യുവജ​നങ്ങൾ ചോദി​ക്കു​ന്നു...

ചൂതാട്ടം യഥാർത്ഥ​ത്തിൽ വളരെ ചീത്തയാ​ണോ?

പന്ത്രണ്ടു വയസ്സു​കാ​രൻ ആൻഡ്രു​വും പത്തു വയസ്സു​കാ​രൻ ജൂലി​യ​നും ഒടുവിൽ തങ്ങളുടെ മാതാ​പി​താ​ക്ക​ളു​ടെ ദൃഷ്ടി​വ​ല​യ​ങ്ങൾക്കു പുറത്തു​ക​ടന്നു. അവരുടെ കുടും​ബം ഒരു ബോട്ടു​യാ​ത്ര നടത്തു​ക​യാ​യി​രു​ന്നു. ഈ ആൺകു​ട്ടി​കൾ ബോട്ടി​ലുള്ള വിവി​ധ​തരം ചൂതാ​ട്ട​യ​ന്ത്ര​ങ്ങ​ളിൽ ആകൃഷ്ട​രാ​യി. ഇവരുടെ ആകാംക്ഷ കണ്ടിട്ട്‌ ഒരു കളിക്കാ​രൻ അവർക്കോ​രോ​രു​ത്തർക്കും സ്വയമാ​യി യന്ത്രങ്ങൾ പരീക്ഷി​ച്ചു​നോ​ക്കു​ന്ന​തി​നാ​യി ഓരോ നാണയം വീതം നൽകി. പ്രശ്‌നം എന്തായി​രു​ന്നു​വെ​ന്നോ? അവരുടെ മാതാ​പി​താ​ക്കൾ ഈ യന്ത്രങ്ങൾക്ക​ടു​ത്തു പോകു​ന്ന​തിൽനിന്ന്‌ അവരെ വിലക്കി​യി​രു​ന്നു.

എന്നാലും ആൻഡ്രു​വും ജൂലി​യ​നും അപകട സാദ്ധ്യ​തയെ നേരി​ടു​വാൻതന്നെ ഉറച്ചു. അവരുടെ മാതാ​പി​താ​ക്ക​ളു​ടെ മുന്നറി​യി​പ്പു​കൾ ചെവി​ക​ളിൽ മുഴങ്ങി​ക്കൊ​ണ്ടി​രി​ക്കെ, അവർ ചൂതാ​ട്ട​യ​ന്ത്രങ്ങൾ പ്രവർത്തി​പ്പി​ച്ചു—അവരുടെ പണം ഇരട്ടി​യാ​വു​ക​യും ചെയ്‌തു! അപ്പോൾ അവർ വീണ്ടും കളിച്ചു. ഇത്തവണ വിജയി​ച്ച​പ്പോൾ പുറ​ത്തേക്കു പ്രവഹിച്ച പണം അവരെ വിസ്‌മ​യ​ഭ​രി​ത​രാ​ക്കി! ‘ഇത്‌ എങ്ങനെ​യാണ്‌ വളരെ അപകട​ക​ര​മാ​യി​രി​ക്കു​ന്നത്‌?’ അവർ ചിന്തിച്ചു. ‘പണം ഉണ്ടാക്കു​വാൻ എത്ര എളുപ്പം! ചൂതാട്ടം യഥാർത്ഥ​ത്തിൽ വളരെ ചീത്തയാ​ണോ?’

