തൊഴി​ലാ​ളി​പ്ര​സ്ഥാ​നം—എങ്ങോട്ട്‌ നീങ്ങുന്നു?

കാനഡായിലെ “ഉണരുക!” ലേഖകൻ

“സമ്പത്ത്‌ കുന്നു​കൂ​ടു​മ്പോൾ മനുഷ്യർ അധഃപ​തി​ക്കു​ന്നു,” ഒരു കവി പ്രസ്‌താ​വി​ച്ചു. എന്നിരു​ന്നാ​ലും, സ്ഥിരം വർദ്ധി​ച്ചു​കൊ​ണ്ടി​രി​ക്കുന്ന ഭൗതിക സ്വത്തിന്റെ കെണി​യാൽ അനേകർ ആകർഷി​ക്ക​പ്പെ​ടു​ന്നു. അതു​കൊ​ണ്ടാണ്‌ മദ്ധ്യയു​ഗ​ങ്ങ​ളിൽ മുതലാ​ളി​ത്വം ഉടലെ​ടു​ത്തത്‌.

ജീവി​ത​ത്തി​ന്റെ ഗുണത്തി​ലെ ഒരു അധപ​ത​ന​ത്തോ​ടു​കൂ​ടെ അനേക​രു​ടെ കാര്യ​ത്തിൽ മുതലാ​ളി​ത്തം കൈവ​രു​ന്നു എന്ന്‌ തൊഴി​ലാ​ളി​കൾ തിരി​ച്ച​റി​ഞ്ഞു. അവർ തങ്ങളേ​ത്തന്നെ സംരക്ഷി​ക്കു​ന്ന​തിന്‌ യൂണി​യ​നു​കൾ രൂപീ​ക​രി​ച്ചു. മുതലാ​ളി​ത്തം തഴച്ചു​വ​ളർന്ന​ട​ത്തെ​ല്ലാം തൊഴി​ലാ​ളി പ്രസ്ഥാനം വികാസം പ്രാപി​ച്ചു.

എന്നിരു​ന്നാ​ലും വിമർശ​ക​രും ചില പിന്തു​ണ​ക്കാ​രും​പോ​ലും സംഘടിത തൊഴി​ലാ​ളി പ്രസ്ഥാനം അധഃപ​തി​ക്കു​ക​യാ​യി​രി​ക്കാ​മെന്ന ആശങ്ക വെളി​പ്പെ​ടു​ത്തു​ന്നു. പംക്തീ​കാ​ര​നായ അന്തോണി വെസ്‌ററൽ, “തൊഴി​ലാ​ളി പ്രസ്ഥാനം മാററം വരുത്താൻ അപ്രാ​പ്‌ത​മൊ വിമു​ഖ​മൊ ആയി ഭൂതകാ​ലത്ത്‌ ജീവി​ക്കു​ന്നു” എന്ന്‌ ആരോ​പി​ക്കു​ന്നു. ബ്രിട്ടീഷ്‌ ട്രേഡ്‌ യൂണിയൻ അംഗത്വ​ത്തിൽ 5 വർഷം കൊണ്ട്‌ “കുറഞ്ഞത്‌ 10 ലക്ഷത്തിന്റെ” കുറവു​ണ്ടാ​യ​താ​യി “സഹോ​ദ​രൻമാ​രു​ടെ കുറഞ്ഞു​കൊ​ണ്ടി​രി​ക്കുന്ന സംഘം” എന്ന ശീർഷ​ക​ത്തിൽ ദി ഇക്കണോ​മി​സററ കുറി​ക്കൊ​ള്ളു​ന്നു. യൂണി​വേ​ഴ്‌സി​ററി ഓഫ്‌ ഇല്ലി​നോ​യി പ്രൊ​ഫസർ അഡോൾഫ്‌ സ്‌ററം​ഡോൾ “സാർവ​ദേ​ശീയ തൊഴി​ലാ​ളി പ്രസ്ഥാ​ന​ത്തി​ലെ പ്രതി​സന്ധി”യെക്കു​റിച്ച്‌ എഴുതു​ന്നു.

സ്ഥിതി​വി​വ​ര​ക്ക​ണ​ക്കു​കൾ അവരുടെ നിഗമ​ന​ങ്ങളെ പിന്താ​ങ്ങു​ന്ന​താ​യി തോന്നു​ന്നു. ജപ്പാനി​ലെ യൂണിയൻ പ്രവർത്തകർ 1960-ലെ 32 ശതമാ​ന​ത്തിൽനിന്ന്‌ 1984-ലെ 29 ശതമാ​ന​ത്തി​ലേക്ക്‌ കുറഞ്ഞ​താ​യും ഐക്യ​നാ​ടു​ക​ളിൽ 33 ശതമാ​ന​ത്തിൽനിന്ന്‌ 19 ശതമാ​ന​മാ​യി കുറഞ്ഞ​താ​യും റിപ്പോർട്ടു​ചെ​യ്‌തു. ബ്രിട്ട​നും പശ്ചിമ​ജർമ്മ​നി​യും വർദ്ധന​വു​കൾ അവകാ​ശ​പ്പെ​ട്ടെ​ങ്കി​ലും “സംഖ്യകൾ സൂചി​പ്പി​ച്ചേ​ക്കാ​വു​ന്ന​തു​പോ​ലെ ശോഭ​നമല്ല ചിത്രം” എന്ന്‌ ജർമ്മൻ ട്രിബ്യൂൺ പറഞ്ഞു. അത്‌ അംഗങ്ങ​ളു​ടെ പ്രതി​ജ്ഞാ​ബ​ദ്ധ​ത​യി​ലുള്ള ഒരു നഷ്ടവും സമ്പദ്‌ഘ​ട​ന​യി​ലെ യൂണി​യൻര​ഹിത മേഖല​ക​ളു​ടെ വർദ്ധന​വു​ക​ളും കുറി​ക്കൊ​ണ്ടു. ഓസ്‌​ട്രേ​ലി​യൻ തൊഴി​ലാ​ളി​യൂ​ണി​യൻ അംഗത്വം 55 ശതമാ​ന​മാ​യി ഉയർന്നി​രി​ക്കു​ന്നു​വെ​ങ്കി​ലും ഒരു അസുഖ​ത്തി​ന്റെ, പ്രതി​സ​ന്ധി​യു​ടെ​പോ​ലും, ബോധ​ത്തി​ന്റെ പിടി​യി​ല​മർന്നി​രി​ക്കു​ന്നു​വെന്ന്‌ ഫാർ ഈസറേറൺ ഇക്കണോ​മിക്ക റിവ്യൂ പറയുന്നു.

