ആത്മമണ്ഡ​ല​ത്തിൽ ജീവി​ക്കു​ന്ന​താർ?

ലോകം മതവി​ശ്വാ​സ​ങ്ങ​ളു​ടെ​യും വിശ്വാ​സ​സം​ഹി​ത​ക​ളു​ടെ​യും ഒരു “കേളീ​രംഗ”മായി​ത്തീർന്നി​രി​ക്കു​ന്നു. ആഫ്രി​ക്ക​യിൽ മാത്രം ആയിര​ക്ക​ണ​ക്കി​നു മതവി​ഭാ​ഗങ്ങൾ ഉണ്ട്‌. ആത്മമണ്ഡ​ല​ത്തിൽ എന്തു നടക്കു​ന്നു​വെ​ന്നതു സംബന്ധിച്ച്‌ ഓരോ​ന്നി​നും സ്വന്തം അഭി​പ്രാ​യ​ങ്ങ​ളാ​ണു​ള്ളത്‌. എന്നാൽ വ്യക്തവും സത്യസ​ന്ധ​വു​മായ ഒരു കാഴ്‌ച​പ്പാ​ടു ലഭിക്കു​ന്ന​തി​നു നാം ബൈബി​ളി​ലേക്കു നോ​ക്കേ​ണ്ട​തുണ്ട്‌. ആത്മമണ്ഡ​ല​ത്തിൽ ജീവി​ക്കുന്ന നല്ലവരും മോശ​ക്കാ​രു​മായ ആത്മാക്കളെ അതു തിരി​ച്ച​റി​യി​ക്കു​ന്നു. സഹായ​ത്തി​നും സംരക്ഷ​ണ​ത്തി​നു​മാ​യി നമുക്കു വിജയ​പ്ര​ദ​മാ​യി അപേക്ഷി​ക്കാ​വു​ന്നത്‌ ആരോ​ടാ​ണെ​ന്നും അതു പ്രകട​മാ​ക്കു​ന്നു.

യഹോവ, സർവശ​ക്ത​നാം ദൈവം

പൂർവി​ക​രു​ടെ​യും ദേവന്മാ​രു​ടെ​യും മേൽ അധ്യക്ഷത വഹിക്കു​ന്നതു സർവശ​ക്ത​നായ ഒരു ദൈവ​മാ​ണെന്ന്‌ ആഫ്രി​ക്ക​യി​ലെ പരമ്പരാ​ഗ​ത​മതം പഠിപ്പി​ക്കു​ന്നു. ആഫ്രിക്കൻ പുരാണം (ഇംഗ്ലീഷ്‌) എന്ന പുസ്‌തകം പ്രസ്‌താ​വി​ക്കു​ന്നു: “എല്ലാവ​രു​മ​ല്ലെ​ങ്കി​ലും മിക്ക ആഫ്രി​ക്ക​ക്കാ​രും പരമോ​ന്ന​ത​നായ ഒരുവ​നിൽ, എല്ലാറ്റി​ന്റെ​യും സ്രഷ്ടാ​വാ​യ​വ​നിൽ വിശ്വ​സി​ക്കു​ന്നു​വെ​ന്ന​തിൽ സംശയ​മില്ല.” ആഫ്രിക്കൻ മതം ആഫ്രിക്കൻ പാണ്ഡി​ത്യ​ത്തിൽ (ഇംഗ്ലീഷ്‌) എന്ന പുസ്‌തകം പറയുന്നു: “പ്രപഞ്ച​ത്തി​ന്മേൽ പരിപൂർണ നിയ​ന്ത്ര​ണ​മു​ള്ളവൻ ദൈവ​മാ​യ​തി​നാൽ, മറ്റെല്ലാ വ്യക്തി​ക​ളും സമസ്‌ത ശക്തിയും അവൻ മുഖാ​ന്തരം നിലനിൽക്കു​ന്നു. പരിപൂർണ അധികാ​ര​വും ശക്തിയും അവനിൽ നിക്ഷി​പ്‌ത​മാ​യി​രി​ക്കു​ന്നു.”

