്ടെത്തി​യത്‌.

25 അനയുടെ മക്കൾ: ദീശോ​നും അനയുടെ മകളായ ഒഹൊ​ലീ​ബാ​മ​യും.

26 ഹെംദാൻ, എശ്‌ബാൻ, യിത്രാൻ, കെരാൻ+ എന്നിവ​രാ​ണു ദീശോ​ന്റെ ആൺമക്കൾ.

27 ബിൽഹാൻ, സാവാൻ, അക്കാൻ എന്നിവ​രാണ്‌ ഏസെരി​ന്റെ ആൺമക്കൾ.

28 ഊസും അരാനും+ ആണ്‌ ദീശാന്റെ ആൺമക്കൾ.

29 ഹോര്യ​പ്രഭു​ക്ക​ന്മാർ ഇവരാണ്‌: ലോതാൻ പ്രഭു, ശോബാൽ പ്രഭു, സിബെ​യോൻ പ്രഭു, അന പ്രഭു, 30 ദീശോൻ പ്രഭു, ഏസെർ പ്രഭു, ദീശാൻ പ്രഭു.+ ഇവരാണു സേയീർ ദേശത്തെ ഹോര്യ​പ്രഭു​ക്ക​ന്മാർ.

31 ഇസ്രായേല്യരുടെ* ഇടയിൽ രാജഭ​രണം ആരംഭി​ക്കു​ന്ന​തി​നു മുമ്പ്‌+ ഏദോം ദേശം വാണി​രുന്ന രാജാക്കന്മാർ+ ഇവരാണ്‌: 32 ബയോരിന്റെ മകൻ ബേല ഏദോ​മിൽ വാഴ്‌ച നടത്തി. ബേലയു​ടെ നഗരത്തി​ന്റെ പേര്‌ ദിൻഹാബ എന്നായി​രു​ന്നു. 33 ബേലയുടെ മരണ​ശേഷം ബൊ​സ്ര​യിൽനി​ന്നുള്ള സേരഹി​ന്റെ മകൻ യോബാ​ബ്‌ അധികാ​രമേറ്റു. 34 യോബാബിന്റെ മരണ​ശേഷം തേമാ​ന്യ​രു​ടെ ദേശത്തു​നി​ന്നുള്ള ഹൂശാം അധികാ​രമേറ്റു. 35 ഹൂശാമിന്റെ മരണ​ശേഷം ബദദിന്റെ മകൻ ഹദദ്‌ അധികാ​രമേറ്റു. ഹദദാണു മിദ്യാന്യരെ+ മോവാ​ബ്‌ ദേശത്തു​വെച്ച്‌ തോൽപ്പി​ച്ചത്‌. ഹദദിന്റെ നഗരത്തി​ന്റെ പേര്‌ അവീത്ത്‌ എന്നായി​രു​ന്നു. 36 ഹദദിന്റെ മരണ​ശേഷം മസ്രേ​ക്ക​യിൽനി​ന്നുള്ള സമ്ല അധികാ​രമേറ്റു. 37 സമ്ലയുടെ മരണ​ശേഷം നദീതീ​രത്തെ രഹോബോ​ത്തിൽനി​ന്നുള്ള ശാവൂൽ അധികാ​രമേറ്റു. 38 ശാവൂലിന്റെ മരണ​ശേഷം അക്‌ബോ​രി​ന്റെ മകൻ ബാൽഹാ​നാൻ അധികാ​രമേറ്റു. 39 അക്‌ബോരിന്റെ മകൻ ബാൽഹാ​നാ​ന്റെ മരണ​ശേഷം ഹദർ അധികാ​രമേറ്റു. ഹദരിന്റെ നഗരത്തി​ന്റെ പേര്‌ പാവു എന്നായി​രു​ന്നു; ഭാര്യ​യു​ടെ പേര്‌ മെഹേ​ത​ബേൽ. മേസാ​ഹാ​ബി​ന്റെ മകളായ മത്രേ​ദി​ന്റെ മകളാ​യി​രു​ന്നു മെഹേ​ത​ബേൽ.

40 കുടുംബങ്ങളും സ്ഥലങ്ങളും അനുസ​രിച്ച്‌, ഏശാവിൽനി​ന്ന്‌ ഉത്ഭവിച്ച പ്രഭു​ക്ക​ന്മാ​രു​ടെ പേരുകൾ: തിമ്‌ന പ്രഭു, അൽവ പ്രഭു, യഥേത്ത്‌ പ്രഭു,+ 41 ഒഹൊലീബാമ പ്രഭു, ഏലെ പ്രഭു, പീനോൻ പ്രഭു, 42 കെനസ്‌ പ്രഭു, തേമാൻ പ്രഭു, മിബ്‌സാർ പ്രഭു, 43 മഗ്‌ദീയേൽ പ്രഭു, ഈരാം പ്രഭു. ഇവരാണ്‌ ഇവർ അവകാ​ശ​മാ​ക്കി​യി​രുന്ന ദേശത്ത്‌ ഇവരുടെ ഭരണപ്രദേശമനുസരിച്ചുള്ള+ ഏദോ​മ്യപ്ര​ഭു​ക്ക​ന്മാർ. ഇതാണ്‌ ഏശാവ്‌, ഏദോമിന്റെ+ പിതാവ്‌.

37 അപ്പനായ യിസ്‌ഹാ​ക്ക്‌ പരദേശിയായി+ താമസി​ച്ചി​രുന്ന കനാൻ ദേശത്തു​തന്നെ യാക്കോ​ബ്‌ തുടർന്നും താമസി​ച്ചു.

2 യാക്കോബിന്റെ ചരിത്രം:

യോസേഫിന്‌+ 17 വയസ്സു​ള്ളപ്പോൾ അപ്പന്റെ ഭാര്യ​മാ​രായ ബിൽഹ​യുടെ​യും സില്‌പ​യുടെ​യും ആൺമക്കളോടൊപ്പം+ യോ​സേഫ്‌ ആടുകളെ മേയ്‌ക്കാൻ+ പോയി. അവരുടെ ദുഷ്‌ചെ​യ്‌തി​കളെ​ക്കു​റിച്ച്‌ മനസ്സി​ലാ​ക്കിയ യോ​സേഫ്‌ അക്കാര്യം അപ്പനെ അറിയി​ച്ചു. 3 തനിക്കു വാർധ​ക്യ​ത്തിൽ ഉണ്ടായ മകനാ​യ​തുകൊണ്ട്‌ ഇസ്രാ​യേൽ മറ്റു മക്കളെക്കാൾ+ അധികം യോ​സേ​ഫി​നെ സ്‌നേ​ഹി​ച്ചു. ഇസ്രാ​യേൽ വിശേ​ഷ​പ്പെട്ട ഒരു നീളൻ കുപ്പായം* ഉണ്ടാക്കി യോ​സേ​ഫി​നു കൊടു​ത്തു. 4 അപ്പനു തങ്ങളെ​ക്കാൾ ഇഷ്ടം യോ​സേ​ഫിനോ​ടാണെന്നു കണ്ടപ്പോൾ യോ​സേ​ഫി​ന്റെ ചേട്ടന്മാർ യോ​സേ​ഫി​നെ വെറു​ത്തു​തു​ടങ്ങി. യോ​സേ​ഫിനോ​ടു സമാധാ​നത്തോ​ടെ സംസാ​രി​ക്കാൻ അവർക്കു കഴിഞ്ഞില്ല.

5 പിന്നീട്‌ ഒരിക്കൽ, യോ​സേഫ്‌ ഒരു സ്വപ്‌നം കണ്ടു. അതെക്കു​റിച്ച്‌ യോ​സേഫ്‌ തന്റെ ചേട്ടന്മാരോ​ടു പറഞ്ഞപ്പോൾ+ അവർക്കു യോ​സേ​ഫിനോ​ടു കൂടുതൽ വെറുപ്പു തോന്നി. 6 യോസേഫ്‌ അവരോ​ടു പറഞ്ഞു: “ഞാൻ കണ്ട സ്വപ്‌നമൊ​ന്നു കേൾക്കൂ. 7 നമ്മൾ വയലിന്റെ നടുവിൽവെച്ച്‌ കറ്റ കെട്ടു​ക​യാ​യി​രു​ന്നു. അപ്പോൾ എന്റെ കറ്റ എഴു​ന്നേറ്റ്‌ നിവർന്ന്‌ നിന്നു. നിങ്ങളു​ടെ കറ്റകൾ ചുറ്റും നിന്ന്‌ എന്റെ കറ്റയെ കുമ്പിട്ട്‌ നമസ്‌ക​രി​ച്ചു.”+ 8 അപ്പോൾ അവർ യോ​സേ​ഫിനോട്‌, “നീ നിന്നെ​ത്തന്നെ രാജാ​വാ​ക്കി ഞങ്ങളെ ഭരിക്കുമെ​ന്നാ​ണോ”+ എന്നു ചോദി​ച്ചു. യോ​സേ​ഫി​ന്റെ സ്വപ്‌ന​ങ്ങ​ളും യോ​സേഫ്‌ പറഞ്ഞ കാര്യ​ങ്ങ​ളും കാരണം അവർക്കു യോ​സേ​ഫിനോ​ടുള്ള വെറുപ്പു കൂടി.

9 പിന്നീട്‌ യോ​സേഫ്‌ മറ്റൊരു സ്വപ്‌നം കണ്ടു. യോ​സേഫ്‌ അതും അവരോ​ടു വിവരി​ച്ചു: “ഞാൻ വേറെയൊ​രു സ്വപ്‌നം കണ്ടു. ഇത്തവണ, സൂര്യ​നും ചന്ദ്രനും 11 നക്ഷത്ര​ങ്ങ​ളും എന്റെ മുന്നിൽ കുമ്പി​ടു​ന്ന​താ​ണു ഞാൻ കണ്ടത്‌.”+ 10 യോസേഫ്‌ അത്‌ അപ്പനോ​ടും ചേട്ടന്മാരോ​ടും വിവരി​ച്ചപ്പോൾ അപ്പൻ യോ​സേ​ഫി​നെ ശകാരി​ച്ചുകൊണ്ട്‌ പറഞ്ഞു: “എന്താണു നിന്റെ ഈ സ്വപ്‌ന​ത്തി​ന്റെ അർഥം? ഞാനും നിന്റെ അമ്മയും സഹോ​ദരന്മാ​രും നിന്റെ മുന്നിൽ വന്ന്‌ നിന്നെ കുമ്പിട്ട്‌ നമസ്‌ക​രി​ക്കുമെ​ന്നാ​ണോ?” 11 യോസേഫിന്റെ ചേട്ടന്മാർക്കു യോ​സേ​ഫിനോ​ടുള്ള അസൂയ വർധിച്ചു.+ എന്നാൽ അപ്പൻ യോ​സേ​ഫി​ന്റെ വാക്കുകൾ മനസ്സിൽ സൂക്ഷിച്ചു.

12 ഒരിക്കൽ യോ​സേ​ഫി​ന്റെ ചേട്ടന്മാർ അപ്പന്റെ ആട്ടിൻപ​റ്റത്തെ മേയ്‌ക്കാൻ ശെഖേമിന്‌+ അടു​ത്തേക്കു പോയി. 13 കുറച്ച്‌ ദിവസം കഴിഞ്ഞ​പ്പോൾ ഇസ്രാ​യേൽ യോ​സേ​ഫിനോ​ടു പറഞ്ഞു: “നിന്റെ ചേട്ടന്മാർ ശെഖേ​മിന്‌ അടുത്ത്‌ ആടുകളെ മേയ്‌ക്കു​ക​യല്ലേ? വരൂ, ഞാൻ നിന്നെ അവരുടെ അടു​ത്തേക്ക്‌ അയയ്‌ക്കട്ടെ.” യോ​സേഫ്‌ അപ്പനോ​ട്‌, “ഞാൻ പോകാം” എന്നു പറഞ്ഞു. 14 അപ്പോൾ ഇസ്രാ​യേൽ പറഞ്ഞു: “നീ ചെന്ന്‌ നിന്റെ ചേട്ടന്മാർ സുഖമാ​യി​രി​ക്കു​ന്നോ എന്ന്‌ അന്വേ​ഷി​ക്കുക; ആടുകൾ എങ്ങനെ​യുണ്ടെ​ന്നും നോക്കണം. എന്നിട്ട്‌, മടങ്ങി​വന്ന്‌ എന്നെ വിവരം അറിയി​ക്കുക.” അങ്ങനെ ഇസ്രാ​യേൽ യോ​സേ​ഫി​നെ ഹെബ്രോൻ+ താഴ്‌വ​ര​യിൽനിന്ന്‌ യാത്ര​യാ​ക്കി. യോ​സേഫ്‌ ശെഖേ​മിലേക്കു പോയി. 15 പിന്നീട്‌, യോ​സേഫ്‌ ഒരു വയലി​ലൂ​ടെ ചുറ്റി​ന​ട​ക്കു​ന്നതു കണ്ട്‌ ഒരു മനുഷ്യൻ, “നീ എന്താണ്‌ അന്വേ​ഷി​ക്കു​ന്നത്‌” എന്നു ചോദി​ച്ചു. 16 യോസേഫ്‌ പറഞ്ഞു: “ഞാൻ എന്റെ ചേട്ടന്മാ​രെ അന്വേ​ഷി​ക്കു​ക​യാണ്‌. അവർ എവി​ടെ​യാണ്‌ ആടുകളെ മേയ്‌ക്കു​ന്നതെന്നു പറയാ​മോ?” 17 ആ മനുഷ്യൻ പറഞ്ഞു: “അവർ ഇവി​ടെ​നിന്ന്‌ പോയി. ‘നമുക്കു ദോഥാ​നിലേക്കു പോകാം’ എന്ന്‌ അവർ പറയു​ന്നതു ഞാൻ കേട്ടു.” അങ്ങനെ യോ​സേഫ്‌ തന്റെ ചേട്ടന്മാ​രെ തേടി​ച്ചെന്ന്‌ ദോഥാ​നിൽ അവരെ കണ്ടെത്തി.

18 യോസേഫ്‌ വരുന്നതു ദൂരെ​നി​ന്നു​തന്നെ അവർ കണ്ടു. യോ​സേഫ്‌ അടുത്ത്‌ എത്തുന്ന​തി​നു മുമ്പ്‌ അവർ കൂടി​യാലോ​ചിച്ച്‌ യോ​സേ​ഫി​നെ കൊല്ലാൻ പദ്ധതി​യി​ട്ടു. 19 അവർ തമ്മിൽത്ത​മ്മിൽ പറഞ്ഞു: “ദേ, നോക്ക്‌, സ്വപ്‌നക്കാരൻ+ വരുന്നു​ണ്ട്‌. 20 നമുക്ക്‌ അവനെ കൊന്ന്‌ ഇവി​ടെ​യുള്ള ഒരു കുഴി​യിൽ ഇട്ടിട്ട്‌ ഒരു കാട്ടു​മൃ​ഗം അവനെ തിന്നു​ക​ളഞ്ഞെന്നു പറയാം. അവന്റെ സ്വപ്‌ന​ങ്ങളൊ​ക്കെ എന്താകു​മെന്നു കാണാ​മ​ല്ലോ!” 21 ഇതു കേട്ട രൂബേൻ,+ യോ​സേ​ഫി​നെ അവരുടെ കൈയിൽനി​ന്ന്‌ രക്ഷിക്കാൻവേണ്ടി ഇങ്ങനെ പറഞ്ഞു: “നമ്മൾ അവന്റെ ജീവ​നെ​ടു​ക്കാൻ പാടില്ല.”+ 22 രൂബേൻ പിന്നെ ഇങ്ങനെ പറഞ്ഞു: “രക്തം ചൊരി​യ​രുത്‌.+ നമുക്ക്‌ അവനെ വിജന​ഭൂ​മി​യി​ലെ ഈ കുഴി​യിൽ ഇടാം. അവന്റെ മേൽ കൈവ​യ്‌ക്ക​രുത്‌.”+ യോ​സേ​ഫി​നെ അവരുടെ കൈയിൽനി​ന്ന്‌ രക്ഷിച്ച്‌ അപ്പന്റെ അടുത്ത്‌ എത്തിക്കുക എന്നതാ​യി​രു​ന്നു രൂബേന്റെ ഉദ്ദേശ്യം.

23 യോസേഫ്‌ അടുത്ത്‌ എത്തിയ ഉടനെ അവർ യോ​സേഫ്‌ ഇട്ടിരുന്ന വിശേ​ഷ​പ്പെട്ട ആ നീളൻ കുപ്പായം+ ഊരിയെ​ടു​ത്തു. 24 പിന്നെ യോ​സേ​ഫി​നെ പിടിച്ച്‌ ഒരു കുഴി​യിൽ തള്ളി. ആ സമയത്ത്‌ അതിൽ വെള്ളമു​ണ്ടാ​യി​രു​ന്നില്ല.

25 പിന്നെ അവർ ഭക്ഷണം കഴിക്കാൻ ഇരുന്നു. അവർ നോക്കി​യപ്പോൾ ഗിലെ​യാ​ദിൽനിന്ന്‌ യിശ്‌മായേല്യരുടെ+ ഒരു കച്ചവട​സം​ഘം വരുന്നതു കണ്ടു. സുഗന്ധപ്പശ, സുഗന്ധക്കറ, മരപ്പട്ട+ എന്നിവ ഒട്ടകങ്ങ​ളു​ടെ പുറത്ത്‌ കയറ്റി ഈജി​പ്‌തിലേക്കു പോകു​ക​യാ​യി​രു​ന്നു അവർ. 26 അപ്പോൾ യഹൂദ സഹോ​ദ​ര​ന്മാരോ​ടു പറഞ്ഞു: “നമ്മുടെ അനിയനെ കൊന്ന്‌ അവന്റെ രക്തം മറച്ചുവെച്ചിട്ട്‌+ നമുക്ക്‌ എന്തു പ്രയോ​ജനം? 27 വരൂ, നമുക്ക്‌ അവനെ യിശ്‌മായേ​ല്യർക്കു വിൽക്കാം;+ അവന്റെ മേൽ കൈവ​യ്‌ക്കേണ്ടാ. ഒന്നുമല്ലെ​ങ്കി​ലും അവൻ നമ്മുടെ അനിയ​നല്ലേ, നമ്മു​ടെ​തന്നെ രക്തം!”* അവർ യഹൂദ​യു​ടെ വാക്കു കേട്ടു. 28 മിദ്യാന്യവ്യാപാരികൾ+ അതുവഴി കടന്നുപോ​യപ്പോൾ അവർ യോ​സേ​ഫി​നെ കുഴി​യിൽനിന്ന്‌ വലിച്ചു​ക​യറ്റി, 20 വെള്ളി​ക്കാ​ശി​നു യിശ്‌മായേ​ല്യർക്കു വിറ്റു.+ അവർ യോ​സേ​ഫി​നെ ഈജി​പ്‌തിലേക്കു കൊണ്ടുപോ​യി.

29 പിന്നീട്‌, രൂബേൻ വന്ന്‌ നോക്കി​യപ്പോൾ യോ​സേഫ്‌ കുഴി​യി​ലില്ലെന്നു കണ്ടിട്ട്‌ വസ്‌ത്രം കീറി, 30 മറ്റു സഹോ​ദ​ര​ന്മാ​രു​ടെ അടുത്ത്‌ ചെന്ന്‌ പരി​ഭ്ര​മത്തോ​ടെ പറഞ്ഞു: “കുട്ടിയെ കാണാ​നില്ല! ഞാൻ, ഞാൻ ഇനി എന്തു ചെയ്യും?”

31 അവർ ഒരു മുട്ടനാ​ടി​നെ കൊന്ന്‌ അതിന്റെ രക്തത്തിൽ യോ​സേ​ഫി​ന്റെ കുപ്പായം മുക്കി. 32 പിന്നെ അവർ ആ കുപ്പായം അപ്പനു കൊടു​ത്ത​യ​ച്ചിട്ട്‌ ഇങ്ങനെ അറിയി​ച്ചു: “ഇതു ഞങ്ങൾക്കു കിട്ടി​യ​താണ്‌. ഇതു മകന്റെ കുപ്പായമാണോ+ എന്നു നോക്കാ​മോ?” 33 യാക്കോബ്‌ അതു നോക്കി​യിട്ട്‌ കരഞ്ഞു​കൊ​ണ്ട്‌ പറഞ്ഞു: “ഇത്‌ എന്റെ മോന്റെ കുപ്പാ​യം​തന്നെ​യാണ്‌! ഏതെങ്കി​ലും ക്രൂര​മൃ​ഗം അവനെ കൊന്ന്‌ തിന്നു​കാ​ണും! അതു യോ​സേ​ഫി​നെ പിച്ചി​ച്ചീ​ന്തി​യി​ട്ടു​ണ്ടാ​കും, ഉറപ്പ്‌!” 34 പിന്നെ യാക്കോ​ബ്‌ വസ്‌ത്രം കീറി, അരയിൽ വിലാ​പ​വ​സ്‌ത്രം ഉടുത്ത്‌ കുറെ ദിവസം മകനെ ഓർത്ത്‌ കരഞ്ഞു. 35 ആൺമക്കളും പെൺമ​ക്ക​ളും എല്ലാം യാക്കോ​ബി​നെ ആശ്വസി​പ്പി​ക്കാൻ ശ്രമിച്ചു. എന്നാൽ ആശ്വാസം സ്വീക​രി​ക്കാൻ മനസ്സി​ല്ലാ​തെ യാക്കോ​ബ്‌ പറഞ്ഞു: “എന്റെ മകനെ ഓർത്ത്‌ കരഞ്ഞു​കൊ​ണ്ട്‌ ഞാൻ ശവക്കുഴിയിൽ*+ ഇറങ്ങും.” അങ്ങനെ യോ​സേ​ഫി​ന്റെ അപ്പൻ അവനെ ഓർത്ത്‌ കരഞ്ഞുകൊ​ണ്ടി​രു​ന്നു.

36 എന്നാൽ, മിദ്യാ​ന്യർ യോ​സേ​ഫി​നെ ഈജി​പ്‌തിൽ ഫറവോ​ന്റെ കൊട്ടാ​ര​ത്തി​ലെ ഒരു ഉദ്യോ​ഗ​സ്ഥന്‌, കാവൽക്കാ​രു​ടെ മേധാവിയായ+ പോത്തി​ഫ​റിന്‌, വിറ്റു.+

38 അക്കാലത്ത്‌ യഹൂദ തന്റെ സഹോ​ദ​ര​ന്മാ​രെ വിട്ടു​പി​രിഞ്ഞ്‌ ഹീര എന്ന ഒരു അദുല്ലാ​മ്യ​ന്റെ അടുത്ത്‌ കൂടാരം അടിച്ചു. 2 അവിടെ ശൂവ എന്നു പേരുള്ള ഒരു കനാന്യ​ന്റെ മകളെ കണ്ട്‌ യഹൂദ അവളെ വിവാഹം കഴിച്ചു.+ യഹൂദ അവളു​മാ​യി ശാരീ​രി​ക​ബ​ന്ധ​ത്തിൽ ഏർപ്പെട്ടു. 3 അങ്ങനെ അവൾ ഗർഭി​ണി​യാ​യി ഒരു ആൺകു​ഞ്ഞി​നെ പ്രസവി​ച്ചു. യഹൂദ അവന്‌ ഏർ+ എന്നു പേരിട്ടു. 4 അവൾ വീണ്ടും ഗർഭി​ണി​യാ​യി ഒരു ആൺകു​ഞ്ഞി​നെ പ്രസവി​ച്ചു; അവന്‌ ഓനാൻ എന്നു പേരിട്ടു. 5 അവൾ പിന്നെ​യും ഒരു ആൺകു​ഞ്ഞി​നെ പ്രസവി​ച്ചു; അവനു ശേല എന്നു പേരിട്ടു. അവൾ അവനെ പ്രസവി​ക്കുമ്പോൾ യഹൂദ അക്കസീ​ബി​ലാ​യി​രു​ന്നു.+

6 കുറെ കാലത്തി​നു ശേഷം യഹൂദ മൂത്ത മകനായ ഏരിന്‌ ഒരു ഭാര്യയെ കണ്ടെത്തി. താമാർ+ എന്നായി​രു​ന്നു അവളുടെ പേര്‌. 7 യഹൂദയുടെ മൂത്ത മകനായ ഏരിനെ യഹോ​വ​യ്‌ക്ക്‌ ഇഷ്ടമി​ല്ലാ​യി​രു​ന്ന​തി​നാൽ യഹോവ ഏരിനെ കൊന്നു​ക​ളഞ്ഞു. 8 അപ്പോൾ യഹൂദ മകനായ ഓനാനോ​ടു പറഞ്ഞു: “നിന്റെ ചേട്ടന്റെ ഭാര്യയെ വിവാഹം കഴിച്ച്‌ ഭർത്തൃസഹോദരധർമം* അനുഷ്‌ഠി​ക്കുക. അവളു​മാ​യി ശാരീ​രി​ക​ബ​ന്ധ​ത്തിൽ ഏർപ്പെട്ട്‌ ചേട്ടനു​വേണ്ടി മക്കളെ ജനിപ്പി​ക്കുക.”+ 9 എന്നാൽ ആ കുട്ടിയെ തന്റേതാ​യി കണക്കാ​ക്കില്ലെന്ന്‌ ഓനാന്‌ അറിയാ​മാ​യി​രു​ന്നു.+ അതു​കൊണ്ട്‌, സഹോ​ദ​രനു സന്തതി ഉണ്ടാകാ​തി​രി​ക്കാൻ സഹോ​ദ​രന്റെ ഭാര്യ​യു​മാ​യി ബന്ധപ്പെ​ട്ടപ്പോഴെ​ല്ലാം ഓനാൻ ബീജം നിലത്ത്‌ വീഴ്‌ത്തി​ക്ക​ളഞ്ഞു.+ 10 ഓനാൻ ചെയ്‌തത്‌ യഹോ​വ​യ്‌ക്ക്‌ ഇഷ്ടമാ​യില്ല. അതു​കൊണ്ട്‌ ദൈവം ഓനാനെ​യും കൊന്നു​ക​ളഞ്ഞു.+ 11 അപ്പോൾ മരുമ​ക​ളായ താമാ​റിനോട്‌ യഹൂദ, “എന്റെ മകൻ ശേല വളർന്നു​വ​ലു​താ​കു​ന്ന​തു​വരെ നീ നിന്റെ അപ്പന്റെ വീട്ടിൽ വിധവ​യാ​യി താമസി​ക്കുക” എന്നു പറഞ്ഞു. ‘അവനും അവന്റെ സഹോ​ദ​ര​ന്മാരെപ്പോ​ലെ മരിച്ചുപോയേ​ക്കാം’+ എന്ന്‌ യഹൂദ മനസ്സിൽ പറഞ്ഞു. അങ്ങനെ താമാർ ചെന്ന്‌ സ്വന്തം അപ്പന്റെ വീട്ടിൽ താമസി​ച്ചു.

