ബൈബി​ളി​ന്റെ വീക്ഷണം

സ്വർഗ​ത്തിൽ പോകു​ന്ന​താർ?

ഒരു ഭീകരന്റെ ബോംബ്‌, പറക്കുന്ന ഒരു വിമാ​നത്തെ തരിപ്പ​ണ​മാ​ക്കു​ന്നു. യാത്ര​ക്കാ​രെ​ല്ലാം കൊല്ല​പ്പെ​ടു​ന്നു. പ്രിയ​പ്പെ​ട്ട​വരെ ഇപ്പോൾ സ്വർഗ​ത്തി​ലേക്ക്‌ എടുത്തി​രി​ക്കു​ക​യാ​ണെന്ന്‌ ഇരകളു​ടെ ബന്ധുക്ക​ളോ​ടും സുഹൃ​ത്തു​ക്ക​ളോ​ടും പറയുന്നു, അകാല​വും ക്രൂര​വു​മായ മരണത്തിന്‌ ഒരു പരിഹാ​ര​മെ​ന്ന​പോ​ലെ.

പ്രസി​ദ്ധ​നാ​യ ഒരു സംഗീ​തജ്ഞൻ മരിക്കു​മ്പോൾ അദ്ദേഹം ‘സ്വർഗ​ത്തിൽ ദൂതൻമാ​രോ​ടൊ​പ്പം കാഹള​മൂ​തു​ന്ന​താ​യി’ പറയ​പ്പെ​ടു​ന്നു.

രോഗ​വും പട്ടിണി​യും അപകട​ങ്ങ​ളും കുഞ്ഞു​ങ്ങ​ളു​ടെ മുഴു ജീവി​ത​വും കവർന്നെ​ടു​ക്കു​ന്നു. പുരോ​ഹി​തൻമാർ പറയു​ന്ന​തോ, അവർ ഇപ്പോൾ സ്വർഗീയ പരമാ​നന്ദം ആസ്വദി​ക്കു​ക​യാ​ണെന്ന്‌, ഒരുപക്ഷേ മാലാ​ഖ​മാ​രാ​യി​പ്പോ​ലും കഴിയു​ക​യാ​ണെന്ന്‌!

സ്വർഗീയ സമാധാ​ന​ത്തിൽ തന്റെയ​ടു​ത്തേക്ക്‌ എല്ലാവ​രെ​യും എടുത്തു​കൊ​ണ്ടാ​ണോ ദൈവം യുവാ​ക്ക​ളും പ്രായ​മാ​യ​വ​രും അനുഭ​വിച്ച അനീതി​ക്കു പരിഹാ​രം കാണു​ന്നത്‌? മനുഷ്യ​വർഗ​ത്തി​ലെ നല്ലവരും ശ്ലാഘ്യ​രു​മായ എല്ലാവ​രെ​യും സംരക്ഷി​ക്കു​ന്ന​തി​നുള്ള ദൈവ​ത്തി​ന്റെ മാർഗം മാത്ര​മാ​ണോ സ്വർഗീയ പ്രവേ​ശനം? ബൈബി​ളി​ന്റെ വീക്ഷണം എന്താണ്‌?

സ്വർഗ​ത്തി​ലി​ല്ലാ​ത്തവർ

ബൈബി​ളി​ന്റെ പ്രസ്‌താ​വന വ്യക്തമാണ്‌: “അന്യായം ചെയ്യു​ന്നവർ ദൈവ​രാ​ജ്യം അവകാ​ശ​മാ​ക്കു​ക​യില്ല എന്നു അറിയു​ന്നി​ല്ല​യോ?” (1 കൊരി​ന്ത്യർ 6:9) എന്നിരു​ന്നാ​ലും, സ്വർഗം അവകാ​ശ​മാ​ക്കു​ക​യി​ല്ലാത്ത അനേകം നീതി​മാൻമാ​രെ​ക്കു​റി​ച്ചും അനീതി​ക്കി​ര​യാ​യ​വ​രെ​ക്കു​റി​ച്ചും ബൈബിൾ സംസാ​രി​ക്കു​ന്നു.