ചൂതാട്ടം സാധാ​ര​ണ​മാ​യി​രി​ക്കുന്ന ദേശങ്ങ​ളി​ലെ അനേകം യുവജ​ന​ങ്ങ​ളെ​പ്പോ​ലെ ആൻഡ്രു​വും ജൂലി​യ​നും അതിൽ അൽപം​പോ​ലും ദോഷം കണ്ടില്ല. ഈ കാര്യ​ത്തിൽ ചില മുതിർന്നവർ കാട്ടി​യി​രി​ക്കുന്ന ദൃഷ്ടാന്തം നിങ്ങൾ കണക്കി​ലെ​ടു​ക്കു​മ്പോൾ ഇതു മനസ്സി​ലാ​ക്കാൻ എളുപ്പ​മാണ്‌. അനേക​രും ചൂതാട്ടം നടത്തു​ന്നു​വെന്നു മാത്രമല്ല, അവരുടെ ഈ സ്വഭാ​വത്തെ ന്യായീ​ക​രി​ക്കു​വാ​നാ​യി ശരി​യെന്നു തോന്നി​പ്പി​ക്കുന്ന ന്യായങ്ങൾ നിരത്താ​റു​മുണ്ട്‌. ഉദാഹ​ര​ണ​ത്തിന്‌, ഭാഗ്യ​ക്കു​റി​ക​ളിൽനിന്ന്‌ നല്ലകാ​ര്യ​ങ്ങളെ സഹായി​ക്കു​ന്ന​തി​നു കിട്ടുന്ന തുകകളെ ചൂണ്ടി​ക്കാ​ട്ടി​ക്കൊണ്ട്‌ ചൂതാട്ടം യഥാർത്ഥ​ത്തിൽ വളരെ നൻമ ചെയ്യുന്നു എന്ന്‌ അവർ പറയും. (എന്നാൽ ഇതിന്‌ ഒരു മയക്കു​മ​രു​ന്നു രാജാ​വിൽനി​ന്നും ധർമ്മസ്ഥാ​പ​ന​ങ്ങൾക്കു നൽക​പ്പെ​ടുന്ന സംഭാ​വ​നകൾ മയക്കു​മ​രു​ന്നു വ്യാപാ​രത്തെ ന്യായീ​ക​രി​ക്കു​ന്നു എന്നു പറയു​ന്ന​തിൽകൂ​ടിയ അർത്ഥമില്ല!) എന്നിരു​ന്നാ​ലും ചൂതാട്ടം ജീവി​ത​ത്തിൽ ഒരളവിൽ സ്വാഗ​താർഹ​മായ ആവേശം കൂട്ടുന്ന നിരു​പ​ദ്ര​വ​ക​ര​മായ തമാശ​യും വിനോ​ദ​വു​മാ​ണെന്നു മററു​ചി​ലർ അവകാ​ശ​പ്പെ​ടു​ന്നു.

ഏതായാ​ലും മററു നാടു​ക​ളിൽ എന്നതു​പോ​ലെ ബ്രിട്ട​നി​ലും അയർല​ണ്ടി​ലും ആയിര​ക്ക​ണ​ക്കി​നു ചെറു​പ്പ​ക്കാർ ചൂതാ​ട്ട​ക്കാ​രാ​യി​ത്തീർന്നി​രി​ക്കു​ന്നു. അൽപ​ശ്ര​മം​കൊണ്ട്‌ അധികം പണമു​ണ്ടാ​ക്കാ​നുള്ള സാദ്ധ്യത നിങ്ങൾക്കും വളരെ ആകർഷ​ക​മാ​യി തോന്നി​യേ​ക്കാം.

ചൂതാട്ടം—മറഞ്ഞി​രി​ക്കുന്ന അപകടങ്ങൾ

എന്നിരു​ന്നാ​ലും ചൂതാട്ടം വളരെ യഥാർത്ഥ​മായ ചില അപകടങ്ങൾ യുവജ​ന​ങ്ങൾക്കു നേരെ ഉയർത്തു​ന്നു. “ചൂതാട്ട ആസക്തരെ”ക്കുറി​ച്ചും “നിരു​പ​ദ്ര​വ​ക​ര​മായ ഒരു വിനോ​ദം ഒരു വ്യക്തിയെ ഒരു വിചിത്ര ജീവി​യാ​ക്കി​ത്തീർക്കാൻ കഴിവുള്ള ഒരു ശക്തമായ ഉൾ​പ്രേ​ര​ണ​യാ​യി വളരു​മ്പോൾ ചൂതാ​ട്ട​ത്തി​നു കൈവ​രു​ത്താൻ കഴിയുന്ന ഭയാന​ത​കളെ”ക്കുറി​ച്ചും റിപ്പോർട്ടു​കൾ പറയുന്നു. (ഒരു ബ്രിട്ടീഷ്‌ ടെലി​വി​ഷൻ ഡോക്കു​മെൻറ​റി​യായ) ദി ബുസ്സ്‌ അനുസ​രിച്ച്‌ കുട്ടി​കൾക്കി​ട​യി​ലെ ചൂതാട്ടം “സ്‌കൂൾക്ലാ​സ്സു​കൾ ഉപേക്ഷി​ക്കു​ന്ന​തി​ലേ​ക്കും അക്രമം, പിടി​ച്ചു​പറി, മോഷണം തുടങ്ങി​യ​വ​യി​ലേ​ക്കും ആസക്തി​യോ​ടു​കൂ​ടിയ ചൂതാ​ട്ട​ത്തി​ലേ​ക്കും വ്യഭി​ചാ​ര​ത്തി​ലേ​ക്കും അങ്ങേയ​റ​റത്തെ കേസ്സു​ക​ളിൽ ആത്മഹത്യ​യി​ലേ​ക്കും അല്ലെങ്കിൽ ആത്മഹത്യാ​ശ്ര​മ​ങ്ങ​ളി​ലേ​ക്കും നയി​ച്ചേ​ക്കാം.” ചൂതാ​ട്ട​ത്തിന്‌ അത്യാ​പ​ത്തു​ക​ളി​ലേക്കു നയിക്കാൻ ഇത്തരം ശക്തിയു​ണ്ടെന്ന വസ്‌തുത അനേകം ജീവി​താ​നു​ഭ​വ​ങ്ങ​ളാൽ തെളി​യി​ക്ക​പ്പെ​ടു​ന്നു.