ആത്മമണ്ഡ​ല​ത്തിൽ പരമോ​ന്ന​ത​നാ​യി വാഴുന്ന ഒരുവ​നു​ണ്ടെ​ന്നു​ള്ള​തി​നോ​ടു ബൈബിൾ യോജി​ക്കു​ന്നു. അത്‌ അവനെ​ക്കു​റിച്ച്‌ ഇങ്ങനെ വിവരി​ക്കു​ന്നു: “ദേവാ​ധി​ദൈ​വ​വും കർത്താ​ധി​കർത്താ​വു​മാ​യി വല്ലഭനും ഭയങ്കര​നു​മായ മഹാ​ദൈ​വ​മ​ല്ലോ; അവൻ മുഖം നോക്കു​ന്നില്ല പ്രതി​ഫലം വാങ്ങു​ന്ന​തു​മില്ല.”—ആവർത്ത​ന​പു​സ്‌തകം 10:17.

പരമോ​ന്ന​ത​നാ​യി പരിഗ​ണി​ക്ക​പ്പെ​ടു​ന്ന​വന്‌ ആഫ്രി​ക്ക​യി​ലു​ട​നീ​ളം നൂറു​ക​ണ​ക്കി​നു നാമങ്ങ​ളും സ്ഥാന​പ്പേ​രു​ക​ളും നൽകി​യി​രി​ക്കു​ന്നു. എന്നാൽ, ദിവ്യ​നാ​മം സംബന്ധി​ച്ചു ദൈവ​വ​ചനം എന്തു പറയുന്നു? സങ്കീർത്ത​ന​ക്കാ​രൻ എഴുതി: “യഹോവ എന്നു നാമമുള്ള നീ മാത്രം സർവ്വഭൂ​മി​ക്കും​മീ​തെ അത്യു​ന്നതൻ.” (സങ്കീർത്തനം 83:18) ചില ബൈബിൾ വിവർത്തകർ ഈ നാമത്തി​ന്റെ സ്ഥാനത്ത്‌ “ദൈവം” അല്ലെങ്കിൽ “കർത്താവ്‌” എന്നതു​പോ​ലുള്ള സ്ഥാന​പ്പേ​രു​കൾ ഉപയോ​ഗി​ച്ചി​രി​ക്കു​ന്നു​വെ​ങ്കി​ലും, ബൈബിൾ രേഖയിൽ ഈ പവിത്ര നാമം 7,000-ത്തിലധി​കം പ്രാവ​ശ്യം കാണാം.

യഹോവ സർവശ​ക്ത​നാ​യി​രി​ക്കു​ന്ന​തി​നാൽ അവനു നമ്മെ സഹായി​ക്കാ​നാ​വും. “കരുണ​യും കൃപയു​മു​ള്ളവൻ; ദീർഘ​ക്ഷ​മ​യും മഹാദ​യ​യും വിശ്വ​സ്‌ത​ത​യു​മു​ള്ളവൻ. ആയിരം ആയിര​ത്തി​ന്നു ദയ പാലി​ക്കു​ന്നവൻ; അകൃത്യ​വും അതി​ക്ര​മ​വും പാപവും ക്ഷമിക്കു​ന്നവൻ; കുററ​മു​ള്ള​വനെ വെറു​തെ​വി​ടാ”ത്തവൻ എന്ന്‌ അവൻ തന്നെക്കു​റി​ച്ചു​തന്നെ വർണി​ക്കു​ന്നു.—പുറപ്പാ​ടു 34:6, 7; 1 ശമൂവേൽ 2:6, 7.

ദൂതന്മാർ, ദൈവ​ത്തി​ന്റെ ശക്തരായ ശുശ്രൂ​ഷ​കർ

യഹോവ മനുഷ്യ​രെ സൃഷ്ടി​ക്കു​ന്ന​തി​നു ദീർഘ​നാൾ മുമ്പ്‌, ഭൂമി​യെ​ത്തന്നെ നിർമി​ക്കു​ന്ന​തി​നു മുമ്പ്‌, സ്വർഗ​ത്തിൽ ആത്മവ്യ​ക്തി​കളെ സൃഷ്ടിച്ചു. ദൈവം “ഭൂമിക്കു അടിസ്ഥാ​ന​മി​ട്ട​പ്പോൾ . . . , ദൈവ​പു​ത്ര​ന്മാ​രെ​ല്ലാം [ദൂതന്മാർ] സന്തോ​ഷി​ച്ചാർ”ത്തുവെന്നു ബൈബിൾ പറയുന്നു. (ഇയ്യോബ്‌ 38:4-7) കോടി​ക്ക​ണ​ക്കി​നു ദൂതന്മാ​രുണ്ട്‌. സ്വർഗീയ കാര്യ​ങ്ങ​ളെ​ക്കു​റി​ച്ചുള്ള ഒരു ദർശനത്തെ സംബന്ധിച്ച്‌ യഹോ​വ​യു​ടെ ദാസനായ ദാനീ​യേൽ എഴുതി. ആ ദർശന​ത്തിൽ, “ആയിര​മാ​യി​രം പേർ അവന്നു [ദൈവ​ത്തി​നു] ശുശ്രൂ​ഷചെ”യ്യുന്നതാ​യും “പതിനാ​യി​രം പതിനാ​യി​രം പേർ അവന്റെ മുമ്പാകെ” നിൽക്കു​ന്ന​താ​യും ദാനീ​യേൽ കണ്ടു.—ദാനീ​യേൽ 7:10.