തൊഴി​ലാ​ളി​പ്ര​സ്ഥാ​ന​ത്തി​നു​ള്ളി​ലെ പ്രശ്‌ന​ങ്ങൾ

വിജയി​ക്കു​ന്ന​തിന്‌ തൊഴിൽ ഐക്യ​ത്തി​ലാ​യി​രി​ക്കണം. എന്നിരു​ന്നാ​ലും അനേകം തൊഴി​ലാ​ളി പ്രസ്ഥാ​നങ്ങൾ അശേഷം ഐക്യ​ത്തി​ലല്ല. ജോലി മനോ​ഭാ​വ​ങ്ങ​ളി​ലെ മാററങ്ങൾ നിമിത്തം “ഒരു ഒററ തൊഴി​ലാ​ളി വീക്ഷണം അവതരി​പ്പി​ക്കുക സംശയാ​സ്‌പ​ദ​മാണ്‌: വ്യക്തത ഒട്ടുമില്ല” എന്ന്‌ ദി ടൈംസ ഓഫ്‌ ലണ്ടൻ പ്രസ്‌താ​വി​ച്ചു. ആസ്‌​ട്രേ​ലി​യൻ പണിമു​ട​ക്കു​കൾ മിക്ക​പ്പോ​ഴും യൂണി​യ​നു​കൾ തമ്മിലുള്ള ഭരണപ​ര​മായ തർക്കങ്ങൾമൂ​ല​മാ​ണു​ണ്ടാ​കു​ന്നത്‌. കാനഡാ​യിൽ യൂണി​യ​നു​കൾ യൂണി​യ​നു​ക​ളു​മാ​യി പടവെ​ട്ടു​ന്ന​തി​നാൽ ട്രേഡ്‌യൂ​ണി​യൻ പ്രവർത്തകർ ഐക്യ​നാ​ടു​ക​ളിൽ താവള​മുള്ള ഒരു യൂണി​യന്റെ ഉരുക്കു​മു​ഷ്ടി​ന​യ​ങ്ങ​ളിൽ കുപി​ത​രാ​ണെന്ന്‌ റിപ്പോർട്ടു​ചെ​യ്യ​പ്പെട്ടു. തങ്ങളുടെ ജോലി​കളെ രക്ഷിക്കു​മാ​യി​രുന്ന “ഉടമ്പടി​യിൽനിന്ന്‌ . . . ഒഴിഞ്ഞു​മാ​റി​യ​തി​നെ” കാനഡാ​യി​ലെ 400ൽ പരം പിരി​ച്ചു​വി​ട​പ്പെട്ട ജോലി​ക്കാർ രണ്ടു യൂണി​യ​നു​കളെ കുററ​പ്പെ​ടു​ത്തി.

യൂണി​യ​നു​ക​ളെ കുഴപ്പി​ക്കുന്ന ഒരു രണ്ടാമത്തെ ആഭ്യന്ത​ര​പ്ര​ശ്‌നം പ്രതി​ജ്ഞാ​ബ​ദ്ധ​ത​യു​ടെ കുറവാണ്‌. ഒരു കാലത്ത്‌ മുഖ്യ​മാ​യി കൈ​കൊണ്ട്‌ അദ്ധ്വാ​നി​ച്ചി​രുന്ന തൊഴി​ലാ​ളി വർഗ്ഗം ഇപ്പോൾ വർദ്ധി​ത​മാ​യി ഗുമസ്‌തൻമാ​രോ സാങ്കേ​തിക വിദഗ്‌ദ്ധ​രോ തൊഴിൽ വിദഗ്‌ദ്ധ​രോ ആണ്‌. ഈ വെള്ള​ക്കോ​ളർമേഖല “യൂണി​യ​നു​കൾക്ക്‌ പരമ്പരാ​ഗ​ത​മാ​യി തുളച്ചു​ക​ട​ക്കാൻ പ്രയാ​സ​മാ​യി​രി​ക്കു​ന്നു” എന്ന്‌ ലേബർലോ ആൻഡ ഇൻഡസട്രി​യൽ റിലേ​ഷൻസ ഇൻ കാനഡ കുറി​ക്കൊ​ള്ളു​ന്നു.

അനേകരെ സംബന്ധി​ച്ച​ട​ത്തോ​ളം ഒരു യൂണി​യ​നി​ലെ അംഗത്വം ഒരു ആവശ്യ​ക​ത​യാണ്‌. ഒരു ഗവൺമെൻറ്‌ ഡിപ്പാർട്ടു​മെൻറ്‌ സ്‌ററാ​ഫിൽ ചേർന്ന ഒരു എഞ്ചിനീ​യർ ബിരു​ദ​ധാ​രി​യു​ടെ ദൃഷ്ടാന്തം എടുക്കുക. അദ്ദേഹം ഉണരുക!യോട്‌ ഇങ്ങനെ പറഞ്ഞു: “ഞാൻ യൂണി​യ​നിൽ ചേർന്നി​രു​ന്ന​താ​യി എന്നോടു പറയ​പ്പെ​ട്ടു​പോ​ലു​മില്ല. അംഗങ്ങ​ളു​ടെ പട്ടിക​യിൽ എന്റെ പേർ പ്രത്യ​ക്ഷ​പ്പെട്ടു. പണിമു​ട​ക്കാ​നുള്ള ഒരു അഭി​പ്രാ​യ​വോട്ട്‌ പ്രചരി​പ്പി​ക്ക​പ്പെ​ട്ട​പ്പോൾ എനിക്ക്‌ ഒന്നും​ചെ​യ്യാൻ പാടി​ല്ലാ​തെ​വന്നു, അതു​കൊണ്ട്‌ ഞാൻ മാറി​നി​ന്നു.”