“ഞാൻ ഏതാണ്ടു 11 വയസ്സു​ള്ള​പ്പോൾ ചൂതാട്ടം തുടങ്ങി,” അഡ്രിയൻ പറയുന്നു. “എന്റെ പിതൃ​സ​ഹോ​ദ​ര​നു​മാ​യും എന്റെ ഒരു അകന്ന സഹോ​ദ​ര​നോ​ടൊ​ത്തും ഞാൻ ഗ്രേഹൗ​ണ്ട്‌നാ​യ്‌ക്ക​ളു​ടെ മത്സരഓ​ട്ട​ങ്ങൾക്കു​പോ​യി. തുടക്ക​ത്തിൽ ഞാൻ വളരെ ഭാഗ്യ​വാ​നാ​യി​രു​ന്നു. മിക്കവാ​റും വിജയി​ക്കു​ക​യും ചെയ്‌തു.” ഇതിന്‌ അഡ്രി​യ​ന്റെ​മേ​ലുള്ള ഫലം എന്തായി​രു​ന്നു? “പണം ലഭിക്കു​വാ​നാ​യി എന്റെ ഡാഡി​യോട്‌ ഒരു കഥ—നുണക്കഥ—ഉണ്ടാക്കി​പ​റ​യു​വാൻ എനിക്ക്‌ ഒരു മടിയു​മി​ല്ലാ​യി​രു​ന്നു,” അവൻ വിശദീ​ക​രി​ക്കു​ന്നു. “ഞാൻ കൗമാ​ര​പ്രാ​യം കടക്കു​ന്ന​തി​നു മുമ്പ്‌ എന്റെ ഡാഡി​യു​ടെ കടയിലെ പണപ്പെ​ട്ടി​യിൽനിന്ന്‌ ചൂതാ​ട്ട​ത്തി​നാ​യി പണം മോഷ്ടി​ക്കു​ന്ന​തിന്‌ എനിക്കു ഒരു മനസ്സാ​ക്ഷി​ക്കു​ത്തു​മി​ല്ലാ​യി​രു​ന്നു.”

മറെറാ​രു ദൂഷ്യ​ഫ​ല​ത്തി​ലേ​ക്കും അഡ്രിയൻ ശ്രദ്ധതി​രി​ക്കു​ന്നു. “നിങ്ങൾക്ക്‌ എളുപ്പം ഒരു അലസനാ​യി​ത്തീ​രാൻ സാധി​ക്കും,” അവൻ വിശദീ​ക​രി​ക്കു​ന്നു “എന്തു​കൊ​ണ്ടെ​ന്നാൽ വിശ്വ​സ്‌ത​മായ പ്രയത്‌ന​ത്തി​ലൂ​ടെ നിങ്ങൾ നേടുന്ന പണം ചൂതാ​ട്ട​ത്തിൽ ജയിച്ചു​നേ​ടാ​മെന്നു നിങ്ങൾ വിചാ​രി​ക്കുന്ന പണത്തോ​ടു താരത​മ്യം ചെയ്യു​മ്പോൾ തുച്ഛ​മെന്നു തോന്നി​യേ​ക്കാം.”—സദൃശ​വാ​ക്യ​ങ്ങൾ 13:4, സഭാ​പ്ര​സം​ഗി 2:24 ഇവ താരത​മ്യം ചെയ്യുക.

