നിശബ്ദ​ത​യിൻ മധ്യേ ഒരു ശബ്ദം

അമ്പതു വർഷം മുമ്പ്‌ ഒരു ഭീകര​രൂ​പി വധിക്ക​പ്പെട്ടു. ഒടുവിൽ ലോകം, നിലം​പൊ​ത്തിയ മൂന്നാം റെയ്‌ക്കി​ന്റെ യവനിക മാറ്റി​യ​പ്പോൾ കണ്ടത്‌ ബീഭത്സ​മായ ഒരു കാഴ്‌ച​യാ​യി​രു​ന്നു. ദുർഗ്രാ​ഹ്യ​മായ ഒരു പേടി​സ്വ​പ്‌നം പോലുള്ള ഒന്ന്‌. ഭീകര​രൂ​പി​യായ ഒരു വധയ​ന്ത്ര​ത്തി​ന്റെ ഭീതി​ദ​മായ അവശി​ഷ്ട​ങ്ങ​ളിൽ നിശബ്ദ ഭീതി​യോ​ടെ തുറി​ച്ചു​നോ​ക്കി​നിൽക്കാ​നേ സൈനി​കർക്കും സാധാ​ര​ണ​ക്കാർക്കും കഴിഞ്ഞു​ള്ളൂ.

ഈ വർഷാ​രം​ഭ​ത്തിൽ ആയിര​ക്ക​ണ​ക്കി​നാ​ളു​കൾ വിജന​മായ നിലങ്ങ​ളിൽകൂ​ടി നിശബ്ദം നടന്നു​കൊണ്ട്‌, തടങ്കൽപ്പാ​ള​യ​ങ്ങളെ തുറന്നു​വി​ട്ട​തി​ന്റെ 50-ാം വാർഷി​കം ആഘോ​ഷി​ക്കു​ക​യു​ണ്ടാ​യി. ആ കുറ്റകൃ​ത്യ​ത്തി​ന്റെ ആഴം എത്രയു​ണ്ടെ​ന്ന​റി​യാൻ അവർ നന്നേ പാടു​പെട്ടു. എന്തിന്‌, ഓഷ്‌വി​റ്റ്‌സി​ലെ മരണപാ​ള​യ​ത്തിൽ മാത്രം ഏതാണ്ട്‌ 15,00,000 ആളുകൾ കൊല്ല​പ്പെട്ടു! അതു മൗനമ​വ​ലം​ബി​ക്കാ​നുള്ള ഒരു സമയമാ​യി​രു​ന്നു, മനുഷ്യൻ മനുഷ്യ​നോ​ടു കാട്ടിയ മനുഷ്യ​ത്വ​മി​ല്ലാ​യ്‌മ​യെ​ക്കു​റി​ച്ചു ചിന്തി​ക്കാ​നുള്ള ഒരു സമയമാ​യി​രു​ന്നു. തുടർച്ച​യായ ചോദ്യ​ങ്ങൾ തണുത്തു​റഞ്ഞ അടുപ്പു​ക​ളി​ലും ശൂന്യ​മായ ബാരക്കു​ക​ളി​ലും അനക്കം​ത​ട്ടാ​തെ കുന്നു​കൂ​ടി​ക്കി​ട​ക്കുന്ന ഷൂസ്‌ കൂമ്പാ​ര​ങ്ങ​ളി​ലും വന്നലച്ച്‌ മാറ്റൊ​ലി​ക്കൊ​ണ്ടു.

ഇന്നു ഭീതി​യുണ്ട്‌; ഉഗ്ര​കോ​പ​മുണ്ട്‌. ലക്ഷക്കണ​ക്കി​നാ​ളു​കൾ ആസൂ​ത്രി​ത​മാ​യി വധിക്ക​പ്പെട്ട കൂട്ട​ക്കൊല വെളി​പ്പെ​ടു​ത്തു​ന്നത്‌ എന്തൊരു ഭീകര തിന്മയാ​യി​രു​ന്നു നാസിസം എന്നാണ്‌. എന്നാൽ ആ കാലത്തെ സംബന്ധി​ച്ചോ? ആരാണു തുറന്നു പറഞ്ഞത്‌? ആരാണു മൗനം​പാ​ലി​ച്ചത്‌?

ആളുകളെ കൂട്ടക്കു​രു​തി ചെയ്‌ത​തി​നെ​ക്കു​റി​ച്ചുള്ള ആദ്യ വാർത്ത അനേകർ അറിയു​ന്ന​തു​തന്നെ രണ്ടാം ലോക​മ​ഹാ​യു​ദ്ധം അവസാ​നി​ക്കാ​റായ സമയത്തു മാത്ര​മാ​യി​രു​ന്നു. അമ്പതു വർഷം മുമ്പ്‌—അന്ധകാ​ര​ത്തിൻമ​ധ്യേ​യുള്ള വിപ്ലവം (ഇംഗ്ലീഷ്‌) എന്ന പുസ്‌തകം ഇങ്ങനെ വിശദീ​ക​രി​ക്കു​ന്നു: “സഖ്യക​ക്ഷി​കൾ 1944-ലും 1945-ലും കൊല​ക്ക​ള​ങ്ങ​ളും പാളയ​ങ്ങ​ളും തുറന്നു​വി​ട്ട​പ്പോൾ എടുത്ത നിശ്ചല ചിത്ര​ങ്ങ​ളും ലഘുഫി​ലി​മു​ക​ളു​മാണ്‌ ആ ഞെട്ടി​ക്കുന്ന യാഥാർഥ്യ​ത്തെ പൊതു​ജ​ന​ശ്ര​ദ്ധ​യിൽ കൊണ്ടു​വ​ന്നത്‌, പ്രത്യേ​കി​ച്ചു പാശ്ചാത്യ ലോക​ത്തിൽ.”