12 കുറച്ച്‌ കാലത്തി​നു ശേഷം യഹൂദ​യു​ടെ ഭാര്യ—ശൂവയുടെ+ മകൾ—മരിച്ചു. വിലാ​പ​കാ​ലം പൂർത്തി​യാ​ക്കി​യശേഷം യഹൂദ അദുല്ലാമ്യനായ+ സുഹൃത്ത്‌ ഹീര​യോടൊ​പ്പം തിമ്‌നയിൽ+ തന്റെ ചെമ്മരി​യാ​ടു​ക​ളു​ടെ രോമം കത്രി​ക്കു​ന്ന​വ​രു​ടെ അടു​ത്തേക്കു പോയി. 13 അപ്പോൾ, “നിന്റെ അമ്മായി​യപ്പൻ ഇതാ, ആടുക​ളു​ടെ രോമം കത്രി​ക്കാൻ തിമ്‌ന​യിലേക്കു പോകു​ന്നു” എന്നു താമാർ കേട്ടു. 14 ശേല വളർന്നു​വ​ലു​താ​യി​ട്ടും താമാ​റി​നെ ശേലയ്‌ക്കു ഭാര്യ​യാ​യി കൊടു​ത്തി​രു​ന്നില്ല.+ അതിനാൽ താമാർ വിധവ​മാർ ധരിക്കുന്ന വസ്‌ത്രം മാറ്റി ശിരോ​വ​സ്‌ത്രം ഇട്ട്‌ ഒരു പുതപ്പ്‌ പുതച്ച്‌ തിമ്‌ന​യ്‌ക്കുള്ള വഴിയ​രി​കിൽ, എനയീ​മി​ന്റെ പ്രവേ​ശ​ന​ക​വാ​ട​ത്തിൽ ഇരുന്നു.

15 താമാർ മുഖം മറച്ചി​രു​ന്ന​തുകൊണ്ട്‌ യഹൂദ അവളെ തിരി​ച്ച​റി​ഞ്ഞില്ല. അതൊരു വേശ്യ​യാണെന്ന്‌ യഹൂദ കരുതി. 16 അതുകൊണ്ട്‌ യഹൂദ വഴിയ​രി​കിൽ, താമാ​റി​ന്റെ അടുത്ത്‌ ചെന്ന്‌, “ഞാൻ നിന്നോ​ടു​കൂ​ടെ കിടക്കട്ടേ” എന്നു ചോദി​ച്ചു. അതു മരുമകളാണെന്ന+ കാര്യം യഹൂദ​യ്‌ക്കു മനസ്സി​ലാ​യില്ല. “എന്നോടൊ​പ്പം കിടക്കാൻ സമ്മതി​ച്ചാൽ എനിക്ക്‌ എന്തു തരും” എന്നു താമാർ ചോദി​ച്ചു. 17 അതിനു മറുപ​ടി​യാ​യി, “ഞാൻ എന്റെ ആട്ടിൻപ​റ്റ​ത്തിൽനിന്ന്‌ ഒരു കോലാ​ട്ടിൻകു​ട്ടി​യെ കൊടു​ത്ത​യ​യ്‌ക്കാം” എന്ന്‌ യഹൂദ പറഞ്ഞു. എന്നാൽ താമാർ, “അതിനെ കൊടു​ത്ത​യ​യ്‌ക്കു​ന്ന​തു​വരെ എനിക്ക്‌ ഈടായി എന്തെങ്കി​ലും തരാമോ” എന്നു ചോദി​ച്ചു. 18 “എന്ത്‌ ഈടാണു വേണ്ടത്‌” എന്ന്‌ യഹൂദ ചോദി​ച്ചപ്പോൾ “ആ മുദ്രമോതിരവും+ ചരടും വടിയും” എന്നു താമാർ പറഞ്ഞു. അതെല്ലാം കൊടു​ത്തിട്ട്‌ യഹൂദ താമാ​റു​മാ​യി ബന്ധപ്പെട്ടു. അങ്ങനെ താമാർ ഗർഭി​ണി​യാ​യി. 19 പിന്നെ താമാർ അവി​ടെ​നിന്ന്‌ എഴു​ന്നേറ്റ്‌ പോയി പുതപ്പു മാറ്റി വിധവ​മാർ ധരിക്കുന്ന വസ്‌ത്രം ധരിച്ചു.

20 ആ സ്‌ത്രീ​യു​ടെ കൈയിൽനി​ന്ന്‌ പണയവ​സ്‌തു​ക്കൾ തിരികെ വാങ്ങാൻ യഹൂദ അദുല്ലാമ്യനായ+ ഒരു സുഹൃ​ത്തി​ന്റെ കൈയിൽ കോലാ​ട്ടിൻകു​ട്ടി​യെ കൊടു​ത്ത​യച്ചു. എന്നാൽ അയാൾക്കു താമാ​റി​നെ കണ്ടെത്താ​നാ​യില്ല. 21 അപ്പോൾ അയാൾ താമാ​റി​ന്റെ നാട്ടു​കാ​രായ ചില പുരു​ഷ​ന്മാരോട്‌, “എനയീ​മി​ലെ വഴിയ​രി​കി​ലു​ണ്ടാ​യി​രുന്ന ആ ക്ഷേത്ര​വേശ്യ എവിടെ” എന്നു ചോദി​ച്ചു. “ഈ പ്രദേ​ശത്ത്‌ ഇന്നേവരെ ഒരു ക്ഷേത്ര​വേശ്യ ഉണ്ടായി​രു​ന്നി​ട്ടില്ല” എന്ന്‌ അവർ പറഞ്ഞു. 22 ഒടുവിൽ അയാൾ മടങ്ങി​വന്ന്‌ യഹൂദയോ​ടു പറഞ്ഞു: “എനിക്ക്‌ അവളെ കണ്ടെത്താ​നാ​യില്ല. മാത്രമല്ല, ‘ഈ പ്രദേ​ശത്ത്‌ ഇന്നേവരെ ഒരു ക്ഷേത്ര​വേശ്യ ഉണ്ടായി​രു​ന്നി​ട്ടില്ല’ എന്ന്‌ അവിടത്തെ പുരു​ഷ​ന്മാർ പറയു​ക​യും ചെയ്‌തു.” 23 അപ്പോൾ യഹൂദ പറഞ്ഞു: “അതെല്ലാം അവൾ എടുത്തുകൊ​ള്ളട്ടെ. നമ്മൾ ഇനിയും അവളെ അന്വേ​ഷി​ച്ചുകൊ​ണ്ടി​രു​ന്നാൽ നമുക്കു​തന്നെ അപമാനം വരുത്തിവെ​ക്കും. ഏതായാ​ലും ഞാൻ ആട്ടിൻകു​ട്ടി​യെ കൊടു​ത്ത​യച്ചു; നീ അവളെ കണ്ടെത്തി​യ​തു​മില്ല.”

24 ഏതാണ്ടു മൂന്നു മാസത്തി​നു ശേഷം യഹൂദ​യ്‌ക്ക്‌ ഇങ്ങനെ വിവരം കിട്ടി: “നിന്റെ മരുമകൾ താമാർ വേശ്യാ​വൃ​ത്തി​യിൽ ഏർപ്പെട്ടു; അങ്ങനെ അവൾ ഗർഭി​ണി​യു​മാ​യി.” അപ്പോൾ യഹൂദ, “അവളെ പുറത്ത്‌ കൊണ്ടു​വന്ന്‌ ചുട്ടുകൊ​ല്ലുക”+ എന്നു പറഞ്ഞു. 25 താമാറിനെ പുറത്ത്‌ കൊണ്ടു​വന്ന സമയത്ത്‌ താമാർ അമ്മായി​യ​പ്പനെ ഇങ്ങനെയൊ​രു സന്ദേശം അറിയി​ച്ചു: “ഈ വസ്‌തു​ക്ക​ളു​ടെ ഉടമസ്ഥ​നാ​ലാ​ണു ഞാൻ ഗർഭി​ണി​യാ​യത്‌.” താമാർ ഇങ്ങനെ​യും പറഞ്ഞു: “ഈ മുദ്രമോ​തി​ര​വും ചരടും വടിയും+ ആരു​ടേ​താണെന്നു പരി​ശോ​ധി​ച്ചാ​ലും.” 26 അവ പരി​ശോ​ധി​ച്ചുനോ​ക്കി​യിട്ട്‌ യഹൂദ പറഞ്ഞു: “അവൾ എന്നെക്കാൾ നീതി​യു​ള്ളവൾ! ഞാൻ അവളെ എന്റെ മകൻ ശേലയ്‌ക്കു കൊടു​ത്തി​ല്ല​ല്ലോ.”+ പിന്നീട്‌ യഹൂദ താമാ​റു​മാ​യി ലൈം​ഗി​ക​ബ​ന്ധ​ത്തിൽ ഏർപ്പെ​ട്ടില്ല.

27 താമാറിനു പ്രസവ​സ​മ​യ​മാ​യി; വയറ്റിൽ ഇരട്ടക​ളാ​യി​രു​ന്നു. 28 പ്രസവസമയത്ത്‌ അതിൽ ഒരു കുഞ്ഞ്‌ കൈ പുറ​ത്തേക്ക്‌ ഇട്ടു. ഉടനെ, “ഇവനാണ്‌ ആദ്യം പുറത്ത്‌ വന്നത്‌” എന്നു പറഞ്ഞു​കൊ​ണ്ട്‌ വയറ്റാട്ടി ഒരു കടുഞ്ചു​വ​പ്പു​നൂലെ​ടുത്ത്‌ അവന്റെ കൈയിൽ കെട്ടി. 29 എന്നാൽ അവൻ കൈ അകത്തേക്കു വലിച്ച ഉടനെ അവന്റെ സഹോ​ദരൻ പുറത്ത്‌ വന്നു. അപ്പോൾ വയറ്റാട്ടി അത്ഭുതത്തോ​ടെ, “നീ നിനക്കു​വേണ്ടി എന്തൊരു പിളർപ്പാ​ണ്‌ ഉണ്ടാക്കി​യത്‌!” എന്നു പറഞ്ഞു. അതു​കൊണ്ട്‌ അവനു പേരെസ്‌*+ എന്നു പേരിട്ടു. 30 പിന്നെ അവന്റെ സഹോ​ദരൻ, കൈയിൽ കടുഞ്ചു​വ​പ്പു​നൂൽ കെട്ടി​യി​രു​ന്നവൻ, പുറത്ത്‌ വന്നു. അവനു സേരഹ്‌+ എന്നു പേരിട്ടു.

39 യിശ്‌മായേല്യർ+ യോ​സേ​ഫി​നെ ഈജിപ്‌തിലേക്കു+ കൊണ്ടു​വന്നു. അവി​ടെവെച്ച്‌, ഫറവോ​ന്റെ കൊട്ടാ​ര​ത്തി​ലെ ഉദ്യോ​ഗ​സ്ഥ​നും കാവൽക്കാ​രു​ടെ മേധാ​വി​യും ആയ പോത്തിഫർ+ എന്ന ഈജി​പ്‌തു​കാ​രൻ യോ​സേ​ഫി​നെ അവരുടെ കൈയിൽനി​ന്ന്‌ വാങ്ങി. 2 യഹോവ കൂടെയുണ്ടായിരുന്നതിനാൽ+ യോ​സേഫ്‌ ചെയ്‌തതെ​ല്ലാം സഫലമാ​യി​ത്തീർന്നു. അങ്ങനെ യോ​സേ​ഫിന്‌ ഈജി​പ്‌തു​കാ​ര​നായ തന്റെ യജമാ​നന്റെ വീടിന്റെ ചുമതല ലഭിച്ചു. 3 യഹോവ യോ​സേ​ഫിന്റെ​കൂടെ​യുണ്ടെ​ന്നും യോ​സേഫ്‌ ചെയ്യു​ന്നതെ​ല്ലാം യഹോവ സഫലമാ​ക്കുന്നെ​ന്നും യജമാനൻ കണ്ടു.

4 ദിവസങ്ങൾ കഴിയുംതോ​റും യോ​സേ​ഫി​നെ പോത്തി​ഫ​റി​നു കൂടു​തൽക്കൂ​ടു​തൽ ഇഷ്ടമായി. യോ​സേഫ്‌ യജമാ​നന്റെ വിശ്വ​സ്‌ത​പ​രി​ചാ​ര​ക​നാ​യി​ത്തീർന്നു. പോത്തി​ഫർ യോ​സേ​ഫി​നെ വീട്ടിലെ കാര്യ​സ്ഥ​നാ​യി നിയമി​ക്കു​ക​യും തനിക്കു​ള്ളതെ​ല്ലാം ഭരമേൽപ്പി​ക്കു​ക​യും ചെയ്‌തു. 5 യോസേഫിനെ കാര്യ​സ്ഥ​നാ​യി നിയമി​ച്ച്‌ തനിക്കു​ള്ളതെ​ല്ലാം ഭരമേൽപ്പി​ച്ച​തു​മു​തൽ യഹോവ യോ​സേ​ഫിനെപ്രതി ആ ഈജി​പ്‌തു​കാ​രനെ അനു​ഗ്ര​ഹി​ച്ചു. അയാളു​ടെ വീട്ടി​ലും വയലി​ലും ഉള്ള എല്ലാത്തിന്മേ​ലും യഹോ​വ​യു​ടെ അനു​ഗ്രഹം ഉണ്ടായി.+ 6 ഒടുവിൽ അയാൾ തനിക്കു​ള്ളതെ​ല്ലാം യോ​സേ​ഫി​നെ ഏൽപ്പിച്ചു. കഴിക്കുന്ന ഭക്ഷണ​ത്തെ​ക്കു​റി​ച്ച​ല്ലാ​തെ മറ്റൊ​ന്നിനെ​ക്കു​റി​ച്ചും അയാൾക്കു ചിന്തിക്കേ​ണ്ടി​വ​ന്നില്ല. യോ​സേഫ്‌ വളർന്ന്‌ സുമു​ഖ​നും സുന്ദര​നും ആയിത്തീർന്നു.

7 അങ്ങനെയിരിക്കെ, യജമാ​നന്റെ ഭാര്യ യോ​സേ​ഫി​നെ നോട്ട​മി​ട്ടു. “എന്നോ​ടു​കൂ​ടെ കിടക്കുക” എന്ന്‌ ആ സ്‌ത്രീ യോ​സേ​ഫിനോ​ടു പറഞ്ഞു. 8 എന്നാൽ അതിനു സമ്മതി​ക്കാ​തെ യോ​സേഫ്‌ യജമാ​നന്റെ ഭാര്യയോ​ടു പറഞ്ഞു: “ഞാൻ ഇവി​ടെ​യു​ള്ള​തുകൊണ്ട്‌ ഈ വീട്ടിലെ കാര്യ​ങ്ങളെ​ക്കു​റിച്ചൊ​ന്നും യജമാ​നനു ചിന്തിക്കേ​ണ്ട​തില്ലെന്ന്‌ അറിയാ​മ​ല്ലോ. യജമാനൻ എല്ലാം എന്നെ ഏൽപ്പി​ച്ചി​രി​ക്കു​ന്നു. 9 ഈ വീട്ടിൽ എന്നെക്കാൾ വലിയ​വ​നില്ല. നിങ്ങൾ യജമാ​നന്റെ ഭാര്യ​യാ​യ​തി​നാൽ നിങ്ങ​ളെ​യ​ല്ലാ​തെ മറ്റൊ​ന്നും എനിക്കു വിലക്കി​യി​ട്ടു​മില്ല. ആ സ്ഥിതിക്ക്‌, ഇത്ര വലി​യൊ​രു തെറ്റു ചെയ്‌ത്‌ ഞാൻ ദൈവത്തോ​ടു പാപം ചെയ്യു​ന്നത്‌ എങ്ങനെ?”+

10 ആ സ്‌ത്രീ എല്ലാ ദിവസ​വും യോ​സേ​ഫിനോട്‌ ഇതുതന്നെ പറയു​മാ​യി​രു​ന്നു. എന്നാൽ, അവളോടൊ​പ്പം കിടക്കാ​നോ അവളോടൊ​പ്പ​മാ​യി​രി​ക്കാ​നോ യോ​സേഫ്‌ ഒരിക്ക​ലും സമ്മതി​ച്ചില്ല. 11 ഒരു ദിവസം ജോലി ചെയ്യാൻ യോ​സേഫ്‌ വീടിന്‌ അകത്ത്‌ ചെന്ന​പ്പോൾ മറ്റു ദാസന്മാർ ആരും അവി​ടെ​യു​ണ്ടാ​യി​രു​ന്നില്ല. 12 അപ്പോൾ അവൾ യോ​സേ​ഫി​ന്റെ വസ്‌ത്ര​ത്തിൽ കടന്നു​പി​ടിച്ച്‌, “എന്റെകൂ​ടെ കിടക്കുക!” എന്നു പറഞ്ഞു. എന്നാൽ യോ​സേഫ്‌ തന്റെ വസ്‌ത്രം അവളുടെ കൈയിൽ ഉപേക്ഷി​ച്ച്‌ പുറ​ത്തേക്ക്‌ ഓടിപ്പോ​യി. 13 യോസേഫ്‌ വസ്‌ത്രം തന്റെ കൈയിൽ ഉപേക്ഷി​ച്ച്‌ പുറ​ത്തേക്ക്‌ ഓടിപ്പോ​യി എന്നു കണ്ടപ്പോൾ 14 ആ സ്‌ത്രീ അലറി​ക്ക​രഞ്ഞ്‌ ദാസന്മാ​രെ വിളിച്ച്‌ അവരോ​ടു പറഞ്ഞു: “നമ്മുടെ മാനം കെടു​ത്താ​നാ​യി അയാൾ ഒരു എബ്രാ​യനെ കൊണ്ടു​വ​ന്നി​രി​ക്കു​ന്നു! അവൻ എന്നോടൊ​പ്പം കിടക്കാൻ എന്റെ അടുത്ത്‌ വന്നു. ഞാൻ അലറി​ക്ക​ര​ഞ്ഞപ്പോൾ 15 എന്റെ നിലവി​ളി കേട്ട്‌ അവൻ ഉടുതു​ണി ഉപേക്ഷി​ച്ച്‌ പുറ​ത്തേക്ക്‌ ഓടി​ക്ക​ളഞ്ഞു.” 16 യജമാനൻ വീട്ടിൽ വരുന്ന​തു​വരെ അവൾ ആ വസ്‌ത്രം അവളുടെ അടുത്ത്‌ വെച്ചുകൊ​ണ്ടി​രു​ന്നു.

17 അവൾ അയാ​ളോ​ടും അങ്ങനെ​തന്നെ പറഞ്ഞു: “നിങ്ങൾ ഇവിടെ കൊണ്ടു​വന്ന ആ എബ്രാ​യ​ദാ​സൻ എന്റെ അടുത്ത്‌ വന്ന്‌ എന്നെ അപമാ​നി​ക്കാൻ ശ്രമിച്ചു. 18 പക്ഷേ ഞാൻ നിലവി​ളി​ച്ചപ്പോൾ അവൻ അവന്റെ വസ്‌ത്രം ഉപേക്ഷി​ച്ചിട്ട്‌ പുറ​ത്തേക്ക്‌ ഓടി​ക്ക​ളഞ്ഞു.” 19 “ഇങ്ങനെയെ​ല്ലാം നിങ്ങളു​ടെ ദാസൻ എന്നോടു ചെയ്‌തു” എന്നു ഭാര്യ പറഞ്ഞതു കേട്ട ഉടനെ യജമാ​നന്റെ കോപം ആളിക്കത്തി. 20 അങ്ങനെ അയാൾ യോ​സേ​ഫി​നെ പിടിച്ച്‌, രാജാവ്‌ തടവു​കാ​രെ സൂക്ഷി​ച്ചി​രുന്ന തടവറ​യിൽ ഏൽപ്പിച്ചു. യോ​സേഫ്‌ അവിടെ കഴിഞ്ഞു.+

21 എന്നാൽ യഹോവ യോ​സേ​ഫിനോ​ടു​കൂ​ടി​രുന്ന്‌ യോ​സേ​ഫിനോട്‌ അചഞ്ചല​മായ സ്‌നേഹം കാണിച്ചു. തടവറ​യു​ടെ മേലധി​കാ​രി​ക്കു യോ​സേ​ഫിനോട്‌ ഇഷ്ടം തോന്നാൻ ദൈവം ഇടവരു​ത്തി.+ 22 അതുകൊണ്ട്‌, മേലധി​കാ​രി അവി​ടെ​യുള്ള എല്ലാ തടവു​കാ​രുടെ​യും ചുമതല യോ​സേ​ഫി​നെ ഏൽപ്പിച്ചു; യോ​സേ​ഫി​ന്റെ നിർദേ​ശപ്ര​കാ​ര​മാണ്‌ അവർ എല്ലാം ചെയ്‌തി​രു​ന്നത്‌.+ 23 യോസേഫിന്റെ ചുമത​ല​യി​ലുള്ള ഒന്നി​നെ​ക്കു​റി​ച്ചും തടവറ​യു​ടെ മേലധി​കാ​രിക്ക്‌ അന്വേ​ഷിക്കേ​ണ്ടി​വ​ന്നില്ല. കാരണം യഹോവ യോ​സേ​ഫിന്റെ​കൂടെ​യു​ണ്ടാ​യി​രു​ന്നു. യോ​സേഫ്‌ ചെയ്‌തതെ​ല്ലാം യഹോവ സഫലമാ​ക്കി.+

40 അങ്ങനെ​യി​രി​ക്കെ, ഈജി​പ്‌തി​ലെ രാജാ​വി​ന്റെ പാനപാത്ര​വാ​ഹ​ക​രു​ടെ പ്രമാണിയും+ അപ്പക്കാ​രു​ടെ പ്രമാ​ണി​യും അവരുടെ യജമാ​ന​നായ രാജാ​വിനോ​ടു പാപം ചെയ്‌തു. 2 അതുകൊണ്ട്‌ ഈ രണ്ട്‌ ഉദ്യോ​ഗ​സ്ഥ​ന്മാരോ​ടും—പാനപാത്ര​വാ​ഹ​ക​രു​ടെ പ്രമാ​ണിയോ​ടും അപ്പക്കാ​രു​ടെ പ്രമാണിയോടും+—ഫറവോൻ കോപി​ച്ചു. 3 അവരെ കാവൽക്കാ​രു​ടെ മേധാവിയുടെ+ വീട്ടിലെ ജയിലിൽ, യോ​സേഫ്‌ തടവു​കാ​ര​നാ​യി കഴിഞ്ഞി​രുന്ന അതേ സ്ഥലത്ത്‌,+ ഏൽപ്പിച്ചു. 4 അപ്പോൾ കാവൽക്കാ​രു​ടെ മേധാവി അവരെ പരിച​രി​ക്കാ​നാ​യി യോ​സേ​ഫി​നെ അവരുടെ​കൂ​ടെ നിയമി​ച്ചു.+ അവർ കുറച്ച്‌ കാലം* ആ ജയിലിൽ കഴിഞ്ഞു.

5 തടവറയിലായിരുന്ന അവർ ഇരുവ​രും—ഈജി​പ്‌തി​ലെ രാജാ​വി​ന്റെ പാനപാത്ര​വാ​ഹ​ക​നും അപ്പക്കാ​ര​നും—ഒരു രാത്രി​തന്നെ ഓരോ സ്വപ്‌നം കണ്ടു. ഓരോ​ന്നി​നും അതി​ന്റേ​തായ വ്യാഖ്യാ​ന​മു​ണ്ടാ​യി​രു​ന്നു. 6 പിറ്റേന്നു രാവിലെ യോ​സേഫ്‌ അകത്ത്‌ വന്ന്‌ നോക്കി​യപ്പോൾ അവർ വിഷമി​ച്ചി​രി​ക്കു​ന്നതു കണ്ടു. 7 അപ്പോൾ യോ​സേഫ്‌ തന്നോടൊ​പ്പം യജമാ​നന്റെ ഭവനത്തിൽ തടവി​ലാ​യി​രുന്ന ഫറവോ​ന്റെ ഉദ്യോ​ഗ​സ്ഥരോട്‌, “എന്താണ്‌ ഇന്നു നിങ്ങളു​ടെ മുഖം വാടി​യി​രി​ക്കു​ന്നത്‌” എന്നു ചോദി​ച്ചു. 8 അവർ പറഞ്ഞു: “ഞങ്ങൾ രണ്ടും ഓരോ സ്വപ്‌നം കണ്ടു. പക്ഷേ അവ വ്യാഖ്യാ​നി​ച്ചു​ത​രാൻ ഇവിടെ ആരുമില്ല.” യോ​സേഫ്‌ അവരോ​ടു പറഞ്ഞു: “സ്വപ്‌ന​വ്യാ​ഖ്യാ​നം ദൈവ​ത്തി​നു​ള്ള​തല്ലേ?+ ദയവായി അത്‌ എന്നോടു പറയുക.”