യഹോവ സൃഷ്ടിച്ച ആദ്യത്തെ ആത്മവ്യക്തി യേശു​ക്രി​സ്‌തു എന്ന്‌ അറിയ​പ്പെ​ടാ​നി​ട​യാ​യ​വ​നാ​യി​രു​ന്നു. (യോഹ​ന്നാൻ 17:5; കൊ​ലൊ​സ്സ്യർ 1:15) ഭൂമി​യിൽ ഒരു മനുഷ്യ​നാ​യി ജീവി​ക്കു​ന്ന​തി​നു മുമ്പ്‌, ശക്തനായ ഒരു ആത്മജീ​വി​യെ​ന്ന​നി​ല​യിൽ യേശു സ്വർഗ​ത്തിൽ ജീവി​ച്ചി​രു​ന്നു. മനുഷ്യ​നാ​യി മരിച്ച​ശേഷം, യേശു സ്വർഗ​ത്തി​ലേക്കു പുനരു​ത്ഥാ​നം ചെയ്‌തു. ശക്തനായ ഒരു ആത്മജീ​വി​യെ​ന്ന​നി​ല​യി​ലുള്ള ജീവിതം അവൻ അവിടെ പുനരാ​രം​ഭി​ച്ചു.—പ്രവൃ​ത്തി​കൾ 2:32, 33.

സ്വർഗ​ത്തിൽ യേശു​വി​നു വലിയ അധികാ​ര​മുണ്ട്‌. മീഖാ​യേൽ എന്നും അറിയ​പ്പെ​ടുന്ന യേശു​വി​നെ യൂദാ 9-ൽ, ‘പ്രധാ​ന​ദൂ​തൻ’ എന്നു വിളി​ച്ചി​രി​ക്കു​ന്നു, അവൻ മുഖ്യ​ദൂ​തൻ അല്ലെങ്കിൽ പ്രമു​ഖ​ദൂ​തൻ ആണെന്ന്‌ അത്‌ അർഥമാ​ക്കു​ന്നു. (1 തെസ്സ​ലൊ​നീ​ക്യർ 4:16) ഭൂമി​യു​ടെ​മേ​ലും അവന്‌ അധികാ​ര​മുണ്ട്‌. “സകലവം​ശ​ങ്ങ​ളും ജാതി​ക​ളും ഭാഷക്കാ​രും അവനെ സേവി​ക്കേ​ണ്ട​തി​ന്നു” യഹോവ “അവന്നു ആധിപ​ത്യ​വും മഹത്വ​വും രാജത്വ​വും” നൽകി​യി​രി​ക്കു​ന്നു. (ദാനീ​യേൽ 7:13, 14) വലിയ അധികാ​ര​മു​ണ്ടാ​യി​രു​ന്നി​ട്ടും യേശു തന്റെ പിതാ​വായ യഹോ​വ​യ്‌ക്കു കീഴ്‌പെ​ട്ടി​രി​ക്കു​ന്നു.—1 കൊരി​ന്ത്യർ 11:3.