അഴിമതി അല്ലെങ്കിൽ കുററ​കൃ​ത്യ​പ്ര​വർത്തനം അപ്രീ​തിക്ക്‌ സംഭാവന ചെയ്യുന്നു. ന്യൂ​യോർക്ക്‌ നഗരത്തിൽ കീർത്തി​പ്പെട്ട കുററ​വാ​ളി സമൂഹ​ങ്ങ​ളു​ടെ ഒരു വമ്പിച്ച വിചാരണ വിപു​ല​വ്യാ​പ​ക​മായ യൂണിയൻ പ്രവർത്ത​നത്തെ വെളി​പ്പെ​ടു​ത്തി. റിപ്പോർട്ട​നു​സ​രിച്ച്‌ ചില ആസ്‌​ട്രേ​ലി​യൻ യൂണി​യ​നു​കൾ “കുററ​പ്പു​ള്ളി​ക​ളു​ടെ ബാധ” അനുഭ​വി​ക്കു​ക​യാണ്‌. അടുത്ത​കാ​ലത്തെ കനേഡി​യൻ പണിമു​ട​ക്കു​ക​ളി​ലെ നിയമ​വി​രുദ്ധ പ്രവർത്ത​നങ്ങൾ ഒരു പ്രാ​ദേ​ശിക രാഷ്‌ട്രീയ നേതാ​വി​ന്റേ​തുൾപ്പെടെ 700-ൽപരം അറസ്‌റ​റു​ക​ളിൽ കലാശി​ച്ചു.

തൊഴി​ലാ​ളി നിയ​ന്ത്ര​ണ​ത്തി​ന​തീ​ത​മായ പ്രശ്‌ന​ങ്ങൾ

യൂണിയൻ നിയ​ന്ത്ര​ണ​ത്തി​ന​തീ​ത​മായ മററു ഘടകങ്ങൾ തൊഴി​ലാ​ളി നേതാ​ക്കളെ വിഫല​രാ​ക്കു​ന്നു. മനുഷ്യ​സ​മു​ദാ​യം പ്രക്ഷു​ബ്ധ​മാണ്‌. യൂണിയൻ അംഗങ്ങ​ളു​ടെ​യി​ട​യി​ലെ സൗഹൃദം ഒലിച്ചു​പോ​യി​രി​ക്കു​ന്നു. 49 വർഷം ഒരു ബ്രോ​യി​ലർമെ​യ്‌ക്ക​റും കുറെ​ക്കാ​ലം ഒരു ഷോപ്പ്‌വി​ചാ​ര​ക​നു​മാ​യി​രുന്ന ഒരു മനുഷ്യൻ തന്റെ ജോലി​യിൽ നിന്നുള്ള വിരമി​ക്കൽ സഹയൂ​ണി​യൻ അംഗങ്ങൾക്ക്‌ എത്ര നിസ്സാ​ര​മായ ഒരു സംഗതി​യാ​യി​രു​ന്നു എന്ന്‌ ഉണരുക!യോട്‌ പറയു​ക​യു​ണ്ടാ​യി. എന്റെ അവസാ​നത്തെ ദിവസം അവർ ഒരു തൊപ്പി​യിൽ പണപ്പി​രി​വു നടത്തി എനിക്ക്‌ 35 ഡോളർ തന്നു. രണ്ടുപേർ എനിക്കു ഹസ്‌ത​ദാ​നം ചെയ്‌തു, അത്രമാ​ത്രം. സാമ്പത്തി​ക​മാ​ന്ദ്യ​കാ​ലത്ത്‌ ഞാൻ പിരി​ച്ചു​വി​ട​പ്പെ​ട്ട​തി​നാൽ 50 വർഷം തികയു​ന്ന​തിന്‌ 6 മാസം​കൂ​ടെ വേണമാ​യി​രു​ന്നു. അതു​കൊണ്ട്‌ സാധാ​ര​ണ​യുള്ള സ്വർണ്ണ​വാച്ച്‌ എനിക്കു കിട്ടി​യില്ല!”

ഒരളവിൽ ചരി​ത്ര​പ്ര​ധാ​ന​മായ ആദർശ​ങ്ങ​ളോട്‌ വിശ്വ​സ്‌തത പുലർത്തു​ന്ന​തി​ലുള്ള പരാജ​യ​ത്തിൽനി​ന്നാണ്‌ അകൽച്ച​യു​ണ്ടാ​കു​ന്നത്‌. ചില യൂണിയൻ ബിസി​നസ്സ്‌ താൽപ്പ​ര്യ​ങ്ങൾ വലിയ സാമ്രാ​ജ്യ​ങ്ങ​ളാ​യി വളർന്നി​ട്ടുണ്ട്‌. അതിൽ യൂണി​യ​നാണ്‌ മുതലാ​ളി. ദി കാൻബറാ ടൈം​സ​ലെ ജറാൾഡ്‌ സ്‌ററു​വാർട്ട്‌ ഇങ്ങനെ പ്രസ്‌താ​വി​ക്കു​ന്നു: “യൂണി​യ​നു​കൾ മുതലാ​ളി​ത്വ​ത്തി​ന്റെ ആകർഷ​ക​ത്വം കുറഞ്ഞ വശങ്ങൾ പകർത്തി​യ​തോ​ടെ അവയെ വിമർശി​ക്കാ​നുള്ള ധാർമ്മിക അവകാശം യൂണി​യ​നു​കൾക്ക്‌ നഷ്ടപ്പെട്ടു.”

സാങ്കേ​തി​ക​ശാ​സ്‌ത്ര​പ​ര​മായ മാററ​ങ്ങ​ളും പിൻമാ​റ​റ​ങ്ങ​ളും കുറഞ്ഞ അസംബ്ലി​ലൈൻ ജോലി​ക​ളിൽ കലാശി​ച്ചേ​ക്കാം. മിൽവാ​ക്കി​യി​ലെ നീല​കോ​ളർ തൊഴിൽ 1979-ലെ 2,23,600-ൽ നിന്ന്‌ 1986-ലെ 1,71,300 ആയി കുറഞ്ഞു എന്ന്‌ ടൈം മാസിക റിപ്പോർട്ടു​ചെ​യ്‌തു. കൂടാതെ പുതി​യ​തരം ജോലി​കൾ പ്രത്യേക വൈദ​ഗ്‌ദ്ധ്യ​മുള്ള ചെറു​പ്പ​ക്കാ​രെ ആകർഷി​ക്കു​ന്നു. അത്തരം വ്യക്തിഗത ജോലി​ക്കാ​രന്‌ ട്രേഡ്‌യൂ​ണി​യൻ എപ്പോ​ഴും പ്രസക്തമല്ല.