9 അങ്ങനെ പാനപാത്ര​വാ​ഹ​ക​രു​ടെ പ്രമാണി തന്റെ സ്വപ്‌നം യോ​സേ​ഫിനോ​ടു വിവരി​ച്ചു. അയാൾ പറഞ്ഞു: “സ്വപ്‌ന​ത്തിൽ ഞാൻ ഒരു മുന്തി​രി​വള്ളി കണ്ടു. 10 ആ മുന്തി​രി​വ​ള്ളി​യിൽ മൂന്നു ചെറു​ചി​ല്ല​ക​ളു​ണ്ടാ​യി​രു​ന്നു. അവയിൽ മുള പൊട്ടു​ക​യും അതു പൂവി​ടു​ക​യും അതിൽ മുന്തി​രി​ക്കു​ലകൾ പഴുത്ത്‌ പാകമാ​കു​ക​യും ചെയ്‌തു. 11 എന്റെ കൈക​ളിൽ ഫറവോ​ന്റെ പാനപാത്ര​മു​ണ്ടാ​യി​രു​ന്നു. ഞാൻ മുന്തി​രി​പ്പ​ഴങ്ങൾ എടുത്ത്‌ ഫറവോ​ന്റെ പാനപാത്ര​ത്തിലേക്കു പിഴിഞ്ഞൊ​ഴി​ച്ചു. അതിനു ശേഷം ഞാൻ പാനപാ​ത്രം ഫറവോ​ന്റെ കൈയിൽ കൊടു​ത്തു.” 12 അപ്പോൾ യോ​സേഫ്‌ അയാ​ളോ​ടു പറഞ്ഞു: “സ്വപ്‌ന​ത്തി​ന്റെ വ്യാഖ്യാ​നം ഇതാണ്‌: മൂന്നു ചില്ല മൂന്നു ദിവസം. 13 മൂന്നു ദിവസ​ത്തി​നകം ഫറവോൻ താങ്കളെ മോചിപ്പിച്ച്‌* ഉദ്യോ​ഗ​ത്തിൽ തിരികെ പ്രവേ​ശി​പ്പി​ക്കും.+ ഫറവോ​ന്റെ പാനപാത്ര​വാ​ഹ​ക​നാ​യി​രുന്ന കാലത്ത്‌ ചെയ്‌തി​രു​ന്ന​തുപോ​ലെ താങ്കൾ പാനപാ​ത്രം ഫറവോ​ന്റെ കൈയിൽ കൊടു​ക്കും.+ 14 എന്നാൽ, കാര്യ​ങ്ങളെ​ല്ലാം ശരിയാ​യി​ക്ക​ഴി​യുമ്പോൾ താങ്കൾ എന്നെ ഓർക്കണം. ദയവുചെ​യ്‌ത്‌ എന്നോട്‌ അചഞ്ചല​മായ സ്‌നേഹം കാണിച്ച്‌ എന്റെ കാര്യം ഫറവോ​നോ​ട്‌ ഉണർത്തി​ക്കു​ക​യും എന്നെ ഇവി​ടെ​നിന്ന്‌ മോചി​പ്പി​ക്കു​ക​യും വേണം. 15 വാസ്‌തവത്തിൽ എന്നെ എബ്രാ​യ​രു​ടെ ദേശത്തു​നിന്ന്‌ തട്ടി​ക്കൊ​ണ്ടുപോ​ന്ന​താണ്‌.+ അവർ എന്നെ ഈ തടവറയിൽ* ഇടാൻ ഒരു കാരണ​വു​മില്ല; ഇവി​ടെ​യും ഞാൻ ഒരു തെറ്റും ചെയ്‌തി​ട്ടില്ല.”+

16 യോസേഫിന്റെ വ്യാഖ്യാ​നം നല്ലതെന്നു കണ്ടപ്പോൾ അപ്പക്കാ​രു​ടെ പ്രമാ​ണി​യും യോ​സേ​ഫിനോ​ടു പറഞ്ഞു: “ഞാനും ഒരു സ്വപ്‌നം കണ്ടു. എന്റെ തലയിൽ മൂന്നു കൊട്ട വെളുത്ത അപ്പമു​ണ്ടാ​യി​രു​ന്നു. 17 മുകളിലത്തെ കൊട്ട​യിൽ ഫറവോ​നുവേണ്ടി ചുട്ടെ​ടുത്ത എല്ലാ തരം പലഹാ​ര​ങ്ങ​ളു​മു​ണ്ടാ​യി​രു​ന്നു. എന്റെ തലയിലെ ആ കൊട്ട​യിൽനിന്ന്‌ പക്ഷികൾ അവ കൊത്തി​ത്തി​ന്നുകൊ​ണ്ടി​രു​ന്നു.” 18 അപ്പോൾ യോ​സേഫ്‌ പറഞ്ഞു: “സ്വപ്‌ന​ത്തി​ന്റെ വ്യാഖ്യാ​നം ഇതാണ്‌: മൂന്നു കൊട്ട മൂന്നു ദിവസം. 19 മൂന്നു ദിവസ​ത്തി​നകം ഫറവോൻ താങ്കളു​ടെ തല വെട്ടി താങ്കളെ സ്‌തം​ഭ​ത്തിൽ തൂക്കും; പക്ഷികൾ താങ്കളു​ടെ മാംസം തിന്നും.”+

20 മൂന്നാം ദിവസം ഫറവോ​ന്റെ ജന്മദി​ന​മാ​യി​രു​ന്നു.+ അന്നു ഫറവോൻ തന്റെ എല്ലാ ദാസർക്കും​വേണ്ടി ഒരു വിരുന്നു നടത്തി. ഫറവോൻ പാനപാത്ര​വാ​ഹ​ക​രു​ടെ പ്രമാ​ണിയെ​യും അപ്പക്കാ​രു​ടെ പ്രമാ​ണിയെ​യും പുറത്ത്‌ കൊണ്ടു​വന്ന്‌ തന്റെ ദാസരു​ടെ മുമ്പാകെ നിറുത്തി. 21 ഫറവോൻ പാനപാത്ര​വാ​ഹ​ക​രു​ടെ പ്രമാ​ണി​യെ തത്‌സ്ഥാ​നത്ത്‌ തിരികെ നിയമി​ച്ചു; അയാൾ പഴയതുപോ​ലെ ഫറവോ​നു പാനപാ​ത്രം കൊടു​ത്തു​തു​ടങ്ങി. 22 എന്നാൽ അപ്പക്കാ​രു​ടെ പ്രമാ​ണി​യെ ഫറവോൻ സ്‌തം​ഭ​ത്തിൽ തൂക്കി. യോ​സേഫ്‌ അവരോ​ട്‌ അർഥം വ്യാഖ്യാ​നി​ച്ച​തുപോലെ​തന്നെ സംഭവി​ച്ചു.+ 23 എന്നാൽ പാനപാത്ര​വാ​ഹ​ക​രു​ടെ പ്രമാണി യോ​സേ​ഫി​നെ ഓർത്തില്ല; അയാൾ യോ​സേ​ഫി​നെ മറന്നുപോ​യി.+

41 രണ്ടു വർഷം കഴിയാ​റാ​യപ്പോൾ ഫറവോൻ ഒരു സ്വപ്‌നം കണ്ടു.+ സ്വപ്‌ന​ത്തിൽ ഫറവോൻ നൈൽ നദിയു​ടെ തീരത്ത്‌ നിൽക്കു​ക​യാ​യി​രു​ന്നു. 2 അപ്പോൾ അതാ, കാണാൻ ഭംഗി​യുള്ള, കൊഴുത്ത ഏഴു പശുക്കൾ നദിയിൽനി​ന്ന്‌ കയറി​വ​രു​ന്നു. അവ നദിക്ക​ര​യിൽ മേഞ്ഞുകൊ​ണ്ടി​രു​ന്നു.+ 3 അവയ്‌ക്കു പിന്നാലെ, മെലിഞ്ഞ്‌ വിരൂ​പ​മായ ഏഴു പശുക്കൾകൂ​ടി നൈൽ നദിയിൽനി​ന്ന്‌ കയറി​വന്നു. അവ നൈലി​ന്റെ തീരത്ത്‌ നിന്നി​രുന്ന കൊഴുത്ത പശുക്ക​ളു​ടെ അരികിൽ വന്ന്‌ നിന്നു. 4 മെലിഞ്ഞ്‌ വിരൂ​പ​മായ പശുക്കൾ രൂപഭം​ഗി​യുള്ള, കൊഴുത്ത ഏഴു പശുക്കളെ തിന്നു​ക​ളഞ്ഞു. അപ്പോൾ ഫറവോൻ ഉണർന്നു.

5 ഫറവോൻ വീണ്ടും ഉറക്കമാ​യി; രണ്ടാമ​തും ഒരു സ്വപ്‌നം കണ്ടു. ഒരു തണ്ടിൽ പുഷ്ടി​യുള്ള, മേന്മ​യേ​റിയ ഏഴു കതിരു​കൾ വിളഞ്ഞു​വ​രു​ന്നു.+ 6 അവയ്‌ക്കു പിന്നാലെ, കിഴക്കൻ കാറ്റിൽ വാടി​ക്ക​രിഞ്ഞ, ശുഷ്‌കിച്ച ഏഴു കതിരു​കൾ വളർന്നു​വന്നു. 7 ശുഷ്‌കിച്ച ഏഴു കതിരു​കൾ പുഷ്ടി​യുള്ള, മേന്മ​യേ​റിയ ഏഴു കതിരു​കളെ വിഴു​ങ്ങി​ക്ക​ളഞ്ഞു. അപ്പോൾ ഫറവോൻ ഉറക്കമു​ണർന്നു; അതൊരു സ്വപ്‌ന​മാ​യി​രുന്നെന്നു മനസ്സി​ലാ​യി.

8 എന്നാൽ നേരം വെളു​ത്തപ്പോൾ ഫറവോ​ന്റെ മനസ്സ്‌ ആകെ അസ്വസ്ഥ​മാ​യി. ഫറവോൻ ഈജി​പ്‌തി​ലെ എല്ലാ മന്ത്രവാ​ദി​കളെ​യും ജ്ഞാനി​കളെ​യും വിളി​പ്പിച്ച്‌ സ്വപ്‌നങ്ങൾ അവരോ​ടു വിവരി​ച്ചു. പക്ഷേ അവ വ്യാഖ്യാ​നി​ച്ചുകൊ​ടു​ക്കാൻ ആർക്കും കഴിഞ്ഞില്ല.

9 അപ്പോൾ പാനപാത്ര​വാ​ഹ​ക​രു​ടെ പ്രമാണി ഫറവോനോ​ടു പറഞ്ഞു: “ഇന്നു ഞാൻ എന്റെ പാപങ്ങൾ ഏറ്റുപ​റ​യട്ടെ! 10 അങ്ങ്‌ ഒരിക്കൽ അങ്ങയുടെ ദാസന്മാരോ​ടു കോപി​ച്ചു. അങ്ങ്‌ ഞങ്ങളെ, എന്നെയും അപ്പക്കാ​രു​ടെ പ്രമാ​ണിയെ​യും, കാവൽക്കാ​രു​ടെ മേധാ​വി​യു​ടെ ഭവനത്തി​ലുള്ള ജയിലിൽ ഏൽപ്പിച്ചു.+ 11 അവിടെവെച്ച്‌ ഞങ്ങൾ രണ്ടും ഒരു രാത്രി​തന്നെ ഓരോ സ്വപ്‌നം കണ്ടു. ഓരോ​ന്നി​നും അതി​ന്റേ​തായ വ്യാഖ്യാ​ന​മു​ണ്ടാ​യി​രു​ന്നു.+ 12 കാവൽക്കാരുടെ മേധാ​വി​യു​ടെ ദാസനായ ഒരു എബ്രായയുവാവ്‌+ അവിടെ ഞങ്ങളോടൊ​പ്പ​മു​ണ്ടാ​യി​രു​ന്നു. ഞങ്ങളുടെ സ്വപ്‌നങ്ങൾ അവനോ​ടു വിവരിച്ചപ്പോൾ+ ഓരോ​ന്നിന്റെ​യും അർഥം അവൻ ഞങ്ങൾക്കു വ്യാഖ്യാ​നി​ച്ചു​തന്നു. 13 അവൻ ഞങ്ങളോ​ടു വ്യാഖ്യാ​നി​ച്ച​തുപോലെ​തന്നെ സംഭവി​ച്ചു. എന്നെ അങ്ങ്‌ തിരികെ നിയമി​ച്ചു; അയാളെ തൂക്കി​ലേറ്റി.”+

14 അപ്പോൾ ഫറവോൻ യോ​സേ​ഫി​നുവേണ്ടി ആളയച്ചു.+ അവർ യോ​സേ​ഫി​നെ പെട്ടെ​ന്നു​തന്നെ തടവറയിൽനിന്ന്‌* കൊണ്ടു​വന്നു.+ യോ​സേഫ്‌ ക്ഷൗരം ചെയ്‌ത്‌ വസ്‌ത്രം മാറി ഫറവോ​ന്റെ സന്നിധി​യിൽ ചെന്നു. 15 അപ്പോൾ ഫറവോൻ യോ​സേ​ഫിനോ​ടു പറഞ്ഞു: “ഞാൻ ഒരു സ്വപ്‌നം കണ്ടു. പക്ഷേ അതു വ്യാഖ്യാ​നി​ക്കാൻ ആർക്കും കഴിയു​ന്നില്ല. ഒരു സ്വപ്‌നം വിവരി​ച്ചു​ത​ന്നാൽ അതു വ്യാഖ്യാ​നി​ക്കാൻ നിനക്കു കഴിയു​മെന്നു ഞാൻ കേട്ടി​രി​ക്കു​ന്നു.”+ 16 അപ്പോൾ യോ​സേഫ്‌ ഫറവോനോ​ടു പറഞ്ഞു: “ഞാൻ ആരുമല്ല! ദൈവം ഫറവോ​നെ ശുഭക​ര​മായ ഒരു സന്ദേശം അറിയി​ക്കും.”+

17 ഫറവോൻ യോ​സേ​ഫിനോ​ടു പറഞ്ഞു: “സ്വപ്‌ന​ത്തിൽ ഞാൻ അവിടെ നൈൽ നദിയു​ടെ തീരത്ത്‌ നിൽക്കു​ക​യാ​യി​രു​ന്നു. 18 അപ്പോൾ രൂപഭം​ഗി​യുള്ള, കൊഴുത്ത ഏഴു പശുക്കൾ നൈൽ നദിയിൽനി​ന്ന്‌ കയറി​വന്നു. അവ നദിക്ക​ര​യിൽ മേഞ്ഞുകൊ​ണ്ടി​രു​ന്നു.+ 19 അവയ്‌ക്കു പിന്നാലെ, മെലിഞ്ഞ്‌ ശോഷി​ച്ച്‌ വിരൂ​പ​മായ ഏഴു പശുക്കൾകൂ​ടി കയറി​വന്നു. അത്രയും വിരൂ​പ​മായ പശുക്കളെ ഈജി​പ്‌ത്‌ ദേശത്ത്‌ എവി​ടെ​യും ഞാൻ കണ്ടിട്ടില്ല. 20 മെലിഞ്ഞ്‌ എല്ലും തോലും ആയ പശുക്കൾ കൊഴുത്ത ഏഴു പശുക്കളെ തിന്നു​ക​ളഞ്ഞു. 21 എന്നാൽ അവ ആ പശുക്കളെ തിന്നതാ​യി ആർക്കും തോന്നു​മാ​യി​രു​ന്നില്ല. കാരണം അവയുടെ രൂപം മുമ്പ​ത്തെപ്പോലെ​തന്നെ മോശ​മാ​യി​രു​ന്നു. അപ്പോൾ ഞാൻ ഉണർന്നു.

22 “അതിനു ശേഷം ഞാൻ മറ്റൊരു സ്വപ്‌നം കണ്ടു. ഒരു തണ്ടിൽ പുഷ്ടി​യുള്ള, മേന്മ​യേ​റിയ ഏഴു കതിരു​കൾ വിളഞ്ഞു​വ​രു​ന്നു.+ 23 അവയ്‌ക്കു പിന്നാലെ, കിഴക്കൻ കാറ്റിൽ വാടി​ക്ക​രിഞ്ഞ, ഉണങ്ങി ശുഷ്‌കിച്ച ഏഴു കതിരു​കൾകൂ​ടി വളർന്നു​വന്നു. 24 ശുഷ്‌കിച്ച ഏഴു കതിരു​കൾ മേന്മ​യേ​റിയ ഏഴു കതിരു​കളെ വിഴു​ങ്ങി​ക്ക​ളഞ്ഞു. ഞാൻ ഇതെക്കു​റിച്ച്‌ മന്ത്രവാദികളോടു+ പറഞ്ഞു. പക്ഷേ അർഥം വിവരി​ച്ചു​ത​രാൻ ആർക്കും കഴിഞ്ഞില്ല.”+

25 അപ്പോൾ യോ​സേഫ്‌ ഫറവോനോ​ടു പറഞ്ഞു: “ഫറവോൻ കണ്ട സ്വപ്‌ന​ങ്ങ​ളു​ടെ അർഥം ഒന്നുതന്നെ​യാണ്‌. സത്യ​ദൈവം താൻ ചെയ്യാൻപോ​കു​ന്നതു ഫറവോ​നെ അറിയി​ച്ചി​രി​ക്കു​ന്നു.+ 26 ഏഴു നല്ല പശുക്കൾ ഏഴു വർഷങ്ങ​ളാണ്‌. അതു​പോ​ലെ, ഏഴു നല്ല കതിരു​ക​ളും ഏഴു വർഷങ്ങ​ളാണ്‌. സ്വപ്‌നങ്ങൾ രണ്ടും ഒന്നുതന്നെ. 27 അവയ്‌ക്കു പിന്നാലെ വന്ന, മെലിഞ്ഞ്‌ എല്ലും തോലും ആയ ഏഴു പശുക്കൾ ഏഴു വർഷങ്ങൾ. കിഴക്കൻ കാറ്റിൽ വാടി​ക്ക​രിഞ്ഞ, പതിരു നിറഞ്ഞ ഏഴു കതിരു​ക​ളും ക്ഷാമത്തി​ന്റെ ഏഴു വർഷങ്ങ​ളാണ്‌. 28 ഞാൻ ഫറവോനോ​ടു പറഞ്ഞതുപോ​ലെ, സത്യ​ദൈവം താൻ ചെയ്യാൻപോ​കു​ന്നതു ഫറവോ​നു കാണി​ച്ചു​ത​ന്നി​രി​ക്കു​ന്നു.

29 “ഈജി​പ്‌ത്‌ ദേശത്ത്‌ എല്ലായി​ട​ത്തും ഏഴു വർഷം വലിയ സമൃദ്ധി ഉണ്ടാകും. 30 എന്നാൽ അതിനു ശേഷം ക്ഷാമത്തി​ന്റെ ഏഴു വർഷങ്ങൾ ഉണ്ടാകും. ഈജി​പ്‌ത്‌ ദേശത്തെ സമൃദ്ധിയെ​ല്ലാം മറന്നുപോ​കും​വി​ധം ക്ഷാമം ദേശത്തെ ശൂന്യ​മാ​ക്കും.+ 31 ക്ഷാമം വളരെ രൂക്ഷമാ​യി​രി​ക്കും. അതിനാൽ, ദേശത്ത്‌ മുമ്പു​ണ്ടാ​യി​രുന്ന സമൃദ്ധി ആരും ഓർക്കില്ല. 32 സ്വപ്‌നം രണ്ടു പ്രാവ​ശ്യം കണ്ടതിന്റെ അർഥം, സത്യ​ദൈവം ഇക്കാര്യം തീരു​മാ​നിച്ച്‌ ഉറപ്പി​ച്ചി​രി​ക്കുന്നെ​ന്നും അതു വേഗത്തിൽ നടപ്പാ​ക്കുമെ​ന്നും ആണ്‌.

33 “അതു​കൊണ്ട്‌ ഫറവോൻ ഇപ്പോൾ വിവേ​കി​യും ജ്ഞാനി​യും ആയ ഒരാളെ കണ്ടെത്തി ഈജി​പ്‌ത്‌ ദേശത്തി​ന്റെ ചുമതല അയാളെ ഏൽപ്പി​ക്കണം. 34 ദേശത്ത്‌ മേൽവി​ചാ​ര​ക​ന്മാ​രെ നിയമി​ച്ച്‌ വേണ്ട നടപടി കൈ​ക്കൊ​ള്ളണം. അങ്ങനെ അങ്ങ്‌ സമൃദ്ധി​യു​ടെ ഏഴു വർഷങ്ങളിൽ+ ഈജി​പ്‌തിൽ ഉണ്ടാകുന്ന വിളവി​ന്റെ അഞ്ചി​ലൊ​ന്നു ശേഖരി​ക്കണം. 35 ഈ വരുന്ന നല്ല വർഷങ്ങ​ളിൽ അവർ ഭക്ഷ്യവ​സ്‌തു​ക്കളെ​ല്ലാം ശേഖരി​ക്കട്ടെ. ശേഖരി​ക്കുന്ന ധാന്യമെ​ല്ലാം അവർ നഗരങ്ങ​ളിൽ ഫറവോ​ന്റെ അധീന​ത​യിൽ ഭക്ഷണത്തി​നാ​യി സംഭരി​ച്ച്‌ സൂക്ഷി​ക്കണം.+ 36 ഈജിപ്‌ത്‌ ദേശത്ത്‌ ഉണ്ടാകാൻപോ​കുന്ന ക്ഷാമത്തി​ന്റെ ഏഴു വർഷങ്ങ​ളിൽ ആ ഭക്ഷ്യവ​സ്‌തു​ക്കൾ ദേശത്ത്‌ വിതരണം ചെയ്യണം. അങ്ങനെ ചെയ്‌താൽ ക്ഷാമം​കൊ​ണ്ട്‌ ദേശം നശിക്കില്ല.”+

37 ഈ നിർദേശം ഫറവോ​നും ഫറവോ​ന്റെ എല്ലാ ദാസന്മാർക്കും ബോധി​ച്ചു. 38 അതുകൊണ്ട്‌ ഫറവോൻ ദാസന്മാരോ​ടു പറഞ്ഞു: “ഇവനെപ്പോ​ലെ ദൈവാ​ത്മാ​വുള്ള മറ്റൊ​രാ​ളെ കണ്ടെത്താൻ പറ്റുമോ!” 39 പിന്നെ ഫറവോൻ യോ​സേ​ഫിനോ​ടു പറഞ്ഞു: “ഇക്കാര്യ​ങ്ങളെ​ല്ലാം ദൈവം നിന്നെ അറിയി​ച്ച​തി​നാൽ നിന്നെപ്പോ​ലെ വിവേ​കി​യും ജ്ഞാനി​യും ആയ മറ്റാരു​മില്ല. 40 നീ, നീതന്നെ എന്റെ ഭവനത്തി​ന്റെ ചുമതല വഹിക്കും. നീ പറയു​ന്ന​താ​യി​രി​ക്കും എന്റെ ജനമെ​ല്ലാം അനുസ​രി​ക്കുക.+ സിംഹാ​സ​നംകൊണ്ട്‌ മാത്രം ഞാൻ നിന്നെ​ക്കാൾ വലിയ​വ​നാ​യി​രി​ക്കും.” 41 ഫറവോൻ യോ​സേ​ഫിനോട്‌ ഇങ്ങനെ​യും പറഞ്ഞു: “ഞാൻ ഇതാ, ഈജി​പ്‌ത്‌ ദേശത്തി​ന്റെ ചുമതല നിന്നെ ഏൽപ്പി​ക്കു​ന്നു.”+ 42 അങ്ങനെ ഫറവോൻ കൈയി​ലെ മുദ്രമോ​തി​രം ഊരി യോ​സേ​ഫി​ന്റെ കൈയി​ലി​ട്ടു. യോ​സേ​ഫി​നെ മേന്മ​യേ​റിയ ലിനൻവ​സ്‌ത്രങ്ങൾ ധരിപ്പി​ച്ച്‌ കഴുത്തിൽ സ്വർണാ​ഭ​രണം അണിയി​ച്ചു. 43 യോസേഫിനെ രണ്ടാം രാജര​ഥ​ത്തിൽ എഴുന്ന​ള്ളി​ക്കു​ക​യും ചെയ്‌തു. അവർ യോ​സേ​ഫി​ന്റെ മുന്നിൽ പോയി, “അവ്‌രെക്ക്‌”* എന്നു വിളി​ച്ചു​പ​റ​ഞ്ഞുകൊ​ണ്ടി​രു​ന്നു. അങ്ങനെ ഫറവോൻ യോ​സേ​ഫി​നെ ഈജി​പ്‌ത്‌ ദേശത്തി​ന്റെ ചുമതല ഏൽപ്പിച്ചു.

44 പിന്നെ ഫറവോൻ യോ​സേ​ഫിനോ​ടു പറഞ്ഞു: “ഞാൻ ഫറവോ​നാണ്‌. എന്നാൽ നിന്റെ അനുമ​തി​യി​ല്ലാ​തെ ഈജി​പ്‌ത്‌ ദേശത്ത്‌ ആരും ഒന്നും ചെയ്യില്ല.”*+ 45 അതിനു ശേഷം ഫറവോൻ യോ​സേ​ഫി​നു സാപ്‌നത്‌-പനേഹ്‌ എന്നു പേര്‌ നൽകി. ഓനിലെ* പുരോ​ഹി​ത​നായ പോത്തിഫേ​റ​യു​ടെ മകൾ അസ്‌നത്തിനെ+ ഭാര്യ​യാ​യി കൊടു​ക്കു​ക​യും ചെയ്‌തു. അങ്ങനെ യോ​സേഫ്‌ ഈജി​പ്‌ത്‌ ദേശത്തി​നു മേൽനോ​ട്ടം വഹിക്കാൻതു​ടങ്ങി.*+ 46 ഈജിപ്‌തിലെ രാജാ​വായ ഫറവോ​ന്റെ മുന്നിൽ നിന്നപ്പോൾ* യോ​സേ​ഫി​നു 30 വയസ്സാ​യി​രു​ന്നു.+

പിന്നെ യോ​സേഫ്‌ ഫറവോ​ന്റെ മുന്നിൽനി​ന്ന്‌ പോയി ഈജി​പ്‌ത്‌ ദേശത്ത്‌ എല്ലായി​ട​ത്തും സഞ്ചരിച്ചു. 47 സമൃദ്ധിയുടെ ഏഴു വർഷങ്ങ​ളിൽ ദേശത്ത്‌ ധാരാളം* വിളവ്‌ ഉണ്ടായി. 48 ആ വർഷങ്ങ​ളിൽ യോ​സേഫ്‌ ഈജി​പ്‌ത്‌ ദേശത്തെ ഭക്ഷ്യവ​സ്‌തു​ക്കളെ​ല്ലാം ശേഖരി​ച്ച്‌ നഗരങ്ങ​ളിൽ സംഭരി​ച്ചു. നഗരങ്ങൾക്കു ചുറ്റു​മുള്ള പ്രദേ​ശ​ങ്ങ​ളി​ലെ ഭക്ഷ്യവ​സ്‌തു​ക്കളെ​ല്ലാം യോ​സേഫ്‌ അതതു നഗരങ്ങ​ളിൽ സംഭരി​ച്ചുവെ​ക്കു​മാ​യി​രു​ന്നു. 49 കടലിലെ മണൽപോ​ലെ അളക്കാൻ കഴിയാ​ത്തത്ര ധാന്യം ശേഖരി​ച്ചുകൊ​ണ്ടി​രു​ന്ന​തുകൊണ്ട്‌ ഒടുവിൽ അവർ അളക്കു​ന്നതു മതിയാ​ക്കി; അത്രമാ​ത്രം ധാന്യം സംഭരി​ച്ചു.

50 ക്ഷാമകാലം തുടങ്ങു​ന്ന​തി​നു മുമ്പ്‌ ഓനിലെ* പുരോ​ഹി​ത​നായ പോത്തിഫേ​റ​യു​ടെ മകൾ അസ്‌നത്ത്‌ യോ​സേ​ഫി​നു രണ്ട്‌ ആൺമക്കളെ പ്രസവി​ച്ചു.+ 51 “എന്റെ ബുദ്ധി​മു​ട്ടു​ക​ളും അപ്പന്റെ ഭവനവും മറക്കാൻ ദൈവം ഇടയാക്കി” എന്നു പറഞ്ഞ്‌ യോ​സേഫ്‌ മൂത്ത മകനു മനശ്ശെ*+ എന്നു പേരിട്ടു. 52 രണ്ടാമന്‌ എഫ്രയീം*+ എന്നു പേരിട്ടു. കാരണം യോ​സേഫ്‌ പറഞ്ഞു: “ഞാൻ യാതന അനുഭ​വിച്ച ദേശത്ത്‌+ ദൈവം എന്നെ സന്താന​സ​മൃ​ദ്ധി​യു​ള്ള​വ​നാ​ക്കി​യി​രി​ക്കു​ന്നു.”