ഉടൻതന്നെ രക്തസാ​ക്ഷി​യാ​കു​മാ​യി​രുന്ന സ്‌നാപക യോഹ​ന്നാ​നെ​ക്കു​റിച്ച്‌ യേശു​തന്നെ ഇപ്രകാ​രം പറഞ്ഞു: “സ്‌ത്രീ​ക​ളിൽനി​ന്നു ജനിച്ച​വ​രിൽ യോഹ​ന്നാൻസ്‌നാ​പ​ക​നെ​ക്കാൾ വലിയവൻ ആരും എഴു​ന്നേ​റ​റി​ട്ടില്ല; സ്വർഗ്ഗ​രാ​ജ്യ​ത്തിൽ ഏററവും ചെറി​യ​വ​നോ അവനി​ലും വലിയവൻ എന്നു ഞാൻ സത്യമാ​യി​ട്ടു നിങ്ങ​ളോ​ടു പറയുന്നു.” (മത്തായി 11:11) കുട്ടി​യാ​യി​രുന്ന യേശു​വി​നെ നശിപ്പി​ക്കാ​നുള്ള ശ്രമത്തിൽ ബേത്‌ല​ഹേ​മി​ലും അതിന്റെ ജില്ലക​ളി​ലു​മുള്ള രണ്ടും അതിനു താഴെ​യും വയസ്സു​ണ്ടാ​യി​രുന്ന എല്ലാ ആൺകു​ട്ടി​ക​ളെ​യും ദുഷ്ട രാജാ​വായ ഹെരോദ്‌ നിർദയം കൊല​ചെ​യ്‌തു. (മത്തായി 2:16) എന്നിട്ടും യേശു പറഞ്ഞു: “സ്വർഗ്ഗ​ത്തിൽ നിന്ന്‌ ഇറങ്ങിവന്ന മനുഷ്യ​പു​ത്ര​ന​ല്ലാ​തെ [യേശു] ഒരു മനുഷ്യ​നും [സ്‌ത്രീ​യും കുട്ടി​യും] സ്വർഗ്ഗ​ത്തി​ലേക്കു കയറി​പ്പോ​യി​ട്ടില്ല.” (യോഹ​ന്നാൻ 3:13, NW) അനീതി​യു​ടെ ഈ ഇരകൾ സ്വർഗ​ത്തി​ലു​ള്ള​താ​യി യേശു പറയാ​ഞ്ഞ​തെ​ന്തു​കൊ​ണ്ടാണ്‌?

യേശു വഴി തുറന്നു

യേശു തന്നെത്തന്നെ “വഴിയും സത്യവും ജീവനും” എന്നു വിളിച്ചു. “നിദ്ര​കൊ​ണ്ട​വ​രിൽ ആദ്യഫല”മെന്ന്‌ അപ്പോ​സ്‌ത​ല​നായ പൗലോസ്‌ യേശു​വി​നെ പരാമർശി​ച്ചു. (യോഹ​ന്നാൻ 14:6; 1 കൊരി​ന്ത്യർ 15:20) അതിന്റെ ഫലമായി, ആർക്കും സ്വർഗ​ത്തിൽ അവനു മുമ്പായി പോകാൻ കഴിയു​മാ​യി​രു​ന്നില്ല. എന്നാൽ പുനരു​ത്ഥാ​ന​ശേഷം ഏതാണ്ട്‌ 40 ദിവസം കഴിഞ്ഞ്‌ യേശു സ്വർഗാ​രോ​ഹണം ചെയ്‌ത​പ്പോൾ അതി​നോ​ടകം മരിച്ചു​പോ​യി​രുന്ന യോഗ്യ​ത​യുള്ള വിശ്വ​സ്‌ത​രായ മനുഷ്യർ അവന്റെ പിന്നാലെ സ്വർഗ​ത്തി​ലേക്ക്‌ എടുക്ക​പ്പെ​ട്ടോ? ഏതാണ്ട്‌ പത്തു ദിവസ​ങ്ങൾക്കു​ശേഷം അപ്പോ​സ്‌ത​ല​നായ പത്രോസ്‌ ദാവീദ്‌ രാജാ​വി​നെ​ക്കു​റിച്ച്‌ ഇപ്രകാ​രം പറഞ്ഞു: “അവൻ മരിച്ചു അടക്ക​പ്പെട്ടു . . . അവന്റെ കല്ലറ ഇന്നുവരെ നമ്മുടെ ഇടയിൽ ഉണ്ടല്ലോ. . . . ദാവീദ്‌ സ്വർഗ്ഗാ​രോ​ഹണം ചെയ്‌തി​ല്ല​ല്ലോ.”—പ്രവൃ​ത്തി​കൾ 2:29, 34.