ജോലി​ക്കാർ പണംമാ​ത്രമല്ല തേടു​ന്നത്‌. എന്നാൽ ഡേകെയർ സേവന​ങ്ങ​ളും ദൈർഘ്യം കുറഞ്ഞ പ്രവൃ​ത്തി​വാ​ര​ങ്ങ​ളും അയവുള്ള ഷിഫ്‌റ​റു​ക​ളും തൊഴിൽ പങ്കാളി​ത്ത​വും ആരോഗ്യ ആസൂ​ത്ര​ണ​ങ്ങ​ളും ചില തൊഴി​ലാ​ളി​വർഗ്ഗ​ങ്ങൾക്കു​മാ​ത്ര​മാ​യി​രി​ക്കാം പ്രയോ​ജനം ചെയ്യു​ന്നത്‌. ഏതെങ്കി​ലും ഒരു സ്ഥാപന​ത്തിന്‌ ഇത്രയ​ധി​കം താൽപ്പ​ര്യ​ങ്ങൾക്ക്‌ ഹിതക​ര​മാ​യി​രി​ക്കുക കൂടുതൽ പ്രയാ​സ​മാണ്‌. മുതലാ​ളി​മാർ മിക്ക​പ്പോ​ഴും തൊഴി​ലാ​ളി​കൾക്ക്‌ നേരിട്ട്‌ സൃഷ്ടി​പ​ര​മായ പ്രയോ​ജ​നങ്ങൾ വാഗ്‌ദാ​നം ചെയ്‌തു​കൊണ്ട്‌ യൂണി​യ​നു​കളെ മറിക​ട​ക്കു​ന്നു.

ചില രാജ്യ​ങ്ങ​ളിൽ യൂണി​യ​നു​ക​ളു​ടെ രാഷ്‌ട്രീ​യ​മൊ മതപര​മൊ ആയ ഉൾപ്പെടൽ അംഗങ്ങ​ളിൽനി​ന്നുള്ള വിമർശനം വരുത്തി​ക്കൂ​ട്ടു​ന്നു. തങ്ങൾക്കു യോജി​പ്പി​ല്ലാത്ത പ്രവർത്ത​ന​ങ്ങളെ പിന്താ​ങ്ങു​ന്ന​തിന്‌ അംഗത്വ വിഹി​തങ്ങൾ ഉപയോ​ഗി​ക്കാൻ അവർ ആഗ്രഹി​ക്കു​ന്നി​ല്ലാ​യി​രി​ക്കാം. ഇങ്ങനെ​യുള്ള കാരണ​ങ്ങ​ളാൽ ഒരു യൂണി​യന്‌ വിഹി​തങ്ങൾ കൊടു​ക്കാൻ വിസമ്മ​തി​ക്കു​ന്ന​തി​നുള്ള ഒരു അംഗത്തി​ന്റെ അവകാ​ശത്തെ കനേഡി​യൻ കോട​തി​കൾ ഉയർത്തി​പ്പി​ടി​ച്ചു.

യൂണി​യ​ന്റെ അന്തിമ ആയുധം പണിമു​ടക്ക്‌ ആണെന്നി​രി​ക്കെ അത്‌ മുമ്പ​ത്തെ​പ്പോ​ലെ അത്ര വിജയ​പ്ര​ദമല്ല. കാനഡാ​യിൽ ഒരു പ്രാ​ദേ​ശിക നീതി​ന്യാ​യ മന്ത്രി പോലീ​സു​കാർക്ക്‌ പണിമു​ട​ക്കാ​നുള്ള അവകാശം നീക്കം ചെയ്യാൻ ആവശ്യ​പ്പെട്ടു. ക്യൂബക്ക്‌ നിയമ​വി​രു​ദ്ധ​മായ ആരോ​ഗ്യ​മേ​ഖ​ല​യി​ലെ ഇറങ്ങി​പ്പോ​ക്കു​കൾ കൈകാ​ര്യം ചെയ്യു​ന്ന​തിന്‌ കർശന​മായ നിയമങ്ങൾ പാസ്സാക്കി. ഐക്യ​നാ​ടു​ക​ളിൽ എയർ ട്രാഫിക്ക്‌ കൺ​ട്രോ​ളേ​ഴ്‌സ്‌ യൂണിയൻ പണിമു​ട​ക്കി​യ​പ്പോൾ അതിനെ പിരി​ച്ചു​വി​ടാൻ ഫെഡറൽ ഗവൺമെൻറ്‌ ഇടപെട്ടു. ആസ്‌​ട്രേ​ലിയ പോ​ലെ​യുള്ള മററു രാജ്യ​ങ്ങ​ളിൽ നിർബ​ന്ധിത മാദ്ധ്യ​സ്ഥ​ത​യുണ്ട്‌.

മുതലാ​ളി​കൾ യൂണി​യന്റെ സാമ്പത്തി​ക​മായ തകർക്ക​ലി​നെ​തി​രെ തന്ത്രങ്ങൾ വികസി​പ്പി​ച്ചി​ട്ടുണ്ട്‌. പല വമ്പിച്ച കോർപ്പ​റേ​ഷ​നു​ക​ളും ഭാരമുള്ള തൊഴിൽക​രാ​റു​ക​ളിൽനിന്ന്‌ രക്ഷപെ​ടാൻ ഒരു രൂപത്തി​ലുള്ള പാപ്പര​ത്വ​ത്തിന്‌ വിധേ​യ​മാ​യി​ട്ടുണ്ട്‌. ചിലർ പീഡനം നിമിത്തം വ്യവഹാ​ര​ത്തി​ലേർപ്പെ​ട്ടി​രി​ക്കു​ന്നു. അതേസ​മയം മററു ചിലർ യൂണിയൻ പ്രസ്ഥാ​ന​ത്തി​നെ​തി​രെ ഒരു ഐക്യ​മു​ന്ന​ണി​യു​ണ്ടാ​ക്കാൻ ഒത്തുകൂ​ടി​യി​രി​ക്കു​ന്നു.