റോബർട്ട്‌ (യഥാർത്ഥ നാമമല്ല) 12-ാം വയസ്സിൽ ചൂതാട്ടം തുടങ്ങി. മറെറാ​രു​തരം അപകട​ത്തി​ലേക്ക്‌ അവൻ വിരൽ ചൂണ്ടുന്നു. “നിങ്ങൾ ഒരു വലിയ അന്ധവി​ശ്വാ​സി​യാ​യി​ത്തീ​രു​വാൻ ഇടയുണ്ട്‌.” അവൻ വിശദീ​ക​രി​ക്കു​ന്നു: “എന്റെ പിതാ​വി​നു ഞങ്ങളുടെ കടയിൽ ചൂതാട്ട യന്ത്രങ്ങ​ളു​ണ്ടാ​യി​രു​ന്നു. അവ എങ്ങനെ​യാ​ണു പ്രവർത്തി​ക്കു​ന്ന​തെന്ന്‌ എനിക്കു കൃത്യ​മാ​യി അറിയാ​മാ​യി​രു​ന്നു. എന്നാലും ഫലത്തെ സ്വാധീ​നി​ക്കു​വാൻ ശ്രമി​ച്ചു​കൊണ്ട്‌ അന്ധവി​ശ്വാ​സ​പ​ര​മാ​യി ചില കാര്യങ്ങൾ ഞാൻ ചെയ്‌തു. സ്വിച്ച്‌ ഒരു പ്രത്യേക വിധത്തിൽ തള്ളുക, ജയിച്ചു​കി​ട്ടുന്ന പണം പാത്ര​ത്തിൽതന്നെ കുറച്ചു​നേരം ഇട്ടേക്കുക തുടങ്ങി​യ​വ​യാ​യി​രു​ന്നു അത്‌. ചില ആളുകൾ യഥാർത്ഥ​ത്തിൽ യന്ത്രങ്ങ​ളോ​ടു സംസാ​രി​ച്ചു.” അതെ, അനേകം ചൂതാ​ട്ട​ക്കാ​രും അറിയാ​തെ ഭാഗ്യ​ദേ​വന്റെ അന്ധവി​ശ്വാ​സി​ക​ളായ ആരാധ​ക​രാ​യി​ത്തീ​രു​ന്നു—ദൈവ​ത്താൽ കുററം വിധി​ക്ക​പ്പെ​ടുന്ന ഒരു പ്രവൃത്തി.—യെശയ്യാവ്‌ 65:11.

വ്യാ​മോ​ഹ​പ​ര​മായ ചൂതാട്ടം

ഗൂഢമായ മറെറാ​രു അപകടം ചൂതാട്ടം നടത്തു​വാ​നുള്ള പ്രവണത ഫലത്തിൽ ഒരു ഒഴിയാ​ബാ​ധ​യാ​യി​ത്തീ​രു​ന്നു എന്നുള്ള​താണ്‌. “പതിനാ​റു വയസ്സിൽ താഴെ​യുള്ള 2,000-ത്തിലധി​കം കുട്ടികൾ ഓരോ വർഷവും തങ്ങളുടെ മാതാ​പി​താ​ക്ക​ളാൽ ഗാം​ബേ​ഴ്‌ള്‌സ്‌ അനോ​നി​മസ്‌ (ചൂതാട്ട ആസക്തിയെ തരണം ചെയ്യാൻ സഹായി​ക്കുന്ന ഒരു സംഘടന) -ലേക്കു കൊണ്ടു​പോ​ക​പ്പെ​ടു​ന്നു. എന്നാൽ ചികി​ത്സ​ക്കാ​യി കൊണ്ടു​പോ​ക​പ്പെ​ടു​ന്ന​വ​രു​ടെ നിരക്ക്‌ . . . ബ്രിട്ട​നിൽ, മൊത്ത​മു​ള്ള​തി​ന്റെ ഒരു ചെറിയ അംശം മാത്ര​മാ​ണെന്നു വിചാ​രി​ക്ക​പ്പെ​ടു​ന്നു.” (ദി ബുസ്സ്‌) അവർക്ക്‌ എത്രമാ​ത്രം ആസക്തരാ​യി​രി​ക്കാൻ കഴിയും? ഒരു റിപ്പോർട്ടു പറഞ്ഞു: “ഒരിക്കൽ കുരു​ക്ക​പ്പെട്ടു കഴിഞ്ഞാൽ അവർ ജയിച്ചാ​ലും തോറ​റാ​ലും അവർക്ക്‌ ചൂതാട്ടം നടത്തിയേ തീരൂ.”