എന്നാൽ, മരണപാ​ള​യങ്ങൾ നിർമി​ക്കു​ന്ന​തി​നു മുമ്പു​പോ​ലും ഒരു ശബ്ദം നാസി​സ​ത്തി​ന്റെ അപകട​ങ്ങ​ളെ​ക്കു​റി​ച്ചു പ്രഖ്യാ​പി​ച്ചു​കൊ​ണ്ടി​രു​ന്നു. അത്‌ നിങ്ങളി​പ്പോൾ കയ്യിൽ പിടി​ച്ചി​രി​ക്കുന്ന ഈ മാസി​ക​യാണ്‌—ഉണരുക! ആദ്യം സുവർണ്ണ​യു​ഗം എന്നറി​യ​പ്പെ​ട്ടി​രുന്ന അതിനെ 1937-ൽ ആശ്വാസം എന്നു പുനർനാ​മ​ക​രണം ചെയ്‌തു. യഹോ​വ​യു​ടെ സാക്ഷികൾ പ്രസി​ദ്ധീ​ക​രിച്ച ഈ മാസി​കകൾ 1929 തൊട്ട്‌ ധൈര്യ​സ​മേതം നാസി​സ​ത്തി​ന്റെ അപകട​ങ്ങ​ളെ​ക്കു​റി​ച്ചു മുന്നറി​യി​പ്പു മുഴക്കി. അങ്ങനെ, അത്‌ “വസ്‌തു​ത​യു​ടെ​യും പ്രത്യാ​ശ​യു​ടെ​യും ധീരത​യു​ടെ​യും ഒരു പത്രിക” എന്ന പുറം​പേ​ജി​ലെ അതിന്റെ പ്രഖ്യാ​പ​ന​ത്തോ​ടു യോജി​പ്പിൽ നില​കൊ​ണ്ടു.

1939-ൽ ആശ്വാസം ഇങ്ങനെ ചോദി​ച്ചു: “എല്ലാ വീടു​ക​ളും, വൃദ്ധർക്കും ദരി​ദ്രർക്കും അഗതി​കൾക്കു​മുള്ള സ്ഥാപന​ങ്ങ​ളും ആശുപ​ത്രി​ക​ളും, കുട്ടി​കൾക്കു വേണ്ടി​യുള്ള എല്ലാ അനാഥാ​ല​യ​ങ്ങ​ളും, നശിപ്പി​ക്ക​പ്പെ​ടു​ക​യും . . . ഒരൊറ്റ സമയത്തു​തന്നെ 40,000 നിർദോ​ഷി​കൾ അറസ്റ്റു ചെയ്യ​പ്പെ​ടു​ക​യും അവരിൽ 70 പേർ ഒരു ജയിലിൽവെച്ച്‌ ഒറ്റ രാത്രി​യിൽതന്നെ വധിക്ക​പ്പെ​ടു​ക​യും ചെയ്‌ത ജർമനി പോലുള്ള ഒരു ദേശത്തെ ക്രൂര​തകൾ സംബന്ധിച്ച്‌ ഒരുവന്‌ എങ്ങനെ നിശബ്ദ​നാ​യി​രി​ക്കാൻ കഴിയും?”

വാസ്‌ത​വ​ത്തിൽ, ഒരുവന്‌ എങ്ങനെ നിശബ്ദ​നാ​യി​രി​ക്കാൻ കഴിയും? ജർമനി​യിൽനി​ന്നും അത്‌ അധിനി​വേ​ശ​പ്പെ​ടു​ത്തിയ സ്ഥലങ്ങളിൽനി​ന്നും അൽപ്പാൽപ്പ​മാ​യി കിട്ടി​ക്കൊ​ണ്ടി​രുന്ന ഭീതി​ദ​മായ റിപ്പോർട്ടു​കൾ സംബന്ധി​ച്ചു ലോകം പൊതു​വേ അജ്ഞതയോ സംശയ​മോ പ്രകടി​പ്പി​ച്ച​പ്പോൾ, യഹോ​വ​യു​ടെ സാക്ഷി​കൾക്കു നിശബ്ദ​രാ​യി​രി​ക്കാൻ കഴിഞ്ഞില്ല. നാസി ഭരണത്തി​ന്റെ ക്രൂര​തകൾ അവർ നേരി​ട്ട​റി​ഞ്ഞി​രു​ന്നു, അതു​കൊ​ണ്ടു​തന്നെ തുറന്നു പറയാൻ അവർ ഭയപ്പെ​ട്ടു​മില്ല.

[3-ാം പേജിലെ ചിത്ര​ത്തിന്‌ കടപ്പാട്‌]

U.S. National Archives photo