വിശ്വ​സ്‌ത ദൂതന്മാർ യഹോ​വ​യ്‌ക്കു ശുശ്രൂഷ ചെയ്യ​വേ​തന്നെ ദൈവ​ത്തി​ന്റെ ഭൂമി​യി​ലെ ദാസൻമാർക്കും ശുശ്രൂഷ ചെയ്യുന്നു. അപ്പോ​സ്‌ത​ല​നായ പൗലൊസ്‌ എഴുതി: “അവർ [ദൂതന്മാർ] ഒക്കെയും രക്ഷപ്രാ​പി​പ്പാ​നു​ള്ള​വ​രു​ടെ ശുശ്രൂ​ഷെക്കു അയക്ക​പ്പെ​ടുന്ന സേവകാ​ത്മാ​ക്ക​ള​ല്ല​യോ?” (എബ്രായർ 1:14) ആളുകൾ യഹോ​വ​യെ​ക്കു​റി​ച്ചുള്ള സത്യം പഠിക്കു​ന്ന​തിൽ അവർ വിശേ​ഷാൽ താത്‌പ​ര്യ​മു​ള്ള​വ​രാണ്‌. അപ്പോ​സ്‌ത​ല​നായ യോഹ​ന്നാൻ ദർശന​ത്തിൽ ഒരു “ദൂതൻ ആകാശ​മ​ദ്ധ്യേ പറക്കു​ന്നതു . . . കണ്ടു; ഭൂവാ​സി​ക​ളായ സകലജാ​തി​യും ഗോ​ത്ര​വും ഭാഷയും വംശവും ആയവ​രോ​ടു അറിയി​പ്പാൻ അവന്റെ പക്കൽ ഒരു നിത്യ​സു​വി​ശേഷം ഉണ്ടായി​രു​ന്നു. ദൈവത്തെ ഭയപ്പെട്ടു അവന്നു മഹത്വം കൊടു​പ്പിൻ . . . എന്ന്‌ അവൻ അത്യു​ച്ച​ത്തിൽ പറഞ്ഞു​കൊ​ണ്ടി​രു​ന്നു.”—വെളി​പ്പാ​ടു 14:6, 7.

സാത്താ​നും ഭൂതങ്ങ​ളും, ദൈവ​ത്തി​ന്റെ​യും മനുഷ്യ​ന്റെ​യും ശത്രുക്കൾ

സങ്കടക​ര​മെന്നു പറയട്ടെ, എല്ലാ ദൂതന്മാ​രും ദൈവ​ത്തോ​ടു വിശ്വ​സ്‌ത​രാ​യി​രു​ന്നി​ട്ടില്ല. ചിലർ അവനെ​തി​രെ മത്സരിച്ച്‌, അവന്റെ​യും മനുഷ്യ​വർഗ​ത്തി​ന്റെ​യും ശത്രു​ക്ക​ളാ​യി​ത്തീർന്നു. മുഖ്യ മത്സരി പിശാ​ചായ സാത്താ​നാണ്‌.

സാത്താൻ സ്ഥിതി​ചെ​യ്യു​ന്നു​വെ​ന്ന​തി​നെ ഇന്നു പലരും നിഷേ​ധി​ക്കു​ന്നു​വെ​ങ്കി​ലും, ദുഷ്ടത നിലനിൽക്കു​ന്നു​വെ​ന്ന​തി​നെ ആരും നിഷേ​ധി​ക്കു​ന്നില്ല. ദുഷ്ടത​യിൽ വിശ്വ​സി​ക്കു​മ്പോൾത്തന്നെ, അതി​നൊ​രു ഹേതു ഉണ്ടെന്നു വിശ്വ​സി​ക്കാ​തി​രി​ക്കു​ന്നത്‌ “ഒഴിഞ്ഞു​മാ​റാ​നൊ​ക്കാത്ത ഒരു പ്രശ്‌ന”ത്തിലേക്കു നയിക്കു​ന്നു​വെന്ന്‌ സാത്താന്റെ മരണം (ഇംഗ്ലീഷ്‌) എന്ന പുസ്‌തകം അഭി​പ്രാ​യ​പ്പെ​ടു​ന്നു. “പ്രകടി​പ്പി​ക്കാൻ, നമ്മുടെ സംസ്‌കാ​രം മേലാൽ പദാവലി നൽകാത്ത ഒന്നിനെ സംബന്ധി​ച്ചു നാം ബോധ​വാ​ന്മാ​രാണ്‌.”