53 ഒടുവിൽ ഈജി​പ്‌തി​ലെ സമൃദ്ധി​യു​ടെ ഏഴു വർഷം+ അവസാ​നി​ക്കു​ക​യും 54 യോസേഫ്‌ പറഞ്ഞതുപോ​ലെ ക്ഷാമത്തി​ന്റെ ഏഴു വർഷം ആരംഭി​ക്കു​ക​യും ചെയ്‌തു.+ എല്ലാ ദേശങ്ങ​ളി​ലും ക്ഷാമം ഉണ്ടായി. എന്നാൽ ഈജി​പ്‌ത്‌ ദേശത്ത്‌ എല്ലായി​ട​ത്തും ഭക്ഷണമു​ണ്ടാ​യി​രു​ന്നു.*+ 55 പതിയെ, ഈജി​പ്‌ത്‌ ദേശവും ക്ഷാമത്തി​ന്റെ പിടി​യി​ലാ​യി. ക്ഷാമത്താൽ വലഞ്ഞ+ ജനങ്ങൾ ഭക്ഷണത്തി​നുവേണ്ടി ഫറവോനോ​ടു മുറവി​ളി​കൂ​ട്ടി. അപ്പോൾ ഫറവോൻ ഈജി​പ്‌തു​കാരോടെ​ല്ലാം പറഞ്ഞു: “യോ​സേ​ഫി​ന്റെ അടുത്ത്‌ ചെന്ന്‌ യോ​സേഫ്‌ പറയു​ന്ന​തുപോ​ലെ ചെയ്യുക.”+ 56 ഭൂമിയിൽ എല്ലായി​ട​ത്തും ക്ഷാമം ഉണ്ടായി.+ ക്ഷാമം ഈജി​പ്‌ത്‌ ദേശത്തി​ന്മേൽ പിടി മുറു​ക്കി​യപ്പോൾ യോ​സേഫ്‌ അവർക്കി​ട​യി​ലുള്ള ധാന്യ​പ്പു​ര​കളെ​ല്ലാം തുറന്ന്‌ ഈജി​പ്‌തു​കാർക്കു ഭക്ഷ്യവ​സ്‌തു​ക്കൾ വിൽക്കാൻതു​ടങ്ങി.+ 57 ഭൂമിയിലെ ജനങ്ങ​ളെ​ല്ലാം യോ​സേ​ഫി​ന്റെ അടുത്തു​നിന്ന്‌ ഭക്ഷ്യവ​സ്‌തു​ക്കൾ വാങ്ങാൻ ഈജി​പ്‌തിലേക്കു വന്നു. കാരണം ഭൂമി മുഴു​വ​നും ക്ഷാമത്തി​ന്റെ പിടി​യി​ല​മർന്നി​രു​ന്നു.+

42 ഈജി​പ്‌തിൽ ധാന്യമുണ്ടെന്നു+ വിവരം കിട്ടി​യപ്പോൾ യാക്കോ​ബ്‌ ആൺമക്കളോ​ടു പറഞ്ഞു: “നിങ്ങൾ ഇങ്ങനെ പരസ്‌പരം നോക്കി​നിൽക്കു​ന്നത്‌ എന്ത്‌?” 2 പിന്നെ യാക്കോ​ബ്‌ പറഞ്ഞു: “ഈജി​പ്‌തിൽ ധാന്യ​മുണ്ടെന്നു ഞാൻ കേട്ടു. നമ്മൾ മരിക്കാ​തെ ജീവി​ച്ചി​രി​ക്കാ​നാ​യി അവിടെ ചെന്ന്‌ കുറച്ച്‌ ധാന്യം വാങ്ങിക്കൊ​ണ്ടു​വരൂ.”+ 3 അങ്ങനെ യോ​സേ​ഫി​ന്റെ സഹോദരന്മാരിൽ+ പത്തു പേർ ധാന്യം വാങ്ങാൻ ഈജി​പ്‌തിലേക്കു പോയി. 4 എന്നാൽ യോ​സേ​ഫി​ന്റെ അനിയ​നായ ബന്യാമീനെ+ യാക്കോ​ബ്‌, “അവന്‌ എന്തെങ്കി​ലും വലിയ അപകടം സംഭവിച്ചേ​ക്കും” എന്നു പറഞ്ഞ്‌ അവരോടൊ​പ്പം അയച്ചില്ല.+

5 അങ്ങനെ, ധാന്യം വാങ്ങാൻ വരുന്ന മറ്റുള്ള​വരോടൊ​പ്പം ഇസ്രായേ​ലി​ന്റെ ആൺമക്ക​ളും വന്നു. കാരണം ക്ഷാമം കനാൻ ദേശ​ത്തേ​ക്കും വ്യാപി​ച്ചി​രു​ന്നു.+ 6 യോസേഫായിരുന്നു ദേശത്തി​ന്റെ അധികാ​രി.+ യോ​സേ​ഫാ​ണു ഭൂമി​യി​ലെ ജനങ്ങൾക്കെ​ല്ലാം ധാന്യം വിറ്റി​രു​ന്നത്‌.+ അങ്ങനെ യോ​സേ​ഫി​ന്റെ ചേട്ടന്മാ​രും യോ​സേ​ഫി​ന്റെ അടുത്ത്‌ വന്ന്‌ നിലം​വരെ കുമ്പിട്ട്‌ നമസ്‌ക​രി​ച്ചു.+ 7 അവരെ കണ്ടപ്പോൾത്തന്നെ യോ​സേഫ്‌ അവരെ തിരി​ച്ച​റി​ഞ്ഞു. പക്ഷേ താൻ ആരാണെന്ന കാര്യം യോ​സേഫ്‌ അവരിൽനി​ന്ന്‌ മറച്ചു​വെച്ചു.+ യോ​സേഫ്‌ അവരോ​ടു പരുഷ​മാ​യി സംസാ​രി​ച്ചു. “നിങ്ങൾ എവി​ടെ​നി​ന്നു​ള്ള​വ​രാണ്‌” എന്നു യോ​സേഫ്‌ ചോദി​ച്ചപ്പോൾ അവർ പറഞ്ഞു: “ആഹാരം വാങ്ങാൻ കനാൻ ദേശത്തു​നിന്ന്‌ വന്നവരാ​ണു ഞങ്ങൾ.”+

8 അങ്ങനെ യോ​സേഫ്‌ തന്റെ ചേട്ടന്മാ​രെ തിരി​ച്ച​റി​ഞ്ഞു. പക്ഷേ അവർക്കു യോ​സേ​ഫി​നെ മനസ്സി​ലാ​യില്ല. 9 പെട്ടെന്നുതന്നെ, അവരെ​ക്കു​റിച്ച്‌ കണ്ട സ്വപ്‌നങ്ങൾ+ യോ​സേ​ഫി​ന്റെ ഓർമ​യിലേക്കു വന്നു. പിന്നെ അവരോ​ടു പറഞ്ഞു: “നിങ്ങൾ ചാരന്മാ​രാണ്‌! ദേശത്തി​ന്റെ ദുർബലഭാഗങ്ങൾ* കണ്ടെത്താൻ വന്നവർ!” 10 അപ്പോൾ അവർ പറഞ്ഞു: “അല്ല യജമാ​നനേ, അടിയങ്ങൾ ആഹാരം വാങ്ങാൻ വന്നവരാ​ണ്‌. 11 ഞങ്ങളെല്ലാം ഒരാളു​ടെ മക്കളാണ്‌. ഞങ്ങൾ നേരു​ള്ള​വ​രാണ്‌. അങ്ങയുടെ ഈ ദാസന്മാർ ഒറ്റു​നോ​ക്കാൻ വന്നവരല്ല.” 12 പക്ഷേ യോ​സേഫ്‌ പറഞ്ഞു: “അല്ല! നിങ്ങൾ ദേശത്തി​ന്റെ ദുർബ​ല​ഭാ​ഗങ്ങൾ കണ്ടെത്താൻ വന്നവർതന്നെ​യാണ്‌!” 13 അപ്പോൾ അവർ: “ഞങ്ങൾ 12 സഹോ​ദ​ര​ന്മാ​രാണ്‌.+ കനാൻ ദേശത്തുള്ള ഒരാളു​ടെ മക്കളാണു+ ഞങ്ങൾ. ഏറ്റവും ഇളയവൻ+ ഇപ്പോൾ അപ്പന്റെ​കൂടെ​യുണ്ട്‌. ഒരാൾ ജീവി​ച്ചി​രി​പ്പില്ല.”+

14 എന്നാൽ യോ​സേഫ്‌ അവരോ​ടു പറഞ്ഞു: “ഞാൻ പറഞ്ഞതാ​ണു വാസ്‌തവം, ‘നിങ്ങൾ ചാരന്മാ​രാണ്‌,’ തീർച്ച! 15 ഞാൻ ഇങ്ങനെ നിങ്ങളെ പരീക്ഷി​ച്ച​റി​യും: ഫറവോ​നാ​ണെ സത്യം, നിങ്ങളു​ടെ ഇളയ സഹോ​ദരൻ ഇവിടെ വരാതെ നിങ്ങൾ ആരും ഇവിടം​വിട്ട്‌ പോകില്ല.+ 16 നിങ്ങളിൽ ഒരാളെ വിട്ട്‌ അവനെ കൂട്ടിക്കൊ​ണ്ടു​വ​രുക. അതുവരെ നിങ്ങൾ തടവി​ലാ​യി​രി​ക്കും. അങ്ങനെ നിങ്ങൾ പറയു​ന്നതു സത്യമാ​ണോ എന്നു ഞാൻ പരീക്ഷി​ച്ച​റി​യും. നിങ്ങൾ പറയു​ന്നതു സത്യമല്ലെ​ങ്കിൽ ഫറവോ​നാ​ണെ സത്യം, നിങ്ങൾ ചാരന്മാർതന്നെ.” 17 യോസേഫ്‌ അവരെയെ​ല്ലാം മൂന്നു ദിവസ​ത്തേക്കു തടവിൽ വെച്ചു.

18 മൂന്നാം ദിവസം യോ​സേഫ്‌ അവരോ​ടു പറഞ്ഞു: “ഞാൻ ദൈവ​ഭ​യ​മു​ള്ള​വ​നാണ്‌. അതു​കൊണ്ട്‌, ജീവ​നോ​ടി​രി​ക്ക​ണമെ​ങ്കിൽ ഞാൻ പറയു​ന്ന​തുപോ​ലെ ചെയ്യുക. 19 നിങ്ങൾ നേരു​ള്ള​വ​രാണെ​ങ്കിൽ നിങ്ങളിൽ ഒരാൾ ഇവിടെ ഈ ജയിലിൽ തടവു​കാ​ര​നാ​യി കഴിയട്ടെ. ബാക്കി​യു​ള്ള​വർക്കു ധാന്യ​വു​മാ​യി മടങ്ങി​ച്ചെന്ന്‌ നിങ്ങളു​ടെ വീട്ടി​ലു​ള്ള​വ​രു​ടെ പട്ടിണി മാറ്റാം.+ 20 അതിനു ശേഷം നിങ്ങൾ നിങ്ങളു​ടെ ഏറ്റവും ഇളയ സഹോ​ദ​രനെ എന്റെ അടുത്ത്‌ കൊണ്ടു​വ​രണം. അപ്പോൾ നിങ്ങൾ പറഞ്ഞതു സത്യമാ​ണെന്നു തെളി​യും, നിങ്ങൾ മരിക്കില്ല.” അവർ യോ​സേഫ്‌ പറഞ്ഞതുപോ​ലെ ചെയ്‌തു.

21 അപ്പോൾ അവർ തമ്മിൽത്ത​മ്മിൽ പറഞ്ഞു: “നമ്മുടെ അനിയനോ​ടു ചെയ്‌തതിന്റെ+ ശിക്ഷയാ​ണു നമ്മൾ ഇപ്പോൾ അനുഭ​വി​ക്കു​ന്നത്‌, ഉറപ്പ്‌! കരുണ കാണി​ക്കണേ എന്ന്‌ അവൻ യാചി​ച്ചപ്പോൾ അവന്റെ സങ്കടം കണ്ടിട്ടും നമ്മൾ അതു കാര്യ​മാ​ക്കി​യില്ല. അതു​കൊ​ണ്ടാണ്‌ നമുക്ക്‌ ഈ ദുരിതം വന്നത്‌.” 22 അപ്പോൾ രൂബേൻ അവരോ​ടു പറഞ്ഞു: “അവന്‌ എതിരെ പാപം ചെയ്യരു​തെന്നു ഞാൻ നിങ്ങ​ളോ​ടു പറഞ്ഞതല്ലേ?+ നിങ്ങൾ കേട്ടോ? ഇപ്പോൾ ഇതാ, അവന്റെ രക്തത്തിനു നമ്മൾ കണക്കു പറയേ​ണ്ടി​വ​ന്നി​രി​ക്കു​ന്നു.”+ 23 യോസേഫ്‌ അവരോ​ടു സംസാ​രി​ച്ചത്‌ ഒരു പരിഭാ​ഷ​കന്റെ സഹായത്തോടെ​യാ​യി​രു​ന്നു. അതിനാൽ അവരുടെ സംഭാ​ഷണം യോ​സേ​ഫി​നു മനസ്സി​ലാ​കു​ന്നുണ്ടെന്ന്‌ അവർ അറിഞ്ഞില്ല. 24 യോസേഫ്‌ അവരുടെ അടുത്തു​നിന്ന്‌ മാറിപ്പോ​യി കരഞ്ഞു.+ പിന്നെ തിരികെ വന്ന്‌ അവരോ​ടു വീണ്ടും സംസാ​രി​ച്ചു. യോ​സേഫ്‌ അവർക്കി​ട​യിൽനിന്ന്‌ ശിമെയോനെ+ പിടിച്ച്‌ അവർ കാൺകെ ബന്ധിച്ചു.+ 25 അതിനു ശേഷം അവരുടെ സഞ്ചിക​ളിൽ ധാന്യം നിറയ്‌ക്കാൻ കല്‌പി​ച്ചു. ഓരോ​രു​ത്ത​രുടെ​യും പണം അവരവ​രു​ടെ ചാക്കിൽ വെക്കാ​നും യാത്ര​യ്‌ക്കി​ട​യിൽ കഴിക്കാ​നുള്ള ആഹാരം കൊടു​ത്തു​വി​ടാ​നും ഉത്തരവി​ട്ടു. അവർ ഇതൊക്കെ ചെയ്‌തുകൊ​ടു​ത്തു.

26 അങ്ങനെ, അവർ ധാന്യം അവരുടെ കഴുത​ക​ളു​ടെ പുറത്ത്‌ കയറ്റി അവി​ടെ​നിന്ന്‌ പോയി. 27 വഴിയിൽ വിശ്ര​മ​സ്ഥ​ല​ത്തുവെച്ച്‌ അവരിൽ ഒരാൾ കഴുത​യ്‌ക്കു തീറ്റി കൊടു​ക്കാൻ ചാക്ക്‌ അഴിച്ച​പ്പോൾ സഞ്ചിയു​ടെ വായ്‌ക്കൽ തന്റെ പണം വെച്ചി​രി​ക്കു​ന്നതു കണ്ടു. 28 ഉടനെ അയാൾ സഹോ​ദ​ര​ന്മാരോ​ടു പറഞ്ഞു: “എന്റെ പണം ഇതാ, ഈ സഞ്ചിയിൽ വെച്ചി​രി​ക്കു​ന്നു!” അതു കേട്ട​പ്പോൾ അവരുടെ ഹൃദയം തകർന്നുപോ​യി. പേടി​ച്ചു​വി​റച്ച അവർ പരസ്‌പരം പറഞ്ഞു: “ദൈവം എന്താണു നമ്മളോ​ട്‌ ഈ ചെയ്‌തി​രി​ക്കു​ന്നത്‌?”

29 അവർ കനാൻ ദേശത്ത്‌ അപ്പനായ യാക്കോ​ബി​ന്റെ അടുത്ത്‌ എത്തി സംഭവി​ച്ചതെ​ല്ലാം വിവരി​ച്ചു. അവർ പറഞ്ഞു: 30 “ഞങ്ങൾ ആ ദേശം ഒറ്റു​നോ​ക്കാൻ ചെന്നവ​രാണെന്ന്‌ ആരോ​പിച്ച്‌ ആ ദേശത്തി​ന്റെ അധിപൻ ഞങ്ങളോ​ടു പരുഷ​മാ​യി സംസാ​രി​ച്ചു.+ 31 എന്നാൽ ഞങ്ങൾ അയാ​ളോ​ടു പറഞ്ഞു: ‘ഞങ്ങൾ നേരു​ള്ള​വ​രാണ്‌, ചാരന്മാ​രല്ല.+ 32 ഞങ്ങൾ 12 സഹോ​ദ​ര​ന്മാ​രാണ്‌;+ ഒരു അപ്പന്റെ മക്കൾ. ഒരാൾ ഇപ്പോൾ ജീവി​ച്ചി​രി​പ്പില്ല.+ ഏറ്റവും ഇളയവൻ+ ഇപ്പോൾ കനാൻ ദേശത്ത്‌ അപ്പന്റെ​കൂടെ​യുണ്ട്‌.’ 33 പക്ഷേ ആ ദേശത്തി​ന്റെ അധിപൻ ഞങ്ങളോ​ടു പറഞ്ഞു: ‘നിങ്ങൾ നേരു​ള്ള​വ​രാ​ണോ എന്നു ഞാൻ പരീക്ഷി​ച്ച​റി​യും. നിങ്ങളിൽ ഒരാൾ ഇവിടെ എന്നോടൊ​പ്പം നിൽക്കട്ടെ.+ ബാക്കി​യു​ള്ള​വർക്കു ധാന്യ​വു​മാ​യി പോയി നിങ്ങളു​ടെ വീട്ടി​ലു​ള്ള​വ​രു​ടെ പട്ടിണി മാറ്റാം.+ 34 അതിനു ശേഷം നിങ്ങളു​ടെ ഏറ്റവും ഇളയ സഹോ​ദ​രനെ എന്റെ അടുത്ത്‌ കൊണ്ടു​വ​രണം. അങ്ങനെ ചെയ്‌താൽ നിങ്ങൾ ചാരന്മാ​രല്ല, നേരു​ള്ള​വ​രാണെന്ന്‌ എനിക്കു ബോധ്യ​മാ​കും. അപ്പോൾ ഞാൻ നിങ്ങളു​ടെ സഹോ​ദ​രനെ വിട്ടു​ത​രാം; നിങ്ങൾക്കു തുടർന്നും ദേശത്ത്‌ വ്യാപാ​രം ചെയ്യാം.’”

35 അവർ ചാക്കിൽനി​ന്ന്‌ ധാന്യം കുടഞ്ഞി​ടുമ്പോൾ ഓരോ​രു​ത്ത​രുടെ​യും ചാക്കിൽ അതാ, അവരവ​രു​ടെ പണക്കിഴി! അതു കണ്ടപ്പോൾ അവരും അവരുടെ അപ്പനും പേടി​ച്ചുപോ​യി. 36 അപ്പോൾ അവരുടെ അപ്പനായ യാക്കോ​ബ്‌ അവരോ​ടു പറഞ്ഞു: “നിങ്ങൾ എന്നെ വിരഹ​ദുഃ​ഖ​ത്തി​ലാ​ക്കു​ക​യാണ്‌.+ യോ​സേഫ്‌ പോയി,+ ശിമെയോ​നും പോയി.+ ഇപ്പോൾ ഇതാ, ബന്യാ​മീനെ​യും കൊണ്ടുപോ​കു​ന്നു. ഇതെല്ലാം എന്റെ മേലാ​ണ​ല്ലോ വരുന്നത്‌!” 37 എന്നാൽ രൂബേൻ അപ്പനോ​ടു പറഞ്ഞു: “ഞാൻ അവനെ അപ്പന്റെ അടുത്ത്‌ തിരി​ച്ചുകൊ​ണ്ടു​വ​ന്നില്ലെ​ങ്കിൽ എന്റെ രണ്ട്‌ ആൺമക്കളെ അപ്പനു കൊന്നു​ക​ള​യാം.+ അവനെ എന്നെ ഏൽപ്പി​ക്കുക. ഞാൻ ഉറപ്പാ​യും അവനെ അപ്പന്റെ അടുത്ത്‌ തിരി​ച്ചുകൊ​ണ്ടു​വ​രും.”+ 38 പക്ഷേ യാക്കോ​ബ്‌ പറഞ്ഞു: “എന്റെ മകനെ ഞാൻ നിങ്ങ​ളോടൊ​പ്പം വിടില്ല. അവന്റെ ചേട്ടൻ മരിച്ചുപോ​യി; അവൻ മാത്രമേ ഇനി ബാക്കി​യു​ള്ളൂ.+ യാത്ര​യ്‌ക്കി​ട​യിൽ അവന്‌ എന്തെങ്കി​ലും വലിയ അപകടം സംഭവി​ച്ചാൽ നിങ്ങൾ എന്റെ നരച്ച തല അതിദുഃ​ഖത്തോ​ടെ ശവക്കുഴിയിലേക്ക്‌*+ ഇറങ്ങാൻ ഇടയാ​ക്കും.”+

43 ദേശത്ത്‌ ക്ഷാമം രൂക്ഷമാ​യി​രു​ന്നു.+ 2 ഈജിപ്‌തിൽനിന്ന്‌ കൊണ്ടു​വന്ന ധാന്യമെല്ലാം+ തീർന്ന​പ്പോൾ അവരുടെ അപ്പൻ അവരോ​ടു പറഞ്ഞു: “നിങ്ങൾ തിരി​ച്ചുചെന്ന്‌ നമുക്കു കുറച്ച്‌ ഭക്ഷണസാ​ധ​നങ്ങൾ വാങ്ങിക്കൊ​ണ്ടു​വ​രുക.” 3 അപ്പോൾ യഹൂദ പറഞ്ഞു: “‘ഇനി നിങ്ങളു​ടെ സഹോ​ദരൻ കൂടെ​യി​ല്ലാ​തെ നിങ്ങൾ എന്നെ മുഖം കാണി​ക്ക​രുത്‌’ എന്ന്‌ അദ്ദേഹം ഞങ്ങളോ​ടു വ്യക്തമാ​യി പറഞ്ഞതാ​ണ്‌.+ 4 ഞങ്ങളുടെ അനിയനെ അപ്പൻ ഞങ്ങളോടൊ​പ്പം അയയ്‌ക്കു​ക​യാണെ​ങ്കിൽ ഞങ്ങൾ ചെന്ന്‌ ഭക്ഷണസാ​ധ​നങ്ങൾ വാങ്ങിക്കൊ​ണ്ടു​വ​രാം. 5 എന്നാൽ അവനെ അയയ്‌ക്കു​ന്നില്ലെ​ങ്കിൽ ഞങ്ങൾ പോകില്ല. കാരണം, ‘ഇനി നിങ്ങളു​ടെ സഹോ​ദരൻ കൂടെ​യി​ല്ലാ​തെ നിങ്ങൾ എന്നെ മുഖം കാണി​ക്ക​രുത്‌’+ എന്ന്‌ ആ മനുഷ്യൻ ഞങ്ങൾക്കു മുന്നറി​യി​പ്പു തന്നിട്ടു​ണ്ട്‌.” 6 അപ്പോൾ ഇസ്രാ​യേൽ,+ “നിങ്ങൾക്കു മറ്റൊരു സഹോ​ദ​ര​നുണ്ടെന്ന്‌ ആ മനുഷ്യനോ​ടു പറഞ്ഞ്‌ എന്നെ ഇങ്ങനെ കുഴപ്പ​ത്തി​ലാ​ക്കി​യത്‌ എന്തിനാ​ണ്‌” എന്നു ചോദി​ച്ചു. 7 അവർ പറഞ്ഞു: “അദ്ദേഹം നമ്മളെ​യും നമ്മുടെ ബന്ധുക്കളെ​യും കുറിച്ച്‌ വിശദ​മാ​യി തിരക്കി. ‘നിങ്ങളു​ടെ അപ്പൻ ജീവി​ച്ചി​രി​ക്കു​ന്നു​ണ്ടോ, നിങ്ങൾക്കു മറ്റൊരു സഹോ​ദ​രൻകൂ​ടി​യു​ണ്ടോ’ എന്നെല്ലാം ഞങ്ങളോ​ടു ചോദി​ച്ചു. അപ്പോൾ ഞങ്ങൾ ഇക്കാര്യ​ങ്ങൾ മുഴുവൻ അദ്ദേഹത്തോ​ടു പറഞ്ഞു.+ ‘നിങ്ങളു​ടെ സഹോ​ദ​രനെ ഇവിടെ കൊണ്ടു​വ​രണം’+ എന്ന്‌ അദ്ദേഹം പറയു​മെന്നു ഞങ്ങൾ അറിഞ്ഞോ?”

8 ഒടുവിൽ യഹൂദ അപ്പനായ ഇസ്രായേ​ലി​നെ നിർബ​ന്ധി​ച്ചു: “അപ്പനും ഞങ്ങളും നമ്മുടെ കുട്ടികളും+ മരിക്കാ​തെ ജീവിച്ചിരിക്കാനായി+ അവനെ എന്നോടൊ​പ്പം അയയ്‌ക്കുക;+ ഞങ്ങൾ പോകട്ടെ. 9 അവൻ സുരക്ഷി​ത​നാ​യി​രി​ക്കുമെന്നു ഞാൻ ഉറപ്പു തരുന്നു.+ അവന്‌ എന്തെങ്കി​ലും സംഭവി​ച്ചാൽ ഞാൻ ഉത്തരവാ​ദി​യാ​യി​രി​ക്കും. അവനെ അപ്പന്റെ അടുത്ത്‌ തിരികെ കൊണ്ടു​വ​രു​ന്നില്ലെ​ങ്കിൽ എന്നും ഞാൻ അപ്പന്റെ മുമ്പാകെ കുറ്റക്കാ​ര​നാ​യി​രി​ക്കും. 10 നമ്മൾ ഇത്രയും കാലതാ​മസം വരുത്താ​തി​രുന്നെ​ങ്കിൽ ഇതി​നോ​ടകം രണ്ടു തവണ പോയി വരാമാ​യി​രു​ന്നു.”