ഓരോ ദിവസ​വും 90 പൗണ്ട്‌ (420 രൂപ) ചൂതാട്ടം നടത്തി​ക്ക​ള​ഞ്ഞി​രുന്ന ഒരു സ്‌ത്രീ​യെ റോബർട്ട്‌ ഓർമ്മി​ക്കു​ന്നു. ഒരു യുവ ചൂതാ​ട്ട​ക്കാ​രൻ നാണയങ്ങൾ ഇട്ടു​പ്ര​വർത്തി​പ്പി​ക്കുന്ന ചൂതാട്ട യന്ത്ര​ത്തോ​ടുള്ള തന്റെ ആസക്തി ശമിപ്പി​ക്കു​വാൻ പണം കിട്ടു​ന്ന​തി​നു കിണഞ്ഞു​ശ്ര​മി​ച്ചു; അതിന്‌ അയാൾ തന്റെ മാതാ​വി​നെ കൊല​ചെ​യ്യാൻപോ​ലും തുനിഞ്ഞു! വളരെ ചെറു​പ്രാ​യ​ത്തിൽതന്നെ ചൂതാട്ടം തുടങ്ങിയ പാഡി​ക്കും സമാന​മാ​യി തന്റെ ചൂതാ​ട്ട​സ്വ​ഭാ​വത്തെ നിയ​ന്ത്രി​ക്കാൻ കഴിവി​ല്ലാ​യി​രു​ന്നു. “ഞാൻ ഒരു ചൂതാട്ട കുടും​ബ​ത്തി​ലാ​ണു വളർന്നത്‌,” അയാൾ ഓർമ്മി​ക്കു​ന്നു. “ഞാൻ എന്തിലും ഏതിലും ചൂതാട്ടം നടത്തു​മാ​യി​രു​ന്നു. ഞാൻ വളരു​ക​യും വിവാഹം കഴിക്ക​യും ചെയ്‌ത​പ്പോൾ ചൂതാട്ടം എന്റെ ഭാര്യ​യെ​യും കുട്ടി​ക​ളെ​യും പട്ടിണി​യി​ലാ​ക്കി. അത്‌ ഒടുവിൽ എന്നെ ആത്മഹത്യ​യു​ടെ വക്കി​ലേക്കു കൊണ്ടു​വന്നു.”

ചൂതാട്ട യന്ത്രങ്ങ​ളു​ടെ പ്രലോ​ഭ​നം

ഏതുതരം ചൂതാ​ട്ട​ത്തി​നും അത്തരം ദാരു​ണ​മായ ഫലങ്ങൾ ഉളവാ​ക്കാൻ കഴിയും, എന്നാൽ ഇന്നത്തെ യുവജ​ന​ങ്ങൾക്കുള്ള ഏററവും വലിയ അപകട​ങ്ങ​ളി​ലൊന്ന്‌ നാണയം ഇട്ടു പ്രവർത്തി​പ്പി​ക്കുന്ന ചൂതാ​ട്ട​യ​ന്ത്ര​മാണ്‌. ഇത്‌ “യുവാ​ക്ക​ളായ ചൂതാ​ട്ട​ക്കാ​രെ സംബന്ധി​ച്ച​ട​ത്തോ​ളം ഇന്ന്‌ ഏററവും വലിയ പ്രശ്‌ന​മെന്നു കരുത​പ്പെ​ടു​ന്നു” എന്ന്‌ ജേർണൽ ഓഫ്‌ ഗാംബ്ലിങ്ങ്‌ ബിഹേ​വി​യർ, സ്‌പ്രിങ്ങ്‌ 1989 പറയുന്നു. ഏകായുധ കൊള്ള​ക്കാർ എന്ന്‌ വിളി​ക്ക​പ്പെ​ടുന്ന ഇത്തരം യന്ത്രങ്ങൾ “ഗൂഢവും പ്രലോ​ഭി​പ്പി​ക്കു​ന്ന​വ​യു​മായ യന്ത്രങ്ങ​ളാണ്‌” എന്ന്‌ ദി ബുസ്സ്‌ പറയുന്നു. “നിങ്ങൾ എത്ര കൂടുതൽ കളിക്കു​ന്നു​വോ അത്രയ​ധി​കം കളിക്കാ​നുള്ള ആഗ്രഹം നിങ്ങൾക്കു​ണ്ടാ​കും.”