നേരേ​മ​റിച്ച്‌, ബൈബി​ളിന്‌ ആ പദാവ​ലി​യുണ്ട്‌, ദുഷ്ടത​യു​ടെ ഉറവി​ട​ത്തെ​ക്കു​റിച്ച്‌ അതു വ്യക്തമാ​യി വിശദീ​ക​രി​ക്കു​ക​യും ചെയ്യുന്നു. യഹോവ സൃഷ്ടിച്ച ദൂതജീ​വി​കൾ എല്ലാവ​രും നീതി​നി​ഷ്‌ഠ​രും നല്ലവരു​മാ​യി​രു​ന്നു; അവൻ ദുഷ്ടദൂ​ത​ന്മാ​രെ ആരെയും സൃഷ്ടി​ച്ചി​ല്ലെന്ന്‌ അതു വിശദീ​ക​രി​ക്കു​ന്നു. (ആവർത്ത​ന​പു​സ്‌തകം 32:4; സങ്കീർത്തനം 5:4) എന്നാൽ, മനുഷ്യ​രെ​പ്പോ​ലെ, ദൂതന്മാർക്കും ശരിയോ തെറ്റോ തിര​ഞ്ഞെ​ടു​ക്കു​ന്ന​തി​നുള്ള പ്രാപ്‌തി ലഭിച്ചി​രു​ന്നു. പൂർണ​രായ ഈ ആത്മപു​ത്ര​ന്മാ​രിൽ ഒരുവൻ യഹോ​വ​യ്‌ക്ക്‌ അർഹത​പ്പെട്ട ആരാധന തനിക്കു കരസ്ഥമാ​ക്ക​ണ​മെന്ന സ്വാർഥാ​ഗ്രഹം വളർത്തി​യെ​ടു​ത്തു. അങ്ങനെ അവന്‌ “എതിരാ​ളി” എന്നർഥ​മുള്ള സാത്താൻ എന്ന പേരു ലഭിച്ചു. (യാക്കോബ്‌ 1:14, 15 താരത​മ്യം ചെയ്യുക.) ചില ആഫ്രിക്കൻ മതങ്ങൾ പഠിപ്പി​ക്കു​ന്ന​തു​പോ​ലെ സാത്താൻ കേവല​മൊ​രു സൂത്ര​ശാ​ലി​യല്ല; അവനു പതിവാ​യി ബലിയർപ്പി​ക്കു​ന്ന​വരെ സംരക്ഷി​ക്കുന്ന ഒരു “അംഗരക്ഷക”നുമല്ല. അവൻ തീർത്തും ദുഷ്ടനും ദ്രോ​ഹി​യു​മാ​ണെന്നു ബൈബിൾ പ്രകട​മാ​ക്കു​ന്നു.

ദൈവ​ത്തി​നെ​തി​രായ മത്സരത്തിൽ മറ്റു ദൂതന്മാർ സാത്താ​നോ​ടു പക്ഷം​ചേർന്നു. ഈ ഭൂതദൂ​ത​ന്മാ​രും ഭൂമി​യി​ലെ ആളുക​ളു​ടെ ശത്രു​ക്ക​ളാണ്‌. അവരും ദുഷ്ടരും ദ്രോ​ഹ​ബു​ദ്ധി​ക​ളു​മാണ്‌. കഴിഞ്ഞ​കാ​ലത്ത്‌, അവർ ചില മനുഷ്യ​രെ ഊമരും അന്ധരു​മാ​ക്കി. (മത്തായി 9:32, 33; 12:22) കുട്ടികൾ ഉൾപ്പെടെ മറ്റുള്ള​വർക്ക്‌ അവർ രോഗ​ത്താ​ലോ മനോ​വൈ​ക​ല്യ​ത്താ​ലോ യാതന വരുത്തി. (മത്തായി 17:15, 18; മർക്കൊസ്‌ 5:2-5) വ്യക്തമാ​യും, സാത്താ​നു​മാ​യോ ഭൂതങ്ങ​ളു​മാ​യോ യാതൊ​രു ബന്ധവു​മു​ണ്ടാ​യി​രി​ക്കാൻ ബോധ​മുള്ള ആരും ആഗ്രഹി​ക്കു​ക​യില്ല.

പൂർവി​കർ എവിടെ?