അതു​കൊണ്ട്‌, ഒരുവൻ അനുഭ​വി​ക്കുന്ന അനീതി​കൾക്കു നഷ്ടപരി​ഹാ​ര​മാ​യോ വ്യക്തി​ക​ളു​ടെ വിശ്വ​സ്‌ത​ത​യ്‌ക്കു കേവലം പ്രതി​ഫ​ല​മാ​യോ അല്ല ആളുകൾ സ്വർഗ​ത്തിൽ പ്രവേ​ശി​ക്കു​ന്നത്‌, അതില​ധി​കം ഉൾപ്പെ​ടു​ന്നു. അത്‌ സ്വർഗ​ത്തിൽ സ്ഥാപി​ത​മാ​യി​രി​ക്കുന്ന ഭരണസം​ഘ​ത്തി​ന്റെ രൂപീ​ക​ര​ണ​ത്തിന്‌ ഇടയാ​ക്കു​ന്നു. ക്രിസ്‌തു​വി​ന്റെ മാർഗ​നിർദേ​ശ​ത്തിൻ കീഴി​ലുള്ള, പരിശു​ദ്ധാ​ത്മാ​വി​നാൽ അഭി​ഷേകം ചെയ്യപ്പെട്ട, മനുഷ്യ പ്രതി​നി​ധി​ക​ളു​ടെ ഒരു സംഖ്യ ഉൾപ്പെ​ട്ട​താണ്‌ ഈ ഭരണസം​ഘം.—റോമർ 8:15-17; വെളി​പ്പാ​ടു 14:1-3.

ഒരു സ്വർഗീയ രാജ്യം

യേശു ഈ ഭരണാ​ധി​പ​ത്യ​ത്തെ അഥവാ ഗവൺമെൻറി​നെ “സ്വർഗ്ഗ​രാ​ജ്യം” അഥവാ “ദൈവരാ”ജ്യം എന്നു പരാമർശി​ച്ചു. (മത്തായി 5:3, 20; ലൂക്കൊസ്‌ 7:28) ഈ ഭരണസം​ഘ​ത്തിൽ വൻ മനുഷ്യ​വർഗ സമൂഹ​ങ്ങളെ ഉൾപ്പെ​ടു​ത്താൻ ഉദ്ദേശി​ച്ചി​രു​ന്നില്ല. അതു​കൊണ്ട്‌ യേശു അതിനെ ഒരു “ചെറിയ ആട്ടിൻകൂ”ട്ടം (little flock) ആയി പരാമർശി​ച്ചു. (ലൂക്കൊസ്‌ 12:32) മൂലഭാ​ഷ​യിൽ ബൈബി​ളി​ന്റെ ഈ ഭാഗത്തു​പ​യോ​ഗി​ച്ചി​രി​ക്കുന്ന “ചെറിയ” (മൈ​ക്രൊസ്‌) എന്ന പദം വലിയ (മെഗാസ്‌) എന്ന പദത്തിന്റെ വിപരീ​ത​മാണ്‌. ലൂക്കൊസ്‌ 12:32-ലെ അതിന്റെ പ്രയോ​ഗം അളവിനെ അഥവാ കുറഞ്ഞ എണ്ണത്തെ പരാമർശി​ക്കു​ന്നു. അതു​കൊണ്ട്‌, “സ്വർഗ്ഗ​രാ​ജ്യ”ത്തിലെ അംഗത്വം ഒരു അനിശ്ചിത എണ്ണം ആളുകൾക്കു​ള്ളതല്ല. ഉദാഹ​ര​ണ​ത്തിന്‌: ഒരു ഗ്ലാസ്സിൽ കുറച്ചു (a little) വെള്ളം പകരാൻ നിങ്ങ​ളോട്‌ ആവശ്യ​പ്പെ​ട്ടാൽ അത്‌ നിറഞ്ഞു​ക​വി​യാ​തി​രി​ക്കാൻ നിങ്ങൾ ശ്രദ്ധി​ക്കും. അതു​പോ​ലെ “ചെറിയ ആട്ടിൻകൂട്ട”ത്തിലും ആളുകൾ നിറഞ്ഞു​ക​വി​യില്ല. ക്രിസ്‌തു​വി​നോ​ടു കൂടെ ഭരിക്കാൻ ദൈവ​രാ​ജ്യ​ത്തിൽ ഒരു നിശ്ചിത (“ചെറിയ”) എണ്ണം സഹഭര​ണാ​ധി​കാ​രി​ക​ളുണ്ട്‌.