യഥാർത്ഥ​ത്തിൽ നിങ്ങൾ ജയിക്കു​ന്ന​തി​നേ​ക്കാൾ അധികം തോൽക്കു​മെന്ന്‌ ഉറപ്പു നൽകുന്ന വിധം അന്തരങ്ങൾ നിറഞ്ഞ ഒരു കളി, അത്‌ എത്രതന്നെ ആകർഷ​ക​മാ​ണെ​ങ്കി​ലും കളിക്കു​ന്ന​തിൽ എന്തെങ്കി​ലും അർത്ഥമു​ണ്ടോ? നിങ്ങളു​ടെ വിജയ സാദ്ധ്യത യംഗ്‌ പീപ്പിൾ നൗ ഇപ്രകാ​രം വിവരി​ച്ചു: “പരിച​യ​ഹീ​നനു യാതൊ​ന്നി​ലും വിജയി​ക്കാ​നുള്ള അവസരം നൽകരുത്‌ എന്നു പഴഞ്ചൊ​ല്ലു പറയുന്നു. ചൂതാട്ട യന്ത്രങ്ങൾ അതു ചെയ്യു​ക​യില്ല. . . . നിങ്ങൾ 10 പൗണ്ട്‌ ഒരു യന്ത്രത്തിൽ ഇട്ടാൽ അത്‌ ശരാശരി 7 പൗണ്ട്‌ പിടി​ച്ചെ​ടു​ക്കു​ക​യും 3 പൗണ്ട്‌ നിങ്ങൾക്കു തിരികെ തരിക​യും ചെയ്യും.”

യുവജ​ന​ങ്ങ​ളു​ടെ​മേൽ ചൂതാ​ട്ട​ത്തി​നുള്ള ഫലത്തെ​പ്പ​ററി ഗവേഷണം നടത്തുന്ന മാർക്ക്‌ ഗ്രിഫിത്സ്‌ ഇപ്രകാ​രം അഭി​പ്രാ​യ​പ്പെ​ടു​ന്ന​തിൽ അത്ഭുത​മില്ല: “ചൂതാട്ട യന്ത്രത്തിൽനി​ന്നു പണം ഉണ്ടാക്കാ​നുള്ള ഒരേ​യൊ​രു മാർഗ്ഗം ഒരു യന്ത്രം സ്വന്തമാ​ക്കുക എന്നതാണ്‌.” ഇത്ര ഫലശൂ​ന്യ​മായ പ്രവർത്ത​ന​ത്തിൽ ഉൾപ്പെ​ടു​ന്നത്‌ വിവേ​ക​പൂർവ​ക​മാ​ണെന്നു നിങ്ങൾക്കു തോന്നു​ന്നു​ണ്ടോ?

എന്നിരു​ന്നാ​ലും, ഈ യന്ത്രങ്ങൾ, നിങ്ങൾ കൂടുതൽ കളിക്കു​ന്ന​തി​നു​വേണ്ടി നിങ്ങളെ കുരു​ക്കു​ന്ന​തി​നാ​യി ബുദ്ധി​പൂർവം സംവി​ധാ​നം ചെയ്‌തി​രി​ക്കു​ന്ന​വ​യാണ്‌. എങ്ങനെ? ജയിച്ച നിരമാ​ത്രം കാണി​ക്കു​ന്ന​തി​നു പകരം മൂന്നു നിര ചിഹ്നങ്ങൾ കാണി​ക്കു​ന്ന​തി​നാൽ! യംഗ്‌ പീപ്പിൾ നൗ വിശദീ​ക​രി​ക്കു​ന്നു: “സമ്മാന​ത്തുക ലഭിക്കുന്ന നിരയു​ടെ മുകളി​ല​ത്തേ​യും താഴ​ത്തേ​യും നിരകൾ കാണി​ക്കു​ന്നത്‌ കളിക്കാ​രിൽ അവർ ‘അൽപ്പത്തി​നാണ്‌ തോറ​റത്‌’ എന്ന ഒരു മിഥ്യാ​ബോ​ധം ഉണർത്തു​വാ​നും അങ്ങനെ ഒരു ശ്രമം കൂടി നടത്തു​വാൻ അവരെ പ്രോ​ത്സാ​ഹി​പ്പി​ക്കു​വാ​നു​മാണ്‌.” ജയത്തിനു വളരെ അടു​ത്തെ​ത്തി​യ​വ​യും രണ്ടു വിജയ ചിഹ്നങ്ങ​ളും മൂന്നാ​മ​തൊ​രു പരാജയ ചിഹ്നവും “വിജയം വളരെ അടുത്തു” എന്നതിന്റെ അടയാ​ള​മാ​യി മിക്ക​പ്പോ​ഴും ചൂതാ​ട്ട​ക്കാ​രൻ വീക്ഷി​ക്കു​ന്നു, അതിനാൽ വീണ്ടും ശ്രമി​ക്കു​ന്ന​തിന്‌ അയാൾ പ്രോ​ത്സാ​ഹി​പ്പി​ക്ക​പ്പെ​ടു​ന്നു—വീണ്ടും, വീണ്ടും, വീണ്ടും.