മരണം ജീവി​ത​ത്തി​ന്റെ അവസാ​നമല്ല, പിന്നെ​യോ ദേവന്മാ​രു​ടെ​യും പൂർവി​ക​രു​ടെ​യും അധീന​ത​യി​ലുള്ള ആത്മമണ്ഡ​ല​ത്തി​ലെ ജീവനി​ലേ​ക്കുള്ള കേവല​മൊ​രു കൂടു​മാ​റ്റ​മോ കടന്നു​പോ​ക​ലോ ആണെന്ന്‌ ആഫ്രി​ക്ക​യി​ലും മറ്റുള്ളി​ട​ങ്ങ​ളി​ലു​മുള്ള കോടി​ക്ക​ണ​ക്കിന്‌ ആളുകൾ വിശ്വ​സി​ക്കു​ന്നു. ആഫ്രിക്കൻ മതങ്ങളെ സംബന്ധി​ച്ചു കാര്യ​ജ്ഞാ​ന​മുള്ള, പണ്ഡിത​നായ ജോൺ മ്‌ബിറ്റി, “ജീവനുള്ള മരിച്ചവർ” എന്ന്‌ അദ്ദേഹം വിളി​ക്കുന്ന പൂർവി​ക​രി​ലുള്ള വിശ്വാ​സ​ത്തെ​ക്കു​റിച്ച്‌ എഴുതു​ന്നു: “ആഫ്രി​ക്ക​ക്കാർക്ക്‌ ഏറ്റവു​മ​ധി​കം താത്‌പ​ര്യ​മുള്ള ‘ആത്മാക്കളാ’ണ്‌ അവർ . . . [ഭൂമി​യി​ലെ] കുടും​ബ​ത്തിൽ എന്തു സംഭവി​ക്കു​ന്നു​വെന്ന്‌ അവർക്ക്‌ അറിയാം, അതിൽ അവർക്കു താത്‌പ​ര്യ​വു​മുണ്ട്‌. . . . കുടുംബ കാര്യങ്ങൾ, പാരമ്പ​ര്യ​ങ്ങൾ, സദാചാ​ര​സം​ഹിത, പ്രവർത്ത​നങ്ങൾ എന്നിവ​യു​ടെ സംരക്ഷ​ക​രാണ്‌ അവർ. ഈ കാര്യ​ങ്ങ​ളി​ലെ അപരാ​ധങ്ങൾ ആത്യന്തി​ക​മാ​യി, കുടും​ബ​ങ്ങ​ളു​ടെ​യും സമുദാ​യ​ങ്ങ​ളു​ടെ​യും അദൃശ്യ പൊലീസ്‌ എന്ന സ്ഥാനത്തു പ്രവർത്തി​ക്കുന്ന പൂർവി​കർക്കെ​തി​രായ അപരാ​ധ​ങ്ങ​ളാണ്‌. എന്തെന്നാൽ അവർ ഇപ്പോ​ഴും ‘ആളുകളാ’ണ്‌, അതു​കൊണ്ട്‌ മനുഷ്യർക്കും ദൈവ​ത്തി​നും ഇടയി​ലുള്ള മധ്യവർത്തി​ക​ളു​ടെ ഏറ്റവും നല്ല ഗണം ഈ ജീവനുള്ള മരിച്ച​വ​രാണ്‌: അവർക്ക്‌ മനുഷ്യ​രു​ടെ ആവശ്യങ്ങൾ അറിയാം. അവർ ‘അടുത്ത​കാ​ലത്ത്‌’ മനുഷ്യ​രോ​ടൊ​പ്പം ഇവി​ടെ​യു​ണ്ടാ​യി​രു​ന്നു, അതേസ​മയം ദൈവ​വു​മാ​യി ആശയവി​നി​യമം ചെയ്യു​ന്ന​തി​നുള്ള സരണികൾ അവർക്കു പൂർണ​മാ​യും പ്രാപ്യ​മാണ്‌.”