ഈ ഭരണാ​ധി​കാ​രി​ക​ളു​ടെ കൃത്യ എണ്ണം അപ്പോ​സ്‌ത​ല​നായ യോഹ​ന്നാ​നു വെളി​പ്പെ​ടു​ത്ത​പ്പെട്ടു. അത്‌ 1,44,000 ആണ്‌. (വെളി​പ്പാ​ടു 14:1, 4) ‘ദൈവ​ത്തി​ന്നു രാജ്യ​വും പുരോ​ഹി​തൻമാ​രും ആകേണ്ട​തി​ന്നു സർവ്വ​ഗോ​ത്ര​ത്തി​ലും ഭാഷയി​ലും വംശത്തി​ലും ജാതി​യി​ലും നിന്നുള്ളവ’രാണെ​ന്നും രാജാ​ക്കൻമാ​രാ​യി സ്വർഗ​ത്തിൽനിന്ന്‌ ഭൂമി​യു​ടെ​മേൽ വാഴേ​ണ്ട​വ​രാ​ണെ​ന്നും വെളി​പ്പാ​ടി​ന്റെ ആദ്യഭാ​ഗത്ത്‌ ഇവരെ​ക്കു​റി​ച്ചു​തന്നെ പറഞ്ഞി​ട്ടുണ്ട്‌. (വെളി​പ്പാ​ടു 5:9, 10) യേശു​ക്രി​സ്‌തു​വി​നോ​ടുള്ള സഹകര​ണ​ത്തിൽ പ്രവർത്തി​ക്കുന്ന ഈ ഭരണസം​ഘം അവൻ തന്റെ അനുഗാ​മി​കളെ പ്രാർഥി​ക്കാൻ പഠിപ്പിച്ച രാജ്യ​മാണ്‌. അത്‌ ഈ ഭൂമി​യി​ലെ ദുർഭ​ര​ണ​ത്തി​ന്റെ കുററി​പ​റി​ക്കു​ക​യും അങ്ങനെ മനുഷ്യ​ഭ​വ​ന​മായ ഭൂമിക്കു നീതി​യും സമാധാ​ന​വും അതിലെ നിവാ​സി​കൾക്കു നിത്യ​ചൈ​ത​ന്യ​വും പുനഃ​സ്ഥാ​പി​ക്കു​ക​യും ചെയ്യുന്ന ഏജൻസി കൂടെ​യാണ്‌.—സങ്കീർത്തനം 37:29; മത്തായി 6:9, 10.

തിര​ഞ്ഞെ​ടു​ക്ക​പ്പെട്ട ഭരണാ​ധി​കാ​രി​ക​ളു​ടെ ഒരു സംഘം

രാജ്യം നീക്കം​ചെ​യ്യുന്ന മനുഷ്യ ഭരണങ്ങൾ അഴിമതി നിറഞ്ഞ​താ​ക​യാൽ സ്വർഗീയ ഗവൺമെൻറിൽ ഉൾപ്പെ​ടു​ന്നവർ ദൈവ​ത്താൽ ശ്രദ്ധാ​പൂർവം തിര​ഞ്ഞെ​ടു​ക്ക​പ്പെ​ടു​ക​യും പരി​ശോ​ധി​ക്ക​പ്പെ​ടു​ക​യും ചെയ്യേ​ണ്ട​തി​ന്റെ ആവശ്യം നമുക്കു കാണാൻ കഴിയു​ന്നി​ല്ലേ? മനുഷ്യ​വർഗ​ത്തി​ന്റെ ഇന്നത്തെ അവസ്ഥയെ മോശ​മായ കാലാ​വ​സ്ഥ​യിൽ കേടുവന്ന ഒരു ജററു​വി​മാ​ന​ത്തിൽ യാത്ര​ചെ​യ്യുന്ന നൂറു​ക​ണ​ക്കി​നു യാത്ര​ക്കാ​രു​ടെ അവസ്ഥ​യോട്‌ ഉപമി​ക്കാ​വു​ന്ന​താണ്‌. നിർണാ​യ​ക​മായ അത്തര​മൊ​രു സാഹച​ര്യ​ത്തിൽ ചെറു​പ്പ​ക്കാ​രും അനുഭ​വ​പ​രി​ച​യ​മി​ല്ലാ​ത്ത​വ​രു​മായ ഒരു വൈമാ​നിക സംഘമു​ണ്ടാ​യി​രി​ക്കാൻ നിങ്ങൾ ആഗ്രഹി​ക്കു​മോ? ഒരിക്ക​ലു​മില്ല! കർശന​മായ യോഗ്യ​ത​ക​ളു​ടെ അടിസ്ഥാ​ന​ത്തിൽ ശ്രദ്ധാ​പൂർവം തിര​ഞ്ഞെ​ടു​ക്ക​പ്പെട്ട ജോലി​ക്കാ​രു​ടെ ഒരു സംഘ​ത്തെ​യാണ്‌ ആ സാഹച​ര്യ​ത്തി​ലാ​വ​ശ്യം.