11 അപ്പോൾ അവരുടെ അപ്പനായ ഇസ്രാ​യേൽ പറഞ്ഞു: “അങ്ങനെയെ​ങ്കിൽ ഇങ്ങനെ ചെയ്യുക. കുറച്ച്‌ സുഗന്ധക്കറ,+ കുറച്ച്‌ തേൻ, സുഗന്ധപ്പശ, മരപ്പട്ട,+ പിസ്റ്റാ​ഷി​യണ്ടി, ബദാം എന്നിങ്ങനെ ദേശത്തെ വിശേ​ഷ​വ​സ്‌തു​ക്കൾ നിങ്ങളു​ടെ സഞ്ചിയിൽ എടുത്ത്‌ അദ്ദേഹ​ത്തി​നു കാഴ്‌ചയായി+ കൊണ്ടുപോ​കുക. 12 ഇരട്ടി പണവും കരുതണം. മാത്രമല്ല, നിങ്ങളു​ടെ സഞ്ചിയു​ടെ വായ്‌ക്കൽ വെച്ചി​രുന്ന പണവും+ തിരികെ കൊണ്ടുപോ​കുക. ചില​പ്പോൾ, അവർക്ക്‌ അബദ്ധം പറ്റിയ​താ​യി​രി​ക്കാം. 13 നിങ്ങളുടെ അനിയനെ​യും കൂട്ടി ആ മനുഷ്യ​ന്റെ അടുത്ത്‌ തിരികെ ചെല്ലുക. 14 അദ്ദേഹത്തിനു നിങ്ങ​ളോട്‌ അലിവ്‌ തോന്നാ​നും അങ്ങനെ, നിങ്ങളു​ടെ മറ്റേ സഹോ​ദ​രനെ​യും ബന്യാ​മീനെ​യും നിങ്ങൾക്കു വിട്ടു​ത​രാ​നും സർവശ​ക്ത​നായ ദൈവം ഇടവരു​ത്തട്ടെ. എന്നാൽ, ഞാൻ വിരഹ​ദുഃ​ഖം അനുഭ​വി​ക്കണം എന്നാ​ണെ​ങ്കിൽ അങ്ങനെ​യാ​കട്ടെ.”+

15 അങ്ങനെ അവർ കാഴ്‌ച​യും ഇരട്ടി പണവും എടുത്ത്‌ ബന്യാ​മീനെ​യും കൂട്ടി ഈജി​പ്‌തിലേക്കു പോയി. അവർ ചെന്ന്‌ വീണ്ടും യോ​സേ​ഫി​ന്റെ മുമ്പാകെ നിന്നു.+ 16 ബന്യാമീനെ അവരോടൊ​പ്പം കണ്ട ഉടനെ യോ​സേഫ്‌ വീട്ടിലെ കാര്യ​സ്ഥനോ​ടു പറഞ്ഞു: “ഇവരെ എന്റെ വീട്ടി​ലേക്കു കൊണ്ടുപോ​കുക. മൃഗങ്ങളെ അറുത്ത്‌ വിരുന്ന്‌ ഒരുക്കുക. എന്നോടൊ​പ്പ​മാ​യി​രി​ക്കും ഇന്ന്‌ ഉച്ചയ്‌ക്ക്‌ ഇവർ ആഹാരം കഴിക്കു​ന്നത്‌.” 17 ആ മനുഷ്യൻ ഉടനെ യോ​സേഫ്‌ പറഞ്ഞതുപോ​ലെ ചെയ്‌തു.+ അയാൾ അവരെ യോ​സേ​ഫി​ന്റെ വീട്ടി​ലേക്കു കൂട്ടിക്കൊ​ണ്ടുപോ​യി. 18 എന്നാൽ യോ​സേ​ഫി​ന്റെ വീട്ടി​ലേക്കു കൊണ്ടുപോ​യപ്പോൾ അവർക്കു ഭയം തോന്നി. അവർ പറഞ്ഞു: “കഴിഞ്ഞ തവണ നമ്മുടെ സഞ്ചിക​ളിൽ കണ്ട ആ പണം കാരണ​മാ​ണു നമ്മളെ ഇവിടെ കൊണ്ടു​വ​ന്നി​രി​ക്കു​ന്നത്‌. അവർ ഇപ്പോൾ നമ്മളെ പിടിച്ച്‌ അടിമ​ക​ളാ​ക്കു​ക​യും നമ്മുടെ കഴുത​കളെ സ്വന്തമാ​ക്കു​ക​യും ചെയ്യും!”+

19 അങ്ങനെ അവർ യോ​സേ​ഫി​ന്റെ വീട്ടിലെ കാര്യ​സ്ഥന്റെ അടുത്ത്‌ ചെന്ന്‌ വീട്ടു​വാ​തിൽക്കൽവെച്ച്‌ അയാ​ളോ​ടു സംസാ​രി​ച്ചു. 20 അവർ പറഞ്ഞു: “യജമാ​നനേ, ഒരു കാര്യം പറയട്ടേ? മുമ്പൊ​രി​ക്കൽ ഭക്ഷണസാ​ധ​നങ്ങൾ വാങ്ങാൻ ഞങ്ങൾ വന്നിരു​ന്നു.+ 21 തിരിച്ച്‌ പോകും​വഴി വിശ്ര​മ​സ്ഥ​ലത്ത്‌ എത്തി ഞങ്ങൾ സഞ്ചി തുറന്ന​പ്പോൾ അതാ, ഓരോ​രു​ത്ത​രുടെ​യും പണം അവരവ​രു​ടെ സഞ്ചിയു​ടെ വായ്‌ക്കൽ ഇരിക്കു​ന്നു! ഞങ്ങൾ കൊടുത്ത പണം തൂക്കം ഒട്ടും കുറയാ​തെ അതിലു​ണ്ടാ​യി​രു​ന്നു.+ നേരിൽക്കണ്ട്‌ തിരികെ ഏൽപ്പി​ക്കാ​നാ​യി ഞങ്ങൾ അതു കൊണ്ടു​വ​ന്നി​ട്ടുണ്ട്‌. 22 ഭക്ഷണം വാങ്ങാൻ വേറെ​യും പണം ഞങ്ങളുടെ കൈയി​ലുണ്ട്‌. പക്ഷേ ഞങ്ങളുടെ ആ പണം ആരാണു സഞ്ചിയിൽ വെച്ച​തെന്നു ഞങ്ങൾക്ക്‌ അറിയില്ല.”+ 23 അപ്പോൾ അയാൾ പറഞ്ഞു: “കുഴപ്പ​മില്ല, നിങ്ങൾ പേടി​ക്കാ​തി​രി​ക്കൂ! നിങ്ങളുടെ​യും നിങ്ങളു​ടെ അപ്പന്റെ​യും ദൈവ​മാ​ണു സഞ്ചിയിൽ ആ നിധി വെച്ചത്‌. നിങ്ങളു​ടെ പണം എനിക്കു കിട്ടി​യി​രു​ന്നു.” അതിനു ശേഷം അയാൾ ശിമെയോ​നെ അവരുടെ അടുത്ത്‌ പുറത്ത്‌ കൊണ്ടു​വന്നു.+

24 പിന്നെ അയാൾ അവരെ യോ​സേ​ഫി​ന്റെ വീടിന്‌ അകത്തേക്കു കൊണ്ടുപോ​യി അവർക്കു കാൽ കഴുകാൻ വെള്ളം കൊടു​ത്തു. അയാൾ അവരുടെ കഴുത​കൾക്കു തീറ്റി​യും കൊടു​ത്തു. 25 തങ്ങൾ ഭക്ഷണം കഴിക്കു​ന്നത്‌ അവി​ടെവെ​ച്ചാ​യി​രി​ക്കുമെന്നു കേട്ടതുകൊണ്ട്‌+ യോ​സേഫ്‌ ഉച്ചയ്‌ക്കു വരു​മ്പോൾ കൊടു​ക്കാ​നാ​യി യോ​സേ​ഫി​ന്റെ സഹോ​ദ​ര​ന്മാർ കാഴ്‌ച+ ഒരുക്കി​വെച്ചു. 26 യോസേഫ്‌ വീട്ടി​ലേക്കു കയറി​യപ്പോൾ അവർ കാഴ്‌ച​യു​മാ​യി യോ​സേ​ഫി​ന്റെ അടുത്ത്‌ ചെന്ന്‌ സാഷ്ടാം​ഗം വീണ്‌ നമസ്‌ക​രി​ച്ചു.+ 27 അപ്പോൾ യോ​സേഫ്‌ അവരുടെ ക്ഷേമം അന്വേ​ഷി​ച്ചു. അവരോ​ടു ചോദി​ച്ചു: “നിങ്ങളു​ടെ പ്രായ​മായ അപ്പനെ​ക്കു​റിച്ച്‌ നിങ്ങൾ പറഞ്ഞി​രു​ന്ന​ല്ലോ, അദ്ദേഹ​ത്തി​നു സുഖമാ​ണോ? അദ്ദേഹം ഇപ്പോ​ഴും ജീവ​നോടെ​യു​ണ്ടോ?”+ 28 അവർ പറഞ്ഞു: “അങ്ങയുടെ ദാസനായ ഞങ്ങളുടെ അപ്പനു സുഖം​തന്നെ, അദ്ദേഹം ജീവ​നോ​ടി​രി​ക്കു​ന്നു.” പിന്നെ അവർ കുമ്പിട്ട്‌ സാഷ്ടാം​ഗം നമസ്‌ക​രി​ച്ചു.+

29 സ്വന്തം അമ്മയുടെ മകനെ, അനിയ​നായ ബന്യാ​മീ​നെ,+ കണ്ടപ്പോൾ യോ​സേഫ്‌, “നിങ്ങൾ പറഞ്ഞ ഏറ്റവും ഇളയ സഹോദരൻ+ ഇതാണോ” എന്നു ചോദി​ച്ചു. പിന്നെ യോ​സേഫ്‌, “എന്റെ മകനേ, നിനക്കു ദൈവ​ത്തി​ന്റെ പ്രീതി ലഭിക്കട്ടെ” എന്നു പറഞ്ഞു. 30 സഹോദരനെ കണ്ടപ്പോൾ വികാ​രാ​ധീ​ന​നായ യോ​സേഫ്‌ കരയാൻ ഒരു സ്ഥലം തേടി തിടു​ക്ക​ത്തിൽ അവി​ടെ​നിന്ന്‌ പോയി, തനിച്ച്‌ ഒരു മുറി​യിൽ കയറി കരഞ്ഞു.+ 31 പിന്നെ മുഖം കഴുകി പുറത്ത്‌ വന്നു. യോ​സേഫ്‌ തന്റെ വികാ​രങ്ങൾ നിയ​ന്ത്രി​ച്ചിട്ട്‌, “ഭക്ഷണം വിളമ്പൂ” എന്നു പറഞ്ഞു. 32 അവർ യോ​സേ​ഫി​നു തനിച്ചും യോ​സേ​ഫി​ന്റെ സഹോ​ദ​ര​ന്മാ​രെ ഒരുമി​ച്ച്‌ ഇരുത്തി അവർക്കു പ്രത്യേ​ക​മാ​യും വിളമ്പി. യോ​സേ​ഫിന്റെ​കൂടെ​യു​ണ്ടാ​യി​രുന്ന ഈജി​പ്‌തു​കാ​രും മാറി​യി​രുന്ന്‌ ഭക്ഷണം കഴിച്ചു. കാരണം ഈജി​പ്‌തു​കാർ എബ്രാ​യരോടൊ​പ്പം ഭക്ഷണം കഴിക്കി​ല്ലാ​യി​രു​ന്നു; അത്‌ ഈജി​പ്‌തു​കാർക്ക്‌ അറപ്പാ​യി​രു​ന്നു.+

33 യോസേഫിന്റെ സഹോ​ദ​ര​ന്മാ​രെ മൂത്ത മകന്റെ അവകാ​ശ​മ​നു​സ​രിച്ച്‌,+ മൂത്തവൻമു​തൽ ഏറ്റവും ഇളയവൻവരെ യോ​സേ​ഫി​ന്റെ മുന്നിൽ ക്രമത്തിൽ ഇരുത്തി. അപ്പോൾ അവർ അത്ഭുതത്തോ​ടെ പരസ്‌പരം നോക്കി. 34 യോസേഫ്‌ തന്റെ മേശയിൽനി​ന്ന്‌ അവരുടെ മേശയി​ലേക്കു ഭക്ഷണത്തി​ന്റെ പങ്കു കൊടു​ത്ത​യ​ച്ചുകൊ​ണ്ടി​രു​ന്നു. മറ്റുള്ള​വർക്കു കൊടു​ത്ത​തി​ന്റെ അഞ്ചിരട്ടി യോ​സേഫ്‌ ബന്യാ​മീ​നു കൊടു​ത്തു.+ അങ്ങനെ തൃപ്‌തി​യാ​കു​ന്ന​തു​വരെ അവർ തിന്നു​ക​യും കുടി​ക്കു​ക​യും ചെയ്‌തു.

44 പിന്നെ യോ​സേഫ്‌ വീട്ടിലെ കാര്യ​സ്ഥനോട്‌ ഇങ്ങനെ കല്‌പി​ച്ചു: “അവർക്കു കൊണ്ടുപോ​കാൻ കഴിയു​ന്നത്ര ആഹാരം അവരുടെ സഞ്ചിക​ളിൽ നിറയ്‌ക്കുക. സഞ്ചിക​ളു​ടെ വായ്‌ക്കൽ അവരവ​രു​ടെ പണവും വെക്കുക.+ 2 എന്നാൽ ഏറ്റവും ഇളയവന്റെ സഞ്ചിയു​ടെ വായ്‌ക്കൽ ധാന്യ​ത്തി​നു തന്ന പണത്തോടൊ​പ്പം എന്റെ ആ വെള്ളി​പ്പാ​ന​പാത്ര​വും വെക്കണം.” യോ​സേഫ്‌ നിർദേ​ശി​ച്ച​തുപോ​ലെ അവൻ ചെയ്‌തു.

3 പുലർച്ചെ വെളിച്ചം വീണ​പ്പോൾ അവർ കഴുത​കളെ​യുംകൊണ്ട്‌ യാത്ര​യാ​യി. 4 അവർ നഗരത്തിൽനി​ന്ന്‌ ഏറെ ദൂരം പിന്നി​ടു​ന്ന​തി​നു മുമ്പ്‌, യോ​സേഫ്‌ വീട്ടിലെ കാര്യ​സ്ഥനോട്‌: “വേഗമാ​കട്ടെ! അവരെ പിന്തു​ടർന്നുചെന്ന്‌ അവർക്ക്‌ ഒപ്പം എത്തുക. എന്നിട്ട്‌ അവരോ​ട്‌ ഇങ്ങനെ പറയണം: ‘നിങ്ങൾ നന്മയ്‌ക്കു പകരം തിന്മ ചെയ്‌തത്‌ എന്ത്‌? 5 ഇതിൽനിന്നല്ലേ എന്റെ യജമാനൻ കുടി​ക്കു​ന്നത്‌? ഇത്‌ ഉപയോ​ഗി​ച്ചല്ലേ യജമാനൻ കൃത്യ​മാ​യി ലക്ഷണം നോക്കു​ന്നത്‌? നിങ്ങൾ ഈ ചെയ്‌തതു ദുഷ്ടത​യാണ്‌.’”

6 അങ്ങനെ അയാൾ അവർക്കൊ​പ്പം എത്തി, ഈ വാക്കുകൾ അവരോ​ടു പറഞ്ഞു. 7 എന്നാൽ അവർ അയാ​ളോട്‌: “അങ്ങ്‌ എന്താണ്‌ ഈ പറയു​ന്നത്‌? ഇങ്ങനെയൊ​രു കാര്യം ചെയ്യു​ന്ന​തിനെ​ക്കു​റിച്ച്‌ ഞങ്ങൾക്കു ചിന്തി​ക്കാ​നേ കഴിയില്ല. 8 ഞങ്ങളുടെ സഞ്ചിക​ളു​ടെ വായ്‌ക്കൽ കണ്ട പണം ഞങ്ങൾ കനാൻ ദേശത്തു​നിന്ന്‌ കൊണ്ടു​വന്ന്‌ അങ്ങയ്‌ക്കു തിരികെ തരുകപോ​ലും ചെയ്‌തി​ല്ലേ?+ ആ സ്ഥിതിക്ക്‌, ഞങ്ങൾ അങ്ങയുടെ യജമാ​നന്റെ വീട്ടിൽനി​ന്ന്‌ പൊന്നോ വെള്ളി​യോ മോഷ്ടി​ക്കു​മോ? 9 അതു ഞങ്ങളുടെ ആരു​ടെയെ​ങ്കി​ലും കൈവശം കണ്ടാൽ അവൻ മരിക്കണം. ശേഷമു​ള്ള​വരെ​ല്ലാം അങ്ങയ്‌ക്ക്‌ അടിമ​ക​ളാ​കു​ക​യും ചെയ്‌തുകൊ​ള്ളാം.” 10 അപ്പോൾ അയാൾ പറഞ്ഞു: “നിങ്ങൾ പറഞ്ഞതുപോലെ​യാ​കട്ടെ. അത്‌ ആരുടെ കൈവശം കാണു​ന്നോ അയാൾ എന്റെ അടിമ​യാ​കും. എന്നാൽ ബാക്കി​യു​ള്ളവർ നിരപ​രാ​ധി​ക​ളാ​യി​രി​ക്കും.” 11 പെട്ടെന്നുതന്നെ അവർ ഓരോ​രു​ത്ത​രും സഞ്ചികൾ താഴെ ഇറക്കിവെ​ച്ചിട്ട്‌ അവ തുറന്നു. 12 അയാൾ മൂത്തവൻമു​തൽ ഇളയവൻവരെ എല്ലാവ​രുടെ​യും സഞ്ചികൾ പരി​ശോ​ധി​ച്ചു. ഒടുവിൽ ബന്യാ​മീ​ന്റെ സഞ്ചിയിൽനി​ന്ന്‌ പാനപാ​ത്രം കണ്ടെടു​ത്തു.+

13 അപ്പോൾ അവർ വസ്‌ത്രം കീറി. ഓരോ​രു​ത്ത​രും അവരുടെ ചുമടു വീണ്ടും കഴുത​പ്പു​റത്ത്‌ കയറ്റി നഗരത്തി​ലേക്കു തിരികെ പോയി. 14 യഹൂദയും+ സഹോ​ദ​ര​ന്മാ​രും യോ​സേ​ഫി​ന്റെ വീട്ടി​ലേക്കു ചെന്ന​പ്പോൾ യോ​സേഫ്‌ അവി​ടെ​ത്തന്നെ​യു​ണ്ടാ​യി​രു​ന്നു. അവർ യോ​സേ​ഫി​ന്റെ മുമ്പാകെ വീണ്‌ നമസ്‌ക​രി​ച്ചു.+ 15 യോസേഫ്‌ അവരോ​ടു ചോദി​ച്ചു: “നിങ്ങൾ എന്താണ്‌ ഈ ചെയ്‌തത്‌? എന്നെ​പ്പോ​ലുള്ള ഒരാൾക്കു കൃത്യ​മാ​യി ലക്ഷണം നോക്കാൻ+ കഴിയു​മെന്നു നിങ്ങൾക്ക്‌ അറിയി​ല്ലേ?” 16 അപ്പോൾ യഹൂദ പറഞ്ഞു: “ഞങ്ങൾ യജമാ​നനോട്‌ എന്തു ബോധി​പ്പി​ക്കും? ഞങ്ങൾക്ക്‌ എന്തു പറയാൻ കഴിയും? നേരു​ള്ള​വ​രാ​ണു ഞങ്ങളെന്ന്‌ എങ്ങനെ​യാ​ണു തെളി​യി​ക്കുക? സത്യ​ദൈവം ഞങ്ങളുടെ തെറ്റ്‌ വെളി​ച്ചത്ത്‌ കൊണ്ടു​വ​ന്നി​രി​ക്കു​ന്നു.+ ഇതാ, ഞങ്ങളും ആരുടെ കൈവ​ശ​മാ​ണോ പാനപാ​ത്രം കണ്ടത്‌ അവനും ഇപ്പോൾ യജമാ​നന്റെ അടിമ​ക​ളാണ്‌.” 17 പക്ഷേ യോ​സേഫ്‌ പറഞ്ഞു: “അങ്ങനെയൊ​രു കാര്യം ചെയ്യു​ന്ന​തിനെ​ക്കു​റിച്ച്‌ എനിക്കു ചിന്തി​ക്കാ​നേ കഴിയില്ല! പാനപാ​ത്രം കണ്ടത്‌ ആരുടെ കൈയി​ലാ​ണോ അവൻ എന്റെ അടിമ​യാ​യാൽ മതി.+ ബാക്കി​യു​ള്ള​വർക്കു സമാധാ​നത്തോ​ടെ നിങ്ങളു​ടെ അപ്പന്റെ അടു​ത്തേക്കു മടങ്ങിപ്പോ​കാം.”

18 അപ്പോൾ യഹൂദ യോ​സേ​ഫി​ന്റെ അടുത്ത്‌ ചെന്ന്‌ ഇങ്ങനെ പറഞ്ഞു: “യജമാ​നനോ​ടു ഞാൻ യാചി​ക്കു​ക​യാണ്‌. അങ്ങയുടെ മുമ്പാകെ ഒരു കാര്യം ഉണർത്തി​ക്കാൻ അടിയനെ അനുവ​ദിക്കേ​ണമേ. അടിയനോ​ടു കോപി​ക്ക​രു​തേ; അങ്ങ്‌ ഞങ്ങൾക്കു ഫറവോനെപ്പോലെ​യാ​ണ​ല്ലോ.+ 19 ഞങ്ങളുടെ യജമാ​ന​നായ അങ്ങ്‌ അടിയ​ങ്ങളോട്‌, ‘നിങ്ങൾക്ക്‌ അപ്പനോ മറ്റൊരു സഹോ​ദ​ര​നോ ഉണ്ടോ’ എന്നു ചോദി​ച്ചു. 20 അപ്പോൾ ഞങ്ങൾ യജമാ​നനോ​ടു പറഞ്ഞു: ‘ഞങ്ങൾക്കു വയസ്സായൊ​രു അപ്പനും അപ്പനു വാർധ​ക്യ​ത്തിൽ ജനിച്ച ഒരു മകനും ഉണ്ട്‌. അവനാണ്‌ ഏറ്റവും ഇളയവൻ.+ അവന്റെ ചേട്ടൻ മരിച്ചുപോ​യി.+ അവന്റെ അമ്മയുടെ മക്കളിൽ അവൻ മാത്രമേ ബാക്കി​യു​ള്ളൂ.+ അപ്പന്‌ അവനെ വളരെ ഇഷ്ടമാണ്‌.’ 21 അപ്പോൾ അങ്ങ്‌ അടിയ​ങ്ങളോട്‌, ‘അവനെ എന്റെ അടുത്ത്‌ കൊണ്ടു​വരൂ, എനിക്ക്‌ അവനെ കാണണം’+ എന്നു പറഞ്ഞു. 22 എന്നാൽ ഞങ്ങൾ യജമാ​നനോട്‌, ‘അവന്‌ അപ്പനെ വിട്ടു​പി​രി​യാൻ കഴിയില്ല, അവൻ വിട്ടു​പി​രി​ഞ്ഞാൽ അപ്പൻ മരിച്ചുപോ​കും’+ എന്ന്‌ ഉണർത്തി​ച്ചു. 23 അപ്പോൾ അങ്ങ്‌, ‘നിങ്ങളു​ടെ ഇളയ സഹോ​ദരൻ കൂടെ​യി​ല്ലാ​തെ നിങ്ങൾ ഇനി എന്നെ മുഖം കാണി​ക്ക​രുത്‌’+ എന്നു പറഞ്ഞു.

24 “അങ്ങനെ ഞങ്ങൾ അങ്ങയുടെ അടിമ​യായ ഞങ്ങളുടെ അപ്പന്റെ അടുത്ത്‌ ചെന്ന്‌ യജമാ​നന്റെ വാക്കുകൾ അറിയി​ച്ചു. 25 പിന്നീട്‌ ഞങ്ങളുടെ അപ്പൻ ഞങ്ങളോ​ട്‌, ‘നിങ്ങൾ മടങ്ങി​ച്ചെന്ന്‌ കുറച്ച്‌ ഭക്ഷണസാ​ധ​നങ്ങൾ വാങ്ങിക്കൊ​ണ്ടു​വ​രുക’+ എന്നു പറഞ്ഞു. 26 എന്നാൽ ഞങ്ങൾ പറഞ്ഞു: ‘ഞങ്ങൾക്കു പോകാ​നാ​കില്ല. ഇളയ സഹോ​ദരൻ ഞങ്ങളോടൊ​പ്പം വരുക​യാണെ​ങ്കിൽ ഞങ്ങൾ പോകാം. അവൻ കൂടെ​യി​ല്ലാ​തെ ഞങ്ങൾക്ക്‌ അദ്ദേഹത്തെ മുഖം കാണി​ക്കാ​നാ​കില്ല.’+ 27 അപ്പോൾ അങ്ങയുടെ അടിമ​യായ ഞങ്ങളുടെ അപ്പൻ ഞങ്ങളോ​ടു പറഞ്ഞു: ‘എന്റെ ഭാര്യ എനിക്കു രണ്ട്‌ ആൺമക്കളെ പ്രസവിച്ചെന്നു+ നിങ്ങൾക്ക്‌ അറിയാ​മ​ല്ലോ. 28 എന്നാൽ അവരിൽ ഒരാൾ എന്നെ വിട്ട്‌ പോയി. അപ്പോൾ ഞാൻ, “അവനെ ഒരു വന്യമൃ​ഗം പിച്ചി​ച്ചീ​ന്തി​യി​ട്ടു​ണ്ടാ​കും”+ എന്നു പറഞ്ഞു. പിന്നെ ഞാൻ അവനെ കണ്ടിട്ടു​മില്ല. 29 ഇവനെയും എന്റെ കൺമു​ന്നിൽനിന്ന്‌ കൊണ്ടുപോ​യിട്ട്‌ ഇവന്‌ എന്തെങ്കി​ലും വലിയ അപകടം സംഭവി​ച്ചാൽ നിങ്ങൾ എന്റെ നരച്ച തല വേദനയോ​ടെ ശവക്കുഴിയിൽ*+ ഇറങ്ങാൻ ഇടയാ​ക്കും.’+

30 “ഞങ്ങളുടെ ഈ അനിയനെ അപ്പൻ സ്വന്തം ജീവ​നെപ്പോ​ലെ സ്‌നേ​ഹി​ക്കു​ന്നു. ഇപ്പോൾ ഇവനി​ല്ലാ​തെ അങ്ങയുടെ അടിമ​യായ ഞങ്ങളുടെ അപ്പന്റെ അടു​ത്തേക്കു ഞാൻ മടങ്ങിച്ചെ​ന്നാൽ, 31 ഇവൻ കൂടെ​യില്ലെന്നു കാണുന്ന നിമി​ഷം​തന്നെ അപ്പൻ മരിച്ചുപോ​കും. അങ്ങനെ അങ്ങയുടെ അടിമ​യായ ഞങ്ങളുടെ അപ്പന്റെ നരച്ച തല അതിദുഃ​ഖത്തോ​ടെ ശവക്കുഴിയിൽ* ഇറങ്ങാൻ അടിയങ്ങൾ കാരണ​മാ​കും. 32 ‘അവനെ അപ്പന്റെ അടുത്ത്‌ തിരികെ കൊണ്ടു​വ​രു​ന്നില്ലെ​ങ്കിൽ ജീവി​ത​കാ​ലം മുഴുവൻ ഞാൻ അപ്പനോ​ടു കുറ്റക്കാ​ര​നാ​യി​രി​ക്കും’ എന്ന്‌ അടിയൻ അപ്പന്‌ ഉറപ്പു കൊടു​ത്തി​ട്ടുണ്ട്‌.+ 33 അതുകൊണ്ട്‌ ഞങ്ങളുടെ ഈ അനിയനു പകരം എന്നെ യജമാ​നന്റെ അടിമ​യാ​ക്കി​യിട്ട്‌ ഇവനെ ഇവന്റെ ചേട്ടന്മാരോടൊ​പ്പം പോകാൻ അനുവ​ദി​ച്ചാ​ലും. 34 അവൻ കൂടെ​യി​ല്ലാ​തെ ഞാൻ എങ്ങനെ എന്റെ അപ്പന്റെ അടുത്ത്‌ തിരി​ച്ചുചെ​ല്ലും! അപ്പന്‌ ഈ ആപത്തു വരുന്നതു കണ്ടുനിൽക്കാൻ എനിക്കു കഴിയില്ല!”