എന്നാൽ, മരിച്ച​വ​രു​ടെ അവസ്ഥ​യെ​ക്കു​റി​ച്ചു ബൈബിൾ എന്താണു പറയു​ന്നത്‌? “ജീവനുള്ള മരിച്ചവർ” എന്നൊരു സംഗതി ഇല്ലെന്ന്‌ അതു പ്രകട​മാ​ക്കു​ന്നു. ആളുകൾ ജീവനു​ള്ള​വ​രോ മരിച്ച​വ​രോ ആണ്‌—രണ്ടവസ്ഥ​യി​ലും​കൂ​ടെ ആയിരി​ക്കാൻ സാധ്യമല്ല. മരിച്ച​വർക്കു കേൾക്കാ​നോ കാണാ​നോ സംസാ​രി​ക്കാ​നോ ചിന്തി​ക്കാ​നോ കഴിയു​ക​യി​ല്ലെന്നു ദൈവ​വ​ചനം പഠിപ്പി​ക്കു​ന്നു. മരിച്ചവർ ജീവി​ച്ചി​രി​ക്കു​ന്ന​വരെ നിയ​ന്ത്രി​ക്കാ​വുന്ന ഒരു സ്ഥാനത്തല്ല. ബൈബിൾ പറയുന്നു: “മരിച്ച​വ​രോ ഒന്നും അറിയു​ന്നില്ല; . . . അവരുടെ സ്‌നേ​ഹ​വും ദ്വേഷ​വും അസൂയ​യും നശിച്ചു​പോ​യി; . . . നീ ചെല്ലുന്ന പാതാ​ള​ത്തിൽ [ശവക്കു​ഴി​യിൽ] പ്രവൃ​ത്തി​യോ സൂത്ര​മോ അറിവോ, ജ്ഞാനമോ ഒന്നും ഇല്ല.” (സഭാ​പ്ര​സം​ഗി 9:5, 6, 10) “അവൻ [മനുഷ്യൻ] മണ്ണി​ലേക്കു തിരി​യു​ന്നു; അന്നു തന്നേ അവന്റെ നിരൂ​പ​ണങ്ങൾ നശിക്കു​ന്നു.”—സങ്കീർത്തനം 146:4.

പൊടി​യി​ലേക്കു തിരി​കെ​ച്ചേ​രു​ന്നു

ഇതു വിശ്വ​സി​ക്കു​ന്ന​തി​നു നിങ്ങൾക്കു ബുദ്ധി​മു​ട്ടാ​ണെ​ങ്കിൽ, ആദ്യമ​നു​ഷ്യ​നായ ആദാമിന്‌ എന്തു സംഭവി​ച്ചെന്നു പരിചി​ന്തി​ക്കുക. യഹോവ “നിലത്തെ പൊടി​കൊ​ണ്ടു” ആദാമി​നെ നിർമി​ച്ചു. (ഉല്‌പത്തി 2:7) യഹോ​വ​യു​ടെ കൽപ്പന​യോട്‌ ആദാം അനുസ​ര​ണ​ക്കേടു കാണി​ച്ച​പ്പോൾ, മരണമാ​യി​രു​ന്നു ശിക്ഷ. ദൈവം അവനോ​ടു പറഞ്ഞു: “നിലത്തു​നി​ന്നു നിന്നെ എടുത്തി​രി​ക്കു​ന്നു; [നീ] അതിൽ തിരികെ[ചേരും]; . . . നീ പൊടി​യാ​കു​ന്നു, പൊടി​യിൽ തിരികെ ചേരും.”— ഉല്‌പത്തി 3:19.

പൊടി​യിൽനിന്ന്‌ ദൈവം ആദാമി​നെ സൃഷ്ടി​ക്കു​ന്ന​തി​നു​മുമ്പ്‌, ആദാം അസ്‌തി​ത്വ​ത്തിൽ ഉണ്ടായി​രു​ന്നില്ല. അതു​കൊണ്ട്‌ അവൻ ‘പൊടി​യി​ലേക്കു തിരികെ ചേർന്ന’പ്പോൾ, പൊടി​പോ​ലെ, അവൻ വീണ്ടും ജീവനി​ല്ലാ​ത്ത​വ​നാ​യി​ത്തീർന്നു. പൂർവി​ക​രു​ടെ ആത്മാക്ക​ളു​ടെ മണ്ഡലത്തി​ലേക്ക്‌ അവൻ കടന്നു​പോ​യില്ല. അവൻ സ്വർഗ​ത്തി​ലേ​ക്കോ നരകത്തി​ലേ​ക്കോ പോയില്ല. അവൻ മരിച്ച​പ്പോൾ, അത്‌ അവന്റെ അവസാ​ന​മാ​യി​രു​ന്നു.