എന്നാൽ ചൂതാട്ട വ്യവസാ​യ​ത്തി​ന്റെ സ്വഭാവ വിശേ​ഷ​ത​യാണ്‌ ഇത്‌. നിർമ്മാ​താ​ക്കൾ ചൂതാട്ട യന്ത്രങ്ങ​ളും ചൂതാട്ട കളിക​ളും സംവി​ധാ​നം ചെയ്യു​ന്നത്‌ നിങ്ങൾക്കു നഷ്ടപ്പെട്ടു എന്നു തോന്നു​ന്ന​തി​നു പകരം അൽപ്പത്തി​നു പോയി എന്ന ഒരു മിഥ്യാ​ബോ​ധം നിങ്ങളിൽ ഉളവാ​ക്കുന്ന വിധത്തി​ലാണ്‌! നിങ്ങൾ വിജയ​ത്തി​നു അടു​ത്തെത്തി! “ജയത്തോ​ടു” വളരെ അടു​ത്തെ​ത്തി​യ​തി​നാൽ ലഭിക്കുന്ന ആവേശം കളി തുടരാൻ നിങ്ങളെ പരുവ​പ്പെ​ടു​ത്തു​ന്നു. മിന്നി​പ്പൊ​ലി​യുന്ന വിളക്കു​ക​ളും മാസ്‌മ​രി​ക​മായ ശബ്ദഘോ​ഷ​ങ്ങ​ളും ഇതോടു ചേരു​മ്പോൾ കളിക്കാ​നാ​യി നിങ്ങളെ വശീക​രി​ക്കു​വാൻ ഉപയോ​ഗി​ക്കുന്ന ശക്തമായ മാനസ്സിക സമ്മർദ്ദ​ങ്ങ​ളെ​ക്കു​റി​ച്ചു നിങ്ങൾക്കു കുറെ ധാരണ ലഭിക്കു​വാൻ തുടങ്ങു​ന്നു—വീണ്ടും കളിക്കാൻ—വീണ്ടും നഷ്ടപ്പെ​ടാൻ.

ശരിയായ തീരു​മാ​നം എടുക്കുക

ചൂതാ​ട്ട​ത്തിന്‌ അടിമ​യാ​യി​ത്തീ​രുന്ന ഒരു ചൂതാ​ട്ട​ക്കാ​ര​നാ​കാ​തി​രി​ക്കാൻ ഏററവും നല്ല മാർഗ്ഗം ഒന്നാമ​തു​തന്നെ ചൂതാ​ട്ടത്തെ ഒഴിവാ​ക്കുക എന്നാണ്‌. അതിനെ അതിന്റെ എല്ലാ രൂപങ്ങ​ളി​ലും ഒഴിവാ​ക്കുക, ഇതിൽ ചെറിയ തുകക്ക്‌ പന്തയം വെക്കു​ന്ന​തും ഉൾപ്പെ​ടു​ന്നു. ജീവി​ത​കാ​ലം മുഴുവൻ നിൽക്കുന്ന ചൂതാട്ട സ്വഭാ​വ​ങ്ങ​ളിൽ അനേക​വും തുടങ്ങു​ന്നത്‌ ചെറിയ നാണയ​ങ്ങ​ളിൽ തുടങ്ങുന്ന ചൂതു​ക​ളി​യിൽ നിന്നാണ്‌. ചൂതു കളിക്കാ​നുള്ള അവസരം ലഭിക്കു​ന്നു​വെ​ങ്കിൽ, യേശു​ക്രി​സ്‌തു മത്തായി 7:17-ൽ പറഞ്ഞ തത്വം പരിചി​ന്തി​ക്കുക: “നല്ല വൃക്ഷം ഒക്കെയും നല്ല ഫലം കായ്‌ക്കു​ന്നു; ആകാത്ത വൃക്ഷമോ ആകാത്ത ഫലം കായ്‌ക്കു​ന്നു.”