45 അതു കേട്ട​പ്പോൾ യോ​സേ​ഫി​നു പരിചാ​ര​ക​രു​ടെ മുന്നിൽ സ്വയം നിയ​ന്ത്രി​ക്കാൻ കഴിയാതെ​യാ​യി.+ യോ​സേഫ്‌ ഇങ്ങനെ വിളി​ച്ചു​പ​റഞ്ഞു: “എല്ലാവ​രും എന്റെ മുന്നിൽനി​ന്ന്‌ പോകൂ!” താൻ യോ​സേ​ഫാണെന്നു സഹോ​ദ​ര​ന്മാർക്കു വെളിപ്പെടുത്തിയ+ സമയത്ത്‌ മറ്റാരും അടുത്തു​ണ്ടാ​യി​രു​ന്നില്ല.

2 യോസേഫ്‌ പൊട്ടി​ക്ക​രഞ്ഞു. ഈജി​പ്‌തു​കാ​രും ഫറവോ​ന്റെ വീട്ടി​ലു​ള്ള​വ​രും അതു കേട്ടു. 3 ഒടുവിൽ യോ​സേഫ്‌ സഹോ​ദ​ര​ന്മാരോ​ടു പറഞ്ഞു: “ഞാൻ യോ​സേ​ഫാണ്‌. എന്റെ അപ്പൻ ഇപ്പോ​ഴും ജീവ​നോടെ​യു​ണ്ടോ?” മറുപ​ടിയൊ​ന്നും പറയാൻ സഹോ​ദ​ര​ന്മാർക്കു കഴിഞ്ഞില്ല; അവർ ആകെ അമ്പരന്നുപോ​യി​രു​ന്നു. 4 അപ്പോൾ യോ​സേഫ്‌ സഹോ​ദ​ര​ന്മാരോ​ടു പറഞ്ഞു: “എന്റെ അടു​ത്തേക്കു വരൂ!” അവർ യോ​സേ​ഫി​ന്റെ അടു​ത്തേക്കു ചെന്നു.

യോ​സേഫ്‌ പറഞ്ഞു: “നിങ്ങൾ ഈജി​പ്‌തിലേക്കു വിറ്റു​കളഞ്ഞ നിങ്ങളു​ടെ സഹോ​ദരൻ യോ​സേ​ഫാ​ണു ഞാൻ.+ 5 എന്നെ ഇവി​ടേക്കു വിറ്റത്‌ ഓർത്ത്‌ നിങ്ങൾ വിഷമി​ക്കു​ക​യോ പരസ്‌പരം പഴിചാ​രു​ക​യോ വേണ്ടാ. കാരണം നിങ്ങളു​ടെ ജീവര​ക്ഷ​യ്‌ക്കുവേണ്ടി ദൈവം എന്നെ നിങ്ങൾക്കു മുമ്പേ അയച്ചതാ​ണ്‌.+ 6 ദേശത്ത്‌ ക്ഷാമം തുടങ്ങി​യിട്ട്‌ ഇപ്പോൾ രണ്ടു വർഷമേ ആയിട്ടു​ള്ളൂ.+ ഉഴവും കൊയ്‌ത്തും ഇല്ലാത്ത അഞ്ചു വർഷം ബാക്കി​യുണ്ട്‌. 7 അതിനാൽ ഭൂമിയിൽ* നിങ്ങൾക്കു​വേണ്ടി ഒരു ശേഷി​പ്പി​നെ നിലനിറുത്താനും+ വലി​യൊ​രു വിടു​ത​ലി​ലൂ​ടെ നിങ്ങളു​ടെ ജീവൻ സംരക്ഷി​ക്കാ​നും വേണ്ടി ദൈവം എന്നെ നിങ്ങൾക്കു മുമ്പേ അയച്ചതാ​ണ്‌. 8 അതുകൊണ്ട്‌, നിങ്ങളല്ല സത്യദൈ​വ​മാണ്‌ എന്നെ ഇങ്ങോട്ട്‌ അയച്ചത്‌. ദൈവം എന്നെ ഫറവോ​ന്റെ മുഖ്യോപദേഷ്ടാവും* ഫറവോ​ന്റെ ഭവനത്തിനെ​ല്ലാം യജമാ​ന​നും ഈജി​പ്‌ത്‌ ദേശത്തി​നു മുഴുവൻ ഭരണാ​ധി​കാ​രി​യും ആയി നിയമി​ച്ചി​രി​ക്കു​ന്നു.+

9 “നിങ്ങൾ എത്രയും വേഗം അപ്പന്റെ അടുത്ത്‌ ചെന്ന്‌ ഇങ്ങനെ പറയണം: ‘അപ്പാ, അപ്പന്റെ മകൻ യോ​സേഫ്‌ ഇങ്ങനെ പറയുന്നു: “ദൈവം എന്നെ ഈജി​പ്‌ത്‌ ദേശത്തി​നു മുഴുവൻ യജമാ​ന​നാ​യി നിയമി​ച്ചി​രി​ക്കു​ന്നു.+ അപ്പൻ എന്റെ അടു​ത്തേക്കു വരണം;+ ഒട്ടും വൈക​രുത്‌. 10 അപ്പനും അപ്പന്റെ മക്കളും കൊച്ചു​മ​ക്ക​ളും ആടുമാ​ടു​കളോടൊ​പ്പം അപ്പനു​ള്ളതെ​ല്ലാ​മാ​യി വന്ന്‌ എന്റെ അടുത്ത്‌ ഗോശെൻ ദേശത്ത്‌ താമസി​ക്കണം.+ 11 ക്ഷാമം അഞ്ചു വർഷം​കൂ​ടെ നീണ്ടു​നിൽക്കും. അക്കാലത്ത്‌ അപ്പനും അപ്പന്റെ വീട്ടി​ലു​ള്ള​വ​രും അപ്പനുള്ള സകലവും ദാരിദ്ര്യ​ത്തി​ലാ​കാ​തി​രി​ക്കാൻ ഞാൻ അവിടെ അപ്പന്‌ ആഹാരം എത്തിച്ചു​ത​രാം.”’+ 12 ഞാൻതന്നെയാണു നിങ്ങ​ളോ​ടു സംസാ​രി​ക്കു​ന്നതെന്നു നിങ്ങളും എന്റെ അനിയ​നായ ബന്യാ​മീ​നും സ്വന്തക​ണ്ണാ​ലെ കാണു​ന്ന​ല്ലോ.+ 13 അതുകൊണ്ട്‌ ഈജി​പ്‌തിൽ എനിക്കുള്ള പ്രതാ​പത്തെ​ക്കു​റി​ച്ചും നിങ്ങൾ കണ്ട എല്ലാ കാര്യ​ങ്ങളെ​ക്കു​റി​ച്ചും എന്റെ അപ്പനെ അറിയി​ക്കണം. നിങ്ങൾ വേഗം ചെന്ന്‌ എന്റെ അപ്പനെ കൂട്ടിക്കൊ​ണ്ടു​വ​രണം.”

14 പിന്നെ യോ​സേഫ്‌ തന്റെ അനിയ​നായ ബന്യാ​മീ​നെ കെട്ടി​പ്പി​ടിച്ച്‌ കരഞ്ഞു. ബന്യാ​മീ​നും യോ​സേ​ഫി​ന്റെ തോളിൽ ചാഞ്ഞ്‌ കരഞ്ഞു.+ 15 യോസേഫ്‌ തന്റെ ചേട്ടന്മാരെയെ​ല്ലാം ചുംബി​ച്ച്‌ അവരെ കെട്ടി​പ്പി​ടിച്ച്‌ കരഞ്ഞു. പിന്നെ അവർ യോ​സേ​ഫിനോ​ടു സംസാ​രി​ച്ചു.

16 “യോ​സേ​ഫി​ന്റെ സഹോ​ദ​ര​ന്മാർ വന്നിരി​ക്കു​ന്നു!” എന്ന വാർത്ത ഫറവോ​ന്റെ അരമന​യിലെത്തി. അതു കേട്ട​പ്പോൾ ഫറവോ​നും ദാസന്മാർക്കും സന്തോ​ഷ​മാ​യി. 17 ഫറവോൻ യോ​സേ​ഫിനോ​ടു പറഞ്ഞു: “നിന്റെ സഹോ​ദ​ര​ന്മാരോട്‌ ഇതു പറയണം: ‘നിങ്ങൾ ഇങ്ങനെ ചെയ്യുക: നിങ്ങളു​ടെ മൃഗങ്ങ​ളു​ടെ മേൽ ചുമടു കയറ്റി കനാൻ ദേശത്ത്‌ ചെന്ന്‌ 18 നിങ്ങളുടെ അപ്പനെ​യും നിങ്ങളു​ടെ വീട്ടി​ലു​ള്ള​വരെ​യും കൂട്ടി എന്റെ അടുത്ത്‌ വരുക. ഈജി​പ്‌ത്‌ ദേശത്തെ വിശി​ഷ്ട​വ​സ്‌തു​ക്കൾ ഞാൻ നിങ്ങൾക്കു തരും. ദേശത്തി​ന്റെ ഫലഭൂ​യി​ഷ്‌ഠ​മായ ഭാഗത്തു​നിന്ന്‌ നിങ്ങൾ ഭക്ഷിക്കും.’*+ 19 അവരോട്‌ ഇങ്ങനെ പറയാ​നും ഞാൻ കല്‌പി​ക്കു​ന്നു:+ ‘നിങ്ങൾ ഇങ്ങനെ ചെയ്യുക: നിങ്ങളു​ടെ ഭാര്യ​മാർക്കും കുഞ്ഞു​ങ്ങൾക്കും വേണ്ടി ഈജി​പ്‌ത്‌ ദേശത്തു​നിന്ന്‌ വണ്ടികൾ+ കൊണ്ടുപോ​കണം. അതി​ലൊ​ന്നിൽ നിങ്ങൾ നിങ്ങളു​ടെ അപ്പനെ​യും കയറ്റിക്കൊ​ണ്ടു​വ​രണം.+ 20 നിങ്ങളുടെ വസ്‌തുവകകളെക്കുറിച്ച്‌+ ഓർത്ത്‌ വിഷമി​ക്കേണ്ടാ. ഈജി​പ്‌ത്‌ ദേശത്തെ ഏറ്റവും നല്ലതു നിങ്ങൾക്കു​ള്ള​താണ്‌.’”

21 പറഞ്ഞതുപോലെതന്നെ ഇസ്രായേ​ലി​ന്റെ ആൺമക്കൾ ചെയ്‌തു. ഫറവോ​ന്റെ ആജ്ഞയനു​സ​രിച്ച്‌ യോ​സേഫ്‌ അവർക്കു വണ്ടികൾ നൽകി; യാത്ര​യ്‌ക്കു​വേണ്ട ആഹാര​വും കൊടു​ത്തു. 22 അവർക്ക്‌ ഓരോ​രു​ത്തർക്കും യോ​സേഫ്‌ ഓരോ വസ്‌ത്രം കൊടു​ത്തു. ബന്യാ​മീന്‌ 300 വെള്ളി​ക്കാ​ശും അഞ്ചു വസ്‌ത്ര​വും കൊടു​ത്തു.+ 23 യോസേഫ്‌ തന്റെ അപ്പനു പത്തു കഴുത​ക​ളു​ടെ പുറത്ത്‌ ഈജി​പ്‌തി​ലെ വിശേ​ഷ​വ​സ്‌തു​ക്ക​ളും പത്തു പെൺക​ഴു​ത​ക​ളു​ടെ പുറത്ത്‌ യാത്ര​യ്‌ക്കു​വേണ്ട ധാന്യ​വും അപ്പവും മറ്റ്‌ ആഹാര​സാ​ധ​ന​ങ്ങ​ളും കൊടു​ത്തു​വി​ട്ടു. 24 അങ്ങനെ യോ​സേഫ്‌ സഹോ​ദ​ര​ന്മാ​രെ പറഞ്ഞയച്ചു; അവർ യാത്ര​യാ​യി. എന്നാൽ പുറ​പ്പെ​ടുമ്പോൾ യോ​സേഫ്‌ അവരോ​ട്‌, “വഴിയിൽവെച്ച്‌ ശണ്‌ഠ​യി​ട​രുത്‌”+ എന്നു പറഞ്ഞു.

25 അങ്ങനെ അവർ ഈജി​പ്‌ത്‌ ദേശത്തു​നിന്ന്‌ പുറ​പ്പെട്ട്‌ കനാൻ ദേശത്ത്‌ അപ്പനായ യാക്കോ​ബി​ന്റെ അടുത്ത്‌ എത്തി. 26 അവർ അപ്പനോ​ടു പറഞ്ഞു: “യോ​സേഫ്‌ ഇപ്പോ​ഴും ജീവ​നോടെ​യുണ്ട്‌! ഈജി​പ്‌ത്‌ ദേശം മുഴുവൻ ഭരിക്കു​ന്നതു യോ​സേ​ഫാണ്‌!”+ പക്ഷേ, യാക്കോ​ബി​ന്റെ ഹൃദയം മരവി​ച്ചുപോ​യി; യാക്കോ​ബ്‌ അവരെ വിശ്വ​സി​ച്ചില്ല.+ 27 എന്നാൽ യോ​സേഫ്‌ പറഞ്ഞ കാര്യ​ങ്ങളെ​ല്ലാം അവർ വിശദീ​ക​രി​ക്കു​ക​യും തന്നെ കൊണ്ടുപോ​കാൻ യോ​സേഫ്‌ അയച്ച വണ്ടികൾ കാണു​ക​യും ചെയ്‌ത​പ്പോൾ യാക്കോ​ബ്‌ ചൈത​ന്യം വീണ്ടെ​ടു​ത്തു. 28 ഇസ്രായേൽ വളരെ സന്തോ​ഷത്തോ​ടെ പറഞ്ഞു: “ഇത്രയും മതി! എന്റെ മകൻ യോ​സേഫ്‌ ജീവ​നോ​ടി​രി​ക്കു​ന്നു! മരിക്കു​ന്ന​തി​നു മുമ്പ്‌ എനിക്ക്‌ അവിടെ ചെന്ന്‌ അവനെ കാണണം!”+

46 അങ്ങനെ, തനിക്കുള്ളതെല്ലാംകൊണ്ട്‌* ഇസ്രാ​യേൽ പുറ​പ്പെട്ടു. ബേർ-ശേബയിൽ+ എത്തിയ​പ്പോൾ ഇസ്രാ​യേൽ തന്റെ അപ്പനായ യിസ്‌ഹാ​ക്കി​ന്റെ ദൈവത്തിനു+ ബലികൾ അർപ്പിച്ചു. 2 പിന്നീട്‌, രാത്രി ഒരു ദിവ്യ​ദർശ​ന​ത്തിൽ ദൈവം ഇസ്രായേ​ലിനോ​ടു സംസാ​രി​ച്ചു. “യാക്കോ​ബേ, യാക്കോ​ബേ!” എന്നു വിളി​ച്ചപ്പോൾ, “ഞാൻ ഇതാ” എന്ന്‌ ഇസ്രാ​യേൽ വിളി കേട്ടു. 3 ദൈവം പറഞ്ഞു: “ഞാൻ സത്യദൈ​വ​മാണ്‌, നിന്റെ അപ്പന്റെ ദൈവം!+ ഈജി​പ്‌തിലേക്കു പോകാൻ നീ പേടി​ക്കേണ്ടാ; അവിടെ ഞാൻ നിന്നെ ഒരു വലിയ ജനതയാ​ക്കും.+ 4 ഞാൻ, ഞാൻതന്നെ നിന്നോടൊ​പ്പം ഈജി​പ്‌തിലേക്കു വരും. ഞാൻ അവി​ടെ​നിന്ന്‌ നിന്നെ മടക്കി​വ​രു​ത്തു​ക​യും ചെയ്യും.+ നീ മരിക്കു​മ്പോൾ യോ​സേഫ്‌ നിന്റെ കണ്ണടയ്‌ക്കും.”+

5 അതിനു ശേഷം യാക്കോ​ബ്‌ ബേർ-ശേബയിൽനി​ന്ന്‌ പുറ​പ്പെട്ടു. ഇസ്രായേ​ലി​ന്റെ ആൺമക്കൾ അപ്പനായ യാക്കോ​ബിനെ​യും തങ്ങളുടെ ഭാര്യ​മാരെ​യും കുഞ്ഞു​ങ്ങളെ​യും ഫറവോൻ അയച്ച വണ്ടിക​ളിൽ കൊണ്ടുപോ​യി. 6 കനാൻ ദേശത്തു​വെച്ച്‌ സമ്പാദിച്ച ആടുമാ​ടു​കൾ, വസ്‌തു​വ​കകൾ എന്നിവയെ​ല്ലാം അവർ കൂടെ കൊണ്ടുപോ​യി. ഒടുവിൽ അവർ, അതായത്‌ യാക്കോ​ബും കൂടെ​യു​ണ്ടാ​യി​രുന്ന എല്ലാ മക്കളും പേരക്കു​ട്ടി​ക​ളും, ഈജി​പ്‌തിൽ എത്തി. 7 യാക്കോബ്‌ സന്തതി​കളെയെ​ല്ലാം, ആൺമക്കളെ​യും പെൺമ​ക്കളെ​യും പേരക്കു​ട്ടി​കളെ​യും, തന്നോടൊ​പ്പം ഈജി​പ്‌തിലേക്കു കൊണ്ടു​വന്നു.

8 ഈജിപ്‌തിലേക്കു വന്ന ഇസ്രായേൽമ​ക്ക​ളു​ടെ, അതായത്‌ യാക്കോ​ബി​ന്റെ ആൺമക്ക​ളു​ടെ,+ പേരുകൾ: യാക്കോ​ബി​ന്റെ മൂത്ത മകൻ രൂബേൻ.+

9 രൂബേന്റെ ആൺമക്കൾ: ഹാനോ​ക്ക്‌, പല്ലു, ഹെ​സ്രോൻ, കർമ്മി.+

10 ശിമെയോന്റെ+ ആൺമക്കൾ: യമൂവേൽ, യാമീൻ, ഓഹദ്‌, യാഖീൻ, സോഹർ, കനാന്യ​സ്‌ത്രീ​യു​ടെ മകനായ ശാവൂൽ.+

11 ലേവിയുടെ+ ആൺമക്കൾ: ഗർശോൻ, കൊഹാ​ത്ത്‌, മെരാരി.+

12 യഹൂദയുടെ+ ആൺമക്കൾ: ഏർ, ഓനാൻ, ശേല,+ പേരെസ്‌,+ സേരഹ്‌.+ ഏരും ഓനാ​നും കനാൻ ദേശത്തു​വെച്ച്‌ മരിച്ചുപോ​യി​രു​ന്നു.+

പേരെ​സി​ന്റെ ആൺമക്കൾ: ഹെ​സ്രോൻ, ഹമൂൽ.+

13 യിസ്സാഖാരിന്റെ ആൺമക്കൾ: തോല, പുവ്വ, യോബ്‌, ശി​മ്രോൻ.+

14 സെബുലൂന്റെ+ ആൺമക്കൾ: സേരെദ്‌, ഏലോൻ, യഹ്‌ലെ​യേൽ.+

15 ഇവരാണു പദ്ദൻ-അരാമിൽവെച്ച്‌ ലേയ യാക്കോ​ബി​നു പ്രസവിച്ച ആൺമക്കൾ. ദീന+ എന്നൊരു മകളെ​യും അവൾ പ്രസവി​ച്ചു. അങ്ങനെ ആകെ 33 മക്കൾ.

16 ഗാദിന്റെ+ ആൺമക്കൾ: സിഫ്യോൻ, ഹഗ്ഗി, ശൂനി, എസ്‌ബോൻ, ഏരി, അരോദി, അരേലി.+

17 ആശേരിന്റെ+ ആൺമക്കൾ: ഇമ്‌ന, യിശ്വ, യിശ്വി, ബരീയ. അവരുടെ പെങ്ങളാ​യി​രു​ന്നു സേര.

ബരീയ​യു​ടെ ആൺമക്കൾ: ഹേബെർ, മൽക്കി​യേൽ.+

18 ഇവരെല്ലാമാണു ലാബാൻ തന്റെ മകൾ ലേയയ്‌ക്കു ദാസി​യാ​യി കൊടുത്ത സില്‌പയുടെ+ മക്കൾ. സില്‌പ ഇവരെ യാക്കോ​ബി​നു പ്രസവി​ച്ചു: ആകെ 16 പേർ.

19 യാക്കോബിന്റെ ഭാര്യ റാഹേ​ലി​ന്റെ ആൺമക്കൾ: യോ​സേഫ്‌,+ ബന്യാ​മീൻ.+

20 ഈജിപ്‌ത്‌ ദേശത്തു​വെച്ച്‌ ഓനിലെ* പുരോ​ഹി​ത​നായ പോത്തിഫേ​റ​യു​ടെ മകൾ അസ്‌നത്ത്‌+ യോ​സേ​ഫി​നു പ്രസവിച്ച ആൺമക്കൾ: മനശ്ശെ,+ എഫ്രയീം.+

21 ബന്യാമീന്റെ ആൺമക്കൾ:+ ബേല, ബേഖെർ, അസ്‌ബേൽ, ഗേര,+ നയമാൻ, ഏഹി, രോശ്‌, മുപ്പീം, ഹുപ്പീം,+ അർദ്‌.+

22 ഇവരെല്ലാമാണു യാക്കോ​ബി​നു റാഹേ​ലി​ലു​ണ്ടായ മക്കൾ: ആകെ 14 പേർ.

23 ദാന്റെ+ മകനാണു* ഹൂശീം.+

24 നഫ്‌താലിയുടെ+ ആൺമക്കൾ: യഹ്‌സേൽ, ഗൂനി, യേസെർ, ശില്ലേം.+

25 ഇവരെല്ലാമാണു ലാബാൻ തന്റെ മകൾ റാഹേ​ലി​നു ദാസി​യാ​യി കൊടുത്ത ബിൽഹ​യു​ടെ മക്കൾ. ഇവരെയെ​ല്ലാം ബിൽഹ യാക്കോ​ബി​നു പ്രസവി​ച്ചു: ആകെ ഏഴു പേർ.

26 യാക്കോബിനോടൊപ്പം ഈജി​പ്‌തിലേക്കു പോയ മക്കൾ ആകെ 66 പേരാ​യി​രു​ന്നു.+ ഇതിൽ യാക്കോ​ബി​ന്റെ ആൺമക്ക​ളു​ടെ ഭാര്യ​മാ​രെ കൂട്ടി​യി​ട്ടില്ല. 27 ഈജിപ്‌തിൽവെച്ച്‌ യോ​സേ​ഫി​നു ജനിച്ചതു രണ്ട്‌ ആൺമക്കൾ. അങ്ങനെ, ഈജി​പ്‌തിലേക്കു വന്ന യാക്കോ​ബി​ന്റെ കുടും​ബ​ത്തിൽ ആകെ 70 പേർ.+

28 താൻ ഗോ​ശെ​നിലേക്കു വരുക​യാണെന്നു യോ​സേ​ഫി​നെ അറിയി​ക്കാൻ യാക്കോ​ബ്‌ യഹൂദയെ ആദ്യം അയച്ചു.+ അവർ ഗോശെൻ ദേശത്ത്‌+ എത്തിയ​പ്പോൾ 29 യോസേഫ്‌ രഥം ഒരുക്കി, അപ്പനെ കാണാൻ ഗോ​ശെ​നിലേക്കു ചെന്നു. അപ്പനെ കണ്ട ഉടനെ യോ​സേഫ്‌ അപ്പനെ കെട്ടി​പ്പി​ടിച്ച്‌ കുറെ നേരം കരഞ്ഞു. 30 അപ്പോൾ ഇസ്രാ​യേൽ യോ​സേ​ഫിനോ​ടു പറഞ്ഞു: “ഇനി ഞാൻ മരിച്ചാ​ലും കുഴപ്പ​മില്ല! നിന്റെ മുഖം കാണാ​നും നീ ജീവ​നോടെ​യുണ്ടെന്ന്‌ അറിയാ​നും കഴിഞ്ഞ​ല്ലോ!”

31 യോസേഫ്‌ സഹോ​ദ​ര​ന്മാരോ​ടും അപ്പന്റെ വീട്ടി​ലു​ള്ള​വരോ​ടും പറഞ്ഞു: “ഞാൻ ചെന്ന്‌ ഇക്കാര്യം ഫറവോ​നെ അറിയി​ക്കട്ടെ.+ ഞാൻ പറയും, ‘കനാൻ ദേശത്തു​നിന്ന്‌ എന്റെ സഹോ​ദ​ര​ന്മാ​രും അപ്പന്റെ വീട്ടി​ലു​ള്ള​വ​രും എന്റെ അടുത്ത്‌ വന്നിരി​ക്കു​ന്നു.+ 32 അവർ ഇടയന്മാ​രാണ്‌,+ മൃഗങ്ങളെ വളർത്തു​ന്നവർ.+ ആടുകൾ, കന്നുകാ​ലി​കൾ എന്നിങ്ങനെ അവർക്കു​ള്ളതെ​ല്ലാ​മാ​യാണ്‌ അവർ വന്നിരി​ക്കു​ന്നത്‌.’+ 33 ഫറവോൻ നിങ്ങളെ വിളിച്ച്‌, ‘എന്താണു നിങ്ങളു​ടെ തൊഴിൽ’ എന്നു ചോദി​ക്കുമ്പോൾ 34 ‘ഞങ്ങളുടെ പൂർവി​കർ മൃഗങ്ങളെ വളർത്തു​ന്ന​വ​രാ​യി​രു​ന്നു;+ ചെറു​പ്പം​മു​തൽ ഇന്നുവരെ​യും ഞങ്ങളും അതുതന്നെ​യാ​ണു ചെയ്‌തു​വ​രു​ന്നത്‌’ എന്നു പറയണം. അപ്പോൾ നിങ്ങൾക്കു ഗോശെൻ ദേശത്ത്‌ താമസി​ക്കാ​നാ​കും.+ കാരണം ആടുകളെ മേയ്‌ക്കു​ന്ന​വരെയെ​ല്ലാം ഈജി​പ്‌തു​കാർക്ക്‌ അറപ്പാണ്‌.”+

47 അങ്ങനെ യോ​സേഫ്‌ ഫറവോ​ന്റെ അടുത്ത്‌ ചെന്ന്‌ ഇങ്ങനെ അറിയി​ച്ചു:+ “എന്റെ അപ്പനും എന്റെ സഹോ​ദ​ര​ന്മാ​രും കനാൻ ദേശത്തു​നിന്ന്‌ എത്തിയി​ട്ടുണ്ട്‌. ആടുകൾ, കന്നുകാ​ലി​കൾ എന്നിവ തുടങ്ങി തങ്ങൾക്കു​ള്ളതെ​ല്ലാ​മാ​യാണ്‌ അവർ വന്നിരി​ക്കു​ന്നത്‌. അവർ ഇപ്പോൾ ഗോശെൻ ദേശത്തു​ണ്ട്‌.”+ 2 പിന്നെ അഞ്ചു സഹോ​ദ​ര​ന്മാ​രെ യോ​സേഫ്‌ ഫറവോ​ന്റെ സന്നിധിയിൽ+ കൊണ്ടുപോ​യി നിറുത്തി.