അതിജീ​വി​ക്കു​ന്ന​തി​നുള്ള പൊരു​ത്ത​പ്പെ​ടു​ത്ത​ലു​കൾ

പല വിധങ്ങ​ളി​ലും ആരംഭ​ത്തിൽ തൊഴി​ലാ​ളി പ്രസ്ഥാ​ന​ത്തി​ന്റെ ഉയർച്ച​ക്കി​ട​യാ​ക്കിയ ആവശ്യങ്ങൾ മേലാൽ സ്ഥിതി​ചെ​യ്യു​ന്നില്ല. സംഘടിത തൊഴി​ലി​നാൽ പ്രേരി​ത​മായ സാമൂഹ്യ നിയമ​നിർമ്മാ​ണം ഇപ്പോൾ കുട്ടി​കളെ സംരക്ഷി​ക്കു​ക​യും അത്യാ​വ​ശ്യം വേണ്ട തൊഴിൽ നിലവാ​രങ്ങൾ ഏർപ്പെ​ടു​ത്തു​ക​യും കൂട്ടമായ വില​പേ​ശ​ലി​നെ സംരക്ഷി​ക്കു​ക​യും ചെയ്യുന്നു. എന്നാൽ തൊഴി​ലാ​ളി നേതാ​ക്കൻമാർ ചില രാജ്യ​ങ്ങ​ളി​ലെ വൻ ബിസി​ന​സ്സി​ന്റെ ശക്തിയും വർദ്ധി​ച്ചു​വ​രുന്ന തൊഴി​ലി​ല്ലാ​യ്‌മ​യും അവയുടെ തുടർന്നുള്ള ആവശ്യ​ത്തി​ന്റെ തെളി​വാ​യി​ട്ടാണ്‌ കാണു​ന്നത്‌.

തൊഴി​ലാ​ളി​നേ​താ​ക്കൻമാ​രു​ടെ പുതിയ തലമു​റകൾ പിന്തു​ണയെ പുനരു​ജ്ജീ​വി​പ്പി​ക്കു​ക​യാണ്‌. യൂണി​യ​നു​കൾ പൊതു​ജ​ന​ങ്ങ​ളിൽ അനേകരെ സംബന്ധി​ച്ച​ട​ത്തോ​ളം മേലാൽ ജനരഞ്‌ജ​ക​മ​ല്ലെന്ന്‌ സമ്മതി​ച്ചു​കൊണ്ട്‌ “ഇന്ന്‌ തൊഴി​ലാ​ളി​നേ​താവ്‌ മേശയി​ലി​ടി​ക്കു​ന്ന​തി​നു​പ​കരം ഒരുക്ക​ത്തെ​യും ഗവേഷ​ണ​ത്തെ​യും കൂടുതൽ സൂക്ഷ്‌മ​മാ​യി വീക്ഷി​ക്കു​ക​യാണ്‌” എന്ന്‌ ഒരു യൂണിയൻ പ്രസി​ഡണ്ട്‌ പറയുന്നു. അവരുടെ വിജയം സംഘട​ന​യി​ലും ലേബർ യൂണിയൻ രീതി​ക​ളി​ലും മാററങ്ങൾ ആവശ്യ​മാ​ക്കി​ത്തീർക്കും.

ചില വ്യവസാ​യ​ങ്ങ​ളിൽ തൊഴി​ലാ​ളി പ്രസ്ഥാനം പൊരു​ത്ത​പ്പെ​ടു​ക​യും അതിജീ​വി​ക്കു​ക​യും ചെയ്‌തി​ട്ടുണ്ട്‌. ഓട്ടോ​മോ​ബൈൽനിർമ്മാ​താ​ക്കൾ ഉത്‌പാ​ദ​ന​ക്ഷമത വർദ്ധി​പ്പി​ക്കു​ന്ന​തിന്‌ വ്യവസായ യൂണി​യ​നു​ക​ളിൽനിന്ന്‌ അനേകം സൗജന്യ​ങ്ങൾ നേടി​യെ​ടു​ത്തി​ട്ടുണ്ട്‌. റോ​ബോട്ട്‌ ശാസ്‌ത്രം പ്രാ​യോ​ഗി​ക​മാ​ക്കി അദ്ധ്വാനം കുറക്കുന്ന പുതിയ നിർമ്മാ​ണ​ശാ​ല​ക​ളും യൂണിയൻ സഹായത്തെ ആകർഷി​ച്ചി​ട്ടുണ്ട്‌. അങ്ങനെ​യുള്ള പ്രവർത്ത​ന​ത്തോ​ടുള്ള ബന്ധത്തിൽ “ഉത്‌ക്ക​ണ്‌ഠ​യുണ്ട്‌, എന്നാൽ ഞങ്ങളുടെ ആൾക്കാർ ഒരു പങ്കു വഹിച്ചു എന്ന നേട്ടത്തി​ന്റെ തോന്ന​ലും ഉണ്ട്‌” എന്ന്‌ ഒരു യൂണിയൻ ഉദ്യോ​ഗസ്ഥൻ സമ്മതി​ക്കു​ക​യു​ണ്ടാ​യി.

തൊഴിൽ സേനയെ കുറക്കാ​നുള്ള ശ്രമങ്ങളെ ചില യൂണി​യ​നു​കൾ എതിർക്കു​ന്നു​വെ​ങ്കി​ലും മററു ചിലത്‌ മാനേ​ജു​മെൻറു​മാ​യി രമ്യത​യി​ലാ​വു​ക​യും തൊഴിൽ പങ്കാളി​ത്ത​മൊ ജോലി​യു​ടെ തിരി​യ​ലൊ പരീക്ഷി​ച്ചു​നോ​ക്കു​ക​യും ചെയ്യുന്നു. ദി സീഫെ​യ​റേ​ഴ്‌സ്‌ ഇൻറർനാ​ഷണൽ യൂണിയൻ ഓഫ്‌ കാനഡാ ഒരു ദൃഷ്ടാ​ന്ത​മാണ്‌. ഒരു പരീക്ഷ​ണ​പ​ദ്ധതി നാലു​പേ​ര​ട​ങ്ങിയ യൂണി​റ​റു​ക​ളി​ലെ ഓരോ​രു​ത്ത​രും ഒരു തിരിയൽ പട്ടിക​പ്ര​കാ​രം ഒരേ സമയം 90 ദിവസം ജോലി ചെയ്യു​ക​യും പിന്നീട്‌ 30 ദിവസം അവധി​യെ​ടു​ക്കു​ക​യും ചെയ്യുന്നു. “കൂടുതൽ നാവി​കർക്ക്‌ ജോലി കിട്ടുന്നു എന്നതാണ്‌ പ്രധാന പ്രയോ​ജനം” എന്ന്‌ ടൊറ​ന്റോ​യി​ലെ ഗ്ലോബ ആൻഡ മെയിൽ റിപ്പോർട്ടു​ചെ​യ്യു​ന്നു.