ഇതേക്കു​റി​ച്ചു ചിന്തി​ക്കുക: ജനങ്ങളു​ടെ ജീവി​ത​ത്തിൽ ചൂതാട്ടം യഥാർത്ഥ​ത്തിൽ എന്തുള​വാ​ക്കു​ന്നു? ദൈവാ​ത്മാ​വി​ന്റെ ഫലങ്ങളായ സന്തോഷം, സമാധാ​നം, ആത്മനി​യ​ന്ത്രണം തുടങ്ങി​യവ വികസി​പ്പി​ക്കാൻ ഒരുവനെ അതു സഹായി​ക്കു​മോ? അതോ സ്‌പർദ്ധ, കോപാ​വേശം, അത്യാ​ഗ്രഹം തുടങ്ങി​യ​വ​യാ​ണോ അത്‌ ഉൽപാ​ദി​പ്പി​ക്കു​ന്നത്‌? (ഗലാത്യർ 5:19-23) ഓർമ്മി​ക്കുക, അത്യാ​ഗ്രഹം ദൈവ​ത്താൽ കുററം വിധി​ക്ക​പ്പെ​ടു​ന്ന​താണ്‌. കേവലം ഒരു അത്യാ​ഗ്രഹ പ്രവൃ​ത്തിക്ക്‌ ദൈവ​ദൃ​ഷ്ടി​യിൽ നിങ്ങളെ കുററ​ക്കാ​ര​നാ​ക്കാൻ കഴിയും. ചൂതാ​ട്ട​ക്കാർ ക്രിസ്‌തീയ യുവജ​ന​ങ്ങൾക്കു ചേരുന്ന സഹവാസം ആയിരി​ക്കു​മോ എന്നു നിങ്ങ​ളോ​ടു തന്നെ ചോദി​ക്കുക. (1 കൊരി​ന്ത്യർ 15:33) “സർവ​ലോ​ക​വും ദുഷ്ടന്റെ അധീന​ത​യിൽ കിടക്കു​ന്നു” എന്ന്‌ ഓർമ്മി​ക്കുക. (1 യോഹ​ന്നാൻ 5:19) പിശാ​ചായ സാത്താന്റെ ഉദ്ദേശ്യ​ങ്ങൾക്കാ​യല്ലേ സ്‌പഷ്ട​മാ​യി ചൂതാട്ടം പ്രവർത്തി​ക്കു​ന്നത്‌? അതിനാൽ അതിൽ അകപ്പെ​ടു​വാൻ എന്തിനു വശീക​രി​ക്ക​പ്പെ​ടണം?

അയർല​ണ്ടി​ന്റെ ദേശീയ ഭാഗ്യ​ക്കു​റി ആദ്യമാ​യി അവതരി​പ്പി​ക്ക​പ്പെ​ട്ട​പ്പോൾ മണ്ടൻമാ​രു​ടെ മേലുള്ള നികുതി എന്ന പേർ അതിനു പെട്ടെന്നു ലഭിച്ചു! ഇതിൽ വിശദീ​ക​രണം അടങ്ങി​യി​രി​ക്കു​ന്നു! ഒരു വിഡ്‌ഢി​യെന്നു കരുത​പ്പെ​ടാ​നും ചൂതാ​ട്ട​ക്കാ​രന്റെ സ്വപ്‌ന​ലോ​ക​ത്തി​ലേക്കു വശീക​രി​ക്ക​പ്പെട്ട്‌ ആവശ്യ​മാ​യി​രി​ക്കുന്ന പണം കൊള്ള​യ​ടി​ക്ക​പ്പെ​ടാ​നും ആരാണ്‌ ആഗ്രഹി​ക്കുക? ഭാഗ്യ​വ​ശാൽ, (ആരംഭ​ത്തിൽ സൂചി​പ്പി​ക്ക​പ്പെട്ട) ആൻഡ്രു​വും ജൂലി​യ​നും കാല​ക്ര​മ​ത്തിൽ ചൂതാട്ടം വിഡ്‌ഢി​ക​ളടെ ഒരു കളിയാണ്‌ എന്നു കണ്ടെത്തി. അതിന്റെ അപകടങ്ങൾ അവർ വ്യക്തമാ​യി കാണു​ക​യും അതിനെ ഒഴിവാ​ക്കു​ക​യും ചെയ്യുന്നു. അവർ പറയുന്നു: “ഏതായാ​ലും, നിങ്ങളു​ടെ പണം ചൂതാട്ടം നടത്തി കളയു​ന്ന​തി​നേ​ക്കാൾ വളരെ അധികം പ്രയോ​ജ​ന​ക​ര​മായ കാര്യങ്ങൾ ജീവി​ത​ത്തിൽ ചെയ്യാ​നുണ്ട്‌.” (g91 11/8)

[26-ാം പേജിലെ ചിത്രം]

വളരെ ചെറിയ തുകക്കുള്ള ചൂതാ​ട്ട​ത്തി​നു​പോ​ലും ഒരുവനെ കുരു​ക്കാൻ കഴിയും