3 ഫറവോൻ യോ​സേ​ഫി​ന്റെ സഹോ​ദ​ര​ന്മാരോട്‌, “എന്താണു നിങ്ങളു​ടെ തൊഴിൽ” എന്നു ചോദി​ച്ചു. അവർ ഫറവോനോ​ടു പറഞ്ഞു: “അടിയ​ങ്ങ​ളും അടിയ​ങ്ങ​ളു​ടെ പൂർവി​ക​രും ആടുകളെ മേയ്‌ക്കു​ന്ന​വ​രാണ്‌.”+ 4 അവർ ഇങ്ങനെ​യും പറഞ്ഞു: “ഞങ്ങൾ ഈ ദേശത്ത്‌ പരദേശികളായി+ താമസി​ക്കാൻ വന്നതാണ്‌. കനാൻ ദേശത്ത്‌ ക്ഷാമം വളരെ രൂക്ഷമാ​ണ്‌.+ അടിയ​ങ്ങ​ളു​ടെ ആടുകൾക്കു മേയാൻ അവിടെ പുൽമേ​ടു​ക​ളില്ല. അതു​കൊണ്ട്‌ ഗോശെൻ ദേശത്ത്‌ താമസിക്കാൻ+ ഞങ്ങളെ അനുവ​ദി​ച്ചാ​ലും.” 5 അപ്പോൾ ഫറവോൻ യോ​സേ​ഫിനോ​ടു പറഞ്ഞു: “നിന്റെ അപ്പനും നിന്റെ സഹോ​ദ​ര​ന്മാ​രും നിന്റെ അടുത്ത്‌ വന്നിരി​ക്കു​ക​യാ​ണ​ല്ലോ. 6 ഈജിപ്‌ത്‌ ദേശം ഇതാ, നിന്റെ കൈയി​ലി​രി​ക്കു​ന്നു. ദേശത്തെ ഏറ്റവും നല്ല ഭാഗത്തു​തന്നെ നിന്റെ അപ്പനെ​യും സഹോ​ദ​ര​ന്മാരെ​യും താമസി​പ്പി​ക്കുക.+ അവർ ഗോശെൻ ദേശത്ത്‌ താമസി​ക്കട്ടെ. അവരിൽ സമർഥ​രായ ആരെങ്കി​ലു​മുണ്ടെ​ങ്കിൽ എന്റെ മൃഗങ്ങ​ളു​ടെ ചുമതല അവരെ ഏൽപ്പി​ക്കണം.”

7 പിന്നെ യോ​സേഫ്‌ അപ്പനായ യാക്കോ​ബി​നെ അകത്ത്‌ കൊണ്ടു​വന്ന്‌ ഫറവോ​ന്റെ മുമ്പാകെ നിറുത്തി. യാക്കോ​ബ്‌ ഫറവോ​നെ അനു​ഗ്ര​ഹി​ച്ചു. 8 ഫറവോൻ യാക്കോ​ബിനോട്‌, “എത്ര വയസ്സായി” എന്നു ചോദി​ച്ചു. 9 യാക്കോബ്‌ പറഞ്ഞു: “പരദേ​ശി​യാ​യുള്ള എന്റെ പ്രയാണം* തുടങ്ങി​യിട്ട്‌ 130 വർഷമാ​യി. എന്റെ ജീവി​ത​കാ​ലം ഹ്രസ്വ​വും കഷ്ടത നിറഞ്ഞ​തും ആയിരു​ന്നു.+ അത്‌ എന്റെ പൂർവി​ക​രു​ടെ പ്രയാ​ണ​കാ​ലത്തോ​ളം എത്തിയി​ട്ടില്ല.”+ 10 പിന്നെ യാക്കോ​ബ്‌ ഫറവോ​നെ അനു​ഗ്ര​ഹി​ച്ചിട്ട്‌ ഫറവോ​ന്റെ സന്നിധി​യിൽനിന്ന്‌ പോയി.

11 അങ്ങനെ, യോ​സേഫ്‌ അപ്പനെ​യും തന്റെ സഹോ​ദ​ര​ന്മാരെ​യും ഈജി​പ്‌ത്‌ ദേശത്ത്‌ താമസി​പ്പി​ച്ചു. ഫറവോൻ കല്‌പി​ച്ച​തുപോ​ലെ രമെസേസ്‌+ ദേശത്തി​ന്റെ ഏറ്റവും നല്ല ഭാഗത്ത്‌ അവർക്ക്‌ അവകാശം കൊടു​ത്തു. 12 മാത്രമല്ല, യോ​സേഫ്‌ അപ്പനും സഹോ​ദ​ര​ന്മാർക്കും അപ്പന്റെ വീട്ടി​ലുള്ള എല്ലാവർക്കും അവരുടെ കുട്ടി​ക​ളു​ടെ എണ്ണമനു​സ​രിച്ച്‌ ഭക്ഷണവും കൊടു​ത്തുപോ​ന്നു.

13 ക്ഷാമം വളരെ രൂക്ഷമാ​യി​രു​ന്ന​തി​നാൽ ദേശത്ത്‌ ഒരിട​ത്തും ആഹാര​മി​ല്ലാതെ​യാ​യി. ഈജി​പ്‌ത്‌ ദേശവും കനാൻ ദേശവും ക്ഷാമത്താൽ വലഞ്ഞു.+ 14 ഈജിപ്‌തിലെയും കനാനിലെ​യും ആളുക​ളിൽനിന്ന്‌ പണം വാങ്ങി യോ​സേഫ്‌ അവർക്കെ​ല്ലാം ധാന്യം കൊടു​ത്തു.+ ആ പണമെ​ല്ലാം യോ​സേഫ്‌ ഫറവോ​ന്റെ അരമന​യിലേക്കു കൊണ്ടു​വ​രു​മാ​യി​രു​ന്നു. 15 അങ്ങനെ ഈജി​പ്‌ത്‌ ദേശ​ത്തെ​യും കനാൻ ദേശ​ത്തെ​യും പണമെ​ല്ലാം തീർന്നു. അപ്പോൾ ഈജി​പ്‌തു​കാരെ​ല്ലാം യോ​സേ​ഫി​ന്റെ അടുത്ത്‌ വന്ന്‌ പറഞ്ഞു: “ഞങ്ങൾക്കു ഭക്ഷണം തരൂ! ഞങ്ങളുടെ പണം മുഴുവൻ തീർന്നു! ഞങ്ങൾ അങ്ങയുടെ കൺമു​ന്നിൽ മരിച്ചു​വീ​ഴു​ന്നത്‌ എന്തിന്‌?” 16 അപ്പോൾ യോ​സേഫ്‌ പറഞ്ഞു: “നിങ്ങളു​ടെ പണം തീർന്നുപോയെ​ങ്കിൽ നിങ്ങളു​ടെ മൃഗങ്ങളെ എനിക്കു തരുക. അവയ്‌ക്കു പകരം ഞാൻ നിങ്ങൾക്ക്‌ ആഹാരം തരാം.” 17 അങ്ങനെ അവർ അവരുടെ മൃഗങ്ങളെ യോ​സേ​ഫി​ന്റെ അടുത്ത്‌ കൊണ്ടു​വന്നു. അവരുടെ കുതി​രകൾ, ആടുകൾ, കന്നുകാ​ലി​കൾ, കഴുതകൾ എന്നിവ​യ്‌ക്കു പകരം യോ​സേഫ്‌ അവർക്ക്‌ ആഹാരം കൊടു​ത്തു. അങ്ങനെ അവരുടെ മൃഗങ്ങൾക്കു പകരം ഭക്ഷണം നൽകി​ക്കൊ​ണ്ട്‌ ആ വർഷം മുഴുവൻ യോ​സേഫ്‌ അവരെ സംരക്ഷി​ച്ചു.

18 അങ്ങനെ ആ വർഷം അവസാ​നി​ച്ചു. അടുത്ത വർഷം അവർ വീണ്ടും യോ​സേ​ഫി​ന്റെ അടുത്ത്‌ വന്ന്‌ പറഞ്ഞു: “ഞങ്ങൾ യജമാ​നനോട്‌ ഒന്നും ഒളിക്കു​ന്നില്ല. ഞങ്ങളുടെ പണവും ഞങ്ങളുടെ വളർത്തു​മൃ​ഗ​ങ്ങ​ളും ഞങ്ങൾ തന്നുക​ഴി​ഞ്ഞു. ഞങ്ങളുടെ ശരീര​വും നിലവും അല്ലാതെ വേറെയൊ​ന്നും ഞങ്ങളുടെ കൈയി​ലില്ല. 19 ഞങ്ങൾ മരിക്കു​ക​യും ഞങ്ങളുടെ നിലം നശിക്കു​ക​യും ചെയ്യു​ന്നത്‌ എന്തിനാ​ണ്‌? ഞങ്ങളെ​യും ഞങ്ങളുടെ നിലങ്ങളെ​യും വിലയ്‌ക്കു വാങ്ങി​യിട്ട്‌ ഞങ്ങൾക്ക്‌ ആഹാരം തരുക. ഞങ്ങൾ ഫറവോ​ന്‌ അടിമ​ക​ളാ​യിക്കൊ​ള്ളാം; ഞങ്ങളുടെ നിലങ്ങ​ളും ഫറവോൻ എടുത്തുകൊ​ള്ളട്ടെ. ഞങ്ങൾ മരിക്കാ​തെ ജീവ​നോ​ടി​രി​ക്കാ​നും ഞങ്ങളുടെ നിലം ശൂന്യ​മാ​യി​ക്കി​ട​ക്കാ​തി​രി​ക്കാ​നും ഞങ്ങൾക്കു വിത്തു തരുക.” 20 അപ്പോൾ യോ​സേഫ്‌ ഈജി​പ്‌തു​കാ​രു​ടെ നില​മെ​ല്ലാം ഫറവോ​നുവേണ്ടി വിലയ്‌ക്കു വാങ്ങി. ക്ഷാമം വളരെ രൂക്ഷമാ​യി​രു​ന്ന​തി​നാൽ ഈജി​പ്‌തു​കാർക്കെ​ല്ലാം നിലം വിൽക്കേ​ണ്ടി​വന്നു. അങ്ങനെ നിലങ്ങളെ​ല്ലാം ഫറവോന്റേ​താ​യി.

21 പിന്നെ യോ​സേഫ്‌ ഈജി​പ്‌ത്‌ ദേശത്തി​ന്റെ ഒരറ്റം​മു​തൽ മറ്റേ അറ്റംവരെ​യുള്ള ജനങ്ങളെ നഗരങ്ങ​ളിലേക്കു മാറ്റി​പ്പാർപ്പി​ച്ചു.+ 22 എന്നാൽ പുരോ​ഹി​ത​ന്മാ​രു​ടെ നിലം മാത്രം യോ​സേഫ്‌ വാങ്ങി​യില്ല.+ കാരണം പുരോ​ഹി​ത​ന്മാർക്കു ഫറവോൻ ആഹാര​വി​ഹി​തം നൽകു​മാ​യി​രു​ന്നു. ഫറവോൻ നൽകിയ ആ ആഹാര​വി​ഹി​തംകൊണ്ട്‌ ജീവി​ച്ചി​രു​ന്ന​തി​നാൽ അവർക്ക്‌ അവരുടെ നിലം വിൽക്കേ​ണ്ടി​വ​ന്നില്ല. 23 യോസേഫ്‌ ജനങ്ങ​ളോ​ടു പറഞ്ഞു: “ഇന്നു ഞാൻ നിങ്ങ​ളെ​യും നിങ്ങളു​ടെ നിലങ്ങളെ​യും ഫറവോ​നുവേണ്ടി വിലയ്‌ക്കു വാങ്ങി​യി​രി​ക്കു​ന്നു. ഇതാ വിത്ത്‌, ഇതു കൊണ്ടുപോ​യി വിതച്ചുകൊ​ള്ളുക! 24 എന്നാൽ വിള​വെ​ടു​ക്കുമ്പോൾ അഞ്ചി​ലൊ​ന്നു നിങ്ങൾ ഫറവോ​നു കൊടു​ക്കണം.+ ബാക്കി​യുള്ള നാലു ഭാഗം നിങ്ങൾക്ക്‌ എടുക്കാം. വിതയ്‌ക്കാ​നുള്ള വിത്താ​യും നിങ്ങൾക്കും വീട്ടി​ലു​ള്ള​വർക്കും നിങ്ങളു​ടെ കുഞ്ഞു​ങ്ങൾക്കും ആഹാര​മാ​യും അത്‌ ഉപയോ​ഗി​ക്കാ​വു​ന്ന​താണ്‌.” 25 അപ്പോൾ അവർ പറഞ്ഞു: “അങ്ങ്‌ ഞങ്ങളുടെ ജീവൻ രക്ഷിച്ചി​രി​ക്കു​ന്നു.+ ഞങ്ങൾക്കു യജമാ​നന്റെ പ്രീതി​യു​ണ്ടാ​യാൽ മതി. ഞങ്ങൾ ഫറവോ​ന്‌ അടിമ​ക​ളാ​യിക്കൊ​ള്ളാം.”+ 26 അങ്ങനെ, അഞ്ചി​ലൊ​ന്നു ഫറവോ​നു​ള്ള​താ​യി​രി​ക്കും എന്നൊരു കല്‌പന യോ​സേഫ്‌ പുറ​പ്പെ​ടു​വി​ച്ചു. ആ നിയമം ഇന്നും ഈജി​പ്‌ത്‌ ദേശത്ത്‌ പ്രാബ​ല്യ​ത്തി​ലുണ്ട്‌. പുരോ​ഹി​ത​ന്മാ​രു​ടെ നിലം മാത്രമേ ഫറവോന്റേ​താ​കാ​തി​രു​ന്നു​ള്ളൂ.+

27 ഇസ്രായേൽ ഈജി​പ്‌ത്‌ ദേശത്തെ ഗോ​ശെ​നിൽത്തന്നെ താമസി​ച്ചു.+ അവർ അവിടെ താമസ​മു​റ​പ്പിച്ച്‌ സന്താന​സ​മൃ​ദ്ധി​യു​ള്ള​വ​രാ​യി പെരുകി.+ 28 യാക്കോബ്‌ 17 വർഷം ഈജി​പ്‌ത്‌ ദേശത്ത്‌ താമസി​ച്ചു. യാക്കോ​ബി​ന്റെ ജീവി​ത​കാ​ലം ആകെ 147 വർഷമാ​യി​രു​ന്നു.+

29 മരണസമയം അടുത്തപ്പോൾ+ ഇസ്രാ​യേൽ മകനായ യോ​സേ​ഫി​നെ വിളിച്ച്‌ ഇങ്ങനെ പറഞ്ഞു: “നിനക്ക്‌ എന്നോട്‌ ഇഷ്ടമുണ്ടെ​ങ്കിൽ നിന്റെ കൈ എന്റെ തുടയു​ടെ കീഴിൽ വെച്ചിട്ട്‌, അചഞ്ചല​മായ സ്‌നേ​ഹ​വും വിശ്വ​സ്‌ത​ത​യും കാണി​ക്കുമെന്ന്‌ എന്നോടു സത്യം ചെയ്യുക. ദയവുചെ​യ്‌ത്‌ എന്നെ ഈജി​പ്‌തിൽ അടക്കം ചെയ്യരു​ത്‌.+ 30 ഞാൻ മരിക്കുമ്പോൾ* നീ എന്നെ ഈജി​പ്‌തിൽനിന്ന്‌ കൊണ്ടുപോ​യി എന്റെ പൂർവി​ക​രു​ടെ കല്ലറയിൽ അടക്കം ചെയ്യണം.”+ അപ്പോൾ യോ​സേഫ്‌ പറഞ്ഞു: “അപ്പൻ പറഞ്ഞതുപോ​ലെ ഞാൻ ചെയ്യാം.” 31 “എന്നോടു സത്യം ചെയ്യുക” എന്ന്‌ ഇസ്രാ​യേൽ പറഞ്ഞ​പ്പോൾ യോ​സേഫ്‌ സത്യം ചെയ്‌തു.+ പിന്നെ ഇസ്രാ​യേൽ തന്റെ കട്ടിലി​ന്റെ തലയ്‌ക്കൽ കുമ്പിട്ട്‌ നമസ്‌ക​രി​ച്ചു.+

48 “അപ്പന്റെ ആരോ​ഗ്യം വല്ലാതെ ക്ഷയിച്ചി​രി​ക്കു​ന്നു” എന്നു പിന്നീട്‌ യോ​സേ​ഫി​നു വിവരം കിട്ടി. ഉടനെ യോ​സേഫ്‌ രണ്ട്‌ ആൺമക്കളെ​യും—അതായത്‌ മനശ്ശെയെ​യും എഫ്രയീ​മിനെ​യും—കൂട്ടി യാക്കോ​ബി​ന്റെ അടു​ത്തേക്കു പോയി.+ 2 “ഇതാ, യോ​സേഫ്‌ കാണാൻ വന്നിരി​ക്കു​ന്നു” എന്നു യാക്കോ​ബി​നു വിവരം ലഭിച്ചു. അപ്പോൾ ഇസ്രാ​യേൽ ശക്തി സംഭരി​ച്ച്‌ കിടക്ക​യിൽ എഴു​ന്നേ​റ്റി​രു​ന്നു. 3 യാക്കോബ്‌ യോ​സേ​ഫിനോ​ടു പറഞ്ഞു:

“സർവശ​ക്ത​നായ ദൈവം കനാൻ ദേശത്തെ ലുസിൽവെച്ച്‌ എനിക്കു പ്രത്യ​ക്ഷ​നാ​യി, എന്നെ അനു​ഗ്ര​ഹി​ച്ചു.+ 4 ദൈവം എന്നോടു പറഞ്ഞു: ‘ഇതാ, ഞാൻ നിന്നെ സന്താന​സ​മൃ​ദ്ധി​യു​ള്ള​വ​നാ​യി വർധി​പ്പി​ക്കു​ന്നു! നിന്നെ ഞാൻ ജനതക​ളു​ടെ ഒരു സഭയാക്കി മാറ്റുകയും+ നിനക്കു ശേഷം നിന്റെ സന്തതിക്ക്‌* ഈ ദേശം ദീർഘ​കാ​ലത്തേക്ക്‌ ഒരു അവകാ​ശ​മാ​യി കൊടു​ക്കു​ക​യും ചെയ്യും.’+ 5 ഞാൻ ഈജി​പ്‌തിൽ നിന്റെ അടുത്ത്‌ വരുന്ന​തി​നു മുമ്പ്‌ ഇവിടെ ഈജി​പ്‌ത്‌ ദേശത്ത്‌ നിനക്ക്‌ ഉണ്ടായ രണ്ട്‌ ആൺമക്കൾ ഇനിമു​തൽ എന്റെ മക്കളാ​യി​രി​ക്കും.+ രൂബേ​നും ശിമെയോനും+ എന്നപോ​ലെ എഫ്രയീ​മും മനശ്ശെ​യും എന്റേതാ​യി​രി​ക്കും. 6 എന്നാൽ അവർക്കു ശേഷം നിനക്കു പിറക്കുന്ന മക്കൾ നിന്റേ​തു​തന്നെ​യാ​യി​രി​ക്കും. തങ്ങൾക്കു ലഭിക്കുന്ന അവകാ​ശ​ത്തിൽ അവർ അവരുടെ സഹോ​ദ​ര​ന്മാ​രു​ടെ പേരിൽ അറിയപ്പെ​ടും.+ 7 ഞാൻ പണ്ട്‌ പദ്ദനിൽനി​ന്ന്‌ വരു​മ്പോൾ റാഹേൽ കനാൻ ദേശത്ത്‌ എന്റെ അരികിൽവെച്ച്‌ മരിച്ചു.+ എഫ്രാത്തയിൽ+ എത്താൻ പിന്നെ​യും കുറെ ദൂരം പോക​ണ​മാ​യി​രു​ന്നു. അതു​കൊണ്ട്‌ ഞാൻ അവളെ എഫ്രാ​ത്ത​യ്‌ക്കുള്ള, അതായത്‌ ബേത്ത്‌ലെഹെ​മിലേ​ക്കുള്ള,+ വഴിക്ക​രി​കെ അടക്കം ചെയ്‌തു.”

8 യോസേഫിന്റെ മക്കളെ കണ്ടപ്പോൾ ഇസ്രാ​യേൽ ചോദി​ച്ചു: “ഇവർ ആരാണ്‌?” 9 യോസേഫ്‌ അപ്പനോ​ട്‌, “ഈ സ്ഥലത്ത്‌ ദൈവം എനിക്കു നൽകിയ ആൺമക്ക​ളാണ്‌ ഇവർ”+ എന്നു പറഞ്ഞു. അപ്പോൾ യാക്കോ​ബ്‌, “അവരെ എന്റെ അടുത്ത്‌ കൊണ്ടു​വരൂ, ഞാൻ അവരെ അനു​ഗ്ര​ഹി​ക്കട്ടെ”+ എന്നു പറഞ്ഞു. 10 പ്രായംചെന്നതിനാൽ ഇസ്രായേ​ലി​ന്റെ കാഴ്‌ച തീരെ മങ്ങിയി​രു​ന്നു, ഒന്നും കാണാ​നാ​കു​മാ​യി​രു​ന്നില്ല. അങ്ങനെ യോ​സേഫ്‌ അവരെ യാക്കോ​ബി​ന്റെ അടു​ത്തേക്കു കൊണ്ടു​വന്നു. യാക്കോ​ബ്‌ അവരെ ചുംബി​ച്ച്‌ മാറോ​ട​ണച്ചു. 11 അപ്പോൾ ഇസ്രാ​യേൽ യോ​സേ​ഫിനോ​ടു പറഞ്ഞു: “നിന്റെ മുഖം കാണാൻ കഴിയു​മെന്നു ഞാൻ കരുതി​യതല്ല.+ പക്ഷേ ഇപ്പോൾ ഇതാ, നിന്റെ സന്തതി​കളെ​ക്കൂ​ടി കാണാൻ ദൈവം എന്നെ അനുവ​ദി​ച്ചി​രി​ക്കു​ന്നു.” 12 പിന്നെ യോ​സേഫ്‌ അവരെ ഇസ്രായേ​ലി​ന്റെ അരികെനിന്ന്‌* മാറ്റി​യിട്ട്‌ മുഖം നിലത്ത്‌ മുട്ടുന്ന വിധം കുമ്പിട്ട്‌ നമസ്‌ക​രി​ച്ചു.

13 യോസേഫ്‌ അവരെ രണ്ടു പേരെ​യും, എഫ്രയീമിനെ+ വലതു​കൈകൊണ്ട്‌ ഇസ്രായേ​ലി​ന്റെ ഇടതു​വ​ശത്തേ​ക്കും മനശ്ശെയെ+ ഇടതു​കൈകൊണ്ട്‌ ഇസ്രായേ​ലി​ന്റെ വലതു​വ​ശത്തേ​ക്കും, ചേർത്തു​നി​റു​ത്തി. 14 എഫ്രയീം ഇളയവ​നാ​യി​രു​ന്നി​ട്ടും ഇസ്രാ​യേൽ വലതു​കൈ എഫ്രയീ​മി​ന്റെ തലയി​ലാ​ണു വെച്ചത്‌. ഇസ്രാ​യേൽ ഇടതു​കൈ മനശ്ശെ​യു​ടെ തലയിൽ വെച്ചു. മനശ്ശെ മൂത്ത മകനായിരുന്നെങ്കിലും+ മനഃപൂർവം ഇസ്രാ​യേൽ കൈകൾ ഇങ്ങനെ വെക്കു​ക​യാ​യി​രു​ന്നു. 15 പിന്നെ യോ​സേ​ഫി​നെ അനു​ഗ്ര​ഹി​ച്ചുകൊണ്ട്‌ ഇസ്രാ​യേൽ പറഞ്ഞു:+

17 അപ്പൻ വലതു​കൈ എഫ്രയീ​മി​ന്റെ തലയിൽ വെച്ചതു യോ​സേ​ഫിന്‌ ഇഷ്ടപ്പെ​ട്ടില്ല. അതു​കൊണ്ട്‌ യോ​സേഫ്‌ അപ്പന്റെ കൈ എഫ്രയീ​മി​ന്റെ തലയിൽനി​ന്ന്‌ എടുത്ത്‌ മനശ്ശെ​യു​ടെ തലയി​ലേക്കു മാറ്റാൻ ശ്രമിച്ചു. 18 യോസേഫ്‌ അപ്പനോ​ടു പറഞ്ഞു: “അപ്പാ, അങ്ങനെയല്ല. ഇവനാണു മൂത്ത മകൻ.+ വലതു​കൈ ഇവന്റെ തലയിൽ വെച്ചാ​ലും.” 19 എന്നാൽ അതിനു സമ്മതി​ക്കാ​തെ അപ്പൻ യോ​സേ​ഫിനോ​ടു പറഞ്ഞു: “എനിക്ക്‌ അറിയാം മകനേ, എനിക്ക്‌ അറിയാം. അവനും ഒരു ജനസമൂ​ഹ​മാ​കും; അവനും മഹാനാ​യി​ത്തീ​രും. പക്ഷേ അവന്റെ അനിയൻ അവനെ​ക്കാൾ മഹാനാ​കും.+ അവന്റെ സന്തതി കുറെ ജനതക​ളു​ടെ എണ്ണത്തിനു തുല്യ​മാ​കും.”+ 20 അന്ന്‌ ഇസ്രാ​യേൽ അവരെ അനുഗ്രഹിച്ചുകൊണ്ട്‌+ ഇങ്ങനെ പറഞ്ഞു:

ഇങ്ങനെ, അവരെ അനു​ഗ്ര​ഹി​ച്ചപ്പോൾ ഇസ്രാ​യേൽ എപ്പോ​ഴും എഫ്രയീ​മി​നെ മനശ്ശെക്കു മുമ്പനാ​ക്കി.

21 പിന്നെ ഇസ്രാ​യേൽ യോ​സേ​ഫിനോ​ടു പറഞ്ഞു: “ഞാൻ ഇതാ മരിക്കു​ന്നു.+ പക്ഷേ ദൈവം ഇനിയുള്ള കാലത്തും നിങ്ങ​ളോടൊ​പ്പ​മി​രി​ക്കും; നിങ്ങളു​ടെ പൂർവി​ക​രു​ടെ ദേശ​ത്തേക്കു നിങ്ങളെ തിരികെ കൊണ്ടുപോ​കു​ക​യും ചെയ്യും.+ 22 എന്റെ വാളും വില്ലും കൊണ്ട്‌ ഞാൻ അമോ​ര്യ​രു​ടെ കൈയിൽനി​ന്ന്‌ പിടിച്ചെ​ടുത്ത ദേശം വിഭാ​ഗി​ക്കുമ്പോൾ നിന്റെ സഹോ​ദ​ര​ന്മാർക്കു കൊടു​ക്കു​ന്ന​തിനെ​ക്കാൾ ഒരു ഓഹരി* ഞാൻ നിനക്ക്‌ അധികം തരുന്നു.”

49 യാക്കോ​ബ്‌ ആൺമക്കളെ വിളിച്ച്‌ അവരോ​ടു പറഞ്ഞു: “ഒരുമി​ച്ച്‌ കൂടി​വ​രു​വിൻ; അവസാ​ന​നാ​ളു​ക​ളിൽ നിങ്ങൾക്ക്‌ എന്തു സംഭവി​ക്കുമെന്നു ഞാൻ നിങ്ങളെ അറിയി​ക്കാം. 2 യാക്കോബിന്റെ മക്കളേ, കൂടി​വന്ന്‌ ഞാൻ പറയു​ന്നതു ശ്രദ്ധിക്കൂ! നിങ്ങളു​ടെ അപ്പനായ ഇസ്രായേ​ലി​ന്റെ വാക്കു​കൾക്കു ചെവി തരൂ.