ക്രിസ്‌തു​യേ​ശു​വി​നോ​ടു​കൂ​ടെ സ്വർഗ​ത്തിൽ സേവി​ക്കു​ന്ന​വ​രെ​ക്കു​റിച്ച്‌ “ദൈവ​മോ തന്റെ ഇഷ്ടപ്ര​കാ​രം അവയവ​ങ്ങളെ ശരീര​ത്തിൽ വെവ്വേ​റാ​യി വെച്ചി​രി​ക്കു​ന്നു” എന്നറി​യു​ന്ന​തിൽ നമുക്ക്‌ ആശ്വസി​ക്കാം. (1 കൊരി​ന്ത്യർ 12:18) രാജ്യ​ത്തിൽ സ്ഥാനം ലഭിക്കു​ന്ന​തി​നു​വേ​ണ്ടി​യുള്ള വ്യക്തി​പ​ര​മായ ആഗ്രഹ​മോ മോഹ​മോ അല്ല നിർണാ​യക ഘടകം. (മത്തായി 20:20-23) യോഗ്യ​ത​യി​ല്ലാ​ത്ത​വ​രു​ടെ പ്രവേ​ശനം തടയാ​നാ​യി ദൈവം വിശ്വാ​സ​ത്തി​ന്റെ​യും നടത്തയു​ടെ​യും പ്രത്യേക നിലവാ​രങ്ങൾ സ്ഥാപി​ച്ചി​ട്ടുണ്ട്‌. (യോഹ​ന്നാൻ 6:44; എഫെസ്യർ 5:5) ക്രിസ്‌തു​വി​ന്റെ സഹഭര​ണാ​ധി​കാ​രി​കൾ ആത്മീയ മനഃസ്ഥി​തി​യും സൗമ്യ​ത​യും നീതി​സ്‌നേ​ഹ​വും കരുണ​യും ഹൃദയ​ശു​ദ്ധി​യും സമാധാ​ന​പ്രി​യ​വും ഉള്ളവർ ആണെന്നു തെളി​യി​ക്കേ​ണ്ട​താ​ണെന്ന്‌ യേശു​വി​ന്റെ ഗിരി​പ്ര​ഭാ​ഷ​ണ​ത്തി​ലെ പ്രാരം​ഭ​വാ​ക്കു​കൾ പ്രകട​മാ​ക്കു​ന്നു.—മത്തായി 5:3-9; ഇതു കൂടെ കാണുക: വെളി​പ്പാ​ടു 2:10.

സന്തോ​ഷ​ക​ര​മെ​ന്നു പറയട്ടെ, ഭരണാ​ധി​കാ​രി​ക​ളു​ടെ ഈ സ്വർഗീയ പ്രതി​നി​ധി സംഘത്തിൽ ഉൾപ്പെ​ടാൻ ദൈവ​ത്താൽ തിര​ഞ്ഞെ​ടു​ക്ക​പ്പെ​ട്ടി​ട്ടി​ല്ലെ​ങ്കി​ലും മനുഷ്യ​വർഗ​ത്തി​ന്റെ വൻ ഭൂരി​പക്ഷം ആശാര​ഹി​തരല്ല. അവർ മനോ​ഹ​ര​മായ ഭൂമിയെ അവകാ​ശ​മാ​ക്കു​ക​യും ദിവ്യ ഭരണത്തി​ന്റെ പ്രയോ​ജ​നങ്ങൾ ആസ്വദി​ക്കു​ക​യും ചെയ്യും. ദൈവ​രാ​ജ്യം അതിന്റെ മുഴു അർഥത്തി​ലും ‘വരുന്നതു’ കാണാൻ അതിജീ​വി​ക്കു​ന്ന​വ​രോ​ടൊ​പ്പം ജീവി​ക്കാൻ ദീർഘ​നാൾ മുമ്പ്‌ അനീതി​ക്കി​ര​യാ​യി മരിച്ച​വ​രും ജീവനി​ലേക്കു തിരി​കെ​വ​രും. അവർക്കാ​യി ഈ വാഗ്‌ദാ​നം പാലി​ക്ക​പ്പെ​ടും: “നേരു​ള്ളവർ ദേശത്തു വസിക്കും; നിഷ്‌ക​ള​ങ്കൻമാർ അതിൽ ശേഷി​ച്ചി​രി​ക്കും.”—മത്തായി 6:9, 10; സദൃശ​വാ​ക്യ​ങ്ങൾ 2:21; പ്രവൃ​ത്തി​കൾ 24:15.