മരണത്തി​ങ്കൽ മറ്റു മനുഷ്യർക്കും അതുത​ന്നെ​യാ​ണോ സംഭവി​ക്കു​ന്നത്‌? തീർച്ച​യാ​യും. ബൈബിൾ പ്രസ്‌താ​വി​ക്കു​ന്നു: “എല്ലാം [മനുഷ്യ​രും മൃഗങ്ങ​ളും] ഒരു സ്ഥലത്തേക്കു തന്നേ പോകു​ന്നു; എല്ലാം പൊടി​യിൽനി​ന്നു​ണ്ടാ​യി, എല്ലാം വീണ്ടും പൊടി​യാ​യ്‌തീ​രു​ന്നു.” (സഭാ​പ്ര​സം​ഗി 3:20) മരിച്ച മനുഷ്യ​രെ ഒരു പറുദീ​സാ ഭൂമി​യി​ലെ ജീവനി​ലേക്കു ദൈവം വിളി​ച്ചു​ണർത്തു​മെന്നു ബൈബിൾ നിശ്ചയ​മാ​യും പറയുന്നു. എന്നാൽ ആ സമയം ഇപ്പോ​ഴും ഭാവി​യി​ലാണ്‌. (യോഹ​ന്നാൻ 5:28, 29; പ്രവൃ​ത്തി​കൾ 24:15) അതിനി​ട​യിൽ, മരിച്ച​വർക്കു നമ്മെ സഹായി​ക്കാ​നോ ഉപദ്ര​വി​ക്കാ​നോ കഴിയാ​ത്ത​തി​നാൽ നാം അവരെ ഭയപ്പെ​ടു​ക​യോ അവർക്കു ബലിയർപ്പി​ക്കു​ക​യോ ചെയ്യരുത്‌.

മരിച്ച പൂർവി​ക​രു​ടെ അവസ്ഥ സംബന്ധിച്ച്‌ ആളുകളെ വഴി​തെ​റ്റി​ക്കാ​നാ​ണു സാത്താ​നും അവന്റെ ഭൂതങ്ങ​ളും ആഗ്രഹി​ക്കു​ന്നത്‌. അതു​കൊണ്ട്‌, മരണാ​ന​ന്ത​ര​വും ആളുകൾ ജീവി​ക്കു​ന്നു​വെ​ന്നുള്ള ഭോഷ്‌ക്‌ അവർ പ്രോ​ത്സാ​ഹി​പ്പി​ക്കു​ന്നു. അവർ ഇതു ചെയ്യുന്ന ഒരു വിധം കെട്ടു​ക​ഥ​ക​ളി​ലൂ​ടെ​യാണ്‌. (1 തിമൊ​ഥെ​യൊസ്‌ 4:1) മരിച്ച​വ​രു​മാ​യി ആശയവി​നി​യമം ചെയ്‌തെന്നു ചിന്തി​ക്കാൻ തക്കവണ്ണം, ദർശന​ങ്ങ​ളെ​യും സ്വപ്‌ന​ങ്ങ​ളെ​യും ആത്മമധ്യ​വർത്തി​ക​ളെ​യും ഉപയോ​ഗി​ച്ചു​കൊണ്ട്‌ അവർ ആളുകളെ വഞ്ചിക്കു​ന്നു. എന്നാൽ സമ്പർക്കം പുലർത്തി​യതു മരിച്ച​വ​രു​മാ​യി​ട്ടല്ല. പകരം, മരിച്ച ആളുക​ളാ​യി നടിക്കുന്ന ഭൂതങ്ങ​ളു​മാ​യി​ട്ടാണ്‌. പ്രത്യ​ക്ഷ​മാ​യോ ഭാവി​ക​ഥ​ന​വി​ദ്യ പോലുള്ള മാർഗ​ങ്ങ​ളി​ലൂ​ടെ പരോ​ക്ഷ​മാ​യോ മരിച്ച​വ​രോട്‌ ആലോ​ച​ന​ക​ഴി​ക്കു​ന്ന​തി​നെ യഹോവ ശക്തമായി കുറ്റം​വി​ധി​ക്കു​ന്നത്‌ അതു​കൊ​ണ്ടാണ്‌.—ആവർത്ത​ന​പു​സ്‌തകം 18:10-12.

[6-ാം പേജിലെ ചിത്രം]

ദർശനങ്ങളിലൂടെയും സ്വപ്‌ന​ങ്ങ​ളി​ലൂ​ടെ​യും ആത്മമധ്യ​വർത്തി​ക​ളി​ലൂ​ടെ​യും ഭൂതങ്ങൾ ആളുകളെ വഞ്ചിക്കു​ക​യും ഭയപ്പെ​ടു​ത്തു​ക​യും ചെയ്യുന്നു

[7-ാം പേജിലെ ചിത്രങ്ങൾ]

ആളുകളെ വഴി​തെ​റ്റി​ക്കു​ന്ന​തിന്‌ ഭൂതങ്ങൾ മരിച്ച​വ​രാ​യി നടിക്കു​ന്നു