3 “രൂബേനേ,+ നീ എന്റെ മൂത്ത മകൻ;+ എന്റെ വീര്യ​വും പൗരു​ഷ​ത്തി​ന്റെ ആദ്യഫ​ല​വും നീതന്നെ. എന്റെ മഹത്ത്വ​ത്തി​ന്റെ ശ്രേഷ്‌ഠ​ത​യും ശക്തിയു​ടെ ശ്രേഷ്‌ഠ​ത​യും നീയല്ലോ. 4 എന്നാൽ കുത്തിയൊ​ഴു​കി വരുന്ന വെള്ളംപോ​ലെ വീണ്ടു​വി​ചാ​ര​മി​ല്ലാ​ത്ത​വനേ, നീ ശ്രേഷ്‌ഠ​നാ​കില്ല. കാരണം നീ നിന്റെ അപ്പന്റെ കിടക്ക​യിൽ കയറി.+ അങ്ങനെ നീ എന്റെ കിടക്കയെ അശുദ്ധ​മാ​ക്കി.* അതെ, അവൻ അതിൽ കയറി​യ​ല്ലോ!

5 “ശിമെയോ​നും ലേവി​യും സഹോ​ദ​ര​ന്മാർ.+ അവരുടെ വാളുകൾ അക്രമ​ത്തി​നുള്ള ആയുധങ്ങൾ!+ 6 എൻ ദേഹിയേ,* അവരുടെ സഖ്യത്തിൽ കൂടരു​തേ. എൻ മനമേ, അവരുടെ സംഘത്തിൽ ചേരു​ക​യു​മ​രു​തേ. അവരുടെ കോപ​ത്തിൽ അവർ പുരു​ഷ​ന്മാ​രെ കൊന്നു.+ ആനന്ദത്തി​മിർപ്പിൽ അവർ കാളക​ളു​ടെ കുതി​ഞ​രമ്പു വെട്ടി. 7 അവരുടെ കോപ​വും ഉഗ്രക്രോ​ധ​വും ശപിക്കപ്പെ​ട്ട​താ​യി​രി​ക്കട്ടെ. അവരുടെ കോപം ക്രൂര​വും അവരുടെ ക്രോധം നിഷ്‌ഠു​ര​വും അല്ലോ.+ ഞാൻ അവരെ യാക്കോ​ബിൽ വിഭജി​ക്കു​ക​യും ഇസ്രായേ​ലിൽ ചിതറി​ക്കു​ക​യും ചെയ്യും.+

8 “എന്നാൽ യഹൂദേ,+ നിന്റെ സഹോ​ദ​ര​ന്മാർ നിന്നെ സ്‌തു​തി​ക്കും.+ നിന്റെ കൈ നിന്റെ ശത്രു​ക്ക​ളു​ടെ കഴുത്തി​ലി​രി​ക്കും.+ നിന്റെ അപ്പന്റെ മക്കൾ നിന്റെ മുന്നിൽ കുമ്പി​ടും.+ 9 യഹൂദ ഒരു സിംഹ​ക്കു​ട്ടി!+ മകനേ, നിശ്ചയ​മാ​യും നീ ഇരയെ ഭക്ഷിച്ച്‌ തിരി​ച്ചുപോ​കും. അവൻ സിംഹമെ​ന്നപോ​ലെ പതുങ്ങി​ക്കി​ട​ക്കു​ക​യും മൂരി നിവർത്തു​ക​യും ചെയ്യുന്നു. അവൻ ഒരു സിംഹം—അവനെ എഴു​ന്നേൽപ്പി​ക്കാൻ ആരു ധൈര്യപ്പെ​ടും! 10 ശീലോ* വരുന്നതുവരെ+ ചെങ്കോൽ യഹൂദയിൽനിന്നും+ അധികാ​ര​ദണ്ഡ്‌ അവന്റെ പാദങ്ങൾക്കി​ട​യിൽനി​ന്നും നീങ്ങിപ്പോ​കില്ല. ജനങ്ങളു​ടെ അനുസ​രണം അവനോ​ടാ​കും.+ 11 അവൻ അവന്റെ കഴുതയെ മുന്തി​രിച്ചെ​ടി​യി​ലും അവന്റെ കഴുത​യു​ടെ കുട്ടിയെ വിശി​ഷ്ട​മായ മുന്തി​രി​വ​ള്ളി​യി​ലും കെട്ടും. അവൻ അവന്റെ അങ്കി വീഞ്ഞി​ലും വസ്‌ത്രം മുന്തി​രി​ച്ചാ​റി​ലും അലക്കും. 12 അവന്റെ കണ്ണ്‌ വീഞ്ഞു​കൊ​ണ്ട്‌ കടുഞ്ചു​വ​പ്പാ​യി​രി​ക്കു​ന്നു; അവന്റെ പല്ല്‌ പാൽകൊ​ണ്ട്‌ വെളു​ത്തി​രി​ക്കു​ന്നു.

13 “സെബുലൂൻ+ കടൽത്തീ​രത്ത്‌ താമസി​ക്കും. കപ്പലുകൾ നങ്കൂര​മിട്ട്‌ കിടക്കുന്ന കടപ്പു​റത്ത്‌ അവൻ താമസ​മാ​ക്കും.+ അവന്റെ അതിർത്തി സീദോ​നു നേരെ​യാ​യി​രി​ക്കും.+

14 “യിസ്സാഖാർ+ അസ്ഥിബ​ല​മുള്ള കഴുത. അവൻ രണ്ടു ചുമടി​നു മധ്യേ കിടക്കു​ന്നു. 15 തന്റെ വിശ്ര​മ​സ്ഥലം നല്ലതെ​ന്നും ദേശം മനോ​ഹ​രമെ​ന്നും അവൻ കാണും. ചുമടു വഹിക്കാ​നാ​യി അവൻ തോൾ താഴ്‌ത്തും. അവൻ അടിമയെപ്പോ​ലെ പണി​യെ​ടുക്കേ​ണ്ടി​വ​രും.

16 “ഇസ്രായേൽഗോത്ര​ങ്ങ​ളിലൊ​ന്നായ ദാൻ+ തന്റെ ജനത്തെ വിധി​ക്കും.+ 17 ദാൻ വഴിയ​രി​കി​ലുള്ള ഒരു സർപ്പംപോലെ​യും പാത​യോ​രത്ത്‌ കിടക്കുന്ന കൊമ്പുള്ള അണലിപോലെ​യും ആകട്ടെ. അതു കുതി​ര​ക​ളു​ടെ കുതി​കാ​ലിൽ കടിക്കു​മ്പോൾ അതിന്മേൽ സവാരി ചെയ്യു​ന്നവൻ പുറ​കോ​ട്ടു മലർന്ന്‌ വീഴട്ടെ.+ 18 എന്നാൽ യഹോവേ, അങ്ങയിൽനി​ന്ന്‌ വരുന്ന രക്ഷയ്‌ക്കാ​യി ഞാൻ കാത്തി​രി​ക്കും.

19 “ഗാദിനെ+ ഒരു കവർച്ചപ്പട ആക്രമി​ക്കും. അവനോ അവരുടെ പിൻപ​ടയെ ആക്രമി​ക്കും.+

20 “ആശേരിനു+ സമൃദ്ധ​മാ​യി ആഹാരം കിട്ടും. അവൻ രാജകീ​യഭോ​ജനം പ്രദാനം ചെയ്യും.+

21 “നഫ്‌താലി+ അതി​വേഗം ഓടുന്ന ഒരു മാൻപേട. അവൻ മധുര​മായ വാക്കുകൾ പൊഴി​ക്കു​ന്നു.

22 “യോ​സേഫേ,+ നീ നീരു​റ​വ​യ്‌ക്ക​രി​കെ തഴച്ചു​വ​ള​രുന്ന ഫലവൃ​ക്ഷ​ത്തി​ന്റെ ഒരു ശാഖ. അതിന്റെ ശിഖരങ്ങൾ മതിലി​നു പുറ​ത്തേക്കു നീളുന്നു. 23 എന്നാൽ, വില്ലാ​ളി​കൾ പകയോ​ടെ അവനെ ആക്രമി​ച്ചുകൊ​ണ്ടി​രു​ന്നു. അവർ അവനു നേരെ അമ്പ്‌ എയ്‌തു; അവനോ​ടു വിദ്വേ​ഷം വെച്ചുകൊ​ണ്ടി​രു​ന്നു.+ 24 എങ്കിലും അവന്റെ വില്ല്‌ അചഞ്ചല​മാ​യി നിന്നു.+ അവന്റെ കരങ്ങൾ ശക്തിയും വേഗത​യും ഉള്ളതാ​യി​രു​ന്നു.+ ഇതു യാക്കോ​ബിൻവീ​ര​നാ​യ​വന്റെ കരങ്ങളിൽനി​ന്ന്‌, ഇസ്രായേ​ലിൻപാ​റ​യായ ഇടയനിൽനി​ന്ന്‌, ആണല്ലോ വന്നിരി​ക്കു​ന്നത്‌. 25 അവൻ* നിന്റെ അപ്പന്റെ ദൈവ​ത്തിൽനി​ന്നു​ള്ളവൻ. അവൻ നിന്നെ സഹായി​ക്കും. അവൻ സർവശ​ക്തനോ​ടു​കൂടെ​യ​ല്ലോ. മീതെ ആകാശ​ത്തി​ന്റെ അനു​ഗ്ര​ഹ​ങ്ങ​ളാ​ലും കീഴെ ആഴത്തിന്റെ അനു​ഗ്ര​ഹ​ങ്ങ​ളാ​ലും സ്‌തന​ങ്ങ​ളുടെ​യും ഗർഭാ​ശ​യ​ത്തിന്റെ​യും അനു​ഗ്ര​ഹ​ങ്ങ​ളാ​ലും അവൻ നിന്നെ ആശീർവ​ദി​ക്കും.+ 26 നിന്റെ അപ്പന്റെ അനു​ഗ്ര​ഹങ്ങൾ ശാശ്വ​ത​പർവ​ത​ങ്ങ​ളു​ടെ അനു​ഗ്ര​ഹ​ങ്ങളെ​ക്കാ​ളും സുസ്ഥി​ര​മായ കുന്നു​ക​ളു​ടെ അഭികാ​മ്യ​വ​സ്‌തു​ക്കളെ​ക്കാ​ളും ഏറെ ശ്രേഷ്‌ഠ​മാ​യി​രി​ക്കും.+ അവയെ​ല്ലാം യോ​സേ​ഫി​ന്റെ ശിരസ്സിൽ, തന്റെ സഹോ​ദ​ര​ന്മാ​രിൽനിന്ന്‌ തിര​ഞ്ഞെ​ടു​ക്കപ്പെ​ട്ട​വന്റെ നെറു​ക​യിൽ, വസിക്കും.+

27 “ബന്യാമീൻ+ ഒരു ചെന്നായെപ്പോ​ലെ കടിച്ചു​കീ​റിക്കൊ​ണ്ടി​രി​ക്കും.+ രാവിലെ അവൻ ഇരയെ ഭക്ഷിക്കും; വൈകു​ന്നേരം അവൻ കൊള്ള​മു​തൽ പങ്കിടും.”+

28 ഇസ്രായേലിന്റെ 12 ഗോ​ത്രങ്ങൾ ഉത്ഭവി​ച്ചത്‌ ഇവരിൽനി​ന്നാണ്‌. അവരെ അനു​ഗ്ര​ഹി​ച്ചപ്പോൾ അവരുടെ അപ്പൻ പറഞ്ഞ വാക്കു​ക​ളാണ്‌ ഇവ. അങ്ങനെ ഇസ്രാ​യേൽ ഓരോ​രു​ത്തർക്കും ഉചിത​മായ അനു​ഗ്ര​ഹങ്ങൾ നൽകി.+

29 പിന്നെ ഇസ്രാ​യേൽ അവർക്ക്‌ ഈ നിർദേശം നൽകി: “ഞാൻ ഇതാ, എന്റെ ജനത്തോ​ടു ചേരുന്നു.*+ ഹിത്യ​നായ എഫ്രോ​ന്റെ സ്ഥലത്തുള്ള ഗുഹയിൽ എന്റെ പിതാ​ക്ക​ന്മാരോടൊ​പ്പം എന്നെ അടക്കം ചെയ്യണം,+ 30 അതായത്‌ കനാൻ ദേശത്ത്‌ മമ്രേ​ക്ക​രികെ​യുള്ള മക്‌പേല നിലത്തെ ഗുഹയിൽ! ഹിത്യ​നായ എഫ്രോ​ന്റെ കൈയിൽനി​ന്ന്‌ ഒരു ശ്‌മശാ​ന​സ്ഥ​ല​മാ​യി അബ്രാ​ഹാം വിലയ്‌ക്കു വാങ്ങി​യ​താണ്‌ ആ നിലം. 31 അവിടെയാണ്‌ അവർ അബ്രാ​ഹാ​മിനെ​യും ഭാര്യ സാറ​യെ​യും അടക്കി​യത്‌.+ യിസ്‌ഹാ​ക്കിനെ​യും ഭാര്യ റിബെ​ക്കയെ​യും അടക്കി​യ​തും അവി​ടെ​ത്തന്നെ.+ ഞാൻ ലേയ​യെ​യും അവിടെ അടക്കം ചെയ്‌തു. 32 ആ നിലവും അതിലെ ഗുഹയും ഹേത്തിന്റെ പുത്ര​ന്മാ​രു​ടെ കൈയിൽനി​ന്നാ​ണു വാങ്ങി​യത്‌.”+

33 ആൺമക്കൾക്ക്‌ ഈ നിർദേ​ശ​ങ്ങളെ​ല്ലാം കൊടു​ത്തശേഷം യാക്കോ​ബ്‌ കാലുകൾ കിടക്ക​യിലേക്കു കയറ്റി​വെച്ച്‌ അന്ത്യശ്വാ​സം വലിച്ചു; യാക്കോ​ബ്‌ തന്റെ ജനത്തോ​ടു ചേർന്നു.+

50 അപ്പോൾ യോ​സേഫ്‌ അപ്പന്റെ മേൽ വീണ്‌ പൊട്ടി​ക്ക​രഞ്ഞ്‌ അപ്പനെ ചുംബി​ച്ചു.+ 2 അതിനു ശേഷം യോ​സേഫ്‌ തന്റെ ഭൃത്യ​ന്മാ​രായ വൈദ്യ​ന്മാരോട്‌ അപ്പന്റെ മൃത​ദേഹം സുഗന്ധവർഗം+ ഇട്ട്‌ സൂക്ഷി​ക്കാൻ കല്‌പി​ച്ചു. ആ വൈദ്യ​ന്മാർ ഇസ്രായേ​ലി​ന്റെ മൃത​ദേ​ഹ​ത്തിൽ സുഗന്ധ​വർഗം ഇട്ടു. 3 അവർ 40 ദിവസം എടുത്താ​ണ്‌ അതു ചെയ്‌തത്‌; സുഗന്ധ​വർഗം ഇടാൻ സാധാരണ അത്രയും ദിവസം ആവശ്യ​മാ​യി​രു​ന്നു. ഈജി​പ്‌തു​കാർ യാക്കോ​ബി​നുവേണ്ടി 70 ദിവസം വിലപി​ച്ചു.

4 യാക്കോബിനുവേണ്ടിയുള്ള വിലാ​പ​കാ​ലം കഴിഞ്ഞ​പ്പോൾ യോ​സേഫ്‌ ഫറവോ​ന്റെ കൊട്ടാരത്തിലുള്ളവരോടു* പറഞ്ഞു: “നിങ്ങൾക്ക്‌ എന്നോടു ദയ തോന്നുന്നെ​ങ്കിൽ ഫറവോ​നോ​ട്‌ ഇങ്ങനെ പറയണം. 5 ‘എന്റെ അപ്പൻ എന്നെ​ക്കൊണ്ട്‌ ഇങ്ങനെ സത്യം ചെയ്യി​ച്ചി​രു​ന്നു:+ “ഇതാ, ഞാൻ മരിക്കാ​റാ​യി​രി​ക്കു​ന്നു;+ കനാൻ ദേശത്ത്‌ ഞാൻ വെട്ടി​യു​ണ്ടാ​ക്കിയ എന്റെ ശ്‌മശാനസ്ഥലത്ത്‌+ നീ എന്നെ അടക്കണം.”+ അതു​കൊണ്ട്‌, അവിടെ പോയി എന്റെ അപ്പനെ അടക്കം ചെയ്യാൻ എന്നെ അനുവ​ദി​ച്ചാ​ലും. അതിനു ശേഷം ഞാൻ മടങ്ങിയെ​ത്തിക്കൊ​ള്ളാം.’” 6 അപ്പോൾ ഫറവോൻ, “നീ സത്യം ചെയ്‌ത​തുപോലെ​തന്നെ പോയി നിന്റെ അപ്പനെ അടക്കിക്കൊ​ള്ളുക” എന്നു പറഞ്ഞു.+

7 അങ്ങനെ യോ​സേഫ്‌ അപ്പനെ അടക്കാൻ പോയി. ഫറവോ​ന്റെ ദാസന്മാരെ​ല്ലാം—രാജസ​ദ​സ്സി​ലെ മൂപ്പന്മാരും* ഈജി​പ്‌ത്‌ ദേശത്തി​ലെ എല്ലാ മൂപ്പന്മാരും+—യോ​സേ​ഫി​നെ അനുഗ​മി​ച്ചു. 8 കൂടാതെ, യോ​സേ​ഫി​ന്റെ വീട്ടി​ലുള്ള എല്ലാവ​രും യോ​സേ​ഫി​ന്റെ സഹോ​ദ​ര​ന്മാ​രും യോ​സേ​ഫി​ന്റെ അപ്പന്റെ വീട്ടി​ലു​ള്ള​വ​രും കൂടെ പോയി.+ കുഞ്ഞു​ങ്ങളെ​യും ആടുമാ​ടു​കളെ​യും മാത്രമേ അവർ ഗോശെൻ ദേശത്തു​നിന്ന്‌ കൊണ്ടുപോ​കാ​തി​രു​ന്നു​ള്ളൂ. 9 രഥങ്ങളും+ കുതി​ര​ക്കാ​രും യോ​സേ​ഫി​നെ അനുഗ​മി​ച്ചു. അങ്ങനെ, വലി​യൊ​രു കൂട്ടം യോ​സേ​ഫിനോടൊ​പ്പ​മു​ണ്ടാ​യി​രു​ന്നു. 10 യോർദാൻ പ്രദേ​ശ​ത്തുള്ള ആതാദി​ലെ മെതി​ക്ക​ള​ത്തിൽ എത്തിയ​പ്പോൾ ദുഃഖാർത്ത​രായ അവർ അവിടെ വലി​യൊ​രു വിലാപം നടത്തി. യോ​സേഫ്‌ അപ്പനെ ഓർത്ത്‌ ഏഴു ദിവസം വിലപി​ച്ചു. 11 ആതാദിലെ മെതി​ക്ക​ള​ത്തിൽവെ​ച്ചുള്ള അവരുടെ ആ വിലാപം കണ്ടപ്പോൾ തദ്ദേശ​വാ​സി​ക​ളായ കനാന്യർ അത്ഭുതത്തോ​ടെ, “ഇത്‌ ഈജി​പ്‌തു​കാർക്കുവേ​ണ്ടി​യുള്ള വലിയ വിലാ​പ​മാണ്‌!” എന്നു പറഞ്ഞു. അതു​കൊണ്ട്‌ യോർദാൻ പ്രദേ​ശ​ത്തുള്ള ആ സ്ഥലത്തിന്‌ ആബേൽ-മിസ്രയീം* എന്നു പേര്‌ വന്നു.

12 അങ്ങനെ, ഇസ്രാ​യേൽ നിർദേ​ശി​ച്ചി​രു​ന്ന​തുപോലെ​തന്നെ അദ്ദേഹ​ത്തി​ന്റെ ആൺമക്കൾ ചെയ്‌തു.+ 13 അവർ ഇസ്രായേ​ലി​നെ കനാൻ ദേശ​ത്തേക്കു കൊണ്ടുപോ​യി, ഹിത്യ​നായ എഫ്രോ​നിൽനിന്ന്‌ ശ്‌മശാ​ന​ത്തി​നാ​യി അബ്രാ​ഹാം മമ്രേ​ക്ക​രി​കെ വാങ്ങിയ മക്‌പേല നിലത്തെ ഗുഹയിൽ അടക്കം ചെയ്‌തു.+ 14 അപ്പനെ അടക്കി​യശേഷം യോ​സേഫ്‌ സഹോ​ദ​ര​ന്മാരോ​ടും ശവസം​സ്‌കാ​ര​ത്തി​നു വന്ന മറ്റെല്ലാ​വരോ​ടും ഒപ്പം ഈജി​പ്‌തിലേക്കു മടങ്ങി.

15 അപ്പന്റെ മരണ​ശേഷം യോ​സേ​ഫി​ന്റെ സഹോ​ദ​ര​ന്മാർ പറഞ്ഞു: “യോ​സേഫ്‌ ഇപ്പോ​ഴും നമ്മളോ​ടു വിദ്വേ​ഷം വെച്ചുകൊ​ണ്ടി​രി​ക്കു​ന്നു​ണ്ടാ​കും. നമ്മൾ അവനോ​ടു ചെയ്‌ത ദ്രോഹങ്ങൾക്കെല്ലാം+ അവൻ പകരം വീട്ടും.” 16 അതുകൊണ്ട്‌ അവർ യോ​സേ​ഫി​നെ ഇങ്ങനെ അറിയി​ച്ചു: “മരിക്കു​ന്ന​തി​നു മുമ്പ്‌ അപ്പൻ ഇങ്ങനെ കല്‌പി​ച്ചി​രു​ന്നു: 17 ‘നിങ്ങൾ യോ​സേ​ഫിനോട്‌ ഇങ്ങനെ പറയണം: “നിന്റെ സഹോ​ദ​ര​ന്മാർ നിന്നോ​ടു പാപവും ലംഘന​വും ചെയ്‌ത്‌ നിന്നെ ഒരുപാ​ടു ദ്രോ​ഹി​ച്ചു. പക്ഷേ നീ ദയവുചെ​യ്‌ത്‌ അതെല്ലാം പൊറു​ക്കണം; ഞാൻ നിന്നോ​ടു യാചി​ക്കു​ക​യാണ്‌.”’ അതിനാൽ അപ്പൻ ആരാധി​ച്ചി​രുന്ന ദൈവ​ത്തി​ന്റെ ദാസന്മാ​രായ ഞങ്ങളുടെ ലംഘനം ദയവുചെ​യ്‌ത്‌ ക്ഷമിക്കണം.” ഇതു കേട്ട യോ​സേഫ്‌ കരഞ്ഞുപോ​യി. 18 പിന്നെ യോ​സേ​ഫി​ന്റെ സഹോ​ദ​ര​ന്മാ​രും യോ​സേ​ഫി​ന്റെ മുമ്പാകെ വന്ന്‌ നിലത്ത്‌ വീണ്‌ നമസ്‌ക​രി​ച്ചു.+ അവർ പറഞ്ഞു: “ഞങ്ങളെ അടിമ​ക​ളാ​യി കണക്കാ​ക്കി​യാൽ മതി.” 19 യോസേഫ്‌ അവരോ​ടു പറഞ്ഞു: “എന്തിനാ​ണു നിങ്ങൾ ഭയപ്പെ​ടു​ന്നത്‌, ഞാൻ എന്താ ദൈവ​ത്തി​ന്റെ സ്ഥാനത്താ​ണോ? 20 നിങ്ങൾ എന്നെ ദ്രോ​ഹി​ക്കാൻ ശ്രമിച്ചെങ്കിലും+ അതു ഗുണമാ​യി​ത്തീ​രാ​നും അനേക​രു​ടെ ജീവര​ക്ഷ​യ്‌ക്കു കാരണ​മാ​കാ​നും ദൈവം ഇടയാക്കി, അതാണു ദൈവം ഇന്നു ചെയ്‌തുകൊ​ണ്ടി​രി​ക്കു​ന്നത്‌.+ 21 അതുകൊണ്ട്‌ നിങ്ങൾ പേടി​ക്കേണ്ടാ. ഞാൻ നിങ്ങൾക്കും നിങ്ങളു​ടെ കുഞ്ഞു​ങ്ങൾക്കും തുടർന്നും ആഹാരം തരും.”+ അങ്ങനെ യോ​സേഫ്‌ അവരെ ആശ്വസി​പ്പി​ക്കു​ക​യും ധൈര്യം പകരും​വി​ധം അവരോ​ടു സംസാ​രി​ക്കു​ക​യും ചെയ്‌തു.

22 യോസേഫും പിതൃ​ഭ​വ​ന​വും ഈജി​പ്‌തിൽത്തന്നെ താമസി​ച്ചു. യോ​സേഫ്‌ 110 വർഷം ജീവി​ച്ചി​രു​ന്നു. 23 യോസേഫ്‌ എഫ്രയീ​മി​ന്റെ ആൺമക്കളുടെ+ മൂന്നാം തലമു​റയെ​യും മനശ്ശെ​യു​ടെ മകനായ മാഖീ​രി​ന്റെ മക്കളെയും+ കണ്ടു. അവർ യോ​സേ​ഫി​ന്റെ മടിയിൽ വളർന്നു.* 24 കുറെ നാളു​കൾക്കു ശേഷം യോ​സേഫ്‌ സഹോ​ദ​ര​ന്മാരോ​ടു പറഞ്ഞു: “ഞാൻ മരിക്കാ​റാ​യി. എന്നാൽ ദൈവം നിങ്ങളി​ലേക്കു ശ്രദ്ധ തിരിച്ച്‌+ അബ്രാ​ഹാ​മിനോ​ടും യിസ്‌ഹാ​ക്കിനോ​ടും യാക്കോ​ബിനോ​ടും സത്യം ചെയ്‌ത ദേശ​ത്തേക്കു നിങ്ങളെ കൊണ്ടുപോ​കും.”+ 25 തുടർന്ന്‌ ഇങ്ങനെ പറഞ്ഞ്‌ യോ​സേഫ്‌ ഇസ്രായേൽമ​ക്കളെക്കൊണ്ട്‌ സത്യം ചെയ്യിച്ചു: “ദൈവം ഉറപ്പാ​യും നിങ്ങളി​ലേക്കു ശ്രദ്ധ തിരി​ക്കും. അപ്പോൾ നിങ്ങൾ എന്റെ അസ്ഥികൾ ഇവി​ടെ​നിന്ന്‌ കൊണ്ടുപോ​കണം.”+ 26 അങ്ങനെ 110-ാം വയസ്സിൽ യോ​സേഫ്‌ മരിച്ചു. അവർ യോ​സേ​ഫി​ന്റെ ശവശരീ​രം സുഗന്ധവർഗം+ ഇട്ട്‌ ഈജി​പ്‌തിൽ ഒരു ശവപ്പെ​ട്ടി​യിൽ സൂക്ഷിച്ചു.