വലിപ്പ​മേ​റി​യ വ്യവസാ​യ​ങ്ങ​ളിൽ യൂണിയൻ പ്രവർത്തി​ക്കു​ന്ന​തിൽ ഗണ്യമായ പരാജ​യങ്ങൾ ഉണ്ടായി​രു​ന്നി​ട്ടു​ണ്ടെ​ന്നി​രി​ക്കെ ചെറിയ മുതലാ​ളി​മാ​രു​ടെ ഇടയിൽ യൂണി​യ​നു​കൾ ഇപ്പോ​ഴും വിജയം കണ്ടെത്തു​ന്നു. ഒരു കനേഡി​യൻ പ്രോ​വിൻസിൽ ഒരു വർഷം അംഗീ​ക​രിച്ച 704 പുതിയ യൂണി​റ​റു​ക​ളിൽ 42 എണ്ണം മാത്രമെ 100-ൽ അധികം​പേരെ നിയമി​ച്ചു​ള്ളു. “എന്നാൽ യൂണി​യ​നു​കൾക്ക്‌ ഒട്ടനവധി ആളുകളെ ചേർക്കാൻ കഴിയു​മാ​യി​രുന്ന നാളുകൾ ഏറെയും പൊയ്‌പ്പോ​യി​രി​ക്കു​ന്നു” എന്ന്‌ ഒരു നിരീ​ക്ഷകൻ പ്രസ്‌താ​വി​ച്ചു.

വ്യക്തമായ തൊഴി​ലാ​ളി പ്രസ്ഥാ​ന​ത്തി​ന്റെ അധഃപ​ത​ന​ത്തി​ന്റെ കാരണ​ങ്ങ​ളിൽ പലതും പൊതു​സ​മു​ദാ​യ​ത്തി​ന്റെ അധഃപ​ത​ന​ത്തി​ന്റെ കാര്യ​ത്തി​ലെ​ന്ന​പോ​ലെ, മനുഷ്യ നിയ​ന്ത്ര​ണ​ത്തി​ന​തീ​ത​മാണ്‌. ഒരു മെച്ചപ്പെട്ട ലോക​ത്തി​നു​വേ​ണ്ടി​യുള്ള ആഗ്രഹ​ത്തിൽനിന്ന്‌ തൊഴി​ലാ​ളി പ്രസ്ഥാ​ന​ത്തി​ലേ​ക്കാ​കർഷി​ക്ക​പ്പെട്ട സ്‌ത്രീ​പു​രു​ഷൻമാർ തങ്ങളുടെ സമസൃ​ഷ്‌ടി​യെ സഹായി​ക്കു​ന്ന​തി​നുള്ള ആത്‌മാർത്ഥ ശ്രമങ്ങൾക്ക്‌ അഭിന​ന്ദനം അർഹി​ക്കു​ന്നു. മെച്ചപ്പെട്ട തൊഴിൽ അവസ്ഥകൾ നേടാ​നുള്ള അത്തരം ശ്രമങ്ങളെ നല്ല മനസ്ഥി​തി​യുള്ള ആളുകൾ അംഗീ​ക​രി​ക്കു​ന്നു. എന്നാലും, ലേബർയൂ​ണി​യ​നു​ക​ളു​ടെ ഇപ്പോ​ഴത്തെ അവസ്ഥ സദു​ദ്ദേ​ശ്യ​മു​ള്ള​തെ​ങ്കി​ലും നമ്മുടെ ദുർഘ​ട​കാ​ല​ങ്ങ​ളിൽ തീർച്ച​യാ​യും പിഴച്ചു​പോ​യി​രി​ക്കുന്ന കേവലം മാനു​ഷി​ക​മായ സ്ഥാപന​ങ്ങ​ളു​ടെ ഒരു തെളി​വു​കൂ​ടെ നമുക്കു നൽകു​ക​യാണ്‌.—2 തിമൊ​ഥെ​യോസ്‌ 3:2-5. (g90 4⁄8)

[22-ാം പേജിലെ ചതുരം]

മുതലാളിത്തം

ഒരു നിഘണ്ടു പറയു​ന്ന​ത​നു​സ​രിച്ച്‌ മുതലാ​ളി​ത്തം “ഉല്‌പാ​ദ​ന​വി​തരണ ഉപാധി​കൾ സ്വകാര്യ ഉടമയിൽ ലാഭത്തി​നു​വേണ്ടി പ്രവർത്തി​ക്കുന്ന” ഒരു വ്യവസ്ഥി​തി​യാണ്‌.

ജർമ്മനി​യി​ലെ ഓഗ്‌സ്‌ബേർഗ്ഗിൽനി​ന്നുള്ള, മദ്ധ്യയു​ഗ​ങ്ങ​ളി​ലെ ഒരു സമ്പന്നവ്യാ​പാ​രി​യാ​യി​രുന്ന ജേക്കബ്‌ ഫഗ്ഗർ പാപ്പാ​യു​ടെ ജനറൽ ഏജൻസി​യും പ്രവർത്തി​പ്പി​ച്ചി​രു​ന്നു, അത്‌ പാപ​മോ​ച​ന​ത്തിന്‌ ഫീസും വാങ്ങി​യി​രു​ന്നു. മുതലാ​ളി​ത്തം ഫഗ്ഗറോ​ടു​കൂ​ടെ ഉത്‌ഭ​വി​ച്ച​താ​ണെന്ന്‌ ചരി​ത്ര​കാ​ര​നായ എറിക്‌ കാളർ വിശ്വ​സി​ക്കു​ന്നു, ഇങ്ങനെ എഴുതി​ക്കൊണ്ട്‌:

“ബാബി​ലോ​ണി​ന്റെ കാല​ത്തോ​ളം മുമ്പ്‌ മുതലാ​ളി​ത്ത​ത്തി​ന്റെ കണികകൾ ഉണ്ടായി​രു​ന്നു​വെന്ന്‌ തെളി​യി​ക്കാൻ ചില ആധുനിക സാമ്പത്തി​ക​വി​ദ​ഗ്‌ദ്ധ​രും സാമൂ​ഹി​ക​ശാ​സ്‌ത്ര​ജ്ഞൻമാ​രും ശ്രമി​ച്ചി​ട്ടുണ്ട്‌. എന്നാൽ അവർ കണ്ടുപി​ടി​ച്ചത്‌ മുതലാ​ളി​ത്തമല്ല. മുതലാ​ളി​ത്തം സമ്പത്തി​നോ​ടും ജംഗമ​സ്വ​ത്തി​നോ​ടും സർവസ​മമല്ല, അത്‌ പണസമ്പാ​ദ​ന​ത്തി​നോ​ടും പണം കടം​കൊ​ടു​ക്ക​ലി​നോ​ടും സർവസ​മമല്ല. കേവലം ഉല്‌പാ​ദ​ന​ക്ഷ​മ​മായ സ്വത്തിന്റെ മുതൽമു​ട​ക്കി​നോ​ടു​പോ​ലും സർവസ​മമല്ല. ഇതൊ​ന്നും അതിൽത്തന്നെ മുതലാ​ളി​ത്തമല്ല. എന്തെന്നാൽ ഇതെല്ലാം സാമ്പത്തി​ക​ല​ക്ഷ്യ​ങ്ങൾക്ക്‌ അന്യമായ ഒരു ജീവിത തത്വത്തിന്‌ ഉതകി​യേ​ക്കാം. അത്‌ ഒരു മാനു​ഷ​ല​ക്ഷ്യ​ത്തി​നു​വേണ്ടി, ഒരു മാനുഷ ഉദ്ദേശ്യ​ത്തി​നു​വേണ്ടി, ചെയ്യ​പ്പെ​ട്ടേ​ക്കാം, ഒരു മാനു​ഷ​ജീ​വിക്ക്‌ ആസ്വദി​ക്കാൻ കഴിയുന്ന ഒന്നിനു​വേ​ണ്ടി​ത്തന്നെ. എന്നാൽ ഇവിടെ, ആദ്യമാ​യി​ത്തന്നെ, . . . ബിസി​നസ്‌ അതിൽത്തന്നെ, പണസമ്പാ​ദനം അതിൽത്തന്നെ, വസ്‌തു​ക്ക​ളു​ടെ ഉല്‌പാ​ദ​ന​വും സുഖങ്ങ​ളു​ടെ കുന്നു​കൂ​ട്ട​ലും മനുഷ്യ​ന്റെ​മേൽ വളരെ ശക്തി പ്രയോ​ഗി​ച്ച​തു​കൊണ്ട്‌ അവൻ തന്റെ സകല ഊർജ്ജ​സ്വ​ല​ത​യും തന്റെ ഹൃദയ​വും, തന്റെ ഏതൽക്കാ​ല​വും ഭാവി​യു​മെ​ല്ലാം, തന്റെ മനുഷ്യ​ത്വ​മെ​ല്ലാം, പദത്തിന്റെ അക്ഷരാർത്ഥ​ത്തിൽത്തന്നെ അസ്വസ്ഥ​മായ, നിരന്തരം വളരു​ന്ന​തും വിഴു​ങ്ങി​ക്ക​ള​യു​ന്ന​തു​മായ, ഉല്‌പാ​ദ​ന​ത്തിൽതന്നെ ചെലവ​ഴി​ച്ചു, ആ ഉല്‌പാ​ദ​ന​ത്തി​ന്റെ അന്തിമ​മായ അർത്ഥം അവന്‌ പൂർണ്ണ​മാ​യും നഷ്‌ട​പ്പെ​ട്ടി​രി​ക്കു​ക​യാണ്‌, അല്ലെങ്കിൽ വിസ്‌മൃ​ത​മാ​യി​രി​ക്കു​ക​യാണ്‌.

“ഇതാണ്‌ മുതലാ​ളി​ത്ത​ത്തി​ന്റെ തുടക്കം, അത്‌ മനുഷ്യ​ന്റെ​മേ​ലുള്ള മുതലി​ന്റെ ഭരണമാണ്‌, മനുഷ്യ​ഹൃ​ദ​യ​ത്തിൻമേ​ലുള്ള സാമ്പത്തി​ക​പ്ര​വർത്ത​ന​ത്തി​ന്റെ ഭരണം​തന്നെ. സമ്പദ്‌വ്യ​വ​സ്ഥ​യു​ടെ സ്വയം​ഭ​ര​ണ​വും ഇവിടെ തുടങ്ങു​ന്നു, പ്രകൃ​തി​ചൂ​ഷ​ണ​ത്തി​ന്റെ വിശ്ര​മ​ര​ഹി​ത​വും അതിര​റ​റ​തു​മായ പുരോ​ഗ​തി​യും, മേലാൽ ആസ്വദി​ക്കു​ന്ന​തിന്‌ ഒഴിവു​സ​മ​യ​മോ പ്രാപ്‌തി​യോ ഇല്ലാത്ത വസ്‌തു​ക്ക​ളു​ടെ ഉല്‌പാ​ദ​ന​വും ഇവിടെ തുടങ്ങു​ന്നു. ഈ വികാ​സ​ത്തി​ന്റെ പരിണ​ത​ഫ​ലങ്ങൾ ഇന്ന്‌ വ്യക്തമാ​യി വെളി​പ്പെ​ടു​ത്ത​പ്പെ​ട്ടി​രി​ക്കു​ന്നു.”—മേൻ ദി മെഷർ.

[23-ാം പേജിലെ ചതുരം]

തൊഴിലാളിപ്രസ്ഥാനത്തിന്റെ ചരിത്രം

“തൊഴി​ലാ​ളി​പ്ര​സ്ഥാ​നം എന്നത്‌ ഇപ്പോ​ഴ​ത്തെ​യും ഭാവി​യി​ലെ​യും സ്വന്തം അവസ്ഥക​ളു​ടെ മെച്ച​പ്പെ​ടു​ത്ത​ലി​ന്റെ ഉദ്ദേശ്യ​ത്തിൽ നടത്തുന്ന ശമ്പളക്കാ​രു​ടെ സകല സംഘടിത പ്രവർത്ത​ന​ത്തെ​യും അർത്ഥമാ​ക്കാൻ ഉപയോ​ഗി​ക്ക​പ്പെ​ടുന്ന പദമാണ്‌.”—ദി അമേരി​ക്കൻ പീപ്പിൾസ്‌ എൻ​സൈ​ക്ലോ​പ്പീ​ഡി​യാ.

ഈജി​പ്‌റ​റിൽ ഇഷ്ടിക നിർമ്മി​ക്കാ​നുള്ള എബ്രായ അടിമ​ക​ളു​ടെ വിസമ്മതം തൊഴി​ലാ​ളി​ക​ളു​ടെ ആദ്യത്തെ പണിമു​ട​ക്കാ​യി​രു​ന്നു​വെന്ന്‌ ചിലർ അവകാ​ശ​പ്പെ​ടു​ന്നു; എന്നാൽ ഇസ്ര​യേ​ല്യർ ശമ്പളക്കാ​ര​ല്ലാ​യി​രു​ന്നു; അവർ അടിമ​ക​ളാ​യി​രു​ന്നു. (പുറപ്പാട്‌ 5:15-18) സമാന​മാ​യി, ഒനേസി​മൂസ്‌ ഒരു അടിമ​യാ​യി​രു​ന്ന​തു​കൊണ്ട്‌ അവനെ ഫിലേ​മോ​ന്റെ അടുക്ക​ലേക്ക്‌ പൗലോസ്‌ തിരി​ച്ച​യ​ച്ചത്‌ ശമ്പളക്കാർക്ക്‌ ബാധക​മാ​കു​ന്നില്ല.—ഫിലേ​മോൻ 10-20.

പതിനാ​ലും 15ഉം നൂററാ​ണ്ടു​ക​ളിൽ കൂലി​ക്കാ​രെ​യും ജോലി പരിശീ​ലി​ക്കു​ന്ന​വ​രെ​യും നിയമി​ച്ചി​രുന്ന കരകൗ​ശ​ല​വി​ദ​ഗ്‌ദ്ധ​രു​ടെ സംഘട​ന​ക​ളാ​യി​രുന്ന കരകൗ​ശ​ല​സം​ഘങ്ങൾ യൂണി​യ​നു​കൾക്ക്‌ വഴി​യൊ​രു​ക്കി. ഹിസ്‌റ​ററി ഓഫ്‌ ട്രെയ്‌ഡ്‌ യൂണി​യ​നി​സം പറയു​ന്ന​ത​നു​സ​രിച്ച്‌ 1,383ഓളം മുമ്പ്‌ കൂലി​ക്കാർ “തങ്ങളുടെ ഭരണാ​ധി​കാ​രി​കൾക്കും നാടു​വാ​ഴി​കൾക്കു​മെ​തി​രെ ഒത്തു​ചേർന്നു.”

ഇംഗ്ലണ്ടി​ലെ ആദ്യത്തെ തൊഴി​ലാ​ളി​നി​യമം ഓർഡി​നൻസ്‌ ഓഫ്‌ ലേബ​റേ​ഴ്‌സ്‌ ആയിരു​ന്നു. (1349 അല്ലെങ്കിൽ 1350). തൊഴിൽപ​രി​ശീ​ല​ന​നി​യമം (1563) തലമു​റ​ക​ളാ​യി ഇംഗ്ലണ്ടി​ലെ തൊഴി​ലാ​ളി​ബ​ന്ധ​ങ്ങളെ ക്രോ​ഡീ​ക​രി​ച്ചി​രു​ന്നു. 20-ാം നൂററാ​ണ്ടാ​യ​തോ​ടെ, മിക്ക രാജ്യ​ങ്ങ​ളും യൂണി​യ​നു​കളെ നിയ​ന്ത്രി​ക്കുന്ന നിയമ​ങ്ങ​ളിൽ അയവു​വ​രു​ത്തി.

സർവരാ​ജ്യ​സ​ഖ്യ​ഉ​ട​മ്പ​ടി​യി​ലെ 23-ാം വകുപ്പിൻകീ​ഴിൽ 1919ൽ ഐ.എൽ.ഓ (സാർവ​ദേ​ശീയ തൊഴിൽ സംഘടന) സ്ഥാപി​ക്ക​പ്പെട്ടു. അതി​പ്പോ​ഴും സ്ഥിതി​ചെ​യ്യു​ന്നു. ഐ.എൽ. ഓയുടെ ഉടമ്പടി​കൾ മിക്ക രാഷ്‌ട്ര​ങ്ങ​ളു​ടെ​യും സാമൂ​ഹി​ക​നി​യ​മ​നിർമ്മാ​ണ​ത്തിൽ സ്വീക​രി​ക്ക​പ്പെ​ട്ടി​ട്ടുണ്ട്‌.

മിക്ക രാജ്യ​ങ്ങ​ളി​ലും യൂണി​യ​നു​കൾ നിയമ​ത്താൽ അനുവ​ദി​ക്ക​പ്പെ​ട്ടി​ട്ടുണ്ട്‌. അവ ഓപ്പൺഷോപ്പ്‌ യൂണി​യ​നു​കൾ ആയിരി​ക്കാം, അതിൽ തൊഴി​ലാ​ളി​കൾക്ക്‌ ജോലി തുടങ്ങു​മ്പോൾത്തന്നെ ചേരു​ക​യോ ചേരാ​തി​രി​ക്കു​ക​യോ ചെയ്യാം. അല്ലെങ്കിൽ അത്‌ ക്ലോസ്‌ഡ്‌അപ്‌ യൂണി​യ​നു​കൾ ആയിരി​ക്കാം. അതനു​സ​രിച്ച്‌ അംഗത്വം ജോലി​ക്കുള്ള ഒരു വ്യവസ്ഥ​യെന്ന നിലയിൽ നിർബ​ന്ധി​ത​മാണ്‌.